روايه كويتيه بنات القبايل

[×~NoOoSh~×]

مشكوره حبيبتي ترا ايم ويتنج

 

[شاذيه بيضه]

تسلمين بسس خل اكملها الله يعطيج الف عافيه حبيبتي

 

[×~NoOoSh~×]

حبيبتي كملى تراناطرتج قوليلي تبين اتكملينها اليوم ولاباجر تعلقينى

 

[داعجه العين]

مشكورين ع المرور جميعا والتعليق وبروره الجزء الجديد موجود كامل بس راح ينزل يوم الاحد

 

[كاتي البرينسيسه]

يلا خبيتي كمليييييييييييي

 

[داعجه العين]

شوق: هاه شنو الموضوع خرعتيني وليش تبجين تكفين قولي لي انا اختج ؟؟

نوره:ماتعرفين اسلوب ابوي لاماجاب امي بكل سيره ولا مايرتاح ماكو شي جديد لاموضوع ولاهم يحزنون

شوق: اوكي يلا انا وراي موووووعد خطير خطيررررررر
نوره:لاتنسين القاعده
شوق:نوتاج نو بروبلم
نوره: اي لاتخلينه يلمسج ماتكون فيه مشاكل
شوق:يخسي الاهو بس بستانس واغير جو واجي

في ساعه العاشره صباحا وكما الاتفاق كانت شوق تنتظره بعبائتها الضيقة جدا المزينه بدانتيل وردي علي الاطراف وكعب عالي وردي من ستان

شوف:عموري هاه وينك ....... اي .........اوكي جايه

وضعت الملفع ع وجهها وخرجت لتركب مع سياره

شوق: صباح الخير
عامر:صباح النور سهوي شلونج
شوق:تمام بشوفتك يالغالي فديتك
عامر:تفضلي يالعبتي
شوق:شنو
عامر : شوفي
شوق:يسلمو دلبي ....فتحت العلبه كانت خاليه ..مافيها شي
عامروهو يبتسم:اي عشان مافي هديه توصل مقامج بس اقري الكارت
شوق بلهفه تفتح الكارت ...... الي احلي سهوي هذي كريدت كارد اللي تبينه اشتري ولايهمج ماحبيت اشتري لج شي مايعجبج اختاري بذوقج

شوق: عسي ربي لايخليني منك
ذهبوا الي مارينا لركوب اليخت

عامر:يلا ياقلبي تعالي
شوق:اجي ليش لا وااااااااااااااو اليخت يجنن ذوق ذوق

كان يخت اسطوري ابيض كبياض الثلج شي خيالي والواضح انه من ابناء الفاحشين الثراء داخله صاله وغرف نوم ديلوكس ومطبخ كبير علي الطريقه الاوربيه المفتوح


عامر:ليش مستحيه اقعدي جنبي

شوق الخوف بقلبها شفيه هذا قبل ايدي مايمسكها اللحين يقولي اقعدي جنبي بسايره عشان مابين له اني خايفه:لامومستحيه عادي

عامر:سهوي انتي اول وحده اجيبها هني انا قلت لج عشان ابين لج مكانج وين بقلبي انا احبج سهوي اعشقك

شوق تكلم نفسها لا اكيد ناوي شي هالكلام مو لله من متي عامر رومانسي ياربي يستر شناوي عليه

عامر:يلا انا بروح لغرفه الكابتن انتي اخذي راحتج وشوفي المكان

عندما وصلوا الي الجزيره فيلكا رسي عامر باليخت

عامر:ها ياقلبي تبينا نقعد شوي ولاننزل بالجزيره

شوق الملقبه بسهوي لديه:لاخلنا نقعد انا بروح لغرفه النوم بغير هدومي

ذهبت الي غرفه النوم كانت جميله جدا وراقيه لا ابعد الحدود لونها ذهبي بها سرير بيج دائري بها اعمد يونانيه مزينه باقشمه مثل اللون من شيفون خلعت ملابسها ولبست ثياب السباحه مكونه من قطعتين بلون الاسود بوسطها حلقه فضيه

عامر كان يراقبها بااخر الممر لكي لاتنتبه له دخل الغرفه
:الله اول مره اشوف وحده تزين اللي تلبسه مهو هو اللي زينها ماشاءالله عليج كيكه بلون برونزاج ادووووووووخ والله

شوق بحركه لا اراديه غطت جسدها العلوي بيديها :عامر اطلع برا بلبس الروب

عامر بحركه سريعه مسكها من خلف ظهرها وقبلها علي وجنيتها

شوق:عامر حنا اتفقنا ماتلمسني ابعد عني
عامر: انا مجنون كل حلاوه ابعد عنج

بقله حيلها منها حملها ووضعها فوق السرير

........................
ضحايا بلا ذنب

ارواح ظاله بلا هدف
نفوس تريد اجوبه

قلوب تطلب الرحمه



في جناح ملكي بقصر عبدالوهاب كانت نوير تبكي بحرقه علي مصيرها المجهول مع عبدالوهاب

قصور كبير خاليه يملئ اشخاصها الغضب والخوف وعجز عن تعبير بمايدور في قلوبهم

نوير: عبدالوهاب انت تزوجتني مجبور ليش هالبرود ؟ شسويت انا؟ شنو تبيني اسوي عشان ارضيك؟

عبدالوهاب بنبره تملاها الغرور:اي هذا مستواج تخدميني انا انجبر فيج انتي هههههههههههه ياحلوج وانتي تستعبطين هالحجي ماخوذ خيره المهم انا بروح لربع بشاليه .

