(( مذكرات مريم .. مذكرات في طي النسيان ))

[zooz92]

وييي مسكيين ولييد

يعطييج العااافية على البااارت حبيبتي

نااطرينج .. ~

 

[ذلتني عيونك]

ثانكس وناااااااطرين البارت الجاي بس لا تطولين

 

[MaFaZ]

واي واي واي يالقهر

من الساعه 3 ونص ليه الحين كنت قاعده اكتب بارت والبارت كان يزوغ القلب وطويل وفيه احداث وايد وبلحظة هنق الانترنت اكسبلورر وسكر المنتدى معاي من غير لا احفظه واي قمة القهر ............ كنت بمود كتابة ومسترسلة الاحداث معاي ياربي حدي منقهرة




سامحوني بنات عطوني فرصة ارد اكتبه .. وتوبة بعد ما اكتب بالمنتدى على طول اسيفه بالوورد وتالي انسخه اهني :ssssso:

 

[ba6re8a]

ههااااااااااااااااااااااااي سجليييييييييييييني من متابعييييييييينج

 

[ba6re8a]

لا اطزيلين كتبي بارتين بارتييييييين


,ودخيل الله نبي النهايه سعيييييييييييده خخخخخخخخخ

 

[بناتي هواي]

متابعييينك

 

[miss disaster]

واي مساكيين

يسلمو ناطرين الياي

 

[ام هديل 87]

ناطرينج
تسلمين على القصة الحلوة

 

[A7la Jekra]

waiting waiting waiting waiting waiting waiting waiting

 

[توتا كويتيه]

مسكيييييييييييييييييييييييييييييييين وليد
الله يعين مريم

 

[so_what]

waiting

 

[ba6re8a]

يييييييييييييييييييييالللللللللللللللللللله

 

[MaFaZ]

حالة وليد الجسدية مستقرة وكل يوم عن يوم علاماته الحيوية ترد مثل ما كانت .. لكن فقدان الذاكرة اهو اللي مخليهم ينطرون عليه بعد بالمستشفى ويخضعونه للعلاج .. كانت مريم تزوره يوميا الى يوم وترك .. كانت تزوره بالليل عشان لا تصادف اهله او اي احد .. كانت تبي تختلي وياه .. عشان تكون فرصتها بالتعارف عليه وكسبه مرة ثانية اسهل واحسن .. مرة يوديها راشد .. مرة بدرية مرة امها .. مرة السايق وهكذا .. كانوا يقعدون يسولفون عن كل شي واي شي .. كانت تسولف له عن اطباعه وعن اللي يحبه واللي يكرهه الاشياء اللي عرفتهم عنه خلال الفترة البسيطة اللي كانوا فيها مع بعض .. كانوا اهله يزورونه العصر .. وسهيلة وبدر وفارس كانوا على اتصال مع مريم .. واحيانا يصادفونها بالمستشفى يسالون عنها ويتطمنون على اوضاعها .. بس مريم استغربت ان مرت عمها ما سالت عنها ولا تحرشت فيها وفتحت مواضيع معاها ولا سالت وينها ؟؟ مريم ما حطت في بالها وخلت الامور تمشي عادي

