روايه كويتيه بنات القبايل

[كاتي البرينسيسه]

كمليييييييييييييييييييييييييييييييي حبيبتي

 

[مـ سهله ـو]

هااااااي الرواية حلوه ممكن تكملين ؟

 

[Asrarie]

ناطرينج حبوبه لا اتاخرين علينا واجد اقصد وايد لووووووووووووووووووووول متاثره بالقصه بس بسالج هي واقعيه والا تاليف؟؟

 

[داعجه العين]

مسكت علبه المنديل ورمتها علي العجوز:يالنوريه يالحراميه طلعي من هالبيت ماتشرفينه ولا حنا كلنا بنطلع

دموعها تقبلت الضربه والاهانه:مائول الا حسبي الله ونعم الوكيل فيكي واللهي ماخذت شي من بيتك ولابيتك غيرك

ردت عليها المرأه التي ضربتها وكانت بالاربعين من عمرها سمراء البشره ممتلئه الجسم :انقلعي برا اقولج بكرامتج احسن لج يلا براااااااا منو عزمها الحيوانه هذي الحراميه

امسكت فاديه والدتها وقبل ان تخرج من الباب التفت علي العجوز:
يالله ياربي انتا شايف وعالم اني ماسرئت شي يالله يالهي ياواسع الاجلال والقدره انك تاخذلي حقي منها

اسرعت المرأه اليها وضربتها بالباب : كملي دعاج برا مابقي الا هالاشكال تجي بيتني بس الشرهه علي ام حمد اللي عازمتج

مسكت العجوز يدها :ازا انا اللي سارئه الاغراض يالله يارب تشل ايدي وازا انتي ظالمتني يالله يارب تشل ايدك

ذهبت فاديه ووالدتها الي الحوش ونادت فتياتها :شوق تعالي يلا مالنا عتبه علي هالبيت مره ثانيه

شوق بفستانها الازرق الذي اشتراه فيصل من مصروفه
:يمه بلعب مع فيصل شوي مشتاقــــــــــــه له وتضمه

فيصل كان بعالم اخر شعر انه ملك هذا العالم وتمني ان يعطي شوق كل شي حتي دمه لو طلبت منه

يلا لاقوم اسحبج

شوق شوق شوق

هاه شتبين

نوره:الحمدالله والشكر شفيج وين سرحتي

شوق اخرجت الجوال من حقيبتها البنيه من لويس فيتون واخذت تحركه بلا شعور

نوره :شوق منتي طبيعيه تحاتين نتيجه الفحص صح ؟

شوق بعبائتها الراس والغفازات السوداء والغطوه والوجه الخالي من اي مستحضرات التجميل لكي لايتم التعرف عليهم في العياده الخاصه

:اي والله احاتي شسوي لو كنت حامل

نوره:انا ادري انتي منتي حامل بس لازم نتأكد والله يكتب مافيه الخير

شوق بنظره حائره وهي منغرسه بذكريات الماضي :تهقين ابوي بينفذ كلامه

نوره التفت علي شوق :اللي هو

شوق بنبره حزينه :انه بعد ماتملجين بيزوجني فيصل

نوره:عزالله لاتزوج ولاطاب فاله

شوق قرصت نوره:حرام عليج شفيني

نوره مسكت مكان الألم:ااح عورتيني شنو اللي مافيج عوبه ولسانج طويل وشرانيه وفوق هذا رفله ماتعرفين حتي تسلقين بيضه

شوق تألمت من كلام نوره ردت الذكريات لها عندما الكل لامها علي طلاق امها لانها قالت لأمها الكلام الذي سمعته من ابيها عندما كان يخاطب اخته عن فاديه ومدي ندمه انه اقبل علي الزواج من اجنبيه

نوره حست بشوق كان بينهم احساس غير طبيعي يشعرون في بعض من غير الكلام فقط من نظرات او الحركات الجسميه

:انا اسفه ماقصدي شي والله

شوق بخفه دمها :عشتوا من متي نوره تأسف بس تصدقين مالومج مو الملكه شوق لازم تأسفين

نوره عرفت ان الوضع رد طبيعي :والكوبه وماقلتي اللحين بكره بتتزوجين فيصل برج التحرير

وامه توكلج تبن صح

شوق:لا من بعد مانشلت ماضنتي

نوره:صدقيني تموت الحيه وسمها فيها بعد كل اللي صار وحوبه جدتي الله يرحمها ماتابت وقولي نوري ماقلت لي

تعالي خلنا نشوف النتيجه لاتقول اسمج قدام الحريم قاعده تأشر لنا

بقلق وحيره امسكت ورقه التحليل:النتيجه سالبه

شوق ماكانت فاهمه شنو يعني من رجفه صرخت:اتتها الممرضه من الجنسيه الهنديه :ماكو خوف انتي سغيراه بكره جيب بيبي