نوير تمسك يد عبدالوهاب راجيه:عبدالوهاب تكفي اقعد معاي والله مليت بروحي امك ماتخليني انزل اذا احد جاها كانه مستعره مني ومانعتني اني ازور اهلي والله مليت بستجن

عبدالوهاب :جاها ؟انتي وين عايشه يا ام جاها تطوري ذبحتيني بهاللهجه البايخه وتبيني اقعد معاج بلا لوعه جبد
واللي يرحم والديج

نوير:ليش تحسسني اني اقل منك بكل لحظه انا انسانه لي مشاعر حرام عليك حرام عليك

عبدالوهاب:يووووه تري مللتيني لو مو انج واجهه اجتماعيه للوالده جان من زمان مطلقج بس بخليج برستيج ولاسف برستيج وصخ

نوير:اي برستيج لانك انت مورجال ولا علي قولكم مو ريال

لم تشعر نوير الا بصفعه قويه علي ووجنتها
عبدالوهاب: انا ريال غصبن عنج وعن اهلج الواطين ولا نسيتي يا بنت نوريه حمدي ربج اني مخليج علي ذمتي وهذا تاريخكم القذر

نوير:لاموقذر الطلاق حلال والله شاء انهم يطلقون وبعدين امي مو نوريه امي سوريه فاهم ؟

عبدالوهاب: لا انتي يبيلج تربيه من اول ويديد

بعد الضرب المبرح تركها وذهب الي اصدقائه

/////////////////
////////////////////

جميله كانت جالسه مع نوره وقد دب الشك في قلوبهم لأختفاء شوق

جميله:دقي عليها شوفي وينها ابوي يبي يجي وهذي ماجت وينها يانوره وينها

نوره:ماتشوفني ادق عليها من اليوم جهازها مغلق

جميله:انتي الكبيره موجوده بالبيت ماتهتمين بأختج هذي جاهل خافي ربج عليها بكره يصير فيها شي ولافات الفوت ماينفع الصوت

نوره:تري ذبحتيني كبيره وكبيره مابيني وبينها الا سنتين انشاءالله مهو بصاير فيها شي واللحين تجي

جميله:انشاءالله يارب الاصج شصار علي الخطبه؟

نوره:اي خطبه

جميله وعلامه الاستغراب الباديه علي وجها :خطبتج يالثوله ؟

نوره: اوهوووه علينا ماني موافقه زواج انسي اتزوج

جميله : من صجج ؟ابوي يقول غصب عليها وبيملج غصب

نوره:شنو حنا وين قاعدين انا حيوانه انساق عنده ؟ مهو علي كيفه هذي حياتي انا

جميله :انا معاج ومافي شي اسوء من الغصب بس ابوي مهو راضي يقتنع بهالكلام وعلي باله حنا مانعرف مصلحه نفسنا

نوره:ابي شي اسويه بحياتي بأقتناعي ماخليتوني اكمل جامعه لانها اختلاط ورضيت ولما تخرجت من معهد الزفت وقلتوا لي مالج الا وزاره التربيه ورضيت خلاص بس

جميله:يمكن هالرجال زين انتي شدراج ؟تدرين بالغيب سبحانه بس يدري

نوره: ونعم بالله انا ماقلت شي بس ابي شي بحياتي اختاره بأقتناع ماطلبت النجوم ولا القمر بس زواجي ابيه يكون بيدي يابشر حتي بشرع الله مايصير يزوجني ابوي غصب مايخاف الله فيني

جميله:نوره انتي تدرين لو بيدي مازوجتج الا بقتناعج وتري انا اللي قايله لابوي يكلمج وهو مثل مانتي عارفه زفني زف لاني ناقشته

نوره:جميله انا ادري انه موبيدج لكن قوليلي هالشي يصير ؟

جميله :لامايصير بس هذا ابوج بعد شتسوين

نوره:ابوي علي عيني وراسي بس هذي حياتي بعد وانا راح اكلمه المهم هالتبن وينها ؟
بعد ساعتين من انتظار واثاره مواضيع قديمه رن هاتف نوره

شدعي عليك ياللي حرقت قلبي كون بلوتي يبلاك ربي

نوره:ياحيوانه وينج؟ شغلتينا عليج؟نعم شنو انا شنو قلت لج يالخبله انطريني نص مسافه الطريج وجايتج

جميله:شفيها شوق خرعتيني ؟

نوره تدارك الموضوع:لامافيها شي بس تعرفينها مسس مشاكل لازم دراما شوي هي متهاوشه مع وحده وتقولي مالي خلق اروح بالباص تعالي

جميله:ياحبيبتي اكيد نفسيتها تعبانه لاتبطين عليها يلا روحي

نوره:انشاءالله واذا سئل ابوي وينا علي الغدا قولي له اي شي



يسألوني ليه صمتي مايخليني ثواني... ليه دمعي في عيوني ماتفارقها دقيقه

ليه حزني ضيع الفرحه في زماني....اه ياهمي ذبحني والله موقادر اطيقه

اه يمه ااااااااااااه يمه وش بديني ...في زمن طبعه اناني والليالي كلها ظيقه

كانت غدير سارحه في عالم مثالي ومدينه فاضله كما رسمها افلاطون في خياله
فهد:غدير غدير حبيبتي شفيج ؟

غدير:هاه لا ولاشي امرني بغيت شي ؟
فهد:غدير ياقلبي لاتفكرين بأمي انا ادري انها شرانيه ولسانها طويل بس قلبها طيب
غدير كانت تبكي وتضحك بداخلها استهزاء لكلامه ايييييي طيبه حيل فديتها

فهد:شفيج قلبي لما اللحين تفكرين في اللي صار
غدير:لوفكرت فيه اوتناسيته تتوقع بيفيد شي

فهد:يلا قومي االبسي بمشيج علي البحر

غدير:لاتكفا بلاها اللحين تسويلنا سالفه وتقول بنت نوريه علمت ولدي علي بحوره واني انا اخربك خلنا بدارنا مابي اشوف احد

فهد:يعني ماتبين تشوفين وجه امي صح ؟

غدير:امانه اللي سوته يرضي منو؟ليش شسويت لها ؟تقولي قومي اطلعي لدارج مابي الحريم يفكروني راعيه خرابيط لان ماخذج ولدي
كملت غدير حديثها والدمع ينهمل الي وجنيتها :اللحين انا صارلي 7 سنين بهالبيت شنو الخرابيط اللي شافته عليها خلااااااص يافهد انا ماني قادره اتحمل هالاهانه والذل خلااااص شوف شعري شاب وانا ماوصلت الثلاثين

فهد:انتي تدرين انا رجال اخاف الله ولو تخيريني بينج وبين امي بختار امي

غدير:خاف الله فيني يافهد حسسني اني متزوجه رجال يحفظ كرامتي

فهد:وانا شنو بالله غنفه مورجال مالي عينج ؟

غدير :مليت موقفك السلبي خلاص يافهد لو بستحمل بعد بنجن انا ابي اخذ عيالي واروح بيت ابوي

فهد:تبيني اطلقج من بكره ماعندي مشكله بس العيال يبقون عندي وانتي روحي مثل درب امج

كان كلامه مثل القشه اللي قصمت ظهر البعير

غدير:كنت متوقعه تعايرني بأمي بس ماكنت ادري متي مشكور يافهد يابو عيالي الف شكر اجلتها ل7 سنين

ذهبت الي الغرفه الاخري واقفلتها ثم جلست الي سرير فأخرجت علبه البدكير ومنكير واخذت اداه حاده صغيره بعد ذلك رفعت ثوبها لفخذيها وامسكت الاداه الحاده واخذت بتجريحمها

كانت تلك العمليه تشعرها بالنشوه والراحه فلم تكن تشعر بالالم الا بعد فتره ...

