^^^^عدت بقصتي الثانية (( بنات بو محمد في مهب الريح )) ^^^^

[so_what]

waiting

 

[MaFaZ]

مشكورين مشكورين حبيباتي على هالاطراءات الحلوة والاراء الاحلى

البنات اللي تابعوا قصتي الاولى حياكم الله منورين القصة الثانية فديتكم والكراسي الصفة الاولى محجوزة لكم
والبنات اليدد اللي قاعدين يتابعون معاي هم حياكم الله وترقبوا الاحداث وان شاء الله تعجبكم وصج هالقصة تغيير مود مع ان الحياة ما تخلى من الاحداث الحزينة بس ما عليه تغيير

كيوت برنسس حياج الله حبيبتي


ويالله ترقبوا البارت الثالث

 

[so_what]

ناطرينج حبيبتي :eh_s(6):

 

[zoqaaa]

waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting

 

[MaFaZ]

البارت الثالث



رقية: آآآي ... وويعه تويعج .. آآآآآآآي .. لحقوني ............
الهام: عما بعينج تدعين علي .. (( تطق رقية بالخيزرانة ))
رقية: حسبي الله عليج يا الهامو .. وخري عني آآآآآآآآآي
محمد: (( يبجي )) يمه خليها .. (( ماسك ايد امه )) يمه وخري عن رقية اهي ما سوت شي
الهام: وخر عني يا حمار (( دزت محمد ))
رقية: آآآآآآآآي .. انا شسويت لج يالمجرمة ..

دخلت رباب البيت ولا لقت الهام تطق برقية ..
رباب: امبيه شصاير (( توخر الهام عن رقية )) شفيج شكو تطقينها حرام عليج شسوتلج
الهام: (( تدز رباب )) وخري اهو لا الزخج الحين .. وخري لا اغسل شراعج معاها
رباب: حسبي الله عليج وخري
رقية: ربوب لحقيني آآآآآآي
الهام: دواكم عندي يالفالتات .. والله لزوجكم الاسبوع الجاي وافتك منكم يا ويوه النحس يا عيال ال ...
رباب: حدج عاد اكلي تبن وسكتي لا تغلطين على امي ..
الهام: انا اكل تبن يالحقيرة .. ؟؟ تغلطين علي بعد ماشي والله لوريكم (( وقامت تلزخ فيهم اثنيناتهم ))


دخل بو محمد ولقا البيت هدوء ...
بو محمد: يا عيال وينكم ؟؟ ام محمد
محمد: امي مو اهني
بو محمد: وين راحت
محمد: مادري .. بس طقت رقية ورباب حيل وخلتهم يبجون وبعدها قفلت عليهم الدار و طلعت
بو محمد: شنو ؟؟ مجنونة امك هذي ؟؟ يبيلها غسلة (( يطق الباب على البنات )) يا بنات شفيكم شصاير ..
رباب: يبه .. الله يخليك طلعنا .. مرتك طقتنا وحبستنا وماندري شصاير
بو محمد: مني والطريج
رباب: اي يبه انا دخلت كانت قاعده تطق برقية ويوم بوخرها عنها طقتني وتالي سحبتنا عالدار وقفلت وطلعت
بو محمد: نطرو خنشوف شسالفة
رباب: يبه من صجك بتخلينا محبوسات


مشى بو محمد وخلا رباب بقلبها غصة .. حتى ابوها ما نصرفها ولا نصفها .. انطقت وانهانت اهي واختها واهم ما يدرون شنو السبب .. بنات مثل الورد .. جمال واخلاق وطيبة يتعاملون معاهم بهالطريقة .. لو غيرهم جان سوو وسوو وسوو لكن اهما استسلموا للقدر .. وسلموا امرهم لله ..

