(( مذكرات مريم .. مذكرات في طي النسيان ))

[ذلتني عيونك]

يسلموووووووووووووو على البارت

 

[نكي مشترك]

من امس وانا اقرا البارتات والقصه تيييييييييييييييييييين يعطييييييييييييج الف عافيثه وناطرين البارت الياي
واتمنى وجودي ما يضايقج

 

[مس دايموند]

ناطرينج ياعسل لاطولين​

 

[JaN JaN]

البارت يشششششووووووققق


ناطريييينج:eh_s(17):

 

[DA3LOoOLA]

يسلمـــــــــــــــــــــــــــــــــــــــــــــــــــــــو


waiting

 

[MaFaZ]

ودخلت مريم الحفلة .. كانت ملكة .. الكل انأسر بجمالها وبجمال عينها ونظرتها وحياها وهدوئها .. الكل كان يطالع اختيار احمد .. وحتى اللي عارضوا قالوا بقلبهم واو ...

هالمرة مريم دشت حفلتها .. غير عن المرة الاولى... واثقة وسعيدة .. مو مترددة ولا خايفة .. مو قاعده تترقب شي .. دخلت بثقة تسلب الانفاس ..

ام راشد سمت على بنتها وخنقتها العبرة .. وبالرغم من فرحتها الا ان داخل اعماقها تمنت ان مريم اتم مع وليد و تييب يهال .. ما تمنت هالحياة المعقدة حق بنتها ..

اسرار كانت فراحة وايد وخاصة ان اللي دشت كعروسة احمد اهي مريم .. الكل صفق الكل هلل .. الحفلة كانت روعة وواو .. كل شي فخم وكل شي راقي .. بوكيهات الورد .. باقات الورد بكل مكان حتى بالحمامات .. الككاو الضيافة العصير طريقة التقديم كلها كانت واو .. كان اليوم خيالي للكل .. الكل رقص واستانس .. اهل احمد ناس راقيين وايد .. فكان جو الحفلة جو الكلاس والرقي .. وبما ان الحفلة كانت في بيت عمته بالمسيلة .. الحفلة كانت بالصالات داخل والبوفيه والطاولات برة على حمام السباحة والحديقة البرانية وقبل ما يفتحون البوفيه اعلنوا ان المعرس وصل ...

ودخل احمد .. كان مبين عليه ان منشده بجمال مريم وحلاتها .. لدرجة ان الكل كان يضحك على شكله ويتساسر ..

احمد استخف على مريم و شكلها .. دخل بدشداشة وغترو وعقال .. كان سكبة وكشخة ويهبل .. نص بنات الحفلة اذا مو ثلاث ارباعهم ينوا عليه وتمنوه لهم ..

ويا احمد وقعد يم مريم عالكوشة .. ويت اسرار على طول باسته وباركتله ووقفت يمه لانه حده متخزبق .. ويابو الدبل ولبسو مري ماحلى واجمل وارقى واغلى دبلة .. الدبلة كانت هدية ام احمد ..

كانت ام احمد مرة كبيرة ما قدرت تقوم .. عشان جذي تمت قاعده عالغنفات واسرار اهي اللي وقفت يم احمد ..

اسرار : ها شلون عروستك ؟
احمد: اسرار سكتي عني ترا متخزبق جدام هالحريم مادري شسوي
اسرار: هههههههههههه تماسك يا بطل .. مبروك حبيبي
احمد: يبارك فيج يا ام يعقوب .. ما قصرتي ..
اسرار: طالع عروستك مالك شغل فيني
احمد: احبج
مريم: وانا بعد
احمد: متى نطلع ؟
مريم: مادري
احمد: متى الناس يروحون
اسرار: مادري ليش ؟؟
احمد: ولين بطلع انا ومرتي
اسرار: اييييييييي .. عادي اطلع وقت ما تبي خو مالك شغل بالناس
احمد: صج
اسرار : اي صج متى ما تبي اطلع
احمد: الحين
اسرار: عاد م والحين انطر بو خمس دقايق
احمد: بلحق عالمطاعم
اسرار: ما عليه انطر شوي خل اكلم الدي جي يحط لكم اغنية
احمد: يالله اوكي ..

يت فاطمة وبدرية وقفوا يم مريم
بدرية: مريم .. الحين راح ترقصين
مريم: شنو ؟؟ بدورة لا
بدرية: ماكو بتقومين يعني بتقومين
فاطمة: انتي نسيتي شنو قلتي ؟؟ كنتي تبين تسوين اللي ما سويتيه صح
مريم: صح بسس استحي
بدرية: ماكو تستحين يالله كلمنا يارا وكلمت الدي جي الحين بيحطها لج تزهبي
مريم: انزين اي اغنية
فاطمة: شوفي اهي صج قديمة بسسسسسسسسسسسسسس صدقيني بتعجبج احنا ويارا مضبطين الشغل من زمان

مريم: امبيه لا يكون اللي في بالي ..

