^^^^عدت بقصتي الثانية (( بنات بو محمد في مهب الريح )) ^^^^

[cute princess]

مساكين البنات :\\ بس زين سوت رقيه عجبتني صراحه لوووووول

 

[cute princess]

مساكين البنات :\\ بس زين سوت رقيه عجبتني صراحه لوووووول

 

[ام هديل 87]

واي البارت يعور القلب

حبييتي تسلمين على البارت

 

[shoOshii]

[COLOR="Indigo"]thanxX 7bebty 3l part
waay msaken al.bnat la men 5walhm wla mn alhamouh al.nsra
o0 enshlah alah y3w'6hm 5air eb.zwaajhm [/COLOR]

 

[fato_kw]

البااارت وااايد حلووو بس شنوو لييش حسين جذي ترا بط جبدي والله حراااااااااااام :

مشكوورة قلبي

وناطرينج

 

[توتا كويتيه]

مشكوره يا قلبي عالبارت
\

ننطرج حوبي

 

[Strawberry Shortcake]

مسااكين الله يعينهم على هالعييشه

 

[Strawberry Shortcake]

مسااكين الله يعينهم على هالعييشه

 

[! هُوْ وِينِه !]

كملي القصة عشان أحملها :botetoo:

 

[*sweetgirl*]

up up up

 

[الكونـتـيـسـه]

ننتظر جديدج​

 

[JaN JaN]

نااااطرين :016:

 

[MaFaZ]

شلون حسين خلا رباب وراح تزوج .. من غير احم ولا دستور .. ولا بين لها ولا قالها ولا بين لها من اخر مرة شافته فيها ..

وحتى امل اللي اهي خالتها وملاذها الوحيد عالدنيا والوحيدة اللي يثقون فيها ثقة عمياء اهي ورقية ما قالت ولا بينت لهم اي ليش ؟؟ مادري ؟؟


اتصلت رباب : على خالتها امل

رباب: الو امل (( تبجي ))
امل: واي ربوب لا تبجين خلاص سكتي
رباب: شلون ما تبيني ابجي ؟؟ شلون ؟؟ شلون قدر بهالسهولة ان يتركني ويهدم كل هالسنين اللي انا نطرته وضحيت وتحملت واخرتها يروح باردة مبردة حق بنت خالته اي انا شفيني يعني كل هذا عشان انا بدون ؟؟ كل هذا عشان ابو غير عنكم

امل: واي رباب لا تقولين جذي شفيج طولي بالج ومسحي دموعج روحي غسلي ويهج ودقي علي
رباب: لا مابي اغسل ويهي ولا ابي اسكت خليني ابجي ليش اللي صار شوية ؟
امل: لا مو شوية بس شتبيني اقولج ؟؟ اقولج ترا حسين امه ملجت له ؟؟
رباب: اهو مو ريال؟؟ شنو امه غصبته ؟؟ الحين البنية ما تنغصب هالمرة ريال طول بعرض ؟؟
امل: لا يا حبيبتي انتي مو جذي السالفة .. هناء صارلها مدة نايمة براسه ومحلفته ومهددته ووايد احداث صارت اهو ما قالج عنها ..
رباب: ليش ما قاللي عنها ؟؟ ليش على الاقل يحطني بالصورة يمكن اقدر اسوي شي
امل: شنو يعني بتسوين ؟؟ فاضل ما قدر .. حمد ما قدر اللي اهو ابوه هالمرة انتي ؟؟
رباب: يا سلام ومن متى هناء لها القدرة انها تفرراس حسين
امل: والله يا رباب اهو كله فيلم سوت فيلم ولعبة ودارت مدار حسين
رباب: ماني قادرة اتقبل فكرة ان حسين خلاص راح وخلاني
امل: رباب هدي شفيج بالبجي ماكو شي ينحل

