ليش الحريم كله متكتميين و ما يقولون ؟؟؟؟

[Leann]

السلام عليكم


بنات قسم الزوجيه احبكم ووايد و بخاطري افضفض مالي غيركم و الله :yaaaaaarb:

ابي اعرف ليش الحريم كله يتكتمون على حياتهم


ما تقول انها تبي تسافر .. جك بم سافرت فجأة و لا قالت و لا تحجت

ما تقول انها حامل الا لما يكبر بطنها بالسادس ..

ما تقول انها اشتغلت الا لما تسمعين من ناس وياها بالدوام انها تداوم وياهم



و آخر صدددددددمةةةة


رفيجتي رفيجة عمري اللي انا وياها و اقولها كل شي .. ما تقولي انها انخطبت و تبي تتزوج :krkrkr:

عرفت من البنات اللي ويانا بالدوام يو سألوني متى عرس فلانه :eh_s(10):

و اختكم انصدمت !! فلانه متى انخطبت و ملجت !!! انا رفيجتها الروح بالروح و مادري!!!!

يعني ببوق ريلج مثلا؟؟؟ تراني متزوجة و عندي ريل


و الله بنات ما ني قادرة افهم هالطبع ؟؟!!! ليش؟؟؟ و شحقة؟؟ شنو فيها اذا قلتي و تحجيتي ؟؟؟؟؟

خايفة من العين ؟؟؟ الحين قايلة حق الكويت الا رفيجتج اللي تعزج مو قايلة لها !!

"قل لن يصيبنا الا ما كتب الله لنا "

اعرف ناس على طووول ما يقصون يقولون احنا حاجزين و نبي نسافر و احنا نبي نزوج بناتنا و كل شي ماشوف صابتهم عين لان تحجوا و قالوا


و الله بنات حدي مصدومة من هالحركة :rgewrg:

 

[فلنتينو]

هههههههههه والله مادري
في برودكاست يقولج المره الخليجيه من تستانس على طول تقوول لحد يدري
تنخطب تتزوج تحمل كل شي <<لحد يدري

 

[ماني من الناس]

هههههههه

اذا انتي رفيجتها الروح بالروح معاج حق تزعلين


اما اذا اهي رفيجه عاديه يمكن نست او شي

 

[coralia]

يخافون من العين يمكن .....

 

[الأنسة ناعمة MA]

شكلج من نوع تسولفين وماخذة راحتج وياها ..ويمكن ماتبيج تسولفين عنها عند أحد

 

[Tom ♥ Jerry]

،


مواقف تبط الجبد ! خو مآ رآح نحسد آحنآ
بس فعلا في ناس ينخآف منهم يحسدون على اي شي
يعني الوحده لو تزوجت و احملت على طول
لو قالوآ حق الناس تلقين وحده تشهق فيهم تقول " توها متزوجه " /:
و تعطيها عين ! و يصير بالبيبي شي أو مآ يتم الحمل
و انا صار معاي هالـ موقف ؛) !

يعني في اشياء تنقال و في اشياء لأ ،
و في ناس تنقال لهم هالـ سوالف و في ناس لأ ./
يعني الحريم يعرفون بعضهم بعض .، لازم مآ يقولون حق الوحده الي عينهآ حآره
و على طول يسمون على نفسهم ؛***

 

[ماني من الناس]

بالنسبه للحسد والعين الحاره

انا ما كانت افكر بهالشي ابدن يوم كنت بالمدرسه وعلى نياتي

بس لما دشيت الجامعه صج صج استغربت من نوعيه من الحريم عينهم حاره ويدققون على اتفه الاشيا صدقيني ان شاء الله شنو

حتى على البشره يدققون منيه مناك

حتى على الرموش

كل شي شي لايصدق

وفيه ناس بسرعه تصيبهم العين مساكين

بس اكيد يعني الواحد مفروض يصفي نيته تجاه الناس عشان يعيش مسالم بس ما يمنع انه فيه ناس غريبين اطوار صراحه واصلين لمرحله غريبه من التدقيق والغيره

 

[LoLaTi]

يخافوون من العين
خو هالايام كل شي يقطونه على العين حتى لو وحده ظفرها انكسر قالو صكتنا عين :rgewrg:

بس ترا بأمور الزواج العين حق صراحه ولازم يكون فيه تكتم بس معاج حق تزعلين من رفيجتج انها ماقالت لج خصوصا انها معاج الروح بالروح بس لاتلومينها عذريها

 

[احلى ـآ وحده]

شوفي المعروف انج ماتقولين لكل من هب ودب

عيون الناس ماترحم وعيونهم وحده بوحده طبعااا عن تجربه

اما رفيجتي لا والله افتحلها قلبي وتفتح لي قلبها .. ومانخش على بعض شي ..