مريم: هاك اشرب
وليد: شنو هذا
مريم: عصير برتقال
وليد: ممممممممم
مريم: اشربه انته تحبه
وليد: صج ؟
مريم: اي صج منو ما يحب عصير البرتقال
وليد: اانا ..
مريم: مممممم اها .. اوكي مو لزوم
وليد: زعلتي ؟
مريم: لا وليش ازعل ماكو شي يزعل
وليد: اشوه ... اليوم وين رحتي ؟؟
مريم: ما رحت مكان .. باجر بروح ان شاء الله
وليد: وين بتروحين ؟
مريم: بروح اشتريلي نفنوف حق ملجة اختي
وليد: يحليلها .. مبروك
مريم: يبارك بحياتك كان ودي اقولك الفال لك بس راحت عليك
وليد: ههههههههههههههه اي ونتي صاجة بس جنه اذا ماني فاقد الذاكرة الدين محلل اربع 
مريم: واي حسرتي ...
وليد: يا حلاتج .. جنج عيوز
مريم: اوكي ماشي يا وليد .. قولي
وليد: اقولج
مريم: منو زارك اليوم ؟
وليد: مممممممم امي ..
مريم: اوكي ؟
وليد: واخوي غانم ومرته نوال واختها منال .. و ..
مريم: لحظة لحظة .. منو ؟
وليد: امي
مريم: ادري .. اخر اسم منو ؟
وليد: اخت نوال .. اهي دكتورة في مستشفى الاميري
مريم: اهاااااا .. ما شاء الله
وليد: شفيج تقولينها جذي ؟ في شي ؟؟ صاير شي
مريم: لا مو صاير بس ...
وليد: بس شنو ؟؟؟ تغارين علي ؟
مريم: تبي الصج ؟؟؟
وليد: اكيد
مريم: مادري شنو المناسبة زايرتك ؟؟
وليد: مادري ... اطردها ؟
مريم: لا مو قصدي .. انسى
وليد: اها ...
سكتت مريم .. ووليد سكت .. الجو صاير هدوء .. حبت مريم تسكر هالهدوء وتنعشنعش الاجواء
مريم: اي ومنو بعد ؟
وليد: ربعي .. محمد .. وبشار .. وداود
مريم: شفيك تضايقت ؟؟
وليد: لا ما تضايقت .. بس ما عجبني اسلوبج
مريم: اسلوبي ؟؟ شفيه اسلوبي ؟؟
وليد: تحققين معاي ..
مريم: لا يتهيأ لك
وليد : شوفي مريم انا قلت لج انا الحين مادري منو انا وكل اللي قلت اساميهم واولهم امي ماعرف عنهم شي ناس غرب .. قاعد اتقبلهم على اساس صلة قرابتهم فيني وبس وقاعد احاول واجتهد عشان اتذكر واتعرف عليكم

مريم: ان شاء الله ترد لك ذاكرتك وتصير احسن من قبل
وليد: ان شاء الله اتمنى



مريم تضايقت وايد من اسلوب وليد معاها .. كانه مو وليد اللي تعرفه انسان غريب عنها تماما .. ما تدري شتقول وشنو تتصرف اول مرة تكون في هالموقف .. ونادر ما راح نلاقي انفسنا نطيح بهالموقف .. بس مريم تحب وليد عشان جذي بتتحمل وتتحمل ... ومادرت ان الدنيا خاشتها امور اسوأ من جذي





التاريخ: 14-4-2006
الوقت:4:00 العصر
المكان : بيت ام علي وبالتحديد شقة علي

علي: دانة
دانة: هلا حياتي
علي:  تعالي بكلمج بموضوع
دانة: شنو ؟؟
علي: بصراحة فكرت شلون افاتحج بهالموضوع .. بس هالموضوع ماله الا طريقة وحدة عشان ينفتح

دانة: قول ؟
علي: انا بعد يومين ملجتي
دانة: شنو ؟؟ انته من صجك ؟؟ احنا ما نخلص من هالموضوع ؟؟
علي: احنا خلصنا من زمان ونتي ادرى
دانة: يعني انت شناقصك عشان تروح تتزوج .. والله لو واحد غيرك جان حمد ربه
علي: حامدينه وشاكرينه .. بس على النعم ..
دانة: شقصدك ؟؟ يعني انا نقمة ؟؟
علي: والله يا دانة انا مليت من هالعيشة .. مليت من وايد اشياء واللي علي سويته حاولت اصلح بس انتي ماكو فايدة وعلى ماعتقد من حقي اني اشوف حياتي مثل ما انتي شايفتها من زمان
دانة: انته تعرف شنو معنات كلامك ؟؟
علي: اي اعرف زين وعدل
دانة: معناته ان حياتنا تنتهي
علي: اهي متى بدت عشان تنتهي
دانة: واي واي فكنا واللي يرحم والديك فكنا .. من كلام المسلسلات .. ترا انته مو صغير على هالسوالف
علي: عليج نور انا مو صغير .. وبعدين تعالي انا ما ناديتج اناقشج انا ناديتج ابلغج
دانة: عيل تطلقني
علي: لا تتسرعين بقراراتج .. لانج راح تندمين بعدين
دانة: اندم على شنو على واحد بياع ما بين بعينه شي
علي: ولا يكون انتي شاريتني .. شوفي دانو تبين تتطلقين ؟؟ خلاص لج ما تبين بس مالي خلق صيحة ولا عوار راس
دانة: شنو ؟؟ اوكي بالطقاق طلقني وعيالي عندي
علي: لا .. حريمتج .. اليهال عندي انتي تدرين عنهم ونتي معاهم عشان تدرين عنهم ونتي مطلقة
دانة: اعلمك يا عليوي ان ما شرشحتك بالمحاكم ؟؟؟
علي: اعلى ما بخليج ركبيه .. وسوي اللي تبين تسوينه عيالي عندي ومحد يقدر ياخذهم مني


نزل علي تحت لقى امه ومنار قاعدين بالصالة يشربون جاي
علي: السلام عليكم
ام علي : وعليكم السلام
منار: هلا علي شلونك ؟؟
علي: هلا منار انتي شلونج ؟؟ من متى انتي اهني
ام علي: من اول ما بديتوا صراخ .. ليش يا يمه هالصيحة .. طولوا بالكم هدو
علي: يمه شفيج ؟؟ انتي لحد الحين عندج امل
ام علي: ها شتبيني اخرب بيتك ؟؟
علي: لا انتي ما تخربين بيتي جذي انتي تعمرينه انا ولدج وراحتي من راحتكم وانا مو مرتاح وخلصنا من هالموضوع .. صبيلي جاي منار


نزلت دانة ووقفت عالدري
علي: اي اكيد هالساحرة وازتك علي .. تبي تخرب بيتي .. انا من اول ما دشيت عليكم ونتو تسوون لي مشاكل
علي: اكلي تبن يالله ولا تغلطين على امي يالله .. قضبي اشوف لا اقوم اكسسرج
منار: دانة لو سمحتي لا تغلطين على امي
ام علي: ما عليه يا بنيتي طولي بالج .. تعوذي من ابليس كل شي ينحل بالتفاهم وانا مثل امج
دانة: مثل امي .. محشومة امي
علي: (( يتلها من جتوفها ويدزها برة )) طلعي برة اهو طلعي .. رامينا .. ردي صعدي اليهال اشوف ماكو طلعه ونتي ذلفي يالله .. ذلفي بلا ردة وورقتج هالاسبوع توصلج .. يا بنت ال .....

ام علي: (( تبجي )) لا حول ولا قوة الا بالله ياربي من وين يتنا هالمشاكل
منار: ما عليه يمه لا تزعلين
دخل علي
علي: بنت الحين اقول .. الحيوانة .. لا تزعلين يمه ختولي .. شفيح تبجين بعد ؟؟
ام علي: مو هاين علي يا وليدي .. يحق لها الله يلوم اللي يلومها
علي: ختولي زين شنو يحق لها تخسي عاد تغلط عليج .. ليش مو ريال انا طمبورطين واقف تغلط عليج واسكت .. اطلع مو ريال ان رديتها
ام علي: واليهال يمه 
علي: باجر فطومة تجابلهم
منار: ههههههههههههههههههههههههه
علي : شفيج تضحكين
منار: يمه شوفي ولدج حده عايش الدور يدلعها بعد فطومة .. يحليلك عليوي
قامت ام علي من الصالة : لا حول ولا قوة الا بالل هيا قلبكم انتو الاثنين
علي: يمه تعالي وين رايحة ؟؟
منار: خلها خو تعرفها وايد حنونة و رومنسية
علي: اي تصدقين ..
منار: ونته طالع على امي ...
علي : وشدعوة انتي مقصرة .. تذكرين يوم طاح ابوي ... قلبتيها عزا
منار: تصدق الا عمور .. مادري طالع على منو دمه ثقيل
علي: على عمي عبداللطيف
منار: اي تصدق .. وايد فيه من اطباعه
علي: الحين يطب علينا سكتي ..
منار: على قولتك
علي: ما قلتيلي .. بيت خالتي تجهزوا ؟؟
منار: شيتجهزون له .. بيت خالتي يتجهزون
علي: طاع هذي .. ها بدينا نغلط .. ترا ما ارضى
منار: وي عليوي .. مو قصدي بس انت عارف بيت خالتي بسيطين يعني شن وبيسوون وبعدين اهي حفلة محفوفة جدا ..
علي: اها ..
منار : انته حهزت شغلك ؟؟
علي: اي خلصت .. الدزة مو ناقصها شي ؟؟
منار: لا مو ناقصها ..
علي: اكيد .. ابيها احلى دزة
منار: يالمراهق قلنا خلصناها
علي: انزين ..
منار: قوللي .. حجزت فندق
علي: لا والله
منار: شناطر ؟
علي: مادري محتار وين اوديها ؟؟ النخيل ؟؟ ولا هلتون ..
منار: مادري .. انته شنو تحب تاكل ؟؟ شنو المطاعم اللي مجربها
علي: اي مو عشان جذي في اماكن ما تصلح حق اول يوم ملجة
منار: لا تروحون فندق .. ولا اقولك ودها الداون تاون وايد هادي
علي: صج ؟؟ مجربته
منار: اي رايحتله انا و حمد
علي: خل ادق عليهم عيل .. عندكم رقمهم ؟؟
منار: لا ماعندي .. وماعتقد عند حمد بس طلعه من البدالة
علي: اي خلاص ان شاء الله