واهني تلت التلفون رقية من رباب

رقية: خالتي ليش ما قلتي لها على الاقل ولا تنصدم وحسين داخل بيده هيفا وهبي ؟؟ ليش؟؟ ترا هم انتي غلطانة
امل: رقية شفيج ينيتي ؟؟ شتبيني اقول ؟؟ بالتلفون ما ينفع وبعدين فرضي صار فيها شي ابوج شنو بيقول
رقية: وييييييييي ابوي صاير شماعه .. اوكي خل يدري وخل يعرف يمكن يرحم حالها شوي دام ان خوالي ما رحموا حالنا .. بعدين تدرين ان ولد رفيج ابوي خاطب رقية
امل: شنو ؟؟ من متى واي رفيج
رقية: خالتي شدعوة تعرفين ربع ابوي ليه قلت لج اسمه ؟؟
امل: اوكي دام ان حسين رضخ لامر امه خل اهيا تروح بحال سبيلها ويمكن يكون احسن من حسين وترتاح من ظيم الهام
رقية: والله عاد حسين حلو ولا مر يتم حب حياتها وولد خالها .. طول هالسنين اقولها خل ننحاش تقوللي مابي اخرب اللي بيني وبين حسين .. وناطرته وعايشين عيشة الضنك والظيم .. لا طلعه ولا فلوس ولا ملابس ولا حتى عيشة مثل الاوادم اللي بعمرنا عايشين واحنا مسمانا الوظيفي خدامات مرت الابو .. وابوي اللي يدقر و يرد ليه ورا .. وكل هذا واخرته حسين يروح يتزوج ..

امل: صح كلامج وكل هذا راضيين فيه ومصدقينه ونعرفه بس رضا امه اهو كل شي من غير رضا امه لا توفيق ولا راحة
رقية: اف اف .. مادري شقول ملينا من ان الكل دايس على مشاعرنا ولا يهتم فينا
امل: واي والله ما قدرت اقولها رقيو لا تحسسيني بالذنب
رقية: والله انا مو هاين علي اشوف اختي بهالحالة
امل: خلاص انتي هديها مو تزيدين النار حطب وان شاء الله نلاقي حل ..
رقية: ان شاء الله ..

سكرت رقية التلفون ورباب تمت تبجي وتندب حظها .. ومقهورة على فراق حب حياتها وولد خالها حسين .. حسين كان بالنسبة حق رباب الضو الوحيد في حياتها الظلمة .. كانت تشوف فيه الامل .. لحل هالمشكلات كلها .. كانت لما تنقهر من الهام او لما الهام تغثها كانت تتذكر صوت حسين او ويه حسين .. كانت تتذكر وويها بالتفصيل .. راسمته في خيالها ومعلقته على جدران قلبها ..


مر يومين وحالة رباب لله .. لا اكل ولا شرب ولا كلام .. وكل ما كانت الهام تطول لسانها او تتحرش كانت رباب تطالعها وتدور ويهها .. حتى اليهال كانوا مشفقين على حالتها وحالتها ما كان لها الا تشخيص واحد : عشقانة ومجروحة ..

وفي يوم رجع بو محمد من الدوام

بو محمد: نجبوا الغدا .. بنات وينكم ...
رقية: هلا يبه ..يعطيك العافية
بو محمد: يعافيج .. وين اختج
رقية: بالدار .. تعبانة شوي
بو محمد: شفيها ؟؟
رقية: مرهقة ..
بو محمد: الله يعينها ان شاء الله .. خلاص جان ساعدتيها جان شلتي عنها
رقية: اي هذا اهو اليوم انا سويت كل شي
بو محمد: الله يعطيج العافية .. خلاص نجبولي الغدا
رقية: ان شاء الله ..
بو محمد: وين ام محمد ...
رقية: مادري عنها ..

راح بو محمد داره واهو قلبه يرف على حالة بنته .. شفيها مو عادتها .. ودخل الدار ولا ست الحسن متحنية

بو محمد: ها متحنية ؟؟ لا يكون عرس امج اليوم ؟؟
الهام: استغفر الله .. الناس تسلم واهي داخلة
بو محمد: السلام .. الحين انتي قاعده اهني متحنية ومخلية بنتي تعبانة
الهام: شفيها .. مافيها شي
بو محمد: رباب بدارها تعبانة ..واختها شالت شغلها كله
الهام: ايييييه .. رباب .. والله بنتك مادري شفيها هاليومين .. حتى كلام ما تتكلم الظاهر عشقانة

بو محمد: اكلي هوا العن ابو شكلج .. مو ناقص الا انتي تتكلمين على بناتي .. اقص لسانج ان تحجيتي جذي مرة ثانية يا طايحة الحظ

الهام: انزين انزين كليتنا اعوذ بالله .. خلاص روح شوف شفيها ..


