^^^^عدت بقصتي الثانية (( بنات بو محمد في مهب الريح )) ^^^^

[عيون الورد]

الصراحه القصه روووعه ولاسلوووب عجيييب الله يوفقج يارب

وحبيت اقول حق mafaz انتي احسن كاتبيه شفتها بالمنتدى لان الصراحه عمرج ماتاخرتي علينا بالبارت ولا طلعين لنا اعذار انج ماتقدرين تكتبين او مشغوله او او او وهذا المميز فيج والي لحظته عليج من روايتج الاولى (مذكرات مريم) ماشاءلله مواعيدج مضبوطه والله يوفقج

 

[Strawberry Shortcake]

وييع وييع
الهااموو تبط الجبد غثييثه انشالله تموت :×

 

[سارووونه22]

اب اب اب اب اب اب للرفع

 

[MaFaZ]

رقية: وناسة .. بطليه خنشوف شنو جابولج ..
رباب: اوكي (( خانقتها العبرة ))
رقية: ربوب شفيج ؟؟
رباب: مافيني شي (( دموعها تنزل ))
رقية: ربوب عمري شفيج ؟؟ حبيبتي بس لا تبجين ؟؟
رباب: كل شي .. تذكرت امي و حسين وكل شي كل شي ..
رقية: ربوب يا حبي لا تبجين خلاص .. شفتيهم مبين عليهم خووش ناس وصج اعتبري ام شهاب مثل امج واي ربوب انا دخلت قلبي فما بالج انها بتصير ام ريلج وحتى انتصار تهبل ما شاء الله عليها وام فلاح وكلهم وان شاء الله اهو مثل امه .. لا تبجين خلاص حبيبتي انتي .. يالله لا تخربين المفاجاة وبطليها خنشوف

رباب: (( تبطل الهدية )) شوفي
رقية: الللللللللللللللللللللللللللللله ربوب يالمتخلفة وتبجين انا لو منج اطامر شحلاتها تهبل ..
رباب: صدقتي اتينن
رقية: اف مو بس اتينن الا تخبل
رباب : ههههههههههههههههههههههههههههههههههههههه خبلة ..
رقية: لبسيها لبسيها .. واخيرا صارت عندج ساعه
رباب: اي واخيرا ..
رقية: (( تبطل باجي العلب )) شوفي دبلة .. واو راقية خيالية .. البسيها البسيها
رباب: (( تلبس الدبلة )) حلوة
رقية: ذووووووووووووووووووق قمة في الذوووووق .. شوفي بعد شنو جايبين عطور .. بطليهم انتي
رباب: (( تبطل العطور وترش )) روعه ريحتهم
رقية: يا بوووووووووية الله يرزقني مثلك يا شهاب طلع ذوق الولد
رباب: شدراج يمكن امه او اخته مسوين هذا كله
رقية: يالله ولا تزعلين هو ولا اهله كلهم ذوق .. اقولج اذا بتطلعون الشروة قولي حق ابوي انج تاخذيني معاج
رباب: امبيه لا مستحيل شلون اطلع معاهم استحي
رقية: يا عمي طلعي واستانسي واشتري .. بس ابي اروح وياكم .. اوكي ..
رباب: يصير خير خنشوف يمكن ابوي ما يرضى
رقية: لا بيرضى ضدقيني في سبيل ان يخلصج من براثن سحيلة ام الخلاجين وتتزوجين بسرعه بيرضى
رباب: ههههههههههههههههههههه مادري من وين تيبين هالحجي ..


لما رجع بو محمد بالليل ..

