^^^^عدت بقصتي الثانية (( بنات بو محمد في مهب الريح )) ^^^^

[توتا كويتيه]

متى الباااااااااااااااااااااااااارت

 

[shoOshii]

نـــــــــــاطريـــــــــــــــن البــــــــارت حبيبتي

 

[fato_kw]

waiting

 

[الاحاسيس المبهمه]

ناااطرييييييينج بكل شووووق واحر من الجمر ^_^

 

[ام هديل 87]

ناطرينج حبيبتي

 

[سارووونه22]

ناطرينج حبوبة

 

[so_what]

waiting

 

[JaN JaN]

up..

 

[الكونـتـيـسـه]

يعطيج العافيه حبيبتي على الموضوع وننتظر البارت الجاي​

 

[fato_kw]

waiting

 

[Strawberry Shortcake]

الله القصه حدهاا تهببل
نااطرينج حبيبتي

 

[MaFaZ]

راحت رباب ورقية حق بيت خالهم ولما وصلوا ما كان في احد الا خالهم فاضل

رباب: خااااااااااااااالي (( لمت خالها حيل )) شلونك شخبارك ؟؟
فاضل: هلا حبيبتي .. شلونج؟؟ شخبارج ؟؟؟؟ رقية شلونج
رقية: هلا خالي (( تلم خالها وتبوسه )) شلونك شخبارك ؟؟ مشتاقين لكم
فاضل: وانا اكثر .. شلونكم ؟؟ شخباركم؟؟ شمسوين ؟؟ شالدنيا فيكم ؟؟ وينكم كل هالمدة ..
رباب: واي خالي لو ما انك دقيت على ابوي جان الله يعلم متى كنا راح نشوفكم
رقية: اي والله خالي
فاضل: قعدوا قعدوا شفيكم واقفين
رباب: مشكور خالي
فاضل: شدعوة .. ما سويت شي اشتقنالكم .. انا ما اسمع اخباركم الا من امل
رقية: اي بعد انته عارف خالي ابوي ما يخلينا نروح الا حق امل
فاضل : اي ابوج يحب امل حيل .. لان دخل علينا وامل كانت ياهل
رباب: جان زين لو تقنعه او تكلمه ان نزوركم اسبوعيا ..
فاضل: وانا يا رباب كلمته بدل المرة مرات .. وحاولت فيه بس ابوج راسه يابس الله يهديه
رقية: الله يهديه يارب .. والله ملينا يا خالي .. ملينا ..
فاضل: ما عليه هذا ابوكم وان شاء الله الله يكتب لكم النصيب الزين وتتزوجون وترتاحون ..
ام سالم: السلام عليكم ..
رباب: ((قامت تسلم )) قوة خالتي ام سالم شلونج ؟؟
رقية: قوة خالتي ؟؟ شلونج ؟؟
ام سالم: يا هلا برباب ورقية ؟؟ شلونكم؟ شخباركم؟؟ (( تلمهم وتبوسهم )) من زمان مو شايفينكم واي الله يسامح ابوكم اشتقنا لكم
رباب: ما تشتاقين لغالي
رقية: شلونج خالتي وشلون السكري وياج
ام سالم: وييي ماني قادرة اسيطر عليه كلش .. انتو شلونكم؟؟ شالدنيا فيكم ؟؟
رقية: لا جديد على حظة ايدج سندريللا والاميرة النائمة الشي الوحيد اللي تطور فينا من اخر مرة شفتونا فيها ان ابوي شرالنا موبايلات

فاضل: زين زين .. عالبركة ها الحين مالكم حجة دقوا علينا ودزو لنا مسجات
رباب: اي اكيد خالي ان شاء الله

