^^^^عدت بقصتي الثانية (( بنات بو محمد في مهب الريح )) ^^^^

[Babya Doll]

الله شكلها تونس القصة
ايننون رقية و ربااب
يعطيج العافية حبيبتي

 

[sweet.sanfoora]

ويتنغ !

 

[sweetii.sara]

واااااو البارت حلو


يعطيج الف عافية على الروايه

 

[انين الانتظار]

ههههههههههههههههههههههههههه

يا حلاتج يا رقية ورباب تونسوووون

وااااااااااف من مرت الابو هاااااااااااذي النسرة :\ ما احبها اف

ويا حلااات زيد مع اني ما شفته


يالله ناطرينج قلبي :**

وبس

وثاااااااااااااااااانكس^_*

 

[ام هديل 87]

يعطيج العافية
القصة تينن
ناطرينج حبيبتي
لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف
لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف

 

[cute princess]

لوووول ...
ونسوني البنات ! وكسرو خاطري بعد !
البداية حلوه تسلم ايدج :* ناطرين

 

[الاحاسيس المبهمه]

نااطريينج يااحلووه :*

 

[fato_kw]

waiting

 

[MaFaZ]

اليوم يوم الخميس .. تبدلوا رقية ورباب وتجهزو عشان يروحون مع اليهال الالعاب .. كانوا كلهم مبدلين وناطرين بالصالة الابو يخلص ويطلع من الدار .. احمد وسعد قاعدين يتناشبون ويحذفون بعض بالكوشيات ملوت الغنفات .. جوري تحوس بالصالة وحمود قاعد وساكت ..

الهام: (( توها طالعه من غرفتها لابسة ومتكشخة ومتعطرة ومتمكيجة بتروح حق عشا اختها ))
ها رقية وسبيجة ... اشوف متكشخين كل هذا عشان الالعاب ؟؟
رباب: محد سبيجة .. وبعدين يا مرت ابوي وين متكشخين ؟؟؟ عبينا جلحة ملحة الله يسمع منج ونتكشخ
محمد: يمه وين ابوي
الهام: عشتووووووو وشتبين تلبسين ست الحسن ؟؟ عبي بدون اسم ؟؟ ولا تبيني اوديج العربيد
رقية: ليش ما نستاهل كا انتي تلبسين احلى العبي وتلبسين من بدون اسم شفينا احنا ما نلبس ؟؟
الهام: طيعوني وتلبسون
رقية: شقصدج ؟؟
الهام: اخوي غازي
بو محمد : شفيكم تتناشبون ؟؟ الله يقطعكم من حريم ما وراهم الا الحنة والرنة الله ياخذكم ويفكني منكم بالجملة
الهام: اسمالله علي لا تدعي علي حاصلك وحدة مثلي
رقية: (( تساسر رباب )) اسمالله
الهام: شقلتي ؟؟
رقية: قلت صدقتي ..
الهام: ايدك على 20 دينار ..
بو محمد: شحقه ؟؟
الهام: شتبيني ادخل ايدي فاضية ؟؟
بو محمد: ولا يكون كل عشا بتدشينه على اهلج بيدج 20 دينار ؟؟
الهام: مو شغلي كل الحريم جايبات وياهن فطاير ومعجنات وحلويات وتبيني ان ادخل ايدي فاضية ؟؟
محمد: يالله يبه تأخرنا ..
بو محمد: ماكو غير هالعشرة
الهام: يا سلام شسوي فيها ؟؟ لا يا عيوني ماراح ارضى غير بعشرين ولا تخليني اسويهم 25
رباب: يبه تأخرنا
بو محمد: ويهد .. اسكتي .. تاخرتوا لا يكون ناطرتكم جلسة بمجلس الامة لا تخلوني اهون واخليكم في البيت
رقية: لا يبه لا خلاص .. اخذ راحتك اسفين
الهام: الحين بتعطيني ولا شلون ؟؟
بو محمد : هاج يعلهم زحير ببطن ...
الهام: كمل .. لا كمل اخاف تقدر تكمل ..

ومشت عنه الهام تتمخطر بالكعب اللي ينادي ويستنجد ويقول ارحموا من في القاع ..
ركبوا رقية ورباب واليهال السيارة .. وخذاهم الابو وداهم الالعاب .. ممممم قلتولي اي العاب ..
طفل المستقبل اللي بالفروانية ..
صج المكان على قده وطايح حظ ومافيه كويتين كلش الا ان هالمكان كان المكان المثالي اللي تقدر رباب تواعد فيه حسين .. وللاسف رقية ما قدرت تواعد زيد لان مشغول مع امه موديها السوق ولانه رباب كانت مواعدة فما يقدرون يواعدون ثنتينهم ويخلون اليهال .. فكل مرة وحدة واخر مرة كانت رقية ..

