(( مذكرات مريم .. مذكرات في طي النسيان ))

[Babya Doll]

يعطيج العافية حبيبتي
البارت رووووووعة الله يتمم عليهم

 

[توتا كويتيه]

ماقصرتي ياقلبي

 

[مس شوارفسكي]

كملي خيتووووووووو

 

[Danya =)]

رووعة الباارت
تسلميين وربي يعطيج العاافيه
ناطريينج

 

[انين الانتظار]

وااااااااااااااااااااااااااااااااااااي

كملي حبوووبه كملي

اااااااخية عليج يا مريووووم

حياتي فطوووووووم بدع فيها عليووووي


ناطرينج حووبي

وبس

ووثااااااااانكس^_*

 

[الاحاسيس المبهمه]

انـــطـــر

 

[MaFaZ]

التاريخ: 17-4-2006
الوقت: 12:15 الظهر
المكان : بيت ام راشد


رن تلفون البيت ...
مريم: الو
علي: الوووووووووو ... صباح الخير عروسة
مريم: (( منحرجة )) قوة بو حسين
علي: (( منصدم )) منو ؟؟
مريم: انا مريم ..
علي: اوخ .. انا اسف سوري عبالي فاطمة
مريم: لا عادي اصواتنا تتشابه الحين اناديها
علي: اوكي

مريم : فطووووووووووم
فاطمة : هلا
مريم:  على عالتلفون
فاطمة: شنو ؟ @@
مريم: شفيج بققتي عيونج .. هاج
فاطمة: (( غطت السماعه بيدها )) شقوله
مريم: هههههههه الحمدلله والشكر كلميه كلميه
فاطمة: الو
علي: الووووووووووو .. صباح الخير عروسة
فاطمة: ها .. و عليكم السلام
علي: هههههههههههههههه السلام عليكم .. شلونج ؟؟
فاطمة: بخير الحمدلله .. انت شلونك ؟؟
علي: بخير ... انزين قبل لا ياخذنا الحجي .. بدلي لاني بالطريج وعطيني رقم موبايلج
فاطمة: ما عندي موبايل
علي: شنو ؟؟؟ حلفي ؟؟
فاطمة: والله ليش ؟؟
علي: اها .. مو مشكلة بدلي بمرج
فاطمة: وين بنروح ؟؟
علي: بنتغدا برة
فاطمة: بس ؟؟
علي: ليش تسألين ؟؟
فاطمة: عشان ابلغ امي
علي:  ماكو امج اوكي انا ريلج وخلاص امرج بيدي اوكي
فاطمة: ان شاء الله
علي: فديتج .. خلاص يالله سكريه روحي بدلي انا بو نص ساعه ويايلج عندي مشوار قريب اوكي
فاطمة: اوكي ..
علي: مع السلامة
فاطمة: الله وياك


صعدت فاطمة تبدل .. كانت محتارة ما تدري شنو تلبس .. وقفت جدام الكبت تطالع

مريم: ها بتطلعون ؟؟
فاطمة: اي بس مادري شلبس ؟؟
مريم: ممممم انا عندي حل
فاطمة: شنو ؟؟
مريم: لبسي وحدة من العبي اللي يابوهم بالدزة .. اللي من الفيصلية حلوة وكشخة وبعدين بيستانس ليه شافج لابسة شي اهو يابه يعني عاجبج
فاطمة: صج ؟؟ ممممممم فكرة تصدقين .. خل انزلها خل كوماري تكويها لي

انوار: شنو قاعدين تسوون
مريم: ولا حاجة
فاطمة: بطلع اتغدى برة
انوار: واو وناسة .. وين ؟؟
فاطمة: مادري
مريم: امبيه انوارو عن اللقافة
انوار: وييي مريمو .. شكو .. انزين شنو بتلبسين ؟؟
فاطمة: بلبس العبات اللي امس يابوها بالدزة
انوار : امبيه فطمو من صجج انتي ؟؟؟؟؟؟؟؟؟؟ اول يوم بتطلعون مع بعض وبتلبسين عباة ؟؟؟ شيقول عنج ؟؟
مريم: شنو يقول عنها ؟؟ مسترة .. ليش شفيها العبات ستر ورزة وتعطي البنت رونق واناقة مو صج ..
انوار: فطمو مالج شغل بمريم لا تسمعين كلامها صدقيني
فاطمة: لا صج انوارو انا اشوف العبات احلى واكشخ
انوار: واي ياربي شوفو العالم شوفو الناس شتلبس كل بنية تتسابق مع الثانية عشان يطلعون احلى من بعض واكشخ و عالموضة ونتو تردون ورا
مريم: انوار
انوار: ها
مريم: برة برة خلي فطوم تبدل .. فطوم بدلي لا تطولين
فاطمة: اوكي طلعو ودزولي العباية ..
مريم: اوكي


مريم وانوار نزلو تحت ..
ام راشد: ها بنات ما تبون غدا
مريم : لا مو الحين رشود بعده ما رد
ام راشد: ووين فطوم ؟؟
مريم: قاعدة تبدل ؟؟
ام راشد: بتطلع مع علي ؟؟؟
انوار: اي
ام راشد: بلا لقافة
انوار: واي الكل يدقر في هالبيت

قامت انوار صعدت فوق واهي تتحلطم

ام راشد: اف مادري متى اييها نصيبها وافتك .. شالعة قلبي
مريم: ما عليج يمه حقريها بعد انوارو ما تعرفينها
نزلت فاطمة
مريم: الللللللله تهبل عليج العباية .. حتاكل منك حتى وعلى مقاسج وطولج ضبط
فاطمة: اي .. شرايج فيها يمه ..
ام راشد: تهبل يمه .. شحلوها .. صج خالتج ام علي ام الذوق ... بتطلعون يمه
فاطمة: اي يمه .. سوري ما قلت لج .. بس كنتي تصلين .. وعلي دق اهو بالطريج خفت اتأخر
ام راشد: ما علي يمه .. اهو ريلج وخلاص شورج بيده ..
فاطمة: اي اهو قال جذي بعد بس يمه انا اخاف ما يخليني ادرس ويلهيني .. خاصة ان الحين اخر كورس يعني امس واليوم غبت .. باجر لازم اداوم
ام راشد: كلميه .. وفهميه ونتي باسلوبج كسبيه .. وتقدرين تخلينه يقدر دراستج وانا كلمت خالتج وكلمته عن هالسالفة من الخطبة
فاطمة: ان شاء الله ما يحنج
مريم: مع الوقت .. تتعرفون على بعض وفهميه وعلي مبين علي حبوب مو من هذول اللي علقهم مقفل
فاطمة: ان شاء الله ما تدرين شكثر احاتي

رن التلفون
فاطمة: الو
علي: الو .. هلا
فاطمة: هلا فيك ..
علي: خالتي موجودة ؟؟
فاطمة: اي
علي: خل انزل اسلم عليها .. انتي جاهزة ؟؟؟
فاطمة: اي .. تفضل حياك الله
علي: يحييج يا قطوة .. يالله بطلولي الباب

فاطمة: كوماري روحي بطلي الباب حق بابا
مريم: وي خل اقوم البس حجابي .. فطمو تحجي وثول
فاطمة: شدراني تعومست
ام راشد: حياك يمه .. تفضل
علي: احم احم . .. يالله
ام راشد: حياك بو حسين
علي: قوة خالتي شلونج ؟؟؟ شخبارج
ام راشد: بخير يمه .. الحمدلله
علي: شلونج مريم ؟؟
مريم: هلا فيك بو حسين انت شلونك ؟؟
علي: بخير ما قصرتي ؟؟ شلون وليد ؟؟ ما صار احسن ؟؟
مريم: الحمدلله على الله
علي: على الله ان شاء الله .. ها فاطمة جاهزة ؟؟
فاطمة: جاهزة
علي: يالله توكلنا على .. تامرين على شي خالتي
ام راشد: ابيك سالم .. دير بالك عليها
علي: بعيوني .. يالله مع السلامة .. مع السلامة مريم سلمي على وليد
مريم: يوصل .. حياك الله


