(( مذكرات مريم .. مذكرات في طي النسيان ))

[نكي مشترك]

ناطررررررررررررررررررررررررررررين بارت يديد

 

[MaFaZ]

في نفس هاليوم وليد ما كان نايم من امس .. كان وده ان يخرب الحفلة بس ويقطع عليهم كل شي بس اهو وعد مساعد .. ومستحيل ان يخلف بوعده وبنفس الوقت كان قلبه يتقطع مليون قطعه لان خلاص مريم راحت .. توقع ان اذا ردتله الذاكرة بيصحى وبترد له على ويه مريم .. ما توقع كل هالاحداث .. وليد منشل تفكيره تماما لدرجة ان ما فاتح امه بسواتها .. ولا عاتب ابوه .. وكان معالج الوضع بالصمت .. وليد كان يحس ان بركان هايج خاف باي لحظة ينفجر على اهله ويخربها الى ماله نهاية اهو بقرارة نفسه مو خايف على اهله كثر ما كان خايف على نفسه .. ومن نفسه ..
كل اللي كان يسويه ان حاقر الدنيا ويدخن وغصة ببلعومه كانها خنجر .. لاهو قادر يتكلم ولا اهو قادر يبجي ويطلع اللي بقلبه كانت عيونه شبه مجمدة نادر ما يرمش .. وليد ما كان يحس بانفاسه .. ما كان يحس بالشهيق ولا الزفير ..

منال: يعني ليه متى ساكت ؟؟؟؟؟؟؟
وليد: (( ساكت ))
منال: اف هذي مو عيشة اذا كنت ما تحبني ليش تزوجتني
وليد: ( طلعي برة .. يدخن ))
منال: هذا اللي انته فالح فيه
وليد: طلعي برة احسن لج
منال: ماني طالعه .. خلاص تزوجت ما تبيك .. لا لما كن فاقد تبيك ولا لما صحيت تبيك خلاص ياخي خل عندك شوية كرامة
وليد: (( قام وليد و تلها من ايدها )) انا قلت لج طلعي برة يعني طلعي برة
ام غانم: شفيكم شالصيحة .. هد البنية شفيك ينيت ؟؟؟؟؟؟؟؟
وليد: اييييييييييي ينيت .. ينيييييييييييييييت طلعوا برة .. (( بصراخ ))
ام غانم: (( تصرخ )) شفيك استخفيت ينيت ؟؟
وليد: (( خزها )) كله منج .. انتي شلون أم ؟؟؟؟؟؟؟؟؟؟؟؟؟؟؟؟؟؟ قوليلي شلون أم ...شلون قدرتي تسوين فيني جذي ؟؟؟؟؟؟؟؟؟
ام غانم: الحمدلله والشكر شسويت فيك ؟؟
وليد: ولا شي ولا شي طلعي برة انتي وهالحيوانة
ام غانم: هذي مرتك واحمد ربك انك ...
منال: انا الغبية اللي فكرت اني اتزوجك .. انته شنو انته منو ... انا اللي ما اطيع كلام امي لما قالتلي شتبين بهالاشكال
ام غانم: طولي بالك يا بنيتي .. وليدوووووووووووو
وليد: بلا وليدو بلا زفت الطين ... ونتي هييييييي المنة عليج ماخذتني ونتي ما خذيتيني انتي بقتيني انتي واختج الساحرة .. استغليتي اني فاقد الذاكرة وتدبست فيج يالعانس

منال: ما شي ان ما خليتك تدفع ثمن هالكلام .. يزاتي وقفت معاك بالغربة وباريتك ...

وليد: (( طاح على ركبه )) بعد ما حرمتوني من احلى واجمل والطف شي مر علي بحياتي .. بعد ما كرهتوها فيني .. حرمتوني من حبيبتي مريم ((يبجي ))


وليد انهار .. انهار لدرجة ان حس الدنيا كلها تدور حوالينه بسرعة الصاروخ .. قام وليد بدل وطلع .. وتم يسوق بسيارته .. لين خذته السيارة القرين وتحديدا جدام بيت عمه .. وقف بعيد وتم يطالع البيت ودموعه تنزل من تحت النظارة .. وقلبه يتقطع ويتذكر شلون كان يدش ويطلع من بيت عمه واهو بيده بيد مريم .. وفجاة شاف سيارة صفطت جدام الباب ونزلت منها بنية وهالبنية كانت مريم


نزل وليد نظارته وتم يطالعها من بعيد وقلبه طار قبله لها .. تمنى ينزل ويلمها ويحضنها .. تمنى يصرخ باعلى صوته : احبج مريم رديلي .. ما تمنى وليد شي بحياته كثر ان يكون بقرب مريم بهذيج اللحظة