********

 

[MaFaZ]

التاريخ: 16-4-2006
الوقت: 2:10 الظهر
المكان : الصالون

فاطمة: الو .. وينج ؟؟
مريم: كاني .. قريبة يم الصالون
فاطمة: واي بدعتوا .. تاخرتي علي مريوم وبدرو ادق عليها ما ترد
مريم: اي بدرية مع منار وانوار وآمنة برشا شيك
فاطمة: يعني بدرو ما بتيي ؟؟
مريم: لا لا .. بس انا
فاطمة: ونتي منو يايبج ؟؟
مريم: رشود .. فطوم يالله انا كاني وصلت الحين اييلج سكري
فاطمة: يالله باي

الكوافيرة : شو حضرتك ما قررتي ؟؟
فاطمة: لا بعد . .كاهي اختي الحين تيي ابيها تنقي التسريحة وياي
الكوافيرة : اوكي على راحتك
مريم: ها حجية
فاطمة: هلا .. تأخرتي
مريم: لا ما تأخرت يتهيأ لج .. انتي من متى اهني
فاطمة: من الساعه 11:15 امي قطتني وراحت
مريم: ويييييييي ؟؟ وشسويتي
فاطمة: شيرة وبديكير ومنكير وحفيت
مريم: يا حلوج اشوف الحواجب .. تهبلين فطوم طلع ويهج
فاطمة: واي عذاب شلون تحفون
مريم: اي يعور صح . .انا بجيت بجي يوم حفولي تتعودين
فاطمة: انزين شسوي شعري ؟؟
مريم: مممممممم ما عندهم كاتالوج ؟
فاطمة: امبلى هاج كاهو
مريم: مممم شوفي هالتسريحة حلوة بتطلع عليج فطوم بس اذا بتطلعون بتصير هالكبرها
فاطمة: واي وين بنروح ؟؟
مريم: تستعبطين ؟؟ خو لازم تتعشون .. مو تسوين مثلي وتييلج الرعشة
فاطمة: واي مريمو خايفة
مريم: لا تخافين حبيبتي .. ترا وناسة
فاطمة: ليش المدينة الترفيهية ؟؟
مريم: هههههههههههه خايفة وتنكتين .. شوفي هذي خلصينا
فاطمة: اي هذي حلوة ...
مريم: خلاص انتي سوي هذي
فاطمة: ونتي شنو بتسوين ؟؟
مريم: ممممممم بقص شعري بدرجه شوي وابيها تستشوره وتسويه لفافات
فاطمة: وناسة ...
الكوافيرة : شو صبايا
مريم: شوفي حبيبتي سويلها تكسير .. وبعدين يبيه على جنب و هذي وردة حطيها على جنب
الكوافيرة : كتير حلو رح يطلع عليكي .. وشك مناسب .. ونتي مدام
مريم: انا ابي اقصه منو عندكم حلو قصها ؟؟
الكوافيرة : الهام و روزيتا
مريم: اها اوكي مو مشكلة اي وحدة بس ابي ادرجه
الكوافيرة تفضلي


