روايه كويتيه بنات القبايل

[ام هباش]

كملى حبيبتى شوقتينا

 

[Miss.Beckham]

حرام عليج منطرتنا كل هالوقت
عشان هالبارت الصغير!!!
واللي ما فهمنا منه لا حق ولا باطل!!!

 

[داعجه العين]

انشاءالله البارت الجاي راح يكون طويل

واللي مافهمتوه اكتبي المقطع وراح اوضحه

 

[عـالـي سـمـاهـا]

يلا عفيه نبي بارت ثانيه
ابي اعرف شنو صار غي نوري
وشوق

ويعيطج الف عافيه
حبوبه علي هالقصه

 

[سابقه جيلها]

وين البارررررررررررررررررررررت

 

[دلـع ^ العجـمان]

ناااطره ............

 

[فزالخفوق]

يسلمووووو روعه ناطرييييين البارت

 

[pure feminine]

وينج داعجه ؟؟؟؟؟؟؟؟

 

[pure feminine]

شدعوووووووووووه داعجه سشكلج سحبتي علينا

 

[PoP^Diva]

ناطرين..

 

[داعجه العين]

رائحه البخار الساخن

والشعر المحروق

والأصباغ برائحتها المزعجه

امتلئ بها المكان


كانت جالسه نوره في الكرسي والمزينه تضع لها مستحضرات التجميل


وهي سارحه في عالم مثالي

عالم سوف يقدر الرجال الظروف التي تحيط بالفتاه

لماذا الذنب يقع علي الفتاه عند اغتصابها

وحتي الفتاه نفسها تشعر انها هي

السبب وبالعار الشديد


تمنت ان تكون ميته

لطالما ارادت الانتحار ولكن كان هاجس
الفحص الطبي للجثه مانعها لذلك

قررت ان تحمل سرها 3 سنوات واليوم سوف ينكشف اما م الملأ

ماذا تفعل

كل الطرق مسدوده

تفاجأت بأيادي شوق تمسكها لانها رأت الدموع بعيونها

توقعت شوق ان نوره تبكي لانه والدتها ليست معها

:نونو قلبي لاتبجين تبين ادق علي امي تجيج

نوره بكت اكثر بصمت جرح جديد يعتلي قلبها بقوه
:لا انا قايله لج دامها طول هالسنين ماجتنا هاليوم مابي اشوفها

الصالونه اللبنانيه : مدام هدي بالك مابيسوي المودوع

الميك الاب بيخرب

نوره:اي والله وانتي صاجه كم مره وانتي تعدلينه لي ومو راضي يضبط انا شكلي بمسح مكياجي واروح العرس سمبيل

شوق: هيه هيه وين قاعدين سمبل

لايكون علي بالج مواعده

يبه اصحي انتي عروس لازم مكياج يملي وجهج وجسمج يتلطخ كريم اجل دافعين كل هالفلوس ليه

ولاتنسين العيون كلها عليج تبين تفرحين العدوات فيج ها؟

نوره:مالي خلق لشي
راسي يبي ينفجر


شوق:مالت عليج انا لو بعرسي ادقر علي صالونه لاتخرب مكياجي وانتي ولاهمج

نوره:يمالج للوجع تبين العرس

وقبل تقولين بلا زواج بلا نيله

شوق انحرجت:تبين الصراحه كنت اراعي شعورج بس من اللحين اسوي مخططات علي معرس الغفله ان ماخليته خاتم بصبعي الصغير ماكون شووشوو