للعلم انها لم تكن هذه المره الاولي فقد كانت تفعلها بعد كل مشاجره
تلك كانت رده فعلها بسبب نقص ثقتها بنفسها وضعفها الشديد بمواجهه الاخرين فتستبدل المواجهه بالعنف واللي يكون من نصيب جسدها المشوه
وبحكم ان زوجها متدين لم يكت يرا جسدها حتي عندما يمارسون المعاشره الزوجيه ففي حكم الدين لايجوز لزوج مشاهده زوجته عاريه وهي كانت تطفأ الاضاءه لتتستر علي مرضها النفسي

////////////////////////////////////////////////////////////////////////////////////////////////////////////////


شرف في هاويه السقوط يحاول ان يتمسك بقدر الامكان في اعصار الشهوات الشيطانيه وضياع الرقابه التربويه لأبنِــــــــــاء

نوره تضم شوق بكل قوتها في مقاعد الخلفيه لسيارتها وعيون ترجوا النفي لسؤال القاسي

نوره:شوق انتي لما اللحين بنــ ......

لم تستطع ان تكمل اجابتها شعرت بحرقه وان الكلمات لم تطاوعها في الخروج فضلت ان تختبأ عن الحقيقه

شوق:الواطي الحقير الخسيس ماكنت متصوره انه يتصرف جذي والله لاربيه ولد الذينه

نوره:ليه ياشوق سويتي جذي ليه انا شنو قلت لج ليه ماحفضتي كلامي اللحين شبنسوي بهالمصيبه؟

ابتعدت شوق عن نوره ومسحت دموعها

شوق:لاتخافين انا لما اللحين بنت بس اخاف اني اني

نوره:انج شنو ؟قوليلي

شوق:اني احمل
نوره:انتي موتقولين انج بنت شلون تحملين شوق انتي مخبيه علي شي قوليلي انا اختج سترج وغطاج قولي شسوي والله ماينام اليوم ببيته

شوق بموقف محرج لاتستطيح التوضيح اكثر

نوره فهمت ماذا تحاول ان تقوله وكيف انها ممكن ان تكون حامل وهي بكر
نوره:بعد سبوعين نروح نفحص ونتأكد
شوق:انتي انجنيتي وننفضح

نوره:ماعليج انا احلها بدون لا يعرفون عنا شي تحليل بعياده بعد خمس دقايق النتيجه تطلع اللحين نروح البيت واغليلج اعشاب ان كنتي حامل بيطيح وهو بعده ماتكون

شوق:نوره امانه لاتقولين لا احد

نوره:انتي خبله اعلم علي اختي بس والله لاربيه لج

شوق بحيره من امرها :شبتسوين؟نوري هذا من عيال ال؟؟؟

والله ليوديج ورا شمس بلمح البصر

نوره تطالعها بخبث:وانا نوري ولا انتي ماتدرين منو اختج

شوق :المهم متي نروح نتأكدد اني حامل او لا ؟؟؟؟؟؟؟؟؟؟؟؟؟؟؟؟

&&&&&&&&
&&&&&&&&

لم يكن الشك فقط في قلب جميله التي كانت تنتظرهم في منزلهم ولكن كان هناك عاشق متيم ينتظر عوده شوق في فارغ الصبر يخاطب قلبه وهو واقف امام باب منزلهم ينتظر عوده محبوبته وصديقه الطفوله :وينها ياربي ليش اليوم متأخره اممممممممم وينج ياشوق لايكون فيج شي وربي فداج عمري التفكير يبي ياكلني وياريت هي معبرتني
ظل العاشق منتظر عوده شوق ساعه كامله وكأنها دهور في ظل جو الكويت المشمس الحار


اتاه اخيه الصغير:فيصل تعال صلح لي بليستيشن ابي العب

فيصل:انت وين وانا وين ياعمي طير بس

اخيه كان يعرف ماذا ينتظر رغم صغر سنه :شوشو اليوم ماشفتها وناطرها تطلع من الجامعه صح ياحرام

فيصل لم يكن يحتمل اي كلمه رفع احدي قدميه وامسك فرده نعاله ورماها علي اخيه

ذهب اخيه مهدد ان يفضح سره لوالدته قال بصوت عالي :والله اعلم امي عليك هين بس يافيصلوه

لم يكن يبالي ان عرف العالم بأسره انه يعشق شوق

فقد كان تفكيره طاهر عفيف بعكس تفكير اغلب الشباب ويحلم ان تكون زوجته ملكه هو وهو فقط


الله استجاب دعواه وصلت سياره نوره وبجانبها شوق لم تكن كعادتها كانت عيناها حزينه دامعه

استغرب وتساؤل ماسبب ولماذا الحزن في عيونها والدموع ماذا حدث لها ؟

لاحظت نوره ولد جيرانهم وعيونه المبققه علي شوق

نوره بعصبيه :شيبي ولد مزنه يطالع ؟

شوق:اووف واللي يرحم امج مالي خلق لهالسخيف اوف زهقني متنح بروحه والجيه دبل جبدي

نوره بستهزاء:لايكون يحبج يالهبله

شوق تتصور فيصل انه الطفل الذي تلعب معه قديما لم تكن تنظر له بأنه الشاب الوسيم الذي يشبه ملامحه ملامح الامراء ذوي البشره البيضاء والانف الذي يتميز بشموخه والشفاه الصغيره

شوق اخذت كتبها مخاطبه نوره:اقول بلا عبط انا افكر في هذا وع

نوره:والله حلو لاوطويل بعد اممممم تصدقين شكله طايح علي وجهه بحبج يلا يلا نزلي جميله بالبيت تنطرنا قلت لها انج متهاوشه مع رفيجتج​

 

[داعجه العين]

