غلطة امي(قصة واقعية)

[ام عيون عسلية]

ناااااااااااطريييييييينج

 

[baby johnson]

ناطرينج حبييييييييييييييييبتي

 

[رفيف الورد]

يالله يا حمود إلحق على لطوف قبل لا ياكلها الذيب خلود

ويا دلول ليش تتليقيفين وإتخلين البنت تنصدم يعني شنو اللي راح تستفيدين لي صار بالبنت شيء

مسكينه لطوووف ظلمها الزمن

 

[غير كل الناس]

كلما اندمجت وقفتي لاااااااااااااااااااااااااااااااااااااااا

 

[عصفورة حزينة]

ناطرينج
صج عورت قلبي

 

[مـ سهله ـو]

وييييييييييييتنق

 

[com-teacher]

نااااااااااااطرين

 

[بنت الكويت 15]

ناطرين على نااااااااااااااااااااااااااااااار

 

[غير كل الناس]

ومازلت انطررررررررررررررررررررر

 

[baby johnson]

ناطريييييييييييييييييييييييييين

 

[بنت الكويت 15]

والله نااااااااااااااااااااااااااااااااطرين عاد يللا وينج

 

[الملالة]

وصلت لطيفة الشاليةمع خالد وكان بمنطقة الزور عرفت من اللوحة الموجودة على الشارع الرئيسي ونزلو وكان الشاليه فاضي ما فيه احد غير الهندي اللي طلع لهم أول ما وقفت السيارة وعلى طول ركض صويب خالد ومبين انه متعود على شوفته..خالد: ها راجو كله تمام؟
راجو: أي بابا انا يسوي كل شئ.
خالد: اوكيه .دخل السيارة الكراج ولا تدخل الشاليه الا لما اناديك.والتفت على لطيفة اللي كانت للحين بالسيارة :ليش ما نزلتي شناطرة ، تبيني اشيلج؟
ونزلت لطيفة من السيارة وهي خايفة والدنيا تفتر فيها ومسكها خالد وسحبها داخل الشاليه.
******************
تم حمود يفتر بالسيارة لما صارت الساعة 12 ورد مرة ثانيه ودق على سيتا وقالت له انه لطيفة للحين ما رجعتوآخر شي تم واقف يم بيتها ينطلر يمكن ترجع بعد شوي وهو متحلف بخالد( والله لوريه اذا ما نتفته ماأكون حمود)
ولما صارت الساعة وحده وما رجعت قرر انه يرجع البيت ويمرها باجر من الصبح ويشوف شسالفتها مع خالد.
في الشاليه خالد من أول ما دخل وهو طايح له شرب ومو حاس باللي حواليه سكران حده ويتحرش بلطيفة بس مو قادر يسوي شي .. ولطيفة قاعدة يمه ولايعة جبدها منه بس شتسوي ووين تروح .
خالد: قومي لطوف قومي رقصي..
لطيفة: ما أعرف ارقص.خلصني أنا تعبانة .شلون باجر بتروح حق المحامي وانت سكران.
خالد:أي محامي انتي من صجج يبا امج راحت باي باي ماراح تطلع بتعفن بالسجن.( وطبعا السكران يطلع كل اللي بقلبه بدون ما يحس باللي يسويه).
لطيفة:يعني انت كنت تجذب علي؟ ايا الحقير ياالواطي ياللي ما عندك ذمه ولا ضمير يعني تجذب على وطلعت تركض بره الشاليه.. وهو يصرخ وراها :تعالي وين رايحه للحين ما سوينا شئ وطبعا ما قدر يطلع وراها لانه متخدر ومو قادر يتحرك... ركضت لطيفة صوب البحروهي تبجي : ياربي انت عالم بحالي وعارف اني مظلومة ووحيدة ساعدني يارب وقالت لنفسها( انا شلون صدقت هالحقير وبغيت اضيع روحي.. الحمد لله انه ما صار شئ وكشفته على حقيقته).بس وين اروح الحين ومنو يساعدني ادق على منو وانا حتى ما عندي تلفون وما اقدر ارجع الشاليه اخاف هالحقير للحين ناطرني.. وهي ما تدري انها من طلعت من الشاليه طاح على الغنفة وراح بسابع نومة.. وتذكرت الهندي راجو وراحت يم الكراج ولقته قاعد بره مع رفيجه وشاف حالتها وقام راح لها وقالت له لطيفة ممكن تلفون ابي اتصل بصديقتي.. وحن عليها الهندي وعطاها التلفون وأول مافكرت تتصل اتصلت بحمود اللي كان توه داش بيتهم وصرخ عليها أول ما سمع صوتها: انتي وينج فيه؟ شللي قاعدة تسوينه؟
لطيفة : حمود مو وقته ساعدني الله يخليك انا بمكان بعيد وما ادل حتى العنوان الي انا فيه.
حمود: صار لج شئ ؟ هالحقير سوا لج شئ؟
لطيفة: لا الحمد لله بس انا ابي ارد البيت ومو عارفة شسوي والتفتت على الهندي وقالت له : هاك كلمه وقول له يعطيك العنوان.وعطاه العنوان ورد كلم لطيفه: سمعي لطيفة لا يكون تدخلين الشاليه خليج بره مع الهندي انا وصيته عليج كلها نص ساعة واكون عندج..وصكر التلفون وركب سيارته وهو بالطريج اتصل على المخفر وطلب دوريه تروح قبله العنوان قبل ما يصحى خالد ويحس بروحه.
تمت لطيفة فاعدة برة مع الهندي وبعد عشر دقايق وصلت دورية الشرطة ونزل الشرطي وشاف لطيفة واقفة مع الهندي وقال لها : انتي لطيفة؟ ردت لطيفة: أي انا عيل وين حمود؟
الشرطي : حمود ياي بالطريج تفضلي معانا .. لطيفة :وين أروح انا ابي حمود.. الشرطي : قلت لج ياي بس احسن لج تقعدين داخل الدورية قبل ما نقتحم الشاليه على المتهم خالد.
خافت لطيفة وراحت مع الشرطي وركبت الدورية.وشافت الشرطة وهم يدخلون الشاليه على خالد ويسحبونه مثل الخروف.... يتبع

 

[Beautifulgirl]

مشكوره البارت وايد حلو يعطيج العافية 0 كملى

 

[بنت الكويت 15]

عاشت ملااااااااله عاشت
صراحة خوش بارت
يعطيج العافية

 

[ReRez]

الله يعييييييييييييييينها والله اكسرت خاااطري الله يجازي هالأم .. الحمدلله على كل حال
والله يبارك فييييييييييج (صباح الليل) .. واخيرا رد هالقسم عاد ان شاءالله اليوم اتكون النهاية الصجيه نازله بإذن الله ..

ومشكووووره ملوووله على البارت الروعه ناطرينج

 

[medo k s a]

يؤ يؤ حرااااااااااام شذنب لطيفة مراهقة ماتعرف شي يصير لها كل هاذا والله انى تعاطفت مع لطيفة مسكينة
يالله كملي ابداااااااااااع مشاء الله عليك يالغلاااااااااااااا..

 

[دمعه حزينه]

حسبي الله عليك يا خالد ..

كملي ..

 

[إيمي1987]

لحووووووووووووووووول

ناطرينج تكمسر الخاطر والله

 

[العروس الضايعه]

حسبي الله ونعم الوكيل والله تحطم هاللطيفه الله يصبرها ويفرج كربتها
كملي قلبي متابعينج ويعطيج ألف ألف عافيه يالغاليه

 

[um hamed]

واااي وبعدين كاسره خاطري والله
حبيبتي كملي ناطرينج