شسويتي باغراضج بعد طلاقج ؟؟؟؟؟؟؟

[بحر الرمال]

لا حبيبتي الأغراض من فلوسه اللي لمن يطلع دينار يتحسف عليها

وهذا كله من المهر

والله أني خايفه يكونون لاعبين بغراضي

الله يستر

المهر من حقج خلاص ليش ترديله الاغراض اللي شريتيهم من المهر؟ اهو استانس معاج و خلاج تشيلين لقب مطلقه و هم ترديله مهره؟ بالشرع و بالقانون اغراضج من حقج
و الله يهون عليج و ياخذ لج حقج من اللي ظلموج

 

[وردة-الكويت]

الله يعوضج يارب بلرجال الصالح يارب

حسبي الله ونعم الوكيل فلي يظلمون بنات الناس من زوج وحموله وانا جربت الي جربتيه وزود وبصوره خياليه محد يتوقعها

بلنسبه لاغراضج اذا كارهتهم تبرعي فيهم وقمصان النوم قطيها بزباله والله يعوضج خير يارب

انا لمن طلعت من بيتهم مااخذت ولا شي معاي طلعت بعباتي والحمدالله على كل حال

 

[غرق بالماي]

ياحياتي ان شاء الله الله يعوضج بالزوج الاحسن منه ويعوضج عن كل شي

 

[al_maleka]

القمصان والملابس اللي لبستيها جدامة اخذيها واحرقيها بالبر والله نصيحة
ولا تعطينها اي متزوجة
والله انا اختي تطلقت وعطت اختي الثانية كانت عروس ملابس ما لبستها والله انهاا تطلقت
عاااد احنا قلنا توووووبة ملابس المطلقة نحرقهاااا حرراااق بالبر ونخليها تحرق ذكرياتها معاه​

 

[لـــيل]

ربي يعوضك ويبدل قلبك بسعاده ومن نوالك بشر بنفسه يارب وستخدمي اشياءك لاترميها حرام وذا فيها شي يذكرك فيه وتتعبين ارميه وتخلصي منه احسنلك وكلها مسئلة وقت وتنسينه والله

 

[نونه العنونه_H]

الله يعينج حبيبتي الحمدلله افتكيتاي
انا اقول قمصان النوم قصيها صغار صغار وقطيهم
وباجي الاغراض لجنه خيريه
والله ينتقم من كل رجال مو قد الزواج يتزوج
ويؤذي بنات الناس معاه

 

[غلآ نوآف]

الله يكون بعونك
وعسى ربي يعوضك بالخير افضل منه
انا اشوف الافضل انك تطلقين ياختي
مدام الرجال مو محشم اهلك
واهله شرانين ولهم بالسحور وهالشغلات
ش لك فيهم؟
مالت عليهم ولايحن قلبك ع زوجك
والله بكرة ماينفعك
اكيد امه واخواته مسوين له شي
لاتضيعين عمرك وشبابك ع احد مايستاهلك
عيشي حياتك
وشوفي مستقبلك
وربك كريم

اما ع ملابسك .....
قمصان النوم والاشياء الخاصة فيك انتي زوجك
احرقيـــــهم
اما بقية الاكسسوارات او الشنط والصنادل الكشخة
من رايي اكشخي فيهم ..
من مهرك يحق لك ...

 

[كويتية222]

والله يا اختي انتي من جيل ما يتحمل كلمة ،ولا يعرف شلون يسايس الاوادم انتي صغيرة والظاهر اهو بعد صغير
ومافي احد يعقل عليكم
لو كل وحدة تضايقت من اهل ريلها كانت نسبة الطلاق بترتفع الى 90%
عموما نسبة الطلاق في الكويت كارثة بنسبة 50%
والسبب تهور واستعجال وقلة صبر كلا الطرفين
شنو يضرج لو صبرتي كم شهر وتدخلوا ناس طيبة بينكم وطلبوا لج منزل مستقل عن اهله ؟!!
وبعدين هالخاله المسكينه ترى ربت وتعبت وشقت ومن حقها ع ولدها يسمع كلامها ويبر فيها
اتمنى تتقبلين كلامي بصدر رحب وتركدين ونصبرين جم شهر لين يحن ويطخ الطلاق مو هين خصوصا ان اسبابج غير مقنعة

وخل اقولج شغلة
لا تغرج الردود اللي تطلب منج تطلقين ترى اغلبها لبنات صغار بالعمر حتى ما تزوجوا هدي وروقي واصبري جم شهر ​

