(( مذكرات مريم .. مذكرات في طي النسيان ))

[MISS.D&G]

سلامتكم حبي
ناطرين

 

[ام هديل 87]

ماتشوفون شر والله يشفيه ويعافيه
ناطرينج حبيبتي

 

[zooz92]

اخذي راحتج حبيبتي وما يشوووف شر

 

[الاحاسيس المبهمه]

ناااطرييينج حبوو ^_*

 

[ام عبادي 22]

ما تشوفين شر حبيبتي

 

[miss disaster]

ما يشوف شر

وما عليه احنا ناطريين

 

[ذلتني عيونك]

ماتشوفيييييين شر واخذي راحتج متى ما قدرتي حطي البارت بس ياريت بارتين نبي

 

[~RouNa~]

اخذي راحتج

وما تشوفون شر

 

[MaFaZ]

التاريخ : 20-5-2006
الوقت: 10:15 الصبح
المكان : بيت ام راشد

كوماري : ماما مريم .. ماما مريم قومي .. ماما مريم .. ماما كبير يبي انته


نزلت كوماري وبلغت ام راشد ان مريم نايمة ومو قاعدة ترد عليها .. غسلت ام راشد العيش وركبت جدورها عالجولة وصعدت تقعد مريم

ام راشد: يمه مريم قومي .. مريم .. هاو ؟؟ مريم ((جاست راسها )) .. يمه بنيتي .. مريم .. مريم ... واي على بنتي

ام راشد: كوماري .. ييبي التلفون بسرعة .. مريم قومي .. مريومة ...

دقت ام راشد بسرعة على الاسعاف وخذو مريم .. مريم كانت حرارتها مرتفعه حيل وما كانت ترد على احد من قوة الحرارة كانت من قوة الحرارة جنها قطعة جمرة

بالطريج كانت المسعف ((احمد)) يطالع مريم وقلبه محروق عليها .. كانت جنها خرجة طايحة عالسدية .. ما تدري عن نفسها ضغطها نازل . جسمها حار وويهها اصفر وبالرغم من هذا كله كانت حلوة .. بجسمها النحيل بعباتها وملفعها المقطوط قط .. بمنتهى العفة والشرف بمنتهى الجمال .. هذي كانت الكلمات اللي تدور في بال احمد .. احمد انوخذ بجمال مريم ...


احمد كان عمره 25 سنة .. مسعف .. ولد محترم جدا جدا .. يتيم الابو من اول ما طلع عالدنيا ما شاف الا امه واخته الكبيرة ((اسرار )) ساكن في بيت عربي قديم بالدسمة .. هالبيت اللي قضى طول عمره فيه ولعب بيام طفولته بالحوش .. وكبر بسكيك الدسمة .. ولعب كرة ببراحاتها .. احمد كان مملوح وجسمه رياضي كان يعشق الكرة ومن اشد المتابعين لها .. ما كان عنده خرابيط ولا شغل ترقيم و رفيجة .. كان يسمع سوالف ربعه وكان هذا كافي عليه .. احمد من الناس والشباب الاصيلين اللي ما نشوفهم مترززين بالكافيهات والمطاعم .. ما نشوفهم مترززين بكل مكان .. احمد كان من طقة الشباب اللي يعايدون على شياب وشباب العايلة بكل عيد كان من اللي ما يهد مناسبة اجتماعية الا وحضرها اذا قدر عرس عزا عشا زيارة مريض
الكل كان يحب احمد بالعايلة .. الكل يتمنى احمد نسيب وريل بنته .. احمد من الناس اللي ويوههم بشوشة وتدخل القلب ..