الهام: يبون يشترون حق بنتك ذهب يعني بوق عيني عينك
بو محمد : اي بوق .. الناس جزاهم الله خير قالوا بيودونها يشترون لها عشان اهي يتيمة وما عندها اللي يوجهها ويعلمها شلون تصرف مهرها ..
الهام: شقصدك ؟؟ اكيد تقصدني انا
بو محمد: والله عاد انتي مو انتي .. لا تتدخلين .. فهمتي البنت صارت بنتهم .. ياخذونها يشترون لها ذهب يشترون لها فالصو انتي مالج خص
الهام: يا سلام وبترضى بنتك تطلع وياه
بو محمد: تخسين .. اقص لسانج ان تكلمتي على بنتي .. بنتي مو عوبة
الهام: هم اللي يقولون وبنتك تقول اللي تشوفونه ما صدقت العوبة تتزوج
بو محمد: هم قالوا ان بنتي تطلع معاه
الهام: اي هم قالوا ..
بو محمد: متأكدة .. لان اذا صج هم قايلين جذي باجر ادق على بو شهاب وافلها ..
الهام: لا يعني مو بالضبط
بو محمد: شنو يعني مو بالضبط .. تكلمي عدل وبوضوح لا تلفين وتدورين .. لا والله اخلي عقالي يتقطع على ظهرج
الهام: وييييي ونته ما عندج الا الهواش والصراخ . انا قلت انهم يبون ياخذونها يشترون لها ذهب وهو اللي بيوديهم وانا ما رضيت قلت لهم بو محمد ما يرضى قالت خلاص السايق يودينا
بو محمد: حقيقة انج هايشة .. الحين المرة قالت هو بيوديهم نفس بنتي تطلع معاه
الهام: اي هيا هيا
بو محمد: لا مو هيا .. ناس يفهمون بالعادات والتقاليد ناس اوادم اعرفهم ما يفكرون تفكيرج الوصخ .. ان ما بطلتي يا الهام صدقيني ما بيصير لج طيب


طلع بو محمد من الدار وراح الصالة ولع زقارته ونادى رباب ..

رباب: هلا يبه .. احط لك عشا
بو محمد : لا مابي تعالي قعدي يمي ..
رباب: امر
بو محمد: شوفي ام شهاب بتمرج تاخذج تروحون تشترون ذهب
رباب: .. (( ساكتة ))
بو محمد: شوفي انا ادري ان بيت بو شهاب اوادم وعشان جذي انا رضيت فيهم واعرفج انتي زين .. انتي بنتي العاجل ... يمكن زوجج هو اللي يوديكم .. مابي كلام معاه مابي سوالف ولا تقربين صوبه ..انا اقول هالحجي اذا هو وداكم .. فهمتي ..
رباب: ان شاء الله يبه
بو محمد: وبعدين .. شوفي .. شنو ما يختارون لج اقبليه .. هذي فلوسهم واهم احرار لو شنو يشترون لج فهمتي .. مو تقولين هذا مو حلو هذا مو عاجبني انتي لازم تصيرين من ايدهم هذي ليه ايدهم هذي اذا كنتي تبين حياة سعيدة ومرتاحة وشوفي يا بنتي اهم شي رضا زوجج ورضا امه عليكم ...
رباب: ان شاء الله يبه ..
بو محمد: عفية على بنتي .. بارك الله فيج .. والله يوفقج واتطمن عليكم انتي واختج قبل ما الله ياخذ امانته ..
رباب: عسى عمرك طويل يبه لا تقول جذي
بو محمد: قومي ناديلي اختج ..
رباب: ان شاء الله

راحت رباب الدار
رباب: قومي ابوي يبيج ..
رقية: صج ؟؟ ليش ؟؟ اهو اصلا شنو بغى فيج
رباب: قومي مو شغلج .. يالله ينطرج
رقية: الله يستر ..

 

[so_what]

يسلمووو حبيبتي بس البارت قصير

 

[MaFaZ]

راحت رباب الدار
رباب: قومي ابوي يبيج ..
رقية: صج ؟؟ ليش ؟؟ اهو اصلا شنو بغى فيج
رباب: قومي مو شغلج .. يالله ينطرج
رقية: الله يستر ..

دخلت رقية الصالة وقعدت يم ابوها ..
رقية: هلا يبه امر ..
بو محمد : يايينج خطاب

رقية اهني انصدمت وتوترت.. ان ابوها فاتحها عادة الهام اهي اللي تفتاحهم بهالامور بس هالمرة ابوها . سكتت رقية .. وبلحظة يا في بالها ان زيد اهو اللي خاطبها ودعت ربها يمكن مليون مرة بهاللحظة ان يكون زيد اهو اللي خاطبها وبالرغم من انهم متهاوشين الا ان هذا ما يمنع رقية انها تتمنى حب حياتها زيد اهو يكون الخاطب

