(( مذكرات مريم .. مذكرات في طي النسيان ))

[A7la Jekra]

YslmouuuuuuuuuuuH

el part eynn
waiting

 

[JaN JaN]

يعطيج العافية

البارت عجيب .. ناطرينج

 

[شيخة المطران]

روووعه



يالله ناطرينج.....

 

[ذلتني عيونك]

ناااااااطرين حبوبه لا تطولين

 

[so_what]

يسلمو حبيبتي ناطرينج

 

[توتا كويتيه]

ننطرج يا حياتي

ما قصرتي

 

[Babya Doll]

تسلم ايييدج
البارت تحفة

 

[ام عبادي 22]

نااااااطرين

 

[zooz92]

مسكيينة مرريم

يعطيييج العااافية حبيبتي على البااارت الرووعة

نااااطرينج

 

[sky tears]

يعطيج العافيه ...

ناطرينج

 

[مس دايموند]

روووووووعه
تسلم ايدينج حياتي بصراحه اول مره في حياتي تعجبني قصه واتابعها ابهالطريقه وااااي عجيبه وتقطع القلب
بس عفيه لاطولين ​

 

[DA3LOoOLA]

waiting

 

[MaFaZ]

التاريخ :11-6-2006
الوقت: 5:00المغرب
المكان: غرفتها

مسكت مريم التلفون وترددت وايد قبل لا تتصل .. لكن كان لازم تتصل .. ليه متى هالجفا .. ليه متى هالبعد .. شوقها له اهو اللي خلاها تفكر انها تتصل .. مريم كانت مشتاقة حق وليد خاصة انها بدت العلاج الكيماوي .. نفسيتها كانت متماسكة بالاستغفار والتسبيح .. لكن كان شي في داخلها يدفعها انها تتصل علىيه .. وان كان قلبه قاسي فهي قلبها ارحم منه بوايد .. فكرت وايد .. ووايد اشياء مرت على بالها لكن في الاخير استجمعت قوتها واتصلت عليه رن التلفون لكن وليد ما شاله ..
بدرية: ها حجية ...
مريم: هلا (( سكرت التلفون ))
بدرية: مشغولة ؟؟
مريم: لا مو مشغولة ..
بدرية: انزين .. اقدر اكلمج ؟؟
مريم: تفضلي تعالي قعدي ..
بدرية: مريومة .. ليه متى ؟؟
مريم: ليه متى شنو ؟؟
بدرية: ليه متى انتي ووليد حالتكم جذي ؟؟ انتو معلقين بس شكلكم ما تدرون عن نفسكم ؟؟
مريم: ليش هالكلام يا بدرية .. وليد فقد الذاكرة .. واكيد بتصير ضغوطات بس انا ووليد ريال ومرته ولازم نمر بهالمرحلة .. بعدين ..
بدرية: مريم حبيبتي ..

مريم: شصاير .. ويهج يقول كلام
بدرية: مادري شقولج .. بس انتو اللي بينكم شبه منتهي
مريم: من قال؟؟ لا اصلا احنا صج متضايقين بس وليد ولد عمي و ..
بدرية: مرت عمي تبيكم تتطلقون
مريم: شنو؟؟؟؟؟؟؟؟ لا مستحيل شتقولين .. بعد اهي شكو ؟؟
بدرية: اهي امه .. نسيتي
مريم: اوكي لا ما نسيت بس اهي مالها حق تتدخل بيني وبين ريلي .. انا لازم ادق عليه عشان اقوله .. خلاص ليه متى بخش سوالفها

بدرية: مريم ..
مريم: لا لازم ادق عيل تبيني اسكت وصلت فيها تبي تخرب حياتي ..وبعدين حبيبي وليد ما يدري اني مريضة .. و لو يدري