نوره:ياحماره نتيجه سالبه مو حامل يعني يلا فشلتيني ذكرتيني بصرخه سعاد حسني لما يذبحها احمد شوقي

&



&&



&&&


لبست زيها الاسلامي المحافظ وجمعت كتبها وتوجهت الي باب البيت للخروج

كانت تنتظرها والده زوجها بنبرتها المعتاده :علي وين

جاوبتها بهدوئها :علي المعهد انا امس مو قلت لج .....طبعا اخذت جرعتها من الاهانات والتقليل من الذات لكن غدير كانت مصره انها لن تبالي بعد الأن انقتل احساسها بالحزن بعد خبر زوجها بنيته بالزواج بأخري تكون اصيله ووالدتها من نفس اصل القبيله ...مردده.....

كأننا احصنه نسب واصل وتاريخ العائله الا يكفي تخلف ؟

ليست هذه صيحه من صيحات التحرر انها مسأله انسانيه

لو ان الفاجره والدتها ذات دين سوف تكون بنظر الاخرين متدنيه ومحترمه والعكس كذلك

تفكير مسبق قبل التعرف علي شخص

بعد ساعه من الوقت لزحمه الشارع الشديده دخلت الي المحاضره متحمسه جدا تشعر انها الدراسه الشيئ الوحيد الذي لايسأل ولايهتم انتي ابنت من


كانت قاعه مختلطه رجال ونساء لكنها مؤمنه ان المحترمه حتي لوكانت في غرفه مليئه بالرجال لم يأتيها ضرر


اقتربت منها فتاه في الثامنه عشر من قربها متدينه قصيره القامه نحيله الجسد :السلام عليكم

جاوبتها بصوت خافت:وعليكم السلام

كانت الفتاه عكسها نابضه بالحياه مشرقه نبره حديثها مليئه بالحيويه :انا اسمي سهي عمري 18 سنه وانتي

ابتسمت لها :غدير واكبر منج بواجد

ضحكت الفتاه:يعني ترفضين صداقتي

غدير انحرجت:لا حبيبتي اتشرف بس اخاف تقولين هذي عجوز ام عيال شبي فيها بعدين

سهي برده فعل سريعه :موباين عليج وانا بعدي ماشفتج صوتج حيل صغير وجسمج يارب لما اتزوج ابقي علي رشاقتي مثلج

غدير وهي تحدث نفسها من الهم ياسهي :انشاءالله

تحدثوا كثيرا عن شتي المواضيع ونست امر زوجها ومشاكله شعرت انها فتاه صغيره تبني مستقبلها وذلك من تأثير سهي فقد كانت سهي محترمه ومرحه وطموحه

لم تكن من الفتيات المتزمات اللذين ينضرون انهم اعلي منزله لدينهم اياتري اخذوا الدين ستار لهم او لا
ام ان الدين امرنا بأن ننظر لغير الملتزمات بالنقص والغير الاحترام



*


**



*


لشرف ثمن وللمس ثمن وللخوف ثمن لكن سؤال بكم




بعد خروجهم من العياده خلعوا عبائتهم الملتزمه ووضعوا مستحضرات التجميل والعطر المثير


وذهبوا الي ستاربكس جلسوا بأنوثه وهم يتأملون الضحايا الجديده يتصورون انهم ذئاب وهم نعاج ولايعلمون


نوره بعد ان فتحت جهاز البحث بالجوال :شوق انا بكلم عامر وبقول انتي حامل

شوق اشمزت من اسمه:ويييع شتبين فيه يلصق لي اللحين موكافي اللي صارلي منه والمحاتاه

نوره:عشان جذي بقوله وهو من هالطاري يبي فكه بأي ثمن وانا محتاجه لهالثمن

شوق بنظرات الحيره نست العيون التي تتأملها كأنها طبق حلوي :
شلون مافهمت

نوره بدهاء:بقوله انتي حامل ولازم نسوي عمليه وتنزلين اللي بطنج وبعدين نسوي لج ترقيع

شوق بخوف:لاواللي يعافيج اخاف يكشفنا ونروح بداهيه هذا مومثل غيره خبيث

نوره:وانا اخبث منه وانا محتاجه لمبلغ كبير

شوق وهي تشرب كوفي لاتيه الساخن :لشنو تبين تهاجرين عشان تنحاشين من زواجج يعني

نوره :لو يصير جان زين بس انا محتاجه له بشتري اغراض
بس ابي مساعدتج

شوق وتبتسم بدلال:كلي لج انا عندي بالبنك 10 الالاف اخذيهم

تحويشت العمر من ظهور هالخرفان

نوره :امممممممممم حبيبتي والله خلاص اخذهم وباخذ من عامر المبلغ اللي ابيه جايد شوفي انا بكلمه وانتي كملي عليه اوكي

ذهبوا الي سياره لكي تتم الخطه بنجاح :بصوت حزين مطنع ونبره الخوف بدون سلام :عامر شسويت بالبنت سهوي حامل وعرسها بعد شهر شنسوي اللحين وتبي تقول لابوي كل سالفه تقول ابيه يموتني
وانا هديتها وقلت لها في حل لاتتهورين بس هي مصره انها تقول لابوي عنك وعن اللي سويته ومايهمها شيسوي فيها ...................................
كلمتها كلمتها ياعامر مافي نتيجه الا بشي واحد

..........