احمد حس بالذنب شلون يطالع هالبنية جذي .. بس ما باليد حيلة .. كان يغلط نفسه ويحاسب نفسه طول الطريج .. بس كان يتعذر حق نفسه بان اهو قصده شريف ومو قصده يطالعها بهالنظرة .. واللي خلاه يسترسل بالتفكير ان اول مرة يحس هالاحساس اتجاه اي احد .. كان يقول حق نفسه من متى يا بوحميد تفكر جذي ؟؟ لا غلط .. غلط

قطع حبل افكاره صوت ام راشد واهي تبجي
احمد: خالتي لا تبجين .. كلها صخونة وما عليها الا العافية
ام راشد: شلون ما ابجي يا وليدي .. ؟؟ شلون ؟؟
احمد : ما عليه .. كل امورها طبيعية ان شاء الله .. تعوذي من ابليس وقوي قلبج عشان لما تقعد تلاقيج طيبة
ام راشد: الله كريم .. الله يشافيها يارب
احمد: ان شاء الله ويشافي كل مرضى المسلمين .. كانا دقايق ونوصل المستشفى
ام راشد: ان شاء الله


وصلوا المستشفى ودخلوا مريم عند الدكتور بسرعة وفحصوها بالطواري وحولوها على سراير الطواري وخذوا منها دم عشان التحاليل وحاولوا يخفضون حرارتها .. سوولها حمام ثلج وكمادان وعطوها ابرة مخفضة للحرارة .. وحاولوا يرفعو نضغطها لان كان فيها هبوط

احمد خلص اوراق مريم وتسليمه ووقع لها الطبيب وطلع .. لكن حس ان قلبه تعلق بالطواري ... حب ؟؟ لا .. بس قصة وموقف غريب او مرة يمر على احمد ... احمد مرت عليه اشكال وارناق بالاسعاف .. ليش هالبنية بالذات انا حسيت هالاحساس اتجاهها ؟؟؟

طبعا على ما قعدت مريم .. الا كانت بدرية وراشد .. وخالتهم ام علي .. و عامر يايين يتطمنون على مريم


مريم: انا وين
ام راشد: هلا يمه .. الحمدلله عالسلامة
مريم: يسلمج .. شنو في يمه ؟؟
ام راشد: مصخنة حرارتج نار وشرار .. يبناج المستشفى ما كنتي تدرين عن نفسج .. الف الحمدلله على سلامتج
ام علي: الحمدلله على سلامتج يا مريم .. ما تشوفين شر .. يالله يا ام راشد تطمنتي عليها بعد شله المحاتاة ؟؟ خلاص كاهي شزينها مافيها الا كل خير

راشد: بعد عمري مريومة ؟؟ شفيج ؟؟ مو القبلية كله من وليدو
ام علي: وي رشود مو وقته هالحجي
مريم: عطشانة
ام راشد: وي بعد قلبي هاج يمه هاج
بدرية: هاج يمه .. حبيبتي مريومة قومي شوية عشان تشربين
الدكتور: ها يا مريم .. حاسة بايه دلوئتي ؟؟
مريم: الحمدلله .. بس صداع
الدكتور : ىه ماهو لازم .. حرارتك كانت اربعين و6 شرطات .. بس الحمدلله الحرارة بتنزل .. بس لازم نتطمن عليكي ئبل كل حاجة
ام راشد: طلعت النتايج ؟؟
الدكتور: آه في كم تحليل طلعوا نتايجهم وبائي كمان كم تحليل .. عاوزين نتطمن ئبل ما نشخص
بدرية: شتشخصون دكتور ؟؟ في شي ؟؟
الدكتور: ان شاء الله مافيش بس هوا مريم عندها انيميا حادة .. وعندها خلل في الصفايح .. عاوزين نتأكد اي سببه واحتمال كبير انك حتنامي يومين على ما نخلص التحاليل والفحوصات

مريم: لا مابي انام ماحب المستشفى
الدكتور: معليش يا مريم احنا محتاجين انك تنامي يومين وان شاء الله تطلعي وما تحتاجيش انك تزورينا مرة تانية
ام راشد: الله كريم دكتور .. متى تطلع التحاليل ؟؟
الدكتور: كمان ساعتين
بدرية: مشكور دكتور
الدكتور : اهلا وسهلا
راشد: تبين مريوم اييبلج شي تاكلين ؟؟
مريم: لا مشكور
ام راشد: لا زم تاكلين يا مريم ما سمعتي شقال الدكتور .. بالله هالقهر على منو وحق شنو .. كاهو فاقد الذاكرة وطلع من المستشفى ولا درا عنج ولا دق ولا قال ..
بدرية: يمه .. خلاص مو وقته حبيبتي انتي
ام علي: اي يا فوزية مو وقته
ام راشد: لا وقته ونص .. ليه متى .. قلبي ذوا عليج .. والله قلبي خلص ما فيني قلب .. اموت واحيا لما قاعده اشوفج شتسوين بعمرج جذي ..