نوره:شوق خايفه من هالليله شسوي

شوق:شكو تخافين عادي مثل غزه الابره وبس
بس انتي تبجبجي شوي و سوي نفسج منحرجه

نوره خافت ان شوق حضيت مثل تجربتها :وانتي شدراج بهالامور

شوق: يبه شي عادي الكل يعرفه ولا تهتمين لحجي حريم تراهم مهولات


نوره مع اقتراب موعد اعدامها شعرت بالهلع

دقات قلبها اخذت بالتسارع

حركتها انشلت

كل شي في جسدها يرتجف


كانت تعاني من رهبه العروس ورهبه العذريه الضائعه

الايادي تلتف حواليها
اخواتها ....المزينات

واحده تضع لها طلاء اظافر

واخري كريم اساس للجسم
والثالثه المكياج



لهذا اليوم المنتظر

شعرت انها قنبله موقوته سوف تنفجر بدون تفكير ركضت الي غرفه التبديل واغلقت الباب

وقعت الي الارض وهي تتذكر ذهابها الي المستشفي لأجراء العمليه

نوره:دكتوره انا ام لخمس عيال وابي اسوي عمليه بكاره بفاجأ زوجي


دكتوره :اي حبيبتي ماعندنا مشكله بس ليش بكاره سوي عمليه تضيج احسن لج

مع ان عمرج صغير شلون عندج خمس عيال


نوره وجهاا بدأ بالاحمرار:اي تزوجت وانا صغيره بنت ال14

وصح كل اللي بالوضعي يسون عمليه تضيج بس انا ابي لعيد زواجنا اسويله مفاجأه

دكتوره لم تقتنع بهذا الكلام ولكنها سايرتها بطريقته لبقه
:اي حبيبتي شي حلو بس لأسف لازم توقيع الزوج والبنت لازم توقيع ولي الامر

نوره:بس شلون انا ابيها مفاجأه وانا اتحمل كل شي
دكتوره:لأسف كان ودي اخدمج بس ماقدر


يد الواقع سحبتها من ذكرياتها الي المواجهه
جميله:نوره حبيبتي بطلي الباب مايصير جذي

فتحت لها الباب وارتمت الي حضنها :انا خايفه حيل ياجميله

جميله : وهي تضع يديها علي شعر نوره لتهئدتها:ياحياتي هدي بالج
انشاءالله ماراح يصير شي

كل البنات خافوا وبجوا بهاليوم وبعدين راح تضحكين علي نفسج تقولين شلون كنت خايفه

يلا هدي بالج وقومي غسلي وجهج وتعالي نسوي خلقتج شوي

وينها نوري المغروره اللي ماتشوف الناس شي

اللحين تخافين وتبجين

نوره وهي تمسح دموعها قررت انها يجب ان تكون طبيعيه

وان تحارب لنهايه :اوكي يلا بروح اتسبح واجيكم ولاتنسين عطي لينا ميه من اليوم وهي تعيد علي ومابي نفسيتها تشين علي

جميله:اوكي قلبي ولايهمج

*

**

*



قاعه كبيره وفخمه حجزتها ام سلطان لو لدها الغالي

المدعوين تعدو عدد الكراسي

لمدي طيب ام سلطان في الناس

ناس اتوها من السعوديه والقطر وكل ارجاء الكويت
الخادمات البوفيه يوزعون الحلوي والفطائر
وانواع العصائر الراقيه والقهوه العربيه

واصوات الاغاني تملئ المكان

والفتيات يتمايلن

علي انغامها
النساء معضمهم يهنون ام سلطان والاخريات يعاتبونها لانها اخذت واحده والدتها هكذا:وانتي ياام سلطان مالقيت الا بنت فدوي تاخذينها الله يهداج

ام سلطان:ياختي حنا وش علينا من امها البنت زينه وعاجبتني قولي مبارك علينا العرس الله يجزاج الخير

جاره ام سلطان:لاتامنين لها شوفي امها سحرت زوجها وخلته يطلقها وتاخذ كل فلوسه

انا ابي مصلحتج


ام سلطان :استغفر الله من كل ذنب عظيم

شي ماشفتيه بعيونج لاتهرجين فيه

الظليمه شينه

*



**


*


احلي حفلات الزفاف الرجاليه حفلات اهل الباديه

خيمه كبيره جدا تتسع للمئات من الظيوف

فرق شعبيه تحي المكان

والرجال بجميع الاعمار ترقص فرحا

وتنظم الشعر بالمحاوره ليزيد علي طعم حفله الزفاف نكهه

بدأ المهنؤون بالتوافد :مبروك يالعديل
الفال لنا
كان ذلك فيصل وفرحته تملئ وجهه العائق الذي يمنعه من الزواج انتهي

