سالفتي اليوم الصبح بالدوام مع مرت زميلي :(

[++MesK++]

؛
؛


انتي طرحتي الموضوع عشان تعرفين رأينا

و انا اشوف ان ماكان له داعي اللي سويتيه

شوهتي صورة الريال و مرته عند المدير!!

و دخلتي ابوج بالموضوع !! انتي كبيره تقدرين تاخذين قراراتج وحقوقج بنفسج!!

و شدعوه اجتماع كامل تضبطين فيه سالفة المسجات !!

صارت حرب !! خو عادي قولي للبنات من

اليوم ورايح اللي تبي شي تخلي واحد من الموظفين اهو اللي يدز المسجات

وايد كبرتي الموضوع !! عفستي القسم كله و شوهتي صورة الريال و مرته جدامهم!!

اوكي مرته غلطت بس التمسيلها العذر و اهو ماله ذنب عشان تخلين الريال يكره دوامه

كلهم عرفو السالفه و اهو يمشي منزل راسه بين الناس !


الله يعينه والله

؛
؛​

 

[OM RITAJ]

حبيبتي الصراحة في موظفات بصراحه هم يتمادون على ابو انه فيه شغل ، انتي محشوووووووومه حبيبتي مااقصدج انتي بس ذكرتيني
بهالموقف وفرق السما عن الارض بينج وبين هذي، زوجي كان بالوطني يعني خلط وانتقل راح التمويل اوكي؟ شكوو مسجات توصله من موظفه بالوطني الساعه وحدة ولا ثنتين بالليل؟ ومكالمات بعد بالاوقات اللي يكوون مو موجود بالبيت!! بعد هم لا تلومون الزوجه اذا شبت نار من هالاشياء.. بس انا بصراحه ماكلمت الموظفه كلش، انا خرعت ريلي وقلتله اني كلمتها وقلتلها اذا بغيتي شي كلميني، ولي يومكم ماشفت رقمها بجهازه لأنه اخترع عباله كلمتها وخاف اني افشله، حتى لو شغل في اوقات محدده حقه صح ولا انا غلطانه يابنات؟ وانتي بالعكس موقفج واسلوبج جدا سليم وماعليه غبار ومحد يحاتي اصلا بس الظاهر زوجته فاصلة عليه !

 

[brettey]

لا تسكتين قولي له احسن خل يعرف عشان يوقفها عند حدها اهي داشه بقوه بس شوفي يا انها غيوره زياده عن اللزوم او انها طايحه على زوجها من اول عنده بلاوي واذا الاحتمال الثاني التمسي لها العذر بس هم مو مبرر انها تغلط عليج بس نصيحه قولي له انا بنت ناس وما اسمح لاحد انه يهيني بهالطريقه

 

[طال السكوت]

؛
؛


انتي طرحتي الموضوع عشان تعرفين رأينا

و انا اشوف ان ماكان له داعي اللي سويتيه

شوهتي صورة الريال و مرته عند المدير!!

و دخلتي ابوج بالموضوع !! انتي كبيره تقدرين تاخذين قراراتج وحقوقج بنفسج!!

و شدعوه اجتماع كامل تضبطين فيه سالفة المسجات !!

صارت حرب !! خو عادي قولي للبنات من

اليوم ورايح اللي تبي شي تخلي واحد من الموظفين اهو اللي يدز المسجات

وايد كبرتي الموضوع !! عفستي القسم كله و شوهتي صورة الريال و مرته جدامهم!!

اوكي مرته غلطت بس التمسيلها العذر و اهو ماله ذنب عشان تخلين الريال يكره دوامه

كلهم عرفو السالفه و اهو يمشي منزل راسه بين الناس !