راشد: يمه تعالي برة بكلمج شوية
مريم: (( دموعها تنزل )) شسوي يا خالتي ... كسر قلبي .. وتهاوشت وياه .. انفجرت ما تحملت فكرة انه ناسيني بعد جان اتهاوش وياه وقطيت كل كلمة هالكبر انا الغلطانة

ام علي: بس يا مريم محد غلطان ومن حقج انج تنفجرين .. بس ما عليج اهو فاقد الذاكرة يا يمه واكيد امه النسرة لعبت براسه .. كل شي يتصلح .. والله لو يفر الدنيا كلها ما يلاقي مثلج يا مريم

بدرية: خلاص مريومة لا تبجين حبيبتي .. صدقيني راح اييلج ويبوسج ويتسامح منج
ام علي: وي هذا عمور يدق علي ينطرني برة
بدرية: وي خالتي جان دخل ..
ام علي: لا وين يدخل .. خل اشوفه شيبي وايي تبون شي من الكافتيريا ؟
بدرية: لا خالتي مشكورة

بدرية: قوليلي شصار بينج وبين وليد
مريم: لقيت عنده اخت نوال .. اسمها منال تشتغل دكتورة اهني .. تخيلي ضحك وسوالف ومو اول تزوره .. شنو المناسبة مادري ما تحملت اشوفها .. تتضحك مع ريلي .. بهالمكياج بهالعطر بهالمياعه . ويهها مو مريح كلش تهاوشت وياه قلت كلام ما كان لازم اقوله
بدرية: اف ياربي صج ما تستحي .. شكو شكو .. خلاص ولا تزعلين نفسج .. حرام صحتج تروح عشان واي مادري شقول والله خلاص خنسكر هالموضوع محد قادر يعطي رايه بشكل صحيح الحين ..

مريم: احسن بعد لاني تعبانة وكل ما اتذكر انقهر بزود ...


الساعه : 3:40 العصر
المكان : بيت ام غانم

بعد الغدا كانوا قاعدين بالصالة غانم ومرته نوال .. وليد .. ام غانم .. بدر ومرته سارة .. فرح

نوال: تسلم ايدج خالتي خووووش مطبق
ام غانم : بالعافية .. اهم شي ان عجبج .. خل اقوم اشوف عمج قاعد بالدار بروحه
نوال: اي وينه ما شفناه
ام غانم : مادري عنه خنشوفه

قامت ام غانم
نوال: وليد .. شلونك الحين
وليد: الحمدلله بخير
نوال: (( بخبث )) شلون مريم ؟؟
وليد: الحمدلله
نوال: اييييييييي من زمان مالها حس
وليد: مشغولة
نوال: بشنو ؟؟ اشتغلت ؟؟
وليد: مادري .. لا ماعتقد
نوال: ما تعتقد ؟؟ اييييييييييييه قلتلي
سارة: ليش عندج لها وظيفة ؟؟؟
نوال: لا ما عندي لها وظيفة .. بس قلت مالها حس
..اي وليد شلونك مع اختي
سارة : ((بققت عينها وطالعت بدر ))
وليد: بخير تمام
نوال: ان شاء الله متفقين ؟؟
سارة : متفقين على شنو ؟؟
نوال: ماكو .. منال ووليد الله يسلمج بيدشون مشروع
بدر : مشروع ؟؟ بو خالد انته الحين حالتك مو مستقرة بعدك هالامور
نوال: كاهو شزينه مافيه شي ليش هالمفاول
وليد: احنا بعدنا ما قررنا شي وقاعدين ندرس الموضوع
سارة: ومريم
وليد: شفيها مريم
سارة: مافيها شي ..
نوال: اي وليد ولا تنسى التوكيل
بدر: اي توكيل
غانم: وليد مسويلي توكيل عام
بدر: شنو ؟؟ غانم من صجك انت .. توكيل حق شنو ؟؟
غانم: اي ليش عندك مانع ؟؟توكيل حق حله وحلاله .. توك تقول وليد حالته مو مستقرة
بدر: وليد .. انته موافق على هالكلام
نوال: وليش ما يوافق ليش بناكله ولا بناكله
بدر: انزين ومريم عندها علم
وليد: والله انا ريال ومحد له كلمة علي .. انا حر اسوي اللي اشوفه صح .. وغانم ومرته يزاهم الله خير اللي قاعدين يساعدوني ويوضحون لي الامور .. مو عشان انا فاقد الذاكر راح اسمح حق احد يستغلني او يقللل من قيمتي

بدر :وليد شالحجي .. منو مستغلك ومنو مقلل من قيمتك
نوال: والله اهو ادرى ويقصد اللي يقصده .. غانم اخوه العود وشي طبيعي ما يبي الا مصلحته
بدر : حسبي الله ونعم الوكيل .. اتمنى يا وليد انك تطالع الامور من منظور ثاني ماله داعي تتسرع انته يمكن اليوم باجر ترد لك ذاكرتك

غانم: وليد راح يسافر يتعالج برة
بدر: من متى هالحجي .. واحنا ليش ما ندري
نوال: كا دريت
بدر: نوال رجاءا لا تتدخلين .. ترا انا ساكت لج الحشيمة حق اخوي العود بس الظاهر انتي مو مال حشيمة .. ولا ريلج مال حشيمة
وليد: بدر .. احترم نفسك ولا تغلط ... انته خليت فيها حشيمة انته ومرتك
ام غانم: هييييييييييييي هيييييييييييييييي شفيكم تصرخون .. انته شفيك تصرخ
بدر: انا شفيني اصرخ ؟؟ طبعا انتي اكيد تدرين عن هالمهزلة
ام غانم: بدروووووووووووووو اقضب لسانك احسن لك .. قالب الدنيا ومقعدها على شنو ؟؟؟؟ اخوان وبينهم وبين بعض شغل انت شكو
بدر: (( يطالع وليد )) انته مغفل .. ولما تردلك الذاكرة راح تبجي دم .. وقول اخوي ما قال .. ونتي يا ام غانم .. ماني راد عليج لانج امي بس وين بتروحين من الله .. ونته يا غنوم خاف الله باخوك .. امشي سارة

طلع بدر وقلبه مكسور على اخوه وليد اللي امه واخوه العود ومرته قاعدين يلعبون فيه .. بدر فهم اللعبة فهم انهم يبون يسحبون فلوسه . زيبون يسفرون وليد عشان يبعدونه عن مريم .. يبون يزوجونه منال اخت نوال .. عشان حتى لو وعى على نفسه ورد من فقدان الذاكرة يكون تدبس وغرق ليه اذونه .. بدر احترق قلبه على اخوه .. حتى بدر حس ان وليد مو وليد .. من متى وليد مع نوال صحبة .. من متى غنوم قلبه على وليد وصحة وليد ؟؟؟


بدر: الو
راشد: الو
بدر: السلام عليكم
راشد: هلا والله .. ولد عمي شلونك ؟؟
بدر: هلا فيك .. شخبارك ؟؟ شلون خالتي
راشد: بخير الحمدلله انته شلونك
بدر: بخير الله يسلمك .. شلون البنات ؟؟ شلون مريم؟؟
راشد: بخير الحمدلله .. مريم والله تعبانة بدر
بدر: شفيها
راشد: مادري نايمة بالمستشفى .. فجأة صخنت .. وديناها المستشفى والحين نايمة عندهم فحوص وتحاليل
بدر: لا حول ولا قوة الا بالله .. والحين شصار عليها ؟؟
راشد: الحمدلله احسن بس ناطرين النتايج
بدر : لا سلامتها ما تشوف شر ان شاء الله ان شاء الله تطلع النتايج وتكون اوكي طمنا عليها اوكي

 

[MaFaZ]