بدرية: مريم (( علت صوتها بويه مريم ومسكتها من ايدها )) مريم سمعيني .. اهدي شوي .. كل شي قسمة ونصيب .. ووليد لازم كنتي تنسينه من اول ما فقد الذاكرة ..
مريم: (( وعينها مغورقة )) بس الذاكرة بتردله
بدرية: ادري .. بس بيت عمي كلهم بايعينج .. وكلهم موافقين على هالقرار واولهم عمي
مريم: بس بدر .. وسارة .. ((تبجي ))
بدرية: كلمة بدر لا تقدم ولا تأخر .. اوكي .. اوكي .. مريم حبيبتي هدي ولا تبجين ماكو شي يسوا .. ومثل ما انتي شايفة اريح لج .. على الاقل تعرفين اللي لج واللي عليج .. اوكي .. مريم طالعيني بسج بجي

مريم: ما اقدر .. شلون شتقولين انتي .. بدرية خليني بروحي
بدرية: لا ماراح اخليج بروحج .. مريم طالعيني .. وليد باعج تعرفين يعني شنو باعج

مريم: شي طبيعي لانه مو وليد .. اهو فاقد الذاكرة .. مستحيل وليد يبيعني مستحيل بس اهو فاقد الذاكرة وما يعرف انا منو

بدرية: مريم
مريم: لا لا .. اقولج لا مستحيل
بدرية: مريم .....
ام راشد: شفيكم .. شفيج يمه .. لا تبجين .. خلاص ..
مريم: يمه ... مستحيل وليد يحبني .. ما تدرين شكثر يحبني .. وانا احبه واهو يدري اني احبه وبنييب عيال .. ونبي نسوي كل شي مع بعض و ..

ام راشد: يمه .. ما يصير اللي قاعد تسوينه .. كل شي قسمة ونصيب ..
مريم: اكلمه .. الله يخليكم خل اكلمه .. وافهمه .. ان هذي امه
ام راشد: خلاص يا مريم .. ما عليه .. اهو مقتنع واحنا كلمناه
مريم: كلمتوه ؟؟ متى .. وشقال .. ام راشد: قال ان مافي نصيب
مريم: مستحيل اقولكم مستحيل .... مس ... ( وطاحت مريم غشيانة ))
ام راشد: مريم .. مريم .. يمه .. روحي ييبيلي ماي بسرعة .. مريم مريم

وقعدت مريم على
الدكتور : مريم .. مريم ... حاسة بايه يا مريم
مريم: امي .. ووليد ..
الدكتور : ايوا ايوا معليش يا مريم .. بس انتي حاسة بايه
مريم: تعبانة ...
الدكتور: عشان انتي بتتعبي نفسك .. لازم تسترخي والا حتزعلينا منك
مريم: ان شاء الله .. ابي امي ..
الدكتور: ان شاء الله بس تخلص السستر شغلها الكل حيدخل ..
مريم: الكل ؟؟
الدكتور: اه ماماتك واخواتك
مريم: ووليد ؟؟
الدكتور: وليد ؟؟ لا مفيش وليد بس ماماتك واخواتك .. سستر اذا خلصتي دخليهم .. يالله الف سلامة عليكي يا مريم

وطلع الدكتور .. وخلى السستر تركب حق مريم الدرب .. وتقيس الضغط ومريم كانت مستسلمة للمسكن والمهديء اللي عطوها اياه ..

ام راشد: ها مريومة .. سلامات يا قلبي
بدرية: سلامات حبيبتي مريم
راشد: سلامات .. ماتشوفين شر
مريم: انا كنت حلمانة صح
ام راشد: شفيج يا قلبي ..
مريم: كل اللي صار حلم صح .. وليد ما راح يطلقني صح
بدرية: شششششششششش بس مو وقته هالكلام الحين احنا فيج ..
حاولي تنامين وتريحين ولا تشغلين بالج في اي شي ..
مريم: لا تقصون علي انا مو ياهل
ام راشد: لا احنا ما نقص عليج احنا كلمنا مساعد ووعدنا ان بيكلم وليد عشانج ..
مريم: صج .. متى ؟؟
بدرية: انتي ريحي وكل شي بوقته حلو ..
مريم: يارب ........