رباب: (( تبجي ))
رقية: لا تبجين خلاص
رباب: شلون ما تبيني ابجي شلون شايفة اشكالنا مرضرضين ملزخين من كل صوب واخرتها ابوي حتى الباب ما يفتحه
رقية: مالج شغل فيها مردها تبطله الصخلة .. خبرج منو يغسل وينظف غيرنا
رباب: انتي متأكدة ما سويتي شي
رقية: اي متأكدة اقولج جم مرة بتسأليني
رباب: اوووه انزين خلاص ..

تموا رقية ورباب على هالحالة ليه الساعه 9 بالليل ليه ما الاخت شرفت .. لكن الباب ما تبطل بسرعه .. بعد ساعه الا ربع من وصولها يالله تبطل الباب

الهام: طلعوا يا سودات الوجه ابوكم يبيكم بالصالة
رباب: نعم يبه

كان بو محمد قاعد وعيونه حمر يطير منهم شرار .. وينافخ جنه ضب
بو محمد: شنو هالحجي اللي الهام تقوله
رباب: شتقول
بو محمد: انتي انطمي وابي اسمع من رقيو
رقية: اي حجي يبه
بو محمد: الهام تقول ان شايفينج تكلمين صبيان بالفرع
رقية: انا ؟؟ يبه شنو هالكلام انت شتقول
بو محمد: ردي على قد السؤال .. اذا اي قولي اي واذا لا قولي لا ومشلاع يشلع عيونكم وافتك منكم ما وراكم الا الخزي
رقية: لا
الهام: ولعلاعة جذابة من عيونج
رقية: انا مو جذابة وبعدين انتي شلون تتهميني شنو كنتي لاحقتني ؟؟
الهام: لا خدامة ام عيد شايفتج
رقية: شنو ؟؟؟؟ تصدقين خدامة وتجذبيني ..
الهام: اي ليش لا .. طايحات بجبد نفسكم .. ليش ما تفرين على شباب المنطقة كويتين ومزايين
رباب: ونتي شدراج انهم كويتين ومزايين .. خافي ربج يا مرة .. تتهمينا بشرفنا احنا لو نبي جان تزوجنا واحنا ب 18 سنة وال 17 مو يوم وصلنا نص العشرينات .. ضاع شبابنا واحنا مدفونين .. نطبخ ونغسل وندرس جنا خدامات ..
الهام: انا اقول اسكتي وبلا حجي كبير عليج .. ونتي دورج ياي
رقية: يبه انته من صجك ساكت عنها ..
الهام: شتبينا يقول ؟؟ فشلتوه بين الله وخلقه
بو محمد : يعني شنو تبوني اسوي فيكم الحين .. احطك واغسل شراعكم انا قاعد ونتو لا حشيمة ولا احترام جنكم كواولة كل وحدة تقول كلمة الثانية ترد بعشر .. ونتو يا سودات الويه شالحجي اللي سمعته عنكم انا رجال نزيه طول عمري عايش بشرفي واسمي بين الناس اخرتي خدامة تتكلم على بناتي
رقية: زور .. جذب وتأليف .. احنا عمرنا كله نروح الفرع والجمعية والمكتبة ولا يوم احد تحجى علينا شمعنى هالمرة
الهام: الله بيكشف حقيقتكم


تم الحوار بين اخذ ورد .. بين اتهام و دفاع .. بين الم وسجينة مغروسة بقلوب البنات .. جرح عميق اعمق من العذاب والظيم اللي اهما عايشينه .. وصلت المواصيل بالهام تتهمهم بشرفهم ؟؟؟ ليه وين بتوصل بتعذيبنا وتجريحنا .. ماعتقد اكثر من جذي اكو ؟؟


بو محمد: الهام انطمي .. الزبدة .. فرع جمعية مكتبة ظيم ماكو .. فهمتوااااااااااااا (( بصراخ )) اشوف وحدة فيكم تعتب رجولها برة الباب احشها والله مثل ما يحشون الخرفان .. ونتي (( يوجه كلامه حق الهام )) تبين شي قومي فزي انتي يبيه او طرشي واحد من عيالج ... واذا مو عاجبج الباب يوسع جمل .. طلعات عشيات غديات لامج وخواتج ماكو بعد كل يوم كل يوم وترك كل اسبوع طسي مرة بي تاهلج وارجعي فهمتي