ان نسوي لها عمليه اجهاض بعدها ترقيع بس هذي تكلف واجد

لان بدون اذن ولي الامر ولازم ندفع لكل اللي بالعياده بالالاف عشان مايعلمون .............................................
...............

خلاص اوكي اي اي اظن انه عندها الفيزا كارت
...........

اممممممم اظن يكفون والله يستر

سكرت الجوال واطلقت ضحكه شريره : ههههههههههههههههههههههههههههههههههههههههه الحمار صدق

شرايج بأختج ضبطت الدور

شوق بأنبهار :يخرب بيتج انا صدقت جم راح يعطيج

نوره وهي منصدمه من المبلغ الكبير : 40 ألف

شوق بذهول تام :شنو 40 الف من صجج

نوره:اي والله يقولي ارهي علي موظفين عشان مايعلمون


شوق:اوووف لو نسويها علي كل واحد بنصير مليارديه
نوره ضربت شوق :ياحماره هالمره سلمت ومره جايه يمكن تصير صج وتحملين

شوق خافت :خلاص خلاص توبه اقصاي شوفه من بعيد

ماتسوي علي


*



**







كانت امانيها كبيره بعد الطلاق لكنها انصدمت من وقعه السن عليها وانها لم تعد مرغوبه



بشقه صغيره متدنيه كأنها من بقاع العالم الثالث الفقير

الاثاث قديم والطلاء متقشر

الارضيه لم تفرش ولم تغير بلاط اسود من القذاره والقدم وعليه بقايا لاصق فرش جلست امام التلفاز الصغير ممسكه بكوب شاي مرتديه بجامه قديمه من اسواق شعبيه

ضرب جرس الباب:نعم منو علي الباب

رجل مرتدي جلباب اسمر البشره :الحارس حضرتك

اختي انتي 3 شهور مادفعتيش مايصحش كده

صاحب العماره امر بالأخلاء وانا ترقيتوه يعطيكي فرصه تلمي اغراضك لنهايه الاسبوع ان مادفعتيش

قالت مترجيه :لنهايه الاسبوع انا وين اروح وماعندي فلوس انفصلت من شغلي واللي يعافيك اصبر علي لين مادبر اموري يرضيك ياحمزه اقعد بالشارع

حمزه كان بواب عماره مصري ولكنه يتمتع بطيبه وكان دائم متساهل معها ويتحمل مشاجره صاحب العماره له
:دنتي عارفه البير وغطاه واللهي ياام جميله اني حاولت معاه بس مافيش فايده بيئولي ياما تخلي الشئه ولا تدفع اجار المستحق عليها

فاديه :ادري والله ياحمزه انك ماتقصر خلاص انا بشوف لي دبره وان مالقيت فلوس بطلع منها ولا اسبب لك مشاكل


وضعت رأسها علي الباب وتوسدت اليه :شهالمصيبه ياربي مو كافي تطلقت وانفصلت عن الشغل واللحين ببات بالشارع

وين اروح ياربي


اخوي مستحيل راح يستقبلني ومرته القشره وهو لاغاريه ولاشي

وبناتي عقب ماتخليت عنهم ماراح يقبلوني اكيد

شهالوهقه بس خلني احاول فيهم ماعندي غيرهم انا امهم مهما لوكان
​

 

[داعجه العين]

مبارك عليكم الشهر وتقبل الله طاعتك بأنتظار توقعاتكم وردودكم وشكرا لكل من علق ع الروايه

وعن واقعيتها فأترك لكم المجال لتوقعاتكم

 

[D!aM0nD]

داعجة العين ... تلمين على الرواايه الرووعه
وممممم مادري ماعندي توقعات كل شي قاعد يصير عكس توقعااتي لووول

بلييز كملييها باسررع وقت ناطريييينج

 

[Asrarie]

بليييييييييييييييييييييييز حبوبه كملي لا تتاخرين بعدين ننسى الاسماء والاحداث

 

["" @ _ فراوله _ @ ""]

يسلمووووووووووووو

 

[Miss.Beckham]

ترا انا ما احب الطواله لأني بسرعه انسى
واللي يعافيج حطي البارت بسرعه
الفصه وااااااااااايد حلوه بس شوق توقعنها
اذكى من جذي يعني عامر وداها اليخت ليش
حق سواد عيونها اكيد عشان اللي بالي بالج!!
واللي توقعته صار ......