واهني دخلوا خالهم حمد ومرته هناء

رباب: خالي حمد
حمد: (( سلم عليهم عادي ويكاد يكون سلامه بارد )) هلا هلا رباب شلونج ؟؟
رباب: بخير خالي انته شلونك اشتقنالك ؟؟ شلونج خالتي ام حسين ؟؟
هناء: هلا هلا رباب شلونج
رقية: قوة خالي شلونك ؟؟
حمد: هلا رقية بخير ..
رقية: (( مستغربة )) قوة خالتي هناء
هناء: هلا رقية ..
رباب: مشتاقين لكم من زمان مو شايفينكم
رقية : (( تنغز رباب عشان تخف.. رباب كانت وايد مشتطة )) اي خالي فاضل وين الباجي
هناء: عجيبة شصاير بالدنيا ابوكم يايبكم
فاضل: اي انا كلمته .. ليه متى بناتنا ما ايون لنا
هناء: لا غلطان بناتهم (( تبتسم ابتسامة لئيمة )) البنات عيال ابوهم واهل ابوهم
فاضل: اي بس اهم يتمون عيال الغالية
حمد: اي صدقت ..
هناء: الله يرحمها ..
ام سالم: هناء شلونج ؟؟ ووين البنات ووين حسين ؟؟ متشوقين نشوف العروسة

واهني الصدمة وقعت على رباب مثل الطابوقة على راسها

رباب: (( وويها اصفر وريجها نشف )) اي عروسة ؟؟
رقية: اي عروسة ؟؟
هناء: حسين ملجناله خذيناله بنت خالته اسيل تعرفونها
رباب: شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وما وعت رباب على عمرها الا ورقية وام سالم يقعدون فيها
فاضل: ها وعت .. رباب بنيتي
رباب: ها .. شنو
رقية: ربوب قومي .. حبيبتي قومي ... هاج شربي شوية ماي
ام سالم: شفيها غشى عليها
رقية: مافيها شي خالتي .. الظاهر لانها ما تاكل صارلها مدة
ام سالم: وي حبيبتي ..
فاضل: ودوها فوق خل ترتاح ..
رقية: عادي خالي ادق على ابوي ياخذنا
فاضل: لا يا يبه صعدوها فوق ترتاح بغرفة حصة


صعدت رباب فوق واهي مو قادرة تستوعب شنو صاير .. هل اللي انقال حقيقة ولا حلم مزعج شوي وراح تقعد منه

رقية: خالتي ما عليه نزلي وخل ربوب ترتاح لا ناخذج منهم
ام سالم: لا عادي حبيبتي .. خل اتطمن عليها .. شلونج الحين رباب زينة ؟؟
رباب: اي ..
رقية: صدقيني خالتي حرام تقعدين مافيها شي اهي صارلها مدة ما تاكل
ام سالم: خلاص اي شي يصير بلغيني او نادي علي ..
رقية: ان شاء الله خالتي تم ..

نزلت ام سالم مرت فاضل تحت .. وتمت رباب منصدمة لا اهي قادرة تبجي ولا اهي قادرة تتكلم ولا اهي قادرة تسوي شي .. ورقية تمت ساكتة ما تدري شتقول وشتسوي .. لان سوات حسين صدمتهم صدمة حياتهم .. شلون حسين بعد هالحب و هالنطرة وكل هالسنين تخلي رباب وتروح تتزوج بنت خالتك ؟؟ على الاقل جان بلغتها .. وليش امل ما قالت لهم ليش تعذروا بسفر حسين وبالاساس اهو كان مالج .. حقيقة يا حسين طلعت مو ريال ليش ما قلت حق بنت عمتج ؟؟ ولا عشان انها بنية على قد حالها الزمن صفع فيها يمين ويسار تسوي فيها جذي ؟؟؟؟