الله يعينه والله

؛
؛​

صح لساااااااانج وبيض الله وجهج

وفعلا ان الحياء شعبة من شعب الايمان

ياليتج راده عليها بالتلفون وخالصين ولااا هالسوالف اللى مالها داعى ...لأ وابوج يقول سولفي بالسالفه واخذي حقج وما ادري شنو ؟؟؟ يعنى مع احترامى لابوج المفروض ما يطلع السالفه ولا يشعبهااا لان الناس لهم الضاهر ......والبنت مثل الثوب الابيض اى سالفه تطلع تضرهاااااااااااااا هي وما تضر الرجال ؟؟

 

[طيرشلوا]

اهو شعرفه بايميلج؟؟؟؟؟؟؟؟؟؟؟

:gr4uu:

: نفس السؤال :gr4uu:

وياأختى ليش كبرتى الموضوع مالة داعي الحين الى ما درا راح يدرى بدوامكم وكلهم الحين عرفو من تكونين
ومالة داعى تكبرون الموضوع لان الغلط مشترك ​

 

[۩۩ الجـــــود ۩۩]

كبرتى الموضوع وعطتيه اكبر من حجمه وانتى بامكانج تسكتين

شنو بتاخذين منها شنو حقج اللى تبينه يرد لج منها
ااكدلج انه لو زوجها درا بالسالفه ماراح يتكلم ولا يقول لها شى زوجته ولا يبي يخرب بيته بسبب زميلة عمل
انتى تموتين الا يعرف انها سبتج وتكلمت عليج
كلمتى المدير علشان السالفه توصل له شتبين منه بالله يتعذر لج ولا يطلق زوجته بسبتج
كبريها تكبر صغريها تصغر
لا حول ولا قوة الا بالله
لا تغرج سوالف البنات بالمنتدى اللى مايدينج واقفين معاج
اى وحده متزوجه بتسوي نفسها والعن وانا اول وحده
مو معناته انى مو متربيه
سكرى على الموضوع احسن

 

[ام عيون فتانة..]

السلام عليكم


بنات القرار اللي قلته المفروض اني اسويه اليوم بس ماسويته لأني فكرت عدل بالويك اند و قررت ما سوي هالشي

بس الريال دوام اليوم و أحسه جنه مقصوص ويها مني ؟؟

 

[ام عيون فتانة..]

اهو شعرفه بايميلج؟؟؟؟؟؟؟؟؟؟؟

كل موظف يديد بالدوام يعطونة ايميل و يوزر نيم .. ايميل الدوام الكل يعرفه من الموظفين

 

[« لـ / غيـرگ »]

ْْ


لوني منج مااسكت لزوجته اوك يمكن تكونين غلطانه انج راسله مسج بس هذا مايسمح لها انها تغلط علييييج ,, يآآنج تقولين للمدير يقول السالفه لزوج او انتي تقولين له .. ولا تسمحين لاحد يغلط علييج وانتي ساكته حتى لو انج غلطانه

واللي يبرر لزوجه موقفهآ ,, فيه اكثر من طريقه وطريقه انهاا تعرف علاقتها بزوجها مو تاخذ الناس بشراع وميداف

ْْ​

 

[كويتية_والنعم]

السلام عليكم

حبيبتي انتي غلطانه
عجبني رد وحده قالت عطي ريال بالقسم يدق عليه

حتي انا طبيعة عملي نفسج ما ادق اعطي اي ريال يدق
والزوجه مايندري ليش قالت جذيه وانها فتشت بتليفون ريلها اكيد شاكه فيه

من القهر قالتلج هل كلام

والغيره والشك تذبح
وعيال الحرام ماخلو حق عيال الحلال شي

ماقمنا نعرف البنت الي قصدها شريف من لعوبيه
وفيه بنات يدقدقون علي زملائهم بقصد التحرش
ماعندها سالفه تبي تفتح موضووع تطلب باسوورد او وين مفتح شغله

فالزوجه معذوره
والناس اراء

 

[++MesK++]

السلام عليكم


بنات القرار اللي قلته المفروض اني اسويه اليوم بس ماسويته لأني فكرت عدل بالويك اند و قررت ما سوي هالشي