شوق:والله جميله بالبيت مشتاقه لها ااااا حيييييييييييييل يلا بنزل

عندما نزلت نظرت الي فيصل بنظره
تملئها الاشمئزاز والكره

بادلها فيصل بنظرات تذوب بها القلوب برومانسيتها وحنانها

صج انا مصختها حرام اكيد انحرجت من اختها بس والله موبيدي احبها شسوي هذي حلمي

مايدري هذا الغافل انها ماتشوفه بنص عين غريبه كيف ينصب الحب بقلوب البشر من غير مقياس بالعلم ان شوق بالعربي مسكبتله وهو يشوف انه هالشي حياء منها ويحترمها

لحياءها





وقفت تتأمل غرفتها المصنوعه ببراعه والغريبه من نوعها عباره عن غرفه نوم دائريه مكشوفه ليس بها جدران لان يحيطها حمام سباحه بها ممر الي باقي الجناح
تجولت في انحاءها وخرجت الي غرفه المعيشه المزوده بكل وسائل الترفيه جلست وشغلت التلفاز ولكن لم يستطع التلفاز ان يشل تفكيرها عن حالها اخذت تفكر :

ليش يانوير منتي سعيده مو هذا اللي تبينه انج تتزوجين واحد غني تحرين ولد عمج فيه هذا انتي اخذتيه شتبين بعد رد عليها الصوت الانثوي اللي اخذ يصرخ بكل حده:بس انا ابي زوج يحسسني اني انثي واني شي مهم بحياته ...مابي هالعز والفلوس ابي احس اني متزوجه موتابع لبرستيج وحده متسلطه اوووووف ياربي ليش وافقت عليه لو اني عانس عند ابوي واجد ارحم اقول اللي راح مايفيد يلا البسي هو اللحين علي وصول

ذهبت مسرعه الي غرفتها فتحت خزانتها الكبير واخذت قميص نوم بيج ناعم جدا طويل ستان علي صدره قصه 7 وبالظره علامه × تظهر مدي جمال ظهرها الانسيابي
وضعت روج بلون البيج الخفيف وشعرها تركته مثل ماهو لقد كان مظهرها ناعم وبسيط

بعدها قامت بأشعال الشموع العطريه ونثرت الورود

ليته يثمر فيك وتلتفت لي ....... سمعت اصوات الباب تقفل بغرفه المعيشه تعطرت وذهبت له بخطوات خجوله وصوت هامس:
مساء الخير حبيبي
وضع علبه الماء من يده واخذ يتأملها بنظرات غير مطمئه :شنو قلتي حبيبي ؟انا حبيبج انتي ههههههههههههههههههههه والله مصدقه الدور اقول لاتكثرين حجيه ولويه وروحي لدارج بسهر بروحي مالي خلقج

كتمت غيضها ومنعت الدموع من عينها:ماراح اتكلم وبخليك علي راحتك بس تعال غرفه بدل مايصير هالملابس بتأذيك تعال البس شي مريح

بأبتسامه صفراء:لاتفكرين بعد من متي صار عندج عقل ؟

اللهم طولج ياروح ردت له الابتسامه لكن بتودد:من تعطفت علي وتزوجتني

عبدالرزاق بملل:انا بروح بس عشان تنجعمين

ذهب الي غرفته واخذ بالصراخ:نوير يالعقيديه تعالي

نوير ذهبت اليه مسرعه :هلا شنو فيه ؟

عبدالرزاق بدت الدماء بعروقه بالغليان:شنو هذا ؟شايفتني اعبد بقره يابقره حاطه لي شموع جنا بمعبد يلا قومي نظفي وصاختج موكفايه انتي فيها

ذهب الي الغرفه الاخري واستسلم لنوم براحه بال وترك روح حائره لاتعرف ما العمل


نوير كانت منصدمه تفكر في عقلها .....صج مو كفو كل هالتعب صرت بقره ووصخه لو اني نايمه ومخلينه ابركلي ياربي هو مورجال؟؟؟ولا انا ماقدرت اغريه شنو النقص اللي فيني ؟معقوله يكون عاااااااااجز؟؟؟؟؟؟؟؟ لالاا مستحيل ولاهالعطورات نسائيه بسبب سهراته المختلطه
لالا مومعقوله عطر مايلصق بالدشداشه الا اذا كانت مقربه من عنده حيل ووو

انا لازم اشوفلي حل بس بالأول انفذ المشروع واضمن حقي وهال7 شهور مايروحون هبائن منثورا

×××××××××××××××
××××××××××××××××
×××××××××××××××
اخذت مبخر العود وبخرت البيت كله وهي لابسه دراعه بيت مبين جسمها المخصر لونها اسود وعلي كفها خامه عشبي مزينه بالشوارفسكي وذيل عشبي طويل لبست معاه صندل اسود ومكياجها كحل العربي اللي ماتستغني عنه ولمعه من ديور اللؤلئ

وصت الخادمه انها تسوي فطاير وحلو وقهوه وشاي عشان تستقبل صديقتها بعد ربع ساعه دق الجرس بسرعه شافت شكلها بالمرايه تتأكد ان شكلها اوكي

دخلت لصاله فتاه محتشمه لبسها اسلامي عبايه راس دسوس وغطوه مع عجوز باين انها ام الفتاه

البنت فصخت الغطوه وراحت تركض لنوره

منيره:وووووووووووووووووحشتيني وووووووووووحشتيني

نوره انصدمت بهالمشاعر الخاليه من المصلحه
:وانا اكثر ياقلبي حياج

رحبت بالعجوز وقهوتهم وقامت بامور ضيافه علي اكمل وجه

نوره شافت ان العجوز بدت تتملل:عن اذنكم بشوف اختي كبيره وينها مسكت تلفونها :هلا جميله وينج اوكي بخلي الخدامه تبطل لج الباب

دخلت جميله وعيالها وقامت وسلمت علي ظيوف

بعد ساعه استئذت من امها عشان تروح لغرفه نوره عشان ياخذون راحتهم وتحكي منيره لنوره عن همومها اللي سحر ماخلي لها لحظه راحه


منيره اندهشت لدار نوره الورديه واللي تدل ان صاحبتها بريئه بعالم الطفوله الوردي

منيره:لما اللحين تحبين الوردي يابنكي قيرل ولانسيتي اللقب

نوره ضحكت لمنيره لمدي برائتها:اي لبكره بس مادري يمكن الزوج مايرضي بالوردي

منيره شهقت:مبروووك متي عرسج

نوره:قصدج متي طلاقي بيتم هههههههههههه

منيره تكلمت بجديه:لاياوخيتي لاتفاولين علي روحج انتي سنعه ونظيفه ومزيونه اكيد الرجال بيجلب فيج برجوله وايده

نوره ماقدرت تكتم اكثر علي صديقتها من عمرها وهي تقول لها كل شي عن مشاكلها مع امها وابوها ومشاكل خواتها وعن طيشها ............. منيره كانت بير اسرارها الدفين


نوره بكت بكل حيلها بكت القهر اللي عاشته 3 سنين.......

