روايه كويتيه بنات القبايل

[Asrarie]

يسلموو حبووبه بس والله حسيت اني ضايعه نسيت الشخصيات ونسيت الاحداث اللي قبل ,, ياليت لو تحطين كل يوم بارت احسن من اسبوع

 

[pure feminine]

حلووووووووو خوش بارت بس وقفنا عند نفس الي وقفنا عنده بالبارت الي طاااف

يعني للحين ماندري شوق ونوره شبيصير عليهم

ياليت تستعجليييين بالبارت الجديد

 

[Girlicious]

تسلمين على البارت اللي ولا اروع
بس لا اتطولين علينا
ناطره البارت الياي

 

[q8ya-barby19]

يا قلبي متي البارت الياي طولتي علينا

 

[q8ya-barby19]

شغله تحير بس بارت روعه

تحطمة انا مع نوير ههههههههههههههه

تسلمين قلبوو

 

[نيولوفر]

الصراحة انا من زمان ماقريت قصة حلوة مثل قصتج:tek:
وقصتج قمة بس البارت اللي تنزلينه قصير حيل وطولين على ماتنزلينه
أنا أقترح_03BA: ان انتي تكملين القصة كلها بعدين تنزين البارتات وبكذا تكون البارتات طويله واحنا بعد ماننسي الأحداث والشخصيات وبوقت محدد والا شرايكم بنات:ggdw:

 

[][][+BR+][][]

iiiiiiiii

 

[مطيريه ماركه]

عسآآج ع القوة ناطرة نهاية الأسبوع بقرا الرواية ممدحت لي اياها الاخت حياويه

 

[Asrarie]

اليوم الاثنين وماشفنا البارت ؟؟؟؟

 

[pure feminine]

وييييه وين البارت ؟؟؟؟؟؟؟؟؟

 

[دهن العووود]

:ggdw:
قصه ولا أرووووووووووووووووع
نااااااااااطرين الباااااااااااارت عفيه لا إطولين علينا ...........

 

[Al-MoSH]

القصه حدها حلوه ..

وين التكمله

ماحب انطر وايييييييييد .. بليز لا اطولين علينا

 

[pure feminine]

 

[داعجه العين]

ارواح تحركها حب الماده

ينخرطون في الايه القرأنيه

المال والبنون زينه الحياه الدنيا

للأسف هي زينتهم الوحيده

لقد تعرفت علي ابوخلف

عندما كانت في رحله بريه

تحدثت معه بشكل اعتيادي وروتيني

ألي ان اكتشفت انه له منصب راقي في السجن الكويتي العمومي

ذلك المكان الذي لطالما حلمت به انه سوف يحتضن

خالها عند انفاسه الاخيره بأجواءه الكئيبه

وببرودته القاسيه الذي تمنع سجينه من اي شعور باللذه

الأمل الحياة

تجاوزت البوابه والتفتيش النسائي

بدون طلب هويه لأوامر عليا

توصيه ابوخلف فوق كل اجراءات رسميه

مشت الي ممر غرفه الزياره

بعبائتها الأنيقه الذي تتبع اسلوب الفكتوري

والبروش الألماسي المرصع بالزمرد هديه من نوير

وضعته بمنتصف الرقبه يزين باقتها المرتفعه

وحذائها الصندلبني المصنوع من الجلد

وحقيبتها المماثله من ديور

اما مكياجها كان كحل عربي مع رموش اصطناعيه طويله وكثيفه

واكيد مستحضر الحمايه من الشمس

مشت بخطواتها الواثقه الي الطاوله كان هناك

شخص لطالما تمنت هلاكه

هزل كثيرا عن اخر مره شاهدته

ابتسمت وهي مقبله أليه

جلست وكان وجودها الأنثوي وعطرها الطاغي بعثر كيانه

لم يتعرف أليها


السلام عليكم

سعد:عليكم السلام

منو؟ماني خابر وحده من رفيجاتي تعرف اني في زياره هنيه

نوره:تقصد انك مقيم هنيه

سعد:فال الله ولافالج انشاءالله بطلع انا بكلم اللي متسلف منه وبدز له جاهيات لأبو اللي مسلفني

نوره:ههههههههه صج والله تبي تدز له جاهيات ها ياحليلك ياخال

سعد اقترب من الطاوله :خال؟

نوره :اي خالي ولايكون ماعرفتني انا نوره بنت فاديه

سعد:والله فيج خير تسئلين عني امانه يانوره كلمي احد
ابي اطلع من هنيه احس اني بنجن من هالمكان

نوره(يمالك من هالحال واردي ولابعد ماشفت شي )
:وشنو راح تسوي اللحين

خلاص حكموا عليك ماراح تطلع الا لما تدفع كل المبلغ

سعد تغيرت ملامحه وفتح ازرار ياقته:من وين 99 الف

لو ابيع كل حلي وحلالي ماراح اوفيهم

نوره:اي ياخالي مو انت حتي بيتك بعته علي مشاريعك
وكل شي تملكه اجار يعني لو تبيع حلك وحلالك علي قولتك ماراح تحصل ميه دينار

سعد:اي والله مادري شسوي انقذيني يابنت اختي

نوره(اللحين صرت بنت اختك ياوقاحتك وينك قبل يومنك اخذت اغلي ماأملك يالنذل):افا عليك ياخالي

