سالفتي اليوم الصبح بالدوام مع مرت زميلي :(

[ام عيون فتانة..]

السلام عليكم


خل اقووولكم شنو صار اليوم

أنا أحس اني راح انحط في موقف مو حلووو مع هالريال

اليوم الصبح داومت تقريبا مو نايمة و انا اشتغل ياني مديري يسالني عن الكتب قلت كل شي اوكي بس هم ناطري هالموظف محتاجين جم راي منه و خليت الكتب على جنب اوريدي بيداوم الاسبوع الياي .. قالي لا لا لازم ايي

جان اقوله بسرعه دق عليه و استدعه انت انا ماراح اتصل و لا ادز مسج و لا ايميل قالي ليش ؟؟

قايلج شي مسويلج شي قلت لا بس مابي ازعجه وايد امس دازه مسج حقه و اليوم ادق اقوله تعال انت دق

حس اني مو طبيعيه انا كنت متنرفزة حيل :tomato2: قالي اكيد في شي انا مادري عنه @@ مو وقته يدور من وراي هالمدير الملقوف:eh_s(14):

ياربي احس اني شفته ببط السالفه بس استحي .. بس اشلون استرد كرامتي ؟؟؟ :0bee2e8d89:

احس اني كرهت الدوام :0bee2e8d89:

 

[ام عيون فتانة..]

بنات اشكركم وحدة وحدة اللي ردوا علي ..

بس الله لو تسمعوون الصراخ اللي سمعته تقولون لا اكيد انتي كاتبتله مسج عاطفي

الله يسامحها على السب اللي سبتني اياه

 

[ام احلى خلودى]

وااى حبيبتى ماسوت عليج , بس هذى صج هيليقيه ,, بس لازم تقولين حق ريلها عشان يادبها ومو من حقها تغلط عليج وين قاعدين واى قهرتينى

 

[سفيرة العشق]

وي مسكينة ما تسوى عليج
انا عاد ما حب جذي ناس أسوب واطي

بس انا اقول تعلمين زميلج عن اللي سوته مرته
ترى عيب وانتي ما سويتي شي يستاهل كل هذا؟؟

 

[جنتي(ريلي)وناري]

كلكم صرتوا معاه وضد مرت الريال والله لو المره مو شاكه بريلها ومتاكده عنده خرابيط ماسوت هالشيئ وثانيا لو مرت هالريال كاتبه موضوعها بالمنتدى وقايله لكم زميله ريلي بالدوام تتصل فيه بالبيت وتتحجج انها تبي الباسورد جان قلتوا لها اكيد هالبنت حاطه عينها على ريلج وتبيه حتى في البيت ملاحقته ديري بالج منها ووقفي عند حدها الشغل بالدوام وبس
شوفي حبيبتي صدقيني اللي سوته من حرتها ولانها عارفه ريلها عدل وجيتي انتي وطرشتي هالمسج وصرتي بوجه المدفع وحطت الحره فيج
طنشي الموضوع وانسي اللي صار وحرمي تطرشين مسج لاي ريال بالدوام دوري لج حل ثاني
هاذي وجهه نظري وكنت صريحه فيها
بالتوفيق

 

[جنتي(ريلي)وناري]

لا تزعلين مني

 

[أإلع ـشق دلع ـهـأإ]

.


.

مسكينه .. لآتلومينهأ .. تغار ع زوجهأ ..

بس غلط تسبج وتصأرخ عليج ..؟؟ وين قاعدين احنأ ..!!

بس أحسن شي إنج مأرديتي عليهأ ...

.