بدر : الو
وليد: الو
بدر: وليد اسمعني ... غانم ونوال
وليد: بدر رجاءا لا تفتح هالموضوع انا ريال واعرف اقرر الله يخليك لا نخسر بعض عشان الحسد والحقد
بدر: انت من صجك ؟؟
وليد: اي من صجي
بدر: انزين شسالفتك مع اخت نوال
وليد: ماكو سالفة
بدر: وليد .. انته تحب مرتك .. ومريم بنت عمنا قبل كل شي
وليد: وشنو يعني ؟؟ يمكن كنت مو مرتاح معاها انته ما تدري
بدر: وليد شالحجي ... انته كنت تموت عليها
وليد: شدراك ؟؟ كنت ويانا
بدر: لا بس كل تصرفاتك تقول جذي .. كنت دايما تسولف حق فروس .. شنو اللي تغير ؟
وليد: ما تغير شي ومن قالك اني اكرهها ؟؟
بدر: عيل ؟؟
وليد: بدر واللي يعافيك انا واحد مالي خلق اسولف بهالمواضيع
بدر: اوكي لا تسولف انزين .. بس مرتك بالمستشفى
وليد: شفيها ؟؟؟ من متى
بدر: الظاهر انك قاطع علاقتك معاها نهائي اللي ماتدري عنها شي
وليد: خلصني اي مستشفى ؟؟
بدر: مبارك
وليد: شدراك ؟؟
بدر: كلمت رشود وقاللي
وليد : اوكي اوكي دزلي رقم الغرفة مسج
بدر: اوكي



الشي الوحيد اللي ريح بدر ان وليد تلهف على مريم .. وحس نوعا ما ان كلام وليد الجارح كان مجرد غطا .. لهفة وليد اهي اللي بردت قلب بدر شوي وخلته يتناسى كلام وليد له


من ناحية ثانية ... احمد كان يفكر في مريم وايد .. وكان ميت ويتطمن عليها .. من اول ما شاف مريم .. واحساس الغريب اتجاهها قرر ان يقول حق اختها .. اسرار مو بس كانت اخت احمد كانت صديقته وكاتمة اسراره .. كان احمد يقولها كل شي عشان جذي فضفض احمد حق اسرار عن احساس الغريب اتجاه المريضة اللي اسمهها مريم .. قالها ان اهي بيتهم بالقرين بس بطاقتها تتبع مستشفى مبارك وان من حظه ان حولوها لمبارك .. وان كان مداوم بذاك اليوم .. اسرار كانت تسمع حق احمد واهي مبتسمة .. لان صج احمد اول مرة يتكلم بهالطريقة وعينه تلمع جذي .. اتصل احمد على اسرار وقالها ان يبي يروح مريم .. اسرار كانت مشجعه احمد ودام ان مو قاعد يسوي شي غلط اهي وياه لاخر الطريج

احمد: اسرار لازم اروح اشوفها والله لا تشوفيني ماني قادر اقعد على بعضي
اسرار : احمد اخاف اهلها ايون وتنحط بموقف مو حلو
احمد: يايبه شفيج انا اوقف برة ونتي دخلي شوفيها وطمنيني عليها
اسرار اوكي خلاص بس بشرط انته تمرني
احمد: اوكي امرج افا عليج بس تعالي وياي