بكت علي اللحظات اللي تشوف صديقاتها يتزوجون ويحملون وهي مكانك سر .....

بكت علي محاولتها لانتحار الفاشله...

بكت علي شعور بحرقه اللي حسستها ان مافي وحده عانت مثلها .....

بكت علي افكارها بالانتقام من اللي اخذها اغلي ماتملك......عذريتها ......ماتحس بأهميتها الا لما تفقدها وتؤمن بأنها اعز ماتملك
منيره تحاول تهديها وهي مو فاهمه الوضع ضمتها لصدرها وتحوطها ايدها السمينه السمرا اللي من هالضمه نست احزانها وراحت لعالم كله حنان خالي من اي غدر لكنها وخرت ايدين منيره تبي تواجهه الواقع
: انا مو بكررررررر تفهمين مو بكررررررر شلون اتزوج

منيره بعدت شوي عنها من وقع الصدمه : شلون مو بكر ؟

انتي غلطتي مع احد ماقلت لج لاتمشين بهالدرب راح تضيعين

نوره اخذت وضع الجنين والدموع ماليه وجهها :موبيدي موبيدي والله غصبن عني

منيره:شلون غصبن عنج يعني اللي كان يكلمج اغتصبج ؟

نوره ازداد البكاء :مو واحد اكلمه خالي انتي مو فاهمه كان خالي خااااااااالي خاااااااااااااااالي يامنيره

منيره مابين التكذيب والتصديق خالها ؟ لااا مستحيل الخال يسويها اكيد تقول جذي داري جذبتها:حرام عليج تبتلين علي خالج
الخال مستحيل يسويها مهما كان بمثابه الوالد

نوره مسحت دموعها:والد يامنيره اي والد هذا كان يتحرش فيني وانا عمري 4 سنين شتحجين انتي ولما جته فرصه كمل نجاسته فيني

منيره بعالم من حيره رده فعلها لو حده صاجه اسئله كثيره تملي عقلها:متي وشلون ؟

نوره ماكانت بحاجه تسترد الذكري لانها كانت محفوره بذاكرتها تسترد تفاصيلها كل يوم ماتفارقها دقيقه مثل الدم اللي يمشي في عروقها مع الهوا اللي تتنفسه ادني ذكري موجوده وتعيشها حتي فرحتها لما سوت الاستشوار لأول مره وصار ناعم وطوله منه شوي اللي غطي علي ظهر ثوبها السماوي بشرايط ذهبيه مربوطه علي فخوذها

:في يوم الاربعاء 16_5_2005
بعشي ولده جعله مايشوفه معرس استغل فرصته الحيوان

منيره:عند الناس ؟؟؟

نوره:لا انا صعدت دار مرته عشان انحاش عن الحش بأخته وفيني وفي ابوي

منيره بكل اهتمام :اي وبعدين شصار ؟

نوره:بعدها تمللت وقمت واتصلت علي واحد وماوعيت الا علي صوت الباب يتبطل وسيده سكرت التلفون وحطيته تحت المخده والزفت شافني بعدها شال المخده واخذ تلفوني واتصل علي اخر رقم ودق عليه والصوت طبعا رجال وضربني وهددني ان يعلم ابوي وكل اللي بالعزيمه

منيره بعصبيه:يخسي مايسوها ويفضح نفسه مهما كانت حقارته مايسويها ويعيبونه الرياجيل في بنت اخته

نوره:اااااااااه يامنيره تبين بعد هالخوف اتكلم

منيره:وطبعا سلمتي له نفسج
نوره تصرخ :لاااا والله لاااااااا هو مسكني وحط ايده علي فمي وانا حاولت اصرخ وانحاش بس ماقدرت ثقله كان كله علي ماقدرت اتحرك والله ماقدرت والله ماقدرت

منيره كانت تبكي مع نوره لكن بصمت ماكنت ان شي يبي
يأثر فيها لكن صدمتها نوره وهي اللي كانت تبي تشكي لها انقلب الحال ....

منيره شافت مصيبتها تهون قدام مصيبه نوره .........

المسحور عند الناس معذور لكن البنت اللي تفقد عذريتها منو يعذرها .......

_

_

_

_



الصدمات تبني الانسان او تهدمه


الشهاده سلاح بيد الانسان يحارب به مصاعبه



مبني كبير ذات ادوار متعدده قديم جدا من طلائه المتقشر والغباار يملي انحاءه ضغطت علي الدور ودخلت اندهشت للمكان

حديث وذات ديكور عملي وشعارات المعهد تملئه والتخصصات الذي يدرسها

اتجهت الي عامله الاستقبال: السلام عليكم حبيت اسجل عندكم

عامله الاستقبال:وعليكم السلام حياج حبيبتي وشكرا لاختيارج معهد نيوهرايزن تفضلي بقاعه انتظار

اتجهت غدير الي قاعه الاستقبال بجسدها النحيل الذي ازداد نحول من الهم والحزن وجلست بالقاعه وهي تشاهد رجل يأتي الي من احدي الجنسيات العربيه ببدلته الرسميه

السلام عليكم اختي تفزلي الكتيبات فيها كل التخسسات الي ندرسها وانشاءالله تعقيبك

غدير:وعليكم السلام ...نظرت الي كتيبات ونال علي اعجابها تخصص اداره اعمال....

