غلطة امي(قصة واقعية)

[ام عيون عسلية]

يااااااااااااحرااااااااااام والله تكسر الخاااااااااااااااطر





كملي حبيبتي

 

[sindrella]

يلا ملووووووووووووووووله لا تطوولين ناطرين النهاية على نااار

 

[مرهم عيون]

كملي عيوني

 

[baby johnson]

ناطرين حبيبتي

 

[ReRez]

<< تنطر واهي منقهره من المنتدى

 

[MC ANFAL]

ناطرينج حبوبه

 

[baby johnson]

ريري ؟؟؟؟؟
ماصارت عندج ليلحين
انا يومين كله يطلعلي تطوير ومادري شنو
بس اليوم لالالا عادي
ماصار عندج حبيبتي ؟؟؟

 

[الملالة]

انقطعت لطيفة عن المدرسة وتمت قاعدة بالبيت تنطرأبوها يرد من السفر ويدق عليها وما دق وكل ما تدق عليه بالبيت تقول لها زوجته مو اهني ولا مسافر ولا نايم لحد ما انفجرت فيها لطيفة وقالت:خلاص بسج جذب انا ادري انج انتي اللي ماتبيني اكلمه وانه ما يدري اني اتصل بس انا بروحي ومحتاجه له واذا ضعت ولا صار فيني شئ فذنبي برقبتك وصكرت التليفون بويها.. مرة ابوها خافت من الحوبه وقالت انا عندي بنات اخاف الله يحر قلبي عليهم أنا بقول لابوها وكيفه اهو وياها بس بشرط عليه انه ما يفكر ييبها عندي أنا عندي بنات وانا ما أدري شلون امها مربيتها واخاف تخرب بناتي..لما يه ابو لطيفة بلغته زوجته باتصال لطيفة وعطته رقمها ودق عليها واتفق انه ييها البيت وما قال لها تعالي لانه يدري انه زوجته ما تبيها.. وأول ما دخل البيت وبدون مايسلم عليها ولا جنه مو شايفها من يوم كانت بالروضة..قال أبوها:عيل وين امج؟
نزلت لطيفة راسها وما تكلمت.
الابو:على بالج انا ما أدري بسوالفها اصلا امج ريحتها فايحة بكل الدواوين وأحمد ربي ألف مرة إني طلقتها قبل ما تفضحني ..والمرة اللي تبيع أهلها علشان واحد ..تبيع روحها عشان الفلوس..يلا خلصي شبغيتي؟ كل يوم والثاني داقة ما جنج دوختينا.. وما عطى لطيفة فرصة تتكلم اصلا.
لطيفة منصدمه بأبوها: ويوم أمي ريحتها فايحه ليش مخليني عندها موانا شايله اسمك؟ ماخفت علي ،تدري انه امي انسجنت وانا عايشه بروحي وانا مالي احد.. قاطعها الابو: غير الفلوس ما عندي شئ ثاني روحي لاهل امج ، اهم لازم يتحملون غلطة بنتهم أنا ريال عندي بيتي وعيالي وماني ناقص عوار راس. في شئ ثاني؟
لطيفة: يبا أن ابي أساعد أمي وأحط لها محامي لان مالي غيرها الكل تخلى عني وما يبيني ..
أبوها ؛ بعد هذا اللي ناقص، ما بقى الا هالاشكال اللي احط لها محامي ، خلصي تبين شئ ثاني ولا أمشي ترى وراي شغل.
لطيفة: حسبي الله ونعم الوكيل.
وخلاها ابوها وطلع عقب ما قط على الطاولة شوية فلوس.
وبعد نص ساعة من طلع ابوها دق التيلفون .
لطيفة: الو..من يتكلم؟
خالد: ها لطوفتي شصار على موضوعنا؟
لطيفة: متى بتطلع أمي؟
خالد: لما تقررين ..ويضحك.
لطيفة: خلاص أنا موافقة على كل اللي تقوله وسكرت التلفون بدون ما تسمع الرد وركضت غرفتها تبجي... يتبع

 

[الملالة]

اهلين بنوتات حلوات اللي متابعين القصة... ترى حنتكم بتخليني اختصر وايد بالقصة.. وانا بروحي لايعة جبدي من المنتدى اللي كله معلق، فشرايكم تبون تعرفون النهاية على طول ولا تبون تعرفون بالتفصيل شلون تدمرت حياة لطيفة؟؟؟:0bee2e8d89:

 

[SuGaR_979]

لالالا لاتنهينها نبي التفاصيل
بس بعرف باقي وايد ولا شويه ؟

 

[om yasafy]

واي القصة اتينن يالله نبي البارت اليااااي حدي اندمجت

 

[مخروووشة]

ولين صج وهقه

 

[over love]

ياويل حالى


ماعليج من الحنه كتبى لنا التفاصيل ماورنا شي حبيبتى

 

[بيبي ناز]

البااااااااااااااااااااااارت واااااايد قصييير

كملي كملي

 

[صباح الليل]

لوووووووووول صكت على البنات اللي تابعو قصتي بالحن :ggdw:
عيل اشششششششششوه انج تابعتيني على آخر بارتين جان ذبحتيني :krkrkr:

خخخخخخخخخخخخخخخخ
جكتني اني حنانه هههههههههههههه
عاد تدرين ريريز قصتج خلتني غصب اكملها من كثر ما اهي مشوقه
فديتج على هالقصه._03ba:
وناطرين ملاله تكمل لنا قصتها......
تسلمين ملاله على هالقصه الحلوه

 

[الملالة]

خلاص عي لا تحنون وخلوني انزل باج الجزء الخامس على راحتي وترى على فكرة ما بقى وايد بس ابيكم تعرفون تفاصيل اللي صار حق لطيفة بعد سجن امها.. زمن باجر راح ابدي بس بدون حنه:eh_s(14):

 

[بنت الكويت 15]

حبيبتي ملوله نبيهه بالتفصيل الممل كملي حبيبتي والبارت وايد صغير

ناطرينج

 

[إيمي1987]

ناطرينج اخذي رااحتج

 

[ReRez]

الله يعينها قطعت قلبي ناطريينج

 

[ReRez]

ريري ؟؟؟؟؟
ماصارت عندج ليلحين
انا يومين كله يطلعلي تطوير ومادري شنو
بس اليوم لالالا عادي
ماصار عندج حبيبتي ؟؟؟

لا للحين والله ماصار :0bee2e8d89: