شسويتي باغراضج بعد طلاقج ؟؟؟؟؟؟؟

[noni_q8]

مدامها اغراضج و شاريتها بفلوسج شكو تخلينها او تتبرعين فيها؟ اخذيها و استخدميها عادي
حرام تقطينهم

لا حبيبتي الأغراض من فلوسه اللي لمن يطلع دينار يتحسف عليها

وهذا كله من المهر

والله أني خايفه يكونون لاعبين بغراضي

الله يستر

 

[noni_q8]

معاااااااااااااااااااااااها

يسلموووو صدوقا \\\\\\^.^\\\\\

 

[Fatoo2]

لا اله الا الله

انا اقول الحمدلله ان ماعندج منه ياهل .. الطلاق ترى مو مشكلة او بلوة .. الطلاق حل حق مشكلة .. والله يعوضج بلي احسن منه ..

وبالنسبة حق الاغراض انا اقول استخدميهم حسافه تقطينم

 

[ضاع عمري]

قطيهم في الزبالة ولا يهمج واقري كل يوم المعوذات وسورة البقرة عشان الله يحفظج من كل شر

 

[رتو الكيوت]

انتي موسوسه ولاهم راعين سحوره ؟

اذا انتي موسوسه لبسيهم وكشخي فيهم وقمصان خشيهم لعرسج الثاني ض1

 

[رماد وظل]

الله يعوضك خير ... ويرزقك الأحسن منه ..

 

[حلاتي بوناستي]

اختي اخذي بنصيحتي

اول شي اذا عندهم سوالف سحر بقولج امي عاشت 30 سنه بسحوره عشان يفرقون بين امي وبوي
وصج كان يخطب ملون وحده وسبحانه الله ماكتب هشي وكان يكرهه امي بشكل موطبيعي قبل
ويبي يذبحها وقالها انتي خدامه عند هلي تكرفين وصج صارت كرفت وصارتلهم خدامه الحجي قبل
وتدرين الحين شصار

ابوي يدور رضى امي من تحت الارض وربي برمضان اول ماسافرت لمكه امي
ابوي صكت فيه دنيا وكل يوم ردي وردي احنا نبيج مومخليا تستانس دايمن يبيها يمه
شوفي صبرت ونالت الحين يبيع دنيا عشانها

وانا عرف رفيجتي تقول مرت اخوي اول 3 سنين كانت خدامه عندنا وخوي يقولها طبخي لهلي
تخيلي صبرت تدرين اخر شي شصار
صارت الكل بالكل
زوجها مايبي احد يقولها قومي شتغلي او طبخي



ياختي خلج ذكيه صبري
موتطلبين طلاق ترى طلاق موكلمه تنقال وبس لايبا انتي توج صغيره ع حجي ناس

 

[noni_q8]

حلاتي غلاتي تسلمين يالغاليه والله اني ماطلبت الطلاق وفوق هذا وانا ابيت اهلي خمسة اشهر
والله العظيم اني ادق عليه وانا ابجي واقوله اتق الله فيني ترى مايصير جذي وشرط علي شروط قلتله على عيني وراسي

والله انه حتى قالي تردين وتصيريلي خدامه قتله اللي تامر عليه
والاكبر من جذي امه وابوه يشرطون علي بعد وهم قلت اللي تامر عليه على عيني وراسي

المشكله تتوقعين ليش بطلقني ؟؟؟
قالي اطقلج هرن تطلعيلي بره وانا عند اهلي خمسه اشهر لامصرف ولا ملابس غيار ولا مسج ولا دق علي دقه
انزين وابوي ماله حشيمه وفوق هذا اهوا يتحجه بالدواوين ويقول عني شغلات مو فيني مرتي ماتسمع الكلام مرتي عوبه مرتي ملسونه وانا الله الشاهد بالملجه ماشرطت ولاشرط واهوا صطرلي الشروط جنه مره وقلتله انشاءالله تامر امر ياقلبي
وامه خواته تبارك الرحمن يتبلون علي يقولون حق الحريم اني سابتهم وطاقتهم و بس اتشرط على ولدها واني مو محترمه ولبسي مفصخ بالبيت على العلم اني البس بدل مستره بالبيت ودراريع عندهم
والله اني ماقصر وياهم لاصار عندهم عرس مسكتني بناتها وخلتني اسوي شعور ومكياج واراكض ورا اليهال جدام الحريم واخليها تلبس طقم الالماس مالي وكل ساع داشه شقتي تاخذ الغاز وماقولها شي وتاخذ مني اغراض وهم ماقولها شي وتقولي كلام وصخ وشي مخل للاداب صراحه انا ماتحمله بس تحملته عشان زوجي
وكل هذا علشان امسك بيتي واهوا يبي يطلقني لانه مايبي يكلم ابوي علشان يردني يقولي ((( ابوج غلط علي قالي لاتقطها جذي مره ثانيه ))))
بالله عليكم هذا يعتبر غلط ولا تعليم ؟؟؟؟؟
اخر شي قالي انتي مو مره واللي بينا انتهى انا ماصلحلج وانتي ماتصلحيلي ؟؟؟