عندي سؤال :_
هالقصه واقعيه ولا...
منتظره الرد

 

[Asrarie]

لا اتاخرين حبووبه عشان ماننسى الاحداث بلييز

 

[داعجه العين]

السلام عليكم يسلمو لكل الردود والبارت انشاءالله كل يوم احد وسموحه لاماقدرت اقدمه


وبالنسبه لشوق كانت تعتقد رحله بحريه ولكل جواد كبوه

والروايه عن واقعتيها قلت لكم احدد لكم حريه الاختيار

 

[Asrarie]

الاحد واايد حاولي قبل حبوبه

 

[Miss.Beckham]

الاحد وايد بعيد
يا ختي جدميها شوي
يلا عاد لعيون فيصل

 

[داعجه العين]

في زمن كان الطعام والماء ايضا نادر وشحيح جدا
كانت هناك نساء حكيمه وخبيثه في نفس الوقت
لكن كانت خباثه للحفاظ علي الاسرة والعلاقه الزوجيه
تحكي لنا العجائز عن قصصهم تبدي احداث هذه القصه في السعوديه ....الصحراء القاحله كانت تأتيهم المؤونه من الكويت وتحتاج الي سفر طويل ومال وفير لايملكه الكثير

الزوجه كانت تعد الطعام في اناء حديد بالي من كثره الاستعمال

بعد انتهاء من طهيه وضعت كل الطعام وجلبته الي اولادها وزوجها

كان زوجها يخاف الله ويحسن معامله زوجه:بقيتي لج ولا مثل كل مره ممتنعه..........كانت مشاركه الزوجه الطعام ممنوع قديما ويقل من قدر الرجل

جاوبته الزوجته:والله يافلان ماذقت الزاد ماشتهي العيشه اكل انت وعيالك عساه هني

كان الزوج مستغربا كانت هذه الحاله مستمره طوال اعوام

خشي انها سوف تموت من سببه ومن ندره ماتأكل هل ياتري الحليب يغنيها عن الاكل لذلك قرر سؤال واحده من كبيرات السن

مقوله قديمه .تصف حال العجائز.....نخاشات صدع مروان
اتاها وكان مشغول البال علي زوجته المسكينه

:ياخاله انا مرتي صارلها سنين عيني ماشافتها تاكل الزاد واخاف تموت علي

سئلته :انت تشوفها يومنها تغرف حافه الجدر

الزوج:لاوالله بس العيش مكبوب كب مانحاس

اؤمئت برسئها:ولاله طعم كانه فايحته بمويه بدون بهار

الزوج تفاجأ:عزالله صدقتي ياخاله لاله طعم ولاشكل لكنه يغني عن الجوع

العجوز:اجل اسمع وش اقول وسوه

في اليوم التالي وعندما كانت تريد ان تضع الغداء فاجأها زوجها بأخذ الأناء سريعا وامسكه من يدها كانت هناك بحافه الاناء خبزه سميكه(قرص)مليئا بالبهار والدهن

كانت الخبزه تمتص كل نكهه الطعام وهي كانت تفعل هكذا لكي يعتبرها المضحيه واللي تفدي نفسها لأجل اولادها وزوجها والزوجه الرقيقه الناعمه التي لاتاكل وتكتفي بالحليب ......دهاء
ضحك الزوج ونادي بأطفاله لكي يتناولوا الخبز اللذيذ:ماتشتهين العيشه هاه

ابتسمت بأحراج ولكن بثقه اجابته:مامن ردي يابو فلان

*
*
*
في زمننا هذا


اغلقت باب غرفه النوم بعصبيه .......كرندايزر

قالت بعصبيه وبصوت خالي من الانوثه :وينك طول هالوقت طالع بفهم شتسوي برا وتأتي وتنظر بكثف الي ملابسه .....لكي تري اثار مستحضرات تجميل او تشم رائحه عطر نسائيه ....مباحث


شتسوين هي انتي مجنونه كان ذلك عمر ممسك يديها النحيله

كانت دلال تحاول ان تفلت من قبضته لدرجه انها تريد ان تضربه وسوف تضربه ان لم يتركها :اي ماتبيني ادري عن خياناتك

عمر يحاول اي يكبح غضبها:يادلال هدي خلاص انا قلت لج توبه وحلفت براسج صدقيني عاد

دلال اتتها حاله من الشك بعد ان اكتشفت وجود هاتف نقال اخر في صندوقه ووجدت اسماء فتيات كثيره اتصلت علي احداهن وانتظرت الي ان تتكلم فتاه بصوت رقيق تتخيل ان صاحبته جالسه بمعهد صحي في جلسه استرخاء ومساج :الوووو هلا ئموري