لوسمحت بكل التكلفه هالدبلوم وشلون طريقه الدفع

ابتسم الموظف:شوفي جزرتك دبلوم تكلفته 2300 ولوتحبي تدفعيهم كاش ولا اقساد مش مشكله بس لازم مقدم 400 دينار

اختفي حلم الدراسه من عيونها عند سماعها قيمه المبلغ 400 مقدم ؟؟؟؟ بالنسبه اليها مبلغ كبير لاتحتفظ به لانها ليست موظفه وزوجها لايعطيها المال كافي فقط 70 دينار به مصاريف الأولاد
لكن لايأس مع الحياه ولا حياه مع اليأس

قررت مهما كان الثمن بتكمل دراستها وتعتمد علي نفسها

غدير:امممممم انزين متي دراسه

موظف:بعد 3 اسابيع من اليوم بس لازم ئبلها بوقت تدفعي بتحبي اسقل اسميك

غدير:صراحه معهد باين عليه راقي وحلو لكن انا مو موظفه وزوجي معاشه مو قوي ........قولي له قصه حياتج وافتكي

موظف رد له حماسه بالعموله وقال لها اقتراح:طيب يا اختي
شوفي اختك ولاحد تعرفيه يسلفك المبلغ دي فرصه ليكي
ماتفوتهاش والعمر بيجري لازم يكون عنديكي شهاده بتشتغلي بيها

غدير مافكرت بخواتها:اي والله انا بكلم وحده من خواتي بس ممكن تجيني بعد خمس دقايق او مو مسموح ؟

موظف:لا ازي مسموح اهم حاقه عملائنا وطلابنا المستقبلين


اخذت من شنطتها هاتفها القديم واتصلت علي نوير لانها اغني وحده بالعايله:الو هلا نوير شلونج ..انا الحمدالله تمام ....نوير بغيت منج مبلغ بس منحرجه منج ....الفين و300 ....لامو له لي ابي اكمل دراستي ....من صجج والله ....ياحياتي والله ماراح انسي لج هالفضل طول عمري واذا توظفت بردهم لج وبايحيني ان مت قبلها ...اوكي انتي عطيهم نوري وهي تسجل لي وتدفع المبلغ للمعهد
ابتسمت ابتسامه نصر من بعد هزايم كثيره لكنها ابتسمت راح تغير موقفها ونظرتها راح تكافح بهالحياه مافي ام علمتها لكن الدنيا علمتها اكثر ...علمتها لما تكون الوحده متزوجه وزوجها يعيلها مرات يذلها ويتمنن عليها ناسي انها ملزوم من عند الله

تعلمت ان واجهت مشاكل مع زوجها ماتقدر تطلب الطلاق...لان حتي نفقه ماراح تكفيهم ولا عندها وظيفه تسندها
وطبعا الابو لاهي يعتبر البنت لاتزوجت طلعت من ذمته ...نظام اول​

 

[Girlicious]

مشكورة حبيبتي بس لا اتطولين علينا

 

[<<عـيـونـ آلـمـهـآ>>]

تسلمين يا قلبي ..

بس ناطرينج لا تاخرين علينا ...

 

[سابقه جيلها]

كمليهااا يالغلا ناتريتج

 

[umzayona]

القصة تعور القلب :0bee2e8d89: لكن هل هي قصة حقيقية ؟

 

[داعجه العين]

سلامه قلبج والبيوت انكشفت اسرارها بالورق::>


تابعي الروايه راح تنصدمين اكثر

 

[كاتي البرينسيسه]

حبيتبي كملي انا انصدمت بصراحه من شوق يلا كملي حبيتي

 

[احترت اعبر]

ناطرين تكمله القصه

 

[umzayona]

ويين التكملة واييييييييييد طولتييييييييييييييييييييييييييي

 

[داعجه العين]

تكمله

توجهت الي جهه الاستقبال كانت هناك ممرضه من جنسيه المصريه بمانتوها الحجاب الابيض

نوره:لوسمحتي ابي غرفه جميله محمد كم؟

ممرضه بنظره احتقار:دي ناس بيتسأل عليها

نوره مستغربه من احتقار ممرضه وكلامها :نعم ؟ اللي اسئل عنها ابرك منج ياواطيه صج ناس ماتستحي

التم عليها ممرضات الجناح اقبلت عليها ممرضه كويتيه:لو سمحتي اختي الفاظج حنا بمكان عام مايصير جذي

نوره هدت من نفسها مو كفو تتعب عمرها علي هالامور :اختي انا بكل احترام سئلت عن غرفه اختي قالت كلام يقل من قيمه اختي انتي ترضينها ؟

ممرضه نظرت للممرضه الاخري بنظره توعد : لامايرضيني وحنا اسفين انا اقولج وين غرفه اختج بس ممكن الاسم


نوره :جميله محمد


نظرت الممرضه تحولت لمثيلتها :غرفه 5

اخذت طرف عبائتها طويله المغربيه المزينه بستان البنفسج والشوارفسكي ومشت بخطوات انثويه

فتحت غرفه الخاصه الصغيره من قوه مارأته وقفت علي عتبه كأن العالم توقف فقط تري عيون اختها كانت عيون جميله تتأمل السقف وبقايا الكحل عليها تتأملها بنظره لم تنساها ماحييت نظره حزن وجسد هالك نظره تصرخ
اعتصر قلبها من حال اختها والدرب علي يدها وسبب اللي ذهبت من اجله المستشفي

تمالكت نفسها لكي لاتظهر نفسها ضعيفه بأصطناع:صباح الخير جموله شلونج ياقلبي

جميله :...............

نوره:يلا فرفرش ياحلو من زين النسل اللحين طاح خلاص اللهم لا اعتراض اللي بيرزقج بمتخلف مع خوانه عادي عادي

جميله:........

نوره لاسالفه قويه مو مثل كل مره طيح عادي ولاهمها :جمل ياجمل ياحلو انتا مالك كده

جميله التفت اليها بلبس المستشفي الكئيب وعيونها الناعسه التي ذبلت من الهم ونظرت لها نظرات حزينه جدا كأنها الصاعقه الي نوره علمت ان جميله انهارت من صراعها مع ناصر

لم تستطع المقاومه وبكت كثيرا

جميله من النوع الصامد والفولاذي لا يجرحه الا كارثه

جميله: كنت بقتله

نوره فتحت شفاتها : تقتلينه ؟ مجنونه انتي

جميله : ضربته بالتحفه علي راسه بس مامات

كنت ابي اموته

جميله : احمدي ربج ولاانتي اللحين بالسجن ...جميله موقادره استوعب من صجج ؟
جميله : اي والله خلاص يانوره انا عايشه بجحيم ماني قادره اتخلص منه الا بموته والطلاق ماراح يفكني منه

نوره :كل هذا عشان فلوس صح مثل كل مره صح

جميله:مقوم الخدامه الصبح يقوللها دوري جنطه ماما وانا كنت داعستها ورا الكبت فيها فلوس الماجله ومعاش الخدامه

لما مالقوها جاني وقومني من النوم يقولي يالقح؟؟ وين فلوس نومتج

تخيلي

نوره: ايالواطي الحقير لو كان عندنا خوان ماكان حالنا جذي كان هابهم

جميله:الله كريم صدقيني بيصير له شي من كثر التحسب

نوره:ونعم بالله بس انتي لازوم تطلقين جميله ؟خلاص شبقي صرتي بعيونه قح.. شناطره بعد