اهوا شنو يبي ؟؟؟؟ بنت لسانها طويل وتارستها العوابه وترادد امه وترفض طلباته وطلباتهم وتتزعل ٢٤ ساعه ؟؟؟؟؟؟

ماقول الا حسبي الله ونعم الوكيل

انا لله وانا اليه راجعون ... اللهم اجرني في مصيبتي واخلف لي خيرا منها
اللهم اميين*

 

[o0سارآo0]

الله يكتبلك الي فيه خير الك يارب

 

[حلاتي بوناستي]

حلاتي غلاتي تسلمين يالغاليه والله اني ماطلبت الطلاق وفوق هذا وانا ابيت اهلي خمسة اشهر
والله العظيم اني ادق عليه وانا ابجي واقوله اتق الله فيني ترى مايصير جذي وشرط علي شروط قلتله على عيني وراسي

والله انه حتى قالي تردين وتصيريلي خدامه قتله اللي تامر عليه
والاكبر من جذي امه وابوه يشرطون علي بعد وهم قلت اللي تامر عليه على عيني وراسي

المشكله تتوقعين ليش بطلقني ؟؟؟
قالي اطقلج هرن تطلعيلي بره وانا عند اهلي خمسه اشهر لامصرف ولا ملابس غيار ولا مسج ولا دق علي دقه
انزين وابوي ماله حشيمه وفوق هذا اهوا يتحجه بالدواوين ويقول عني شغلات مو فيني مرتي ماتسمع الكلام مرتي عوبه مرتي ملسونه وانا الله الشاهد بالملجه ماشرطت ولاشرط واهوا صطرلي الشروط جنه مره وقلتله انشاءالله تامر امر ياقلبي
وامه خواته تبارك الرحمن يتبلون علي يقولون حق الحريم اني سابتهم وطاقتهم و بس اتشرط على ولدها واني مو محترمه ولبسي مفصخ بالبيت على العلم اني البس بدل مستره بالبيت ودراريع عندهم
والله اني ماقصر وياهم لاصار عندهم عرس مسكتني بناتها وخلتني اسوي شعور ومكياج واراكض ورا اليهال جدام الحريم واخليها تلبس طقم الالماس مالي وكل ساع داشه شقتي تاخذ الغاز وماقولها شي وتاخذ مني اغراض وهم ماقولها شي وتقولي كلام وصخ وشي مخل للاداب صراحه انا ماتحمله بس تحملته عشان زوجي
وكل هذا علشان امسك بيتي واهوا يبي يطلقني لانه مايبي يكلم ابوي علشان يردني يقولي ((( ابوج غلط علي قالي لاتقطها جذي مره ثانيه ))))
بالله عليكم هذا يعتبر غلط ولا تعليم ؟؟؟؟؟
اخر شي قالي انتي مو مره واللي بينا انتهى انا ماصلحلج وانتي ماتصلحيلي ؟؟؟

اهوا شنو يبي ؟؟؟؟ بنت لسانها طويل وتارستها العوابه وترادد امه وترفض طلباته وطلباتهم وتتزعل 24 ساعه ؟؟؟؟؟؟

ماقول الا حسبي الله ونعم الوكيل

انا لله وانا اليه راجعون ... اللهم اجرني في مصيبتي واخلف لي خيرا منها
اللهم اميين*

انزين مافكرتي انج تقرين سورة البقرة وتلتزمين بلاستغفار
ترى ياما بنات توفقو

ياختي خلاص لادقين ولا شي
خليه ع ربج بس انتي ادعي ليل ونهار واقرى سورة البقرة والاستغفار وربج بيسهل امووووووووورج
لاتعبين نفسج
كملي حياتج وعيشي احلى ايامج ترى توج صغيره

بس غريبه صارلج فوق 5 شهور ماطلقج
ليش اكيد في شي

 

[جوري 2007]

حبيبتي الله يعوضج خير ويرزقج ولد الحلال اللي يعرف قيمتج ،، اوصيج بقيام الليل ادعي ان الله يسهل امور الطلاق ويفكج

منه بسرعه ويرزقج عقب العده بسيد سيده

بالنسبه للاغراض ليش تقطينهم اذا اشياء راقيه ويديده حطيهم بجنطة كبيره ولا تفتحينهم الا بزواجج الثاني

بنت خالتي الله ماتمم لها زواجها الاولي وكانت مجهزة كل شي وليمن الله عوضها شرت بمهرها شبكة راقيه والباجي بحسابها

لانها لبست تجهيزها القديم محد شافه اصلا برمضان اللي طاف تقولنا انه دراعتها مالت زواجها الاولي

سوي اللي يريحج حبيبتي

 

[أعشقه]

الله يعينك ويعوضك بالي احسن منك يارب
والله مدري وش اقولك بس الافضل انك تعطينهم جمعيه خيريه

 

[أإلع ـشق دلع ـهـأإ]

يآحيآتي والله ..

