روايتي : *لإِ يغغرگ آسلوٰوٰبيّ القاسي ترى واللہہ گليّ يبيگ ِ gala q8

[gala q8]

^^ إإإن شآآء الله بكملها الحين ,,

ما ادري جم باارت لان انااكتب و انزل مااحط لهاا حدوووووود p:

 

[جوري ستايل]

اوك قلبي ننطرجج ������

 

[gala q8]

وووين ردووودكم p: .. لووول

 

[asmaa111q8]

كملي كملي معاج
نبي كل يوم بارت

 

[FuFu...]

اوووف من صجه فيصل.. بس احسن عشان لا يظلم بنت عمه المسكينه
يعطيج العافيه وايد حلو البارت كملييي بليز
ناطرينج

 

[ANGEL ~]

تجننن الاحداااااااااااث ..

كملييييييي ناطرييييييييييييينج بس نبي بارتاااااااااااااات طويله

نبي نندمج p:

يعطيج العافية حبيبتي :*

 

[gala q8]

دقاااااااااايق و أنزززل ,,

 

[gala q8]

البارت الثالث عشر ~ ..​

...​

​

الكويت .. منطقه قرطبه .. السآعه 2 الظهــر ,, ​

.
.
.​

فبيت أم راشد .. تتصل على أخوها جاسم .. بس ما يرد !!​

أم راشد : ياربي .. يا جاسم كلش ما ترد لا بجهازك اللي بلندن ولا بالكويت ! لايكون هاجر هذا ! حتى بنته لينا ما ترد !! ياربي الله يستر .. ما ردهم بيدقون وين بيروحون ! .. ​

​

دخل راشد و ميت من الحر .. ​

راشد : اووف السلام عليكم شلونج يمه !​

أم راشد تصب لها القهوه بالكوب : هلا يمه هلا حبيبي ​

راشد : ياربي براا حررر و حتى البحر يا الله رطوبه مو طبيعيه !​

أم راشد تشرب القهوه بأناقه : و إنت شعندك عند البحر !​

راشد : بصراحه كنت أسلم على رحيل .. ​

أم راشد : يا حليلها رحيل .. لي الحين تكلمها ؟ والله إنها خوش بنت الله يحفظها​

راشد : إي والله خوش بنت .. لكن وايد متعذبه من اخوانها استغفر الله ما يخلونها كلش ! .. تشتكي من اخوانها من ابوها و أخر التطورات إنهم يبون يطالبون بحضانتها .. ​

ام راشد : شنو !! أي حضانه والبنت عمرها صك فوق الـ 20 !!​

راشد : ما ادري يا يمه .. بس رحيل وايد خايفه كانها واثقه إن بياخذونها من امها ! .. والمشكله إن المحكمه ما راح توافق أصلا البنت إذا وصل عمرها فوق ال 18 خلااص مالهم أي حق إنها يطالبونها ! وينهم من 5 سنين يوم توفى أبوهم ولا ما عندهم شغل غير أذيه البنت !​

أم راشد : إي والله و إنت الصاااج .. زين ليش ما تعزمها على يوم فبيتنا خلنا نشوفها يا حليلها .. ​

راشد : امها يا يمه وايد محافظه يعني ما تحب رحيل تتعرف على شباب ولا تتلاقى معاهم برا .. اصلا حتى انا يمكن ما تبيني أكلم رحيل .. بس رحيل حسبت إختي و صديقتي أنا من وعيت على الدنيا ورحيل جدامي و كل اللي بقلبي تعرفه .. و انا اكثر واحد أعرف رحيل .. إذا حبت تتمسك بشي حلو بحياتها ما تهده أبد ..​

أم راشد : يا حليلها والله .. الله يحفظها و يحفظ أمها يارب .. ​

راشد : آمين يارب ..​

​

...​

​

رحيل ردت البيت .. لقت أمها فالبيت .. ​

رحيل : السلام .. ها ما رحتي عند خالي ؟​

أم رحيل : تعبت شوي و ما بقدار أروح لـ خالكْ .. وين كنتي حبيبتي ؟​

رحيل : كنت بالبحر مع رفيجتي .. ​

أم رحيل : .. مابدك تروحي معي ل خالك بعد شوي ؟​

رحيل : اي عادي أروح وياج .. ماعندي مانع ​

ام رحيل : كويس يا الله .. دخلي جوا و بدلي ملابسك وتعألي .. أنطرك بالسياره يا ماما ​

رحيل : حاظر .. ​

أم رحيل لبست العبايه والحجاب و طلعت و ركبت السياره تنطرها .. ​

​

...​

الساعه 3:46 ..​

​

عند لينا و مريم .. ​

لينا راحت عند بيت مريم تكلمها .. لان صار لها جم يوم ما تييهم ..​

​

لينا : يوووه مريوووم .. يعني إذا سويت ملجتي فبيت عمي بو مساعد ما راح تيين ؟​

مريم منزله راسها و متضايقه : إلا .. أكيد بجي .. بس ما راح أطول ولا راح أبات معكم .. ​

لينا إبتسمت : عااادي ميخالف .. بس من ناحيه ما تطولين يعني بتقعدين نص ساعه ! ​

مريم تخز لينا : وشو نص ساعه ! لاا راح أجلس لي نهايه الحفله .. بس يعني احاول إني اتحاشى فيصل ..​

