سالفتي اليوم الصبح بالدوام مع مرت زميلي :(

[عبق البنفسج]

حدي انصدمت هالريال الخلوووق المحترم مرته هيلقية جذي

توج تدرين !!بصراحه مامرت علي هيليقيه ومتخلفه نفسيا الا عندها واحد ذهبه 00صج حظوظ 00شوفى حبيبتى هاذى وحده معقده حاسه بالنقص فيها وخايفه ان زوجها يطير من ايدينها يعنى بمسمى ثانى الزوجه النسره 00اذا داوم زوجها حاولى تفهمينه انج ماراح تتصلين على موبايله عشان لاتصير له مشاكل بالبيت وان بعض الزوجات مايتقبلون موضوع انه فى زميلات عمل ويتصلون على رقمه الخاص

راح يفهم الموضوع ويشك انه فى شى صاير 00من دون ماتشتكين انتى 00والله يعينه على هيك عاهه مبتلى فيها:dddds:

انا رايي من رايها
حاولي تفهمينه انج ماراح تتصلين على موبايله عشان لا تسبيبيله مشاكل وهو أكيد بيفهم ان في شي صاير

 

[σм 3ℓαωɣ ™]

السلام عليكم


وع عليها وعلى أخلاقها
أنا حتى لو ريلي تدق بنت على تلفونه وأنا ما آعرفها وآشك إن بينهم شي مستحيل مستحيل آتصرف هالتصرف <<< بسم الله عليه زوجي ربي يحفظه
لأن أخلاقي وتربيتي تمنعني
وهذي المينونه ................ !!!

وانتي المفروض منج كنتي تكلمين المدير وتخبرينه باللي صار
عشان يوصل الكلام حق زميلج بالشغل لو كان ما يدري عن وقاحة زوجته
فهني ما تسببين مشكله مباشرة بينهم وكإنج مشتكيه عليها عند زوجها
وبنفس الوقت المدير يتفهم الوضع ولو صار وهالشرشنيه ياتج الدوام ولعلعت في أحد يرد عليها غيرج

مالت حتى مالت على الأخلاق اللي جذي

 

[ام فجور 2008]

حبيبتي انتي ما تدرين شنو نوعيته زوجته جان قبل ال ادزين مسج خليتي واحد من الشبا الي معاج يدزله مسج ترى غيرة الحريم تعمل عمايل
ونصيحتي لا تخربين بين المرة وزوجها ولا تلومينها عالكلام
يمكن هي حطت في بالها انج من البنات الي يستهبلون على اقل شي دزوا مسج

 

[دلوعه زوجهااا]

اكيد درى حبيبتي ولا شلون طرشلج الباس وورد , حبيبتي نصيحه مره ثانيه اذا بغيتي شي من زميل لج بالدوام خلي المدير يكلمه او اي زميل

ثاني عشان تتجنبين هالهيلق وكلامهم البايخ

:ggdw::ggdw:

 

[cherry kisses]

امبيه صج هيلييييييييييييقه و فيها نقص حمدالله والشكر
مادري بس احس لازم ماتسكتييييييييييين

 

[اتعبني غروري 7]

لووول امبيه مو منصجها .. جان قلتيلها ويه نسيت ابوسه بعد

ما اقول الا مالت عالهلاقه

خليها تولي لوول

 

[Killer^Girl]

واي هالنوعيه تفشل تفشل الله يعين ريلها عليها
والله يعينج اكيد حرتج قطيعه

 

[مـزآج ــــية]

صج اهيا جليله حيا


يعني ما تعرف طبيعه عمل زوجها حمد الله و الشكر

لا تحترين من وحده خبله

 

[*loveli-noni*]

بصراحه لاتعليق

 

[shai5at al3arab]

لووووووووول عبالها رسالتج مشفرة

الباسوورد يعني شي مشفر بالنسبة لكم لوووووووووووووووووووووول

الحمد لله والشكر .. استغفر الله ياربي ..

طوفي طوفي

 

[aso00ora]

موقف لاتحسدين علييه

 

[واثقه خطاي]

لوووووووووووو شنو المفروض ما اتدقين اسحيلي انتي الغلطانه ,,,,,,,,,,, المفروض تكلمين مسئولج واهو يدبره لج ,ماعليه هالمره صارت فيج بس كل طقه بتعلومه ,,,,,,,,,, ابدا لا تتصلين مره ثانيه ولا تدزين مسج ,اكيد انتي انسانه محترمه ,,,,,,,,,,,وماحد يقول غير هالكلام ,,,,,,بس اعذريها من اللي تسمعه . ولانها اكيد مو عارفتج

 

[Ice Princess]

