غلطة امي(قصة واقعية)

[ReRez]

???????????????????????
متى البارت الاخير ما صارت
القصه حيل طولت

لوووووووووول صكت على البنات اللي تابعو قصتي بالحن :ggdw:
عيل اشششششششششوه انج تابعتيني على آخر بارتين جان ذبحتيني :krkrkr:

 

[om yasafy]

يالله ناطريييييييييييين

 

[داريني]

يالله ناطرينج

 

[مخروووشة]

يلا عاد طولتي

 

[الملالة]

السلام عليكم بنات ..عذروني حبيباتي اني انقطعت عنكم الفترة اللي فاتت بس مش بيدي على قولة المصريين ، كله من المنتدى وصيانته وحتى عقب ما خلصت الصيانة باب القصص مازال جري التطوير ..ما أدري ليش يمكن من الضغط عليه حتى البارت الاخير اللي نزلته لكم أمس دخلت على القصة من موقع قوقل وضفت الرد .. والحين تعويضا لكم بنزل لكم بارتين مرة وحدة .:ggdw:

 

[fsfoorya]

ايواااااااااا
عااااااشت الملالة

 

[أميرة البجع]

متابعه بصمت
ما شاء الله روعة
تكفين حتى انا معلق عندي
وانطر يكون اخر مشاركة بالقصة عشان ادش عليها
تكفين لا تطولين علينا

 

[الملالة]

في بيت حمود الام كانت قاعدة مع ابو حمود بالصالة ينطرون ردة حمود من الدوام علشان يتغدون..
ام حمود: خلاص ان أفاتحه اليوم بالموضوع.. وما راح يلقى احسن من بنت عمه أشواق أدب وأخلاق وجمال وفوق هذا مدرسة يعني دوامها مافيه رياييل وهذا اللي يبيه حمود..
ابو حمود: خلاص وحاولو تستعجلون الموضوع قبل ما يسافر اخوي للعلاج.
دخل حمود البيت وسلم على امه وابوه..
الام: هلا والله هلا بالمعرس زين الشباب..
حمود:معرس منو انا؟ ومنو العروس؟ وشفيج مستعيلة علي جذية.؟ مليتي مني خلاص؟
ابو حمود: شوي شوي على امك.. شنو تو الناس اللي كبرك تزوجو من زمان، وانت من زمان تشتغل وبعد جم شهر بتييك النجمة الثانية يعني بتصير ملازم أول، متى ناوي تتزوج لما تصير عميد.
حمود: لا يبا شدعوة، بس ما قلتو لي منهي العروس؟
الأم: أشواق بنت عمك، ها شرايك؟
حمود: والله خوش بنت ، بس انا اقول تو الناس على الزواج.
ابو حمود: شنو تو الناس انت على بالك البنت بتم ناطرتك لما تقرر تتزوج.
حمود: أنا ما قلت لها تنطرني ، خل تتزوج، وانا بلاقي الف وحدة تتمناني ويضحك ويلف ويهه على امه ويغمز لها: ولا شرايج يا أم حمود.
الام: بس البنت زوغة حرام تضيعها.
حمود: البنات الحلوين وايد والكويت متروسة بنات.
ابو حمود: يعني افهم من كلامك انك ما تبي بنت عمك؟ ليش حاط عينك على أحد معين.
طرت على باله لطيفة وقال بينه وبين نفسهآآآه يا يبا لو تدري من حاط عيني عليها جان حذفتني بأكبر ما عندك.. اللي احبها وابيها امها مسجنونه وبقضية تسود الويه..)
وهم يتناقشون دخلت لطيفة عرض بالموضوع:منو اللي بتزوج الله وناسه نبي عرس.
الام: ودنا نزوج اخوج بس ما ادري ليش موراضي.. ما يبينا نفرح.
حمود:انشاءالله بتفرحين يا أم حمود.وقام وخلاهم وهم محتارين ليش رافض الزواج.
ابو حمود:ولدج شكله في وحده لاعبة عليه ومتعلق فيها،ولا ليش ما يبي يتزوج؟
الام:اسم الله على ولدي ،ماعنده هالخرابيط وقته كله بالشغل حتى دواوين ما يروح.لا تظلمه حرام عليك.
ابوحمود:يعني شلون الحين نخلي البنت تروح من ايدنا.
الام: والله ماأدري يابوحمود خلني أحاول معاه وأكلمه مرة ثانية يمكن يقتنع... يتبع.