 

[ابدا يالغالي مانساك]

هذووووللي يخافون من العين
انا انقرصت من وحده كنت اقوله كل اللي بقلبي
اما هي اعوذ بالله بس تبي تسمع تاخذ ولاتعطي
تحمل ولاتقول ويحملون خواته
قلت انها ممكن تخااف من العين
وربج يعرف نيات كل حررررمه
وعررف غيره
وحده تسولفللي تقول ويااااي بالدووووم وتعلم كل البنات
انها تزوجت الا انا

خوه شنو طبعهم هالحريم مدري ليه يتعملون بهالنوعيه
بصراحه لاتثقين في احد

 

[تعبت اداري...~]

الله المستعان والله يهدي الجميع لااحسن الاخلاق
اهو صحيح العين حق وبعض الناس ما يعطون خير ....
في نآس جذيه وآيد يخآفون من العين ويسون امورهم با الخش والدس < وعلى قولة المثل يا خبر اليوم بفلوس بآجر ببلاش

 

[LoLaTi]

يخافوون من العين
خو هالايام كل شي يقطونه على العين حتى لو وحده ظفرها انكسر قالو صكتنا عين

 

[شذونه]

يابنت الحلال اذا انتي من صديقتي الروح بالروح منصدمه
انا من كل صديقاتي خش ودس مع والله وربي شاهد مخش عنهم شي قبل ولاعيني حاره اهم للي صكوني عين
بس شنقووول الله يعيين

 

[Tender Heart]

مادري كيفها اهي حره .. انا عن نفسي ماحب اقول كل شي حق ايا كان صرت ماثق حتى بالصديقات من جم موقف صار

 

[ناتشوو]

لج حق تاخذين بخاطرج من رفيجتج كونها مقربة منج
والاحسن قولي لها اللي بخاطرج

بس بشكل عام ردي على موضوعج
كل واحد حر يعلم او لا
وماله داعي بعض الحريم يحبون يعرفون كل شي عن الغير
كيفهم مايبون يقولون عن سفرهم وعن حمالهم
مايزيدني ولا ينقصني هالخبر اذا عن ناس مايهموني

 

[lo0ollipop]

شوفي حبوبه انا وحده حدي فضيحه ماعرف اخش
بس اعرف ليش الناس تخش وماتعلم بهالسوالف
لان الرسول صل الله عليه وسلم قال<(( استعينوا على قضاء حوائجكم بالسر والكتمان ))>
ولازم الناس تقتدي بقول الرسول لان الناس ماتعطي خير

مع ذلك ماعرف اخش حدي على نياتي :eh_s(2):

 

[سكر فتافيت]

الرسول صلى الله عليه وسلم يقول استعينوا على قضاء حوائجكم بالكتمان
لكن لو حد قريب منك وتعرفى انه يتمنالك الخير عادى احكيله شنو راح تسوى

 

[مولاي الفرج]

لان الناس موشايفه خير

ولا يذكرون الله

طبيعي نخش

 

[قمة التحدي]

التكتم :eh_s(10): يمكن يخاااافون من العين


والعين حق ومذكوره بالقرآن الكريم و شي حلو إن الواحد يداري بس بالمعقول

وموقف رفيجتج غريب شدعوه مولهالدرجه !!!!

 

[الزيـــــ^^ـــــن]

الرسول عليه الصلاه والسلام قال(( واقضوا حواءجكم بالكتمان)
يعني موكل شي ينقال الا لرفيجاتي حيل معاهم اقول
اما الناس الثانية علا حسب الموضوع
والله ان سولفت أني بروح مكان اوبسافر تكنسلت السفره
وحتا الروحه تتكنسل يعني علا حسب الشي في اشياء تنقال
مثل اذا البنت انخطبت وصار الشي رسمي بعلم مصيرهم
بيدرون لي متا اخش وعن الحمال في ناس ماتعلم وماندري فيها
لي كبر بطنها أنا اقول انما الاعمال بالنيات
اذا للوحده كانت عالنيه الله يبارك بالشي اللي قاالته