اسرار طقت الباب على مريم
مريم: تفضل (( غطت شعرها بالملفع ))
اسرار : السلام عليكم .. شلونج ؟؟ مريم عدل ؟
مريم: اي مريم .. وعليكم السلام .. تفضلي امري
اسرار : ما يامر عليج عدو .. انا اسمي اسرار .. انا اخت المسعف اللي يابج المستشفى
مريم: ((مستغربة )) هلا والله تفضلي حياج الله
اسرار : الله يحييج .. مادري شقولج .. ادري انج مستغربة ومنو انا عشان ازورج بس اخوي متأثر بحالتج وسولف لنا عن حالتج عاد قلت صج انج ما تعرفيني ولا انا اعرفج بس انا وايد حالات اخوي يوصلهم المستشفى ايي ازورهم منها اجر ومنها تخفيف عالمريض
مريم: مشكورة ما قصرتي كلج ذوق .. عاد السستر قالتلي ان في مسعف يسأل عني .. ما توقعته
اسرار : اخوي وايد يتأثر بالحالات اللي اييبها .. لدرجة ان مرة في مرة كبيرة بالعمر عيوز .. وصلها .. وليومج يروح يزورها ويسال عنها
مريم: هههههه اشوه اني مو عيوز ويت عليج انتي .. لو داش يسال عني اهني جان اخواني قلبوا الدنيا وجان تطلقت
اسرار : تطلقتي ؟؟ انتي متزوجة؟؟
مريم: اي ...
اسرار : ايي الله يهنيج شي طبيعي متزوجة كل هالجمال ما شاء الله ومو متزوجة؟؟
مريم: تسلمين كلج ذوق .. اسمج وايد حلو
اسرار : الله يحلي ايامج .. اخوي اسمه احمد
مريم: الللللللله احب هالاسم انا قايلة اذا يبت ولد بسميه احمد
اسرار: صج ؟؟ الله يرزقج ان شاء الله
مريم: ان شاء الله ...
اسرار : شلون صحتج الحين ؟؟ احسن ..
مريم: الحمدلله بس احس بارهاق
اسرار : شقالولج الاطبا ؟؟
مريم: مادري .. عاد اليوم لازم ايون يعطوني النتايج مليت من المستشفى خل يطلعوني بس مادري ليش كل هالتحاليل صخونة وخلاص
اسرار : صخونتج راحت
مريم: لا بعد بس اخف الحمدلله
اسرار : الحمدلله ماعليه تحملي في سبيل انج تتطمنين على نفسج
مريم: الله كريم .. ان شاء الله ايون الحين
اسرار : انشاء الله .. انا مضطرة استأذن الحين .. سوالفج ما تنمل واتمنى لو كنت متعرفة عليج بظروف احسن من جذي
مريم: اي صح .. انتي مشكورة وايد على هالزيارة . .الحمدلله في ناس طيبة لحد الحين تعرف الله وتعرف الدين ..
اسرار : الحمدلله والعفو ما سويت شي .. سلامتج
مريم: الله يسلمج
اسرار: مع السلامة
مريم: الله وياج



اسرار بالسيارة مع احمد
احمد: ها بشري ؟؟
اسرار : احمد من صجك ؟؟
احمد : شنو ؟؟
اسرار: البنية متزوجة
احمد (( سكت شوية )) ادري
اسرار : تدري ؟؟؟ احمد ما توقعتج مو مسؤول جذي ؟؟ تذدري انها متزوجة ويايبني لها ؟ عيب عليك يا احمد اتوقع هالحركات من كالمراهقين مو منك
احمد: اسرار فهميني .. انا قلت لج احساسي اتجاه هالبنت غريب عجيب .. ونتي قلتي ان ..
اسرار : (( قاطعته )) اي بس هذا ما يعطيك الحق انك تروح لها وتسأل عنها وتدزني عليها واهي متزوجة ونته تدري يعني انته الحين تنفخ بجربة مقظوظة

احمد: اسرار .. هالبنت وراها سر .. وورا اهلها سر .. بعدين انا طاحت عليها عيني قبل لا ادري
اسرار :بس لما انته يبتني لها تدري انها متزوجة .. شنو موقفك اذا ريلها دخل وشافني .. شبقوله منو انا
احمد: انتي شنو قلتي لها ؟؟ جذي دخلتي ؟؟شقلتي لها شلون تقبلتج
اسرار: رقعت موقفي وخلاص مو هذا موضوعنا .. موضوعنا انك غلطان من ساسك ليه راسك
احمد: اون قلت لك ان هالبنية مريضة حيل .. وان قلت لج ان هالبنية ريلها فاقد ذاكرة وما يدري عنها وان قلت لج ان ..
اسرار : وان شعرفك بكل هالسوالف
احمد:عرفت وخلاص ..
اسرار: احمد .. احنا تعودنا نكون صريحين مع بعض صح
احمد : صح
اسرار: قوللي شعرفك بهذا كله
احمد: (( سكت ))
اسرار : سائل عنها صح ؟؟
احمد : صح
اسرار : ياربي عليك .. للهالدرجة قلبك متعلق ؟؟ احمدو عمري ما شفتك جذي
احمد: احمدو غرقان ..اسرار البنية هذي الحين وانا وياج بالسيارة الدكاترة دار مدارها يقولون لها ان فيها المرض الخبيث
اسرار : شنوووووووووووووووووووووووووووووووو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[MaFaZ]

