ليش الحريم كله متكتميين و ما يقولون ؟؟؟؟

[أغلى أمنياته]

انا من رايي مو كل شي ينقال[واقضوا حوائجكم بالسر والكتمان]
احيان انتي تسولفين على نياتج الناس تفزلج،،
بس من ناحيتي انا كل شي بسويه واسولف فيه ما يصير،،
اما اذا ماعلمت احد فيه يمشي ويتسهل موضوعي،،،​

 

[بنت_أخت_خالتي]

مو شرط تكون خايفه من العين لا

بس في حديث للرسول يقول في ما معناه داروا اموركم بالكتمان

يعني ماله داعي نقول كل شي

وانا عادي عندي حتى لو مادريت ان بنت خالتي او اي وحده حامل بتتزوج بتسافر مالي شغل

لان اولا واخيرا هلشي خاص فيها اهيه كيفها بتقول ماتبي تقول مثل الشي عندي حتى لو كانت اختي

 

[LuLiTa]

بـ اختصار لانه هذي حياتهم الخاصة .. يقولون و لا ما يقولون كيفهم !

و ثاني شي اهو الخوف من ( العين + الناس اللئيمة) ... في ناس ما تتمنى الخير لـ احد فـ يسعوون عشان يخربون فرحة غيرهم الاحتياط و الحذر وااجب ... الناس ما تنطر لما يطيح الفاس بـ الراس عشان تاخذ حذرها !

لكن بعض الناس فيهم حشرية زايدة لازم يعرفون اخبار غيرهم اول بـ اول ..خير يا طير ؟ .... اذا تزوجت بـ تنعزمين بـ عرسها .. اذا حملت بـ تنعزمين بـ استقبال ولادتها

يعني اول ما تنخطب او اول ما تحمل لازم تعلن الخبر بـ الـ cnn مثلا ؟

 

[جمال دنيتي انت]

صراحةنحاسة ونذالة

 

[يارب اشرح صدري]

حبيبتي سافري واستانسي واحملي والبسي واشتري وتزوجي وسوي اللييييييييييييييييييييييي بخاطرج ولا تعلمين احد ههههههههههه اهم دارييين دارييييين لان اللي همهم غيرهم وراج وراج والزمن طويل اذا حملتي وشافوج بالسادس يموتوووون قهر (يقولون جيده وشاطره ) الظاهر الوحده لازم تستأذن منهم قبل تحمل واذا بتسافر تقولهم بسافر ( أنا اقول نصيحه اذا في نوعيه وراج وراج ودور أخبارك ) لا تعلمين بأمورك مو عشان العين لا عشان ينحقرووووون ) هذول اللي همهم فلانه سوت وحطت حسبي الله ونعم الوكيل الله يلهيهم ويلهينا بالخير عن بعض ويفك بنات المسلمين منهم *

 

[manar-al-hala]

شي يحز بالنفس

بس يمكن هذا درس لج عشان تعرفين انها

مو كفو صداقه وانها طول هالمده تجاااااااملج

خلج حذره من هالنوعيااااااااااااااات ؟؟؟؟

 

[المـــــها]

ممكن في سوء تفاهم
أو ظروف
أنا رفيجتي زعلت مني لما درت من اختها إني بسافر و اني حملت هالخبرين كانت آخر من يعلم فيهم و هي صديقة عمري
بس تدرين ليش ؟؟
مو ذنبي ... ذنبها
لأنها هي كانت عروس و عند زوجها و بهالوقت حملت و بقولها بس حريم و سوالف و ماقدر أكلمها بيني و بينها
و يخلص الوقت و أرد البيت
فأهلها يبلغونها نيابه عني و تزعل
بكذا موقف صار
و تقط اللوم علي و هالشي يحز بالخاطر

 

[بقــآيآ جـروح]

بصرآحه موووقف بآآيخ الكل درى وآنتي رفيجتهآآ مآتقول لج
ع العموم آسئليهآآ يمكن يكون عندهآ عذر مقنع

 

[خالف تعرف]

انا انقهرت حتى رفيجتي جذي

 

[seedo]

فيهم وسواس من العين الحمدلله والشكر

 

[الخـشـف~]

،


مواقف تبط الجبد ! خو مآ رآح نحسد آحنآ
بس فعلا في ناس ينخآف منهم يحسدون على اي شي
يعني الوحده لو تزوجت و احملت على طول
لو قالوآ حق الناس تلقين وحده تشهق فيهم تقول " توها متزوجه " /:
و تعطيها عين ! و يصير بالبيبي شي أو مآ يتم الحمل
و انا صار معاي هالـ موقف ؛) !

يعني في اشياء تنقال و في اشياء لأ ،
و في ناس تنقال لهم هالـ سوالف و في ناس لأ ./
يعني الحريم يعرفون بعضهم بعض .، لازم مآ يقولون حق الوحده الي عينهآ حآره
و على طول يسمون على نفسهم ؛***

؛



صح,
صآجه وصارت برفيجتي , تزوجت وبعد عرسها بشهرين حملت ~
ومن دروا قالولها نفس الجمله "توج متزوجه مُ مدآج"
وطآح البـيـبي :eh_s(2):

الله يحفضنآ

 

[كتكات احمر]

تبون تنصدمون اكثر انا مرت اخوي احملت بالسادس وبطنها شكبره ولا قالت لي لا اهي ولا اخوي واهم بالبيت معانا

وانا عمة عيالها

لووووول طاف من امه بالطقاق الي يطقها ويطق عيالها فوقها