 

[رجــــه بـس رزه]

معللللللللللللللللللللللللللللللللللللللقه الله يعلقه من رقبته هو واهله وانشاءالله حوبتي ما تعداهم جننوني الله يجننهم

 

[noni_q8]

المهر من حقج خلاص ليش ترديله الاغراض اللي شريتيهم من المهر؟ اهو استانس معاج و خلاج تشيلين لقب مطلقه و هم ترديله مهره؟ بالشرع و بالقانون اغراضج من حقج
و الله يهون عليج و ياخذ لج حقج من اللي ظلموج

اكيد ماراح اردله المهر ولا شي لانه اهوا الخسران مو انا اهوا طلب الطلاق

وحسبي الله عليهم وانا قلت لاهلي ماراح اذل نفسي اكثر من جذي وماراح اردله بالمره

وبالنسبه للاغراض باخذ اليدد وبتبرع باللي استعملتهم

 

[noni_q8]

كويتيه22 حبيبتي اهوا اللي طلب الطلاق مو انا

السالفه ومافيها اني لمن كنت عندهم والله العظيم ثلاثة ايام كلما انزل عندهم قلبي يرقع جني شايفه يني واحس اني ببجي اصعد فوق اصلي واقرا المعوذات
ارد انزل تحت استغفرالله احس بغمته وضييق مو طبيعي قعدت ابجي قتله بروح الطبيب قالي انتي جذابه مافيج شي وللعلم فيني ربو وشغلات شكثر ولله الحمد المهم قاعد ابجي جدامه اقوله احس قلبي بيوقف موقادره اتحمل قالي خلاص امشي اوديج لمن رحت المستشفى سوولي تحاليل و اشعه وكل شي قالي الدكتور انتي مافيج شي رديت على الدكتور انته متاكد اذا مافيني شي ليش ايي المستشفى شنو انا عبيطه ودقات قلبي شوي خفت لمن طلعت من البيت المهم زوجي طالعني بحتقار لمن صعدنا السياره قالي وين تبين تروحي بيتج ولا بيت اهلج اتونسين شوي قتله ابي بيت اهلي برتاح هدوء بيتكم مشاءالله كله يهال وازعاج قام عصب انتي قليلة ادب و مو محترمه شلون تقولين عن بيتنا جذي انا انصدمت قتله حبيبي انا تكلمت عن اليهال ماغلطت على احد واهوا كملها انتي جذابه مافيج شي قتله هد بالك الله يهداك حصل خير وانا ماغلطت عاد هني كمل انا تنرفزت لمن وصلت بيت اهلي قتله انا اعلمك وكنت معصبه بسبت تفاهته جان ارقع باب السياره
لمن صارت الساعه 2 ابوي سالني وين ريلج قتله اكيد بالقهوه وانا وراي دوام لمن دقيت عليه قالي انتي مو كفو اردج خلج ابيت اهلج ولازم تعتذرين لي
ياسلام اعتذر على شنو ؟؟؟؟
هذا اللي ناقص تسبني جنك قاطلي كلام حلو اشوف انا ما ازعل وابتسم لمن تسبني وتغلط علي وفوق هذا مقصر بحقي .... عارف نفسه غلطان مايبي يناقش جان يقولي يلا يلا مناك خلج ابيت اهلج مابيج ؟؟؟؟ (((( بكل بساطه بعتني ))))) وانا متحمله الفاظك والفاظ اهلك واخدمك واخدم اهلك جذي تسوي فيني
جان يقول انا محترم واهلي محترمين اكيد انتي اللي تغلطين عليهم علشان جذي يغلطون عليج ....... قتله انا لاغلطت على خواتي والناس ذيج الساعه افكر اغلط عليهم ....
جان يقولي يلا ذلفي مابيج وصكر التلفون
وسلامتج

 

[noni_q8]

