(( مذكرات مريم .. مذكرات في طي النسيان ))

[zoqaaa]

thnxxx bs wayeed gseer al part ;/

 

[so_what]

يسلمووو

 

[A7la Jekra]

Yslmouuuuuuuuuh

lool 7bait a7mad

 

[miss disaster]

البارت حده عجيب

يسلمو وناطريين الياي

 

[MISS.D&G]

تسلمين ما تقصرين ..
بس سؤال القصة صجية و لا لأ ؟؟​

 

[zooz92]

يحليلهم مريم واحمد

الله يووفقهم

يعطييج العاافية على البااارت

ناااطرينج ;**

 

[MaFaZ]

القصة من تأليفي حبيباتي

اشركم عالمتابعة

وحياكم الله وتابعوا البارت الياي

 

[ladeen]

متى البارت الثاني

 

[A7la Jekra]

waiting

 

[توتا كويتيه]

مشكوره ما قصلاتي
بس جنا مريم صارت جريئه وايد

 

[MISS.D&G]

تسلمين ناطرينج

 

[MaFaZ]

مريم ما كانوا خواتها ينادونها ولا شي .. سكرت الخط ولمت التلفون ودمعت عينها بقهر وحرقة ما حست فيهم من زمااااااااااااان .. من اشهر طويلة لانها تذكرت وليد .. شلون كان يكلمها ايام الملجة وشلون كانت تستحي .. الحين مريم ما تحس بمستحى .. ليش ؟؟ الظروف خلتها جذي وحولتها من .. الى .. ولا اهي ماتحب احمد عشان جذي كان الوضع اوكي .. لكن مريم اكتشفت انها قبل لا تحب وليد كانت تستحي .. وتخجل .. اي اهي الظروف اللي خلت مريم جذي .. طلعتها من قوقعتها وغيرتها لانسانة فقدت اسمى واحلى معاني الانوثة والادب .. اهي الحين مو قليلة ادب بس الحيا تاج يزين كل بنية ....و لما هدت مريم من ثورة الاحاسيس والمشاعر اللي اعترتها .. فكرت باحمد وباسلوبه .. وشلون كلمها وشلون اخذ مكان من تفكيرها .. مجرد مكان صغير كان يخليها تفكر اهو ليش يبي يتزوجني واهو بعده شبابو جدامه فرص وايد وبنات وايد ...


التاريخ : 10-2-2007
الوقت : 3:10 العصر
المكان : بيت ام راشد

فاطمة: (( تبجي )) يعني شلون ؟؟ شسوي
ام راشد: يا يمه كلميه انتي ما يصير تتصرفين على هواج ومرامج عرفي شسالفة مو تتسرعين وتطلعين من البيت
فاطمة: اهو ما يدري اني ادري واهو مو موجود في البيت .. تسبح وطلع انا ما تحملت دقيت عليه وقلت له اني بييلكم
ام راشد: والحين شالعمل ؟؟ بتمين جذي مو زين لج البجي
فاطمة: تهقين بيردها
ام راشد: والله مادري يبنيتي ما يصير تتوقعين شي يمكن اهو مو صاير انتي شفت المسج مالها ما تدرين نشو ردة فعله
فاطمة: انزين ليش دازته له ؟؟
ام راشد: قومي غسلي ويهج .. وصلي عالنبي وهدي شوي عشان تعرفين شنو تسوين
فاطمة: ان شاءا لله يمه