عيوني لك وانا رحت البنك بس لأسف قالولي حدج 5 الألاف تعرف قانون المديونيه الجديد


بس ماعليك انا حتي ذهبي وذهب خواتي ببيعه حنا مالنا الا خال واحد بس يالخالي ماشاءالله مرتك معاشها قوي
وتملك ليه ماتبيع ملكه وتاخذ قرض وطلعك من السجن
سعد:انا متفشل منها ولاهي بنت الحلال ماتقصر كانت شايله البيت كله ولاتقولي عطني ولو دينار

نوره:يالخالي انت زوجها ومفروض تطلعك مايصير تسكت كل شي ملكها لك مفروض يكون ولا انت ناسي
انك انت اللي فكيتها من عنوستها ولو لاك ماتحلم بالعيال لازم تضغط عليها

وتهددها

سعد:اهددها بشنو ؟بالطلاق يعني ؟

نوره فرحت انها استطاعت ان تدير عقل خالها لمصلحتها
:لا ياخالي هددها بالي اقوي
هددها بالعيال ان ماعطتك الفلوس تتتهمها بانها غير صالحه وتروح الحضانه عليها

مني تبي ترضخ مافي شي اغلي من شرف وراح تطلعك بحزتها

سعد :انا شلون ماطرتلي هالفكره اي والله وهي بنت الحلال مافيها طق ومحافظه يعني ماتبي اي شي يخرب سمعتها
اكيد راح تخاف وتطلعني الله يجزاج خير يانوره
كنت بهم وشلتيه عني

نوره:ويجزاك خير بس لاتقول لها عن زيارتي هذي لان انا بروح لها وبقنعها ان تبيع ممتلكاتها بسرعه


سعد:افا عليج خالج سبع ماراح اقولها وانتي من تطلعين انا بكلمها

نوره(وهذا اللي ابيه):يلا مع السلامه وانشاءالله ازورك مره ثانيه بيتك بس لاتنسي اللي قلته لك وانت تطلع بظرف اسبوع

خرجت من السجن وهي متحمسه الخطوه الثالثه من خطتها نفذت وفي انتظار النتائج

وشكرت ربها علي بروده اعصابها التي كانت بامكانها ان تهدم كل الذي بنته

نظرت الي الساعه 11 ظهرا

اممممممم يمدي اروح البيت واضبط اموري

ذهبت مسرعه الي البيت

فتحت الباب لم تجد خالتها

كانت في زياره للجيران اجتماعين بطبعهم عكس ماتربت عليه لم تكن تختلط الي العالم
ذهبت الي شقتها وجدت في حاله مزريه:
اوووووف لايكون مفكر ان جايبني شغاله لابوه اللي جابه الله يلعن اللي جابته ياريته يموت وافتك منه
ومن همه

ذهبت الي الدرج واستعديت الخادمه وامرتها بالتنظيف

في اثناء ذلك اخذت شاور لكي تهدي اعصابها
وتقابل زوجها واهله بلطافه

عندما انتهت من الشاور لبست فستان بلون الليموني الهادي بخامه الشيفون وعلي صدر فتحه دائريه كبيره
وبكلف رصاصيه وعند اسفل الظهر اما الموديل فكان علي طريقه الكلوش وحرصت ان يكون بكموم طويله لكي تخرج منه الي صاله

اما مكياجها فكانت تكره طريقه مكياج بنفس نوع الموديل حركه لطالما انتقدتها لذلك لبست عدسات بلون السماء
ومسكره كثيفه ولمعه تحت العين ولون شفاه مشمشي

رفعت شعرها بوف واخره علي شكل تسريحه فرنسيه مرفوعه كانت لها خبره في هذا المجال بسبب كثره زيارتها الي صالونات التجميل فعرفت كيفيه عملها

لبست الغطاء(الملفع) الشيفون بالكرستال لكي يظهر تسريحهتها

تبخرت ووضعت قطرات الدهن العود خلف اذنيها وعلي معصميها ومفرق صدرها

نظرت الي مظهرها ومظهر الشقه وضعت لمساتها واشعلت الفواحه اغلقت الباب وخرجت

نزلت الي الدرج واجهها سلطان ابتسم بأبتسامته المغريه
:يالبــــا والله هالزول
ياجعلني ماذوق حزنه

ابتسمت نوره لم يفاجأها اعجابه تعتبره مثل اي اطراء اخر
:مساء الخير

سلطان ضمها الي صدره :يامساء النور والطيب وكل شي حلو بالدنيا مثلج يووووه نعنبوج جننتيني

شعرت بأهتياجه لذلك تداركت الموثق:سلطان الوالده تبينا تحت مايصير نتأخر عليها

سلطان انصدم لم تزورهم والدتها ولم تحضر الزفاف كيف اتت الأن:خالتي موجوده تحت ؟

نوره ليه ينصدم ان امي تجيني ولانسي ان امي موجوده وواجب انها تجيني
:لا امك بس انا اقوللها الوالده ولا هذا شي يزعلك

سلطان شعر بحساسيه الموضوع والذي يؤثر تأثير كبير علي نوره ويظهرها بعكس طبيعتها الذي تعودت عليها برقتها نعومتها رقتها
:لاياقلبي الا شي يفرحني بس انتي الظاهر اللي زعلتي لما طريتها