بالسيارة :
علي: (( مسك ايد فاطمة )) شلونج فطومة ؟؟
فاطمة: بخير الحمدلله
علي: شفيج اتلين ايدج ؟؟ خليها .. ما راح اخليج خليها .. خليها
فاطمة: اوكي ..
علي: نمتي عدل ؟؟
فاطمة: اي الحمدلله ..
علي: نوم العوافي ... انا ما نمت .. كله منج
فاطمة: ليش ؟؟
علي: خليتيني ورحتي وتميت وحيد بروحي
فاطمة: (( توترت وتوهقت ما درت شتقول وشتسوي وويهها اعتفس ))
علي: ههههههههههههههه خلاص خلاص انعفستي .. بس شوفي الحين بخفف بس بعدين لا لازم تتعودين ترا انا واحد عطشان ويوعان

مد علي ايده عالكشن الوراني وياب جيس عطاه حق فاطمة
علي: تفضلي يا زوجتي العزيزة
فاطمة : شنو هذا ؟؟
علي: هذا الله يسلمج تلفون وان شاء الله يعجبج .. لاني استغربت شلون ما عندج تلفون
فاطمة: ما احتاجه ..
علي: والحين راح تحتاجينه .. تصدقين فطومة ما تدرين شكثر كبرتي بعيني يوم قلتي ما عندي تلفون .. ترا نادر بهالزمن في بنات مثلكم بنات خالتي ام راشد .. واللي خلاج تكبرين اكثر واكثر .. اني شفتج لابسة عباية ... تخليني اقتنع اني احسنت الاختيار وان شاء الله الايام تثبت اكثر واكثر

فاطمة: علي ..
علي: عيونه .. مكن اسألك سؤال ؟؟
فاطمة: شصار على دانة ؟؟
علي: اييييييييي .. ممممممممممم شقولج .. ميخالف نأجل هالموضوع حق بعدين
فاطمة: اوكي على راحتك . .بس مهم اني اعرف شنو صار بينكم .. كل شي صار بسرعة بسرعة وانا ما عرفت اسألك عن شنو ولا شنو

علي: اي صح كلامج .. بس شوفي فطومة انا ولد خالتج .. يعني لا تفكرين في يوم اني اتخذت قرار زواجي فيج بشكل عشوائي .. انا فكرت عدل ووايد واكثر من مرة ولفترة طويلة وما خذيت هالقرار الا بعد ما تأكدت اني ما راح اظلم احد

فاطمة: واليهال ؟؟
علي: فديتج تحاتينهم  ما عليج كل شي بوقته حلو خنروح نتغدى ولكل حادث حديث
فاطمة: اوكي

تغدو فاطمة وعلي .. وبعدها طلعوا وراحوا بيت خالتها ام علي
علي: تفضلي
فاطمة: (( خايفة )) ليش ؟؟
علي: هههههههههههههههه لا تخافين ما راح اسوي شي خالتج اهني نزلي وتعرفين
فاطمة: اوكي
علي: رامينا وين ماما كبير ؟؟
رامينا : ماما روه جمعية
علي: اوكي وين حسين وحنين ؟؟
رامينا : فوق
علي: تعالي
فاطمة: وين ؟؟؟
علي: نشوف اليهال
فاطمة: ممم ممكن طلب ؟؟
علي: شنو ؟
فاطمة: ممكن تخليهم ينزلون ؟؟
علي: ليش؟؟
فاطمة: مادري .. احس مادري شلون .. جني خذيتك من دانة وداخلة بيتها واهي ما تدري
علي: ترا هذا بيتي بعد وبيت خالتج قبل كل شي شنو هالتفكير ؟؟ شيليه من راسج اوكي وخلاص انزلهم ولا تزعلين بس على ما تتعودين عالوضع
رامينا نزلي اليهال
رامينا :ان شاء الله بابا