نزلت مريم
مريم: شفيها فطوم يمه
ام راشد: لاقية بتلفون علي مسج من دانة
مريم: وخير ياطير خو عيالها عنده
ام راشد: لا كاتبة فيه انا احبك وابيك وشاريتك
مريم: وييييييييي وبعدين
ام راشد: مادري شنو راد عليها اهو ومادري اذا يدري ولا شنو .. بس فطوم قرته ومنقهرة وخايفة ان يردها
مريم: وييييي بعد عمري فطوم .. حبيبتي ..
ام راشد: الله كريم خل تهدى عشان نعرف شنو بنسوي
مريم: ها فطوم
فاطمة: هلا مريم .. شلونج حبيبتي ... اخيه بعد عمري شعرج
مريم: ما عليه مرده بيطلع صح ؟؟
فاطمة: صح ..
مريم: شفيج ؟؟
فاطمة: مافيني شي
مريم: تحجي امي قالتلي
فاطمة: مادري شوي مريوم .. خايفة
مريم: انزين كلمتيه
فاطمة: لا ما كلمته
مريم: لازم تكلمينه وتستعلمين منه الموضوع
فاطمة: شقوله
مريم: اي شي قوليله عن المسج
فاطمة: اناو مو متعودة افتش بتلفونه بس اليوم اليهال كانوا يلعبون بالتلفون جان اشوفه بالصدفة
مريم: اي اوكي مو مشكلة اذا علاو يحبج وفاهمج صدقيني بيقدر الوضع وبيكون صريح وياج .. وانا ادري ان علاوي شاريج
فاطمة: صح كلامج ..
ام راشد: قلتلها بس اهي كانت تبجي وتعبانة
فاطمة: صح كلامكم يمه انا لازم ما اسبق الاحداث
انوار: ما تبون تعشونا
ام راشد: ونتي كله همج بطنج ؟؟
انوار: يمه ما تغديت عدل ..
ام راشد: انزين انثبري قعدي دام خواتج اهني .. بقولج شي
انوار: شنو خاطبيني ههههههههههههه
ام راشد: اي
انوار: صجججججججججججججج من صجج يمه
ام راشد: ياربي شوفوا هالبنية لا حيا ولا مستحى اي اي
انوار: وااااااااااااااااااااااي واخيييييييييرااااااااااااااااااااااا
مريم: هههههههههههههههههههههه امبيه انوار ثقلي
فاطمة: م نصجج انتي ؟؟؟ مستحيل انوار تثقل
ام راشد: باجر الريل يثقلها ..
انوار : منو منو ؟؟؟
ام راشد: ولد خالتج عامر
فاطمة: هههههههههههههههههههههههههههههههههههههههههههههههههههههههههههههههههههههههههههههههههههه امبيه واي بطني
انوار: لا والله ؟؟ توج تبجين الحين ضحكتي .. امبيه شنو لا ليش ؟؟
ام راشد: شفيه ولد اختي ؟؟
مريم: عامر ؟؟ ترا خوش صبي
انوار: ترا خوش صبي تزوجيه انتي
فاطمة: انواروووووووووو !! تأدبي
مريم: لا مشكورة مابي اتزوج
ام راشد: نسيتي اختج مخطوبة
مريم: يمه بعده ماكو شي رسمي انا لحد الحين افكر
ام راشد : مو مشكلة فكري بس انتي مخطوبة .. شقلتي تبين ولا ما تبين
انوار: شمعنى انا تكلموني جذي ؟؟
ام راشد: لانج انتي اللي يايبته لنفسج لقافتج وثوالتج اهي مخلي ةالناس مستصغرتج
انوار: اففففففففف حتن اففففففففففففففف
فاطمة: واي انوارو بتيين عندنا البيت ويع بتصيرين مرت حماي
انوار: جبح ويه .. اصوم اصوم وافطر على بصلة ؟؟
مريم: ههههههههههههه استغفر الله .. استغفري ربج ولا تتطنزين اذا ما تبينه قولي مابيه وافتكي


وصل حق مريم مسج : مساء الخير يا قطوة

ام راشد: ترا عامر ريال وعصامي ... بنا نفسه بنفسه
فاطمة: اي بصراحة انا اشهد .. وذوق
انوار: صج ؟؟ يحب الماركات
فاطمة: اي بصراحة عامر سكبة بكل شي بس لو يضعف شوي
انوار: ممممممممممم واسلوبه ؟؟
فاطمة: هادي عمور .. وثقيل
ام راشد: وفوق كل هذا ولد اختي وولد خالتج .. شوفي اختج شكثر مرتاحة في بيت خالتج
فاطمة: واي خالتي تهبل تهبل .. شايلتني على كفوف الراحة والله لو ابي شنو تييبه لي غير كل يوم يومين تدش بيدها هدية ولا نقصة حقي

انوار: وناسة .. اي صح بيتهم قصر .. وكلهم مواتر
فاطمة: طاع شتفكر فيه انوارو شفيج هبلة انتي ترا هالامور مو كل شي
انوار: بس لا تنكرين ان لما تدش خالتي وبيدها جنطة ماركة ولا ساعه ولا ريلج يطلعج فنادق ويوديج واييبج متعة ووناسة
فاطمة: اي بس اذا ماكو عادي مو مشكلة
انوار: انا عندي مشكلة واموت على هالسوالف .. انا مابي اطلع من مستوى بيتنا لنفس المستوى او اقل بصراحة
مريم دزت مسج حق احمد القطوة تقول مياو مياو = يعني شلونك اليوم ؟؟

ام راشد: فكري واخذي وقتج
انوا{: انا موافقة بس ابي اقعد وياه
ام راشد: يصير خير ان شاء الله
فاطمة: شنو راي مساعد وماجد ؟؟
انوار: واي اهم مالهم شغل انا اللي بتزوج اهما شكو ؟
مريم: بعد اخوانج شنو اهم شكو ؟؟


وصل مسج حق مريم من احمد : فديت المياو المياو انا وايد زين دام انج رديتي علي .. ما سمعت صوتج اليوم كله ؟؟ خير ان شاء الله

فاطمة: صح قعدي وياه وتعرفوا على بعض عشان لا ينصدم الولد
مريم: ههههههههههه حرام عليج شزينها انوار سنعه وكل السنع
انوار: اشكرج كلج ذوق يا حلوة


دزت مريم مسج : ماكو قاعده مع اهلي واحسن عشان تشتاق لي .. انت شلونك وشلون اسرار

رد احمد بمسج : خلج من اسرار الحين ... يعني اليوم ماكو الو من الحلو ؟؟
دزت مريم : لا ماكو .. واثقل يا بو شهاب

