التاريخ : 8-12-2007
يوم الملجة .. الكل كان لاهي الكل كان مشغول .. والكل حاول ان يلهي نفسه دبل عشان لا يفكر او يحس بالحذر من وليد .. الكل كان يدور في باله هالسؤال : وليد راح يظهر اليوم ؟؟ هل راح تكون له ردة فعل ؟؟ ولاول مرة تصير .. مساعد وماجد وراشد كانو في البيت من الضحى .. لدرجة ان مساعد وماجد يايبين دشاديهم وغترهم وشغلهم بيت ام راشد .. الوضع في حالة تأهب .. علي يالهم عالغدا .. وعامر يالهم العصر .. الكل كان متفق ان اليوم لازم نوقف وليد عند حده ونحط حق اي تصرف حد ..
مريم كانت خايفة بس مو مثل ما كانت خايفة لما تزوجت وليد .. البنات يسولفون ويضحكون وكانت فرحتهم اكبر يمكن لانهم كبروا وتزوجوا وصاروا يعرفون قيمة هالامور وهالمناسبات .. غير ان الايام اللي كانت مريم فيها مريضة كانت ايام ثقيلة وطويلة اليوم عن شهر والشهر عن عشر سنين .. سبحان الله الايام الحزينة تمر بطيئة وثقيلة .. لكن لحظات الفرح تمر مثل لمح البصر ..
انوار: عامر حبيبي
عامر: هلا والله .. شلونج
انوار: بخير .. اشتقت لج ((باسته على خده ))
عامر: لحد يشوفنا
انوار: لا ماكو احد كلهم بالصالة .. وينك اليوم كله ما شفتك
عامر: شسوي
انوار: لا لا انا زعلانة عليك
عامر: لا تزعلين انتي لو تدرين ليش انا متأخر صدقيني ما بتزعلين
انوار: لا لا اصلا انا زعلت وخلصت
عامر: فديت البوز .. خلاص لا تزعلين تعالي معاي اراضيج
انوار: امبيه وين ؟؟
عامر: مالج شغل عالي
انوار: استح مساعد وماجد وراشد وعلي برة
عامر: لا لا تخافين بالليل اكلج واحنا بروحنا الحين براضيج بشي ثاني
انوار: شنو قولي ؟؟
عامر: تعالي وشوفي مرة وحدة ليش اخربها عليج
انوار: اوكي يالله
وطلعوا حق سيارة عامر .. بطل عامر الباب الوراني حق انوار بعد ما قالها غمضي عيونج
عامر: بطلي عيونج الحين
انوار: امبيييييييييييييييييه حياتي حيات حياتي .. فديييييييييتك يا قلبي شنو هذا ؟؟
عامر: هذا ؟؟ هذا هدية اراضي فيها مرتي الحلوة الكتكوتة
انوار: واااااااااااااااااااااااااااي ذوق قمة الذوق .. وطبعا اكيد انا استاهل
عامر: تستاهلين اكيد .. تعالي داخل بطلي الجيس
الهدية كانت عبارة عن جيس لويس فويتون بس طبعا ما يندرا شنو داخل الجيس
انوار: امبيه عموري تهبل الجنطة تسلم ايدك .. ليش كلفت على نفسك
عامر: ما كلفت ولا شي مو انتي تستاهلين ؟؟
انوار: اي اكيد
عامر: خلاص .. انزين بطلي داخل الجنطة
انوار: شنو داخلها بعد
عامر: شوفي
انوار: وااااااااااااااااااااااااي يهبل البوك .. اينن ..
عامر: حطي ايدج عدل في شي ثاني
انوار: امبييييييييييييييييييييييييه شنو هذا
عامر: ششايفة انتي ؟؟
انوار: تهبل روعة صج صج حلوة ذوقك يهبل يالشيطان
عامر: انا شيطان ؟؟ حرام عليج
ام راشد: انوارو شفيج تصرخين ينيتي ؟؟
انوار: يمه عامر اهني
ام راشد: وي غبرة .. عامر شلونك يمه ؟؟
عامر: دخلي خالتي حياج
ام راشد: ها شفيج تصرخين .. شلونج يمه عامر شخبارك ؟؟ وينك ما ييت تتغدى ؟؟
عامر: ما عليه تغديت بالدوام
ام راشد: قومي حطي حق ريلج غدا
عامر: لا خالتي كليت لي اي شي عالسريع
انوا{: يمه شوفي عامر شنو يابلي
ام راشد: اي ما شاء الله شحلوهم .. عاد عامر ابو الذوق
عامر: تسلمين خالتي انتي الذوق ((باس راسها ))
ام راشد: تسلم يمه ..