 

[ام عبادي 22]

واو القصه صج تهبل

 

[so_what]

يسلمو على البارت ناطرينج

 

[meera15]

لا طولين علينا قصتك حلوة

 

[MaFaZ]

مريم: السلام عليكم
وليد: هلا والله

انصدمت مريم لما دشت لقت وحدة عند وليد .. كانت بيضة .. انيقة .. مكياجها مبالغ فيه كدكتورة .. كانت لابسة ملفع الوانه صارخة .. حمرة وردية .. راسمة عينها بالكحل وماسكارا اوفر .. كبتها كبيرة .. خاتم كبير بيدها .. ساعه كبيرة .. كل هذا شافته مريم بلحظة من القهر ..

منال: وعليكم السلام اكيد انتي مريم
مريم: اي ..
منال: انا دكتورة منال اخت نوال مرت حماج
مريم: ايي هلا والله ..
منال: الحمدلله على سلامة وليد
مريم: الله يسلمج .. مشكورة
منال: اوكي انا استأذن الحين اخليكم على راحتكم .. تشرفت بمعرفتج مريم
مريم: شكرا .. حياج الله .. شلونك ؟؟
وليد: تمام .. انتي شلونج ؟؟
مريم: بخير ..

قامت مريم شغلت التلفزيون .. وقعدت وتمت ساكتة .. وليد ما كلمها .. تمت ساكته .. خافت تتكلم وتغلط بالكلام .. خافت تتكلم وتنفجر من القهر .. خافت تتكلم وتفسر الامور غلط فسكتت احسن لها قعدت عالكرسي ساكتة تطالع التلفزيون بصمت .. وتفكر .. سرحانة وسالفة تير سالفة في بالها لين بعد اربع دقايق تقريبا خمس دقايق قطع حبل افكارها وليد
وليد: شفيج ساكتة
مريم: قاعده اطالع تلفزيون
وليد: اها ... اوكي على راحتج
مريم: اوكي

رن تلفون مريم ..
مريم: الو
فاطمة: الو .. مريم وينج ؟؟
مريم: بالمستشفى .. ليش ؟؟
فاطمة: اها .. لا بس احنا متيمعين في بيت خالتي ام علي وقلت تيين
مريم: منو ؟؟
فاطمة: انا ومنار وبدرية وبشرو و امون وعلياء والحين امي وانوار بيون .. ما تيين ؟؟
مريم: مممممم .. اي ليش لأ .. شوي وراح ايي
فاطمة: انتي منو موديج ؟؟
مريم: السايق
فاطمة: حلو .. خلا ناطرينج عيل
مريم: اوكي باي
فاطمة : باي

وليد: تبين تروحين ؟؟
مريم: (( واهي مو قاعدة تطالعه )) اي شوي
وليد: ما قعدتي ؟؟
مريم : ما عليه وقت ثاني ان شاء الله
وليد: مريم .. شفيج ؟؟
مريم: مافيني شي
وليد : لا والله ؟؟ من اول ما ييتي ونتي مجابلة التلفزيون ومعطتني ظهرج شفيج ؟؟
مريم: مافيني شي
وليد: يعني بتقنعيني ان انتي مريم ؟؟