******************************

في بيت بو غانم

مساعد: اختي بالمستشفى ..
بو غانم: الله يشافيها ..
ماجد : عمي ... وليد فقد الذاكرة امنا بالله .. بس هذا مو معناته تطلقون البنية .. يعني مرده بترد له الذاكرة .. ووقتها ليه فات الفوت ما ينفع الصوت

بو غانم: شنو يعني تهددنا ؟؟
مساعد: لا يا عمي ماجد ما يهددك بس هذا الكلام الصح .. الله عرفناه بالعقل .. يعني ان صحى وردتله الذاكرة وشاف وحدة لا يعرفها ولا تعرفه شنو بيكون موقف اهل نوال ووقتها بيدور مرته .. ووقتها ما بيكون له عندنا مرة

بو غانم: والله عاد ولدي ريال وقد كلمته .. وكاهو سئلوه .. وبعدين بنتكم غلطت عليه
مساعد: صج يا وليد .. اختي غلطت عليك ..لان اذا غلطانة عليك انا باجر اطلقها بنفسي

ماجد: انطر يا مساعد واستهدوا بالله وخلنا نفهم شالموضوع ترا الموضوع مو هين ولا انتو شرايكم يا عيال عمي

غانم: والله انا اشوف ..
بدر : صح الموضوع مو هين .. (( خز غانم ))
غانم: لا هين .. وكل شي قسمة ونصيب ترا الزواج مو غصب .. ولدنا ما يبي بنتكم
بدر: ما تتحجى يا وليد ترا هالبنية بنت عمك قبل لا تكون زوجتك
ماجد: وليد .. قولك كلمة
وليد: شقول .. بعد كلام ابوي واخوي العود
غانم: ((ابتسم ابتسامة النصر ))
بو غانم: كفو وهذا ولدي اللي ربيته
ماجد: عمي ربيت ولدك ان يغلط بحق بنت عمه
بو غانم: ها مجود طالت وتشمخت اشوف لا قوم طقني
مساعد: مو قصده يا عمي بس هالموضوع عجيب غريب .. يعني نسيتوا وقفة اختي يم وليد .. خالتي نست شسوت باختي .. انتو حتى شرفها ما سلم منكم وقلت اهلي عمي وخالتي و كلمتهم حق ابدي كلمتهم على اختي وقهرت هالمسكينة لين الحين صار فيها الخبيث تبون تقطونها .. لا وبتزوجونه منو على اختي .. اختي نوالو ...منالو منو وابوهم منو واخوانها شنو ... من صجك انت عمي ؟؟

غانم: اقول عن الغلط يالله عاد .. انته اللي منو عشان تغلط على مرتي
بدر: يا جماعة مو وقته الحين احنا بسالفة وليد .. وليد شفيك قولك كلمة .. من صجك انت

وليد: شتبيني اقول ؟؟؟؟ مريم مريضة ؟؟ ما تشوف شر والله يشافيها .. بس انا وياها مالنا نصيب لا انا عارفها ولا اهي تعرفني .. فرضا ما ردتلي ذاكرتي شسوي بعمري انا .. وبعدين شلي ببنية امي وابوي لهم عليها ممسك

ماجد: احترم نفسك ... هذي بنتك عمك قبل لا تكون مرتك يالديوث .. تتكلم على اختي بعد ؟؟

فارس: يا جماعة طولوا بالكم .. وليد لا تخبص
غانم: ياخي يايين يغلطون علينا في بيتنا وتقول لا تخبص يالله برة انت وياه
مساعد: شوف ان طلعنا مالنا ردة .. ولا انتو لكم صلة فينا فهمت يالخكري
ماجد: يالله يا مساعد بس حوبة اختنا ما تتعداكم ونت يا وليد مردك بترد ولد بو غانم وبتشوف حرقة القلب

بدر: يا جماعة تعالوا
غانم: يالله برة ..
فارس : غانم شفيك طفها مو تشبها
غانم: باللي ما يحفظهم ان تالثاني وايد عايش الدور ...
بو غانم: صج انهم جليلين حيا ... شنقول .. تربية فوزية ..