الله موجود وأهو الحآفظ ..

دآومي ع اذكآر الصبآح والمسآء وبآذن الله مآيصيبج مكروه منهم ..

وخلي البقره شغاله 24 سآعه..

وملآبسج تصدقي فيهم لآنه الصدقآت أجر كبير .. يكفي انههآ تبعد غضب الرب عنج ..

وتصدقي وبنيتج أن ربي يعوضج زوج صآلح احسن منه ..

والله يفرج همج ويشرح صدرج ويرزقج بالزوج الصآلح اللي يسعدج يااارب

 

[بنت عطا]

من صجج ادقين عليه وتعال لو انتي عندي كسرت التلفون بالطوفه

لاااااااااااياني واياج تردين له يبا هذا ذلج مسح بكرامتج اهله وصخين مافي اسلوب واحترام باجر لوجبتي ياهل بتربيته في بيئه وصخه من صجج

لاتردين يبا فرقاه عيد عيد وملابسج لاتحطينهم بجلدج دربالج منهم قطيهم وزعيهم المهم لاتلبسينهم والله يعوضج باللي ابرك من وجهه

 

[franshiska]

تسلمين حبيبتي عصير ليمون على ردج الحلو

وعن اني هونتها صدقيني اني حاولت ارردله واصلح الموضوع على العلم اني ماقتله قطني بيت اهلي ولا اني ضايقته بشي قطني بيت اهلي ومشى وقالي ماتردين الا لمن تعتذرين ومادري على شنو يبيني اعتذر و يقعد يتكلم عند الرياييل اني انا واهلي موزينين وامه اتباله علي اني طاقتها اهيا وبناتها واني ماشتغل ولا اطبخلهم ولاشي

والله الشاهد ان لمن يطلبون مني اي شي انفذه لدرجه يخلوني اراكض جدام الحريم ورا عيالهم الصغار

ماقول الا حسبي الله ونعم الوكيل وانا الحين صارلي ٥ اشهر عند اهلي ماعطاني لاملابس عشان ابدل ولا مصروف ولا هم يحزنون قطني بعباتي لمن خلصت من المستشفى وتحلطم بالسياره وقطني عند اهلي

والحمدالله اهلي ماقصرو معاي شترولي هدوم واثثو غرفتي ومو ناقصني شي واي شي ابيه الحمدالله يكون عندي
وصدقيني دقيت عليه مع ان اهوا غلطان شرط علي شروط ووافقت وقتله انته شنو راح تسويلي قالي ماراح اسويلج ولاشي انتي بس عليج تسمعين الكلام وتنظفين وتطبخين حتى طلعات ماراح يطلعني حتى يقعد معاي لا اهوا من يبطل عيونه يطلع مايرد الا الفير وينام

جني خدامه عنده وعند امه ويعطيني شهريا ٥٠ دينار وكلما اطلع وادخل انتي وين رحتي وشنو شتريتي وشنو صار معاكم وبس يفتحون عيونهم علي

والله بدون غرور اني انا جميله وبيضه وطول واخلاق والحمدالله واهما اللهم لاشماته اخت تنادي اخت بالفاظ جنها وحده من الشارع وكل شي ضيج وكله يدقرون فيني انتي موحلوه وانتي موحلوه اجكره تقطها بويهي لانه امبين عليهم غيورات والله الشاهد اني كلما انزل عندهم قلبي يدق بسرعه بدون سبب واحس اني ببجي واحس بقرصات بقلبي وويهي صار شاحب

ومن قعدت عند اهلي مشاءالله تبارك الرحمن الكل لاحظ انه ويهي نور ونفسيتي حلوه والحمدالله كل فتره والثانيه ارقي نفسي وبعد صلاة كل فير اقرا سورة البقره \\\\\^.^\\\\\\*

بعد عمري
عسى ربي يجبر بخاطر ويعوضج بواحد يحطج فوق راسه ويحج فيج 7 حجات
وهذا خل خواته هالشيف وامه ينفعونه

شوفي حبيبتي الشي الزين خليه كشخي فيه
اذا مو بالعتهم تبرعي فيهم

 

[سانماري]