مريم: اي انا مريم الغبية البنية الصغيرة المغفلة .. انا مريم .. اللي انته توك تعرفها .. انا مريم اللي عشان انته ما تعرفها ولا تعرف نفسك سمحت حق نفسك تقعد بغرفة مسكرة عليك وعلى اخت مرت اخوك ... انا مريم اللي تحملت كل هالشهور واخرتها يزاتي تقوللي تحمليني انا ماعرفج .. انته ما تدري شنو انا تحملت ونته بالغيبوبة عشان ياي تقوللي تحمليني الحين .. لو جبل جان انهار من زمان .. انا بعدي بنية صغيرة ونته كنت اول حب بحياتي واول تجربة امر فيها .. تعرف انته شنو ؟؟ انته مو بس ولد عمي وريلي انته حبيبي وصديقي انته الانسان الوحيد اللي تجرات وسويت كل شي وياه .. انته الانسان الوحيد اللي قدر يغير مريم من الى بس انته الحين قاعد تموتني .. تموت مريم بتصرفاتك .. قول عني اللي تقوله .. ما اتحمل ؟؟ مو مرة ؟؟ مافيني خير ؟؟ عادي قول ... لاني انا ماني قادرة اتحمل وليد اليديد تعودت على اللي يحضني بحنانه ويلمني ويحتويني بمجرد نظرة .. الحين نظرتك باردة جامدة .. فيها الف علامة استفهام


وليد انصدم من كلام مريم .. من ردة فعلها .. ليش كل هذا .. شنو صار ؟؟ بس مريم كانت مضغوطة .. وتعبانة .. تحس بالضياع

وليد: @@ مريم ؟؟ شالكلام ؟؟ شصاير ؟؟ كل هذا عشان منال كانت عندي .. منال دكتورة اذا جانج ناسية
مريم: بالمستشفى الاميري ونته بمبارك شيابها لك ؟؟
وليد: نقلوها اهني
مريم: مبروك النقل
وليد: مريم تحجي عدل .. لا تتوقعين اني راح اسمح لج تتكلمين معاي باستهزاء .. اذا انا كنت اسمح لج تكلميني جذي فاسمحيلي اني كنت طايح حظ تكلمي عدل
مريم: ان شا ءالله .. راح اتكلم عدل .. انا ماشية تبي شي ؟؟
وليد: انتي من صجج ؟؟
مريم: (( ساكتة ))
وليد: اوكي ... لا مابي شي
مريم: مع السلامة


طلعت مريم ووليد ما رد عليها السلام .. كان قلبها منكسر .. كانت حزينة . .من شدة حزنها وتعبها ما بجت .. تمت تفكر وتقول انا ليش سويت جذي وليش كبرت الموضوع .. مرة تلوم نفسها ومرة تحاسب نفسها ومرة تساند موقفها .. الدنيا افترت فيها ... حست انها تعبانة جسديا ونفسيا ..
طلعت مريم من سيارة السايق بجسمها الضعيف .. المرهق
طلعت وكانت تير ريولها .. نزلت تبي تدخل بيت خالتها .. وفي نفس الوقت عامر كان توه صافط .. توه بيطلع من السيارة ولا يشوف مريم تطيح غشيانة جدام بيتهم ركض عامر وشال مريم من عالارض شالها وكانها قطعة كلينكس من خفتها ودخل فيها البيت مخترع

عامر : يمه .. يمه ..
ام علي: ها عامر لا تدخل الصالة
عامر :يمه تعالي بسرعة
ام علي : ( (واهي ياية صوبه )) وي شصاير ... شفيك خو انطر .. وي مريم .ز شفيها واي .. لحقو بسرعة تعالو ام راشد ... فطوم .. منور .. ييبي ماي بسرعة
ام راشد: شنو شصاير .. واي بنتي .. مريم .. شفيها (( تبجي وتصرخ ))
فاطمة: واي مريم شفيج ؟؟
عامر : ماكو شي يا خالتي .. بس كانت توها نازلة م نالسيارة ولا اشوفها تطيح جدام الباب
منار: هاكم الماي