كويتيه٢٢ حبيبتي اهوا اللي طلب الطلاق مو انا

السالفه ومافيها اني لمن كنت عندهم والله العظيم ثلاثة ايام كلما انزل عندهم قلبي يرقع جني شايفه يني واحس اني ببجي اصعد فوق اصلي واقرا المعوذات
ارد انزل تحت استغفرالله احس بغمته وضييق مو طبيعي قعدت ابجي قتله بروح الطبيب قالي انتي جذابه مافيج شي وللعلم فيني ربو وشغلات شكثر ولله الحمد المهم قاعد ابجي جدامه اقوله احس قلبي بيوقف موقادره اتحمل قالي خلاص امشي اوديج لمن رحت المستشفى سوولي تحاليل و اشعه وكل شي قالي الدكتور انتي مافيج شي رديت على الدكتور انته متاكد اذا مافيني شي ليش ايي المستشفى شنو انا عبيطه ودقات قلبي شوي خفت لمن طلعت من البيت المهم زوجي طالعني بحتقار لمن صعدنا السياره قالي وين تبين تروحي بيتج ولا بيت اهلج اتونسين شوي قتله ابي بيت اهلي برتاح هدوء بيتكم مشاءالله كله يهال وازعاج قام عصب انتي قليلة ادب و مو محترمه شلون تقولين عن بيتنا جذي انا انصدمت قتله حبيبي انا تكلمت عن اليهال ماغلطت على احد واهوا كملها انتي جذابه مافيج شي قتله هد بالك الله يهداك حصل خير وانا ماغلطت عاد هني كمل انا تنرفزت لمن وصلت بيت اهلي قتله انا اعلمك وكنت معصبه بسبت تفاهته جان ارقع باب السياره
لمن صارت الساعه ٢ ابوي سالني وين ريلج قتله اكيد بالقهوه وانا وراي دوام لمن دقيت عليه قالي انتي مو كفو اردج خلج ابيت اهلج ولازم تعتذرين لي
ياسلام اعتذر على شنو ؟؟؟؟
هذا اللي ناقص تسبني جنك قاطلي كلام حلو اشوف انا ما ازعل وابتسم لمن تسبني وتغلط علي وفوق هذا مقصر بحقي .... عارف نفسه غلطان مايبي يناقش جان يقولي يلا يلا مناك خلج ابيت اهلج مابيج ؟؟؟؟ (((( بكل بساطه بعتني ))))) وانا متحمله الفاظك والفاظ اهلك واخدمك واخدم اهلك جذي تسوي فيني
جان يقول انا محترم واهلي محترمين اكيد انتي اللي تغلطين عليهم علشان جذي يغلطون عليج ....... قتله انا لاغلطت على خواتي والناس ذيج الساعه افكر اغلط عليهم ....
جان يقولي يلا ذلفي مابيج وصكر التلفون
وسلامتج

 

[كلكم ماتشبهوني]

الله يعوضج باللي اخير منه يارب ويفرج همج ويسعدج ويرزقج يااااااااارب

 

[ASOMA]

الله يعوضج باللي احسن منه

 

[حبي لله اشد]

اقري عليهم وكتي عليهم ماي زمزم
وحرقيهم أو سألي شيخ ؟

 

[دلع العتبان]

الله يعوضج خير حبيبتي ويصبر قلبج

واغراضج شنو بعد تستعملينهم عادي اللهم القمصان تخشينهم بزواجج الثاني خخخخ

ربي يفرح قلبج ​

 

[صآعده تحت}..]

عسى ـآ الله يعوؤضج خير

 

[خزنه]

الله يكتب الي فيه الخير

 

[noni_q8]

حبيباتي والله
والله اشكركم من قلبي على دعاويكم الحلوه و وقفتكم معاي

والله يوفقكم في حياتكم يارب ويهنيكم ويرزقكم بالزواج الصالحين او الذريات الصالحين يارب

وعن الملابس قررت اني اغسل اللي مو ملبوس و مو مستعمل بماي مقري و المستعمل اقطه

فديت وقفتكم معاي والله

 

[franshiska]

الله يعوضج خير حبيبتي ويصبر قلبج ​

واغراضج شنو بعد تستعملينهم عادي اللهم القمصان تخشينهم بزواجج الثاني خخخخ ​

ربي يفرح قلبج ​

لوووووووووووووووووووووول
تبين الصج انا سويت جذي

حتى القمصان اليديده لبستهم بزواجي الثاني
حرام يدد وانا حابتهم
ما قطيت ولاشي بالعكس لبسي الزين كشخت فيه عقب الطلاق
واذا على مهره انا زايدته الدبل وشريت فيه شبكه
يعني هدومي مو منه
وحتى اذا منه مشكور وما قصر هذا حقي اللي الله شرعه لنا

بس قطيت الهدوم الداخلية والقمصان المستخدمين