مريم دخلت البيت : السلام عليكم
راشد: عليكم السلام هلا والله .. ها وين كنتي
مريم : (( منحرجة )) كنت طالعه مع احمد
راشد: اي وانا اقول اليوم كله ما شفتج
مريم: في شي ؟
راشد: لا ماكو شي سلامتج وين احمد ما بينزل ؟؟
مريم: مممم مادري بالسيارة ..
راشد: خل اروح اسلم عليه وانزله حق الغدا
مريم: اوكي

صعدت مريم عشان تغسل وتبدل ..
ام راشد: منو ؟؟
مريم: هذا انا يمه
ام راشد: هلا يا قلبي .. ها شلون السهرة
مريم: تمام
ام راشد: وين رحتوا وين نمتوا ؟؟
مريم: (( منحرجة )) احمد حاجز شاليه
ام راشد: شنهوووووو ؟؟ صار شي ؟
مريم: لا لا يمه واي امبيه فشلة لا ما صار شي .. بس من كثر ما سولفنا ومن تعب الحفلة نعسنا
ام راشد: ااييييي اكيد ؟؟
مريم: اكيد يمه ماكو شي ..
ام راشد: والله يايمه انتي حرة وبذمة ريلج واهو له الحق فيج من اول يوم ملجة بس انا اقول لا تتسرعين
مريم: اي اكيد يمه صح كلامج وما راح يصير شي لين نتعرف على بعض ان شاء الله
ام راشد: انزين اهو تحت ؟؟
مريم: مادري يمكن .. كان ينطرني بالسيارة
ام راشد: هاو ما بتتغدون
مريم: لا مادري والله كنا مخططين نطلع
ام راشد : مو مشكلة على راحتكم ..
مريم: انوار وين ؟
ام راشد: نايمة .. امس عامر تم عندنا ليه صلاة الفير الله وكيلج
مريم: هههههههههه اي عادي معاريس .. يالله خل اغسل وابدل

نزلت ام راشد .. ما لقت احد بالصالة .. طلت بغرفة الاستقبال ولا احمد وراشد قاعدين
ام راشد: هلا يمه
احمد: قوة عمتي .. شلونج ؟ شخبارج
ام راشد: بخير الحمدلله ..
احمد: الحمدلله .. وين مريم ما خلصت ؟؟
ام راشد: لا بعدها توها صاعدة .. ما بتتغدون عندنا ؟؟
احمد: لا والله بنطلع نتغدى برة عمتي مشكورة ما تقصرين


خلصت مريم وبدلت ونزلت .. وطلعت برة عشان يكربون السيارة اهي واحمد .. ووليد كان لحد الحين صافط برة ينطر مريم تطلع عشان يطالعها .. كانت مو اهي مريم القبلية كانت اضع بوايد ويها اشحب بس اتم جميلة وحلوة بنظر وليد ... دعا بقلبه ان الله يحفظها ويحرسها ويهنيها .. وعز عليه وايد ان اهو اللي يدعي لها هالدعوة لان اهو ما تمناها حق غيره

 

[zoqaaa]

alpart gseeeer nabe ba3ad plzzzzzzzzzz
;/

 

[نكي مشترك]

وييييييي حرام يقطع القلب وليد

 

[MISS.D&G]

مشكورة ناطرين

 

[ladeen]

7araaaaam

 

[miss disaster]

مشكوره وناطرين الياي

 

[Babya Doll]

مسكيين وليييد كسر خاطري
يعطييج العافية الرواية روعة

 

[ladeen]

Please naby part 6weeeeel elyoum
;*

 

[ذلتني عيونك]

مشكووووووره ونبي بارت طويل

 

[com-teacher]

نبي بعد لا تتاخرين

مشكووووووورة

 

[انين الانتظار]

وليداااااااااااااني مسيجين

راح ننطرج حبوووووووووووبه

وبس

وثاااااااااااانكس^_^

 

[so_what]

يسلمووو على البارت

 

[A7la Jekra]

Waaiiii 7raaaaaaaaam

eh2 eh2

 

[kookiss]

يسلموااااااااااا

 

[ام هديل 87]

وووووووووينج
ناطرينج
البارت حلو يسلموو
يعطيج العافية

 

[Bent extra 3asal]

القصه عجيييبه والبااارت حده حلووو

ناطرييييينج

 

[JaN JaN]

up..

 

[Danya =)]

مسكين وليد يكسر الخااطر
الله يهني مريم مع احمد
تسلميييين حياتي عالبارت
ناطريين

 

[miss disaster]

ناطريين