رشو ماي على ويهها وطقطقو ويهها .. يالله فتحت مريم عيونها وبالغصب ..
مريم: ها .. ها ..
ام راشد: اسمالله عليج يمه .. شفيج ؟؟ عسى ما شر ؟؟؟
مريم: ها .. ما .. ف ..يني
فاطمة: حبيبتي مريومة شفيج شنو حاسة فيه ؟؟
ام علي: لا حول ولا قوة الا بالله قوموا خنوديها المستشفى
مريم: لا .. ل . .لا ما فيني شي
ام علي: شلون مافيج يمه .. ويهج ليمونة ..
ام راشد: اكيد مو ماكلة شي ؟؟ متضايقة من شي ؟؟ حاسة بشي
مريم: لا لا .. بس دورة خفيفة براسي الحين اصير زينة ماله داعي مستشفى
ام علي: انزين شيلوها خنوديها داخل ترتاح عالسرير احسن
ام راشد: اي يالله
مريم: لا ودوني عالغنفة ماله داعي

عامر كان واقف بعيد والعبرة خانقته .. قلبه بيطلع من مكانه .. متضايق حيل وشوي ويبجي على منظر مريم واهي تطيح جدام عينه .. حس بقلبه طاح بين ايدينها لما شالها احس ان شايل روحه .. كانت خفيفة مثل النسمة لكنها كانت تعبانة .. تم يطالعها واهي يتحسر .. ليش هالوردة يصير فيها جذي ؟؟


التاريخ : 20-4-2006
الوقت: 5:40 المغرب
المكان : غرفة فاطمة

رن تلفونها
فاطمة: الو
علي: الو
فاطمة: هلا هلا
علي: هلا فيج
فاطمة: شلونك ؟؟
علي: بخير انتي شلونج ؟؟
فاطمة: تمام
علي: دوم .. شقاعدة تسوين ؟؟
فاطمة: قاعدة ادرس
علي: شاطرة عفية على مرتي
فاطمة : ههههههههههه تحسسني اني ياهل
علي: انتي الياهل مالتي ... انزين
فاطمة: انزين
علي: بمرج
فاطمة: حياك الله
علي: وبصعد دارج
فاطمة: شنو ؟؟؟؟ واي لا
علي: هههههههههههههههههه وناسة اعرف اطفرج .. لا باخذج
فاطمة: لا خلنا بالبيت وراي دراسة
علي: هيا هيا .. بنطلع ولا بنقعد منتي دارسة .. الا اذا كنتي ما تبيني ايي ترا عادي
فاطمة: لا عادي تعالي والله . .بس اخاف نتأخر عشان جذي عرفت .. على الاقل حتى لو انته موجود اقدر امسك كشكول كتاب
علي: لا قلت نطلع بو نص ساعه مع اليهال
فاطمة: ممممممممم اوكي بس وين بنروح
علي: اي مكان .. نعشيهم ونرد شرايج ؟؟
فاطمة: اوكي خلاص بس ما نطول؟؟
علي: ما نطول يالفلسطينية
فاطمة: هههههههههههههههههههههههههههه واي لا لا تطفرني كافي علي رشود ضغاط 24 ساعة
علي: اسمالله عليج ... الله يوفقج يارب ورشود خليه علي .. متى امرج
فاطمة: مادري .. بعد الصلاة ولا قبل ؟؟
علي: كيفج ... ولا اقولج بعد
فاطمة: خلاص على خير
علي: اوكي حبيبتي مع السلامة
فاطمة: مع السلامة


نزلت فاطمة تحت
فاطمة: يمه بعد الصلاة بطلع مع علي
ام راشد: ما وراج دراسة خلصتي دراستج ؟؟
فاطمة: اي ما بقالي شي ..
ام راشد: على راحتكم
فاطمة: شفيج يمه ؟؟ جنج متضايقة ؟؟
ام راشد: اي يمه شي طبيعي بتضايق صارلي جم يوم النوم مجافي عيوني .. احاتي اختج
فاطمة: مريوم ؟؟
ام راشد: من غيرها ؟؟
فاطمة: انزين ما اقنعتيها انها تسوي تحاليل
ام راشد: انبح صوتي .. مادري شفيها .. صايرة عنيدة .. متغيرة .. كله سرحانة .. كله ساكتة .. يا دوب اللقمة تدش يوفها اليوم بطوله يمر من غير اكل ولا شرب ... راح يذبحها التفكير

