ليش الحريم كله متكتميين و ما يقولون ؟؟؟؟

[Beauty is Me]

ما احب مبدأ

انا اقول كل شي عني فلازم الكل يقولي كل شي صاير

انتي لمن تتحجين وتقولين (خصوصياتج)
معناته انتي نشرتيها حلوو؟

لا تتوقعين كل الناس نفس طبعج في ناس تحب خصوصياتها
مو ضروري اسافر والكل يدري
مو ضروري اشتغل واخبر الكويت كلها
مو ضروري توني محلله حامل انشر الخبر

مشكله مجتمع الحريم يحبون الاخبار ومعرفه اليديد
انا اتكلم بصفه عامه


بالنسبه للموضوع نفسه
عذريهااا
شوفي اسبابهااا

يمكن صج تخاف من العين
وبهالزمن الناس حتا عالضحكه تحسد
وحتا عالزواج تحسد
والحمال
والصحه
يبااا حتا اذا ضابطه الايلينر تحسد

وانا قبل كنت اتحجا بكل شي الحين تعلمت
ما اقول لاحد لا خوالي للا خالاتي لا رفيجاتي
بس امي وابوي واخواني
لان ادري الباجي حسد وغيره

ماله داااعي

اخرتهم بيدرون ولي درو تشرهو وقطو نغزات وحتا مبروك مافي


لا تحطين بخاطرج
مو اهيا رفيجه عمرج
اتوقع هالعشره بتخليج تطوفين لها هالشي
وباركيلها


وشكراا

 

[احـسـاس]

الشكوه لله لاتنصدمين ولاشي

بالذات بالصداقه كل شي صاير جايز

مافي شي اسمه صديق بهالزمن

 

[ايمانو حلوة]

مرض وعدم ثقة بالنفس

 

[Leann]

بنات شي طبيعي اني ماقول للكويت كلها عن اللي بسويه يعني اذا بساافر بروح مكان ماسوي اعلان بالجريدة و اقوول

بس القراب مني خالاتي خوالي مو المفروض اقولهم؟؟؟ على الاقل قبل يوم من السفر يا جماعة انا بسافر تامرون على شي و بس!!

انا اتكلم عن الفئة اللي تخش كل شي ما تدرين عنها !! اعرف وحدة دقت على خواتها يوم الخميس قالت لهم باجر ملجة بنتي انتوا معزومين تعالوا؟؟ يعني لهلدرجة من اختج؟؟؟

و الموقف اللي مع صديقتي صراحة اثر على علاقتنا لان انا وثقت فيها و قلت لها لما خطبوني على اساس احنا رفيجات و نفضفض بس انصدمت ان اهي مو واثقه فيني ؟؟ مع اني مو من النوع اللي وكالة انباء !!

يعني شنو ما استاهل الثقة؟؟ و البنات الباجي اللي قالت لهم ؟؟؟ شلون افسر موقفها يعني!!

 

[انا لحبيبي .]

لا اله الا الله ،

عالم بتقهر ،

 

[السيده ام حسين]

والله انا معاك في الموضوع من صج المجتمع الخليجي كلهم كذا مادري ليش كذا ليش مانصير طبيعين ونعيش حياتنا بصراحه ومصداقيه بشفافيه ليش الخش والدز الا ماله داعي صرنا بزياده نخاف من العين وكل شي قلنا عين وحسد ليش الاجانب مايقولون حسد عايشين حياتهم طبيعي واحنا كل كلمه والثانيه حسد وعين

 

[عنودهـ ~]

الله يعينج بصراحه مالها حق بس عذريها يمكن نست او شيئ
اي كثييييييييير
اجل اخذي هالسالفه اعرف وحده تقول ان مرت اخوها عندها 3 اولاد وتبي بنت
يني مو اول مرة تحمل عشان نقول ممكن تخاف من العين
عاد حملت ولاقالت لام رجلها الا يوم صارت بالشهر السادس
ماكان يبين عليها الحمل ماشاءالله لانها ضعيفة
ومتكمكمة على روحها بالعباية عشان محد يعرف
الا بالعكس والله
بقول للي يحبوني واحبهم عشان يفرحون لي مو يتشرهون علي
يازعم ان مفاجآة بس اللي مثل كذا
خليهم على راحتهم احسن لج ولهم عن لايقولون تطالعننا ولا شيئ
والله يعطيج على قد نيتج