الا صج امي تقول انها لم اللحين موجوده عندكم وشكل عمي يبي يرجعها

نوره(عشان ارجع روحها لخالقها ):لا موصحيح
ابوي ماراح يرجعها وممكن اللحين ننزل لأمي هي فيها السكري وموزين ماتاكل بالوقت

سلطان:نوره تامر والكل ينفذ

اشرفت علي الغداء ووضعته

ارز بخاري منزوع النشاء دجاج متبل بالطريقه التركيه ومشوي سلطات لبنانيه ويونانيه

مرقه بالخضار مطبوخه بزيت الزيتون

اخذت يد العجوز وساعدتها بالجلوس
ووضعت لها السلطه والمرق
العجوز:والله يانوره هذا اكل عمري ماشفته
تسلم يمينج يابنت محمد

سلطان اعجب بلباقه نوره:قصدج يازوجه سلطان ولا انا مومحسوب بينكم

العجوز :اكل وانت ساكت هذا سنعها من بيت ابوها
نوره ابتسمت كانت تضحكها حوارات سلطان ووالدته دفئ أسري لم تشعر في بيتها

:انشاءالله يعجبكم انا سويته بدون دهن عشانج ياخالتي السكري يبيله مداراه وانشاءالله علي المغرب نروح الممشي ونادي جيرانا ويروح معانا منها توسعين صدرج وتمشين شوي ولاشرايج يمه

سلطان:اشوف تسون مشاريع وخطط وانا اخر من يعلم

نوره تصنعت الأسي وضعت الملعقه علي الصحن:اسفه سلطان ماقلت لك

العجوز تمسك الملعقه وتضعها بيد نوره:اكلي وانا امج هذا مهبول ماوراه شور انتي اتصلي علي جيرانا وقوليلهم بعد صلاه المغرب نمشي نخفف من شحومنا ماجابلنا ذا الامراض الا كثره القعده

تأملت سلطان لكي تشعره ان المهم رأيه وموافقته

سلطان تمني ان والدته لم تكن موجوده لكي يقبلها علي وجنتها ويقرصها كان شكلها طفولي ونظرتها بريئه:
والله يايمه ماراح يطيح هيبتي الا انتي
نوره:لابالعكس امي ماتقصد وطول الوقت مغير تمدح فيك ياجعل ربي مايحرمنا منك

ام سلطان ضحكت ولم تتكلم اكملت غدائها لكي تغيض سلطان

نوره:يمه اشرايج بعد مانخلص نعزم الحريم علي القهوه واتصل علي غدير عشان تعطينا ندوه دينيه
نستفيد منها ونفيد الحريم بدل الحش والنميمه اللي مالها منفعه وعسي تكون في ميزان حسناتنا يوم الحساب

ام سلطان:اي والله يانوره ذا الحريم قعدتهم تبغض سبحانه اتصلي بأختج وانا امج وقوليلها

نوره(الله يعيني علي المحاضره يووه وفلسفه غدير اللي ماتخلص بس يالله اذا ضمنت ام الولد اضمن الولد وصار ماصار هالنفاق بيفيدني بعدين):خلاص وانا قبل ماامشي بساعه بسوي الكيك والفطاير انا ماحب اكل برا ماضمنه

سلطان:وانا ويني من هالموضوع ولانسيتي انا حنا معاريس

ام سلطان:لاحق لاحق يهب يامطيره

سلطان:لايمه انتي الظاهر ماتبين تشوفين عيالي

نوره :عساه بيت عامر
وخرجت راكضه

ام سلطان:نعنبوا عدوك انت ماتفهم
البنت تنحرج ماتستحي ولاتنتخي

سلطان:يمه ماكدر حياتي الا هالحيا لاني قادر اقرب لها ولاحاجه شكل بموت ولاتشوفين ذريتي علي حياها

ام سلطان:يايمك الدنيا مانخلقت بيوم وليله انتظر شوي وبالمسايسه كل شين يحصل والله يابوك ماجاني الا بعد شهر كل مابغي يقرب جتني روعه وانقبض قلبي

اصبر اصبر

سلطان:انشاءالله يايمه انا بروح اقيل

عندما صعدت فتح باب الشقه كانت تسابق خطواته رائحه البخور وفواحه

وضعت عطر المركز علي الوسادات والفارش

وهي تقلع ثيابها كانت تردد قصيدتها المفضله بصوتها المبحوح الملئ بالدلع الذي تصنعت واصبع عاده لها
:تهز يدها كل ماهزها الفن ...وتهتز كل الناس من هز يدها

ولووولا مخافتها علي الناس تنجن...ماتكتفي في هز يدها وحدها
حوريه لاهيب انس ولاجن...ولولا المخافه قلت يوسف ولدها