عامر: امي اهني خالتي ؟؟
ام راشد: اي فوق اناديها لك
عامر: لا عادي لما تنزل اكلمها
ام راشد: انزين ادخل الصالة ليش قاعد اهني .. الصبيان كلهم برة
عامر: اي يالله ادش على طول ولا تسوون لي درب
ام راشد: لا ادخل ماكو احد
عامر: السلام عليكم
طبعا انوار خذت الجيس وصعدت فوق ..
علي: وعليكم السلام عديلي
مساعد : هههههههههههههههه هلا والله عامر شلونك
ماجد: هلا هلا عامر حياك تفضل
راشد: هلا عامر شلونك ؟؟ تفضل
علي: ها العديل ... شلونك يالله حيا
عامر: تنكت ويا الويه
ماجد: ههههههههههه يابها عليوي
عامر: بالله ليش ما تدق علي تقوللي انك اهني ؟؟
علي: بالله انا شكو ادق عليك ؟؟ مو عندك مرة خل اهي تدق عليك
مساعد: ها بو حسين بديت تزلغ وايرات على اختي اشوفك ؟
عامر: اي اي شفته ؟
علي: لا والله انا لا ازلغ ولا شي وكاهي خالتي سئلوها .. خالتي .. خالتي وينج تعالي
ام راشد: هلا بو حسين
علي: خالتي بالذمة مو احسن نسيب عندج مو انا ؟؟
عامر: تخسي .. خالتي مالج شغل فيه .. انا من قبل لا اصير نسيبج انا احسن واحد صح ؟؟
راشد: اليوم بيي نسيب يديد ويصك عليكم كلكم
ام راشد: كلكم تهبلون اثنيناتكم عيال اختي واحبكم من قبل لا تناسبوني ..
علي: خالتي شدعوة انا نسيبج الاول ..
ام راشد: لا تزعل علي يمه وليد كان نسيبي الاول بس ما عليه اذا قلت انك الاحسن معناته هم اخوك زين والاحسن لان اخوك ونتو مثل بعض
عامر: والله انك يا خالتي دبلوماسية تنفعين حق الخارجية
علي: يالله حدك ترا مارضى على خالتي لا تضغطها قصدي عمتي ههههههههههههههههههههههه
ماجد: هههههههههههههه الله يعين احمد عليكم شكله بيضيع بالطوشة
علي: لا ماعليك دمه خفييييييييييييييييييف بيرهم معانا ..
ماجد: ليش انت تعرفه ؟؟
مساعد: ها ؟؟ نسيت .. يصير ولد خال ام حسين
ماجد: صج ؟
علي: اي والله .. بس بصراحة تحطه على يمناك .. خوووووووش ريال .. وولد خير ونعمة والنعم فيه خواله مربينه ونسيبه بو يعقوب هم خووش ريال تعرفه نسيبه ترا
ماجد: منو ؟؟
علي: تعرف ديوانية فارس ال ........