رباب: وينه ما بين حسين لحد الحين ؟؟ احاتيه
رقية: اف لو عندنا موبايل جان دقينا قطيعه
رباب: ايو الله على قولتج .. تصدقين صج صج قاعده احاتيه
سعد: قومي يبولي فيشة ؟؟
رقية: وثول سعيود حتن وثول .. تكلم عدل احنا خواتك الكبار ..
سعد: خواتي الكبار خواتي الصغار ابي الحين فيشة ولا اقول حق امي ان رباب مساع دقت من تلفون الريال
رباب: (( تلته من غولته )) سعيود انا خاتك عيب حبيبي
رقية: خليه زين .. عما بعينك انت ياهل ؟؟ استغفر الله وانا اقول قلبنا مو حنون عليك .. شراني مثل امك تعال وياي اشتريلك فيشة ونتي انثبري وبطلي تلفونات لا ننفضح


تمت رباب تحاتي حسين وكل شوي تطالع الساعه وبالها مو مع اختها ولا اليهال .. وكل شوي تطل يمين ولا يسار وتدور

رقية: شفيج مو على بعضج .. الغايب حجته معاه
رباب: اي حجة يا بطيخ .. رقية اقولج انا ماكدة عليه وكلمت املو قالتلي ان بيي
رقية: انزين اخاف خالي بغاه بشغلة اخاف مرت خالي طرشته وما قدر يقولج او يتعذر خبرج ما عرف اي رقم يدق علينا منه من كثر الخطوط اللي عندنا
رباب: كله منج
رقية: هاو انا شكو ؟؟
رباب: ليش ما خذيتي من زيود الموبايل جان الحين عندنا واحد
رقية: لاو الله ؟؟ وين اخشه ؟؟ بخشمي ؟؟
رباب: بستيانج
رقية: يا حلوج وقلبي يوقف .. ذاك اليوم شفت برنامج يقولج ترددات الموبايل خطرة
رباب: عشتو .. خل يوقف بدل الهم اللي احنا فيه ..
رقية: يا كرهج يا ربوب ليه تكلمتي بلهجة اليأس ترا السالفة مو مستاهلة قلت لج الغايب عذره معاه
رباب: انا بروح اكلم امل جود تعرف عنه شي
رقية: يعمي استريحي زين .. لا سعود يشوفج ويعلم امه مو ناقضين انتي عبالج ليه شريناله فيشة بيسكت جذي جذي بيفتن
محمد: رقية
رقية: هلا حمودي
محمد: عطشان ابي ماي
رقية: هاك اشرب
سعد: انتي
رقية: استغفر الله ياربي .. اسمي رقية وانا اختك العودة ما يصير تكلمني جذي
سعد: قومي يبيلي بيبسي
محمد: انت يا حمار تحجى عدل
رباب: حمود شالحجي عيب استح
محمد: ما شفتيه شيقول ؟؟
رباب: ما عليه نعلم عليه ابوي
سعد: اي علميه واعلم عليج
رقية: حقيقة انك قليل ادب .. علم ابوي شنو خايفين منك حلايا الويه شمسوين احنا


خلصوا الالعاب بعد ما طاح حظ رقية ورباب واهما يشيلون ويودون الحمام ويشربون ويوكلون ويركضون ويجابلون اليهال بالالعاب .. مرهم الابو وركبوا كلهم السيارة ..


بعد اسبوع


كانت حالة رباب يرثى لها .. مهي قادرة تتحجى بالتلفون بسبة الهام .. ولا اهي قادرة تعرف خبر عن حسين .. تمت تدعي كل يوم لين يا اليوم اللي كانوا قاعدين يتغدون

بو محمد: تسلم ايدكم خووووووووووووووووووووووووووووش مرقة بامية
رباب: بالعافية يبه .. عجبتك
بو محمد: الله يرحم امج خذيتي نفسها عالاكل
الهام: (( تلوي بوزها )) عشتو وشفيه طباخي
بو محمد : ذوقينا خنشوف شفيه
رقية: تبي سلطة يبه
بو محمد: حطيلي مو تبي يبه
رقية: ان شاء الله
بو محمد: شعندكم اليوم العصر ؟؟
الهام: شعندهم بعد؟؟ عندهم شغل ..
بو محمد: ششغله
الهام: بيجوني حريم يتقهون عندي وابيهم يسوون لي حلو وفطاير
رقية: مرت ابوي ترا احنا مو سابليه ؟؟
الهام: تتطنزين يا روح امج ؟؟
رقية: لا اضحك
رباب: ليش يبه بغيت شي
بو محمد : الهام .. من جمن يوم معطيج 20 دينار طلبي فيها من برة .. بودي البنات بيت خالهم
الهام: خلصت ماعندي منه شي
بو محمد: اعنبوج شطالبة حق بيت اختج فطاير ذهب ؟؟
الهام: خلصوا وما عندي ومابي اطلب ابي بناتج يسوون لي
بو محمد: قلت لج البنات بيروحون يزورون
الهام: يعني حبكت .. يروحون القصر الابيض
رقية: لا حول ولا قوة الا بالله .. مرت ابوي بنشوف اهلنا ما يصير نكرف ونشتغل ليل ونهار عطينا بريك
بو محمد (( يخز رقية )) تستأذنين منها
رقية: لا يبه بسسسسسس ..
بو محمد: ماكو بسسسسسسسسسسس الامر اهني امري .. بيروحون يعني بيروحون ويالله اسكتوا ابي اتغدى


