ما هقيت الذاكرة بتاخذج مني(محمد & ندى)

[laco$te]

ثانكس حياتي ع البارااات وهم نبي باااارااات بليييز)

 

[mss.86oo6a]

ياااااااااااااااااااااااااااااااااااي حرام حسين ماقام يشووووف وفدييييييييييييت ياسمين ياحلاتها
مسكينه ندى والحمدالله محمد ماهدها ولا طلقهااا
القصه روووووووووووووووووووووووووووووووووووووووووووووووووووووووووووووووووووووووووووعه
يلااا نبي باااااااااااااارت بليييييييييييييز

 

[بقايا قلب مجروح]

Thank you alpart rw3aaaaaaaaaaaaaaaaa
*Nn6rg plz la t6wleen

 

[miss i]

لا تحاتون انشالله ما راح اطول عليكم ...والبارت ال12 بنزله باقرب وقت.... من عيوني

 

[miss i]

part 12:
عند حسين:
الدكتور:هلا حسين....شلونك؟؟
حسين و هو مو شايف:هلا هلا دكتور..
الدكتور :عندي لك خبر ابمليون دينار....
حسين يبتسم:هه...قول؟
الدكتور:ابشر....لقينالك متبرع بالعين...و عينه تناسب عينك بعد....
حسين:هههه لاا؟ يالله زين....
حسين:منو؟
الدكتور:واحد من المتبرعين .....ما تعرفه..
حسين:اها..
الدكتور:تزهب...اليوم بنسويلك العمليه..
............................................................................
غرفة دلال الساعه 1 الظهر:
الغرفه مقلوبه فوق حدر....و الملابس كلها عالارض...
دلال بدلع:وااااااااااااااااااااااااااااااي امبي ويين نفنوفيييي...؟؟؟نالاااا؟؟نالاااا؟
الخدامه نالا:نااااااام؟
دلال:تعالي..
الخدامه تيلاها:نام؟(نعم)
دلال معصبه:ويين نفنوفي؟؟؟؟
الخدامه:اي نفنوف؟
دلال بصراخ:نفنوفي الابيض ....وييييينه؟؟
الخدامه:ماا يارف انتي وين هطيتينا(ما اعرف انتي وين حطيتيه)
دلال تعصب:لا والله ؟؟؟منو الي يرتب غرفتي كل مره؟؟؟؟مو انتي؟؟؟؟مالي شغل...النفنوف يطلع يعني يطلع فااااااااااهمااااااااا؟(وطلعت من الغرفه)
دلال بينها وبين نفسها:واااي شلون يضييع؟؟؟مالي شغل ابيه.....شكلي يصير اينن لمن البسه.....واااي اذا مالقيته شسوي؟؟؟عاد انا ابيه يلتفت علي شوي...اففف...ما غير مجابل هالقيفه ندوو....مادري على شنو......ليش مايشوفني انا ؟؟؟انا اينن....شحلاتي....عاد والله اسمي لايق عليه....اي والله....دلال...ومحمد....خوش اسمين...لابقين...
الخدامه تيي لها:مادام ...هادا؟(مدام هذا لبسج؟)
دلال:وييييي زين لقيتيي....اول مره تسوين شي مفيد بحياتج.....يالله طسي....فارجي قطيييعه...وييييع تلوعين الجبد....(و اتدز الخدامه)يالله بره...
الابو ينادي:دلاااال؟؟دلوله؟؟؟؟دلوله بابا...
دلال:نعم؟
الابو:يالله ما خلصتي؟؟؟
دلال:لا...عطني نص ساعه بس...
الابو:بييييي نص ساعه يعني ساعتين...يالله بابا تاخرنا على عمج طلال...يالله...
دلال:انزين انزين...