وليد : السلام عليكم
مريم: وعليكم السلام
وليد: شلونج
مريم: الحمدلله بخير .. انت شلونك ؟
وليد: بخير الحمدلله .. سلامتج
مريم: الله يسلمك .. شخبارك ؟؟ شلون اهلك
وليد: اهلي اللي اهم بيت عمج ؟؟
مريم: شلون بيت عمي
وليد: الحمدلله بخير
مريم: ماعرفك
وليد: انا ماعرف نفسي
مريم: ليش ما تحاول تتعرف على نفسك
وليد: قاعد احاول .. لكن الكل يقوللي انك قاعد تتعرف على وليد ما يشبه وليد القديم
مريم: ونت شتحس ؟؟
وليد: احس ان وليد القديم ضعيف .. سلبي
مريم: وليد القديم كان يحبني
وليد: ونتي كنت صادته ؟؟
مريم: لا .. كنت احبه على طريقتي
وليد: شلون كانت طريقتج ؟؟ تدقر .. ولا اهمال ..
مريم: كانت طريقة البنية اللي عمرها ما حبت .. ولاول مرة تحب ..
وليد : وين امج
مريم: امي .. راحت تريح في البيت ..
وليد: اها ..
مريم: سمعت انك بتسافر علاج ..
وليد: اي قريب
مريم: ترجع بالسلامة ياررب .. وين تروح وين تيي
وليد: جرحتيني
مريم: ما اذكر ..
وليد: فقدتي الذاكرة ؟
مريم: لا ما اذكر اني جرحتك
وليد: لا تذكرين عدل .. ولا تكابرين
مريم: وليد ..
وليد: نعم
مريم: انا احبك
وليد: وانا ماحب اللي يحاول ينزل خشمي
مريم: انته منو ..
وليد: انا وليد .. وليد اللي من اليوم ورايح ما راح يسمح حق احد ان يتحكم فيه
مريم: (( تبجي )) ابي وليد اللي حبيته .. وانا ولا مرة حاولت انزل خشمك منو اللي زرع بقلبك هالكلام
وليد: محد
مريم: مستحيل
وليد: منو يعني ؟؟ قلت لج محد
مريم: اقولك مستحيل
وليد: انتي قاعده تنغزين وتبين توصلين لشي قولي شقصدج وخلاص
مريم: ممكن اطلب منك طلب ..
وليد: امري
مريم: ((( طالعته وعينها متروسة دموع )) انا مابي اشوفك ولا اكلمك الا لما ترد وليد اللي يحبني واحبه وليد اللي قضيت معاه احلى و اجمل ايام حياتي اوكي
وليد: اوكي ...

وطلع وليد .. وترك مريم مكسورة .. حزينة ومتالمة ... ماتدري مريم ان مو بس هالغصة اللي راح تغص فيها بهاليوم .. لان بذاك اليوم الدكاترة بلغوا مريم انها تعاني من اللوكيميا .. حلفت الكل ان بيت عمها ما يدرون .. وان وليد ما يدري
مريم حست ان خبر اللوكيميا اهون عليها بوايد من اللي سواه وليد وقاله .. كان اهون من قرارها اللي اتخذته بحق وليد .. اذا وليد ما ردتله الذاكرة .. معناته انها لا راح تشوفه ولا راح يشوفها خاصة ان متغير حيل وصاير انسان ثاني

حاولت تتماسك .. كانت تبجي شوي وتسكت وتحاول تستغفر .. تحاول تسبح عشان ترتاح .. ويرتاح قلبها ..
مريم في هالموقف كانت متاكدة ان الله سبحانه وتعالى راح يمحس على قلبها وترتاح نفسيا وتهدا وتحس بالطمانينة وهذا اللي صار صج .. هدت مريم وحست ببرودة بقلبها وراحة ..