بو محمد: شقلتي
رقية: .. الراي رايك يبه .. بس
بو محمد: بس شنو ؟؟
رقية: يبه لا تزعل مني بس ميخالف يعني ..
بو محمد: قولي شعندج
رقية: ما عندي شي ولا لي كلمة فوق كلمتك بس
بو محمد: قولي شفيج تبسبسين
رقية: ها .. بس بغيت اعرف منو ..
بو محمد: اييييه منو .. فرج ولد بو بداح
رقية: @@ شنو ووو
بو محمد: شفيج منصدمة ..
رقية: لا ولا شي بس يبه
بو محمد: شفيج
رقية: خلاص ولا شي
بو محمد: قولي شفيج (( بنزرة ))
رقية: الولد مو خوش
بو محمد: (( خزها )) ونتي شدراج انه مو خوش ؟؟
رقية: اقولك بس لا تعصب علي اوكي
بو محمد: قولي خلصينا لا اقطع العقال على ظهرج قولي
رقية: اوكي اوكي طول بالك يبه مو مستاهلة بس لما كنت اروح الفرع ولا اودي اخواني المكتبة كنت اشوفه يوقف ويت .. يت ..
بو محمد: يت شنو ..
رقية: يتحرش بالخدامات ..
بو محمد: شنو هالكلام
رقية: والله يبه م وقصدي والله بس اسأل حمود كنا نشوف بعيونا يوقف يم الفرع عشان اللي رايح واللي ياي .. ويقط حجي غير ان لما نطلع الزبالة نشوفه يوصل خدامتهم ليه برة ويتحرش فيها جدام الله وخلقه

سكت بو محمد شوية وتم يفكر واهو حده معصب وبعدها
بو محمد: قومي نامي
رقية: والموضوع يبه
بو محمد: قومي نامي قاموعليج .. (( ما كملها ههههه ))

قامت رقية وركض ودشت الغرفة وسكرت وراها الباب واهي تلاهث ..
رباب: شفيج شصار سمعت صوت ابوي ارتفع
رقية: (( بدت تبجي )) واي ربوب ابوي يبي يزوجني فرج راعي الخدامات
رباب: شنووووووو واي لا مستحيل
رقية: واي انا ليش حظي جذي ليش
رباب: هدي هدي ما صار شي بعد خل ننطر ونشوف
رقية: شننطر وشنشوف من صجج انتي انا اتزوج فرج اللي ما خلا خدامة ما تحرش فيها ؟؟ حتى خدامة بيت ام عيد السحتة تحرش فيها واي لالالا ماني قادرة انا لازم اكلم زيد ..

ومسكت رقية التلفون ولا اراديا دقت على زيد تبجي و تندب حظها
رقية: الحق علي يا زيد
زيد : شفيج .. شصاير .. رقية قولي شفيج ؟؟ الهام اذتكم ؟؟ ابوج سوالكم شي
رقية: زيود الله يخليك لا تخليني .. الحق علي يا زيود
زيد : قولي شصار خليتي الدم يفور يعروقي .. انا قمت طلعت من الديوانية ياي بيتكم قولي شصاير ؟؟
رقية: انته وينك
زيد : اقولج كاني ياي بيتكم
رقية: مشي ؟؟
زيد : اي انا بديوانية سعد .. قولي شفيج تبجين خرعتيني يا بنت الحلال
رقية: ابوي بيزوجني
زيد : شنووووووو على قص رقبتي .. والله ما يقدر اتوطاه
رقية: شنو قاعد تقول ابو وبيزوج بنته .. زيود الحق علي مابي مابي ابوس ايدك انقذني من هالزواجة
زيد: منو هال ..... اللي ياي لابوج
رقية: فرج
زيد: راعي الخدامات
رقية: اي
زيد : فرج ما غيره ولد بو بداح ؟؟
رقية: اي اي .. (( تبجي ))
زيد : يخسسسسسسسي والله محد ياخذج غيري من صجه ابوج يعني ما يدري عن هالواطي ؟؟
رقية: مادري مادري لا الا فرج ..
زيد: انزين ليش ما اقنعتي ابوج
رقية: شنو قاعد تقول شقنع فيه يعني ما تعرف ابوي .. وبعدين اهو معصب وبغى يطقني ..
زيد: شوفي يا رقيو انا من بعد ملجة اختج وانا خايف واثاريها صدق ابوج بيزوجك باليوز
رقية: (( تبجي )) مابي اتزوج فرج .. بيتهم كله يغازلون خدامات حتى ابوه
زيد: انا برة الدريشة بطليها ابي اشوفج يا حمارة من زمان مو شايفج وبسبة شنو ؟؟ سبة غبائج
بطلت رقية الدريشة

زيد: والله والله انج حمارة .. يعني انا مابيج انا ماحبج .. عالكلام اللي قلتيه ذاك اليوم قطعتيني .. ذبحتيني والله قسم بآيات الله احبج واعشق التراب اللي تمشين عليه ..