ماجد: الووووووووو
ام راشد: الو
ماجد: هلا يمه .. شلونج ؟؟
ام راشد: هلا فيك يمه انت شلونك ؟؟ وشلون مساعد ؟؟
ماجد:احنا بخير كاهو معاي .. يمه ام راشد
ام راشد: هلا ..
ماجد: احنا تونا طالعين من بيت عمي
ام راشد: بشر ؟؟
ماجد: مافيها بشارة ..
ام راشد: لا حول ولا قوة الا بالله وشالعمل .. اختكم تعبانة وانته عارف هالمرض نفسية يعني ان ما صارت زينة بتنتكس بزود

ماجد: ادري يمه وما عاش من يغثها ولا يخليها تنتكس .. بس شنسوي .. انتي ما شفتيهم خربوها مرة وحدة ..
ام راشد: ياربي شنو هالمصيبة .. ارحمنا برحمتك ياربي .. وعمك شقال ؟
ماجد: قال اللي ماعتقد في عم بالدنيا جذي يقول حق عيال اخوه
ام راشد: من صجه.. ياربي ليش احنا شسوينا لهم .. الله يهديهم ويصبرنا على مريم

ماجد: شلونها الحين ؟؟
مريم: قعدت من ربع ساعه بس ما غير وليد على لسانها .. بنتي بتروح مني بسبة كرههم لي

ماجد: ها ؟؟ يمه شتقولين .. محد يكرهج بس اهم ما يدرون شن وقاعدين يسوون .. اناو مساعد كانا يايين بالطريج

 

[ام عبادي 22]

والله ما تستاهل مريم الي قاعد يصيرلها

 

[MaFaZ]

وتم الطلاق ... طلقوا مريم غيابي .. مرت مريم بيام سودة ما بين الكيماوي ومابين نفسيتها لما طاح شعرها وشفقة الناس وتعبها الجسدي بسبب الكيماوي وبين ترك وليد لها .. وليد سافر المانيا وبعدها لندن وطبعا هذا كله معاه مرته اليديدة الدكتورة منال .. .. وليد تزوج منال وبعدها سافر على طول .. واللي بغوه غانم ونوال مرته صار .. مريم تطلقت وخذا اختها .. وهذا شي ما نقراه بالقصص بس .. نسمعه كل يوم يا يصير بعوايلنا او نسمع ناس قراب لنا مرو بهالمواقف المؤلمة .. او ناس رعفون ناس نعرفهم او جيرانا او ناس معانا بالدوام .. لكن احنا نسمع عن القصص وما نسمع عن ردة افعال الناس مع حياتهم .. قصة مريم ومذكراتها معطتنا فرصة عشان نعرف شلون بعض الناس تتصرف في مواقف الفراق والشوق والالم والحب والتواصل .. والغدر والكره والخداع

وتمت مريم تاخذ علاجها .. ومرة تنتكس ومرة تتحسن .. والحمدلله اول كورس علاج مر بخير على مريم وكان في تحسن ملحوظ ... حاولت كثر ما تقدر انها تعدي المرحلة .. بالرغم من الجرح اللي تركه وليد في قلبها .. وليد حبها الاول ووولد عمها .. راح منها بغمضة عين بسبب حادث سيارة خلاه يفقد الذاكرة .. ولما فقد الذاكرة غانم ومرته وامه تيمعوا حوالينه مثل الذيابة يتناهشون لحمه .. وما كان مبين من وليد لا حس ولا خبر ..