سوت فاطمة شعرها .. وحطت مكياج لونه مشمشي على لون بدلتها .. كانت بدلتها مشمشي فاتح موديلها كت وقصة تحت الصدر وبعدين كلوش خفيف البدلة كانت حرير .. فيها شل ناعم عالصدر ومعاها وردة حق الشعر شرتها فاطمة من وحدة تبيع بدل في بيتها وبما ان البدلة كت سوولها شال عشان تغطي جسمها فيه .. اما مريم كانت بدلتها حمرا .. قصت شعرها مدرج استشورته وسوته لفافات طلعت تهبل مع المكياج والحمرة الحمرا .. وصلت فاطمة البيت وصعدت فوق على طول ..

انوار: اشوف .. واي فطمو يا بختج حفيتي
فاطمة: شكو ؟؟ ترا يعور لا تستانسين
انوار: يعور ولا يذبح .. على الاقل الحواجب تتنظف وشكلنا يصير احلى
فاطمة: واي لا احس يبهتي تعورني
انوار: شحلات مكياجج ..
فاطمة: انتي بعد
انوار: ميرسي .. واي الفال لي ان شاء الله اليوم يخطبوني وافتك من هالبيت
فاطمة: وثول .. ان شاء الله هالبيت يفتك منج .. شفيه بيتنا
انوار: ويييييييي واللي يعافيج .. خليني ساكتة
فاطمة: اي اهو هذا اهو الحل المثالي
مريم: ها ((شرايج )) شفيكم تتناشبون ؟؟
فاطمة: مافينا شي .. واي بردانة
مريم: من التوتر ..
انوار: بعد شوي حضن علاوي يدفيج
مريم: انوارو ويهد شالحجي .. قمي طلعي برة
بدرية: شفيها سحيلة شقالت
مريم: ولا شي ..
بدرية: انوارو نزلي قولي حق كوماري تصعد مبخر
انوار: اف ماكو الا انا ؟؟
بدرية: اطرش فطوم يعني ؟؟
انوار: اف اف اف انزين كاني نازلة
بدرية: امبيه هالبنية مو صج .. الله يعين امي عليها
مريم: الله كريم .. يالله خل انزل انا اخاف الناس ايون
راشد: السلام عليكم
مريم: وعليكم هلا والله
بدرية: هلا هلا .. فصول ونصور يسالون عنك
راشد: انتي ما تيبينهم
بدرية: شسوي شياطين خل يولون
راشد: فطوووووووووم يالخاينة بتخلين اخوج
فاطمة: واي رشود اسكت لا تبجيني ترا اطقها بجية واخرب كل شي
مريم: واي لا رشود بليز لا تبجيها
رشود : تصيرين جنج مهرج .. نفس بدرية يوم كانت حامل .. حاطة مكياج وتبجي تحت عيونها اسود ههههههههههاي
بدرية: ووجع رشود اعلمك هههههههههه كنت حامل خوواتنسى ومتضايقة
مريم: رشود يالله .. انزل .. خل ننزل انا وياك وخل العروسة لا تلعوزها
راشد: يالله

واهما قاعدين ينزلن عالدري
مريم: رشود طلبتك
راشد: امريني
مريم: حبيبي ما تقصر .. ميخالف توديني بعد الملجة المستشفى
راشد: ممممممممم يعني الساعة جم ؟؟
مريم: ليش؟؟ عندك شي
راشد: لا ماعندي بس ما تعرفين مساعد .. لازم تجابل الضيوف ومن هالحجي والساعه 12 مواعد رفيجي يبي مني شغلة
مريم: لا قبل قبل بس يطلعون علي وفطوم نتسحب انا وياك شرايك ؟؟
راشد: صار .. غيره ؟؟
مريم: تسلملي ما قصرت


نزلت مريم مع امها وانوار ونطروا الناس ايون .. ملجة فاطمة احلى من ملجتها .. اليوم الكل بيي والكل يعني خالاتها وبناتهم ويدتها والجناين وام مبارك