ماجد: اي اي شفيها
علي: تذكر لما سوا عشا على سلامة ابوه ؟؟
ماجد : اي
علي: تذكر لما دشوا اربع رياييل كبار بيض شقر .. يشابهون بعض قال اقدم لكم خوالي
ماجد : اي اي عدل شفيهم
علي: اطول واحد فيهم هذا بو يعقوب نسيب احمد .. يصير خال فارس
ماجد : لالالالالا ؟؟ ما توقعت تصدق عاد امي ام راشد قالتلي اسم عايلته بس ما ربطت كلش ان يمكن يصير حق فارس
علي: خو اهما عايلة وحدة مافي غيرهم بالديرة
ماجد: اي تصدق بس كلش ما يا على بالي
علي: لحظة هذي اختك تصل علي .. الو
فاطمة: الو علاوي حبيبي
علي: هلا
فاطمة: الكرت مافيه فلوس .. توهقت والحين احنا بالصالون شلون
علي: ولين .. شلون ؟؟ انتي صارفتهم شي
فاطمة: لا شلون صارفتهم ؟؟ انته مساع معطيني الكرت
علي: اي صح صح .. والحين شلون لحظة نطري .. راشد عندكم انترنت
راشد: لا انقطع الشهر اللي طاف وما جددنا
مساعد: ليش شصاير عسى ما شر ؟
علي: ما شر بس البطاقة مافيها وبحول حق فطوم .. شوفي خل اشوف شلون احولج فلوس وادق عليج
فاطمة: واذا ما صار عمري ؟
علي: ما عليج اتصرف يمكن اييبلج ياهم وين صالونكم ؟؟
فاطمة: الشعب
علي: اولله .. خلاص خلاص عطيني خمس دقايق
فاطمة يالله ناطرتك
راشد: شفيهم البنات ؟؟
علي: الكرت مافيه فلوس .. الظاهر معطيها كرت مصفر ..
راشد: اروح اوديلهم فلوس انا مو مشكلة
علي: اقعد شيوديك تعلمت تتمشور .. صج حريم مستغلينك
راشد: ههههههههه عادي خواتي خو
عامر: اشوه عندنا اخت وحدة وامي فكتنا منها من زمان
ماجد : ههههههههههههههههههههه يلعن خيركم
راشد: مو مشكلة انا اروح الحين
علي: خلني انا اروح ..
عامر: نطرو لحظة .. انوار بعدها ما راحت
راشد: منو بيوديها ؟؟ انت
عامر: مادري .. خنشوفها .. انوااااار .. يا انواااااااار ...
انوار: (( واقفة عالدري )) هلا هلا
عامر: هلا فيج .. منتي رايحة الصالون ..
انوار: امبلى الحين قاعده ابدل ..
عامر: اوديج
انوار: اي ودني
عامر: انزين اي صالون بتروحين
انوار: الشعب
عامر: حق خواتج
انوار: اي اي .. ليش ؟
عامر: عشان اختك نست فلوسها علي بيعطيج حقها فلوس
انوار: اوكي خمس دقايق واخلص لبس وانزل
ام راشد: ها شفيكم ؟؟
علي: لا خالتي ماكو شي .. بس انا عطيت فطوم الكرت الفاضي .. وماعندها فلوس تدفع
ام راشد: وي وشالدبرة
علي: لا الحين عامر يقط عليهم انوار وبعطيها فلوس
ام راشد: زين اشوه
عامر: وين امي خالتي ..
ام راشد: على اساس انها فوق
راشد: لا خالتي ام علي راحت مع بدرية مادري وين
ام راشد: متى
راشد: من شوية مادري بس شفتهم طلعوا
ام راشد:اييييييي مادري والله
راشد: يمه تبين شي ؟؟ ماشيات ؟
ام راشد: لا يمه ابيك سالم .. وين انوارو
عامر: الحين تنزل خالتي ...
ام راشد: خل ادق على ام مبارك خل استعيلها لا تتأخر ..
مريم كانت بالصالون مع فاطمة .. وراحت لهم انوار .. مريم راحت عبير الياسين .. طبعا البدلة كانت خرافة .. قمة بالروعة .. اسرار شرتها واهدتها حق مريم .. البدلة من الاسطورة .. فخمة وراقية بطريقة خيالية .. لونها اوفوايت تنفع حق ملجة فخمة .. طبعا بما ان شعر مريم كاريه حطوا له اكتنشن وسوو لها تسريحة ملكية تهبل وتاج الماس .. هالتاج مال منار خذته مريم لانها كانت تبي تطلع مثل الاميرات .. وبما ان بعض اهل احمد كانوا رافضين ان يتزوج مريم بما انها مطلقة مريم حبت تثبت لهم انها اميرة وحلوة وجميلة وتستاهل هالتضحية بما ان الناس تاخذ بالماديات والشكليات يعني محد فكر ان مريم خووش بنية ومحترمة ومتربية احسن تربية لا فكروا انها مطلقة وكانها مسوية شي منكر .. واكثر ناس كانوا معارضين بيت اهل دانة عمة احمد .. وهذا كله لان علي اخذ اخت مريم .. لكن ام واخت احمد ما اهتموا حق اي احد دام ان هذا قرار احمد .. وبالعكس كانوا خالاته وحريم خواله مقدرين هالقرار ومحترمينه ومستانسين حق احمد وايد .. بالرغم من انهم كانوا يتمنونه حق بناتهم .. بس كل شي قسمة ونصيب والناس اللي قلبها ابيض راح تتمنى الخير للكل حتى لو ما كان من نصيبها ..