ااااااااه مفروض هالقصيده انكتبت لي

رفعت ثيابها ولبست بجامة حرير بنفسجيه وفككت تسريحتها

وضعت عطر هادئ

واخذت من الثلاجه سلطه فاكهه قليله السعرات الحراريه

وعصير كيوي بمكعبت ثلج التفاح

سلطان:عزالله اني اعرست وطاب فالي

يه يه اثاري المتزوجين في نعيم وانا مدري

لونه ادري بذا النعيم كنت من مبطي معرس

نوره:سلطان تراني استحي من هالكلام اللي قلته لأمي

بليز لاتقوله مره ثانيه

سلطان:فديت البليز وابو البليز ابشري علي ذا الخشم

نوره(ياكرهي لك لو مخافه كلام الناس كان خلعتك ولانشدت ) :يسلمو وعلي فكره بكره عرس اختي بروح لها من الصبح اوكي
سلطان :وبعد العرس نروووووووح طوالي لسفريات وهناك صج راح يكون شهر عسلنا
هههههههههههههه

*


**


*


ومنهو هذي المره اللي احبته عينك اكيد مغامره جديده ياويله طاح في ادينك

هههههههههه اليوم عرسي وناااااااااسه واااااااو


نوره كانت سعيده لشوق وتتمني لو انها مثلها تتشوق للحياه الزوجيه :الله يثبتج علي عقلج شفيج انجينتي

اللي يشوفج ولايقول هذي عروس مفروض تخافين تبجين شي

شوق رفحت حاجبها ووضعت يدها علي خصرها:نعم نعم ليه ابجي مجنونه واخرب مكياجي اللي بشي الفلاني لاياحبيبتي

نوره:وهذا اللي هامج مكياجج يالفصوع

شوق: لاااااااا والله نسيتي الماضي ياساره ومها والجازي

ياكثر اساميج المستعاره

نوره:ههههههههههههه ماضي مشرف مو

شوق: هو من ناحيه مو فمووووو

واخيرااااااااا بودع العزوبيه

نوره:شكلج تبين تودعين الزوجيه بعد

نعنبوا الحظ انا سالفتي سالفه وانتي زوجج شافج مواعده شهالحظ المصخره

شوق:وانتي شسالفتج بلا صج كبير شوي بس مهنيج الا انتي اللي دراما مرتفعه عندج احمدي ربج ها انا مصيبتي مابعدها مصيبه يعني كل الخطط الاستشراف راحت خلاص شاف بعينه الحقيقه المره

نوره:هي مره الا منيله بستين نيله شنو راح تسوين اللحين صج ؟

شوق:شبسوي بستانس وبنبسط واللي يصير يصير

لايكون احاتي برج التحرير اخاف الا صج ميته جوع اطلبيلي

نوره:يابروده اعصابج هذا مصيرج ياخبله فكري شوي لاحقه علي بلعه شوق تركدي عنده وقوليله انج تندمتي عشانج موعشانه هو بلعنته وقولي هلا لو في قلبج بلا

شوق:حبيبتي هالنظام مايعجبني واذا تطلقت مو نهايه العالم بلعنتوووه المهم اليوم شبسوي انا مومثلج افكر لستعش الف سنه لقدام واحاتي واتعب عمري

مخليتها علي الله

نوره:شوق ماما ركزي شوي خليج راكده بعين الناس وانتي بينج وبين نفسج سوي اللي تبينه
بس حكمي عقلج شوي تري الناس مالها الا الظاهر والكل بكره بيتكلم فيج

كانت تريد ان تكمل لكنها اتت والدتها ببدلتها السوداء وشعرها الغجري الذي ورثتها عنها نوره

كانت تري نفسها بعد عشرين سنه عندما تري والدتها

:شوق قلبي انا حطيت الاكل هناك بغرفه الاستراحه قلت اكيد عروس ولاراح تفكر بالاكل انشاءالله يعجبج اكلي
حياج نوره معانا

نوره:ماشاءالله الاهتمام جاج فجأه اكيد باكل من حلال ابوي وانتي صدقه اكلي معانا انا معتبرتج مساعده شخصيه

شوق:اقول يمه ماعليج من خرابيطها موصاحيه عادي تقبلي

ابتعدت نوره مكمله حديثها:وعلي فكره انسي انج تردين لأبوي انا ادري بألاعبيج وقذارتج لكن والله وفي سماه لخياسج كله اطلعه عنده واخليه يجحتج مثل الجلبه يامسس حمد ولانسيتي حمد هاه

ابتلعت فاديه ريقها :انتي ماتخافين ربج جذي تكلمين امج انا لو شنو ماسويت ماتلحقين جزاتي وكفايه اني ولدتج وشربتي حليبتي ياجعله محرم عليج ليوم الدين

نوره:اوووف وبعدين متي ينتهي الموشح هذا ياريتج متي انتي واخوج راعي السجون ولاجيتونا يانوريه العن ابو اصلكم الخايس اللي نتعاير فيه وحنا مالنا ذنب

تفوا عليكم
نوره كانت تريد ان تركض خارج المكان لقد ضاق عليهاا

ولكنها تمالكت اعصابها مثل كل مره تبتلع السم وتبتسم

عندما كانت تشتمها كانت تريد ان تضمها لكنها لم تكن تري الجدوي من ذلك تعرف كل المعرفه ان والدتها ببساطه لاتحبها

لقد سمعت محادثها مع المدعو حمد وهي تخاطبه في الهاتف وتقول له عن مدي غباء شوق واخواتها لأنهم صدقوا اكاذيبها وانها تريد العدوه وتعوضهم عن الحنان والامومه الذي فقدوها وهي اسفه كل الأسف لأنها تركتهم