رقية: رباب
رباب: الله يخليج رقية مابي اتكلم ولا ابي اسمع شي .. اكيد هالكلام خالتي هناء تألفه حسين مو ممكن يسويها ..
رقية: اي صح كلامج حسين لا يمكن يخليج ويروح حق بنت خالته هالمايعه ..
رباب: صح ؟؟ مو ؟؟
رقية: مو
رباب: شنو مو
رقية: قصدي صح ... طولي بالج .. ترا قمت احاتيج رباب والله محد يستاهل
رباب: انتي شتقولين رقية ؟؟ هذا حسين حب حياتي .. مثل ما زيد حب حياتج
رقية: والله يا ربوب ان طلع صج حسين متزوج انا اقول خل يولي وكملي حياتج
رباب: واي لا مستحيل اللي قاعده اسمعه .. شلون ؟؟ قوليلي شلون
رقية: مثل ما اهو كمل حياته
رباب: بس اهو ما كمل حياته اهو ناطرني بس خالتي هناء قلت لج تألف
رقية: ان شاء الله
رباب: امل مو قالت لنا ان حسين سافر ؟؟
رقية: اي اكيد كانت تخش
رباب: لا امل ما تقص علينا .. اكيد مسوين فيلم .. او يمكن بيخطبوني وبيشوفون مايتي ؟؟
رقية: شيخطبون فيج ؟؟
رباب: اي يمكن مسوين فيلم .. وبعدين يقولون لي قصينا عليج نبي نشوفج تحبينا ولا لآ ؟؟
رقية: رباب الظاهر انتي من غشى عليج انطق راسج فاستخفيتي
رباب: اكلمج جد
رقية: انزين ريحي وخل ننطر امل على ما تيي اوكي ؟؟


انسدحت رباب تفكر .. وكل اللي كان شاغل بال رقية حالة اختها لان قامت تخورها فقيرة ...



يتبع

 

[MaFaZ]

لما حست رباب انها اوكي .. نزلت تحت لكن بعدها تحت تأثير الصدمة
رقية : ربو اكيد مافيج شي ؟؟
رباب: مافيني شي ز.
فاضل: ها بنتي صرتي زينة
رباب: احسن
ام سالم: اييب لج شي تاكلينه ؟؟
رباب: لا شكرا ..
رقية: ما عليه الظاهر فقر دم ..
تمت رباب ساكتة وتطالع بويوه خوالها .. وشوي تطالع الباب ناطرة حسين يدخل والكلام اللي انقال يطلع جذب .. لكن الباب خيب امالها ودخل حسين لكن معاه مرته اسيل .. رباب حست ان جسمها نمل ومثل الابر تغز بجسمها وقلبها يدق وريجها نشف مرة ثانية والدمعه تحجرت بعيونها .. واللي ذبحها انها ولا كانها موجودة .. هالحقارة كانت عادة تيي من غريب مو من واحد يصير لي ..

حسين : السلام عليكم .. قوة عمي .. شلونك (( يبوس فاضل )) قوة خالتي ام سالم .. هلا بنات عمتي شلونكم ؟؟

دخلت مرته اسيل وراه وسلمت .. وطبعا سلام هناء كان مضاعف لاسيل .. لانها كانت بنت اختها .. وقعدتها يمها .. ورباب تمت مبققة عينها وتطالع بس ومهي قادرة تقول اي ولا لأ .. منصدمة صدمة حياتها شلون حسين يسوي جذي مو معقولة .. وكان ودها تسال عن امل لكن رقية سبقتها في سبيل انها تلطف الجو

رقية: وين امل ؟؟؟ ما بينت لحد الحين ؟؟ مو عادتها تتاخر
هناء: اللي يسمعج يقول انتي مطيحة بالزوارة