ام مبارك: كلولولولولولولولوووش بالمبارك يا ام راشد بالمبارك
ام راشد: يبارك بعمرج يا قلبي حياج الله تفضلي
مريم: قوة خالتي ((تبوس ام مبارك ))
ام مبارك: هلا ببنيتي هلا والله مبروكين .. يا حلوج يا مريم طالعه عروس
مريم: مشكورة خالتي ما قصرتي
انوار: قوة خالتي
ام مبارك هلا والله هلا فيج الفال لج يا انوار
انوار: مشكورة خالتي

تمت المصورة تصور مريم وانوارو وام راشد وام مبارك تالي استأذنت راحت فوق تصور العروس .. كانت ريحة البيت بخور والبيت كان مضوي .. ومتروس ليتات .. والقلوب منشرحة .. عكس ملجة مريم لان بيت عمها كانوا ثقال طينة اللهم يا كافي

ام اسامة: دخلي يمه دخلي .. كلولولولولولولولووووووووووش الف الصلاة والسلام عليك يا حبيب الله محمد .. بالمبارك بالمبارك
ام راشد: يبارك بعمرج .. يا اختي ما قصرتي .. يمه شلونج (( تبوس راس امها )) شخبارج يمه ؟؟
اليدة: هلا والله .. كلولولولولش بالمبارك يمه .. الله يهنيها ..
ام راشد: بوجودج يمه .. تشوفين عيالهم وتفرحين ويانا يارب
ام علي: السلام عليكم
ام اسامة قامت تيبب .. ام مبارك قامت تيبب .. وام علي لمت ام راشد حيل وقاموا يبجون
ام اسامة: هاو .. صلو عالنبي فرح هذا ليش البجي ..
اليدة : خليه ميمه دموع الفرح
ام علي: فطوم بعيوني ياختي
ام راشد: يا بعد قلبي والله .. فطوم بنتج افا عليج بس .. حياج الله
منار: قوة خالتي (( تبوس راسها ))
ام راشد: هلا يمه هلا فيج حياكم
امنة : (( تصير بنت ام اسامة )) بالمبارك خالتي ..
ام راشد: يبارك بعمرج حياكم الله

طبعا دخلوا جناين ام اسامة وبناتها يباركون
امنة: 29 سنة متزوجة
نادية : 27 سنة متزوجة
طيف : 24 سنة متزوجة
بشاير : 23 متزوجة
مرت اسامة علياء
مرت مصعب نداء
مرت جابر منى
ام علي: تفضلي يا ام راشد
ام راشد: شنو هذا
ام علي: هذا المهر وسامحونا عالقصور
ام راشد: افا عليج يا ام علي .. فطوم بنتج اخذيها بعباتها .. واحنا ما بينا هالحجي
ام علي: ما عليه .. دام فطوم بنتي هذا مهرها واحنا الود ودنا نكسيها ذهب
ام راشد: ما قصرتي ياختي ..
منار: خالتي ما عليج امر طرشي كوماري تييب الصندوق من السيارة ثقيل ما اقدر اشيله
ام راشد: اي ان شاء الله يمه شصندوقه ؟؟
ام اسامة : الدزة


الدزة كانت عبارة عن صندوق داخله ساعتين وحدة aigner ووحدة D&G وطقم ذهب عبارة عن سبحة وخاتم وتراجي ، طقم عباية وملفع من الفيصلية وطقم عباية مع ملفعها من بدون اسم ، اربع ملافع شواروفسكي ، اربع اطقم ملابس داخلية من الطاهر ، اربع قمصان نوم ناعمين ، اربع بيجامات من لاسينزا ، طقمين ملابس داخلية من CK جنطتين من قصر الجلود وحدة شيروتي ووحدة غاي لاروش .. طقمين عطور فرنسية وطقم عطور عربية عبارة عن تولة بخور رشوش الفراش خمرية و دهن عود

كانت الدزة روعة ..
بعد نص ساعه تقريبا نزلت فاطمة .. الكل سلم عليها باسها ولمها .. ما مداها تقعد الا نادوها عشان تدخل غرفة الاستقبال عشان الملاج يسالها دخلت وبعد ربع ساعه طلعت .. الكل يبب .. وكتو عليها ملح .. ويدتها قطت عليها نون ونقوط .. الكل مستانس واهي كانت متوترة والدمعه على طريف .. كانت تحس بشعور من الوناسة والتوتر حالها حال اي عروس