ردت عليها بعصبيه وبوحشيه تكاد ان تقتلها بحده نبرتها: ئموري يا ؟؟؟؟ يا؟؟؟؟؟ بنت ؟؟؟؟؟

بدلع:نعم اختي شفيج معسبه علي ...موضه الصاد سين بفتيات الدلع

يالثرمه اللي ماتعرفين تحجين تخسين انا اختج انا زوجه عمر اللي تقاح....... وياه

:شهالالفاذ هذي وين قاعدين حبيبتي اهوا اللي جاني انا ماجيته وثاني شي صراحه مالومه حيل انتي سوفاج دفشه وييييييي

طبعا هذه الفتاه اخشن منها لم ينوجد الي الان ولكن انها تري الذي تناظره رجل وليس اخاها او زميلها بالسكن كحال الكثير من المتزوجات بعد فتره من زواج الاهتمام لا يأتي الا مره واحد بالشهر او بالاسبوع ليلتها الجميله جدا عباره عن ماذا

1_شموع متناثره .....لادخلتيه جو وبدعتي

2_زهور مجففه

3_قميص نوم

4_عطر قالوا عنه او قرت انها مثير

5_مكياج كامل

6_اذا كانت بعد سنوات طويله (لبان_عطر_سائل_لعبه زوجيه .......لكي تثير الرجل )

بعد هذه الليله ترد حليمه لعادتها القديمه ......

1_ملابس رثه تكثر التعليقات من الزوج عليها

2_وجه خالي من اي مستحضرات التجميل تظن نفسها
لاتحتاج اليها....ثقه الزايده مشكله

3_ترديد الجمل المعتاده بعد ممارسه الجنس (ودني بيت اهلي ...سو هذا...صلح هذا....عطني فلوس ....وطلبات كثيره لاتحتاجها ولاتطري في بالها الا بعد الانتهاء او في اليوم التالي )

4_تنسي انه زوجها(ماتنصب عنده ولاتذيرب ولاتنيعم)

5_تكون محادثات بينهم(امي خواتي فلانه سوت جذي ...مادري شايفته لابس ملفع ومجابلج هالسوالف خليها لرفيجاتج اختج اما الزوج ماتعنيله هالامور ...والشيئ الرئيسي عندما تري زوجها تشاهد علي جبهته كلمه كومار...ودني سوق اهلي طبيب جمعيه
وايضا تشاهد علامه البنك المركزي وانها تريد ان تاخذ منه قرض..عرس بنت خالتي قرب ابي فلوس بفصل بروح صالون وموشحات كثيره

زوجات خاليات من الانوثه يتعذرن بالأطفال او مشاغل الحياه اليوميه او مرور السنين ويأتي التسأؤل العظيم:
ليه زوجي يخوني




بعد المشاجرات الطويله اتصلت دلال الي نوره خطوه متردده لكن لاتريد ان تخبر اي شخص من عائلتها لكي لا ينتشر الخبر

بصوت خافت....لو انه زوجج ماكشختي عنده:السلام عليكم

نوره بصوتها المبحوح الانثوي الذي اكتسبته من محادثه الشباب :وعليكم هلا دادا

دلال:دادا الله يهداج شايفتي ورعه عندج

كشت ايدها علي سماعه هذي شعرفها بالحركات كأنها ابوي :هذا دلعج ياقلبي الجديد ان مادلعتج ادلع منو ياقلبــــــي


دلال:نوره بقولج شي بس حلفتج بالله مايطلع لأحد والله ضايق خلقي ولا عندي احد اشكيله الا انتي

نوره.....يعني انا ا للي ناقصه هم قالولها فوزيه دريع شنو :اي تفضلي ياقلبي سرج بير

دلال اجهشت بالبكاء:زوجي يخوني مع بنات

نوره تعاطفت معها ولكنها لم تستغرب :
ياحياتي انتي شلون دريتي ....بلاغه شف

بعد دقائق طويله ابتدت بالحماس وانتهت بملل شدييييييييييييييد

نوره:اي وبعدين.....ياسخافتج اوووف شنو هذا

دلال لاتزال تبكي الي درجه لم تتعاطف معها بعد نوره:وانا اللحين رديت له بعد ماوعدني بس انتي تشوفيني موناقصني شي ومهتمه بنفسي ليش يخوني انا ماخنته ولا فكرت اخونه ........هذا كلامكم


نوره بجديه صحيح انها تستهزء كثيرا لكن قررت ان تساعدها :دلال تبين صافي ولا الحثل

دلال:الصافي اكيد

نوره:بدون زعل

دلال : اكيد

نوره:حبيبتي انا سمعت شلون تكلمين زوجج كانه اخوج الله يهداج كلش مو زوجه وثاني شي مواضيعكم كلها وينك تغديت شتسوي بس