واضح عليك ياقلبي بنت ناس ومتربيه وقمه في الادب وعائلته المصونه العكس

الله يكتب اللي فيه الخير لك واتمنى من كل قلبي يبعدون أهله عنكم

 

[noni_q8]

انزين مافكرتي انج تقرين سورة البقرة وتلتزمين بلاستغفار
ترى ياما بنات توفقو

ياختي خلاص لادقين ولا شي
خليه ع ربج بس انتي ادعي ليل ونهار واقرى سورة البقرة والاستغفار وربج بيسهل امووووووووورج
لاتعبين نفسج
كملي حياتج وعيشي احلى ايامج ترى توج صغيره

بس غريبه صارلج فوق 5 شهور ماطلقج
ليش اكيد في شي

لانه خواف انا لمن دقيت عليه بعد مرور شهر قالي خلاص اللي بينا انتهى وبطلقج لانه طاب خاطري وبعدها بشهرين لمن دقيت عليه اباركله برمضان قالي واحسه بيبجي اذا انتي ماتبيني انا ابيج مرتين رديت عليه وقتله اني ماغلطت عليك بشي وحتى انا ابيك وانا مابعتك بعدين ظلينه اسبوعين انتكلم وشرط علي شروط امه وابوه يعني كانها شروطه لاني ادري انه اهله غاثينه بكلام لانهم لمن كنت عندهم يبوني اسوي اللي يبونه واهما ناس فشله محد يشتغل وعقل متحجر مال ايام اول اللي كله عيب وعيب وانا الحمدالله متربيه تربية ناس متفتحه تعرف الصح من الغلط
المهم شرط علي الشروط وقتله انشاءالله قالي يالله بمرج الحين (( انا هني بققت عيوني ))). قلتله لا والله وامي وابوي مالهم حشيمه قاطني بحلجهم خمسة اشهر يصرفون علي الله يخليهم لي وتاخذني ولاجنه شي صاير وخليت اللي يسوى ومايسوى يتحجون عني واهوا يتكلم عني بالدواوين اني موزينه ارد له بارد مبرد
لا والله تبيني دق على ابوي قوله برد مرتي (( رد علي وقالي خلاص مابيج خلي ابوج ينفعج ))
يعني اذا اهوا مايحترم ابوي شلون يحترمني بالله
وهذي سالفته ابيج ما ابيج ابيج مابيج ابيج ما ابيج <<<< لي متى بالله وين الرجوله
انا مو لعبه انا انسانه لي كرامتي ومشاعري
واهوا واهله امسحو كرامتي جدام الناس وخلوني بنت مو زينه ومو متربيه
ولي يومج. يفكر اي ولا لأ <<<< حشى جوتي مو ادميه عنده وانتو بكرامه

 

[noni_q8]

حبيبتي الله يعوضج خير ويرزقج ولد الحلال اللي يعرف قيمتج ،، اوصيج بقيام الليل ادعي ان الله يسهل امور الطلاق ويفكج

منه بسرعه ويرزقج عقب العده بسيد سيده

بالنسبه للاغراض ليش تقطينهم اذا اشياء راقيه ويديده حطيهم بجنطة كبيره ولا تفتحينهم الا بزواجج الثاني

بنت خالتي الله ماتمم لها زواجها الاولي وكانت مجهزة كل شي وليمن الله عوضها شرت بمهرها شبكة راقيه والباجي بحسابها

لانها لبست تجهيزها القديم محد شافه اصلا برمضان اللي طاف تقولنا انه دراعتها مالت زواجها الاولي

سوي اللي يريحج حبيبتي

تسلمين على اهتمامج يا قلبي وانا الحين الحمدالله صارلي 4 ايام اقرا سورة البقره ورا كل صلاة فير والحمدالله

وعسى الله يسمع منج انشاءالله ( من بؤك لباب السما )
ويارب تاخذ حقي منهم انشاءالله و تبرد قلبي

 

[noni_q8]

الله يعينك ويعوضك بالي احسن منك يارب
والله مدري وش اقولك بس الافضل انك تعطينهم جمعيه خيريه

كافي دعائج الحلو ياقلبي تسلميلي
وعسى الله يخليج لاهلج وزوجج وعيالج اذا انتي متزوجه

 

[noni_q8]

العشق دلعها - بنت عطا - فرانكشتينا - سانمارا تسلمون يا حبيباتي
والله انكم فرحتوني بدعائكم لي وعسى ربي يرزقكم ياللي اتمنونه من زوج وعيال و احفاد ( كبرتكم صح )
ماعليه امسحوها بويهي يا بنات الاجاويد

وربي تلومون بالاجاويد لا دعولي وحبيتهم من قلب
الله يخليهم لي يارب ويخليلي كل من يحبني ويحترمني ويقدرني *