طلع بو محمد عشان يتغدى .. قعد واهو بكل لقمة ياكلها يفكر ببنته .. وخلص الغدا ويابت رقية الجاي ..

بو محمد: قومي نادي اختج
رقية: ان شاء الله


دخلت رقية الغرفة

رقية: ربوب ابوي يبيج
رباب: كاني قايمة ..
رقية: لا تخلين ابوي يشوفج جذي انتي تعرفين يحس ..وماتدرين هالنسرة شقايلتله
رباب: اوكي ..
رقية: ربوب ..
رباب: خلاص رقية خلاص مافيني شي ..
رقية: اكيد ؟؟
رباب: اكيد

طلعت رباب الصالة ..
رباب: شلونك يبه
بو محمد: هلا ببنتي .. ها يبه شفيج ؟؟
رباب: (( مستغربة من اسلوب ابوها اليديد )) مافيني شي بخير
بو محمد: شكلج تعبان واختج تقول مرهقة ..
رباب: اي عادي من الشغل ..
بو محمد: الله يعطيكم العافية يارب ..
رقية: وانا بعد مرهقة يبا ..
بو محمد (( يبتسم )) اي اي .. انتي بعد
رقية: يبه ..
بو محمد: هلا
رقية: ان شاء الله دايما اتم جذي ..
بو محمد: ليش شفيني ؟؟
رقية: مافيك شي جنج البخت بس اليوم انته غير .. ما اذكرك جذي الا لما كنا صغار
بو محمد: انتي طالعه على امج اللي بقلبج بسرعه تقولينه ..
رقية: صج ..
بو محمد: اي .. حتى خشمج ..
رقية: ههههههههههههههههههه
رباب: وانا يبه ..
بو محمد: انتي ماخذة عنها رقتها .. وضحكتها
رقية: يعني شنو انا مو رقيقة
بو محمد: انتي اسكتي ..
رقية: هههههههههههههههههههههههه
رباب: ههههههههههههههههههههههههههههه


وتم بو محمد يسولف مع بناته العصر كله لدرجة ان ما نام .. رباب نست اللي فيها ورقية حست كانه واحد كات ماي بارد على قلبها من عمر ما حست هالاحساس في بيتهم .. البنتين نفسيا ارتاحوا لان ابوهم قعد يسولف معاهم ويذكرهم بامهم .. مرت فترة

المغرب كانوا قاعدين كلهم بالصالة يطالعون تلفزيون الا بو محمد كان طالع برة واقف مع جارهم

الهام : رباب
رباب: نعم
الهام: ما رديتي لنا خبر
رباب: عن ؟
الهام: عن شهاب
رباب: اي شهاب
الهام: شهاب ولد ام شهاب في غيره
رباب: ارد شقول
الهام: عشتو تستعبطين .. يعني تدرين انهم جايين يخطبونج تردين شتقولين بعد ؟؟ غير اي او لا
رقية: ياربي الملافظ سعد .. مو سعد ولدج يا شين خشته .. ما تعرفين تاخذينا على قد عقولنا يوم وتمشين الكلام عادي نفس اي كائن بشري
الهام: انتي انطمي وطالعي تلفزيون محد داش على عصعصج
رقية: مو اقولج .. انتي يبتي سعد لكن الله ما من عليج بالسعد بلسانج
الهام: ابتنطمين ولا شلون
رباب: لا حول ولا قوة الا بالله خلاص كلميني انا مالج شغل فيها
الهام: اي تفضلي يا الداعية قولي
رباب: موافقة
رقية: شنو ؟؟؟؟؟؟؟؟؟؟؟؟
الهام: وشفيج مستغربة .. على الاقل احسن منج يالمعلقة
رقية: هييييييي انتي شقصدج
بو محمد: شفيه حسكم طالع للشارع يا مال حسكم ينقطع وافتك منكم
رقية: يبه شوف مرتك شتقول هذي مو اول مرة تتكلم علي وتنغز على سمعتي وشرفي
الهام: والله اللي على راسه يحسس عليها
رقية: شقصدج ؟؟ شوفي احترمي نفسج احسن لج خافي ربج انتي عندج بنية
بو محمد: انطموووووووووووا طمكم الله هذا وانا واقف تلعلعكم جنكم كواولة
رقية: يبه شوفها ..
بو محمد: بس خلاص قلت .. ونتي انا جم مرة قايلج لا تتكلمين على بناتي ..بناتي اشرف من ..
الهام: كمل .. ما تكمل ؟؟؟
بو محمد:" اكلي تبن وطسي دارج يالله ..يالله كلكم قوموا مابي احد قاعد

دخل بو محمد على الهام الدار واهو حمقان ومعصب وده ينتفها .. بضروسه لكن بدل ضروسه وبعد مناقشات حادة وبعد صرختين ثلاث طلع الخيزرانة بو محمد ونتفها فيها ..