جلست علي الطاوله وبدأت بتناول الغداء وقلبها يحترق

اما شوق فكانت مع والدتها تواسيها لأنها بدئت بذرف دموع التماسيح

بعد ان فرغت من الطعام ذهبت الي غرفه المكياج

كانت هناك شوق مستائه:شوق يازفته لايكون زعلتي من اللي صار انتي تدرين اني ماقدر اتحكم بأعصابي اذا موجوده ولاتهتمين بشي ها تبين اطلبج وجبه تري اكلها مروح مايصلحج في لحم

شوق:انا زفتي وهذا وانا عروس مفروض دلعوني تتهاوشون

نوره:لاكلش اللي يسمعج يقول وجه متعود علي الدلع
ماشاءالله ابوي كان يقولج احبج ياشوق وانتي احلي بنت بالدنيا وسوالف الامريكان يااميرتي الصغيره ها

شوق: اوووف لاذكريني تذكرين لما كان يفشلنا عند عيال عمنا وحنا ناصبات عندهم يفشل حده الشيبه

نوره:ههههههههه المهم اخلصي اطلبلج حلوم وزعتر
شوق:اي وخل يكثر زيت الزيتون
بس ابي ثنتين مووحده

نوره:عرق جساس زعتر وزيت زيتون
مابدك دخلك شاي زهورات

شوق: تطنزين اقول لايكثر ابي بيبسي دوبه وخل يكثر الطرشي

نوره:يااامقرفه اللحين ريحه حلجج كلها بتكون خل شلون يبي يبوسج الرجال والله لينحاش وهو بالكوشه بتصرعينه

شوق:عنه ماباس وبعدين بيني وبينج عندي لصقات النعناع احط بلساني وحده وتصير ريحه ولا اروع

وجايبه معاي علج وحلاوي بتضيع الريحه

نوره:علج وحلاوي هاه حركات مواعد الفجائيه مش حالك

شوق:لكان شووووو هيدي الخبره ومابتعمل


بعد ساعات من وضع المكياج والتسريحه والتصوير الذي

تمتعت به شوق بكل لحظه

كانت تعشق الاهتمام وان تكون محط الانظار



لبست ثوب عاري عباره عن صدريه بالسلاسل الفضيه

متصله للبطن لكن بشكل خيف لكي يظهر بطنها بشكل هلالي ويكثف الي الأوراك ويغطي مؤخرتها شيفون

بعده طبقات بيضاء

اما الشعر تركته متموج

والمكياج عدسات رماديه بلمعه وظلال وردي مع الاسود

وحمره شفاه ورديه فاتحه اما جسدها فلم تضع له اي مستحضرات تبيض كانت تكره التلطيخ
وان يراها في اول يوم بيضاء كالقمر واليوم الاخر سوداء كالليلي

لذلك اكتفت بالرشاش البرونزاج

وحذائها المرصع بالألماس هديه من صديقها

عبدالله الذي قال لها هذه القدم لاتلبس الا الألماس

كل الذي بالصالون مذهول بها وبجرأتها

اما هي تمشي وبأبتسام

لبست الروب ودخلت ميزراتي

استعارتها من كبار شخصيات الكويت

اذا انذكر اسمه استدعي امن الدوله المتحدث عنه

ركبتها مع نوره

ولحقتهما نوير مع غدير
الذي خائفه ومتوتره من لباس شوق

طوال الطريق كانت شوق تغني وترقص وعيون الشباب تلاحقهم

طبعا ضحكت لهذا وعلقت علي ذاك

وصلت الي الصاله المتواضعه

في المنطقه العاشره

الأطفال قاموا بتصوير السياره

تلك الذي لم يروها من قبل ولو بالأحلام

كانت دخلتها بأغنيه هيفاء وهبي

لكن بتغير الأسم غنيت خصيصا لها

بتغير الأسم من هيفاء الي شوق



دخلت الي قاعه وهي تمسك القناع الكرستالي

انا

انا انا

شوق انا من غيري انا قلبي بتلي بعيون حلوين

رقصني انا


دلعني انا

حبيبتك انا

بعدها يأتي ريمكس قوي وضوء وردي وابيض اليها


ام فيصل تستغفر وفتيات قبيلتها تحدسها

والعجائز يشتمن

وهي تمشي بقمة السعادة ورأسها مرفوع

بكل ثقه

جلست علي الكأس الزجاجي الكبير كأنه كأس شمبانيا

عندما رأته للمره الأولي بالأغنيه الأجنبية المشهوره

لبيونسي كانت الفكره قابعه بذهنها ونفذتها في احدي مصانع الزجاج الأجنبيه وشحنتها الي الكويت

اتت صديقاتها بالجامعه وقريباتها ورقصن امامها

هم واخواتها الي ان اتي فيصل

دخل الي القاعه بأتزان شعور متضارب سعيد انه تزوج فتاه احلامه ولكنه غاضب لأنها بهذه الأخلاق المنحدرة

جلس بالكرسي الزجاجي ولم يقبل رأس العروس ولاحتي ألتفت أليها سلمت عليه اخواته وعماته وخالته
الا والدته لانها لاتستطيع من الكرسي المتحرك