بس الريال دوام اليوم و أحسه جنه مقصوص ويها مني ؟؟

؛
؛


زين انج ماسويتي اللي براسج

و خلاص حبيبتي سكري على الموضوع

و لما تشوفين الريال عادي ولا جنّه شي صار

؛
؛

 

[خاتم ذهب]

لا تلومينها من بنات هل الزمن ماالومهااااااااااااااااا

 

[Snow angel]

لا يضيق خلقك ياقلبي كيفها طنشي

ماسويتي غلط هذا وانتي مرسله مسج لو داقه ههههههههههههههههههههه

 

[منااي]

والله انا لو منها اسوي جذي والعن كلش مااتحمل هالسوالف

 

[amani]

شوفي حبيبتي المفروض كل الموظفين يحطون الباس وورد عند المدير علشان مثل هالمواقف البايخه ولا تطرين دقين إحنا بالدوام جذي كل الباس وورد ملوت الموظفين عند المدير في حال الموظف بإجازه المدير يعطينا الباس وورد وشي ثاني هذي مرته دفشه وبايخه يعني ما تعرف تقرا إنتي كاتبه باس وورد يمكن افهمتها شي ثاني لأن المسج واضح شي ثاني حرام اتشهرين بالموظف وتسوين سالفه ماله داعي جان بينج وبينه وخلاص وييبيها على ضحك بعد مو هواش وحبيبتي لاتكبرين السالفه خلاص انسيها هي ماراح تزيد أو تنقص من مقدارج وشي ثاني ترى في موظفات يدقون ويتصرفون بطريقه بايخه ويمكن المره منقرصه وبعدين تغار على زوجها ونفس الشي يمكن يحصل لج هالموقف مع زوجج حياتي سامحيها وانهي الموضوع ترا إنتي غلطتي لما كبرتي السالفه :ssssso:

 

[الكريستال]

اي شي مالت عليها
شدعوة خو داقة تغازلين انتي ؟
لا والمشكلة بعد انج مو داقة دازة مسج الحمدالله والشكر على هالعقليات
ما عليج منها انتي منو غلط اهيا اللي تفكيرها على قدها عوبة

 

[الكريستال]

مناي شدعوة ..
ترا انا مرات حتى باجازتي نايمة تلفوني يرن الصبح واحد معاي بالدوام وريلي يفز من نومه يكونون يبون شي ولا يسألوني عن شي
يعني لو فيها شي جان ريلي عصب بس كل واحد وتفكيره

 

[amani]

الإخت إلي تسأل من وين يعرف ايميلج حبيبتي طبيعه عمل الشركات أو البنوك الدوام يحطون الإيميلات للموظفين مو ايميلاتنا الخاصه لأ ملوت الدوام وعليه رقابه لأنه يستخدم بس للشغل مو لأغراض خصوصيه شي ثاني يعني لون أسمج منى ايميلج على اسمج يعني لو يدش الموظف لسايت الدوام ويكتب اسم الموظفه تلقائيا يطلع اسم ايميلج لأنه على اسمج يعني منى محمد يطلع اسامي كل وحده بالدوام اسمها منى ويمها اسم القسم إلي تشتغل في علشان جذي سهل إن يطلع ايميلها خصوصا إن نتعامل مع الشركات الخارجيه والوزارات ويدزون ايميلات لنا حتى إذا أبي إجازه ادز ايميل للمدير هو يوافق عليها عن طريق الإيميل ويدزها لشئون الموظفين وهمها يدزون لي الموافقه على الإيميل اوضحت السالفه

 

[نواير الجميلة]

عادي في ناس جذي عقلها على قدها
عاد أنتي شتسوين حده طاف وإذا رجع من الإجازة كلميه عادي وطناش لأنج ماراح تربين هالأشكال كل واحد وتربيته

 

[انصاريه قمره]

ام عيون وايد كبرتي الموضوع وتصرفج مو عقلاني