جميله:يقولي انتي وعاء كل رجال يحط فيج وصاخته ويمشي وهالولد مو منه ويبي يسوي D .N. A عياله من حرام يمكن

نوره:وصلت فيه لهدرجه ان يحرم عياله وينكرهم من نسبه

اي يمكن عيال حرام انا مادري مني ولامن اللي مخاويتهم بنت اللذينه

ذلك كان صوت ناصر وهو في الثلاثين من عمره اسمر البشره

متوسط الطول الاثام بملامح وجهه الغير مريحه

نوره: احترم نفسك جميله اشرف منك وتاج فوق راسك
ناصر:اكلي تبن بس منو يشهدلها انتي ؟ بعبايتج المخصره ونقاب اللي نص الوجهه باين والمكياج الكامل

نوره:ماياكل التبن الا انتي ياأمعه انت ماتسوي اللي لابسته برجولي

ناصر:شوفي مابي امد ايدي عليج وحنا يمستشفي فأنجعمي وطلعي من الغرفه بكرامتج

نوره كانت من داخلها ترجف مثل الورقه بس اخذت مثل ناطح الصياح بصياح تسلم:لو مستشفي ابوك اطردني وكرامتي مو انت اللي تجيسها ياراعي شقق

ناصر:اي امج منو واختج منو زانيه بنت زانيه ماعليج شرهه

نوره انكسرت من داخلها ولكنها تحدت لازم ماتبين له ان هالكلام يجرحها عشان ماتكون مثل اختها لما درا ان هالكلام اللي يجرحها قام ويرددها:زانيه هههههههه عادي شفيها شغله من قبل الميلاد موجوده جت علي امي خليها تتهني وفوق التهني فلوس فديتها ذكيه

ناصر:وانتي مكمله المسيره امج راحت عليها جا دورج

نوره:لا انا ماعندي ميول والحمدالله متوظفه ومغنيه نفسي مومثل غيري ياخذ فلوس من حرمته


ناصر:شتقصدين لايكون مصدقه اشاعات اختج ان هي اللي تصرف

انا مسفرها من فلوسي لماليزيا وقروضي كله عليها وعلي عيال ربعها

نوره: تخدع منو بهالحجي ؟ولا لايكون تجذب الجذبه وتصدقها

احمد ربك انها شايله البيت وشايلتك انت بعد ومربيه عيالك احسن تربيه بس


ناصر:تربيه ؟ هذي تعرف التربيه مخليه بنتها تشوف لميس ولميس الحامل بطريقه غير شرعيه اي تربيه اي خرابيط


نوره:يامشاءالله عليك خايف عليهم وعلي تربيتهم هههههههههههه

ناصر:عين زانيه شقول بعد

نوره:والزانيه هذي انت كل يوم ترتمي تحت رجولها انت وبطلك

رفع ايده عليها وقبل لايصفعها مسكته ماتدري وين جتها القوه بس مسكته:تخسي تمد ايدك علي والله ياناصر والله ان ماصرت رجال لبطلك هذا اقعدك عليه


جميله صرخت ع ناصر:بس حتي خواتي ماسلموا منك بطلت جنطتها ورمت عليه الفلوس اخذهم وروح

ناصر ضرب جميله كف :مو انتي يابنت النوريه اللي تشترين سكوتي بفلوس

نوره بضحكه صفراء: عادي يعني مستحي مني اخذهم بابا ولا اقولك خلني اطلع عشان تاخذهم براحتك

ذهبت بخطوات سريعه اللي الخارج وتوجهت الي w.c

القناع اللي كان علي وجهها انسمح وبانت ملامحه بدموعها
ماكانت تبي تطلع من معركه خسرانه فهربت ولاتبين دموعها لناصر

حست بحرقه بكل جمله بكل كلمه بكل حرف قالها ناصر لكنها كابرت و لما صارت بروحها ماقدرت تكمل بكت بكل قوتها



طيب بشوف شلون تقدر تنساني هذا طريق يلا روح ووريني

صدقني صعبه غيري وياخذ مكاني تنسي الوفا اللي كان بينك وبيني

اخذت هاتفها من حقيبتها:الو هلا عبدالعزيز الحمدالله انا بخير وانت شلونك ...لامافي شي بس شصار علي الكمخه ...حلو حلو

وكم يبي ......اوكي عطه وكتبه الشيك مثل كل مره وانا شوي واحول عليك المبلغ ..... افا عليك والحلاوه بعد ..بس ماوصيك
خله علي عماه لايدري اني انا اللي اعطيك الفلوس ...عفيه عليك تري ان علمته بتخرب علي كل شي ....يلا مع السلامه
اغلقت هاتفها وغمزت عينها ...والله وحلوت الامور يانوري واقتربتي لهدفج هين ياخالوه هين



&


&&


&&&



نزل من سيارته وتوجه الي باب الاخر وفتح الباب وامسك بيد العجوز :يلا يمي بسرعه الله يرضالي عليج لايسكرون المحل

العجوز: لاواهجادي هجاداه منك لحوول اصبر يامطيور مهوب مسكر

مسك يد والدته وتوجهها الي محل اثاث ميداس وتفرجوا علي اثاث واذا بالبائع يقترب منهم :مساء الخير بدك شي معين بتحب اساعدك فيه

سلطان:اي يا اخوي انا معرس جديد وابي غرفه نوم للعرس وصاله

العجوز:بعدك ماعرست ومعنينا الله من طيره فيك

سلطان غمز لأمه بصوت واطي :يمه تكفين لا تفشلينا بنعرس بنعرس الخميس هذا لازم اسوي اموري من اللحين بعد ملكه الوقت بيطير


العجوز:ماوراك فود كل هذا لنوره

سلطان:ياحلو نوارتي ابي اثث لها كل شي راقي عشان تقول ان عندي ذوق واني شقردي

العجوز:من اللحين اركبت فوقك لاواخسرتي


سلطان وجهه قام يعطي الوان حمد ربه ان اللبناني مافهم شي

البائع: تفضل حدرتك عدنا تشكيله جديده واصله

سلطان اختار غرفه اثاث بنيه بها اعمده التي لاتدل علي الذوق بصله

غاليه جدا (ماتسوي ربع فلوسها)
سلطان:يمه اشرايج بذوقي حلو صح اكيد نواره لاشافتها بتنجن بتقول شهالزوج اللي ماخذته صك علي مصممين الديكور الاجانب ادري والله ادري