بدر وفارس كانوا رافضين فكرة الطلاق وخذوا موقف من بيتهم .. بالرغم من ان علاقتهم تمت عادية مع البيت واقل بوايد من قبل .. الا انهم ما قطعوا مريم .. بدر وسارة وفارس .. كانوا دوم يزورونها اذا كانت بالمستشفى .. او في البيت .. وعلاقتهم توطدت مع بيت ام راشد وايد .. خاصة فارس .ز كان يتعشى عندهم .. ويقوم ويقعد وياهم .. ويطلعون مع بعض .. ويروح بيت ام علي وبيت ام اسامة .. وقام يقعد بديوانية اسامة واخوانه .. وبدر كذلك ..

فاطمة تزوجت علي ... وعاشت بالشقة اللي كانت مريم ووليد مأجرينها .. لانها حست بالذنب اذا خذت مكان دانة بالرغم من ان علي غير لها الاثاث الا انها ما حست بالراحة .. اهي وعلي قرروا انهم ياجلون سالفة الحمل لما فاطمة تشوف نفسها مع الدراسة والزواج .. وافق علي وخاصة ان عنده عيال .. اليهال يوم عن يوم بدوا يحبونها .. ويتعلقون فيها ..

اسرار ومريم علاقتهم توطدت .. قامت تزورهم في البيت اهي وعيالها والعكس صحيح ... الكل حب اسرار .. الخالات اليدة الخوات الام .. الكل من غير استثناء ... حتى كانت تزور مريم بالمستشفى واتم عندها وتجابلها .. بس الصدفة ان ولا مرة مريم صادفت احمد .. وكان ياخذ اخبارها من اخته .. ويكتفي لو بشي بسيط من سيرتها .. وكان عايش على اخبارها وسوالفها من اخته ..


احمد: اسرار .. خطبيلي مريم
اسرار : شنو ؟؟؟
احمد: اللي سمعتيه
اسرار : اخطب لك مريم
احمد: ها .. اسرار شفيج .. تكررين الكلام من وراي ؟؟؟؟
اسرار: احمد شفيك .. انا اختك العودة .. ترا انته صارلك فترة مستخف ما تلاحظ ؟؟

احمد: خلاص سكري الموضوع
اسرار: يا حبيبي .. يا احمد البنية مريضة .. البنية فيها لوكيميا
احمد: واذا .. اهي مو قاعده تتعالج .. مردها بتصير زينة ان شاء الله
اسرار : احمد انته بعدك صغير وشاب والحياة جدامك
احمد: الحين اهي مو عاجبتج
اسرار: واي مو شوية ودشت قلبي وما طلعت .ز احبها واحترمها واحب بيتهم واهلها خووش ناس واهي ما عليها غبار .. بس
احمد : بس شنو ؟؟ اسرار انتي قاعده تناقضين نفسج ترا .. اول مرة اشوفج جذي هذا بدل لا تتمنين لي السعادة

اسرار: السعادة بنظرك تختلف اختلاف السما عن الارض عن مفهومها الطبيعي

احمد: يعني ؟؟
اسرار: يعني انته شباب ماخذتك المشاعر وحرارة الشباب .. باجر ليه تزوجتوا ما راح تتحمل انك تعيش حياة غير طبيعية .. شي طبيعي انك تبي تعيش حالك حال الشباب .. زوجة وسهر عسل ولعب وطلعات وروحات ووناسة .. كل شاب في بداية حياته ما يقدر يتأقلم مع مسؤولية نفس هذي

احمد : انا ماشي ..
اسرار : احمد .. احمد .. انت شفيك .. احمد كلمني


وطلع احمد واهو هموم الدنيا كلها على ظهره بسبب اللي قالته اسرار .. في داخله كان يفكر ويقول انا مابي طلعة ولا لعب ولا وناسة .. انا وناستي مع مريم .. انا لو ابي هالامور جان رافجتلي وحطيت لي صاحبة .. بس انا مريم حبيتها وابيها واتمنى قربها اليوم قبل باجر كل يوم بعيد عنها يمر علي مقلوب ... انقلبت حياتي من شفتها .. مرو علي البنات اشكال وارناق بس ما مر علي مثلها .. اي انا احبها وانا متاكد ان هالحب مو مجرد نزوة ... شفيها اسرار علي هالمرة