فاطمة: اي تعرفين مريوم ما تتكلم .. وكله تخش بقلبها على بو انها ما تبي تأذي احد .. بس ما عليه اكلمها

صعدت فاطمة فوق عشان تكلم مريم
فاطمة: مريووووووووووووم .. تيين وياي ؟؟
مريم: وين ؟؟
فاطمة: علي بيمرني بنروح نعشي اليهال
مريم: هههههه وانا شنو موقعي من الاعراب ؟؟ من اليهال ؟؟
فاطمة: هههههههههههه لا لا يالخبلة .. بس تعالي غيري جو .. وخنهبس انا وياج استحي اكل جدام علي
مريم: مردج بتتعودين تاكلين وتهبسين .. بس مشكورة ما ودي اطلع
فاطمة: مريوم انتي شفيج .. لا تطلعين لا تروحين بالحسرة تنزلين تحت .. حتى المستشفى ما قمتي تروحين ..
مريم : وليد طلعوه
فاطمة: صجج ؟؟ وليش ما قلتي ؟؟
مريم: شقول ؟؟ كاهو الحمدلله طلع بالسلامة ومافيه شي
فاطمة: واهو الحين في بيت عمي
مريم: اي اكيد
فاطمة: مريمو صاير شي ؟؟؟
مريم: لا مو صاير شي
فاطمة: عيل ؟؟؟
مريم: ما ودي اتكلم بهالموضوع
فاطمة : وبعدين يا مريم ؟؟؟ شسالفة .. لازم تتحجين .. شدعوة ما تثقين فيني
مريم: مو سالفة ثقة فطوم بس ..
فاطمة: بس شنو ؟؟؟
مريم: ولا شي روحي طلعي واستانسي مع ريلج حبيبتي ولا تحاتين شي ان شاء الله كل شي اوكي .. الحين انا ورشود وامي وانوار نطلع لنا طلعة

طلعت فاطمة من غرفة مريم بعد ما ياست انها تطلع الحجي من مريم .. بدلت وصلت ومر علي خذاها .. وكانوا اليهال معاهم .. دوروا اي مطعم يروحون له .. واخر شي قرروا انهم يروحون يتعشون في مارينا بالمطاعم اللي فوق