اصبح درب معشوقته خاليا من العقبات

:لولا الحيا ومخافه لايقولون كان بست راسك ياسلطان





سلطان كأنه صنم صنع وهو مبتسم

واخيرا سوف يتزوج من سكنت قصتها الحزينه قلبه

اخيرا سوف يتزوج الغجريه
^


^^^




^^^^^^^



واقفه علي عتبه قدمها تصلبت اخواتها يهدون من روعها

وهي متصلبه

كأنها فتاه رسمت بأدق تفاصيلها
من العصور الوسطي

طرحه من شيفون بأطرافها الدانتيل الذهبي

تحتها تاج ملكي

الثوب من عند الصدر مزين بأسلاك الذهب
يليها شيفون بأطباق متعدده وطويل

به حاشيه طويله مزينه بأسلاك الذهب المعقده

وشعرها المموج الطويل به ارتفاع خفيف لتاج

لم تكن تقتنع بأسلوب المهرج في التزين
لذلك وضعت فقط
smocking

وحمره شفاه ورديه خفيفه

بدأت الموسيقي بالعزف

موسيقي للحفلات الملكيه

دخلت الي القاعه

بهدوء واتزان تام

مشت كأنها ملكه في يوم تتويجها

العيون كانت تلاحقها في كل خطوه

كل مازاد الخطوات التي تترقب خطأها مشت بغرور
اكثر

دائما كانت تخيب اعين الحاسدين

تعودت علي قناع الغرور

الذي يخفي خوفها وارتباكها


بعد عدد لايحصي من الصور لليله العمر

اعلن وصول سلطان

بدت الصاله تتغطي بخامه سوداء

الصنم لم يتغير شكله لازال محافظ علي

ابتسامته

اتي معه والده واخوانه وابناء عمه

وبعض من الرجال

الذين دائما يتطفلون لكي تراهن النساء وهم يرقصون

في وسط المعمعه ركضت شوق

الي الممر بعد ان كانت مختبئه خلف الباب

كانت تلاحقها اعين

اعين المحبوب الذي تحرص ان لايراها احد

مشي فيصل بخطوات سريعه وراء شوق

بجسد خال من العقل ملئ بالعفويه

:شوووووووووووووووووق


التفت عليه بثوبها الطويل الزمردي الذي يبرز جسمها الممتلئ نسبيا المغري وظهرها العاري

وشعرها الطويل الذي تفخر به لانه ورثته من امها

بعد ثواني من الصدمه لشوق ركضت بأتجاه الباب الخارجي

امسك يدها فيصل قبل خروجها وغطي جسدها العاري بشماغه

:تبين تطلعين برا بهاللبس شنو ماتستحين انتي

تعالي معاي يلا

شوق :......................
كانت فكره ان شوق سوف ينظر اليها اخرين كافيه لتتلف اخر بقايا من عقل فيصل

حب مجنون متسلط لأبعد حد

ولايكنه لايخلي من العذوبه

كانت شوق تحاول ان تفلت من قبضته المحكمه لم تستطع
:هد ايدي يابرج ايفيل عورتني

فيصل من شده غضب لم يركز لنيك النيم :لاحشمتي نفسج افج ايدج

شوق: حاشمه نفسي قبل لا اشوفك ولو اني مو حاشمه نفسي عشان رضيت كل من هدب ودب يشوفني ولا رحت اركض ادور عباتي

تركها تذهب قبل ان يأتي احد ويشاهدها

*



**


*


جلست نوره مرتعبه ومصوره تأمرهم

في وضعيات مختلفه لتصوير

نوره كانت مستعده لفعل اي شي لكي تطول المده

وتأجل موعد الحقيقه

سلطان بدأ بالملل

:يلا يام ام سوسن ماخليتي شي ماصورتيه

مالومج صراحه العروس

لازم توثقين كل حركاتها بس يلا من الصبح قايمين نبي

نرتاح


ام سوسن :يلا بكده خلصنا انشاءالله بعد يومين تيقوا

وتستلموا الصور ديربالك علي العروسه

شكلها خايفه اوي
خرجت ام سوسن وبقت جميله

كانت نوره ممسكها بعبائتها

:يلا نوره كل اغراضج حطيتهم بغرفه التبديل


تعالي معاي عشان اغيرلج

هدومج


سلطان:يعطيج العافيه ماقصرتي يا اختي

بس ماله داعي تغيرين لها ملابسها

انا موجود


جميله من الاحراج تركت حقيبتها وذهبت


لحقتها نوره بحركتها البطيئه من ثقل الثوب

مسكها سلطان :وين تبين تروحين


وتخليني انشاءالله جميله بكره تجيج

اللحين تعالي معاي

اجلسها علي كنبه

وبدأ بالتأمل بعينيها وشفتيها وشعرها

الاسود الغجري

مسك يدها :حبيبتي انا جوعان
شرايج ناكل

نوره عيونها علي الارض:...........