ولما تعشوا الرياييل دخلوا علي الصالة سلم عليها واول شي سواه باس راسها .. والمصورة استلمتهم تصوير وتجكجك

علي: قمر
فاطمة: مشكور
علي: فديتج والله.. لا تستحين مني اوكي
فاطمة: اوكي
علي: عفية على مرتي تسمع كلامي
منار: وخر اهو بقعد بالنص وبصور
علي: دعلة شتبين ..
منار: وخر علاو .. يالله صورينا
علي: يالله صورتي قومي
منار: هههههههههههههههههههه يالمراهق .. خالتي تعالي صوري
ام راشد: لا ماعليه عادي
علي: تعالي خالتي افا عليج بس انتي راس الطاقة
ام راشد: بعد عمري بو حسين
علي: شفتي امج تحبني
فاطمة: 
علي: شفيج ؟؟
فاطمة: مافيني شي
علي: ما عليج الحين نطلع انا وياج ..
فاطمة: وين بنروح ؟
علي: ما عليج .. نطلع مكان حلو
فاطمة: اوكي ..

بعد التصوير والحلو والقهوة والعصير .. والسوالف صعدت فاطمة بدلت وطلعت مع علي يتعشون برة .. الكل تم قاعد .. حلت السوالف واليمعه .. والبنات تمو يصورون وحطو مسجلة وقاموا يرقصون .. الا مريم تسحبت مع رشود وكان بالطريج للمستشفى .. وصلت مريم واهي متوترة .. شنو بيقول ليه شافها ؟؟

مريم: السلام عليكم
وليد: واااااااااااااااااااااااااااااو
مريم: 
وليد: تهبلين .. لا لا ما اقدر لى جذي شنو هالحلاوة
مريم: صج عجبك شكلي
وليد: يا بختي .. شحلات مرتي
مريم: يا بختي انا ..
وليد: دوختيني .. شنو هالشعر شنو هالنفنوف
مريم: انته تحب الاحمر
وليد: انا ؟؟؟؟
مريم: اي انت
وليد: انا اموووووووووووت عالاحمر .. تعالي قعدي يمي
مريم: كاني قعدت ..
وليد: ميخالف طلب ؟؟
مريم: اطلب
وليد: ميخالف ابوووووسج
مريم: اكيد ميخالف .. انته نسيت اني حلالك .. وانته تقدر تبوسني وتبوسني وتبوسني وتبوسني

 

[MaFaZ]

ردت مريم سكرانة تترنح .. لكنها كانت سكرانة من خمر الحب .. كانت اهي ووليد في تجربة يديدة وفريدة من نوعها .. كانهم واحد وصاحبته ..
طول الطريج كانت مريم تتذكر شصار بينها وبين وليد .. كان كل شي بالبوق .. جنهم غرب عن بعض ويخافون احد يجكهم .. تجربة يديدة على مريم ولا فكرت في يوم انها بتمر فيها .. او تعيشها وبالرغم من مرارة الاحداث اللي مرت عليها واهي بعدها ما دشت العشرينات الا انها كانت سعيدة ومستانسة لدرجة خلتها تنسى كل شي .. نست كل شي

