سالفتي اليوم الصبح بالدوام مع مرت زميلي :(

[al_maleka]

عااااااااااادي حبيبتي
الهيلق واااااااااااايد
بس انتي لا تخذين على خاطرج وتكدرين عمرك
عااااااااااااااااادي طنش تعش تنتعش

 

[يازمان العجايب]

قطع هلاقه انتي ماسويتي شي غلط بس يمكن اهي متهاوشه معاه وحطت الحره فيج
جان قلتي حق المدير عشان اذا صار تقصير بالشغل ما تطيح براسج
ولاتدقين على احد ماتدرين الباجي شنو

 

[Hello_kitty]

لا تستغربين حبيبتي من هالهيلق اللي كل وحده تفتخر بطول لسانها وتدعي وتردح فوق راسج هالهيلق زايدين

الله يكافينا شررررررررهم الواحد لما يسكت مو خوف منهم ولا حشيمه لهم الواحد يحشم عمره عنهم يا كثرهم بس

 

[engnera]

خلي المدير يكلمه او السكرتيره احسن مره ثانيه

 

[حلا قطر]

هالمره تعلمي من الدرس دقي من تلفون الدوام تحملي تدقين من رقمج الخاص حتى لو مسج ماتدرين بنات ابليس بكره وش يسون خصوصا ان هالأيام المره صايره تخاف على رجلها اكثر من عمرها الحمدلله والشكر

 

[MaZyOoOoNa]

ليش سكتي قولي لمديرج
واذا منحرجه قوليله مره ثانيه انت دق لا توهقني مع حريمهم

 

[*يارا*]

صباح الخير حبيبتي:eh_s(18):

لاتزعلين نفسج ولاتقهرين عمرج هالأشكال ولاشي ما يستهلون أي شعور

ونصحيتي لا تقولين حق زميلج مهما كان اهوا محترم ولا تخلين حزازيات بينكم أو تخلينه بموقف محرج

كافي عليه نصيبه الهيلقيه

حسبي الله ونعم الوكيل ... إن شاء الله بتكبرين وتنسين :wqedqw:

وإذا مره ثانيه دقت ردي ببرود لوسمحتي كلمي ريلج لا تكلميني

مستواي أرفع منج وسكي التلفون بويهها _03BA:

وترى الموقف مايستاهل أنها تيي

وإذا بعت وياتج على طول روحي لمديرج

وما أعتقد دوامك فوضى أي أحد يدخل ويبدع

بالتوفيق حبيبتي :tek:

 

[عثمان حبي]

الصرااااااااااحه انتي مو غلطااانه ولو واحد بالاميه لان طبيعه شغلكم جذي ومابينكم الا كل احترام كزمله بمكان عمل واحد ولو انتي نيتج شينه جان مافكرتي بتلفون الدوام اول وشنو يعني المسج اللي طرشتيه كلها لو سمحت ابي الباسوورد شكاتبه كلام حب وغرام قطيييعه صج حريم يفشلون ومتخلفين بس انا اقول قولي حق زميلج بالدوام خل يفهم مرته اخاف اهى شافت مسجج ودقت واهو مايدري بس قالتله فلان ترا وصلك مسج يبون باسوورد الدوام واهو طرشه على طول ماتوقع قالتله شسوت ولا جان عالاقل دق اعتذر شهالحجي تبين رياييل وماتستحين واشونه مديرج سمع كل اللي صااار يعني لا قاعده تالفين ولا تبلين على احد افففففف حدي تنرفزت

انا معاها باللي قالته صج الحين زمن اقشر تفعلين خير تلقين شر الله يعينج

 

[بدويه دمار شامل]

استغفر الله

والله ماتستحي ع الاقل اتحشم زوجها

 

[نــعــوومــه]

والله فشله ..الله يعينج ..صراحه موقفج صعب ..موحلو تسكتين وماتقولين له ..وهم بعد موحلو إنج تقولين له وتتشكين من مرته ..انا الصراحه بهالمواقف افضل الصمت ..​

 

[pretty sarona]

أعوذ بالله ,, شنو هالحريم

 

[ملكة زماني]

خل اقولج اهي غلطانه و انتي غلطانه بعد شوفي اول شي بالنسبه حق شغلكم شكله كلكم نفس الشي تقريبا هذا انا مع زملاتي

بالدوام وزملائي بعد حاطين ورقه وكاتبين فيها الباسورد او رقم السري حق الكمبيوتر و حق اي برامج علشان ما نطر اندق

على احد وبعدين لو شنو عندي شغل انطر او اخلي احد من زملائي يدق على الريال الي ابي منه شغل بس انا مستحيل ادق

لو شنو يصير بعدين انتي يعني شغلج ما فيه حياة او موت يعني مثل الدكاتره او الممرضه كنتي تقدرين تنطرين رئيس القسم

او اي احد او اي ريال ويدق ويريحج واذا علي مرته هم اهي غلطانه انها تسرعت وحكمت عليج بس لو تومينها مايصير

تقولين هيلقيه او شي عيب انتي مو عايشه معاها علشان تحكمين عليها تدرين شنو الضروف بينها وبين ريلها اكيد لاء تر المره

ما شافت المسج اله اهي شاكه بريلها او شي يعني ما ندرى شنو ضروفها هم اهي معذوره ترا البيوت اسرار