وصج بدت الاغنية .. والاغنية قديمة .. بس الاغنية حلوة وكلماتها احلى .. انا شخصيا اعتبر هالاغنية مناسبة حق كل العرايس اللي مثل مريم

انتي حلوة انتي حلوة.. و انتي احلى منها بكلمة
انتي في عيني بصراحة.. والله آية في الجمال

انتي في عيني جميلة.. و انتي في قلبي اصيلة
و انتي قصة الف ليلة.. من حكايات الخيال
والله آية في الجمال..

انتي حلوة انتي حلوة.. و انتي احلى منها بكلمة
انتي في عيني بصراحة.. والله آية في الجمال

يا بعد عيني و روحي.. يا معاناتي و جروحي
اتبعك لو قلت روحي.. و اشتري بعمري وصال
والله آية في الجمال..

انتي حلوة انتي حلوة.. و انتي احلى منها بكلمة
انتي في عيني بصراحة.. والله آية في الجمال



بدرية وفطوم قالوا حق اسرار ان تقول حق احمد يقوم مريم وينزلها من عالبست

وقومها احمد ونزلها عشان ترقص وتم واقف وعيونه تلمع .. يطالع مريم واهو سرحان بجمالها وفرحان الدنيا مو شايلته ..
احمد استخف عليها .. ين .. كان وده ياكلها واهي ترقص .. اما مريم كانت مستانسة ومرتاحة واهي ترقص ما توقعت ان الوضع بيكون جذي ..
خالتها ام اسامة رشت عليها ملح عن العين

وخلصت الاغنية .. مسك احمد ايد مريم و كان بيصعدها البست مرة ثانية

اسرار : لا خلاص اذا تبون تطلعون
احمد: اي يالله خوش ..
فاطمة: يبون يطلعون ام يعقوب ؟؟
اسرار: اي حبيبتي
فاطمة: اوكي عشان اغراض مريم
اسرار: اي مو مشكلة يالله تعالي اييبهم لج ..

وراحت اسرار وفاطمة ويابوا اغراض مريم ..
احمد: مالهم لزوم لا تبدلين خلج بالنفنوف
مريم: شلون محنا رايحين مطعم ؟؟
احمد: ممممممم امبلى بس خل نفتر بالليموزين اول شوي
مريم: وشلون النفنوف
احمد: خليه اقولج لا تحرقين المفاجأة
مريم: اوكي .. فاطمة فاطمة
فاطمة: هلا مريم .. ها بدلتي
مريم: لا تعالي شوي
فاطمة: هلا ..
مريم: احمد يقول لا ابدل
فاطمة: هاو ليش ؟؟ منتو رايحين مطعم
مريم: ممممممم لا شكلنا بنفتر بالليموزين بس
فاطمة: انزين شلون تطلعين بهالنفنوف وهاللوية ؟؟ وكاب وتسريحة ؟
مريم: مادري .. اهو مصر ويقول تأخرنا
فاطمة: اييييييي خلاص خلاص يالله مو مشكلة هاج هذا الكاب (( لبستها الكاب )) وديري بالج على نفسج ولا تردين ببقعه نفسي ديري بالج ههههههههههههههههههه

مريم: الله يخسج لا ماني رادة ببقعه لا تحاتين استحي

وراحت احمد ومريم بالليموزين بعد ما الكل سلم عليهم وودعهم وبارك لهم ..

مريم: وين رايحين ؟؟؟؟؟؟؟
احمد: ممممم مفاجأة
مريم: قولي شنو ؟؟
احمد: مفاجاة .. مريمو اتينين واخيرا .. واخيرا شفتج وقعدت معاج واي قلبي ما يتحمل
مريم: شفت شلون واخيرا
احمد: ((مسك ايدها )) اوعدج ان ماكو شي شين يصير لج وانا موجود ونتي الحين بعيوني
مريم: تسلم عيونك .. ونته بعد .. انا راح اصير زينة عشانك .. وعشان حياتنا تنجح ونعيش بسلام وهدوء
احمد: ان شاء الله يارب .. شفتي خالتج ؟؟ شرايج اشبهها ؟؟
مريم: اي يا قلبي خالتي شكلها حنونة .. وصج انته وايد تشبهها
احمد: فوق ما تتصورين .. امي وشهادتي فيها مجروحة ان شاء الله تعاشرينها وتعرفينها عدل
مريم: ان شاء الله
احمد: يالله وصلنا
مريم: وين
احمد: طلي وشوفي ..
مريم: الهلتون
احمد: يسسسسسسسسس
مريم: شلون انزل ببدلتي احمد
احمد: شلون بتنزلين ؟؟ حالج حال الناس
مريم: اي عشان الغرسونات يضحكون علي
احمد: اي غرسونات ؟؟
مريم: اللي بالمطعم
احمد: محد مطعم يايبه
مريم: عيل شنو ؟؟
احمد: نطري خل اسوي check in وراجع
مريم امبيه من صجك