موت موت موت و اشبع قهر(رنة دلال الخاصه بماجد)
دلال:اففففف...
دلال ترد بنفسيه:الو..
ماجد:قوه..
دلال:هلا..
ماجد:ها متى بتيون؟
دلال:لمن اخلص..
ماجد:ههه ادري و متى بتخلصين ...يالله ترى كلنا في بيت عمي طلال ..
دلال:انزين كاني قاعدة اتزهب...يالله باي بالبس..
ماجد:اوك باي..
دلال تسكره:اووف لزقه قطيعه...وييع ينرفز..
(طبعا مو الكل يذكر ماجد...ماجد ولد عم دلال و ندى و ياسمين و حسين و كلهم....عمره 24 سنه....شكله :شعره اسود...ابيض عنده قفل...طويل و شكله وسيم...)
دلال وهي تدهن ايدها:الا شخبار ياسمينو؟؟من زمان عنها...هههه خل ادق اتحرش فيها...
دلال تتصل.:................
الجهاز مغلق او خارج منطقة التقطيه يرجى الاتصال في وقت لاحق..
دلال(هو ...وينها؟مو عادتها تنام لي هالحزه....ويي مو لازم):................
............................................................................
بيت ياسمين:
ام ياسمين تنادي:ياسميين...ياسمين ماما...ياسمين....هو!!ياسمييييييييييييين!!(صعدت لغرفتها)ياسمين...ياسمين@@(مو موجوده)
ام ياسمين اخترعت:جالي...جالي(الخدامه)
الخدامه :نام؟
ام ياسمين:وين ياسمين ما شفتيها؟
الخدامه :نو مدام...
ام ياسمين:حسرتي ويين راحت....اهوو ييبي التلفون...
ام ياسمين خذت التلفون....دقت على ياسمين:............
الجهاز مغلق او خارج منطقة التقطيه...يرجى الاتصال في وقت لاحق...
ام ياسمين:حسرتيي وييينها؟؟!!
............................................................................
بالبيت:
الام:تو ما نور البيت...تو مانور.....كلوووولولولولولولولولولولولش...........
مريم:ههههههههههه وي يما شدعوه..؟؟؟
الام:شنو شدعوه؟؟؟؟هذا الصج بعد شنو.......
مريم:هههههههه
الام :نطري خل اسويلج شبه وحرمل حق العين
مريم :هو يما شدعوه؟؟؟الي يسمعج يقول اني مت و رديت حييت مره ثانيه....
الام :اقول بس بس بس ..... اوص...سكتي...خنبخرج...(وتبخرها)و ياعل عيين الحسوود فيها عووود...وانشالله يبعد عنج الحساااد قولي امين..
مريم :هههههه امين...
الام:شوفي عاد.....انا طابختلج مجبوس لحم.....طابخته باييدي....لازم تاكلينلج منه صحنين....واكثر...ابيج تردين نفس قبل...مو الحين....ماغير العظم و اليلد...
مريم:اوولااا..صحنين مره وحده؟؟شناويه علي؟؟انفجر؟؟
الام:اييي انفجري...ولا انج صفره جذي....تقولين كركم...
مريم:ههه انزين...
وصلها مسج:
حمدالله على سلامتج يا اغلى مافي الدنيا كلها....
مريم تبتسم...وترد على المسج:
صدقني مو اغلى منك.....
وصلها مسج:
صدقني انتي اغلى...
مريم تظحك...
الام:هو شفيج؟
مريم:ههه لا ولا شي...سلامتج..
.........................................................................
في غرفه العمليات:
ياسمين منسدحه على الفراش يم حسين
حسين متخدر....
ياسمين تمسك ايده:لا تخاف كلها جم ساعه و ترجع نفس قبل
.........................................................................
بيمعه العمام:
عثمان:الا اقولج ناديه....وين اختج و بنته ياسمين؟؟؟ما يو..
ناديه مالها خلق :والله مادري...يمكن صارت لهم ظروف...
محمد ينزل لهم:السلام عليكم..
الكل:وعليكم السلام....
دلال تبتسم و تطالعا:..........
محمد يرد لها الابتسامه بشكل سريع:...............
دلال:محمد شلونك؟
محمد:تمام ...انتي شلونج؟
دلال:انا زينه...دامك زين..
محمد(شفيها هذي):ايي..انشالله دوم
دلال:الا محمد....انت شنو شهادتك؟
محمد :هندسة بترول....
دلال:صج؟؟شلونها زينه؟
محمد:ايي والله انا توني متعين في شغلي...زين مافي شي...بس لازم تحبين الشغل...يعني ما تكوني داشه و انتي مو حابه المجال..
دلال برقه:اي ادري...انا ادرس بكليه الااداب...و حدي مرتاحه هناك...
محمد:اها..
دلال(شدعوه عليك قول شي..):..
محمد:.........
ندى تقعد يم محمد:........
محمد يطالعها و يلف مره ثانيه(كلمالج وتقربين مني اكثر...واحس ان المسافه بيني وبين قاعده تنهد...ماني عارف اذا كنت قاعد اعاقبج ولا قاعد اعاقب نفسي):...........
دلال(شفيهم؟شكلهم متزاعلين!!هههه وناسه احسن):.........
وفجاه يرن تلفون بو ياسمين:
يرد و هو توه ميت من الظحك:ههه...الو....
........... وهي منهاره:عبدالرزاق الحق عليييي....الحق علييييييييي شوف بنتك شسوت.....
ابو ياسمين اخترع:ها؟؟ انزين انزين...كاني ياي...مسافت الطريج..
............................................................................
البارت القادم:
ياسمين:انا مرتاحه جذي..
_____________
حسين يفتح عينه بصعوبه:........
_____________
ندى متفاجاه:محمد!!
_____________
طلال:اعرفكم...سلوى....
_____________