 

[++MesK++]

كلكم صرتوا معاه وضد مرت الريال والله لو المره مو شاكه بريلها ومتاكده عنده خرابيط ماسوت هالشيئ وثانيا لو مرت هالريال كاتبه موضوعها بالمنتدى وقايله لكم زميله ريلي بالدوام تتصل فيه بالبيت وتتحجج انها تبي الباسورد جان قلتوا لها اكيد هالبنت حاطه عينها على ريلج وتبيه حتى في البيت ملاحقته ديري بالج منها ووقفي عند حدها الشغل بالدوام وبس
شوفي حبيبتي صدقيني اللي سوته من حرتها ولانها عارفه ريلها عدل وجيتي انتي وطرشتي هالمسج وصرتي بوجه المدفع وحطت الحره فيج
طنشي الموضوع وانسي اللي صار وحرمي تطرشين مسج لاي ريال بالدوام دوري لج حل ثاني
هاذي وجهه نظري وكنت صريحه فيها
بالتوفيق

؛
؛


صح لسااااااااااانج

؛
؛

 

[ليالي نجد]

اذكري الله وطنشي حبوبه ترى فيه حريم الغيره والشك يعميها وماتفكر والعياذ بالله ودايما مستحضره سوء النيه ....ما اقول الا الله يعين زوجها عليها شكلها نسره خخخخخخخخخخخخخخخ

بيني وبينج مرت حماي جذي مسكين محسره بعيونه وجايبت له الصمرقع وهو مايستاهل اخلاق ولا اعلى بس الله بلاه بهالذيبه ....
تعاطفت معاج لانها اتهمتج تهمه قويه بنت الحلال الله لا يواثمنا ....بس ارد واقول طنشي واياني وياج اتجيبين له طاري عن الموضوع الا اذا هو عنده خبر وحب يتأسف عن موقف زوجته البايخ

 

[PinkY Dreams]

لاتلومينها الي مايعرفج مايثمنج

وتغار على ريلها

حطي نفسج بمكانها والله بتنقهرين مره غريبه دازه مسج حق ريلها والشيطان بعد حي مامات والمره ناقصه عقل ودين الله تقلب الدنيا فوق تحت خخخ

 

[عيمية^والقلب^كندري]

كلكم صرتوا معاه وضد مرت الريال والله لو المره مو شاكه بريلها ومتاكده عنده خرابيط ماسوت هالشيئ وثانيا لو مرت هالريال كاتبه موضوعها بالمنتدى وقايله لكم زميله ريلي بالدوام تتصل فيه بالبيت وتتحجج انها تبي الباسورد جان قلتوا لها اكيد هالبنت حاطه عينها على ريلج وتبيه حتى في البيت ملاحقته ديري بالج منها ووقفي عند حدها الشغل بالدوام وبس
شوفي حبيبتي صدقيني اللي سوته من حرتها ولانها عارفه ريلها عدل وجيتي انتي وطرشتي هالمسج وصرتي بوجه المدفع وحطت الحره فيج
طنشي الموضوع وانسي اللي صار وحرمي تطرشين مسج لاي ريال بالدوام دوري لج حل ثاني
هاذي وجهه نظري وكنت صريحه فيها
بالتوفيق

انا معاها 100% وكنت بكتب رايي بس قلت اقرا ردودكم اول اللي انصدمت منها كلكم ضد زوجة الريال واسلوبها هذا مو شرط دليل هلاقتها على قولتكم اذا جذي عيل كلنا هيلقيات وكل وحدة كتبت قصتها وقالت انا سفلت بالحرمة وشرشحتها واحنا صفقنالج عيل احنا بعد مانستحي !!!!

منو فينا اذا لقت مسج من رقم وحدة بالدوام مع ريلها ماتعصب ولا ماتتنرفز ولا ماتبط؟؟ واهيا لم شافت المسج تعرف انتي منو؟ ولا تعرف اخلاقج؟ طبعا لا لان ياما بنات ابليس بدوا يتحرشون بالرياييل عن طريق وبحجة الدوام والشغل فاهيا حبيبتي مو غلطانة بتصرفها

وانتي عالعين وعالراس بس شلون ترضين تدزين مسج من نقالج الخاص على نقاله الخاص !! والله مو لو شي ضرووري لوو شنوو انتي عارفه اهوا باجازه وزوجته يمه مفروض تقولين حق اي زميل عندج ان يدق عليه لان كلنا والله حتى اللي ردوا عليج وقالوا عن الحرمة هيلقية لو لقت مسج من نقال حرمة بنقال زوجها والله راح تنفجر وتنبط