التفتت رقية على هناء وردها الوقح

رقية: ههههههههههههههههههههه صدقتي .. خلينا الزوارة حقج مرت خالي ..
هناء: (( تتحلطم )) صج بدون
رقية: شنو ؟؟؟؟ شقلتييييييييييييي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حمد: بس عاد قعدي يالله ..
رقية: اقعد؟؟ انته سمعت مرتك شقالت ؟؟
حمد: ما قالت شي يالله سكتي
هناء: لا قلت ..
فاضل: شسالفة صلوا عالنبي .. شسالفة
رقية: خالي ؟؟ غلطت علي في بيتك وبتسكت
فاضل: مو قصدها يا رقية خلاص صلوا عالنبيت عوذو من ابليس ولعنوه
ام سالم: رقية حبيبتي طولي بالج وهدي ماكو شي يسوا
رقية: لا في
رباب: بس خلاص رقية
رقية: لا مو بس خلاص .. اي احنا بدون هناء خانم .. بس احنا متربيين على الاقل .. ولعلمج البدون اشرف منج ومن اشكالج ..
هناء: حمد بتسكت عنها
حمد: بس يالله عاد سكتي .. الظاهر ابوكم ما عرف يربي
رقية: خالي .. حرام عليكم .. هذا واحنا بنات اختكم .. مرتك تغلط ونته ياي تسوي فيني جذي ؟؟؟ بس ما اقول الا حسبي الله ونعم الوكيل تعالي رباب
ووقفت جدام حسين وقالت : ونت يا سكانة امك حسبي الله عليك عاللي سويته باختي حب كل هالسنين وتعلق وكل ما تحجت قالت ولد خالي اخرتها طلعت طايح حظ اللي هديت اختي وخذيت حليمة بولند .. بس والله يا حسين ان حوبة اختي ما تتعداك

اهني وبعد هالحجي انهارت رباب من البجي وراحت ورا اختها لكن عينها على حسين .. وحسين عينه على رباب ...

طلعت رباب ورقية من بيت خالهم وتموا يمشون ورقية اتل رباب وراها .. ورباب رايحة تبجي
رقية: بس سكتي بسج بجي لا يكون عبالج مسلسل مدبلج .. مشي دموعج خل نعرف نوقف لنا تاكسي بدل ما انا تالتج وراي جنج خروف العيد
رباب: اوف سكتي خلاص .. بس واي انا راح اموت
رقية: خنوقف لنا تاكسي تالي موتي
رباب: ليش عصبتي
رقية: لان بس خلاص ملينا .. ليه متى هذول خوال ؟؟ هذول اهل ؟؟


طلع فاضل وراهم لحقهم
يا رقية شفيج ؟؟ ردي يا يبه فشلتونا ..
رقية: خالي بليز .. انا عندي انطق من ابوي لاني طلعت ورديت بتاكسي ولا اتم في بيتج وهناءو تغلط علينا
فاضل : قلتيها بيتي .. تسوين فيني انا جذي يا رقية ليش ؟؟
رقية: ونته ليش ما حاميت عنا (( بدت تبجي )) كل هذا عشان احنا يتامى وغير عنكم
فاضل: لا تقولين جذي يا يبه .. لا حول ولا قوة الا بالله تعالي معاي ردي .. انت تدرين بطلعتج هذي شنو بتسوين ؟؟ ياريت بس تيي عالطق .. لا انتي راح تقطعينا عنكم نهائي .. مثل ما انا تعهدت ودقيت عليه وعزمتكم ايي ياخذكم مني .. وهناء هذي سفيهة خلوها تولي ..

ردوا البنات مع خالهم وعينهم مليانة دموع رباب تبجي وتنوح على حبيب عمرها اللي راح بغمضة عين .. ورقية تبجي الكسرة والقهر اللي يالها من مرت خالها ...

لما ردوا ما لقوا هناء ولا حمد .. وحسين كان يستعد بيطلع ..
فاضل: يالله عمي روح ورا امك وابوك هدهم وخلهم يطولون بالهم وانا عمك .. وحاول باسلوبك الحلو تهدي الاوضاع وتسامح من مرتك على اللي صار ما عليه بنات عمتك تعبانين نفسيا
حسين: ان شاء الله عمي ..
فاضل: يالله قواك الله ..


تمت رباب تبجي ومو قادرة تسكت كان احد طقها طراق ووعاها اللي اعد يصير .. ما قدرت تكتم بجيها على كثر ما كانوا يهدون فيها ,,, وعلى كثر الكلام الحلو والمقنع اللي كانت ام سالم تقوله وفاضل يقوله ..