رقية: (( تمش دموعها )) شيفيد ابوي بيزوجني واي خايفة ومرعوبة وكل شي اول ما قاللي ابوي ركضت عالتلفون اكلمك

زيد : خلاص يا رقية الحين يكرم المرء او يهان
رقية: شنو قصدك ؟؟
زيد : قصدي خلاص ماكو بعد سوالف مني ومناك .. الحين جا وقت الجد كل مرة اكلم امي وافاتحها بطريقة عادية هالمرة خلاص يا انهم يجون يخطبونج والا اني بجي بروحي ..

رقية: انته من صجك ؟؟
زيد : وليش مو من صجي ؟؟؟ احبج افهميني احبج والله اني ما كنت العب عليج قسم بالله

رقية: ادري والله ادري بس انته يا زيود .. بارد
زيد: مو بارد بس شسوي في ام عيد راسها يابس
رقية: كل هذا عشان انا بدون
زيد : لا اسباب ثانية ..
رقية: مثل ؟؟
زيد: شمدريني .. عموما خلي كل شي يولي وحاولي تماطلين في ابوج لين ما اجيب راس امي واخليها تجيكم انا مابي غيرج انتي .. فهمتي ..
رقية: واي جان زين يا زيود جان زين ..
زيد ادعي ربج وان شاء الله كل شي مية مية .. اشوف .ز يا حلات هالوجه والله قمر منزلين عالارض
رقية: زيووووووووود
زيد : يا عيون وقلب زيوووود اروح لج فدوة
رقية: يالله خل اروح ربوب نايمة ومابي اقعدها ..
زيد: يالله ديري بالج على نفسج وباركي حق ربوب وبينا الو ولا تحاتين خلال هاليومين ان شاء الله كل شي اوكي ولا تفكرين ولا تحاتين يا قلبي ..
رقية: ان شاء الله دير بالك على نفسج وتصبح على خير ..
زيد : ونتي من اهله ..


مشى زيود وخلا رقية مرتاحة نفسيا بعد كلامه .. وطمأنته لها .. ودعت ربها قبل لا تغمض عينها ان الله يكتب زيد من نصيبها وان امورها تتعدل ويسر لها امورها ..

 

[so_what]

ثااانكس على البارت اشوه صار طويل شوي لول

 

[sweet_girl96]

يعطيج العآفيه حبيبتي >2

مآتقصرين بالتوفيييج

 

[sweet_girl96]

يعطيج العآفيه حبيبتي >2

مآتقصرين بالتوفيييج

 

[sweet_girl96]

يعطيج العآفيه حبيبتي >2

مآتقصرين بالتوفيييج

 

[كاسبرينوو]

يعطيييج العآافيه حبيبتي
ناطرييييينج .... ~~ْْْ

 

[سارووونه22]

مشكوووووووووووووووووووووورة على البارت

 

[sweetii.sara]

تسلمين على البارت

بنتظارج

 

[MeeMeeYoo_2]

يعطيج العافيه حبيبتييي

 

[الكونـتـيـسـه]

يعطيج العافيه حبيبتي على هالبارت​

 

[cute princess]

يعطيج العافيه... وخنشوف زيود شبيسوي :\

 

[الملالة]

بصراحة انا من متابعين قصصج لكن ماأحب أعلق,,,,بس احترامج حق قارئاتج والتزامج بتنزيل بارت كل يوم تقريبا خلاني مظطرة لتسجيل شكر وتقدير لأخلاقج العالية ,, وقصتج تونس .. ويعطيج ألف عافية وعساج عالقوة

 

[توتا كويتيه]

مشكووووووووووووووووووووووره عالبارت

 

[zoqaaa]

thnx 7abebty na6reench

 

[JaN JaN]

انا اقول بلا حب بلا بطيخ لا تتزوج زيد شكله خيخه وامه نسره راح تتأذى بالعيشه معاهم :weight_lift:

ناااطرينج