الهام: الحين بناتك اللي مفشلينك وانا شكو
بو محمد: انتي شكو انا شكو ما عندي هالحجي فهمتي ؟؟؟؟؟؟؟؟؟؟؟؟؟؟؟؟؟؟؟؟؟؟ والله ثم والله ان سمعت خبر وحدة فيكم طالعه لاطيح حظها ...

دخلوا البنات غرفتهم .. واهما مكسورين .. طق انطقوا وزف انزفوا وجرح وانجرحوا ... ولا احد فكر ياخذ بحقهم الا محمد اللي لا حول ولا قوة ... تمنت رقية لو تنحاش من البيت وتفتك من هالعيشة ومن هالظيم

رقية: متى نفتك متى ياربي ارحمنا .. الله يرحمج يا يمه لو انتي موجودة جان ما صار اللي صار
رباب: ذكري ربج يا بنية .. الله يرحمها يارب ويغمد روحها الجنة .. هذا اختبار ولازم احنا نجتازه انا جم مرة قلت لج لا تيأسين ..
رقية: (( لمت رباب )) الله لا يحرمني منج والله لو مو انتي جان انا من زمان ميتة من القهر
رباب: سلامتج من القهر .. سلامتنا من كل شي .. صدقيني بتتعدل الظروف وبيي زيد يخطبج وبيي حسين يخطبني ونفتك من هالعيشة ونفتك من الهام ونتذكر هالايام ونضحك
رقية: ان شاء الله ..
رباب: يالله مسحي دموعج ونامي لج شوية
رقية: وين انام وانا جسمي شاب علي عوار من الطق
رباب: اي والله هم انا يا مال ايدها الكسر ..

وفجأة سمعوا صوت عالدريشة .. ركضت رقية بطلت الدريشة
رقية: زيد
زيد: ها .. رقية ؟؟
رقية: اي .. زيد حياتي وينك
زيد : كاني رقية شصاير في بيتكم ؟؟
رقية: ولا شي ليش؟؟
زيد : شنو اللي ليش ؟؟ اخوج حمود قايل حق ولد عيد ان امه طاقتكم ؟؟ صج هالحجي
رقية: اي
زيد : الحيوانة شفيها هذي ينت يا مال ايدها الكسر والله لدش اكسرها الحين
رقية: مو بس انا انطقيت حتى رباب والسبة خدامتكم
زيد: جاندرا؟؟
رقية: اي
زيد: شكو
رقية: تقول الهام ان جاندرا قايلة اني اسولف مع صبيان بالفرع
زيد : مالج شغل فيها تتبلى هالحيوانة .. انا اصلا ما اقرب منج شلون تسولفين مع شباب ؟؟
رقية: زيد واللي يعافيك انا حدي تعبانة وهلكانة ونفسيتي زيرو
زيد: سلامتج يا حبيبتي .. ماودي اشوفج جذي
رقية: ما ودك ولا انا ودي بس هذا اللي قاعد يصير انا قاعده اتعذب واتعب ونته ولا اهني
زيد : شقصدج ؟؟ شنو هالحجي
رقية: قصدي اللي قصدي
زيد: انا جم مرة قايلج لا تضغطين علي انتي تدرين مابيدي شي
رقية: ولا انا بيدي شي بس كاني قاعده احاول اشوفك واواعدك واكلمك .. واسوي المستحيل عشان نتم قراب مع ان انا البنية وانا اللي لازم اخاف على شرفي وسمعتي وسمعة ابوي .. ونته كل اللي عندك تقوله امي مو راضية .. ووين ابوك وينه بو عيد ماله كلمة ؟؟ الكلمة في بيتكم كلمة حريم ؟؟
زيد: جنج قمتي تخورينه؟؟
رقية: لا بس هذا من حر مافي قلبي انا قاعده اسوي المستحيل ونته ولا اهني
زيد : يعني شنو تبيني اسوي ؟؟ اذبح امي ولا اطلع عن شورها
رقية: لا تسوي شي الظاهر احنا مو مكتوب لنا نكون حق بعض
زيد : شقصدج يعني ؟؟
رقية: (( ساكتة ))
زيد: ما تردين ؟؟ شقصدج ؟؟
رقية: اووه مو قصدي شي خلاص انا بروح
زيد : تعالي ما تروحين قوليلي شقصدج ؟؟ الظاهر كلام الهام عدل ..
رقية: شنو انت شقاعد تقول ؟؟؟ هذي اخرتها يا ولد زهيرة ؟؟
زيد: احترمي نفسج وانطمي ويالله ذلفي ..