سلطان كان يحاول ان يخفف حده التوتر التي تشعر به

نوره

:انزين ماتبين تاكلين ماتبين تبدلين بعد ولاتبيني ابدلج انا
حاضر تري

نوره:..............

سلطان ابتسم :السكوت علامه الرضا
وقف واقترب منها وامسك طرحتها :نواره انتي مثبتتها بغرا ولاصمغ حديد ماتنشال

نوره ركضت الي الحمام

واغلقت الباب عليها

بحثت عن المفتاح لم تجده :ياربي وينه

شهالفندق السكه مفتاح حمام مافيه

سلطان كان جالس علي الاريكه:حبيبتي تدورين عن المفتاح مو موجود صح

نوره تهمس في قلبها:شايله ياابن اللذينه

انا اوريك

سلطان مستمتع بالوضع و(الكشره ماليه الوجه)

:نواره شنو تبين تنامين بالحمام

نوره:مالت عليك ولا وجهك يعني صايدني بهالحركه

سلطان:شنو ماسمعت تبيني اجيج

نوره:اااااااااه شفيه هذا متخلف
اول مره يشوف بنت شنو

صج مشفوح

سلطان يتصنع الادب ضرب الباب عليها بأحترام :نوارتي يلا تعالي ولا بجيج

تري المفتاح شايله وانتي لاهيه بالتصوير
قبل شوي يعني مالج امل

تنحاشين


نوره خرجت من الحمام ومشت بكل هدوء لم تشعر الا بيد بارده علي ظهرها تلامسها:

اي احب اللي يسمعون الكلام

الانواره ماقلتيلي شرايج بزوجج المزيون اخذ العقل صح

نوره في قلبها :يخرب بيت الثقه اللي فيك

جلسوا ونوالها العصير:تفضلي قلبي

بردي علي قلبج بعد شوي تبين تحترين

نوره من الخوف اوقعت العصير علي ثوبها

سلطان :هههههههههههههههههههههههههه

شوي شوي ياقلبي ديري بالج

نوره شعرت بشئ بارد يتسلل اليها ولكنها لم تتحرك لاتريد ان تلبس قميص النوم

سلطان:قلبي ماعندج غيار ولا تبين دشداشتي تغيرين فيها

بعد خمس دقائق الوضع علي ماهو عليه

محاولات سلطان كلها بائت بالفشل

ذهب الي الغرفه الاخري لتبديل
وهو يمشي مبتعدا:نواره انا بروح ابدل وانتي بدلي

ولا تبين اخليج تبدلين عندي وليت مبطل بعد

لاشعوريا ذهبت الي باب الغرفه لكي تخرج من الفندق

ولكنها وجدته مغلق والمفتاح ايضا لم يكن موجود

:ياخبثك ااااااااه يالقهر شسوي اللحين اممممممممم

خوش فكره
برزانه ذهبت الي w.c

اخذت شاور سريع ومسحت باقي مستحضرات التجميل


اخذت لوشن ارماتكس ووضعته علي جسدها

وفوقه عطره ثم قامت بتهدينه علي جسدها كاملا

تركت شعرها كما هو عليه

ووضعت اهم شي الكحل العربي

وقليلا من حمره الشفاه بلون الطبيعي

لبست قميص نوم راقي

بلون الأفوايت

الطويل المفتوح من عند الصدر

به شرائط مربوطه ورديه من عند الخصر

خرجت من عند الحمام

كان بأنتظارها

عندما نظر الي شكلها عرف انها تستحق الانتظار

سلطان :....................

