(( مذكرات مريم .. مذكرات في طي النسيان ))

[JaN JaN]

اووووووووووووف شنو هاذي نوالو ماتخاف ربها :rgewrg:


وليد غبي بس يكسر الخاطر مايدري عن شي


الله يعين مريم مسكينه والله يرد وليد لها

 

[الاحاسيس المبهمه]

حسبناا الله ونعم الوكييييل ... ببجي >_<


ناااطرييينج يااختيييره ^_^

 

[ذلتني عيونك]

ناااااااااااطرينج

 

[ام هديل 87]

ناطرينج

 

[zooz92]

حراااام مسكييينة مرريم :"(

تعوور القلب

يعطييييج العااافية حبيبتي على الباااارت

ناااااطرينج :**

 

[انين الانتظار]

يا ربي عمر الشاقي باقي << بمصري

ليش اللي على نياته وقلبه ابيض وخوش واحد يصير فيه جذي

اااااااااااااااااااااااااااه يا قلبي

عمه بعينها نوالوووو قلت انا كل نوال نسره مالت

واااااي حبوبه تسلم اناملج والله خوووش رواااية

كملي قلب

الله يشافي ولدج يارب

والحمد الله على سلامه ومايشوف شر

وبنننطر شورانه

وبس

وثاااااااااانكس^_*

 

[الاحاسيس المبهمه]

نااااااطريينج حبوو

 

[TaBoOoLa-7azena]

امبي لا .... اتمنى احد يوعي ولييد لان حرام
والله مساكين :'(
يسلمو قلبي ... ناطرين البارت الياي

 

[A7la Jekra]

waiting

 

[A7la Jekra]

waiting .

 

[Riooma]

oo 3ad laish kel hatha? ma asadeq feh nas chetheh eb hal zman

 

[dr.la6oof]

EE walla 9aja !!!

ma kint atwaqa3 ina feeh nass chitheee !!!!!!
ma bgalbhaa ra7ma !!! :S

wayeeed t3abat hal bnaya !!! :S
allah y3eenha

 

[توتا كويتيه]

حراااااااااااااااااااااام ليش جذي والله ما تستاهل مريم


يعطيج العافيه

 

[Danya =)]

مسكيينه مريم
حسبي الله على نوووال صج تبط الجبد
ان شاء الله وليد يرد مثل قبل
تسلميين حياتي عالبارت :*

 

[بناتي هواي]

في انتظارك حبيبتي

لاطولين علينا.

 

[miss disaster]

امبيه امتنع عن التعليق


يسلمو وناطريين الياي

 

[MaFaZ]

طلعت مريم من المستشفى وردت البيت .. الهدوء يعم البيت .. ماكو لوية .. ماكو ضحك فطوم .. ماكو مرادد انوار .. ماكو حس عيال بدرية .. ماكو ضغاط راشد .. هدوء بكل مكان ..

مريم كانت قاعده بغرفتها .. فلت شعرها وجابلت المنظرة وتمت تمشط شعرها وتطالع نفسها بالمنظرة وتفكر بالمرحلة الياية .. وشنو تحمل المرحلة من ضغوط وتحديات ... كان السؤال الكبير اللي يدور ببالها

راح اقدر اتحمل اللي ياي ؟؟؟ راح اقدر اتحمل وانا وحيدة من غير وليد ؟؟؟
سرحت مريم بسواد شعرها وتذكرت الايام الحلوة بينها وبين وليد .. طلعاتهم .. شلون راحوا ينقون الاثاث .. شلون كان يدش يخرعها واهي بالمطبخ .. شلون كان يحب يفرش الشراشف وياها .. تتذكر ضحكته لما يضحك من قلب .. نظراته لها ليه كشخت .. مسجات الحب والغزل اللي كان يدزها لها .. سامحني يا وليد .. بس ما راح ارد لك ونته مو وليداني ...

فاطمة: مريوووووووووووووووووم
مريم: هلا ..
فاطمة: غدا .. شقاعده تسوين ؟؟
مريم: امشط شعري
فاطمة: (( انكسر قلبها )) ما فكرتي تصبغينه ؟؟
مريم: لا .. ونتي ؟؟؟؟؟؟؟؟؟؟؟؟؟؟؟؟؟؟؟؟؟؟
فاطمة: نو .. بس اذا بتصبغين.. فوقه وياج
مريم: لا شالفايدة مرده بيطيح خل استانس بسواده
فاطمة: لاحقة .. اللي يطيح يرد يطلع
مريم: ان شاء الله .. شنو الغدا
فاطمة: مموش
مريم: الللللللله وليد يحبه
فاطمة: وليد مو اهني .. خل ياكل من اكل امه .. لا تحاتين احد ولا تتذكرين احد يالله نزلي خل ناكل
مريم: اوكي الحين نازلة وراج ..
فاطمة: اوووكي لا تطولين