رقية كانت مستانسة ومنغثة بنفس الوقت لانه الخيزرانة مو كافية انها تبرد قلبها على الهام وسواتها ..

 

[Strawberry Shortcake]

واااي تبط الجبد الهااموو زيين سواا فيهاا كفخهاا ..

 

[MaFaZ]

تحدد يوم الملجة .. رباب راح تملج على شهاب .. يا حرام يا رباب الملجة كانت عبارة عن .. الديوانية انفتحت وتبخرت وزهبوا الحلو والقهوة والجاي والضيافة .. والحاضرين كانوا عبارة عن بو محمد خوانه وعيالهم وخوال رباب فاضل وابراهيم .. حمد اعتذر عن الحضور ورباب كانت داخل قاعده تدرس احمد عربي الى ان دخل عليها احمد مغتر يبوسها ويطامر

محمد: مبروك رباب مبروك تزوجتي
رباب: صج ملجوا ؟؟ 
محمد: اي ملجوا .. الله رباب ريلج طيب ..
رباب: صج شدراك ؟؟
محمد: قاللي سلم على اختك
رقية: ههههههههههههههههههههههههههههههههههههههههههههههههههه
رباب: وثول شفيج تضحكين ؟؟ شاللي يضحك قايل نكتة
رقية: حمود امانة ريل رباب شلون صاير ؟؟
محمد: (( فصخ الغترة وحط ايده تحت حنجه )) مممممممم (( يفكر ))
رقية: شفيك تفكر لللهدرجة جكر ؟؟
رباب: (( تدز رقية )) وثول
محمد: لا لا مو جيكر بالعكس حلو يشبه ممثل بس ماعرف اسمه
رقية: حسرتي لا يكون يشبه احمد ايراج
احمد: ههههههههههههههههههههههههههههههههههههه
رباب: انته شفيك تضحك بعد يالخبل ..
احمد: رقية تقول يشبه احمد ايراج
رقية: هههههههههههههههههههههههههههههههههههههههههه
محمد : هههههههههههههههههههههههههههه لا لا ما يشبهها لا تخافين
ممثل انجليزي
رباب: صج ؟؟
رقية: ها ولج اشوف رف قلبج ؟؟
رباب: سكتي واللي يعافيج اصلا انا لحد الحين مو مصدقة
رقية: لا صدقي حبي انتي صدقي .. واي ربوب يا بختج بتفتكين
رباب: واللي يعافيج .. ما يندرا يمكن باجر اترحم على هالعيشة
محمد: لا ربوب لا تقولين جذي اهو شكله طيب وبعدين عمي بو شهاب طيب
احمد: اي صح كل ما يشوفنا يعطينا دينار
رباب: وي حلاتك انته .. منو اللي يقدر يقاومك
رقية: ايو الله طالعين هالاثنين مزايين على ابوي الا سعويد
محمد: سعود طيب بس اهو مثل خوالي ..
رقية: واي اصلا سعود مادري شلون اخوي
رباب: سعد كله خالك غازي
محمد: اي حتى يشبهه وخالي يحبه
رقية: سعيد ومبارك
محمد: رقية لا تتزوجين خالي سعد
رقية: ويييييييع فال امك ما قبلناه .. ماكو شغل اخذ هالسك..
رباب: رقيوووووووووووووووو شفيج
رقية: وي نسيت .. انزين حمود ما سمعتهم قالوا شي عن المهر العرس .. شي مني مناك
محمد: امبلى ..
رقية: صج شنو
رباب: الحين انا العروس ما سألت
رقية: هههههههه واخيرا اعترفتي انج العروس ؟؟
رباب: سكتي .. قول حمود متى العرس
محمد: ممم مادري متى بالضبط متى .. بس سمعتهم يقولون المهر 6
رقية: @@ (( شهقت )) 6 شنو ؟؟
محمد: 6 الاف
رقية: (( طالعت رباب ))
رباب: شنو ؟؟ امبيه من صج ؟؟
رقية: والله طلعتي غالية يا بنت بو محمد .. ايوا يا ربوب امبيه ربوب لا تنسين اخيتج
رباب: لا مستحيل اخاف تتوهم حمود
محمد: لا والله سمعتهم بذني .. سئلي ابوي
رباب: غلطان اسأل ابوي .. جان ما ينحرني
رقية: امبيه لو صج 6 الاف .. واي شي مو طبيعي وبعد حمود شنو سمعتوا
محمد: شنو بعد شنو بعد اي بتسكنون في بيت عمي بو شهاب
رباب: شدراك مستحيل قالو جذي جدام الرياييل
محمد: لا لا انا سألت شهاب قلت له وين بتاخذاختي
رباب: وليش سألته ؟؟
محمد: خفت تكونين بعيدة وما تييين تزورينا
رباب: اخيييييييييييه (( خمطت حمود بحضنها )) واي يا حمود شكثر احبك حبيب اختك انت
رقية: عاد بيت عمي بو شهاب وين ؟؟
محمد: صباح الناصر
رقية: يبوووووووووووووووي بعيدة والله
محمد: مو وايد احسن من الجهرا ..
رقية: صدقت ..
رباب: اولله صباح الناصر ؟؟
رقية: عاد صج حلوة تذكرين يوم رحنا بيت سميرة ؟؟
رباب: اي صج حلوة ..
رقية: انزين حمود والعرس
محمد: قال ابوي الحريم يتفاهمن
رقية: هههههههههههههههههههههههه قبضنا خير اذا الحريم يتفاهمن .. حسرتي
رباب: الله كريم
رقية: (( قامت تبوس رباب )) بالمبارك يا اختي يا حبيبتي والله يهنيج ويوفقج و يعوضج خير ..
رباب: امين .. والله يا رقية انتي ما تدرين اني بكل صلاة ادعي وادعي واطلب من الله سبحانه انه يبرد قلبي ويشيل اللي فيه والحمدلله احس اني وايد احسن لان الله يحبني .. وكل شي قسمة ونصيب بالرغم من ان اثر الجرح ما يروح حتى لو الجرح اندمل