امبيييييييييه وعليه عليج ما سوت عليج باسورد

صج دفشه مرته وما تستحي شنو هالاسلوب

مسكينه هذي تشك حتى من ظلها

ما عليج منها ولا تضيقين خلقج علشانها

طوفي عادي وكأن لم يكن

وبعدين ترى كان احسن لو مخليه احد من زملائكم او المسؤل يكلمه

وايد احسن وتفكين روحج من كل شي

بس ما عليه يمعوده ديري بالج

لا تيي لج الدواااااااااااام ×_×

 

[om 5alid]

حبيبتي انتي ماسويتي شي غلط لا تحاتين وتشيلين هم , واعتقد إن زميلج لو عرف بالسالفه جان اعتذر من تصرف زوجته الوقح

 

[رواسي الشوق]

ابييييييييييييييييييييييه حدها فشله يمكن الحبيب راعي سوابق من جذيه هي متعوده عالتشخط بالبنات لوووووووول
طنشي لاتحطين في بالج .. واذا رجع من الاجازه لا تفتحين الموضوع عشان لا ينحرج مسكين

 

[++MesK++]

؛
؛



البنات اللي يقولون ( اكيد الريال عرف ان مرته سوت فيج هالحركه )

لا طبعا مو اكيد

اول شي لو انه درى اكيد بيكون منحرج منج و راح يبين عليه لما تشوفينه

و ممكن ما يفتح معاج الموضوع من كثر الفشله

و ممكن انه يعتذرلج ,, يعني تختلف ردة الفعل على حسب الشخصيه


ثاني شي طبعا" مو اكيد انه عرف باللي صار لان في مليون شغله ممكن صارت

و انتي لازم تحطين كل الاحتمالات !

ابسطها .. ممكن يكون نايم (دام انه ماخذ اجازه ) واهي قرت المسج و دقت عليج

و قالت الكلام اللي بقلبها و بعدين شصار؟

مسحت الرقم

و لما قام زوجها قالتله : حبيبي وصلك مسج و انا رعصت الدقمه و فتحته بالغلط اسفه ياعمري

و الزوج بحسن نيه شاف المسج و دزلج الباسوورد

و ما حط بباله شي ولا فكر انه يشوف سجل المكالمات

عموما"

ياقلبي انتي ماغلطتي

بس الناس اجناس

و الغيره درجات ,, و الوحده من كثر ماتسمع هالبلاوي اللي بالدنيا صارت تخاف من ظلها

و اهي ماتعرفج عدل و اللي ما يعرفك ما يثمنك!!

يعني حطي لها الف عذر و عذر

و يمكن اهي طايحه على زوجها من قبل عشان جذي تسرعت بردة فعلها

طبعا ما احط بذمتي بس احب احط مليون احتمال عشان ما اظلم اللي جدامي

بس طبعا ماكان له داعي تتلفظ عليج بهالالفاظ !!

كان ممكن تتفاهم معاج بطريقه احسن من جذي

بس مثل ماقالت وحده من العضوات ان يمكن زوجته اعتقدت ان الباسوورد (اهو شي مشفر بينكم)

لا تلومينها

و انا اشوف انج ماتفتحين الموضوع مع الريال احسن

لان مو حلوه تقولين حق الريال ترى مرتك كيت و كيت وكيت

احس من عقبها ماراح يحط عينه بعينج

و طبعا راح تصير مشكله بين الريال و مرته,,

و تكبرين وتنسين ياقلبي

؛
؛​

 

[^^المهره^^]

لااااااازم تعلمينه باللي صار

 

[زهر الرمان]

يمااااااااااااااااااااااا هاذي شنو استغفر الله الله لا يبلاني
انا عن نفسي اذا بغيت شي من عميل وله زميل اخلي واحد من الموظفين يكلمه
وله مديروا يكلمهم اشخانته مديروا
اريحلج بس اهيا استغفر الله مادري شلون والصراحة المسج مافيه شي
بس اتلاقين اهيا متناجرة معاه او شي وحطت الحرة فيج الله ايعينج وايعينه

 

[الحلو مابيكملش]

والله ياقلبي منتي غلطانه
بس من حقها هي بعد تخاف
لان في بعض البناات ماينعطون وجه حتى لو كان مافي شغل ادور شغل
انا زوجي كاان نفس البنت شغله مختلط ويتطلب يدقون على رقمه وهو نفس الشي
في البدايه كانت توصله مسجات عن شغل واتصالات من الساعه 7الصببح من بنت
بعدها المسجات صارت صباح الخير وبعدها شفت لها مسج بالانجليزي كاتب فيه انها توها صاحيه من النوم وفرحانه لانها حلمت فيه
بس انا ماكلمتها ولا تهاوشت معه بس صرت اشك جا في بالي ان البنت مابتسوي كذا الا اذا هو بادلها نفس الشي وخليته يغير دوامه غصب ولا افتكيت منها صارت ترسل رسائل على بريده ونكت وسخافات

 

[أساور]

امبييه هليقية
قولي لزميلج عاللي صار علشان لايتكرر والا تسوي فيج شي لانها اكيد سجلت رقمج عندها
هالاشكال ينخاف منهم