نزل احمد سوا check in ورد الليموزين وحركت
مريم: ها شنو في ؟
احمد: كانا رايحين
مريم: وين ؟؟
احمد : نطري شفيج مستعيلة يا قلبي
مريم: احمد من صجك انت ؟
احمد: اي من صجي .. فيها شي انتي حلالي
مريم: بسسسس
احمد: كا وصلنا هذا الشاليه مالنا
نزلت مريم ببدلتها وحالتها .. نزلوا الهاند باق .. ونزلت طلع الريال مال الفندق .. قام احمد فصخها الكاب مالها

مريم: احمد ..
احمد: بلا احمد بلا عنبر
مريم: ههههههههههههه شكو
احمد: مادري .. شفيج يا يبه انتي مرتي خلاص
مريم: اوكي بس ..
احمد: بس شنو ؟؟ بعدين انا حجزت اهني عشان ناخذ راحتنا ونسولف ونقعد بدل لا امة محمد تطلطل بويوهنا صح ؟؟ واريح لج انتي تاخذين راحتج

مريم: اي صح بس
احمد: يا مريم يا حبيبتي ماكو شي بس اللي قلتلج عنه اوكي ؟؟ اوعدج
مريم: اوكي
احمد: يالله فصخي
مريم: شنووووووووو ؟؟
احمد: هههههههههههههههههههههههه روحي فوق فصخي او بدلي او اللي اهو
مريم: اوكي

صعدت مريم بدلت ونزلت
احمد: عاد كان ودي اشوفج بالبدلة فترة اطول
مريم: صج ؟؟ ارد البسها
احمد: لا خلج اخذي راحتج حبيبتي .. (( مسك ايدها )) عالي قعدي يمي
مريم: بس التسريحة
احمد: تبين افلها لج
مريم: ما شاء الله خبرة
احمد : اي من صجج .. انا اللي افلل تسريحات يارا
مريم: هههههههههههههههههه من صجك
احمد: اي فقيرة قبل لا تروح العرس او الحفلة افلها واطلع
مريم : حرام عليك
احمد : (( يطالع مريم )) احبج يالخايسة .. واخاف عليج اكثر من روحي
مريم: اوكيييييي
احمد: يالله يالله خل نطالع تلفزيون على ما اييلنا العشا .. تحبين الاكل الايطالي ؟
مريم: اي عادي
احمد: حلو حلو .. عيل طلبت لنا تايلندي
مريم: هههههههههههههه شكو ..
احمد: لا اتغشمر وياج .. طلبت اشياء مختلفة وان شاء الله تعجبج
مريم: اوكي

شغلوا التلفزيون .. وتموا يطالعون ويسولفون .. ولابد بين الحين والاخر تصير بعض الامور اللي تصير بين الازواج ويطخ الجو .. بس احمد سوا هالحركة عشان يبي مريم تسترخي وما تحس بتشنج .. الوضع عجب مريم وايد وحاولت كثر ما تقدر تاخذ راحتها وتموا يسولفون عن كل شي ...

لين داخوا ونامو بالصالة ... والمشكلة ان محد دق على مريم .. ولا احد جيك عليها .. لان احمد متفق مع اسرار .. انها تبلغ اهل مريم .. ان احتمال مريم تتاخر .. صار ما صار مريم مع احمد بالحفظ والصون ..

احمد ومريم قعدوا الساعه 9 الصبح لانهم ما ارتاحوا بالنومة على الغنفات عشان جذي .. قاموا على حيلهم وصعدوا فوق الغرفة وناموا ولا جنهم معاريس امس .. لدرجة ان مريم كان تسريحتها متعفسة .. فجت نصها وخلت نصها من كثر ما كانت تعبانة ومرهقة مال اللوية حتى المكياج ما مسحته ولا قاموا صلوا ولا شي ولا شي حتى الاكل ما كلو عدل

 

[so_what]

البارت عجيييب يسلمو

 

[MISS.D&G]

مشكوووووووووورة ناطرين ...

 

[miss disaster]

يسلمو وناطرين الياي

 

[zoqaaa]

thnxxx 7ada raw3aaa al paart waai fdeeit a7mad ;D

 

[ذلتني عيونك]

ناطرييييييين ونبي بارتين

 

[com-teacher]

وااااااااااااااي يشوقون الله يهنيهم ان شاء الله

حبيتهم واااااااااااايد

 

[Riooma]

thnx 3al part shakla a7mad more7 3ashan chegtheh maryam makhtha ra7at'ha ma3ah alah ekhalehum 7ag ba3ath

 

[A7la Jekra]

yslmouuuuuuuh

 

[meera15]

توقعت يصير اكشن قوي من وليد بالحفله
- عجبني موقف مساعد تجاه مريم ووقفته بصفها ضد وليد
- واحمد يهبل

 

[JaN JaN]

waiting

 

[zooz92]

يحليلهم الله يهنيييهم

يعطيييج العاافية على البااارت

ناااطرينج ..~

 

[انين الانتظار]

تسلم هالانامل حبوووبه وبنتم ناطرينج

وبس

وثاااااااااااااااااانكس^_^

 

[so_what]

waiting

 

[ام عبادي 22]

ناااااااااااطرينج حبيبتي لا تطولين