مافيها رومانسيه كلش

ثاني شي حبيبتي انتي كله تقولين انا قلت لزوجي جذي وقالي زوجي جذي وسوالفج كلها سوالف حريم هو ماعنده هوايات ؟

دلال:شدراني عنه الزفت بس يحب القنص

نوره :وانتي طبعا خبر خير موعارفيه شي عنه ولا انا بعد ابشرج بس اتبعي طريقه

Fake it till you make it

يعني ياحبيتي تصنعي شي لين ماتوصلينه
سوي نفسج خبيره بالقنص عشان تسولفين معاه باهتمامته
لاتحسين نفسج انج زوجته لا حسسيه انج رفيجته تدلعي علي بكل وقت مو بغرفه النوم بس

اضحكي معاه لاتكون حياتكم جديه بس اهم شي بنعومه وبانوثه

دلال:بس انا ماعمري كلمت بحياتي شدراني شلون رفيجه تكلم رفيجها

اووف يالتلحه هذي ماتفهم:حياتي تصنعي فهمي ياقلبي

يعني عامليه كانج عروس لما اللحين ماخذتي عليه

وسولفي عن اهتمامته خليه يتشوق يسولف معاج

دلال مسحت دموعها لقت امل:انشاءالله حبيبتي بسويها وبردلج خبر

نوره:ولو ياقلبي ماسويت شي وعلميني شنو يصير معاج....جني مهتمه اللحين كلش

*


**


*

تشعر بمتعه الانتقام تنساب الي شفتيها بسلاسه لذيذه

وجدت من حطمت حياتها علي عتبه الباب الذي خرجت منه بأرادتها

واخيرا شفت فيج يوم هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

ضحكت بكل حيلتها شعرت انها تطير بالسماء شعرت انها فارس خرج من المعركه بأنتصار

كانت تتعمد ان تبقي والدتها علي عتبه الباب طويلا

بعد المكالمه من غدير الذي ذكرتها بأن الجنه تحت اقدام الأمهات ان والدتها سوف تأتيهم لأن ليس لديها مكان الأ الشارع


غريبه لم تشعر انها والدتها لم تشعر بأي مشاعر لو ظئيله بالشفقه

انسانيتها عند فاديه انعدمت كانت مستغربه من نفسها
لماذا لا اشعر بالحزن بأتجاها لو انني سمعت ان وحده فعلت بوالدتها هكذا لكرهتها واحتقرتها

لماذا لا اشعر لماذا الفرح يجري بكل عروقي لماذا السعاده تنبض بها قلبي لرؤيتها هكذا
قطع حبل افكارها شوق وهي ممسكه والدتها

وتدخلها الي البيت

ركضت مسرعه الي غرفه الممر تسابق خطوات فاديه

مسكت الباب:شنو ياشوق دخلين مره غريبه لبيتنا

شوق لم تكن تعلم عن نوايا نوره قالت ببراءه:نوووووووووري هذي امي والله امي شوفها جتنا تبي تعيش عندنا

نوره بحزم:امنا راحت اللي يستر عليها هذي عجوز

ماتشوفينها ولاتشوفين لبسها

الظاهر السنين اللي عشتيها بعيده عن امي نستج وجهها اللي يحلف بجماله قبيلتنا كلها

نسيتي الماس امي اللي ابوي لبسها ياه قبل الحريم مايعرفون شنو معني الالماس

بكت فاديه بحرقه علي جمالها ومالها الضائع الذي بددته
ببذخ بعد طلاقها علي نفسها وعلي زوجها

نوره تشفي غليلها:شوفيها تبجبج يا ميري
ميري وعمي جيبي جنطتي

لاتخافين ياحجيه دموعج هذي بعوضج عليها مو عشره عشرين هاه زين جذي

شوق بعصبيه ممسكه يد فاديه تدعيها لدخول لغرفه المعيشه :نوره هذي امنا مهما لوكان كافي انها حملت فيها واللي تسويه ماتسوي طلقه من طلوقها علينا

نوره لم تكن تؤمن بمبدأ ولاده القطط:اقول بلا حجي فاضي هذي ماتدش بيتنا مو هي طلعت منه وحنا نتراجها ونمسك رجولها عشان ماتطلع وهي رفستنا ومشت

فاديه تحاول ان تبرر موقفها الركيك: انتوا ماعشتوا بالضيم اللي انا عشته انا كنت اتحمل اهانات وطق عشانكم

نوره تحاول ان لاتظهر دموعها استجمعت قوتها :خلاص واللحين الله فكج من الاهانات والطق ليه رديتي له

فاديه :...........