راح زيد واهو غالط على رقية .. رقية خبصت بالحجي وزيد كذلك .. ما ينلامون اي احد بهالظروف يمكن يقول اكثر من هالكلام .. والحمدلله انها يت على جذي .. بس صج كثر الشوق يمكن ينقلب الى برود اذا ما راح لاي مكان


مرت فترة واهما على هالحال ماكو طلعه ولا روحة .. وهالوضع كان نوعا ما مريح حق رباب ورقية بدل المشاوير والمطاريش ... كان شغلهم يقتصر على شغل البيت فقط وحتى اليهال شالوا ايدهم منهم وان حاولت الهام تكلمهم او تامرهم بشي حق اليهال كانوا يطنشوها ويحقرونها ..

 

[so_what]

يكسرووون الخاطر البارت جنه جنه قصير $:، يسلموو حبيبتي

 

[zoqaaa]

thnx 7abebty bsalpart gseer


bs ma3ale walla yksroon alkha6r marat a7s mako banat chethe e hal wkt ma atkhayal fe nas tn7kr o m7roma eb halzmn

 

[MaFaZ]

شكرا للمتابعه ..

وصدقوني في بنات بهالزمن جذي واكثر .. احنا المشكلة ما نشوف الا في الدائرة اللي نعيش داخلها وما نشوف شنو قاعد يصير برة من واقع اليم خارج دائرتنا

شكرا للمتايعه وترقبوا بارت قريب ان شاء الله

 

[سارووونه22]

يسلمووووو حبيبتي

 

[MaFaZ]

حطت رقية الغدا .. ورباب قاعده تكمل نواقص السفرة .. ولما كملت السفرة قاموا رقية ورباب بيروحون دارهم

بو محمد: وين رايحين ؟؟
رقية: مو مشتهيين نتغدى بالعافية
بو محمد: تعالوا تغدوا وياي

طالعوا رقية ورباب بعض وقعدوا
بو محمد: جهزوا نفسكم اليوم العصر بوديكم السوق
رباب: صج يبه ؟؟
بو محمد : اي .. اشترو لكم شي تلبسونه
رقية: مشكور يبه ما قصرت
بو محمد: باجر بيون خطابة
رقية: (( غصـت)) شنو ؟؟
رباب: شنو ؟؟ حق من وفينا وليش وشحقه وشعرفهم فينا
بو محمد: شعرفهم عاد هذا مو شغلج .. تزهبي انتي واختج
رباب: بس يبه ..
بو محمد: عمرج 24 واختج 23 ليه متى بتمون معنسين على قلبي
رباب: بس احنا ما اشتكينا الحال يبه
بو محمد: ليه امتى بتمين تخدمين مرت ابوج ما مليتي روحوا شوفوا نصيبكم بنات عمامكم اللي كبركم عندهم على اربع وخمس
رقية: بس يبه هذول الناس شعرفهم فينا ؟؟
رباب: لا يكون غازي ؟؟
بو محمد: لا يخسي .. هذا بو شهاب رفيجي بالديوانية يوم درا ان عندي بنات قال عيالي اولى فيهم
رقية: بس يبه ..
بو محمد: انا جم مرة قلت لكم لا تراددوني سوو اللي قلت لكم عليه انا مو دايم لكم ولا تتوقعيون خوالكم ولا عمامكم بيفدونكم ؟؟
محمد: يبه لا تخلي خواتي يروحون عنا .. اهما اللي يوكلونا ويسبحونا ويدرسونا ويشوفون طلباتنا الله يخليك
بو محمد: انطموا يالله واكلوا والعصر الاقيكم زاهبين ..