مشت من عنده خجوله وجلست ع الاريكه


سلطان اقترب منها ووضع يده علي فخذها

واليد الاخري علي رقبتها واخذ بتقبيلها


كل ما كانت تحاول ان تهرب مسكها

الي ان اخذها الي سرير


جسدها بدأ بالرجفه الشديده

سوف يعلم الأن سرها

الفكره

كادت يغمي عليها

انقطع التنفس عندها

صرخت بأعلي صوتها:ماني قادره اتنفس وخر عني

اااااااااه ااااااااااااااه

تركها خائف عليها لهذه الدرجه تخشي وجود الرجال

حمد ربه علي هذه البنت العفيفه

:خلاص ياقلبي

هدي بالج

*







***





*

في القصر الكبير عادت نوير وهي منهمكه من الزفاف

صعدت الي جناحها بتعب

بفستانها القصير الوردي

وتسريحتها الراقيه

وعقدتها الالماسي بلون الوردي
وكرستالي


كل ما كانت تقترب اشتد صوت


كان صوت ضحك وارتياح تام

المؤكد انه يخاطب احدي عشيقاته


لذلك قررت تجاهله



دخلت الجناح الي غرفتها

مباشره بدون الالتفاف بالذي كان يتحدث

بالهاتف


جلست الي سرير واخذت الهاتف

:هاي لينا انا مدام نوير

قوميني ساعه 9 صبح عندي اجتماع مهم

اوكي شكرا


رأته واقفا بطرف عينيها كانت تعلم انه لم ينهي هذه الليله علي خير :مدام نوير ياشين السرج علي البقر

بس

مشت من عنده ذاهبه الي غرفه التبديل تفاجأت انه وقف امامها :ماتشوفين قاعد اتكلم

ولا لهتج الاجتماعات والبزنز

رفعت عينها الي عينه وقالت بنبره هادئه :

احترم نفسك دامني محترمتك
ولاتشوف شي عمرك ماشفته


رفع يده عليها لكي يصفحها مسكتها له :

هالمره ترفع ايدك علي بسامحك

ترفعها مره ثانيه بسوي تهديدي

عبدالوهاب:شنو تقدرين تسوينه انتي

لايكون بتقولين لعيال عمج تذبحيني

لايبا احنا عايله معروفه لو ييني واحد منهم
اوديه ورا الشمس

بثقه وابتسامه كبيره:لاياقلبي لاعيال عمي ولاهم يحزنون

الوالده الله يحفظها لنا

امك يادادا هي اللي راح تسوي وبأوامري انا


اول شي كريدت كارد تنسحب منك

وسياراتك راح تودعها

واممممممم بعد نومه بالبيت ماكو فاهم علي ولا اعيد ؟


عبدالوهاب انصدم منها لم يكن رده فعلها هكذا امرأه قويه واثقه من نفسها

اتصل علي والدته وايدت كلام نوير

:انتي اكيد ساحرتها


نوير رفعت حاجبها :اي وساحره خواتك وابوك والعايله الكريمه كلها لايكون عندك شي تقوله

عبدالوهاب :يابنت الكلــ؟ وتعترفين بعد

نويره:لا لا اللحين يازوجي العزيز وحده من كريدت كارد انسحبت منك

امسكت الهاتف واتصلت علي والدته

بعدها اعطته له :ماشي يصير خير يانوير

اغلق الباب وراأه وخرج من البيت

اطلقت ضحكه طويله: لا وبعد ماشفت شي مني
ان ماخليتك تتوب علي ايدي ماكون بنت ابوي ​

 

[داعجه العين]

لاحشا لا سحبت ولاهم يحزنون

وانشاءالله اكون عوضت التأخير بالبارت

بأنتظار تعليقاتكم وتوقعاتكم اللي تفرحني

وسموحه هالاحد ماراح يكون فيه بارت لانه يواجه العشر الأواخر

كل عام وانتم بخير مقدما

 

[Girlicious]

يسلمووووو خووووش بارت
الله يستر على نورة و شنو بصير فيها ؟

 

[حلم المشاعر]

يسلمو حياتي هههههههه صرت احاتي نوره حدي اندمجت بالقصه روعه تسلمين

 

[فزالخفوق]

روووووووعه تسلمين وناااااااااااطرين البارت

 

[pure feminine]

ياليييييييل شكلنا بننطر لي بعد العيد اهئ اهئ

نووره داهيه الله يستر على بنات المسلمين بس شبيصير ياترى ؟؟؟؟؟؟؟ اتوقع هو ياغافلين لكم الله مهو داري لعبة عليه بنت فدوى بافكارها لوووووول

خووش قصه منتظرين

 

[Asrarie]

الله يهداج واايد تاخرتي انا اقرى ونسيت الاسامي واللي صار بس هم مشكووره حبووبه

 

[احترت اعبر]

متابعه لاتتاخرين علينا

 

[q8ya-barby19]

تسلم ايدينج حبوبه على القصه

بصراحه وااااااايد نايس

وعجبتني شخصية نوره حيييييييييل

يعطيج الف عافيه ناطرينج

 

[pure feminine]

اين انتي يا داعجه ؟؟