عشان يتجنبون البنات اي لوية مع الهام .. بعد الغدا وبعد ما غسلوا البنات المواعين سوت رباب حلو تمر وطبق حلو بارد وجهزت صواني الجاي والقهوة ..

رباب: واي تعبت انهد حيلي اليوم
رقية: غلطانة مسويتلها حلو
رباب: يمعوده خل تولي بس تفكنا من شرها وبعدين عشان خاطر ابوي
رقية: ابوي ما قال سوي شي
رباب: ما عليه ..
رقية: واللي يعافيج
رباب: انتي شقاعده تسوين
رقية: احف شواربي
رباب: وليش ان شاء الله ؟؟
رقية: مادري ما ودي اروح مشوربة
رباب: اقول قومي حفيلي انا بشوف حسوني ابي اطلع حلوة
رقية: اسمالله اللي يسمعج يقول البدلة اليديدة والجوتي والجنطة والملفع ناطرينج اقصاها عباتج الجلحة
رباب: لا بلبس عبات العيد
رقية: الله يرضى تاخذ العشرة والعشرين عشان تطفح اهلها واحنا حسرة علينا الهدمة ؟؟
رباب: اقولج خنقول حق ابوي يودينا السوق
رقيةك مابي .. اذا الرجعان مابي .. ودي اروح السوقة اللي اهي تروح لها .. ودي اروح العربيد ولا الحمرا مول
رباب: واي سكتي مو كثري .. جان زين
رقية: ولا سوق الجهرا ..
رباب: اي صدقتي .. الله يفكنا من اللي احنا فيه ويكتب لنا النصيب السنع
رقية: اميييييييييييييييييييييييييييييييييييين ..



قط بو محمد رباب ورقية بيت خالتهم امل
رباب: امول شلونج شخبارج (( تبوسها ))
رقية: قوة امل .. شلونج شخبارج
امل : يالخايسين مشتاقتلكم
رقية: بعد عمري خالتي .. وين عيالج
امل : مع ابوهم زايرين بيت عمتهم توها رادة من السفر ..
رقية: افصخ
امل : فصخي فصخي ..
رباب: امل وين حسين امس نطرته صاير شي
امل : مادري شقولج ربوب .. حسون سافر
رباب: شنووووووووووووووووووووووووووووووووووووووووووووو ؟؟؟ شالحجي متى ووين مو على اساس الاسبوع الياي ؟؟
امل : اي مادري عنهم ..
رباب: منو قالج ؟؟ خالي ؟
امل : اي كنت رايحة بيت فاضل وشفت حمد هناك
رباب: اهو قالج ان حسينو سافر
امل : اي سالته جان يقول سافروا
رباب: وخالي ليش ما سافر
امل : مادري
رباب: واي شلون سافر وما شفته ولا دعته (( تبجي ))
امل: خلاص شفيك ربوب ما يستاهل الموضوع اخليج تكلمينه بس يعطوني رقم امريكا
رباب: (( تبجي ))
رقية: بسج لا تبجين
رباب: انتو مو حاسين باللي فيني .. ماشوف ولا اكلمه .. واحبه ويحبني .. غير عيشة الظيم والتحسر اللي عايشينها .. حتى احيانا اخاف افكر اخاف الهام تمر وتجكني اني قاعده افكر ولا سراحنة وكل هذا عشان ابوي لا يجكني واخرتها اتنطر شوفته يروح وما يقوللي ؟؟
امل: ما عليه ظروفهم جذي هذا علاج .. فباي وقت ممكن انهم يعجلون بالسفرة


قعدوا هدوا برباب .. وتموا يسولفون ويضحكون ويحاولون يفرفشونها .. الا انها تمت متضايقة ومقموتة وحاسة ان الدنيا صج صج سكرت بويهها .. حست ان الدنيا صغيرة .. وان وين ما تطقها عوية .. حست انها وايد مظلومة حست باليتم .. حست بالضعف .. بهالموقف رباب حست بكل شي اهي تحاول انها تمشيه وتعديه بحياتها لكن مع سفر حسين كل اللي خاشته طلع من قلبها ..