نوره:انتي مارحمتي حالنا وحنا جهال نبجي ونصيح عندج اللحين تقولين تحملت روحي حق زوجج بس

فاديه لم يكن لديها رد ولم تكن تريد ان تعلمهم ان تطلقت :بس انا مشتاقه لكم وماعندي مكان يرضيج اللي ولدتج تبات بالشارع يرضيج يابنتي

نوره:شنو قلتي ؟

بنتي؟

شهالوقاحه اللي عليج تقولين بنتج المفروض هالكلمه ماتقولينها ولاتجيبين طاري الامومه

اكرم من لسانج ينطق فيها لكن علي
العموم انا بكون احسن منج

بخليج تنامين هالكم يومين

بعدها دبرين عمرج محنا ملزومين نصرف علي علل

ذهبت الي غرفتها ببقايا انسانه

ولكنها شعرت بفرحه ان لديها والده

تنام معها بنفس البيت

مشاعر متضاربه تسيطرها عندما رأت وجهها شعرت انها طفله صغيره تحتاج الي حنان

*

**


*

دخلت مبهوره الي المكان جميل جدا بشكل لايوصف

علي ستايل الامريكي الغربي

ارضيه باركيه

وديكور تحجير

وواحده من وجيه الحائط جدار مائي به اسماك زينه

كان ديكور لايليق بمحل مجوهرات وكانت تعرف ذلك

لكنها ارادت التميز بالنظام الكوخي

ومجوهرات لم تكن معروضه مثل المحلات الأخري

ولكنها قررت ان تبرز مواهبها فلكل امرأه سوف تقول لها مايناسبها

وماذا سترتدي ولأي مناسبه وقطعه واحده

لكل سيده


جلست بالمحل بتنورتها الرصاصيه القصيره والقميص

الابيض وشرائط الصغيره

التي تزين شعرها بعد النيو لوك صبغته بلون الكستنائي

ولم تجدد البرونزاج ارادت ان يظهر لون بشرتها الأبيض


بعد الحاح كثير من شوق ونوره ادركت انه لابناسبها

اتت اول زبونه محتمله لها


بعبائتها الساده المزينه فقط من يديها بالشوارفسكي الذهبي الذي اتي علي طريق الطوق

والملفع من خامه الشيفون الساده
ونظارتها روبيرتوا كافالي الشفاففه ومن اطرافها افاعي حديديه

السلام عليكم

وقفت نوير احتراما لها ولهيبتها
:وعليكم السلام مرحبا

المرأه:المحل شكله حلو وغريب مجوهرات صح

نويرابتسمت لانها استطاعت ان تجذب الطبقات المخمليه بالديكور

:اي مجوهرات وكل قطعه مخصوصه لسيده نفسها تصمم مخصوص لها وعلي شخصيتها

نالت الفكره اعجاب السيده

:شي حلو ومميز بس يبيلج دعايه


غدير:انا اول يوم لي بالمحل

وانتي او ل زبونه تدشه واتمني تطلعين من عندي راضيه

جلست السيده وطلبت لها غدير كابتشينو
:وليه ماسويتي افتتاح له

نوير:عاد انا متزوجه واحد من عايله غنيه وكل شخصيات اللي بالجرايد اشوفهم عندي هههههههه

ضحكت السيده لبرائه غدير:انا مثل الحاله وعلي ماظن انج بدويه وقبيليه صح

نوير انحرجت لبسها لايناسب بنات البدو

مسكت اطراف التنوره ونزلتها

:اي


لاحظت الحركه السيده:حبيبتي اللبس مو كل شي ياما بنات متغطيات من فوق لتحت والاخلاق طل

استمرت الجلسه والحديث الي ساعات طويله عرفت من خلالها ان سيده اسمها بدريه

وهي مثل حالتها ولقد واجهت مع اسره زوجها لكن حب زوجها كان دوما يشجعها
الي ان تقبلوها وانجبت 6 اطفال

منه

نوير:بقولج شي بدريه ماشاءالله عليج بطنج لاصق علي ظهرج ولاجنج جبتي 6 جهال

ضحكت كثيرا بدريه:كل من سئلني اقولهم دويات البدو الا انتي بقولج هذا سلمج الله من عمايل دكتور وائل

شلت الزوائد كلها وبطني لانها انترس خطوط بيضاء وركبت سره جديده

نوير: ههههههههههههههه والله يسوي شغل بس علي ماظن مايصير بعده تجيبين عيال لان الجلد مايتمدد شاله كله

بدريه:بعد 6 شيبي اكثر لاتشوفينه متشقق يقولي صج البدويات يعرفون يحافظون علي جسمهم وتستاهلين النقاهه 3 اشهر بلبنان

بس ماعلمتيني للحين شلون مايجيج زوجج
هو مورجال

استائت من الموضوع نوير

شعرت بأنها ناقصه ليست انثي

قالت بنقص:والله مادري يمكن انا موحلوه موعاجبته

او انه مو نثيه بعيونه مادري والله شسبب مره سويت له مثل مالحريم يسون شموع وحالتي حاله ولافاد


بدريه:حبيبتي بقولج شي اللحين اغلب المتزوجين لما يخونون وين يسون وصاختهم ياما بشقه خايسه الهندي يعافها