عندما نزل تاركا عروسته قبل رأس والدته

ورأي الدموع بعيونها ضن بها دموع الفرح:يمه ماقدر اشوف دموعج لو نها دموع عرسي

ام فيصل :ياولدي مرتك فشلتنا بين العرب جايه وهي مفصخه وغواني ملاهي

فيصل :ماعليه يايمه والله لربيها وانا ولدتج واخليها تلعن ساعه اللي بجتج فيها

اشتاط غضبا

وامسك شوق بقوه وسحبها وهي تركض لكي لايظهر ذلك للأخرين

صعدت الي سياره صامته وهو صامت كذلك

لأنه نوره معها وهو في الأمام مع اخيه

دخلا الي غرفه الفندق

ونوره ممسكه الحقيبه

فيصل:لاهنتي يانوره تعبناج معانا

نوره:ولا انت افا عليك لاتعب ولاشي الا واجب وانشاءالله ماكون قصرت بشي

انا بروح مع شوق اهديها اكيد مرتعبه وبطلع

فيصل(هذب ترتعب الا هالاشكال متعوده عادي ) :
علي راحتج انا بروح الدار الثانيه بس مابي مصوره
خليها تروح لاتبلشني امسك ايدها سو الحركه الفلانيه

نوره:اللي تامر عليه

ذهبت نوره واخبرتها عن قرار فيصل

ركضت مسرعه له غاضبه:نعم نعم تبي تطرد المصوره لاياحبيبي هذي بفلوسي جايبتها وانت اللي تطلع موهي

متخسره كل المخاسير وماصور تبي تصورني لصبح
وانت اخمد باللي مايحفضك مو من زين الوجه اللي بصور معاه يابرج التحرير

فيصل ممسك لأعصابه احتراما لنوره:نوره لوسمحتي اخذي المصوره مابي اشوتها بنفسي

نوره:ابشر وهدي بالك تراها ورعه ولا تفهم

واللحين باخذ معاي مصوره

المصوره بعد هذا الحديث خرجت بكرامتها رافضا حديث شوق بزياده المبلغ

شوق:حقير واطي مستعجل يايمال الطيره

العن ابو القهر ماصورت واجد قلت باخذ راحتي بالفندق اووف شهالحظ

سكر الباب فيصل واتي الي شوق رأي ثوب زفافها الذي لا يصلح الي لغرفه النوم

:قومي غيري لبسج لابالنعال فوق راسج
يالرخيصه شنو اترجي من وراج لاحيا ولادين

شوق:لو انك ولد ابوك تطقني اصلا انا ابيها من الله

فيصل كان يعرف تفكير شوق ذهب الي وخلع ملابسها بالقوه
شوق: ياحيوان تبي تشق ثوبي علي بالك من سوق الحريم هذا لو ابيعك ماتسوي ربعه

فيصل رمي عليها بجامه من بجائمه:البسي هذا ادري كل ملابسج مخلعه مثلج

شوق امسكت بجامته ولبستها بطواعيه

كان شكلها حتي بالبجامه الرجاليه مغريا

ذهبت الي صاله وامسكت الهاتف

:
alo room service

I want dinner in room 12
Yes just sandwich and one kola
Thanck
الو خدمه الغرف ابي عشي
اي بس ساندويش وكول

فتحت التلفاز وقامت بتغير القنوات

تقضي الوقت به الي ان يأتي العشاء

وقف فيصل مستغربا:
انتي عروس ؟

شوق لم ترد عليه اكملت مشاهدتها للبرنامج
لذلك قام بأغلاق التلفاز
:لا جاوبتج تردين وانتي مثل الحماره

شوق بعد هذا اليوم المتعب تريد السلام :

مادري والله ماحس اني عروس ولا احس قدامي معرس

فيصل:شنو تحسين اجل واحد مثل اللي عرفتيهم قبل

:اوووف تري محد غصبك عشان تتزوجني

ومثل ما انت متضايق من هالزواج انا متضايقه منه

فيصل شعر بالأسي (نعنبوج انتي عيوني اللي اشوف فيها حسي فيني انا اتضايق من هالعالم ولا اتضايق منج )
:تبين الطلاق يعني

شوق ابتسمت:والله شي يسعدني خلنا نفتك

من هالهم وانت تزوج وحده مطوعه

تسعدك وتهنيك اما انا ماصلحلك

فيصل :اول مره تقولين شي صح فعلا انتي ماتصلحين زوجه انت بس نزوه تمر علي اي رجل ولا انتهي منها قطها مثل الجلبه

شوق لم تهتم كانت تستفيد من اصدقائها ولم يتركونها يوما دائما هي اللي تترك العلاقه فلم يؤثر بها

قبل ان ترد وصل سيرفس روم

ذهبت الي الداخل لكي يدخل العامل
الطاوله المتحركه

اتت شوق بعد مغادرته وامسكت بالطاوله وقربتها الي الكنب
:حلو حلو ماكو لحم

فيصل (هذي خبله ولاتستهبل علي انا اخبر العروس تستحي والاكل ماتاكله الا بعد اسبوع من زود الحيا بس هذي زباله متعوده علي الرياجيل )
:تري بكره مسافرين

شوق وهي تأكل :وين علي الله

فيصل: مالج شغل واغراضج انا اخذتها من شقتنا وجبتها هنيه عشان نروح سيده وقلت لنوره قبل لاتطلع عشان ماتحاتيج خساره والله هالمره انتي اختها

