ليش الحريم كله متكتميين و ما يقولون ؟؟؟؟

[somalian girl]

خليهاا في حالها وطنشيها

 

[dectora 7elwa]

نطري شوفي لي متى بتسكت
ان لقيتيلها عذر زين على زين
واذا ماكو عذر
عيدي حسابات صداقتج وياها
يكفي تكون زميله بس

 

[ام حمد 85]

باللعنه اللي تلعنها ليش حاره روحج عليها يعني متزوجه منو مثلا اللي خايفه تقولج حمدالله والشكر اساس الزواج الاشهار

 

[Vaniela]

انا بحمالي الياي مب معلمه حد لين ينتفخ بطني .. حدي مقهوره بحمالي الاول كلن درا اني حامل و ببطني ولد وانا بالثالث تخيلواااا
لانه عندي بخور السوق ما تقصر .. فقررت ما اعلم خير شر ..
احس حياتي صارت تحت المجهر كل الناس تعرف عن اخباري و تحركاتي وين رحت وين يت
شي يقهر صراحه ..
و المشكله انا عندهم الغبيه لاني اعلم باموري و اهي تكون عاديه فمشيت على موال ( مادري ماعرف يمكن ) واسكت
هالطريقه تنفع للملاقيف ولا القراب ربعي و اهلي انا اقولهم مب مشكله

 

[ما كو اسم]

مادري اكثر اللي يسوون جذيه يبون يسوون مثل مالناس ما اتسوي .
يعني مسوينها فيها فاتسوي مثلهم

 

[• JoJo •]

حسب كل وحده اذا تبي تعلم او ما تبي يعني اشوف هالشي راجع للشخص نفسه

 

[~ M!sS D!oR ~]

انا حياااتي طبيعيه جدااا بس همن الحررررررص وااااااجب مو كل من هب ودب تقوليله كل شي
اللي شاااايف خييييييييييير اسوولف عننده عاااادي اما اللي موو شااايف خييييييير ساكته وبسس

اما رفيجيتي الروووح بالرووووووح كل شي انقووووووله لبعض ومانخش شي

 

[طير الحب]

الكل ماشى على مقوله * الناس ما تعطى خير *

 

[PuPa^^SWeeT]

عادي هذي حال الدنيا



تعودنا

 

[الحب الحئئ]

كنت أقول كل شي عادي حتا حمالي ما كنت أخش لين شفت اللي حواليي نيتهم مو مثلي يخشخشون
صرت ما أحب أقولهم لاني أحب الناس تعاملني مثل ما أعاملهم أذا الوحده فيهم حملت ما تعلم ولاتعورت دقت علي وقالتلي أجهض يعني شوفوني ترا أحمل بس طاح ليش ما تبشرون لما يصير عندكم شي حلو بس اخباركم الحزينه أطلعونها
حتل أقرب الناس جذي أستغرالله الحي القيوم وأتوب أليه

 

[انا لحبيبي .]

لانه في شغلات الرسول قالنا فيها ( واقضو حاجتكم بالكتمان )

مع اني مو من النوع الكتوم دايما فاضحه حالي هههههههههههههههههههه​

 

[القلب الطيب]

الناس اجناس
وكل واحد وشخصيته والله يهدي الجميع

 

[كادى الحب]

هذا طبع الحريم

 

[عزتي في عفتي]

والله انا اشوفها شي من الخصوصيه يعني اذا بسافر افرضي جاني شي طارئ لاسمح الله وكنسلت هالسفره بيطلعوني كذابه الناس وبيكون موقفي ابيخ اذكر مره قبل سفرتي لمريكا زوجي كان يقول لزملاءه وخوانه والله العظيم انه قاعد يقول لهم ان شالله هالسنه بروح لمريكا ادرس ربي ماتتيسر اموره واخذ اربع سنين علي هالموال من ايام خطبتي لين تزوجت تخيلوا يعني بعد زواجي ماكملت سنه الا والحمد الله سافرنا بس يقول يوم بطلت اقول للعالم والله اموري تيسرت والرسول صلي الله عليه وسلم حثنا علي قضاء حوائجنا بالكتمان فكانوا يقولوا لزوجي انتي قاعد تلعب علينا ماشفنا وراك لا سفر ولا هم يحزنون بس يقول يوم شفتهم يشككوني اني اكذب قلت ماعاد اعلمهم انا علي النيه اقولهم وهم لا يكذبوني وربي لطيف وقسم بالله يوم دارينا علي الموضوع انا واياه بس ماعطينا العالم خبر الا قبل السفر بسبوعين ونص
اما سالفه الحمال الله العالم انا خالتي الي اهي خالتي مخبيه عن امي وهي اختها من امها وابوها ومعلمه مرت جدي عن حمالها يوم امي قاعده تسولف واياها الا وهي تنغث امي سم الله عليها تعرف وجه الحرمه الحامل لانها لها خبره تميزها علي طول قالت لها انتي شكلك حامل قالت لا والله قالت امي انتي اختي وانا اعرفك اذا حملتي وجهك مره ينقلب لللون ثاني عقب اعترف وقالت لها من الي قال لك مرت ابوي وانا موصيتها امي تقول انصدمت حتي مرت ابوي تدري وانا اختك مادري
والله اشوفه شي عادي كل الحريم يحملن ويولدن ليه هذي يعني بتحمل بولد ولا بنت مرصعه بذهب
حمدالله والشكر والزواج نفس الش يعني غريبه صدق

 

[جروح ودموع]

عين الناس ما تعطي خيييير عن تجرررربه

 

[ملوكـه]

ان شاء الله العين ماتعدااااااهم النوعيه الخاااااااايسه هذه ..

