(( مذكرات مريم .. مذكرات في طي النسيان ))

[توتا كويتيه]

مشكوووووووووووووره حبيبتي ما قصرتي

 

[ذلتني عيونك]

ويييييييييينج نبي باااااارت

 

[ام هديل 87]

مافي بارت اليوم حسافة
عسى المانع خير

 

[so_what]

waiting

 

[عسوله تنقط عسل]

اهيييييييييي بليزززززززززززززززززز كملي كمليييييييييييييييييييييييييييييي كملييييييييييييييييي واوووو القصه حلوه كثير

 

[DA3LOoOLA]

waiting

 

[MaFaZ]

مرت الايام ووليد حالته بالحضيض ما ياكل ولا يشرب وحارق نفسه زقاير .. ما يدري عن منال ولا عن اهله شي .. عايش ومو عايش .. وكل مرة يصبر نفسه فيها كانها يحرق قلبه بيده .. يزيد قهره والمه على فراق مريم .. الايام تمر كانها دقايق .. تعدي عليه ما يحس باليوم شلون يمر عليه .ز يعني تقنيا حياته تمر وتضيع ..

مريم كانت حياتها عادية .. ايام الملجة كانت عادية بالرغم من ان احمد كان طاير فيها .. يودي واييب ويروح ويتشرى ويطلع وسينمات ومطاعم .. وطلعات جماعية بدرية وريلها وفاطمة وريلها و انوار وريلها ومريم واحمد وراشد .. واحيانا روحات وييات لكن بالرغم من كل هذا احمد ما دخل على مريم .. كانت رافضة الفكرة تماما .. .. في شي كان يخليها تأجل شنو اهو ما تدري .. واحمد كان محترم قرارها مع ان مريم مو بنية .. واهي مرته ومن حقه انه يتزوجها وقت ما يبي .. بس كان يبي هالشغلة متبادلة ما يبيها غصب .. مع ان كان مشتاق وملهوف ..

التاريخ : 20-12 -2007
الوقت : 11:00 الصبح
المكان : بيت ام غانم .. تحديدا شقة بدر

وليد: بدر
بدر: هلا ياخوي
وليد: ......
بدر: شفيك ساكت تحجى قول .. حالتك لله .. شوف شصاير فيك
وليد: بدر الله يخليك اسمعني .. ترا سجاجين تغز بقلبي
بدر: استهدى بالله يا اخوي شصاير ... افا عليك بس
وليد: مادري شقول .. انا مستصعب حالتي.. ريال طول بعرض .. اتلوى جني حرمة
بدر: محشوم لا تقول جذي .. قول اللي بتقوله انا اخوك
وليد : ماني قادر خلاص .. الموت ارحم لي .. ماني قادر اتحمل ابي مرتي ابيها ..
بدر: .......
وليد: انته فاهمني .. مو منال .. انا ابي مريم .. انا معلق لاني بالسما ولاني بالارض .. لاني قادر ارفع قضية واردها .. ما يهون علي اسوي في بيت عمي جذي ولاني قادر اتحمل انها تزوجت وخلاص مالي امل فيها ..
ماحس اني مثل هالرياييل .. ماني قادر ........... احبها .. احس من غيرها ماني قادر اتنفس ماني قادر اعيش

بدر: لا حول ولا قوة الا بالله ... لا تسوي بنفسك جذي يا وليد
وليد: ماني قادر (( وطاحت دمعة من عين وليد )) مريم ما كانت مرتي بس .. مريم الانسانة الوحيدة اللي ضحكت معاها من قلب .. مريم المرة الوحيدة اللي دخلت قلبي وما طلعت .. شلون انا بعتها .. ليش ما عذرتني ليش ..

بدر : يا خوي ما يصير تقول جذي هذا نصيبكم وبعدين امي الله يهديها ما قصرت فيها .. وغانم ونوال هم بدعوا يعني الذنب مو ذنبك

وليد: ليش ؟؟؟ انا مو ولدها ؟؟؟؟؟؟؟؟ اهي مو امي ؟؟ ليش هالقسوة ؟؟ ليش .. ونت يا غانم ليش تستغلني باسوأ ظروفي .. بدر ابي مرتي ... (( نزل وليد راسه وقام يبجي ))