 

[الملالة]

في بيت ام عاليه الام تكلم بنتها اخت عالية اللي عايشة بالامارات مع ريلها وهي أكبر من عالية بسنتين .
الام: كيفك يا حياتي امتى جايه عالكويت؟اشتقتلك كتير انتي والاولاد.
أخت عالية: وانا بعد مشتاقة لكم وايد شخباركم وشلوناخواني؟
الام:كلنا بخير وبنسأل عنك ياعمري، امتى بدك تيجي عالكويت؟
اخت عالية: على عطلة الربيع لمايعطلون اليهال(أخت عالية عندها اربع صبيان العود زايد بالجامعة سنه ثالثة حقوق،والثاني ابراهيم كبر عالية اخر سنه ثانويه عامه، والاثنين الصغار توام حمد وشهاب بالابتدائي ) وطبعا اهم ما يدرون انه عندهم خاله اسمها عالية .
الام: ماقلتلك حبيبتي،احزري منو جانا على البيت؟ (وكانت اليدة حاسة بالندم على اللي سوته مع لطيفة لكنها تخاف من تهور عيالعا فتبي تقطع كل علاقة لها مع عالية علشان ما يحتكون فيها وتصير المشاكل.
أخت عالية: منو؟
الأم:بنت أختك عالية، اسم الله صبيه بتطير العقل،
أخت عالية:صج يمه؟ وشتبي وشلون اذكرتكم عقب هالمدة.
وقالت لها كل اللي صار.
اخت عالية: يما حرام ليش جذيه لي ماساعدتوها حرام اهي مالها ذنب ومهما يكون اهيا بنت بنتك والظفر مايطلع من اللحم.
الأم: احنا شو دخلنا فيها عندها اب مسؤول عنها ومابدي ادخل اخوانك بمشاكل عالية وبلاويها.
أخت عالية: بس البنت..
الأم: بس خلاص الموضوع انتهى واحنا طردناها ولاتفتحي السيرة مع اخوانك ولا تخليني اندم اني قلتلك.
أخت عالية : خلاص يمه اللي تشوفينه يلا الحين اخليج ديري بالج على نفسج وسلمي على إخواني وانشاء عن جريب انا عندكم.
الأم: الله يسلمك حبيبتي ،بوسي لي الاولاد.
******
في بيت لطيفة عقب ما ذلف خالد لطيفة قاعدة بالصالة تبجي ومنصدمة من الكلام اللي قال لها خالد وتقول حق روحها: هذا من صجه .. امي شلون تعرف هالأشكال صج ماعنده ضمير يبيني اكون الثمن علشان يساعد امي..شسوي ياربي ولمنو اروح لازم انقذ نفسي هذا حطني بمخه ومثل ما قال حمود لازم اترك البيت مثل ما قالي حمود بس وين أروح مالي الا ابوي ورفعت سماعة التلفون واتصلت بابوها وردت عليها مرة ابوها: نعم منو لطيفة.. ايييييييي لطيفة خير انشاء الله شذكرج بابوج؟
لطيفة: لو سمحتي عطيني ابوي ابيه ضروري,
مرة ابوها: ابوج مسافر البحرين مع ربعه وما راح يرد الا بعد اسبوع وسكرت الخط بويها.
وين تروح لطيفة ولمنو تلجأ وشلون تحمي روحها من غدر الزمن (كل منج يمه الله يسامحج دمرتني حياتي وقضيتي على مستقبلي وحملتيني الهم مبجر الله يسامحج) ودفنت ويها بالمخدة وقامت تبجي ... يتبع

 

[MC ANFAL]

ملووله متى البارت الاخير

 

[عصفورة حزينة]

معذووووره حبيبتي

يالله كملي تحمست واايد

 

[P!NKia]

حقيييير خالد
الله يعينها على مابلاها

 

[بنت الكويت 15]

كملي البارت كله مرة وحدة
متى بتنزلين البارت ؟
ناطريييييييييييييييييينج حبيبتي

 

[fsfoorya]

الله يعطيج العافيه
بس متى اخر بارت ؟؟

 

[مـ سهله ـو]

الله يعيينها ناطرينج

 

[HYoOoN:*]

حده حقير خالد هذا مسكينه لطيفه وين تروح اهيء اهيء

 

[فلونة احلى وردة]

بما ان القصة صجية
فمتشوووووووووووووووووووووقة اعرف بيتزوجها وامها ,,,,,,,,,,,,,,

 

[b6ooo6a*_*]

نااااطريينج لالا طولين ناطرينج

 

[um hamed]

وااااي وبعدين شصار

يالله حبيبتي كملي ناطرينج

 

[ReRez]

يللا ملوووووو عفية كمليييييي

بنات انا بموووووووت من القهر تخيلو والله ما اقدر ادش الا على قصة ملوله وقصتي لأن بس اهم اللي عندي اللنك مالهم

وماقدر ادش على منتدى القصص والرواياااات .. نسووونا الله يسااااااامحهم