احمد عصب على اسرار وايد .. وعصب من ردة فعلها .. واعتبر كاللي تقوله تناقض وحجي فاضي .. قر يكلم امه وينهي هالسالفة بموافقة امه .. لكنه فكر اكثر من مرة وخاف ان امه تفكر نفس تفكير اسرار وترفض فقرر ان ينطر


****************

التاريخ : 2-2-2007
الوقت : 2:12 الظهر
المكان: بيت ام علي

عامر: مريم هاج تفاح
مريم: مشكور مابي
عامر: اخذي يا يبه ..
مريم: عطني .. مشكور
عامر: حياج يا يبه ..
فاطمة : يمه تبين برتقال ؟؟
علي: فطوم خو حطي .. شفيج تعزمين تبي ولا ماتبي .. ؟؟
فاطمة: علييييي هههههههههههههههههه احرجتني
بدرية: بو حسين حدك عن اختي ..
مريم: هههههههههههههههههههههه
ام علي: الله يخلكم لبعض والله لا يفرقنا عن بعض زيديم هالضحكة والفرحة بينا ....
ام راشد: ان شاء الله يارب ..
راشد: يمه ما ودج تشوفين مرتي بين خواتي
ام راشد: مبجر على هالحجي يا ولد ..
فاطمة: هاك علي الجاي ... تبي لقاح
علي: لا مابي تعالي قعدي يمي
ام راشد: يمه مريم تبين شي .
مريم: لا مشكورة يمه ..


وسرحت مريم وتذكرت شلون وليد كان يوكلها وشلون كان يتنقص لها اللقمة .. كان وليد يحب الخوخ .. سرحت مريم ما بين صينية الجاي وشلون كان وليد يحب الجاي حالي وما بين سلة الفاكهة وحب وليد للخوخ ..

عامر: يالله شباب خل نقوم ونخلي الانسات اللطيفات بروحهم .. ما تلعبون هاند ؟؟
علي: اي يالله بالديوانية .. فاطمة جيكي عاليهال وينهم
فاطمة: حسين بغرفة التلفزيون وحنين نايمة .. قاعدة من الصبح
علي: يالله تبين شي .. انا بالديوانية
فاطمة: سلامتك
علي: يمه اي شي تبين دزي لنا الخدامة احنا بالديوانية .. يالله بنات نشوفكم
بدرية: الله وياكم

ام علي: مريومة
مريم: هلا خالتي
ام علي: عيون خالتج انتي بكلمج بموضوع
مريم: امري خالتي
ام علي: تعرفين اسرار رفيجتج
مريم: شفيها
ام علي: دقت امها على امج وخطبوج حق احمد اخوها
مريم: .. (( سكتت ))
ام علي: شفيج ساكتة
مريم: لان مو وقته خالتي انا مريضة ومادري شنو اخرتها ..
ام علي: اخرتها خير .. والود يدري وعارف واهما عارفين وضعج عدل .. وفاهمين .. وترا اسرار تصير بنت خال دانة .. وانا اعرفهم عدل .. خوووش ناس فوق ما تتصورين

مريم : بسس .. مادري شقول ..
بدرية: قعدي معاه وتعرفوا على بعض .. وشوفي اذا ما يناسبج تركيه
فاطمة: اللي بتوصله لج بدرية ان ما راح تصير السالفة خذوه فقلوه نفس زواجج بوليد ..
مريم: ماكو خبر ؟؟
ام راشد: ماكو خبر ..
مريم: اها
ام علي:ها شرايج .. ترا احمد خووش ولد شايف خير .. امه ما عندها الا اهو واسرار بصراحة ربتهم عدل .. وكبرتهم ..
مريم: مادري .. انا ماودي انحط بنفس التجربة اللي فاتت انا يالله توني حسيت اني على حيلي ..

منار: يمه .. تعالي شوي بكلمج

راحت ام علي ومنار المطبخ
منار: يمه انتي من صجج
ام علي: شنو ؟
منار: الحين انتي تدرين ان عامر يبي مريم ..
ام علي : كاهي جدامه ليش ما تحجى شنو تبوني اعزم عليه ؟؟
منار: لا بس اهو اتوقع حاط في باله ان مريم ما تبي تتزوج
ام علي: خلاص قوليله مريم يايلها ناس يبون يخطبونها واذا له خاطر بنتقدم احنا بعد

منار: انزين اوكي بس ماله داعي التمدح باحمد
ام علي: وييييييييي منار فاضية يالله ردي الصالة لا يحسون الجماعة

ردت ام علي الصالة ومنار طلعت برة طقت الباب عالديوانية ونادت عامر

منار: عمور .. ترا مريم متحجين عليها ناس
عامر: منو ؟؟
منار: واحد اسمه احمد ولد خال دانة
عامر: وشنو راي مريم
منار: ماتدري تقول بتفكر
عامر: اها
منار: غريبة .. بس اها ؟؟
عامر: شتبيني اقول ؟؟
منار: مادري بس توقعتك تبيها وراح تركض تخطبها
عامر: لا هذاك اول .. وكل شي تغير .. الله يوفقها يارب
منار: ما شاء الله .. صج رياييل عشان البنية مرضت ما تبيها الحين
عامر: لا مو عشان جذي بس خلاص انا كملت حياتي ليه متى بتم احترق واموت واحب من بعيد ليه بعيد وحدة ما تحبني ولا تفكر يوم انها تحبني

منار: اها .. شاطر ولازم هذا كان يكون تفكيرك من الاول .. في حب يديد
عامر: بصراحة ؟؟ اي
منار: يا عيني يا عيني وانا اشوف دمك صاير خفيف
عامرك منارو جبي .. مطلعتني من اللعب عشان ملاقتج .. روحي روحي
منار: ماشي يا عمور الفقر اوريك ..

فكرت مريم واهي كانت بينهم .. احمد .. انا ولا مرة شفته اللي خلاه يفكر فيني لا ويخطبني مرة وحدة .. اي تذكرت اهو الليو داني المستشفى . .بس هذا الحجي من زمان .. وقفت مريم تفكير وتمت تفكر باشياء ثانية واشياء وايد .. وبالاخير ركزت معاهم لان التفكير ما راح يفيدها بشي غير عوار الراس والمحاتاة ..

فاطمة: مريوم .. تبين كنافة ؟؟
مريم: عطيني .. اخرتي بقطه
بدرية: واي عليج .. اكلي اكلي ما راح تقطينه .. فطوم ماكو شي بالطريج
فاطمة: واي بدرو واي عليج شالحجي
منار: اي صح ماكو شي شنو بعد شنو هالحجي ؟؟ مو مفكرين تيبون ؟؟
فاطمة: مفكرين بس مو وقته انا قاعده ادرس شفيكم ؟؟ خنشوف الوضع بعدين الله كريم
منار: انااقول لا تطولين ترا عليوي مو صغير ..
مريم: خلوها على راحتها ..

وبهالوقت دزت مريم مسج حق اسرار كاتبة فيه :

ليش ما قلتيلي ؟؟؟

ردت عليها اسرار :

وشنو اللي خلاج تفكرين ان بنخليج تروحين من ايدنا 

مريم:

انصدمت .. ووين بروح يعني ؟؟

اسرار: لا ان شاء الله ماكو صدمة .. ويوم المنى اللي تكونين فيه جنتنا سلامي للكل ونشوفكم عن قريب

 

[zoqaaa]

thnx 7ubii

 

[dr.la6oof]

thanks .. oo inshalla t9eer 7ayat'haa a7laa oo tifra7 hal marra

allah yshafeeha

 

[توتا كويتيه]

مشكووووووووووووووووره حبيبتي

 

[MISS.D&G]

تسلمين ناطرينج خل نشوف اخرتها مع وليد و امة و اهلة الهيلق

 

[A7la Jekra]

Yslmouuuuuuuuuuuuuu