عجوز ناظرته بنص عين(ناقده):عمره ماتبخر تبخر واحترق ثوبه

سلطانمد بوزه:يمه لاتسكرين مجاديفي انا اول فرحتج وجايبج معاي ابيج تستانسين معاي

عجوز بنفس النظره:الله يخلف علي بس

سلطان طنقر: الله خلف عليج انا ولا موعاجبج محامي رفعت راسج وبتزوج اللي تبينها

عجوز:ياوليدي اعقل علامك صرت مخفه مسحبني بالقايله عشان تشتري اثاث وبعدك ماملكت اتكن اتكن

سلطان بأصرار:يمه يلا خليني نروح نشتري الفرش ابي لونه احمر

عجوز:اي فرش زين لاجاكم البرد ماتمرضون احسن من مزايك(سراميك)


سلطان رفع بحاجبه بغرور:لايايمه انا الذوق كله احط سراميك كانه حمام بس يمه ذكريني نشتري ستاير مخمل احمر و

وثريات ذهبيه كبيره(عقدني اكثررررر) عشان اشوفها عدل

&



&&
&&&




دوآآك عندي والأظلم داايم البادي


والله لوريك شيء ما بعد شفته


ماهو في صالحك يوم تجرب عنادي



الله من ريق ما ينشف ونشفته..×


ببلوزتها الرماديه والخيط المربوط تحت الصدر ورسمات ورود هاديه بالاصفر والاخضر علي حافتها وبنطرون رمادي ناعم من كولوشي
وحذائها البني من غوتشي المدبب بمسامير دائريه ذهبيه وتركت شعرها انسيابي علي رقبتها ذات الخصل الذهبيه


مشت نوير بهدوء وهي تري اخت زوجها بعنجهيتها مقتربه منها

نوير:السلام عليكم

تأملتها مني قليلا بنظرات غرور واستهزاء:وعليكم لوسمحتي صعدي دارج يبون يونا ضيوف

ابتسمت نوير: حلو انا ابي خالتي بحجي وهذي فرصتي دام عندها ناس ابي الكل يدري عن ولدها


يدري بشنو يا نوير

التفت عليها نوير تعرف صاحبه هذا الصوت الحازم الذي فاجأهم كانت والده عبدالوهاب بثوبها القصير البني من شيفون وشريط ستان علي خصر وحذائها من Salvatore Ferragamo البني وتسريحاته المرفوعه بأتقان واناقه كان مظهرها يليق بشابه وليس لأمره بسنها

:يدري بولدج ياخاله

ام عبدالوهاب:مني روحي استقبلي الظيوف لي حجي مع زوجه اخوج

ابتسمت نوير:اللحين زوجه اخوها وقبل مو تقولين اني جاريه عنده ؟

ام عبدالوهاب :خلينا من هالحجي شنو تبين فيني

نويرببرود:لاخلاص مابيج اللحين الكلام بيتوجه لظيوفج وماشاءالله باين عليهم واجد يعني طبقه المخمليه كلها بتدري بحجي عن ولدج

ام عبدالوهاب بخوف:ولدي شفيه شسويتي فيه ؟

نوير:لالاتخافين بس تصدقين حرام عليه كلمه ولد انا اقول لو تعتبرينه من بناتج افضل

ام عبدالوهاب بعصبيه:ولدي ريال ياحقيره غصبن عنج

نوير:متأكده ؟

ام عبدالوهاب:.............

نوير:مثل اللي توقعته مازوجتيني ولدج الا تبين الستر له وتمنعين حجي الناس من اسباب زواجه واللحين كل الناس بيدرون بسبب طلاقي منه انشاءالله وبخلي المحامي يكتب بالطلاق عذراء

ام عبدالوهاب:انتي تبين تفضحينا

نوير اقتربت لللي بتوصله من ام عبدالوهاب وهي متأكده ان عبدالوهاب بكامل رجولته وسبب انها عذراء انه مومتقبلها


:اي ابي ابرد غليلي منكم

ام عبدالوهاب:اي غليل واحنا اللي رزايناج بين العالم وصرتي زوجه عبدالوهاب الوريث الوحيد للعايله

نوير تزود العيار:وابشرج نسل هالعايله بينتهي بموت هالوريث وفلوسكم بتكون للغرب وانا بنت النوريه ماراح يكون لي شغل الا اسولف بولدج وعن رجولته الضايعه ههههههههههههههه

ام عبدالوهاب ودها تذبح نوير لكن هالشي مو لمصلحتها :وليش يابنتي تسوين جذي شنو تبين انا حاضر ه بس واللي يرحم والدينج لاتفضحينا

نوير: انا مو بنتج بنت النوريه ولانسيتي مامداج توج قايلتها

ثاني شي اللي ابيه اشياء واجد مستعده تنفذيها لي

ام عبدالوهاب لمست الامل ببقاء كرامتها المهدده :اللي تامرين عليه بس قولي

نوير:اول شي كلمه نوريه مابي اسمعها مره ثانيه ولامن الحجي اللي تقولونه لي لا انتي ولا بناتج ؟

تجبريني اني انخش بالسويت كل ماجوج ظيوف كأني عار ولاشي وصخ تدارينه بعد اليوم مافي


ثالث شي بما ان ولدج مو رجال ولامعتبرني زوجه ولا انا معتبره زوج من الاخر اخلصج انا بشغل وقتي بفتح لي بوتيك مجوهرات
وها ابيه بأغلي مجمع لأن هذا مستوي عائلي ولازم احافظ عليه عدل ياخالتي ؟

ام عبدالوهاب علي مضض : لج اللي تبينه واللحين حياج الظيوف تأخرنا عليهم













​

 

[dr.elzain]

يسلمووو

 

[داعجه العين]

اسفه اذا صار تأخير وياريت يعجبكم الجزء بأنتظار توقعاتكم وتعليقاتكم

 

[سابقه جيلها]

كملي الجزززززززززززززززززززززززء اللي بعده لو سمحتي

 

[Girlicious]

مشكورة على البارت وايييييد حلو تسلمين

اتوقع انا حياة نوير راح اتغيييير للاحسن
و جميلة راح اتطلق
و ما ادري حاسة انه عرس نورة ما راح يعدي بسلام
بس وين شوق ؟ ما ذكريتها اب هالبارت