قام بدر وحط ايده على جتف وليد وسكت لان وضع وليد ما يسمح ان بدر يتكلم .. حس بدر بالالم والحزن اتجاه اخوه والمواصيل اللي وصلها بسبب امه واخوه .. سارة كانت بالدار سمعت صوت وليد يبجي جنه ياهل .. كل اللي سوته انها نزلت راسها ودمعت عينها على وضع وليد .. لان الريال اذا بجى ما يعني الا ان مكسور ومجروح وهذا شي صعب وما نشوفه بحياتنا وايد ............ فارس كان برة شقة بدر .. كان مار بينزل وسمع صوت وليد واهو يبجي .. قلب فارس تقطع على وليد اخوه .. وقف حيران وقلبه على اخوه .. حس كانها ريوله مو قادره تشيله ... لا اهو قادر يدش شقة بدر ولااهو قادر ينزل تحت .. رد فارس غرفته .. وقعد يفكر بوليد وشلون يحل مشكلته .. واول شي خطر في باله ان يكلم مريم وفعلا مسك تلفونه

فارس: الو
مريم: الو
فارس: شلونج مريم ..
مريم: بخير هلا والله .. انته شلونك
فارس: بخير .. مريم وينج ؟
مريم: خير في شي ؟
فارس: خير ان شاء الله انتي مع ريلج
مريم: لا لا... شنو صاير فارس ؟؟
فارس : ............
مريم: الو
فارس: وياج وياج .. مادري شقولج
مريم: .... وليد ؟؟
فارس: اي ... مريم الله يخليج ارجوج وليد قاعد يموت ...
مريم: ........
فارس: ماتدرين شلون قاعد يتعذب ... اخوي قاعد يموت .. انا ادري انج طيبة ونتي تدري ان اللي سواه كان اهو فاقد الذاكرة وليد يحبج .. وليد ما يحبج حب عادي .. انا اتوقع حبه تعدى حب الافلام والقصص عمري ما شفت احد يحب بهالطريقة ...


كان فارس يسولف ومريم سرحانة ودموعها تنزل من غير شعور كانت مثل المطر على خدودها الضعيفة وكل اللي يا في بالها

كبرتني يآهم دخيلك قوول للدنيآ ,, آنآ عمري الحقيقي كم ..!!
كبرتني ياهم تروح سنين من عمري تضيع وما احد مهتم
مآعآد لي فيها امل هالدنيا هذي يوووم
عمري ذبل حلمي انقتل فرحي غدا معدوووم

ابعرف وش سبب حزني ابعرف وش سبب الهموم.!!!!!!
كثير احزان في الدنيا سببها دعوة المظلوم
امانه ياللي سامعني اذا اني ظلمتك يووووم
تعال وقل مسامحني ترى والله جفاني النووم
انا ماعشت ابد سني ولا حسيت بغير الآه
احس عمري رحل مني واحلامي رحلت وياه
زماني يروح ويذبحني واعاني من التعب والقاه
واقول الله يعوظني لي الجنه بإذن الله
وحالي صار حالي غم كأني مادعت لي ام
وكل ليله تمر اقوووووووووووول كبرتني يآآآهم





فارس: الو .. الو .. مريم كلميني الله يخليج انا م وقصدي ازعلج بس ..
مريم: شنو تبيني اسوي ؟؟ خلاص كل شي راح وانتهى .. وليد انتهى من حياتي
فارس: لا لا مريم لا تقولين جذي مريم
مريم: خلاص فارس انته اللي ارجوك انا بكمل حياتي
فارس: فهميني يا بنت عمي ترا سالفتكم مو سالفة عادية وكل واحد يكمل حياته .. انا متأكد انج تحبين اخوي لحد الحين .. انتي تزوجتي احمد عشان تنسين وليد .. ادري فيج .. لا تظلمين وليد ولا تظلمين ولد الناس معاج شيسوا عليج تقعدين في يوم وتكتشفين انج لحد الحين تبين وليد وانج ضيعتي الفرصة

مريم: فارس ارجوك بس خلاص ليش جذي تسوي فيني
فارس: ووليد
مريم: وانا
فارس: مريم فهميني .. انا ما اقدر اتكلم واقول اكثر من هالكلام .. كل اللي اقدر اقوله .. ان وليد قاعد يموت يوم عن يوم . زاهد الدنيا واللي فيها مرته في بيت اهلها .. وولده ما يدري عنه .. لا سلام لا كلام .. لا اكل ولا شرب غير الزقاير ماتشوفين بيده .. يوم عن يوم وليد يذبل .. كلميه . .
مريم: فارس انته من صجك ؟؟ انا على ذمة ريال
فارس: اهو ولد عمج قبل لا يكون ريلج .. اهو في حالة صدمة .. من رد من السفر ونتي رفضتي تكلمينه
مريم: انت شفت شلون دخل علي ؟؟
فارس: ادري غلط والله ادري .. بس اهو ما سمع منج لا حق ولا باطل .. كلميه منتي خسرانة
مريم : مادري يا فارس مادري شقولك .. ما اقدر .. افهمني
فارس: فاهمج وادري ان هذا ضغط كبير . .بس يا مريم انا اكلمج بصفتي اخو .. اخوي منهار ومو اي انهيار ..
مريم: خلني افكر فارس بس صعب علي وايد صعب ...


وصج صكرته مريم من فارس وفكرت وايد .. وايد مو شوية فكرت بكل شي .. لدرجة ان وصل بتفكيرها شنو تقوله ووين تشوفه .. وكانها خلاص قررت انها تشوفه وتكلمه .. وخذاهاالتفكير الى انها تذكرت احمد شلون ومتى ؟؟ شنو اقول حق احمد .. لا ما اقوله اكيد ما يرضى .. جزء من مريم كان يبي يشوف وليد ويكلمه عشان جذي تعذرت حق نفسها


نزلت مريم تحت وقعدت واهي سرحانة .. ام راشد كانت تخيط دراعتها .. وراشد كان يلعب بلي ستيشن ..

ام راشد : ما بتطلعين اليوم ؟؟
مريم: لا
ام راشد: فيج شي تعبانة ؟؟ ويهج اصفر
مريم : لا مافيني .. بس احس بشوية ارهاق
ام راشد: اسمالله عليج من شنو ؟؟
مريم: لا ماكو شي يمه من اللوية والطلعات والروحات
ام راشد: خلصتوا شقتكم ؟؟
مريم: لا بعد
ام راشد: مممم مادري لان لما نطلع اغلب الطلعات احمد يبي يروح سينما ولا نروح نتعشى ولا نتغدى و احيانا نتمشى ما شفنا اشياء وايد وانا مابي اتسرع

ام راشد: اكيد مافيج شي
مريم: اكيد .. رشود متى تخلص لعب
راشد: ليش ؟؟
مريم : ابيك توديني بيت خالتي .. تيين يمه
ام راشد: لا مابي ايي اليوم بروح بيت يدتج .. شعندج في بيت خالتج
مريم: بروح اشوف فطوم ضايق خلقي ..
راشد: متى تبيني اوديج
مريم: وقت ما تخلص
راشد: (( حذف اليدة )) خلصت
مريم: ههههههههههههههه اوكي خل اقوم البس عباتي


راحت مريم بيت خالتها وصلت دقت على فاطمة
مريم: الو وينج
فاطمة: وعليكم السلام
مريم : السلام عليكم
فاطمة: هلا هلا .. انا موجودة
مريم: في البيت ؟
فاطمة: لا بالجمعية
مريم: واي انتقلت العدوى
فاطمة: ليش شفيج ..
مريم: انا ورشود عند بيت خالتي
فاطمة: ويييييييييي ... يالله احاسب وايي ما اطول خو نزلوا دخلوا عمي وخالتي موجودين
مريم: اوكي ...

واول ما سكرته مريم دق عليها احمد
مريم: الو
احمد: الووووووووو انتي وينج
مريم: ها .. انا كاني مع اخوي
احمد: ما اتصلتي ولا مسج ولا شي ... ادق عليج مرة مغلق مرة ما تردين دزيت مسج ماكو لا حس ولا خبر .. تعبانة شي حبيبتي ؟؟
مريم: شوي مرهقة
احمد: انزين ليش ما دقيتي علي
مريم: مادري نسيت
احمد: نسيتي ؟؟ اها مو مشكلة شلونج الحين
مريم: تمام الحمدلله
احمد: فيج شي مريم ؟؟ زعلانة متضايقة
مريم: مافيني شي ... احمد بعدين اكلمك
احمد بعدين ؟؟؟ اوكي على راحتج
مريم: باي
احمد: باي

راشد فيج شي ؟
مريم: لا مافيني
راشد: اوكي وين فطوم
مريم: بالجمعية الحين تيي خل ننزل
راشد: منو داخل
مريم: خالتي وعمي بو علي
راشد: جنها سيارة خالتي ام اسامة
مريم: اي تصدق

دخلت مريم وراشد بيت ام علي
مريم: السلام عليكم
راشد: السلام عليكم
ام علي: هلا يمه .. هلا والله .. رشود عندنا ؟؟
راشد: هههههههههه شدعوة خالتي
ام علي: شدعوة انته .. مريومة شلونج
مريم: بخير الحمدلله
ام علي: شلون احمد .. وام احمد وام يعقوب
مريم: تمام كلهم بخير
ام علي: حياكم لا تستحون ..