تمت مريم سرحانة بطول شعرها ولونه وسواده .. تفكر وتفكر لين سمعت صوت امها يناديها من تحت

انوار: يالله مريم طولتي وينج
مريم: يالله كاني كاني جان تغديتوا .. خو انتو تداومون .. اكيد يواعة
راشد: لا ما عليج انوارو بطينية
انوار: اي اي بطينية واموووووووووت عالمموش
فاطمة: نفس وليد .. هههههههههههههههههه
مريم:
ام راشد: يالله عاد اكلوا بلا ربربة اهو .. اكلي يمه مريم .. ما تريقتي عدل
مريم: يالله كا ... انوار تبين سلطة ؟؟
انوار: اي ابي وايد سلطة عشان السلط ةفيها فيتامينات
راشد: صح صح كثري لها العيايز يحتاجون فيتامينات
انوار : واي رشود يوز عني ..
مريم: خل نطلع اليوم

الكل التفت وطالع صوب مريم واستغرب
راشد: فوقه .. اوديكم وين ما تبون
مريم: بعد عمري ادري فيك ما تقصر
فاطمة: هياااااااااااااا
انوار: هيااااااااااا ها انتي سكتي مقطعة الشوارع قز مع علي .. تسوين عمرج فقيرة ما تطلعين ؟؟ مالت علي انا اللي عفنت ولا احد راضي يحس فيني
راشد: اكلو مموش ثنتينكم و مريم اهي تنقي المكان.. ها مريم قولي وين ودج
مريم: مممممممممممممممم مادري .. انوار وين ودج ؟؟
انوار: مممممممممم
راشد: انوارو جبي .. مريم قلنا انتي تنقين
فاطمة: انا اقولكم
راشد: ولييييين منتو ساكتين ؟؟
فاطمة: رشود
راشد: ها
فاطمة: جب
راشد: اوكي .. يالله مريم
مريم: ممممممممممممم خل نتمشى ..
انوار: سينما
مريم: مادري شوف رشود .. احنا خل نطلع وتالي نقرر .. يمه انتي وين ودج
ام راشد: لا يمه انتو روحوا استانسو عليكم بالعافية .. انا اليوم بروح حق امي
مريم: اها ... فيها شي ؟
ام راشد: لا مافيها بس انا وخالاتج بنروح
فاطمة: متى بنروح ؟؟
انوار:ههههههههههههههههههههههههه اي خو لازم تستأذن من ريلها ينييتي انوار ؟
فاطمة: لا وثول .. بس عندي واجب فيزيا بحله وتالي نروح
راشد: ام قليييييييييييييييييييييب .. يلعن خيرج فطوم فلسطينية
انوار: اي اي مصرية تاكل الكشاكيل اكال
ام راشد: ذكروا ربكم لا تنظلون اختكم .. بالله شلون بتصير دكتورة ما غير بالاجتهاد والمذاكرة
فاطمة: عاشت امي .. انزين لا تضيعون السالفة خل نطلع اوكي احل الواجب ونطلع
مريم: اوكي بس لا تطولين
راشد: اي مو تطولين مو تنسين نفسج وتاكلين الكتاب
انوار : هههههههههههههههههههههههههههههههههههههه
فاطمة: ههههههههههههههههههههههههههه رشود اوريك


تغدوا ... وبعدها قامت فاطمة حلت واجبها بسرعة .. بدلوا وطلعوا .. اول شي راحوا تمشوا عالبحر وبعدين راحوا شارع المطاعم شرو لهم عصير .. وكملوا طريجهم عالبحر لمن وصلوا مارينا

مريم: فطوم خل نروح مارينا .. يمكن تلاقيلج سوالف
فاطمة: ممممممممم تهقين ؟؟ مابي العوزكم
انوار: لا عادي عادي وناسة الشوبنق
راشد: ها بنات تبون مارينا؟؟
مريم: اي رشود خل نروح ...
فاطمة: انزين خل اقول حق علي
مريم: يالله ...

صفطوا ونزلوا .. تمشوا وضحكوا على الاشكال الغريبة العجيبة اللي هناك .. وبعدها بدت فطوم تدخل المحلات وتتشرى .. وطبعا انوار كانت وايد مستانسة .. لان هالطلعات نادرة بالنسبة لها ... وشوي علي وعياله وصلوا .. وتمشوا كلهم بعدين صعدوا كلهم عشان علي يا وياب اليهال وياه .. راحوا اليهال يلعبون

فاطمة: علي انا والبنات بنروح نستلم تنورتي
علي: اي يالله .. انا اهني مع راشد واليهال
مريم: تهقين خلصو تصليحها ؟؟
فاطمة: اي قال نص ساعه
مريم: يالله ... راشد احنا بنروح اوكي
راشد: اوكي ديرو بالكم ما ننزل وياكم؟؟
مريم: لا لا ماله داعي بس بنستلم
راشد: خلاص ..
مريم: يالله انوار