دشت انوار الصالون : وااااااااااو تسريحتج تهبل مريمو والتاج تحفة بسوي جذي بعرسي
فاطمة: اشوف تعالوا اهووووووووووووووو عشتو ؟؟ من وين لج هالجنطة ست الحسن والجمال ؟؟
انوا{: واي دفاشة
فاطمة: عشتو من متى انوارو خلصيني من وين لج تهبل مصيبة
انوار: عموري يابها لي هدية وشوفي هالساعه بعد
مريم: تهبل عليج بالعافية
فاطمة: عشتو عشتو عشتو .. وشنو المناسبة ؟؟
انوار: امبيه فطوم محترة ؟؟ موتي عيل موتي
فاطمة: جبح ويه انا محترة يالحين اقول ماشي
انوار: انا لبستها بالعمالة عشان احرج ههههههههههههههههههههههه
فاطمة: خبيثة ههههههههههههههههههههههههههههههههه لا والله تهبل عليج بالعافية
انوار: يعافيج قولي حق علاو يشتريلج مثلها
فاطمة: لا يمعوده ماحب استحي .. اهو توه شاريلي جنطة وميدالية وبوك بعيد ميلادي هم اقوله الحين ييب لي
انوار : تتوقعين جم سعرها ؟؟
فاطمة: مادري بس مو اقل من 450 ال في غالي
انوار: صج ؟؟ شدراج
فاطمة: اشوف منار تسولف واحيانا تشتري توريني
انوار: انتي ماعندج ال في
فاطمة: امبلى عندي بس صغيرة
انوار: من وين شريتيها
فاطمة: من دبي ..
انوار : حلو حلو .. امبيه وناسة اول جنطة ماركة ييييييييييوووووووووووووبي
فاطمة: اكلي هوا .. حرام عليج خالتي تارستلج الدزة جناط
انوار: حرام عليج مو تارستها .. 3 جناط بس
فاطمة: شتبين؟؟ تبينها تشتريلج البوتيك ؟؟ حمدي ربج
انوار: واي كليتيني الحمدلله ما قلنا شي بس مادري هذي احلى
فاطمة: لانها كبير يالمشفوحة
انوار: مريوم شوفيها
مريم: ها ؟؟ شنو
انوار: اللي واخد عئلو .. يا يبه بعد شوي بتملجون شتفكرين فيه
مريم: ما افكر بشي وبسكم تحلطم مريم سوي شعرج تأخرتي
انوار: اوكي .. فاطمة هاج علي عطاني هالفلوس ..
فاطمة: اوكي مشكورة
فاطمةدزت حق علي مسج : مشكور حبيبي عالفلوس .. مشتاقتلك وترا اليوم مو بس عرس مريم :*
انوار دزت مسج حق عامر : مشكور يا قلبي عالجنطة كل شوي ابوسها واتذكرك .. مشتاقلك موت .. انطرني اليوم ابيك تشوفني
مريم دزت حق احمد مسج : صج انا وياك اليوم راح نتزوج ؟؟؟
علي رد على فاطمة : عيوني لج يالغالية ومن غير لا تقولين ناطرج ولا اتعبين نفسج بالحفلة وايد عشان تصحصحين لي .. اي لون مكياجج ؟؟
عامر دز حق انوار مسج : العفو يا حياتي وما يغلى عليج شي اليوم ما راح اقدر اطول .. لان باجر دوامي 7 استانسي بالحفلة
احمد دز مسج حق مريم : اليوم اليوم يا قلب احمد راح نتزوج وان شاء الله ما نفترق طول العمر .. احبج واعد الدقايق متى اشوفج ؟؟؟