دخلوا الصالة .. سمعت مريم صوت مسج بس ما بطلته
ولا بو علي وام اسامة قاعدة
مريم : السلام عليكم قوة عمي .. خالتي شلونج (( تبوسها ))
راشد : السلام عليكم عمي شلونك ... خالتي شلونج
ام اسامة هلا والله هلا فيكم حياكم .. انتو شلونكم ؟؟
مريم: بخير الحمدلله
راشد: خالتي وينج ما تبينين ؟؟
ام اسامة: شسوي مع هالدنيا كل واحد وعياله وهذي تتنسى وهذيج تولد يالله اشوف امي وخواتي
مريم: الله يعينج خالتي
ام اسامة: انتي شلونج الحين ؟؟ وشلون احمد واهله
مريم: بخير الحمدلله


قعدوا يسولفون مع بعض .. جان مريم تنتهز الفرصة وتبطل المسج ولا احمد دازلها : شفيج ؟؟ زعلانة ؟؟ احد مضايقج ؟؟ متضايقة مني ؟؟ مو على بعضج .. ناطر ردج

طالعت مريم المسج وسكبته وكملت تسولف مع اهلها

دخلت فاطمة ومعاها حنين وحسين
فاطمة: السلام عليكم
ام علي: هلا يمه .. ها وينكم تأخرتوا
بو علي: الجمعية اكيد ازدحام
فاطمة: اي عمي موت مادري شفيهم الاوادم.. خالتي شلونج
ام اسامة : هلا يمه .. وي شكلج تعبانة اذوج اليهال
حنين : لا احنا ما اذينا ماما فاطمة .. بث حثين شرا ككاو وايد
بو علي: تعال حسين تعال عند بابا عود
فاطمة: ها مريومة شلونج ؟؟ رشود اخوي العزيز
راشد: اختي العزيزة
ام اسامة: يا حلوكم يا فاطمة وراشد لما ولدتكم امكم كنتو نتف
راشد: اي شسوي فطوم ماكلة اكلي
فاطمة: قالت نتف يعني هم انا نتفة
راشد: اها اي صح


وتموا يسولفون ويضحكون الا مريم كان كل شي تسويه ربعه .. ربع ضحكة وربع سالفة وربع انتباهة .. كان تفكيرها معلق بكلام فارس ووليد وحالة وليد .. فجاة لقت نفسها متعاطفة .. وبنفس الوقت حاسة بالذنب اتجاه احمد لكن حرارة الموقف وحرة قلبها على وليد خلت قلبها يبرد من ناحية احمد ولو مؤقتا .. يمكن لان الكلام فريش ..

احمد كان يدز مسج ورا الثاني لدرجة ان دق على اخته اسرار وكلمها وقالها عن اللي صار

اسرار: احمد حبيبي هالشي عادي صدقني وراح تتعود المرة مرة فوق ومرة تحت يعني مو دايما بنفس المزاج مو دايما بنفس النفسية .. ونته ريال كبير يعني ماله داعي وما تحتاج اني اشرحلك نظام وطريقة جسم المرة
احمد: تتوقعين
اسرار: اي كل شي اتوقع وبعدين اهي مريضة لا تنسى معاناتها مع مرضها وريلها وخاصة ان ولد عمها .. يمكن مرهقة من فترة الملجة ما تعودت على جذي

احمد: اي صح احنا من اول ما ملجنا كله نطلع ونسهر
اسرار: اي يمكن اهي مو متعودة .. صدقني لا تكبر الموضوع وطول بالك عليها اهي وايد رقيقة وحساسة وتحتاج لوقت ..

احمد: اوكي
اسرار: سلم عليها وايد وعلى ام راشد
احمد: يوصل .. مع السلامة

 

[so_what]

يسلموو على البارت

 

[نكي مشترك]

نبي بارت بعد
انتي لييش تطولين على ما تنزلين البارت؟؟؟؟؟؟؟؟
ناطرين بارت يديد ما علييج امر

 

[MISS.D&G]

ناطرينج حبيبتي

 

[ابله رورو]

وووووواي احمد شنو ذنبه كاسر خاطري المفروض اهي تنسى الماضي دام انها اتخذت قرار الزواج

 

[ام هديل 87]

ابي احمد كسر خاطري شنو ذنبه

تسلمين على بارت
لا يوقف لا يوقف

 

[Babya Doll]

مسكين ولييد كسر خاطري
هم احمد شنو ذنبه !
يعطيج العافية و ناطرينج

 

[JaN JaN]

ناااااطرين

 

[ام هديل 87]

ناطرينج حوبي

لا يوقف لا يوقف لا يوقف لا يوقف لا يوقف
نبي بارت اليوم بعد تعويض عن امس

 

[ام عبادي 22]

يسلمووووووووووو على البارت

 

[أميرة العود]

ناطرينج

 

[MISS.D&G]

نااااااااااطرين

 

[The purple]

مريم مليقه !!

خلاص تزوجتي !

دام ماتبينه وقلبج مع وليد اشحقه ظلمتي احمد !!

 

[miss disaster]

الله يستر

يسلمو وناطرين الياي