 

[نحوله عسوله]

والله مايعلمووون عن شي لانه الناااااس ماترحم بالمره وماتذكر الله

واللي جرب العين اكيد بيخاااف وانا اختج

اما رفيجتج لاتعلمينهااا شي ثاني مره حتى لو شنوو عشااان تعرف وتنقرص


والدنيا تعلم

 

[مرايــــــــم]

يخافون من العين

 

[دلع انثه]

واااايد ناس صاروو جذي الحين عادي حبوبه أخذي الوضع عادي
والناس انواع الي يخاف من العين والي ما يقوول الا لما يصير الشي ويمكن رفيجتج تغار منج ماتدرين

 

[حصووونه]

انا قبل ازعل الحين عادي كيفهم الي يقولي اقوله والي مايقولي مااقوله

 

[جديده 1]

لو منج ما باركلها على الملجه ولا حتى اعاتبها .. اهي حاطه ببالها اني مو من مخططاتها فليش احشر نفسي !؟
و كونها قايله للبنات وانتي رفيجتها مو قايله لج .. هذي مافيها خير و انتي لاتعلميني اي شيئ نهائياً و سحبي عليها .. صج صج انقهرت ماحب جذي .. اللي يخش عني معناها انا بعينه شي سيئ .. احلا طاااااااااف

 

[•Brown•Sugar•]

لا مو سالفه عين
يعني اذا خطبه مو ضروري ابلغ الناس كلها
يمكن تتفركش الخطبه اي وقت
لما يصير كل شي اوكي وباقي بس نحدد الملجه اتكلم

 

[حلوه ولمآحه]

يخآفون ومن العين ،،
وانآآوحده من الناس خلاص ماصرت اقول اي شي الا لما يصيير،،

 

[فدوووو]

ماعليك منها وخذي كلامي هاذي ماتستاهل تكونين صديقتها
والله وحدة من صديقاتي الروح بالروح سوت معي نفس الحركة
وكل شوي ادق عليها وماترد تسحب علي عشان كنت بقول لها اللي بقلبي من حركتها
بالاخير دقت على وحدة وسولفت معها وهي ماتتصل فيها كثير ولاحتى تهتم فيها زي
بس بالاخير من باعني برخيص بتراب ابيعه

 

[ورده الكرستال]

الشماعه المعروفه


ياخيفين من العين اوالحسد


لانه كلن يرا الناس بعين طبعه

 

[MissChoco]

معاج حق تزعلين صراحه مو حلوه ماتقولج واهيا رفيجتج الروح بالروح ,,

انا مثلا عندي عااادي اقول بس يعني مو على طول اقولهم انا بسافر انا توظفت احس بيقولون واحنا شكو لووول
بس يعني مع السوالف اقوولهم وعادي عندي ليش اخش!!

 

[Killer^Girl]

الرسول صلى الله عليه وسلم يقول استعينوا على قضاء حوائجكم بالكتمان
مو لازم انشر كل شي قبل لايصير او حتى لو توه صاير
انا اشوف هالشي شغله شخصيه
ومحد له حق يتشره علي فيها
اقول والا ماقول انا حرة
اقول حق فلانه وماقول حق فلنتانه هم انا حرة
ف لاتزعلين ولاتتشرهين على احد احسن
وسوي مثلهم

 

[الفدنه]

شي يحر صج
هذي رفيجتج المفروض؟؟؟؟؟
عاتبيها وافهمي منها احسن

 

[بنت التمايمة]

كثير هالاشكال نقابلها بالحياه
معاي بالدوام واحده كانت حجامل وحنا ماندري و ماعلمتنا الا يوم بالسادس لا وتستهبل
تسالنى تقولى ما تستخدمى موانع

ولا الثانيه حامل ونسالها ومبين عليها وتقول لا انا متنت

واللى تنخطب ونسالها متى زواجك تقول مادري وكل شوي تكدب علينا وماقامت ترد على تليفوناتنا