وارجع اقولج انتي صح ماتقصدين وخوش بنت وعالراس بس اهيا ماتعرف نيتج لان التصرف غلط فالتبرير ماينفع بالنسبة لها وشعوور الغيرة موجودة عندنا كلنا ولا نرضى وانا اول وحدة اقولج ان اشوف مسج من زميلة زوجي بالدوام عاد حمدي الله ان مو انا زوجته ولا تزعلين واخذي درس من اللي صار وعذري الحرمه تراني حطيت نفسي مكانها وصج شي يقهر ترى ولا تزعلين مني هذا رايي :tek:

 

[نوره85]

هذي مريضه نفسيا واي زوجه انا اشوف مالها حق تفتح مسجات زوجها لو هو خاين لان ماراح ترضي ان زوجها يفتح جوالها ويتعبث فيه فمالها اي حق تفتح المسج وبعدين مسجج مافيه اي شي ماتعديتي حدوودج وكان مجرد طلب وماغلطتي حبيبتي هذي اسلوبها واطي وتلاقين اهو تعبان منها فصارحيه بكل احترام لاتخلين شي بقلبج

 

[نوره85]

عيميه والقلب كندري بس مسج البنت مافيه اي تعدي لحدودها كانت بكل احترام واضح المسج اوكي بس ليش التفتيش وتعدي علي حدود الناس جان ممكن تصارح ريلها ماتغلط علي بنات الناس محد يرضي ان يلقي مسج من زميله زوجها
شي طبيعي كل مره عنددها غيره علي زوجها تخاف علي زوجها لان اللحين البنات يخوفون بس انتي اقري المسج مافيه شي ومالها اصلا حق تفتح مسجات زوجها لان اهيه بدورها لو يفتح جوالها بتسويله قضيه

 

[ياشايل الظبى]

اتوقع كل مره تعرف طبيعه دوام زوجها .. وفيه زميلات ولا لا
والمسج اللى دازته انتى مافيه غلط
ولو وحده غيرها ممكن تدشها غيره بس مولهدرجه تقعد تبلعم عليج

 

[أم علي الرفاعي]

لا لا لا

انا اقول جان خليتي واحد من الشباب
يطرش المسج من موبايله

يمكن اهي فهمت انج قاعدة
تتحرشين فيه وبتجسين نبضه
يعطي ويه والا لأ ...


انا اقول انتي غلطانة

الحريم اشكال وألوان
واذا انتي تشوفين مافيها شي
ترى غيرج مايشوف جذي


يالله هالمرة صارت
اما المرة الياية
لا تحطين نفسج بهالمواقف

^_^

 

[الطيب الغالي]

الغيره بعد شتسوي

 

[شنكولة]

الله يعينج موقف لاتحسدين عليه

 

[ريم الدلوعة]

حبيبي انتي غلطانة مره
عارفة شو غلطتك انك ارسلتي رسالة او انك حاولتي الاتصال
طيب قلنا الشغل واقف ... اوكي عندك مسؤل في العمل او رئيسك في العمل اكيد رجال طبعا
المفروض انك قايلة لة الشغل واقف الان ومهم ان نحصل على البس وورد حق زميلنا فلان
اتصل علية لو تكرمت وخذ لنا الباس وورد
كان كذا احسن وابتعدي عن الاحراج
اوكي حبي
الاخصائي النفسية / ريم الدلوعة

 

[ام عيون فتانة..]

لا تزعلين مني

حبيبتي ليش ازعل منج .. هذا راييج و احترمه

و ماكتبت الموضوع الا و انا أبي رايكم فيه و لازم اتقبل الراي الاخر :tek:

 

[ام عيون فتانة..]

اشكر البنات اللي ردوا علي

بس انا استغربت من اللي يقولون مرته مو هيليقية ؟؟

اشلون تتصل و تسب بالطريقه و تصارخ وين انوثتها وين الذرابة و الاصول وين التربية ؟

الحجي اللي قطته علي مستحيل بنت انثى تتفوه فيه !!