%%%%%سلمى و الخمس رياييل %%%%%

[Danya =)]

يحليه عبدالله طييب
اتوقع بيحب سلمى وبياخذها وبينسيها اللي فات
تسلميين حبيبتي عالبارتات
ناطرييينج

 

[ورده الجهراء]

ليش سلمى ترد الشقه حق خالد ما يستاهل
واتوقع عبدالله يحب سلمى
ام يويو حبيبتي البارت قصير نبي بارت اطول

 

[فيلجـ كول ـاويه]

mshkoora waayed 3ll.part !! waayed 7loo
elmhm:! !! 3abdallah shaklah bee7eb salma !!*
w salma kasra 5a6ree fdaitha wallah *
na6reenich 8lboooo

 

[أم حيدر]

خوش كلام

 

[عثمان حبي]

يعطيج العافيه ياليت تطولين البارت

 

[um_yoyo]

بعد اسبوع و عبدالله تفكيره بس بسلمى رن تلفونه رقم سلمى

عبدالله : هلا سلمى
سلمى و اهيه تبجي : عبدالله الحقني انا مو قصدي ازعجك بس ما عندي احد

عبدالله اشفيج : تكلمي بسرعه
سلمى: خالد نقل اغراضه بالشقه القديمه الي جدام بيت ام سمير

عبدالله: و ليش تبجين مالج شغل فيه
سلمى : لا اهوه متعمد ما ادري شنو ناوي عليه
عبدالله: سلمى اهدي اهوه مو مع مرته
سلمى : أي
عبدالله : خلاص ماراح يتجرا يسوي شي جدامها
سلمى تبجي: ياربي ارحمني يعني ماراح اقدر اتناسى الي سواه فيني

عبدالله: سمعيني انا نص ساعه اكون عندج محتاج اكلمج بموضوع ضروري

سلمى اركبت السياره مع عبدالله و عيونها متروسه دموع

عبد الله: و بعدين معاج مسحي دموعج لا تخافين طول ما انا معاج

سلمى حست صج انها لما تكون معاه مرتاحه

وقفت السياره جدام البحر و انزلو سلمى اقعدت على الرمل تطالع البحر و قعد يمها عبدالله

سلمى: اشفيك مبين انك متضايق
عبدالله : لا مافي شي
سلمى قول الي عندك
عبدالله: انت الحل حق مشكلتج الجنسيه و تبدين بعدها حياة جديده تشتغلين تكملين دراستج يمشيلج معاش من الحكومه

سلمى تضحك : لا صج عبدالله اشفيك يعني شنو الجديد

عبدالله : انا مستعد اطلعلج ياها
سلمى لفت عليه: شنو شلون انا ادري انكم واصلين بالديره بس ما تسوون المعجزات
عبدالله: اتزوجج


سلمى اوقفت : انت شنو يايبني تمسخر علي
عبدالله: لا والله انا من صجي اتزوجج و خلال سنه اطلعلج الجنسيه و بعدها نتطلق

سلمى : لا طبعا

عبدالله: و ليش لا محد راح يدري زواجنا رسمي بالسر لما اخلصلج اجراءات الجنسيه

سلمى : لا لا شقاعد تقول اهلك اذا درو يمسحوني من الوجود انت تدري ابوك منو

عبدالله: لا تخافين و صدقيني هذا لمصلحتج

سلمى قعدت على الرمل تبجي و خاشه ويهها
عبدالله نزل لها رفع راسها ليش البجي الحين قولي: انج موافقه

سلمى : اخاف من باجر
عبدالله : شنو راح يصير حتى اذا اهلي عرفو احنا جذي او جذي بنتطلق بس تاخذين الجنسيه و انا اوعدج السالفه ماراح تطول عن سنه و مابي منج أي شي من الي في بالج

سلمى: انت ياوايد طيب يا مجنون
عبدالله : الطيب بهالزمن يقولون عنه مجنون
سلمى: انا اسفه
عبدالله : موافقه ؟
سلمى راح: اكون مينونه اذا رفضت

عبدالله : عيل قومي انروح بيت ام سمير نتفق معاها على موعد العرس
سلمى: لا خلني انا اكلمها اول


سلمى و اهيه نازله عند العماره شافت عبدالله و لقت بعيونه املها


بالصاله ام سمير تبرد اظافرها

سلمى: عندي لج خبر ................

