شسويتي باغراضج بعد طلاقج ؟؟؟؟؟؟؟

[أميرة-]

ياحياتي هذا نصيبج .. ربج هذا اللي كاتبه

خلاص لا عاد تذكرينه بخير او شر .. اهي صفحه وانتهت بحياتج وتأكدي ما كتب لج ربج شي الا انه خيره لج واجر


الحين اغراضج .. الملابس الداخلية والقمصان قطيهم بالزبالة باجي الملابس حتى لو من فلوسه ومهره بس تعتبر لج

 

[Huda alotaibi]

داخله اطمش اي مساعده ياحزب مطلقات انا جاهزه


لان في ناس محتاجه تعرس فاللي عندها غراض دزهم على اقرب فرع لبيت الزكاه

 

[black rose BH]

الله يعوضج ياقلبي
انه بعد صارلي سنة من انفصلت وكان عمري 20

اغراضي بصراحة قطيتهم والباقي رديتهم له
فمادري الي تحسينه مناسب ويريحج سوويه ياقلبي

 

[كلي_أمل]

ولا انا الملابس و البدل خليتهم
بس الهدايا ملوته قطيتهم

قمصان النوم و هالسوالف المستعمل قطيته و الجديد عطيته وحده توزع عالاسر المحتاجه عندهم عرايس و محتاجين هالسوالف
اما العطورات لا استخدمهم عادي

 

[حرم راشد الماجد]

الله يعوضج خير ان شاء الله

وبالنسبه للهدوم منتي بعازتهم خيولي هو واللي يا من وراه

 

[Dala3nk]

الله يعوضج خير حبيبتي ،،
الملابس تبرعي فيهم لناس المحتاجه والفقيره
والله بيفرج همك باذن الله ،،
انا زيك عطيت الناس المحتاجه والبي بتتزوج وماعندها مهر يكفيها
والله يرزقك بالي احسن منه وبعدج صغيره ياقمر ..

 

[bnt_kwt]

حبيبتي الله يعوضج بالاحسن وكل شي نصيب
صح يمكن يبيلج فتره عشان تنسين كل شي بس تذكري انه اهو اللي باعج مو انتي و
توج صغيره والحياه جدامج ان كنتي تدرسين خلصي دراستج
وعقب الشهاده فكري بالزواج مره ثانيه

 

[i'm so happy]

يارب يعوضج خير مثل ما ربي عوضني خير لا تضنين حياتج بتتوقف لاني يوم تزوجت كنت قدج ويوم تطلقت ماكان لي ذنب

لكن والله ثم والله ان كنتي مظلوووومة ربي ماينسى المظلوووم الحوبة ماتتعداه لا هو ولا اهله ..

ويقولج بات مظلموم ولا تبات ظالم


نصيحتي ثيابج عطيها فقاره وفتحي صفحة جديده انتي بنت وعمرج عمر الزهور والله ماينسى عبده
الله بعوضج باللي احسن منه قلت لج هالكلام لانه اكثر المطلقات مظلوماااااات

للأسف الرجال قليل ادعي الله ليل نهار والله معاج

 

[بنك بااستا]

تبرعي بالملابس

 

[اميره1980]

انا ترملت ما تطلقت
اغراضي بعضهم تبرعت فيهم و بعضهم قطيتهم بالزبالة مثل قمصان اللنوم و الشغلات الخاصة حيل
انا تبرعت باغراضي مو علشان ريللي توفا الله يرحمه بس لاني ضعفت و ملابسي أوسعو علي وايد و ما يصلحونلي
باجي الاغراض غير الملابس احتفظت فيهم ليش اقطهم حرام و خاصة الماركات مثل الجناط و الساعات

 

[كت كااات]

زين ملابسج شكو تزعلين عليهم ؟؟ خليها عندج والبسيها شنو المشكله ؟؟

 

[فجرر]

يؤؤؤؤؤؤؤؤ

 

[قاهره عذالي]

انا تقريبا نص اغراضي بجايم وقمصان نوم

كانوا 4 جناط لمت كل ملابسي

كل البجايم والقمصان حطيتهم باكياس زباله وقطيتهم بالزباله الكبيره اللي عند المدرسه اللي ورا بيتنا

لان ما احتاجهم والبجايم فيهم حركات ما ينفع البسهم بالبيت قدام اخواني

اما الدراريع والعبي خليتهم ولي يومج استعملهم

والعطور استعملتهم ليمه اخلصوا

انتي بس الاشياء الخاصه اللي كنتي تلبسينها له قطيها

والله يعوضنا ويعوضج

 

[انا لها شمس]

والله ماعندج سالفه مثل هذا يتكلم فيني وباهلي عند الرياييل والدواوين
اي نفس ترد له ؟؟؟؟

باعج 5 شهور ابيعه العمر كله ...
توج اللي بعمرج بعدها تناقز مع اليهال وتلعب

لاحقه ع الزواج


ومادري صراحه اذا عندج شغلات غاليه وجهاز عرسج اكيد ماركات وشغلات غاليه
واكيد مامداج تلبسين كل شي