وفي بيت حمد

حسين : كله منكم .. كله منكم انتو .. انتي تدرين اني احبها واموت فيها بنت عمتي وانا احق فيها
هناء: والله طرطرة كل ما تحجينا قاللي بنت عمتي .. اقول عمتك ماتت الله يرحمها وبناتها لا اهم من ثوبنا ولا احنا من ثوبهم حلات الثوب رقعته منه وفيه

حسين: يمه واللي يرحم لي والديج ترا احنا مو ببرنامج امثال شعبية ؟؟ يعني كلش مو وقته وبعدين شفيها رباب ؟؟ بنية حلوة سنعه مسنعه وفوق كل هذا واللي اهم منه خلوقة وتعرف الله

هناء: يا سلام وشفيها بنت خالتك ؟؟
حسين : ماحبها تعرفين يعني شنو ماحبها ؟؟ يعني مو بخاطري يعني ماني قادر اتوالم معاها ولا مع اطباعها ولا مع شكلها
هناء: توكم بس مالله ما تعرفتوا على بعض
حسين: شتعرف ؟؟ شخبص ؟؟ اقولج ماني قادر
هناء: حاول وبتقدر
حسين: يمه انتي ليش مو راضية تستوعبين
هناء: انته اللي استوعب .. رباب ولا اسيل؟ اصلا ماكو مجال اللمقارنة ..
حسين: بهذي صدقتي .. رباب وين واسيل وين ..
هناء: كا شزينك عارف وفاهم ليش النقاش
حسين: يمه بتينينيني ؟؟
هناء: فكني واللي يعافيك خلاص النقاش انتهى
حسين: رباب انخطبت .. يعني بتروح من ايدي
هناء: ختروح .. راحت ولا قعدت احنا شكو فيها .. انته اللي الحين ريال متزوج
حسين: مابيها ماحب اسيل (( رن تلفونه )) اف كاهي دقت
هناء: اقول لا تقعد تتأفف على بنت اختي .. شوف من الحين اقولك فنك تسويلي مشاكل مع بيت خالتك ونته عارف عسولة اجعدتهم كلش ولا زعلها
حسين: استغفر الله لا تدلعينها ترا جد تلوع جبدي