وهدي نفسج وذكري الله ولا تتسرعين في حكمج على الناس ولازم تقولين حق زميلج وتعتذريله وصدقيني هم اهو راح يعتذرلج وحصل خير إن شاء الله :tek:

انا مع الاخت كلامها صح

وحرام اتقولون عنها هيلقيه وقليلة ادب ماتدون شنو ظروفها

 

[Pizza Queen]

انتي حيل مهتمه فيه
خلاص
شنو بهمج اذا درا ولا لا
لاتدقين مره ثانيه
على ريال
احنا بمجتمع محافظ حيل واذا كلش كلش
دوامج حدج
خلي موظف عندكم يدق
شدعوه انسي الموضوع
واللي سوته شي طبيعي بالنسبه لوحده تغار على زوجها وتحبه
ويمكن زوجها عنده تجارب قبل الزواج ويمكن اشياء وايد
طلعي من هالموضوع وخلي الريال لاتقولين له
كيفه زوجته وراضي فيها
شدراج يمكن يهزئج اذا فتحتي الموضوع
يمكن اهي مجذبه عليه
قايله انج غلطتي عليها
ترا ماراح يجذب زوجته وصدقج
خليهم وتعلمي من هالدرس
فديتج

 

[فـدوه]

وجع شهالقلة الأدب..... مو من حقها و لا من حق أي أحد يفتش بموبايل غيره... هاذي خصوصياااات
و بعدين المسج يبين إذا مدزوز بغرض غير شريف.... حقريها لأنها غبية و ماتدري شنو العواقب إذا ريلها درى بالي سوته
إنتي ماله داعي تقولينله لا باجر يطقها و إلا يطلقها....

 

[سكارف.فوشي]

امبيه
شصار معاج اليوم حبيبتي؟

 

[LaSt WoMeN]

وااي قهر ! الله يهداها اخاف ريلها عنده سوالف من اول و مخليها تعيش بنار الشك واعليه !!

 

[فـدوه]

اللي يقولون لا تقولون عنها هيلقية.... لا إهي هيلقية و نص و ماتستحي بعد... شهالمستوى هذا !!!!!

كل ساعة وحدة تفتخر بطوالة و وصاخة اللسان.... وييين قاعدين

البنت ماسوت شي دزت مسج محترم و في سؤال مباشر وواضح بقى شغلها مهم وإلا يتأجل هذا مو شغلنا إحنا

الموضوع المهم إنه ماصار في أنوثة و لا رقي بالأخلاق...... المره السنعة حتى لو تدري إنه زوجها يحاجي و حده ماتدق عليها و تردح لأنه الهيلق هم اللي يسون جذي...

عندج مشكلة حليها مع ريلج مو مع بنات الناس.

 

[فـرفـر]

مره صار لي مثل هالموقف خخخخخخخخخخخخخخخخخخخخخ

بس عطيته طااااااااااااف
مع انه ماطرشت مسج ولا شي

بس كنت بمكاان اتعامل مع المهندسين ورقمي لازم يكون عندهم

ماتسوا علييييييييييييييييييييييييييييييي

انا قمت اضحك من الصدمه

حسيت انه فيه حريم عقلها عقل ام سنتين :dddds:

ماعليه حبووبه طاااف
انا سكت ولا حبيت اتكلم اصلاا فشله
بس اذا انتى متضايقه حيل بيني له بطريقه غير مباشره
احسن لج

 

[Om Khaloody]

الله يعينج فعلا أنحطيتي في موقف ما تنحسدين عليه

بس كان المفروض أنه ما تطرشين مسج المفروض اتقولين لمديرج او زميل لج بالدوام أنه يدق عليه ويسأله عن الباس وورد

تدرين ليش علشان ما تحطين نفسج وتعرضين نفسج لموقف بايخ نفس هالموقف

زوجته طلعت لسانها طويل وجاهله ماتعرف اتميز بين الزميله بالعمل والاحترام المتبادل بين الزملاء وبين وحده تبي اتغازل ولا تتحرش

لا واطلعت بعد تقرى مسجاات زوجها واهو نايم صج والله ما تستحي

يا اختي انا عندي مبدأ الريال اذا عنده خرابيط ولعب ما أقعد أفتش من وراه كأني حراميه وبالخش والدس .. أذا فيه شيء ربي يكشفه لأنه حبل الجذب قصير وذيك الساعه أخذ موقف واتصرف على أساسه مو أفتش بتلفون ريلي واوه نايم واتهم الناس بالباطل

الله يعينج اختي وانا من رايي اتقولين حق ريلها اذا داوم .. لأانج مو مسويه شيء غلط علشان اتخشين السالفه

 

[ســـوزان]

امبييييييييييه اي شي شنو هذا
شنو هالهلاقة
ويع ويييييييييع انا لو منج
اروح حق المدير واقولة ترا ماني ملزومة اخذ ارقام زملائي
شوف مرت الريال شسوت فيني
فبلييييييييز خلك وسيط بينا اذ كان فيه شغل
يعني انت تدق عليه اذ كان مو هني
وتتواصل وياه بعجين بلغني

بس هذي شكلها تيي الدوام تشوفج ع الاقل
الله يعينج عليها