والله اخليهم واكشخ فيهم والهلكان اقطه ولا اتبرع فيه واللانجري الجديد اعطيه لخواتي

وربج هوا اللي يعوضج ويكتب لج الخير ولخواتج

 

[بيبي قيرل]

حلاتي غلاتي تسلمين يالغاليه والله اني ماطلبت الطلاق وفوق هذا وانا ابيت اهلي خمسة اشهر
والله العظيم اني ادق عليه وانا ابجي واقوله اتق الله فيني ترى مايصير جذي وشرط علي شروط قلتله على عيني وراسي

والله انه حتى قالي تردين وتصيريلي خدامه قتله اللي تامر عليه
والاكبر من جذي امه وابوه يشرطون علي بعد وهم قلت اللي تامر عليه على عيني وراسي

المشكله تتوقعين ليش بطلقني ؟؟؟
قالي اطقلج هرن تطلعيلي بره وانا عند اهلي خمسه اشهر لامصرف ولا ملابس غيار ولا مسج ولا دق علي دقه
انزين وابوي ماله حشيمه وفوق هذا اهوا يتحجه بالدواوين ويقول عني شغلات مو فيني مرتي ماتسمع الكلام مرتي عوبه مرتي ملسونه وانا الله الشاهد بالملجه ماشرطت ولاشرط واهوا صطرلي الشروط جنه مره وقلتله انشاءالله تامر امر ياقلبي
وامه خواته تبارك الرحمن يتبلون علي يقولون حق الحريم اني سابتهم وطاقتهم و بس اتشرط على ولدها واني مو محترمه ولبسي مفصخ بالبيت على العلم اني البس بدل مستره بالبيت ودراريع عندهم
والله اني ماقصر وياهم لاصار عندهم عرس مسكتني بناتها وخلتني اسوي شعور ومكياج واراكض ورا اليهال جدام الحريم واخليها تلبس طقم الالماس مالي وكل ساع داشه شقتي تاخذ الغاز وماقولها شي وتاخذ مني اغراض وهم ماقولها شي وتقولي كلام وصخ وشي مخل للاداب صراحه انا ماتحمله بس تحملته عشان زوجي
وكل هذا علشان امسك بيتي واهوا يبي يطلقني لانه مايبي يكلم ابوي علشان يردني يقولي ((( ابوج غلط علي قالي لاتقطها جذي مره ثانيه ))))
بالله عليكم هذا يعتبر غلط ولا تعليم ؟؟؟؟؟
اخر شي قالي انتي مو مره واللي بينا انتهى انا ماصلحلج وانتي ماتصلحيلي ؟؟؟

اهوا شنو يبي ؟؟؟؟ بنت لسانها طويل وتارستها العوابه وترادد امه وترفض طلباته وطلباتهم وتتزعل ٢٤ ساعه ؟؟؟؟؟؟

ماقول الا حسبي الله ونعم الوكيل

انا لله وانا اليه راجعون ... اللهم اجرني في مصيبتي واخلف لي خيرا منها
اللهم اميين*

شكلج طيبه وايد وعلى نياتج !! بس تصرفاتج هي الي خلتهم يتمادون معاج اكثر شافوج مسكينه وماتردين عليهم قاموا افردوا عضلاتهم عليج !!

شوفي من تجربه لاحظت الطيبه والمسكينه هي الي تتطلق بسرعه وماتقدر تستمر فحياتها الزوجيه لانها ماتقدر على اهل زوجها .. لكن المره المستلعنه وام لسان طويل ماشيه في حياتها زي الفل وتحصلين اهل زوجها يحطون لها الف حساب !! سبحان الله الدنيا انقلبت
بس صدقيني الدنيا دواره .. والله يمهل ولايهمل

 

[حواري]

ربي يعوضج حبيبتي بلي احسن منه

 

[Kocheko]

هالاواادم عبالهم بنات الناس لعبه؟؟؟ الله يعوضج حبوبه توج صغنطوطه

 

[أحـلام * ورديـة]

اااااااه قصتج قلبت علي المواجع

عيوني غورقت

انا الحمدلله ليلحين عند ريلي بس عقب شنو

عقب ما شفت الوييييييييييل من اهله

قصتي تشبه قصتج

عموما قولي حسبي الله ونعم الوكيل نعم المولى ونعم النصير

وحوبتج ان شا الله ابد ما تضيع

 

[موناي]

وااي ذكرتيني الله لا يعيد هالايام ولا يحط اي وحده بهالموقف انها تطلق وايد صعبه حيل صعبه حيل مو شويه .. وكاهي الايام صارت سنين وماشيه كل شي في البدايه صعب

 

[Um Tuki]

عادي استخدميهم شالمشكلة ؟؟

قمصان النوم عطيهم احد متزوج بنفس حجمج ..

اما لثياب والعطور والميك اب لبسيهم .. و اعتبريهم ذكرى حلوة انج تطلقتي و افتكيتي منه