محمد الحنون الولد الصغير اندقر .. و زعل حيل ان خواته بيهدونه بالرغم من ان ما صار شي لحد الحين .. ورقية ورباب خدروا ما عرفوا شيقولون وشيسوون لان كلام ابوهم صح .. ليه امتى بيتمون مو متزوجات ؟؟ العمر يمشي واهما حالهم مثل ما اهو حسين يتعذر بالشغل وزيد يتعذر بامه وهذا ما يعني انهم جذابين بس وضع رباب ورقية ما يتحمل هالنوع من الظروف يعني بختصار (( اللي فيهم كافيهم ))

العصر بدلوا ونطروا ابوهم بالصالة .. وكان على ويه الهام نظرة شماتة وابتسامة ساخرة
راحوا السوق وما دروا شنو يشترون افتروا لين قالوا بس .. واخر شي

رباب: شنو نشتري انا شدراني شنو يلبسون حق هالمناسبة
رقية: خندق على امل
رباب: يالله

دخلوا محل واستأذنوا من صاحبه ودقوا على امل
رقية: الو امول شلونج
امل : هلا والله رقية انتي شلونج
رقية: تمام .. اقولج احنا داقين عليج من السوق .. وبنسألج
امل: سئلي
رقية: اللي ايون يخطبونهم شنو يلبسون
امل: بيخطبون منو
رقية: في ناس ياييين يشوفونا انا ورباب
امل : زين زين مبروك من بيته
رقية: امول مو وقتج قوليلي وبعدين نقولج التفاصيل
امل: اي اوكي مممممممممممممم دراعه حلوة او بدلة ناعمة على حسب
رقية: وي عاد انتو حضر ما نعرف سوالفكم
امل : جم معاكم
رقية: 25 دينار
امل: شنو حقكم اثنيناتكم
رقية: اي
امل: شتسوي هال 25 دينار
رقية: مادري بس كل اللي اعرفه ان نبي نشتري فيهم ونخلص صارلنا ساعه نفتر ماندري شنو نشتري
امل : عطيني رباب

كلمت امل رباب وقالت لها شنو تشتري .. وقالت اها تشتري حمرة وماسكرا
افتروا شوية ولا يلاقون محل دراريع .. دخلو له وشروا كل وحدة دراعه ب 8 دنانير يعني المجموع 16 دينار وبعدين وقوفا عند الهندي وشرو لهم حمرتين ومسكرا ب 4 دنانير

كانوا على نياتهم ما يعرفون شنو يشترون وشنو يسوون بعمرهم ..
راحوا البيت وعلى كثر ما اهم مستانسين باللي شروه الا ان كل وحدة فيهم كانت تفكر باللي تحبه
رباب تحاتي حسين اللي سافر ولا قالها ورقية تحاتي زيد اللي دلقم عليها الحجي وراح باخر مرة شافته فيها

بس رقية حالتها ارحم من حالة رباب .. على الاقل زيد ولد الجيران وبنفس المنطقة اما حسين بعيد عن رباب بكل ما تحمله الكلمة .. سواء كان بالديرة ولا مسافر ..