عسى الله يوريني فيهم يوم اللي جرحوووني !!!!!!!

 

[lamoshty]

عآدي صرآحة في نوعية من الناس كذآ طبعهم

مثلا آحنا عندنا ببيتنا بينا نعرف يعني اذا احد سئلنا نقول بسس نبشر وكذا لااا

يعني نجحت مو لآزم اقول دخلت قسم زين مو لازم اقول وكذاااااااا بكل شي
بالبداية كثيييييييييير زعلووو بسس بعدين تعودو هذاا شي عادي

واذا تزعلين ماله داعي لانه يمكن هي مو من نوع الي يحب تنعرف عنها شي

أحس عادي موقفها

 

[Coco.chanel.moi]

مادرى بس كل وحدة براحتها مدام اهي اشياء خاصة ما له داعي تروح تقول انا جذي و بسوي جذي
لانه صج هالزمن الواحد يخاف يقول اي شي
تلقين اذا بتسافر وقالت ما يصير واذا ما قالت تسافر وتستانس او اذا مقدمة مكان ما يصير الا لما ما تقول حق احد وانا شخصيا صادفتني هالاشياااااء واااايد

 

[lamoshty]

ناس تعاني من النقص
وصدقيني دوم بنت الفقر تخش عن بنت العز اخبارها عن تجربه
والي تخش خايفه من العين تاكدي انها اهيا انها حسووووووده مليون بالميه
وصدقيني هالفئة دوم ربي يفقرهم ومايوفقهم
اذا حامل سئالوج قولي حامل ليش تخشين خو حامل من زوجج مو من ولد الجيران
سالوج شنو فيج وانتي عارفه قولي خو يابنت ولا ولد ماراح يكون شي ثالث
تزوجي قولي خل نباركلج ونييبلج هديه ونفرحلج
الحمدلله كل يوم الناس تتزوج وتحمل وتسافر ويشترون بيوت
الخير وايد
ليش التخشش
والله عيب
اعرف واحد من جيرانا مرته ولدت ولااحد يدري عنهم بالفريج كلش عسى ماشر شصاير بالدنيا

معليشش وش له تقول يعني حامل مو شرط منها اول ماتحمل تسوووي اعلان انها حامل وغير كذا لها حق بخصوص هالموضوع بالذات تخبي اعرف لي وحدة اول ماحملت كل العالم عرفت وهي ياعمري فرحت ماتم لها شهرين الا نزلته وهي تنتظره لها فترة
بعدهااا طولت على ماحملت ويومها للحين ماتقول لاحد الا اذا كبر بطنها ووضح للكل وبصرآحة اهنيهاا مال اي احد خص فيها
ثانيا بخصوص تقول الي فيها بنت والا ولد هذا انتي تعرفين انه اكيد يابنت ياولد مو مجبورة انها تعطيك خبر مثلا لو قالت لك انها بنت بتتكفلين فيهااااا للابد مثلا وش بتسوين ولاشييييي
ثالثا تزوجت وماقالت شي يرجع لها مو طايييرة بهالخبر علششششان اعرفو ترا تزوجت لييييه اذا باركتي لهااا اذا علمتك يختلف اذا ماعلمتك اذا فيك خيرر وباركتي ونيتك زينه بكل الاحوال علمتك او لا بتتمنين لها الخيررر يعني مال اي احد مصلحة اذا بارك لها بالبداية

رابع بخصوص السفر مثلا لو قالو لك بتروحين معهم بتعطينهم شييي ينفعهم بتفيدينهم بشيي ماراح تستفيدن شي ولا راح تستفيد منك بشي يعني ماله داعي تعرفين

واخيرا كلاميي موجهه للجميع بس تعليقك استغربته كأنه لازم الكل يخبرنا بكل شييي
ومتاكده انك انتي نفسسسك ماتخبرين الكل بكل شي عندك اشياء ممنوع ان احد يعرف عنها متاكده

وغير كذآ الرسول نفسه ناصحنا بهالشي

وفيما معناه قال (( وأتموآ أموركم بالكتمان ))



بسسس هذآ الموضووع ماقالت لي ماقال لي خبو علينا وش بنسوي لهم ماراح نضرهم
لو ماهمكم الوضع ماتكلمتو عنه





وجهة نظر​

 

[عاشقة هواك]

الظاهر تخاف من العين

والصراحة حتى انا لو رفيجتي الروح بالروح انسي اقولها اني بتزوج

عين الناس ما ترحم