نزلوا زارا .. واهما ناطرين التنورة ...
اسرار : مريم ؟؟؟؟
مريم: اسرار ؟؟؟؟؟؟ اهلين
اسرار : هلا فيج .. شلونج ؟؟ شخبارج ؟؟
مريم: الحمدلله بخير انتي شلونج ؟؟
اسرار : بخير الله يسلمج
مريم: عاد اليوم كنتي على بالي
اسرار: ونتي بعد .. صج ليه قالوا القلوب شواهد ..  .. شلون صحتج الحين ؟؟ انشاء الله احسن ؟
مريم: الحمدلله .. وايد احسن .. مشكورة ما قصرتي عالسؤال
اسرار : لا شدعوة .. احاتيج من ذاك اليوم .. انزين ممكن اطلب طلب ؟؟
مريم: تفضلي
اسرار: ميخالف اخذ رقم تلفونج ؟؟
مريم: عاد توني كنت بطلبه منج 
اسرار : اشوه .... والحمدلله انه شي متبادل
فاطمة: مريم يالله يابوها
مريم: فطوم اقدم لج اسرار .. اسرار هذي اختي فاطمة
اسرار : هلا والله تشرفنا ..
فطوم: هلا فيج .. مريم سولفت لي عنج بس توقعت مرة كبيرة
اسرار : اي انا مرة كبيرة ولدي برابعه ثانوي
فطوم: لا بعدج صغيرة  ما شاء الله ما يبين عليج
اسرار : الحمدلله هذي بحد ذاتها نعمة
مريم: اختي فطوم قاعده تجهز .. حق عرسها واحنا يايين اهني نتشرى لها
اسرار : ما شاء الله الف الف مبروك والله يتمم عليج
فاطمة: مشكورة ما قصرتي من ذوقج
اسرار : عيل جذي .. خل اعطيكم بطاقة خصم في فافافوم .. انا ريلي يشتغل مدير فرع في البنك (...) معطينه بطاقة خصومات حلوة هناك اذا حابة روحي اشتري منهم عطور ومكياج

مريم: لا مشكورة حبيبتي ... ماله داعي والله
اسرار : ها بتسوون كلافة من الحين ؟؟؟ والله عادي انا اعطي هالبطاقة حق اللي يحتاجها لان حرام بصراحة اسعار العطور صايرة نار وشرار واهي عروس يعني ما بتشتري عطري ولا اثنين .. صدقيني بيفرق معاج .. الخصم اللي بالبطاقة وايد حلو وبيفرق وياج وايد

فاطمة: مشكووورة ما قصرتي ..
مريم: متى اردلج البطاقة
اسرار : اي وقت حبيبتي رقمي وياج .. اي وقت رديها ولا يهمج انا مو مستعيلة عليها ما عندي خوات .. ومن فترة انا شارية عطور يعني حدي مو مستعيلة

مريم: على خير ان شاء الله مشكوورة مرة ثانية وان شاء الله نشوفج
اسرار : ان شاء الله يا قلبي اشوفكم على خير وسلمي عالوالدة
مريم: يوصل مع السلامة
فاطمة: مع السلامة


خلال هالحوار احمد كان واقف بعيد يطالع مريم .. ويتفحص معانيها .. يطالعها من على جنب .. يطالع شلون كانت رموشها طويلة وعينها بالرغم من انها ذبلانة الا انها كانت حلوة ومشرقة بنظره .. يطالع ويهها القمري .. بين طيات ملفعها الاسود ... وعباتها الوسيعة .. اللي خاشة تحتها جسمها التعبان المريض كان قلبه يدق .. لدرجة حس ان قلبه بيوقف .. كان احساس احمد عذري .. لان قلبه مثل وليد .. ما حس بالحب من قبل لكن الفرق بين احمد ووليد .. احمد شاب صغير بعده بال 25 سنة .. احمد من الجيل اليديد .. اما وليد كان عمره 30 داخل بال 31 سنة .. غير ان شخصية وليد تختلف كل الاختلاف عن احمد وهذا اللي خله نفس الشعور يختلف من شخص ليه شخص ثاني ... وحب احمد لمريم ما كان مجرد شفقة او احساس بالذنب .. لا .. احساس احمد اتجاه مريم كان مثل الحلم الحلو اللي بيتحقق ... لان بهالزمن الشباب تعودوا ان الاغلبية العظمى من البنات يبون يكلمون ويقزون ويطلعون ويسوون .. سواء البنت كانت خفيفة او لا .. كانت اهتمامات البنات الاولى اللبس والميك اب والعطور والفاشن .. بالرغم من اختلاف البنات وميولهم .. هذا اللي كان شايفة من بنات خالاته وبنات عمامه او اي بنية كان يصادفها سواء بالمستشفى او برة .. او من خلال سوالف ربعه عن صاحباتهم او حريمهم .. ما درا ان في وايد بنات مثل مريم .. حياتهم بسيطة وحلوة .. عايشين تحت ظل راحة البال ورضا الام والاستقرار العائلي .. ما درا ان في بنات تربوا على القناعه والرضا في كل شي ..


