شسويتي باغراضج بعد طلاقج ؟؟؟؟؟؟؟

[حلمي وامالي]

الله يعوضك خير منه ومن اهله ياااارب ويجبر خاطرك
انا تطلقت وعمري 19 والحمد لله على كل حال
اول شي غيرت رقمي وحرقت كل صورنا انا وطليقي
وملابسي اتصدقت فيهم واقمصة نومي وزعتهم وهداياه قطيتهم بالزبالة الله يكرمك
لاتخلين شي عندك يذكرك فيه عشان تساعدين نفسك على النسيان
وحسبي الله ونعم الوكيل

 

[:: COCO ::]

الله يرزقكـــــــــــم الازواج الصالحييييييين امين يارب

ويعوضكم خير يارب

 

[بحر الأشواق]

انا تبرعت بأغراضي وملابسي كلها وصج ذكرتوني بطلع الالبوم وبحرقه مابي شي يذكرني بالحياة السوده

الله يعوضنا وياج يارب

 

[ام يارا القمره]

من البدايه انتي اهنتي نفسك
الوحده اذا كرمت نفسها الكل يكرمونها
واذا هانت نفسها الكل يهينونها
انا كنت ادور رضى اهل زوجي دواره انظف واكرف واخر شي حسيت اني مهانه رغم اني الضيفه
وعقبها اكرمت نفسي ومااجي الابالسته شهور مره او مرتين لاني انقرصت كثيرررررررًر
وغلطه انك تدورين رضا زوجك الرجال اذا شاف المرأه تبكي علشانه وتترجاه وتقول انا خدامه لك تطيح من عينه
الرجال يبغا وحده قويه وانثويه كلمه ماتتراجع عنها مب اشتغل عندك وعلى عيني وراسي
اما انهم اظلموك
تاكدي مايموت ابن آدم الا يسوي الشي كان يسويها للناس
يعني اظلموك مايموتون الابعد مايشوفون نفس الظلم الي سووها معك وراح ينظلمون وخاصه بنتها

 

[ناسفه البرقع]

والله انا نفسج حبيبتي بس 3 شهور وتطلقت

وسقطت بالجامعه وكبرج

يالله الحمدالله على كل حال صار عادي عندي كل شي

اللهم انا فوضنا امرنا اليك




واغراضي كلهم كانو بليبلهم حتى ما نشال منهم

حطيتهم بجياس بيض ملوت ايكيا وكل ما احد دز بروكاست عن عروس من غير محددين الجنسيه كنت اطلع لها دراعه وساعه وعطور وسوي لها جنطه صغيره ليمه راحو كلهم

واشيائي الملبوسه قطيتهم اللهم بجايم البيت خليتهم كانو وااايد عندي

وبس

 

[Um.AseeL]

الحمدالله صحتك بالدنيا وبنات الناس الي ما يقدرهم ما يستاهلهم وهو الخسران

 

[جوي غيرررررررر]

الله يفرج همك

 

[انصاريه قمره]

تسلمين حبيبتي عصير ليمون على ردج الحلو

وعن اني هونتها صدقيني اني حاولت ارردله واصلح الموضوع على العلم اني ماقتله قطني بيت اهلي ولا اني ضايقته بشي قطني بيت اهلي ومشى وقالي ماتردين الا لمن تعتذرين ومادري على شنو يبيني اعتذر و يقعد يتكلم عند الرياييل اني انا واهلي موزينين وامه اتباله علي اني طاقتها اهيا وبناتها واني ماشتغل ولا اطبخلهم ولاشي

والله الشاهد ان لمن يطلبون مني اي شي انفذه لدرجه يخلوني اراكض جدام الحريم ورا عيالهم الصغار

ماقول الا حسبي الله ونعم الوكيل وانا الحين صارلي ٥ اشهر عند اهلي ماعطاني لاملابس عشان ابدل ولا مصروف ولا هم يحزنون قطني بعباتي لمن خلصت من المستشفى وتحلطم بالسياره وقطني عند اهلي

والحمدالله اهلي ماقصرو معاي شترولي هدوم واثثو غرفتي ومو ناقصني شي واي شي ابيه الحمدالله يكون عندي
وصدقيني دقيت عليه مع ان اهوا غلطان شرط علي شروط ووافقت وقتله انته شنو راح تسويلي قالي ماراح اسويلج ولاشي انتي بس عليج تسمعين الكلام وتنظفين وتطبخين حتى طلعات ماراح يطلعني حتى يقعد معاي لا اهوا من يبطل عيونه يطلع مايرد الا الفير وينام

جني خدامه عنده وعند امه ويعطيني شهريا ٥٠ دينار وكلما اطلع وادخل انتي وين رحتي وشنو شتريتي وشنو صار معاكم وبس يفتحون عيونهم علي

والله بدون غرور اني انا جميله وبيضه وطول واخلاق والحمدالله واهما اللهم لاشماته اخت تنادي اخت بالفاظ جنها وحده من الشارع وكل شي ضيج وكله يدقرون فيني انتي موحلوه وانتي موحلوه اجكره تقطها بويهي لانه امبين عليهم غيورات والله الشاهد اني كلما انزل عندهم قلبي يدق بسرعه بدون سبب واحس اني ببجي واحس بقرصات بقلبي وويهي صار شاحب

ومن قعدت عند اهلي مشاءالله تبارك الرحمن الكل لاحظ انه ويهي نور ونفسيتي حلوه والحمدالله كل فتره والثانيه ارقي نفسي وبعد صلاة كل فير اقرا سورة البقره \\\\\^.^\\\\\\*

قطيييييييييييعه هيلق بصراحه وانتي شحقااا تراكضين ورا عيالهم اخاف يايبينج خدامه تشتغلين عندهم وبعدين تطبخين حق اهله شحقااااا ؟؟؟ انتي عليج من ريلج وبس وما تمادوا عليج مني والطريج انتي معطتهم ويه هالاشكال ما ينعطون ويه ونصيحه دام ما عندج منه عيال لا تجابلينه انتي مو ناقصج شي باجر تاخذين تاج رااااسه هالخااايس انا مادري ليش ياخذون بنات الناس من بيت اهاليهم ويستعبدووونهم اللي يقول يايبين خادمه مو مره حق ولدهم وبالنسبه لاغراضج لا تخلين منهم ولا عوووود قطيعه ذكرى سوووده قطيهم بأقرب زباله