قام حسين وخلا امه واهو جنه سمجة يبلطبط ما يدري شيسوي لا اهو برة البحر قادر ولا داخل البحر قادر .. وفجأة خطرت له فكرة

حسين: الو
امل: الو هلا هلا
حسين: امول لحقيني ماني قادر .. خلاص
امل: ولين لحد الحين
حسين: ليه باجر انتي شرايج
امل: وبعدين يعني خلاص انته ملجت واهي ملجت
حسين: شنووووووووو لا مستحيل انتي قلتيلي انخطبت
امل: اي ونته تعرف طريقتهم خو بسرعه يملجون
حسين: بس مو بسرعه يعرسون .. ابي طريقة اوصلها
امل: لا يا عيوني لا تسويلنا مشاكل مع ابوها وخلاص مثل ما انت رحت خلها تروح
حسين: ماني قادر .. ودي ابلع اصابعي كلهم من الندم
امل: والعمل
حسين: انزين اكلمها
امل: مممممممم مادري شقولك
حسين: شتقولين لي ؟؟ ابي رقمها
امل: اوكي بس الله يخليك حسون دير بالك الله يخليك والله ترا ربوب اللي فيها مكفيها
حسين: اوعدج بس عطينياه

خذا حسين الرقم وعلى طول اتصل برباب و توها شالته قالت الو .. تخزبق حسين وتعومس .. وفوق هذا دشت اسيل عليه خط ثاني سكر الخط من رباب ورد على اسيل : هلا
اسيل: حياتي شلونك ؟؟
حسين: تماما بخير
اسيل: شفيك ؟؟ عسى ما شر
حسين: ما شر مافيني شي بس مصدع
اسيل: واي سلامات اوديج التبيب
حسين: التبيب ؟؟
اسيل: واي حسين لا تلعوزني تعرفني انا شلون اتكلم
حسين: اي اوكي ..
اسيل: يالله ما تبي تيي تشوف عسولتك
حسين: (( يقول بقلبه استغفر الله )) ما اقدر عندي شغل
اسيل: خلصه وتعالي .. وبعدين انته عليك غرامة
حسين: ليش ؟؟
اسيل: عشان ما طلعتني سارلك يومين
حسين: شنو ؟؟ امس طالعين متى صاروا يومين قصدي ساروا يومين
اسيل: واي حسوني لا تتتنز
حسين: انزين ما راح اتنز .. متى صارو يومين
اسيل: هههههههههههه واي يا خفة الدم فديته .. مالي شغل يومين اسبوع شهر مالي شغل يالله مرني انا مبدلة وناترتك اوكي
حسين: يصير خير
اسيل: يالله باي
حسين: باي

سكر التلفون .. ولا يلاقي مس كول من رباب دق على طول

رباب: الو ؟؟
حسين: (( ساكت ))
رباب: الو ؟؟
حسين : (( ساكت ))

سكرته رباب ..

حسين: اي اكيد ما عرفت رقمي اليديد فديت الالو .. ليش يا يمه جذي استغفر الله عليج وعلى اختج وبنتها .. سارلك يومين .. ان شاء الله يسير لي سنتين ما اطلعج ولا اشوفج اف ...

 

[سارووونه22]

مشكووووووووووووووووووووورة يقلبي على البارت بس على الله رباب لاتعطي حسين ويه وتصكر التلفون بويهه

 

[cute princess]

لوووووووووووووووووووووووووووول حسين !!
سارلك وتتنز ؟! لوووووووووول الله يعينك صراحه
وشحقه يدق على رباب لا يدق لوول
يعطيج العافيه حبيبتي ناطرين البارت الياي لا تتولين :$

 

[الكونـتـيـسـه]

يعطيج العافيه حبيبتي وننطر البارت الجاي​

 

[Riooma]

loooooooooooooooooooooooooooooooooooooool mo sij ya3ni raqeqa kaaaaaaaaaaaaaaaaaaaaaaaaaaaaaaaaaaaaaaaaaaaaaaaaaak wala wala tha7akt 3leha men galb

 

[sweetii.sara]

وااااااااي اسيل موصج

واهوا يقلدها بعد لووووووول

ابداع سراحه اقصد صراحه

احسن شي سوته رباب انها وافقت

ان شاء الله شهاب يعوضها

تسلمين على البارت

بنتظارج