ولا بالبر ولا بالسياره

صح ولالا

يعني مو علي الشموع ولا علي الكفر اللي وحده تشتريه بالغالي عشان ترغب زوجها فيها ولتغير

وياما رياجيل يخونون زوجهاتهم عشان وحده سعلوه ماتهتم بنفسها

تلقينه تطلع مع رفيجها والشعر كوشه والمكياج الله بالخير

مو مهم الشكل ولا المكان المهم حرارتج اسلوبج كلامج معاه

قريت مقاله اعجبتني كوني مع زوجك كالعاهره بالفراش

استندت نوير ذراعيها الي الزجاج وبكل اهتمام تستمع الي نصائح نوير شالت عن عينيها غشاوه

بدريه :انا بقولج شي البيج

هي اللي تتصل علي الرجال ولاهو اللي يتصل عليها

نوير: لاهو وكل مصاريفه عليها تقولي رفيجتي زوجي تلفونه ينقطع ويتسلف عشان تلفونه مع انه مايكلم لاربعه ولا انا بس علي القاقا مالته


بدريه :شفت شلون الرجال اللي متعود علي البنات والهيصه ماراح يهتم بوحده ثانيه تلصق فيه عكس المحروم من هالسوالف

يعني زوجج كل يوم ريحه شكل نسائيه فيه من القاقا

ويجيج وهو مهدود حيله ومايشوف لافريسه ولاشي

لانه كل رجال فيه غريزه القناص

مايحب الصيد جاهز

انتي بجيتج له تصيرين صيد جاهز مافي تحدي

اليوم تعالي ولايهمج وانسي سالفه تدقين وينك ماوينك
طنشي واهتمي بشغلج

تغلي عليه ولما تشوفينه يبي يسحب عمره طلعي طرف من الاغراء هذا وتدراكي الموضوع لايجيج خليه يتعب عليج

ضمت نوير بدريه بكل قوتها لقد وجدت فيها خلاصها من همها وامل لانوثتها

ولحياتها الزوجيه المفقوده

*


**



*

في احدي الشقق القديمه بمنطقه الفنطاس كانت هناك سهره اثمه يحتويها المجون بائعات الهوي والمسكرات

كان يجلس رجلات علي طاوله القمار

والنقود ترتمي عليها بأمر شهوات صاحبها

نفذت النقود من سعد

:ابو خلف عندك سلف الفين

ابو خلف تعرفت عليه نوره وهو ضابط في السجن المركزي لكي تستدرج خالها الي مصيدتها الشيطانيه لاطالما خططت لها افلاسه لم يكفيها تخطط لانتقام اشرس

ابوخلف اعطاه من فلوس نوره

وصل الأن الي مبلغ 99 الف دينار

كان يظن سعد ان ابو خلف من رجال الاثرياء الذين لايهتمون لهذه المبالغ وانه يعطيه هذه المبالغ لانه مستمتع برفقته

ابوخلف:ولو ياسعد انت تامر علي الرقبه

كم تبي بس امر

هاك 10 الالاف

سعد ابتهج كأنه مبشر بمولود :عساني من فداياك انشاءالله اطلبك الفين تعطيني دبلاتهم ولا عمرك قلتلي متي اسددهم
هالمره الشيك لصاحبه مثل كل مره ولا بأسمك
ابوخلف :لا لحامله وهالشيكات عشان اوريهم الشايب ان الفلوس ماتروح مني والطريق واني مسلفهم لتاجر ولا الصحيح انسي امرهم​

 

[داعجه العين]

يسلمووو لكل وحده علقت علي روايه وانتظرتها


انا اسفه اني ماقدرت اقدمها لاني ملزومه مع منتديات اخري في نفس الموعد

بأنتظار تعليقاتكم وتوقعاتكم

 

[Girlicious]

يسلمو حبيبتي داعجة العين


الحين سعد يصير خال نورة ؟
وترى البارت صغير و الاحداث بالنسبة لي فيها غموض
انطر الرد

 

[داعجه العين]

اي حياتي يصير خالها

شنو اللي فيه غموض ؟

قوليلي وانا اوضح لج


بارت صغير ادري ياقلبي بس انشاءالله بارت الجاي طويل


وراح يكون زواج نوره فيه

 

[احترت اعبر]

ناطرين حبيبتي التكمله

 

[كاتي البرينسيسه]

كملييييييييييييييي حبيبتي

 

[pure feminine]

متابعه

اتوقع نوره بتسوي العمليه وبتتزوج سلطان وامه بتاذيها
وشوق بتستمر من ردى لي ردى ....
ونوير بتغير حياتها للافضل وزوجها بيتسنع
وامممم


لا اطولين علينا والله مشواار منيه لي الاحد حاولي تنزلينه قبل