يالهم ابوهم وخذاهم من بيت خالهم وكانت عيونهم مورمة وحمرة ومتفخة وحالتهم حالة
بو محمد: شفيكم ؟؟
رقية: مافينا شي يبه
بو محمد: شفيها ويوهكم مقلوبة ؟؟
رباب: ماكو شي يبه من الضحك
بو محمد: احد قالكم شي ؟؟
رقية: لا حشا يبه ماكو شي ..


ساد الصمت بالسيارة .. لين رجعوا البيت دخلوا البنات غرفتهم على طول وحاولوا ينامون وفي هذه الاثناء (( حلوة وفي هذه الاثناء )) كان بو محمد مع الهام بالغرفة يسولفون

الهام: الجماعه دقوا علي ويبون الراي
بو محمد: سالتي البنات
الهام: عشتو وتبي تسألهم
بو محمد: شفيج انتي ؟؟ اكيد بسألهم زواج هذا
الهام: من متى ؟؟
بو محمد: والله عاد بناتي وانا حر فيهم اسألهم ما اسألهم
الهام: انا قلت للمرة موافقين مبدئيا .. (( خزها بو محمد ) )ليش انته شايف الولد فيه شي ؟؟
بو محمد: (( سكت )) لا بالله مو شايف .. ابو شهاب ما يتخير ..
الهام: خلاص عيل توكل على الله .. يتعدل حالهم يجيلهم مهر وجنسية شيبون بناتك اكثر من جذي
بو محمد: الله كريم
الهام: اي الله كريم ما قلنا شي بس شرد عليها
بو محمد: الحين انتي ما رديتي ؟؟
الهام: اي بس يبون يجون عشان يدزون المهر ويملجون
بو محمد: عطيني يومين ..
الهام: انا اقول املجهم وبعدها بلغهم
بومحمد: ليش قالولج ما اخاف ربي مثل ابوج ؟؟
الهام: لا حول الله وشفيه ابوي
بو محمد: لا سلامات مافيه شي .. بس انا ما املج حق بناتي م نغير علمهم ما كفاهم عمرهم كله يخدمون فيج ابيهم يفرحون
الهام: لحظة لحظة .. انته ليش تتكلم بصيغة الجمع مو اهي وحدة منهم ؟؟ هم يبون رباب ..
بو محمد: ورقية جاي لها معرس بعد
الهام: كلولولولولولولولوش بالجملة ..
بو محمد: والله انهم ليه تركوا هالبيت بيصير لج اظلم وعقب انتي كنسي واكوي وغسل ودرسي
الهام: لا يا عيوني دام راحوا ثنتين تجيب لي وحدة تنظف وتغسل وتسوي
بو محمد: المعنى
الهام: ابي خدامة ..
بو محمد: يصير خير .. والحين نامي خليني انام يالعلة

 

[so_what]

يسلمووو ، بس لو كان اطوول شوي $:

 

[سارووونه22]

ااااااااااااااااخ يقلبي صج حسبي الله ونعمه الوكيل بكل ظالم <<<<تفاعلت مع الاحداث
مشكووووووووووووووووره حبوبه

 

[JaN JaN]

يكسرون الخاطر


بس رقيه بدعت فيهم ههه اسلوبها عجيب بالزف يحليلها :dddds:

وانشاء الله يتزوجون ويتعدل حالهم


مشكوووووووره عالبارت ماقصرتي

 

[Babya Doll]

حراام الي يصير فيهم مساكين يعورون القلب

مشكورة حبيبتي يعطيج العافية

 

[Babya Doll]

حراام الي يصير فيهم مساكين يعورون القلب

مشكورة حبيبتي يعطيج العافية

 

[MeeMeeYoo_2]

مساكين


ثنكيوووو

 

[كويتيه و مفتخره]

والله مساكين مو لاقينه لا من ابوهم و مرته ولا من خوالهم و حريمهم