شوق(بلاك ماتدري الظاهر الاستشراف والتصنع جاب نتيجه):وانت بأي حق تجيب اغراضي اكيد كسرتهم اللحين دثوي ماتفهم
تركت الساندويش من يدها وذهبت لتفقد اغراضها
وجدتهم بأكياس قمامه مجتمعين العطور مع الملابس مع الأحذيه والحقائب
فككتهم وهي تتأملهم :حسبي الله ونعم الوكيل عليك هيلقي ماعنده اختراع اسمه جنطه

اوووف متي اتطلق منه وينتهي هالكابوس

امسكها من ياقه بجامه ورفعها من علي الأرض
:لسانج الوصخ هذا بقصه

داست علي قدمه وركضت الي الغرفه

بسرعه اغلقت عليها الباب

ذهب فيصل خلفها ضرب الباب:انتي علي بالج الباب بيحميج مني يلا بطليه لا اكسره

شوق اقتربت من الباب:اي بهيمه بس ماعندك الا كسر والطق متخلف
انا من باجر بروح بيت اهلي وارفع قضيه ضدك

والله لجرجك بالمحاكم يازفت عشان تدري ان بنات الناس مولعبه عندك
فيصل ضرب الباب كذا ضربه الي ان كسره وفتح

اخذ كل اغراضه ووضعها في حقيبته

وفتح الدرج واخذ الأوراق

:قومي البسي يلا اللحين بنسافر

شوق:نعم نسافر اللحين بهالوقت
ليش متي موعد طياره 6 صبح

فيصل:مابي اسمع ولاكلمه منج لا اسوي فيج عاهه

اخلصي يلا

لبست جينز وتي شيرت وعبائه ولثامها

فيصل:البسي عبايه راس

هاللبس مايمشي عندي وغيري خمامج

البسي تحت العباه شي ساتر

شوق:صج هيلق دولسي اند قبانا صار خمام لابسطات الحريم اللي كول

بابا عبايه راس ماعندي تبيني اطلع جذي تري ماعندي مانع

فيصل:والله اني كنت داري الحمدالله اخذت حسابي

فتح حقيبته واخرج عباه من محل بلاك مون
كان دائما يذهب مع خوانه أليه ويسمعهن انه غالي
وجميل

رمي العباه الي شوق
اخذتها وتأملتها وضحكت

فيصل يحاول ان يخفي فرحته

بأن ذوقه نال اعجابها
:منو يشتري من بلاك مون اللحين

صج هيلق الله يعين اللي تبي تاخذك من بعدي

والله نصيحه مني اخذلك وحده من القري تستانس علي ذوقك

فيصل:علي الأقل صاينه شرفها وبتصون شرفي

يلا البسي

*
**

*


اتت الي البيت متعبه و جلست بأول كنبه صادفتها

خلعت البالطو وصندلها والأكسسوار الذي ألمها طوال الحفله فتركت شعرها ينسدل الي اكتفاها

:كرستيا كرستيااااااااااااا

مليديااا

شكل كل الخدم نايمين ياربي مالي خلق اقوم عطشانه

تبين ايبلج ماي

ألتفت ألي الممر

امسكت مسرعه البالطو ووضعتها علي صدرها
واكتافها :لامشكور

ذهب الي الغرفه لكي تلبس البالطو تعذر انه نسي هاتفه

بعد برهه من الوقت اتي مجددا:شكلج تعبانه من العرس صح

نوير بخجل:اي والله والحمدالله ان نوره راحت بدالي للفندق ولاماتشوفني اللحين

اقترب منها وتشعر ان قلبها سوف ينفجر

جسده ابهرها نظراته رقته اسلوبه الجميل الذي لم تشهده من زوجها:عيل حمدالله انها راحت بدالج
تصدقين ميت من اليوووع

ضحكت علي عفويته:وانا بعد ماأكلت شي من اليوم
بس انا خابره الامريكان 6 عشاهم جاهز

شكل العرق ماجابك عدل

احمد:هههههههههه تقدرين تقولين وانا بعد متعود مااكل بروحي تحبين تاكلين معاي

نوير :امممممم شنو تبينا نطلب من مطعم ولااسويلك اي شي

احمد:لا انا ماحب اكل مطاعم انا بقوم اسويلج اكله

تينن تعلمتها من شيف ايطالي كان قريب من شقتي بأمريكا

نوير:مايصير رجال يطبخ والمره قاعده

احمد:هالامور هذي موعندي لكن اذا تبين ممكن تسليني بالمطبخ

نوير:اوكي انا بساعدك مع اني ماعرف بهالاكلات

بس بقطع لك بصل طمام اي شي تحتاجه

احمد :انتي بس قعدي مثل الاميره وانا اليوم بخدمتج

نوير(ياريت عبدالوهاب مثل لوشوي واصير انا بخدمته طول عمري):هههههه تسلملي والله

ذهبا الي مطبخ واخرجت نوير الطماط والجزر والكرفس
والجبنه بأنواعها

بينما احمد غلي المعكرونه وقطع الخضروات بالأله

نوير:الله يرحم اول كنت ابقي بالمطبخ طول يوم ولا احد يقدر

احمد مستغرب:ليش ماكان عندكم طباخ ولا خدامات

نوير:ههههههه اي طباخ اي خدامات لاحنا ناس علي قد حالنا خدامه وحده وعليها كل البيت وانا الي اسوي الغدي
والعشي والقهوه لأبوي الصبح
احمد:اممممم ماشاءالله عليج والوالده وينها