وتموا يدزون حق بعض مسجات .. ومريم على ويهها ابتسامات .. وبالرغم من ان ام راشد قامت وانوارو قامت تطالع تلفزيون الا ان فاطمة تمت تراقب مريم وتبتسم اهي بعد لان مريم بالرغم من ان شعرها كان بادي يطيح بسبب الجرعه وبالرغم من تعبها وجسمها الضعيف .. وشكلها المريض كان ويهها في اشراقة خفية وكانها كانت تعيش علاقة لاول مرة تعيشها وبطريقة طبيعية خارج نطاق الخجل المفرط


التاريخ : 13-2-2007
الوقت : 7:00 المغرب
المكان : بيت ام راشد وفي صالة الاستقبال بالتحديد

عامر: شلونج انوار؟؟
انوار: بخير الحمدلله انت شلونك ؟؟
عامر: انا بخير
انوار: شلون الدوام
عامر: تمام الحمدلله
انوار: الحمدلله
عامر: يالله قولي
انوار: شقول ؟
عامر: اللي عندج
انوار: ونته ما عندك شي ؟؟
عامر: تبين الصج ؟
انوار: اي
عامر: لا ماعندي شاريج بكبرج باللي فيج
انوار: وي وي شدعوة ؟؟
عامر: اي والله .. لان يا بنت خالتي انا شفت فيج كل اللي ابيه بالبنية وانتي بنت خالتي
انوار: اها .. وشنو شفت فيني ؟؟
عامر: حلوة و مرحة وشخصيتج حلوة .. وطموحة
انوار: اها والله زين كل هذا يبين علي وانا مادري
عامر: ليش انتي مو جذي ؟
انوار: تقدر تقول امبلى
عامر: اوكي خلاص عيل وصلنا خير بعد ليش اسأل .. انتي اذا عندج شي قولي ..
انوار: انا اول ما اكمل 18 ابي اسوق وابي سيارة
عامر: تم غيره
انوار: انا ماحب الحكرة .. ماحب التحكم .. احب اللبس والمكياج
عامر: اها .. غيره
انوار: شنو اها ؟؟ لا قول اي ولا لأ ؟؟ لان انا بصراحة عندي تخبل لزوج المستقبل
عامر: اي مو مشكلة عندي قولي وان شاء الله اكون قد تخيلج
انوار: احب الطلعات والسفر .. احب الوناسة .. اححب السينما والطلعات يعني بالعربي انا اذا بتزوج ريلي بيكون لي كل شي فشنو اللي يمنع اني اسوي وياه كل شي ؟
عامر: ما يمنع امري وتدللي بنت خالتي وتستاهل كل هذا غيره
انوار: ممممممممممم انته عصبي ؟؟
عامر: ههههههههههههههههههههههههههههههههه وقت الضرورة
انوار: اي ماحب الاعصاب ماحب الصراخ
عامر: لا تخليني اعصب وما تسمعين لا صراخ ولا اعصاب
انوار: اها وبس
عامر: بس ؟؟ ماكو شي ثاني ؟؟
انوار: لا ماكو كل اللي ابيه سمعته
عامر: انزين
انوار: انزين انته
عامر: يا حلوج انوارو .. عسل
انوار: صج ؟؟ عيل ليش كنت خاطب اختي
عامر: ماافهم مادريت عنج
انوار: اها ..
عامر: يالله عيل دام اتفقنا متى الملجة ؟؟
انوار: افكر ؟؟
عامر: الحين كل هالحجي واخرته تفكرين ؟؟
انوار: اي مابي اتسرع




وهذا الحوار اللي كان بي نانوارو عامر بيوم الشوفة .. انوار كانت مميزة وغير عن باجي خواتها .. واللي تبيه مبدئيا تم .. وما يندرا هل عامر راح يوفي بوعده وينفذ كل اللي قاله ؟؟؟؟؟؟؟؟؟؟؟؟

 

[MeeMeeYoo_2]

يحليلها انوار !!
زين مافلعها باللي يمه على هالتشرط !!

ثنكيوووو

 

[miss disaster]

لوووووووووووول انوار نكته

يسلمو وناطريين الياي

 

[~RouNa~]

انوااااار احسها ياهل و بـ يزوجونها !

يعني احس عامر ثقييييييييييييييل و تكاااانة و اهيا مخفة بـ صرااااحة !

 

[com-teacher]

تبي بعد

وييييييييييييييييييييينج

ناطرينج ياقلبي

 

[so_what]

انوار احسها خفييفه وايد ، يسلمو ناطرينج

 

[MaFaZ]

صباح الخير


صح انوار خفيفة اللي مو مصدقة انها بتتزوج

وعامر قمة الثقل .. اصلا عامر فيه شوية ثقل طينة

مشكورين عالمتابعة والبارت قريب ينزل

 

[so_what]

ناطرينج

 

[بناتي هواي]

بانتظارك