فاطمة: منو ؟؟
مريم: انا انا ..ها انتي اهني
فاطمة: انتي وين كنتي ؟؟
مريم: ها .. ؟ بالمستشفى .. انتي توج رادة
فاطمة: امبيه مريوم امبيه حسرتي (( تبجي ))
مريم: امبيه شفيج ؟؟؟ شصاير فطوم
فاطمة: ((تدخل مريم وتسكر الباب )) امبيه شوفي مريوم
مريم: امبييييييييييييييييييييييييه ... اجرام شنو هذا واي ما تنخش
فاطمة: مادري  شسوي مريمو انقذيني شنو كنتي تسوين بهالحالة ؟؟
مريم: امبيه ههههههههههههههههههههههههههههههههههههههههههههههههههههههه
فاطمة: واي مريمو وقتج تضحكين ؟؟
مريم: واي لا .. امبيه قمت اخاف من علي هههههههه حده مجرم شنو هالعضة ؟؟
فاطمة:  واي انا اخاف منه
مريم: حلفي ؟؟ واي شسوالج
فاطمة: واي مريمو اخاف مابي اتزوج من اول يوم جذي باجر شنو بيسوي
مريم: يحليله علي ههههههههههههه
فاطمة: بسج ضحك انتي الحين شسوي ؟؟
مريم: اقول اذا بيتم على هالحالة لا بالله منتي مكملة دراستج
فاطمة:  خفت ادزه .. او ادقره يزعل
مريم: من بدايتها خايفة عالشعور يالعيارة
فاطمة: لا والله مريوم مادريت شسوي
مريم: وين رحتوا ؟؟
فاطمة: رحنا تعشينا .. حلو
مريم: حلو
فاطمة: جان يقوللي انا مو مرتاح بالقعده خنروح نقعد مكان بروحنا
مريم: حلو
فاطمة: جان يوديني بيت خالتي ..
مريم: امبيه شقته ؟؟
فاطمة: لا .. غرفة الضيوف تحت
مريم: هههههههههههههههه انزين امبيه فيلم
فاطمة: اي اهو قاللي نروح شقته بس انا ما رضيت
مريم: زين تسوين
فاطمة: اي حرام اليهال فوق بعدين اغراض دانة هناك لحد الحين 
مريم: انزين
فاطمة: وبس .. مريمو انا غلطت اني تزوجته ؟؟
مريم: ليش هالحجي ؟؟
فاطمة: مادري احس اني هدمت حياة دانة
مريم: لا يا قلبي .. خو انا كنت ساكنة في بيت خالتي واشوف شكثر كان بينهم مشاكل .. كانت كله طالعة وما ترد الا بالليل .. تخيلي علي كله تحت بالصالة مع خالتي قاعد .. وسيارته كله صافطة واهي سيارتها مو موجودة وبعدين منار كانت تسولف لي شكثر كانت مهملته .. وماتدري عنه اصلا منار قالتلي ان استخف عليج ليش انتي سنعه وحياوية

فاطمة : واي اشوف جذي هجم علي  مو صج مو صج مريوم خايفة مرعوبة
مريم: باجر تتعودين ونتي اللي تهجمين هههههههههههه
فاطمة: ههههههههههههه الله يخسج اهجم بعينج واي لا
مريم: يصير خير
فاطمة: ونتي شنو اخر مغامراتج ؟؟
مريم: اي مغامرات ؟؟
فاطمة: لا والله ؟؟ علينا ؟؟ رايحة بكشختج المستشفى اكيد ولابد في مغامرات اعترفي
مريم: ايييييييييي لا ماكو شي بس شافني وتالي سولفنا
فاطمة: اقص ايدي
مريم: قصيها .. وبعدين اوص عيب ما عليج ..
فاطمة: ان شاء الله .. الحين شلون بخشها
مريم: تعالي نحاول نغطيها لج بكريم اساس ولا اقولج خل ننزل نحط عليها ثلج يمكن تفج شوي او يفتح لونها
فاطمة: يالله يارب تروح ولا باجر ماني نازلة
مريم: لا نزلي بس لبسي ملفع ان ما راحت
فاطمة: واي امي شتقول عني
مريم: ههههههههههههههههههههههههههههه صرتي بلاك لست خلاص
فاطمة: اي  حسرتي
مريم: انا يوعانة خل ننزل ناكل ونشوف لج صرفة
فاطمة:يالله

 

[so_what]

يسلمووو على البارت

 

[zoqaaa]

alpaaart 3ajeeeb thnx 7ubiiii ;*

 

[A7la Jekra]

Tx 3alla el part loool eynn

 

[MISS.D&G]

توني اقرا القصة حدها عجييييييييييبة
بس سؤال اهيا صجية ولا من تأليفج ؟؟
ناطريييين التكملة

 

[zooz92]

لوووووول يحليلهم فاطمة وعلي

يعطيييج العاافية على البااارت

ناااطرينج ..~