 

[mss.86oo6a]

وااااااااااااااااااااااااااااااااااااااااااااااااااااااااااي ياسمين احبه مسكينه والله
يسلموووووووووو على البارت الحلوووووووو​

 

[MeeMeeYoo_2]

ياسمين !! حدي ماتوقعت تسوي جذي
اهيا بروحها تلبس نظاره بعد عطته عينها ! اح !

مشكوووره حبيبتي

 

[A7la 7oorya]

الباارت حدده ناايس تسلمين حبي ناطرييييين ^_^

 

[بقايا قلب مجروح]

Alpart 7da 3geeeb
Waiting

 

[mss.86oo6a]

ويييييييييييييييييييييييييييييييييييييتنق

 

[laco$te]

ثانكس حياتي ع البارااات وهم نبي باااارت بليييز:yaaaaaarb:​

 

[^moon]

؟؟؟؟؟؟؟؟؟

 

[miss i]

يسلمو حبيباتي عالردود الروعه.....و عشان خاطركم بنزل اليوم البارت ال13 ولا يهمكم

 

[miss i]

part 13:
وفجاه يرن تلفون بو ياسمين:
يرد و هو توه ميت من الظحك:ههه...الو....
........... وهي منهاره:عبدالرزاق الحق عليييي....الحق علييييييييي شوف بنتك شسوت.....
ابو ياسمين اخترع:ها؟؟ انزين انزين...كاني ياي...مسافت الطريج…
طلال باستغراب:عبدالرزاق شفيك؟صاير شي؟؟
عبدالرزاق و هو مستعيل:لا لا ماكو شي....يالله فمان الله
طلال باستغراب:فمان الله..
ندى:عمي وين البنات؟
عثمان:بالصاله الثانيه..
ندى:بالصاله؟ عيل الشباب وينهم؟
عثمان:وياهم ....قاعدين يلعبون سوني..
ندى:اهاااا
ندى :اوكك(قامت)
محمد قام وراها:اوك عيل....انا ماشي...
ندى بصوت واطي:ليش انا بقعد..
محمد:انتي قعدي ...انا بروح البيت بريح...وبعدين ردي مع عمي..
ندى تبتسم:اوك..
محمد يرد لها الابتسامه:.......(وطلع)
ندى راحت حق البنات:هاااااااااااااي..
الشباب:هلاااااااااااااااااااااااا....هلا والله...
البنات:وااااااااااااااااااااااااي ندووووووووووووووووي
ندى:هههههههههههههههههههه
فرح(بنت عمها):ندووووووووو يالخايسه شلوونج؟؟
ندى:تمااام انتو شلونكم؟؟
زينب(بنت عمها):زينيين...اشتقناالج يالقاطعه...
ندى:افاا...انا قاطعه؟؟انا الي قاطعه ولا انتو؟
نوره(بنت عمها):ههههههههههه لا انتي ولا احنا الي واصلين....و السبب ...
فرح تقاطعها:كلمن في قلبه شقا الليله...ااخخخ
ماجد: ليش عاد؟؟
ندى:مجوود مالك شغل...
ماجد:خخخخخخخ
ناصر:جنها جعمتك؟؟
ماجد:تهقا؟
سلمان يستعبط:الا اهقا ونص...
ماجد:افاا...افا بس افاا..
ندى:هههههههههههههههه
ماجد:ما علييه...ما عليه يا ندوي....اتجعميني؟اووووووكيي.
ندى:اقول عن السخافه...(وتلف على فرح)انزين كملي...
فرح :اي خل اقولج.....................
لحظه......ستوب.....في واحد قاعد بروحه....بشنو قاعد يفكر؟؟
تررررررررررن تررررررررررن(رن تلفونه و قطع تفكيره)
يرد:الو..
جود:حمنيوو..
عبدالرحمن :هلا هلا حبيبتي..
جود حست ان في شي:حمني شفيك.؟؟صاير شي؟
عبدالرحمن:لا ماكو شي....
جود:شلون ماكو شي؟؟صوتك مخطوف..
عبدالرحمن:حسين ولد عمي.....
جود :شفيه؟
عبدالرحمن:سوه حادث قبل يومين...و....و اثر على بصره..
جود@ امبيي... سلااماات...ما يشوف شر...
عبدالرحمن:الشر مااييج حياتي..
جود:مسكين كسر خاطري...
عبدالرحمن:اي والله ...حالته ماتسر....و بصراحه اشتقت له واايد....فاقده حييل..
جود:ايي توقعت...لان اهوه وايد وياك صح؟