اصبح علهيم الصبح ورباب ورقية بنص نومة ما نامو عدل كلش تموا يتقلبون طول الليل وان ناموا تحلموا .. قعدوا سوو شغلهم .. وطبخوا ولما وصل ابوهم .. نجبوا الغدجا غدوا ابوهم واليهال وشالوا الغدا ولما كانوا بالمطبخ يغسلون مواعين

الهام: زهبوا الجاي والقهوة وسوو حلو وفطاير حق العصر .. عشتووو يايلهم خطاطيب
رقية: اعووذ بالله .. محنا مسوين شي
الهام: بتسوين وريولج فوق راسج
رقية: يا سلام هم يايين يخطبونا وهم تبينا احنا نسوي ؟؟
الهام: عيل شنو يا روح امج تبين نييب لج من لابجيت ؟؟
رقية: ايي ييبي ولا بس ببطون اهلج
الهام: انجبي وسوي اللي قلت لج عليه ==> راحت
رقية: عما بعينج حتن عما بعينج ان شاء الله تتكرفسين
رباب: خليها تولي وحقريها مو ناقصين مشاكل
رقية: اخليها تولي؟؟ انا خلقة اكرهها وهالمرة تحجت بشرفي ؟؟ وسمعتي ؟؟ لا والله ما اخليها
رباب: سكتي رقيو خايفة
رقية: يمعوده انا اصلا شكلي بستسلم للامر الواقع وارضى
رباب: انتي من صجج
رقية : تعبت يا رباب تعبت ليه متى هالعيشة ؟؟
رباب: ما قلتي حق زيود
رقية: لا ماقلت له .. من تهاوشنا ذاك اليوم وانا ما شفته ولا كلمته
رباب: الله يهديه ونتي بعد ما قصرتي
رقية: خل يولي خل امه الساحرة تنفعه ..
رباب: الله يتوب علينا يارب ..
رقية: يارب .. يالله انا بروح اتسبح تبين شي
رباب: ما تبين تساعديني بالحلو
رقية: لحظة لحظة اي حلو هذا اللي بتسوينه واحنا ما عندنا المقادير ؟؟ مو لازم نروح الفرع ؟؟ وابوي مانعنا خلاص خل تولي مو اهي راعية البيت خل اهي تدبر نفسها سحيلة ام الخلاجين
رباب: اي والله صح كلامج خل اروح اريح لي شوية عيل لاني صج تعبت
رقية: على ما اتسبح


راحت رقية تتسبح ورباب قيلت عالفراش .. شوي ولا سمعت صوت عالدريشة .. سكتت لانها توهقت .. قالت اكيد زيد شوي ولا ينعاد الصوت (( تحذف صخر )) بطلت الدريشة ولا زيد واقف
رباب: رقية مشغولة شوي وتيي
زيد : رباب شلونج
رباب: هلا زيد انت شلونك
زيد : بخير الحمدلله
رباب: الحمدلله
زيد: رباب صج اللي سمعته ؟؟
رباب: خير
زيد: اليوم بو شهاب ياي يخطب منكم
رباب: مادري شقولك
زيد : قولي الصج
رباب: امس ابوي بلغنا والله والمشكلة ماندري اي وحدة فينا
زيد: انتو من صجكم ؟؟
رباب: اي والله شنقول وشنسوي
زيد: وجذي بتخليني وبتروح
رباب: مادري شقول بس انته ما شديت حيلك هذا كل اللي اقدر اقوله
زيد: شنو تبيني اسوي ؟؟ اذبح امي
رباب: لا ما قلت جذي .. والله مادري الموضوع كله حيرة
زيد: والحين شنو
رباب: بشنو
زيد: اذا خطبو رقية بتوافق ؟؟؟
رباب: مادري يا زيد بس انته تدري احنا نفسنا مو بيدنا هالمرة زواج
زيد: والله اذبحها واذبح اللي ياخذها .. وبعدين عيال بو شهاب ربعي .. شلون شلون
رباب: الله كريم ان شاء الله ... هذا الوقت اللي انت لازم تتصرف وتسوي شي ولا بتضيع رقية من ايدك
زيد: انا عندي حل
رباب: شنو
زيد: انتي تزوجي
رباب: يا سلام ؟؟
زيد: اي على ما اضبط اموري
رباب: انت شقاعد تقول شنو بكيفنا اهو وبعدين شلون بتضبط امورك
زيد: مادري ماديري بس والله لو اخذها وننحاش نتزوج برة
رباب: لا والله ؟؟؟ وسمعتها ؟؟ وكلام الناس ؟؟ وسمعه ابوي ؟؟
زيد: ابوج اللي ظالمكم
رباب: ظالمنا ولا ناصفنا .. مو احنا اللي نسوي هالسوات .. لا تطيح من عيني
زيد: اذا جت رقية قولي لها تدق علي رنة وبجي
رباب: اوكي
زيد : سلام
رباب: سلام ..