نوير :ااااااه امي طال عمرك ياخوي شلت شلالها ونحاشت من البيت

وباقي ياما يدرسون وموظفات ولا متزوجات

اما انا بطاليه لاودراسه ولاوظيفه

احمد:غريبه محد بهالوقت يقعد بالبيت مع احترامي لج

نوير:لا ماقلت الا الصج بس انا من بعد امي تأثرت

وكل ماكنت اروح للمدرسه كنت اسمع كلام

وانجرح لين ماقررت اقعد بالبيت

احمد:مرات الناس يكون قاسين

بس شلون تم زواجج من عبدالوهاب كانت علاقه حب ؟

نوير:ههههههه اي حب اي خرابيط انا ماعرفته ولاشفته بيوم زواجنا

ولحد يومك هذا حنا مثل الاغراب

احمد يتأمل نوير انسانه بهذه الطيبه والأسلوب والجمال لماذا لايشعر زوجها بالسعاده معها

لاحظت نوير نظراته لذلك كمل قائلا:بس انتي ماشاءالله عليج بزنز ومن اللحين

نوير:اي اللحين لما صرت غنيه الكلام اللي كنت اسمعه وانا صغيره تلاشي

كأن الفلوس تجي معاها الاحترام والتقدير لمشاعر الناس

احمد:فعلا انا لما ييت الكويت قررت اني اكون انسان عادي اخذت سياره عاديه وماقلت انا ولد منو

ودخلت الوظيفه كانت معامله المدير لي سوقيه بس اول مادري انا ولد منو تغير اميه وثمانين درجه حتي موظفين صرت انا غالي اللي ماكو مثلي

نوير:دنيا مصالح يلا مستر اهمد خلصت اكلتك

وضع الباستا في اناء كثير بعدها الخضروات تليها الجبنه

اتت بالأطباق والعصير وذهبوا الي غرفه الطعام

اخذوا بالحديث والضحك المتواصل الي الفجر

بعدها استئذنت منه لصلاه ولنوم
دخلت الي غرفتها سعيده وجدته يحادث صديقه من صديقاته

مثل العاده لم يتغير

عندما رأها اغلق الهاتف ليس احتراما لها لكن لكي يبتدي معها متعته

:صباح الخير يانوير مالت عليج وعلي هالاسم البايخ


ذهبت الي دوره المياه توضت وصلت كان منتظرها

:تبين تبينين لي انج عارفه ربج

وتصلين

نوير:عارفه ربي قبل لا اشوف وجهك العاهه

اذلف عن وجهي يلا ابي انا م ومالي خلق لبربرتك

عبدالوهاب:شدعوه انا الي ابي اشوفج اللحين

اظفر واحد من رفيجاتي يسوي طوايف اهلج


نوير: برا برااااا يلا

وبكره السياره تبي تنسحب منك

عبدالوهاب :عشان اسحب روحج

نوير: لهدرجه مهمه عندك حيل

تخاف اذا انسحبت البنات ماراح يلقولك بال

عبدالوهاب :مو سياره اللي تخلي لي مكان انتي ناسيه انا ولد منو

نوير:تري ذبحتني كل ساعه بأبوك

صج ناقص ولالك مكان

انت لو فيك خير عشان لما اللحين ابوك يصرف عليك

عبدالوهاب اراد ان يغير الموضوع لأنها فعلا صادقه ومعها كل الحق بعدم احترامها له :وانتي يالكامله وينج ليما هالحزه حفلاتكم اظن تخلص بدري

وينج طول هالوقت

نوير:انا هالمره بجاوبك عطف لحالتك

كنت تحت اكل باستا مع احمد

عبدالوهاب:شنو لايكون مخيله عليه تاخذينه من بعدي تسوينها ماتتعطلين

نوير:والله لو باخذه ابركلي علي الاقل رجال
محترم مؤدب يبي يبني مستقبله بيده

موعايش عله علي فلوس ابوه

تركته وذهبت الي غرفتها

*



**


*


















































​

 

[داعجه العين]

السلام عليكم

ماتأخرت عليكم الا لاني حبيت يكون البارت طويل

انشاءالله بحاول اني ماتجاوز الموعد يوم الاحد وانزله لكن اذا تأخرت

فالمعذره

بأنتظار ردودكم اللي تسعدني وتوقعاتكم

 

[احترت اعبر]

الله يعطيج العافيه وياليت البارت يكون اطول من جذي انتي كريمه واحنا نستاهل

 

[Asrarie]

يعطيج العافيه خووش بارت وعفيه لاتتاخرين حدي تشوقت اعرف الاحداث

 

[Miss.Beckham]

خوووش بارت
يارب ان نوير تطلق من عبدالوهاب وتاذ مستر اهمد
لوول

 

[فزالخفوق]

مشكوووووووره ع البارت
وناطرين البارت الجديد حدهااااااااا تشوق القصه

 

[Asrarie]

ناطرينج ياقلبي لاتبطين علينا