عبدالرحمن:شرايج؟؟حسينو اكثر من اخو...رابي وياي.. ماكل شارب معاي....شطانتنا كلها ويا بعض...شلون ما افقده..
جود:ما عليه حبيبي...هذي حكمت ربك....مابيدك شي غير الدعاء...اهوه مايبي منك الا الدعاء صدقني..
عبدالرحمن:اااااخ ...انشالله ..انشالله يقوم بالسلامه..
جود :انشالله.
............................................................................
المستشفى:
الام تبجي:ليييييييش سويتي جذي يا يبنيتييي ليييييييييييش؟؟؟
الابو:لاا حول ولا قوة الا بالله......ليييش يا يبا ما شاورتينا لييش؟؟
ياسمين مبتسمه و الشاش غلى عيونها:انتو ليش قاعدين تبجون؟ ليش ضايق خلكم؟ انا مرتاحه جذي....ماتهمني عيني كثر ما تهمني نفسيتي و رضاي عليها...ليش مو راضين تفهموني؟
الام تبجي:لا حول ولا قوة الا بالله.....لا حول ولا قوة الا بالله...
ياسمين :يما طلبتج..
الام تبجي:قولي يما ....عيوني لج ...امري؟
ياسمين :لا تبجين.....مابي اسمع صياحج....لا تخليني اتضايق...عفيا
الام تبجي:انشالله يما ....ولا يهمج..
............................................................................
غرفة مريم:
مريم:الو..
سليمان:هلا بالغاليه...هلا باحلى صوت في الدنيا..
مريم:ههه شلونك؟
سليمان:هه بخير دامج بخير..
مريم:شلون الدوام وياك؟
سليمان:والله اداوم محاضره و اغيب عشر..
مريم:لييييييييش؟؟؟ امبي مو من صجك....تبي تسقط مره ثانيه و لا شالسالفه؟
سليمان:لا شدعوه ما اسقط....
مريم:لا والله احلف؟؟
سليمان:حبيبتي انا اروح اخذ الكتب وارد البيت...فاخذ بالحضور صفر و الامتحانات فل مارك..
مريم:تقص علي و لا على روحك؟؟اي هيين فل مارك...هذا ويهي..
سليمان:انزين خلينا من الجامعة و عوار الراس...خلينا بالمهم.....
مريم:هههه اي قول..
سليمان بحنيه:ما اشتقتي لي؟
مريم مستحيه:امبلا..
سليمان:عيل انا ميييييت من الشوق...تدرين متى اخر مرة شفتج؟
مريم:متى؟
سليمان :قبل اسبوعين....قبل لا تطلعين من المستشفى بيوم...
مريم:عيل تدري انا متى اخر مره شفتك؟
سليمان:اي ادري..
مريم:متى؟
سليمان:يو ييتج المستشفى عقب ما راحوا اهلج..
مريم:صحح...شاطر..
سليمان:ههههه عيل عطيني حلاوه..
مريم:ما عندي ...عندي ستيكرز على سبايدر مان تبي؟
سليمان يرقق عمره و صوته صار غبي:لاااء ابي على بااربيي..
مريم:قطيييييييييعهههه..
سليمان:كاااااااااااااااااااااااااااااااااااااااااااااااااااااااااااااااااااك..
مريم:ههههههههههههههه
سليمان:احبج..
مريم:اموت فيك..
............................................................................
الدكتور يشيل الشاش من عينه..
........يفتح عينه بصعوبه:............
الدكتور:حسين.....بشر؟
حسين:.............................................................................(يبتسم يتلفت يمين و يسار فوق تحت)..........
الدكتور:حسين م هذا؟(يسوي بايده رقم 5)
حسين متشقق:خمسه....
الدكتور:انزين و هذا جم؟(يسوي بايده رقم 3)
حسين:يا عمي ذبحتنا....ثلااثه...ثلااااااااااااااااااااااثه....قاعد اشوووف والله..هههههههههه
في اذون تسمع....و قلبه يفرح....و عيون................ماتشوف الا ظلمه