علي: انا بقوم اطلب لكم اوكي
فاطمة: اوكي
لما راح علي يطلب
حسين : فاطمة ..
فاطمة: نعم حبيبي
حنين : امبيه عيب .. لاذم تقولها خالتي فاطمة .. ابوي شن وقال
فاطمة: هههههههههههه عادي حبيبتي اللي يريحكم
حسين : انتي ليش خليتي امنا تروح
فاطمة انصدمت من سؤال حسين وحست قلبها يتقطع ..
فاطمة: انا ؟؟ لا يا قلبي انا مخليتها تروح
حنين : امبيه يا ويلك من ابوي .. اثلا ابوي قال امي راحت عشان اهي ما قامت تقدر تنام ولا تاكل في بيتنا بس اهما بيتمون يحبونا حيل مثل اول لما امي كانت تقدر تاكل وتنام في بيتنا
حسين : لا .. انتي نسيتي لما ابوي طق امي وقالها روحي احنا ما نبيج
فاطمة: لا يا حسين .. بابا ما يطق ماما .. عشان ماما حلوة ..
حسين: اذا ماما حلوة انتي ليش ييتي مكانها
فاطمة: انا ما ييت مكانها .. ماما اهي ماما .. انا ييت عشان لا اتمون بروحكم
حنين : بث احنا معانا رامينا .. مو بروحنا 
فاطمة: اي ما عليه انا ورامينا .. بس انا اعرف اتحجى عربي عدل
حسين : شنو يعني ؟؟
فاطمة: يعني مممممممم انا افهم كل شي تقولونه
حسين : صج ؟؟ كل شي كل شي
حنين: امبييييييييه حثون خالتي فاطمة تعرف كل شي ... وناثة
علي: ها .. شقاعدون تسولفون فيه .. لعوزوج ؟؟
فاطمة: لا فديتهم
علي: شفيج ؟؟
فاطمة : مافيني شي ..
حنين : يبه يبه
علي: نعم يبه
حنين : امبييييييييه حسين قال حق خالتي فاطمة فاطمة بث من غير خالتي
علي: صج ؟؟
حنين : اي اي وبعد قالها ان انته طقيت امي
علي: صج ؟؟؟؟؟؟؟؟
حنين: اي ثج ثج ..
فاطمة: 
علي: حسين بابا .. انا ما طقيت ماما ..
حسين: امبلى لما قلت لها طلعي برة احنا ما نبيج
علي: كنا نلعب مع بعض .. بابا ..
حسين : انزين
حنين : اثلا حثين يبجي بالليل يقول وين ماما
فاطمة: ونتي ما تبجين ؟؟
حنين : امبيه لا انا ما ابجي اللي يبجي يعني اهو بيبي انا مو بيبي انا كبيرة
علي: شطورة بنتي .. وحتى حسين بس اهو شكله زعلان .. بو علي لا تزعل يا بو علي
حسين : ههههههههههههههههههههههههههههه
فاطمة: مو زعلان مني حسوني ؟؟
حسين : لا .. بس انا مابي اقولج ماما
فاطمة : لا تقوللي ماما حبيبي انته .. اكيد لان انته عندك ماما
حنين : يباه يباه ..
علي: هلا حبيبتي
حنين : خالتي فاطمة تقول انها اهي مثل رامينا
علي: فطوم ؟؟
فاطمة: اي انا مثل رامينا .. ومحد مثل ماما .. انا موجودة عشان احميهم وما يقعدون بروحهم .. ونلعب مع بعض واوكلهم
حنين : وناثة ..
فاطمة: ليش ؟؟
حنين: عشان كله رامينا كله رامينا .. الحين انتي بعد ييتي تلعبين ويانا ..
علي: ليش مو ماما دانة ؟؟
حنين : ماما دانة لاذم تروح بيت ديدة .. او الشغل
علي: شفتي ؟؟ .. عشان تعرفين انها ليل ونهار كانت هادتهم ما تدري عنهم .. وكله رامينا وماعتقد يهال بيجذبون ... ومرة ثانية لا تقولين انا مثل رامينا اوكي ..
فاطمة: ان شاء الله يصير خير ..بس انا ما بغيت اجرحهم واحسسهم اني ياية اخذ مكان امهم
علي: عفية عليج .. يالله ناكل ؟؟
حسين : خالتي فاطمة
فاطمة: نعم حبيبي ؟؟
حسين : ........
فاطمة: شنو تبي ؟؟ قول لا تستحي
حسين : وكليني
حنين : انا بعد انا بعد
علي: 

 

[ba6re8a]

وناااااااسه احب الاكششششششششنات بالروايه

 

[MISS.D&G]

عجيييييييب البارت ..
الله يستر عسى مو ام غانم تفر راس وليد !!
ناطرييييييييييينج

 

[zooz92]

يحلييلهم فااطمة وعلي الله يتمم علييهم

والله يستر من وليييد

مسكيينة مرريم

يعطيييج العاافية على الباااارت حبيبتي

نااااطرينج ..~

 

[A7la Jekra]

waiting

 

[توتا كويتيه]

مشكوووووووووووووووووره ماقصرتي

 

[ام عبادي 22]

waiting

 

[so_what]

waiting

 

[Danya =)]

مسكينه مريم كاسره خاطري
والله يتمم على علي وفطووم
يعطيج العافيه حبيبتي
ناطرينج

 

[ذلتني عيونك]

كملي ناطرينج يسلمووووووووووووو عالبارت الروعه