==> تتحلطم رباب : جبح ويه يعني طنقر من كلامي .. حقيقة مال طراق صج يبط الجبد البريعصي
رقية: (( دخلت الدار )) شفيج تتحلطمين بروحج ؟؟
رباب: مافيني بس زيد يقولج دقي عليه رنة يبي يشوفج
رقية: صج شدراج ؟؟ كان موجود
رباب: اي .. السخيف
رقية: ليش ؟؟

وسولفت رباب عن الحوار اللي دار بينا وبين زيد .. رقية فورت عالكلام اللي قاله .. يعني اهي شفيها وشنو ناقصها عشان تنحاش جنها مسوية منكر ؟؟ ليش ما يخطبها من بيت ابوها حالها حال البنات ؟؟ عصبت عليه حيل .. وكان ودها انها تبط راسه باكبر ما عندها .. وعلى كثر الظيم اللي اييلها صايرة رقية ما تتحمل ملاقة زيد وتخلفه ..

 

[zoqaaa]

thnx 7abebty wayed wayed
madre shagol wede ytzwjon o wde yakhthon ele y7bonhom bs mshkla lama ele tabena maysawe shy o tn6reen sarab
alla ykon eb 3onhom
o magsrtai ya 7lwa

 

[MeeMeeYoo_2]

مساكييين


يعطيج العافيه

 

[fato_kw]

حرااام والله كسروو خاااطري ليش جذي يصير معاهم الله يعينهم ويسهل امورهم

وان شاءالله يكون النصيب اللي ياي لهم زيين ويرحمهم من حالهم ويسهل عليهم ياااارب


والله كسروو خاطري


تسلمين حبيبتي وناطرين البارت

بس اهم شي درووسج

waiting

 

[Babya Doll]

واااي صج يكسروون الخاطر حراام
يعطيج العافية مافاز ناطرييين

 

[JaN JaN]

واااي يكسرون الخاطر وزيد حده سخيف خل يولي زين :0bee2e8d89:



ناطريييينج ويعطيج الف عافية :eh_s(7):

 

[zooz92]

مسااكين يكسروون الخااطر

الله يعيينهم

يعطيييج االعاافية على البااارت

ناااطرينج ..~

 

[ام هديل 87]

الله يعين رقية ورباب
واي موكاسر خاطري الا محمد
ناطرينج حبيبتي

 

[shoOshii]

ana twnii agra ur story wayed 7lwa
msaken rgya o0 rbab
thenq 7bebty 3l part

 

[DA3LOoOLA]

اول شي يسلمـــــــتوا حبي وتسلم ايدج على هالبارتات الحلوة
:eh_s(4):
وكسر انشالله الهامـــــــــــــو الي ماتخاف الله جذي احد يعامل الايتام ياويلها من الله وانشالله يطلع هالخاطب ولد حلال مع اني اشك بهالشي :eh_s(1): ​

 

[توتا كويتيه]

مشكوره حبوبه على البارت

ننطر البارت الياي