ام حسين مستانسه:ويييييي اشوه......الحمد الله الحمد الله...
حسين يمسك ايد امه...:يما انا اشوف...اشوف والله....والله اشوف..
الام تبجي من الوناسه:مبروووك يما ...مبرووك...
حسين :ياسمين ...وين ياسمين؟؟؟يما قاعد اسئلج...ياسمين وينها؟؟ابي ابشرها...
الام:................
............................................................................
ندى بالطريج وهي راده من ياسمين:
ندى بينها وبين نفسها: يا حبيبتي يا ياسمين...ما تستاهلين الي صارل...لو في منج اثني جان عالم الحب بخير......يربي حايشتني دوره و لوعه مو طبيعيه....يااااااي احس اني مو نايمه عدل...حدي دايخه....ياربي
شهالشعور المزدوج
(يرن تلفونها)
ندى ترد:هلا جود...
جود:اهليييييين شلونج؟
ندى و هي تعبانه:تمام..
جود:شفيها الحلوة زعلانه؟؟
ندى:سكتي حايشتني لوعه و دوره و حديي دايخه...شعوري مو مركز اليوم كلللللش..
جود:وييي ندو يمكن حامل..
ندى لا اراديا :فال الله ولا فالج..
جود استغربت:هو!! ليش؟؟؟؟
ندى استوعبت:ها؟ لا بس شكو....كلش ما اتوقع..
جود:ايييي...انزين ندو...ابي منج نوتات العام عندج اياهم؟
ندى :اي ليش؟
جود:بنت عمي اصغر منج بسنه...و تقول تبي نوتات محلوله عشان تدرس منهم...
ندى:اها..اوك مو مشكله اييبلج اياهم باجر بالكليه..
جود:ههه اوك حبيتي ثنكبو...ببااااااااي..
ندى:باااااااي..
(انتهت المكالمه)
ندى(معقوله صج؟؟انا حامل؟؟لالا ما اتوقع...امبي يمكن صج...انا من هذاك اليوم و هي مايتلي...):.................(حولت طريجها حق الصيدليه)
.........................................................................
محمد بالبيت يتكلم بالتلفون:
محمد:ساره شفيج؟؟صاير كلما ابي اكلج تنزرين...شسالفتج؟
ساره:مافيني شي بس انت الي مادري شفيك.....داق علي تتشكى من مرتك...يعني شتبيني اسويلك؟
محمد:هذي يزاي قاعد اشتكيلج؟الحين انا ياي اقولج تعبان..تقوليلي شسويلك؟تدرين شلون ؟ انا الغلطان الي داق عليج ...باي(و سده)
محمد بينه وبين نفسه:ليش جذي تسوين فيني....؟؟؟هذا وانا احبج.....صاير ما احب اكلمج كلش....كلما ييت بدق علييج اتراجع...ليش قاعد تهدمين الي بينه لييش( قطع تفكيره صوت الباب)
ندى تدخل بسرعه:........
محمد باستغراب:ندى؟ شفي؟
ندى سيده عالحمام:مافيني شي (و تسك باب الحمام)
محمد:لي هالدرجه حسرانه؟خخخخخخخخخ
عقب 10 دقايق:
ندى تطلع...
محمد:هههه هااا...توج تطلعين..
ندى :محمد!!!
محمد: شفيج؟
ندى:انا حامل..
............................................................................
و سامحوني عالقصور..

 

[^moon]

واااو
كملي كملي كملي

 

[بقايا قلب مجروح]

Waiting

 

[mss.86oo6a]

امبييييييييييييييييييييييييه فديت ياسين والله مسكينه بس انشالله حسين يقوم فيها ومايتخلا عنها يارب
والله يعين ندى وشنو ردة فعل محمد
ويسلمووووووووووووووو على البارت الحلوو جدا جدا جدا

 

[Cαήαđiαή ģiяĻ]

امممممم متى البااااارت الياااااي
ويسلموو

 

[ريولا دورفيل]

نبي بارت نبي بارت نبي بارت

 

[laco$te]

كملي بليييز <<<ابي اعرف الاحداث قبل امتحانات الفينل
​