اسرار : يحليلها هذي مريم
احمد: اي شفتها
اسرار : شفيك ؟؟
احمد: مافيني شي .. شريتي اللي بغيتيه ؟؟
اسرار : احمد ....
احمد: اسرار الله يخليج لا تبطلين الموضوع
اسرار : لا حول ولا قو ةالا بالله .. خلاص سكرته .. وين يعقوب ويارا ؟؟
احمد: راحوا فوق يشوفون الافلام بالسينما
اسرار: ليش خليتهم يروحون بروحهم
احمد: لان يعقوب صار ريال ولازم يتعلم المسؤولية .. اسرار فجي عنهم شوي لا تضغطين عليهم بخوفج الزايد

اسرار : شسوي .. انا ام .. لما تصير ابو راح تعرف معنى احساسي .. بعدين انته ما شفته امي شلون كانت تخاف عليك لما كنت صغير

احمد: قلتيها لما كنت صغير .. بس لما كبرت خلتني اسوي اللي ابيه وثقت فيني
اسرار: والله كبرت يا بو شهاب
احمد: شفتي شلون
اسرار : انزين اذا لي معزة بقلبك .. رد لي احمد اللي كان وياي لما دخلنا السوق

احمد: اسرار .. خلاص مافيني شي الله يخليج ..
اسرار: اوكي .. خل نطلع من اهني
احمد: دقي على يعقوب وقوليلهم خل ينزلون
اسرار : ((تدق )) ما يرد
احمد: يالله خل نصعد لهم عيل


وصعدوا احمد واسرار.. وفي هالوقت كانوا مريم وراشد وفاطمة وعلي وانوار واليهال قاعدين عالطاولة ياكلون بررد .. وحلو .. ناس طلبت تشيز كيك من كنتاكي وناس تاكل باسكن روبنز .. ومن بعيد احمد شاف مريم تاكل بررد وتوكل بنية صغيرة كانت قاعده يمها وهالبنية كانت حنين بنت علي لدرجة ان احمد تنح . .لو ما اسرار دزته جان تم واقف ..

اسرار: ها انتو وينكم ؟؟
يارا: كنا نشوف الافلام اللي نازلة بالسينما بعدين رحنا باسكن نشتري بررد
اسرار: ادق عليكم ما تردون
يعقوب : اي ما تسمعين صوت اللوية وين نسمع
اسرار: انزين يالله احنا خلصنا شغلنا خنروح ..
يارا: يمه .. ما شريت لي شي
احمد: لازم تشترين ؟؟ شنو تبين
يارا: عجبني جينز في بول اند بير خالي بليز
احمد: يالله انا بعد ابي حينز
يارا: يسسسسسس عاش خالي
اسرار : اي خربهم وفسدهم يا احمد.. ترا ما ينعطون ويه
احمد: ما عليه تستاهل بنت اختي
اسرار: تصدق احمد الريال المغتر اللي كان قاعد على طاولة مريم واهلها يشبه علي ريل دانة
احمد: دانة منو
اسرار: دانة بنت عمتي سبيجة
احمد: ايييييييي صح تصدقين
اسرار: امبيييييييه
احمد: شنو .. شفيج
اسرار: تذكررررررت .. عيل اكيد فاطمة مرته اليديدة ...
احمد شقاع تقولين ؟؟
اسرار: مساع شفت مريم واختها عاد قالتلي ان اختها عروسة تبي تتزوج واللي اعرفه ان دانو طالبة الطلاق ليش علي بيتزوج عليها بنت خالته
احمد: يعني مريم واختها يصيرون بنات خالة ريل دانة ؟؟
اسرار : اي .. شوف الصدف يا سبحان الله وترا حتى مريم ماخذة واحد يصير لهم
احمد: صج ونتي شدراج
اسرار: دانة كانت تسولف .. اي اذا ما خاب ظني يا ولد خالها يا ولد عمها
احمد : صدف ..
اسرار: الدنيا صغيرة


وصج الدنيا كانت اصغر من ان احد من ابطال قصتنا يتوقع .. الاحداث الياية راح تبين صغر الدنيا لدرجة انها قربت وايد ناس من بعض وصارت الصلات مثل شبكة العنكبوت

 

[MISS.D&G]

تسلمين
ناطرييييييين

 

[DA3LOoOLA]

يسلمـــــــــــــــــــــــــــــــــــــــــــو

 

[ladeen]

Teslam eedich *;