ام راشد انهارت والكل حاول ان يهديها بعد ما سمعت الخبر .. كانت بس تبجي وقلبها ينعصر ويرد مكانه .. كانت حزينة ومنصدمة .. شلون بنتي حبيبتي يصير فيها جذي ؟؟؟ حالها من حال اي ام تسمع هالخبر على ضناها

اخوان مريم كانوا متأثرين حيل لدرجة ان راشد كان يبجي .. فاطمة انقطعت عن الاكل .. انوار حست بذنب عجيب غريب .. كانت تبجي بطريقة عجيبة وجنه مريم ماتت مو استمرضت .. بدرية نفس الوضع كلهم كانوا في حالة يرثى لها بس بنفس الوقت حاولوا ان يكونون اقويا ..ويتماسكون عشان امهم

اليدة والخالات تاثروا حيل لما سمعوا عن مريم وبجوا لما عيونهم تقرحت على حالة بنت اختهم واختهم ...
واللي صار ان الكل اتفق انهم يتصرفون ولا كانه شي صار .. وما يبينون حق مريم .. ولا يحسسونها بالشفقة او التعاطف الزايد ... عشان يدرون ان مريم نفسها عزيزة .. وعشان لا تتأثر نفسيتها ..

بس خالاتها واخوانها واقرب الناس لها فقط عرفوا عن مرضها ... واحمد

اما بيت عمها فكانوا في وادي ثاني وفي صراع ثاني

وليد كان يجهز نفسه عشان يسافر ويعالج دماغه .. على امل ان يتعافى. من فقدان الذاكرة .. وهذا كان مجرد فيلم من اخراج اخوه غانم ومرته نوال .. نوال كانت تبي تزوج وليد اختها منال .. وبنفس الوقت كان ودها تحط ايدها على فلوس وليد .. وبنفس الوقت تبين للكل ان كلمتها مسموعة وتقدر تسوي اللي تبيه في هالبيت

وبالرغم من محاولات الكل الا انهم فشلوا .. وليد متغير حيل وكلمته ما يثنيها .. وماشي ورا غانم عمياني ..
نوالك انت تخطط ان وليد يملج على منال .. وان غانم يطلق مريم بالتوكيل العام اللي عنده .. وصج راحوا حق محامي وشافوا مجريات القضية وشلون اذا يقدرون يرفعون قضية طلاق بموجب التوكيل .. والسبب فقدان الاهلية .. ولحد الحين قدروا اهل وليد انهم يطلعون مريم من جزء كبير من قلب وليد ...

 

[DA3LOoOLA]

[b]يسلمو على هالبارتات الروعة والي بصراحه تعووور القلب
يمه عليج يامريومتي حبيبتي انتي ماتستاهلين الي قاعد يصيرلج وربي
وانت ياوليدووو ياخروف العيد انشالله بهالحاله واردى
وانشالله يانوالووووو ياحيزبونه لج يوم الله يوريج فيه بلي قاعده تسوينه [/b]

 

[عيون الورد]

حسبي الله ونعم الوكيل

 

[zoqaaa]

ba3ad 3umree ksrt kha6re madre mn wen tlgaha hal bnt
o 7sbe alla wn3m alwakeel 3ala nawal o om ghanem o ghanem

 

[so_what]

يسلموو على البارتات ناطرينج

 

[ba6re8a]

عمااااااا بعييييييييييييييينهم

 

[MaFaZ]

مشكورين حبايبي عالمتابعه .. والمشاركة بارائكم زتشجعيكم فديتكم نك نك

وبعد قلبي اللي دعولي ودعوا حق ولدي ما قصرتوا كله بميزان حسناتكم .. والله يتقبل منكم ويبعد عنكم الهم والغم ... الهم امين

 

[A7la Jekra]

allllaaaaaah y3eeeeeeeen mrym 7raaaaaaaaaaaaaaaaaaaaaam !~

 

[A7la Jekra]

allllllllllllllaaaaaaaah y3eeeeeeeeenCh w Yshafiii wldCh

 

[MISS.D&G]

وااااااااااااااااااااااااااااااااي
نوالوووووووووووووووووووووووووووووو مال ذبح حتى الذبح شويا عليهااا وييييييييييييييع !!
الله يعين مريم مسكييييييييينة
مشكورة حبيبتي الاحداث مووو صج