رقية: اف الساعه 10 ونص وابوي لحد الحين ما مرنا ..
رباب: خلينا لاحقين على شوفة السعلوة
امل : على قولة رباب عما بعينها .. ودي انتفها على اللي قاعده تسويه فيكم
رباب: ختولي زين
رقية: جان زين ما نرد .. اخيه لو عندنا احد من خوالي يقدر يخلينا عنده
امل: هم ابوج مو زين
رقية: مو سالفة مو زين انتي تعرفين ابوي امل
امل: عتريس ههههههههههههههههههههههههههههههههه
رقية: ههههههه ايوا عتريس كون فيكون .. تخيلي يخليني اغسل مكسراته وصراويله بيدي .. والله شنو الغساله تخربهم
امل: واي الله يعينج .. والله انا لو عندي مكان جان قعدتكم وياي بس مثل ما انتو شايفين
رباب: لا امول ما نشره عليج .. واحنا نقدر الظروف .. لو الظروف احسن جان ما كانت هذي حالتنا
رقية: لا والله انا دايما احمل خوالي المسؤولية .. دينار ما يقطون علينا والله شنو مانبي نسمع كلمة بطالية من عوض .. والله لو يبون جان قطوا شدعوة ابوي مجابلهم ليل ونهار .. لا ماضي لا حاضر لا مستقبل ..
امل : الله يحل اموركم .. شلون زيد ما سمعنا سيرة روميو اليوم كلش
رقية: افيه على زيد .. يا حلات زيد ويا جمال زيد ... واي احبه اموت عليه
رباب: من زينه هالبريعصي
امل : ههههههههههههههههههههههههههههههههههههههههههههههههههههههههههههههههههه
رقية: هييييييييييي انتي لا تتطنزين على حبيبي وشريك حياتي المستقبلي
امل: امبيه حلوة لحد الحين ضعيف
رقية: ليه باجر .. اي نعم اهو مو حلو وجيكر بس واي عسل على قلبي اشوفه ولا خالد عبدالرحمن
رباب: طاع التشبيه
رقية: ربووووووووووووب لا تتطنزين على حبي الاول والاخير بليز
رباب: الله وكيلج امل كل يوم وترك كل يوم مجابلين بعض عالدريشة واهو ضعيف وجيكر جنه بريعصي ..
رقية: اوووووووه ربوب
امل : امبيه ههههههههههههههههههههههههههههههههههههههههههههه مو صج بسكم ما اتحمل
رقية: ربوب كلمي ابوي خل ننام عندج
امل: تدرين ابوج ما يرضى بسبة ريلي .. ولا انا ودي
رقية: حاولي فيه مني مناك نبي نغير جو والله حدنا تعبانين
امل : خلاص احاول .. ناموا عندي يومين وناموا عند فاضل يومين شرايكم
رقية: اي اي حلاته خالي فاضل احسن واحد من خوالي والله
رباب: اي اكيد احسن اخر مرة معطيج خمسة
رقية: لا والله مو عشان الفلوس .. حنون وطيب ويتفقدنا ويسال عنا ودايما احنا من اولوياته .. حتى ابوي يقول فاضل غير
رباب: خالي حمد مافيه شي
رقية: يا عمي استريحي .. خالي حمد نحيس نحاسة مو طبيعية .. وما نهمه واصلا يفتشل منا ... مادري شلون بتاخذين حسون
رباب: لا حرام عليج لا تظلمينه

 

[DA3LOoOLA]

يسلـــــــــمــــــــــــوا

 

[so_what]

يسلمووو حبيبتي ناطرينج

 

[zoqaaa]

waaaaaai wanasaaaaaa mafaz mnzla qesaa
alsara7a albdaya raw3a o zain sawetai '3airtai almoood ;P
na6rench 7ubi

 

[JaN JaN]

يعطيـــــــــــــــج العافية :eh_s(6):

 

[كويتيه و مفتخره]

تسلميين عل قصه الحلوه و ناطرين البارت الياي

 

[fato_kw]

البااارت وااايد حلووو


ثااانكس حبيبتي
وناطرين البارت اليديد ولا تطوليين علينا

 

[توتا كويتيه]

يسلمووووووووووووووو حبوبه

 

[cute princess]

تسلمين عالبارت يونس :**
ناطرين

 

[fato_kw]

waiting

 

[Babya Doll]

يسلموووووو

 

[DA3LOoOLA]

waiting​