ام سمير: شوو لا لا سلمى عبدالله مجنون انت عارفه مين ابوه ياربي دخلك احنا اتفقنا نروح لبنان و تشتغلي معي بمحلي للمجوهرات و تبدي حياة جديده

سلمى: حياة بدون جنسيه مايصير فهمي و هذا فرصه الله رسلها لي و السالفه زواج صوري لمده سنه لان عبدالله عنده واسطه وايد قويه و راح يخلص اجراءات بسرعه و من بعدها اقدر اسافر و ايلج لبنان

ام سمير : والله قلبي مو مرتاح بس انت حره

سلمى راحت لمت ام سمير: يعني اقوله متى يقابلج علشان يخطبني


بعد يومين

سلمى: شلون شكلي حلو مكياجي مو اوفر

ام سمير: يوو عليكي والله قمر روحي افتحي الباب بسرعه

سلمى افتحت الباب
عبدالله: انت سلمى ولا انا غلطان بالبيت
سلمى تضحك: لا موغلطان اتفضل

ام سمير: والله يا عبدالله انا مو عاجبتني الفكره و خايفه على البنت
عبدالله: سلمى بعيوني و الله يعلم انا شنو نيتي معاها

ام سمير: انشالله خير
عبدالله : انا اقول خلينا نملج الاسبوع الياي
ام سمير : أي مو مشكل
عبدالله و اهوه يطالع سلمى: على خير
ام سمير : و البنت بعد الزواج راح تظل عندي لان مثل ما فهمت الزواج صوري

عبدالله : ارتبك على راحتها اذا تبي تقعد عندج او عندي و عموما هذا شيك بمهر سلمى

سلمى: لا انا مابي مهر اخذه
عبدالله بعصبيه: لا راح تاخذينه هذا حقج

ام سمي: راح تتعشى عندنا اليوم بعد خلاص انت من اهل البيت
عبدالله يساسر سلمى : طباخها حلو يسوى اقعد ؟

سلمى: تضحك أي حلوو


ام سمير راحت المطبخ

سلمى: عبدالله انا ماراح انسالك هالمعروف
عبدالله يطالعها: اتصدقين انت وايد حلوه


سلمى ويهها صار احمر
عبدالله : و الحين صرتي احلى بعد

:ceaf32e183::ceaf32e183:

 

[فيلجـ كول ـاويه]

looool
el.part 3jeeeeb shookran 8lbooo
bs atwa8a3 ra7 y6al8ha bser3a
na6reenich

 

[بقايا همس]

واااااااااااااااااااااااااااو خووووووووووووش بارت الله يعطيج العافيه
وناطرينج خيتووووووو

 

[ورده الجهراء]

وااااااااااااااااو خوش بارت حبيبتي
بس نبي بارت اطول من جذي
يعطبج العافيه حبيبتي على هالبارت

 

[% مرت زوجها %]

ام يويو كملي

 

[فيلجـ كول ـاويه]

mta >>el.part 8lboo?!

 

[Danya =)]

البااارت روووعة
واحس عبدالله وايد يحب سلمى
الله يفرجهاا
مشكوورة حبي عالبارت
ناطريينج

 

[zizo0ou]

yslmoo waiting elyay

 

[أم@الحلوين]

كملي ام يويو......

 

[zooz92]

مسكين عبدالله شكله خوش ريال ويحب سلمـى

ان شاء الله يعووضها عن البااجي

يعطييج العاافية على البااارت

نااااطريـنج ;**

 

[miss disaster]

ما ادري ليش احس ان عبدالله جزء من معاناة سلمى

يسلمو و ناطريين البارت الياي

 

[كويتية و النعم]

شكله خووش وااحــــد و بااين انه يحبها
مشكووورة حبيبتي ع الباااارت
و يعطيج الف عاافيــــــه
ناطريـــــــــــنج ....!~

 

[أم@الحلوين]

نبي بارت؟؟

 

[% مرت زوجها %]

القصه تشوق كملي ام يويو

 

[عاشقهH]

بنات جنه القصه قربت على نهايتها
اول رجل ابو سلمى ثم ابو سالم ثم خالد ثم عبدالله يعني باقي واحد..