لينا قعدت يم مريم و مسكت إيدها : لي الحين تحبينه ؟​

مريم نزلت راسها و بإبتسامه بسيطه : بصراحه يا لينا .. انا ما حبيته ليله ولا ليلتين ! .. هذا ولد عمي رابي معي .. و احبه من اول ما قالوا إني له .. و من كنت جاهل الكل قالها .. والناس كلها تعرف إني له .. ياما ناس خطبوني ورفضتهم لأجله .. و كل ما جا لي ريال كويس امي تقول إني لولد عمي .. و ولد عمي لي ! .. والحين جاي يفشلني قدام الناس و يحب غيري ! .. لا يهتم للناس بس على الاأقل يهتم لمشاعري .. من وانا صغيره وانا صاينته .. إنصدمت لمن عرفت إنه يحب غيري ! .. تدرين لو عمي ابو مساعد ولا خالتي ام مساعد يدرون إنه يبغى غيري .. بتحصل مشكله مره كبيره .. وانا ما احب المشاكل .. و إذا هو ( نزلت راسها ) يبي غيري .. فما اقول غير حسبي الله ونعم الوكيل عليها .. و إذا يبي يتهنى يجي لي و يتأسف لي .. تالي برضا عليه .. مهما يكون ذا ولد عمي .. ​

لينا دمعت عينها : تدرين مريوم .. مع إن انا ما حبيت مساعد كثر ما حبيتي فيصل .. فيصل ولد عمج وأقرب لج مني .. بس فكرت إذا مساعد سوا نفس فيصل إحتمال أموت .. انا ما حبيت مساعد الحب اللي تقولين ما اقدر أفارقه .. بس هم ما افكر إني أبتعد عنه .. ساعات ما ادري .. أحس إني مو فاهمه نفسي ! .. يعني مثلا .. لمن قمت أجابله بدوامي أول إسبوع كان عادي ما احس بحب او أي شي .. بس بعد ما عرفت إنه خطبني قمت حتى ما اروح للدوام عشان ما احس بهالإحساس الإحساس اللي يخليني أتقرب منه أكثر .. اخاف أفقده أو تخترب الملجه .. انا حدي خايفه ​

مريم تمسك إيد لينا : يووووه .. لا تخافي ولا شي .. وبعدين ترا الزواج مره حلو .. امي دوم تقول لي إن احلى شي بهالدنيا واحلى شي وهبه لنا ربنا هو الزواج .. لان كل حاجه تتغير و كل حاجه تتسهل .. قبل ماكانت لك هم بس بعد ما تكبري بتزيد همومك و زوجك دايما بيكون جنبك .. و بعدين مسااعد ولد عمي ورجال ونعم الرجال .. عمري ما سمعت عنه شي شين .. دوم كان الكل يمدحه .. و لو أقول لك السنه اللي طافت يوم أم مساعد جات بتخطب له وحدةٍ ماهي بزينه .. قام مساعد وقال انا ما ابغاها .. ولا لي نيه أتزوج .. حتى ما قال للكل أيش السالفه ..​

لينا : شنووو !! ليش شالسالفه !​

مريم تضحك : هههههه .. إستغفر الله ما احب أتكلم عن حد .. بس طلع ضاحي ولد عمي يكلمها ​

لينا فاجه عيونها و الغيره بدت بقلبها : و غنتي شدراج إن خطب و طلعت تكلم ضاحي !!​

​

مريم : هههههه ... الله يعافي هند .. الله يذكرها بالخير .. كانت تعرف كل شي يصير فبيتهم .. وربي فاقدتها هنوووده ​

لينا إبتسمت إبتسامه صغيره : هه .. إي هنود الحين بالها مو معااج حبيبتي .. هنوده بالها مع حبيب القلب .. ههههه .. ​

مريم : يوووه .. من زين حبيب القلب بس ! .. بصراحه هنوده ما تستاهله ! واحد لا شهاده ولا أدب ولا أخلاق .. مدري كيف بتعيش معاه .. ولا ادري كيف خالتي وافقت تزوجها إياه !! اصلااا مدري كيييف هنوده رح فيه !​

لينا : وي ليش شفيه بعد ؟​

مريم : أبد .. بس هو ما يحب يدرس ولا يشتغل ولا شي .. كل مصروفاته من فلوس أبوه .. بس فلوس ابوه ما راح تدوم له !! .. وبعدين اولادها راح يطلعوا على أبوهم !!​

لينا : ويييه مو مهمه الشهاده كثر الأخلاق !​

مريم : ههههه المشكله ذا لا أخلاق ولا شي ! .. الشرطه يعرفوه اكثر من أسمهم ّ الله يهديه بس و عسى يكبر مخه بعد ما يتزوج !​

​

...​

​

عند هند .. و يوسف ..​

السآعه 5 ...​

​

هند تبكي .. و يوسف يمها .. يطالع فيها و متضايق ..​

يوسف : والله اسف هند .. سامحيني !​

هند تبكي و متضايقه من جوا : مين ذي ؟​

يوسف : لا حول ولا قوه إلا بالله .. ذيوحدةٍ كنت أعرفها ..​

هند تلفت له : وليييه ما تزوجتها دامك تحبها ّ! دامك حتى بحضني تنادي بإسمهاااااا !!!!!​

يوسف وقف و كأنه مجنون وبصراخ يقول : ذي الإنسانه مااااتت .. ماتت يا هند .. ما عادت بالوجوود ! انا خلااص ما عدت أبغى هالعيشه ..​

هند تطالعه و منصدمه : ماتت .. !! إنت لي هالحين تحبها !!!​

يوسف يطالع هند وبصراحه يقول : ما اكذب عليكي و أقول لك إني ما احبها .. بس ما عدت مجنون فيها .. من ماتت وانا مكتأب بحياتي .. ولي متى و هي ميته .. ليه أعيش كذااا ..​

هند تبجي : ما ابغاك تجيني .. ابغاك تخليني لحالي شوي ..​

يوسف يطالعها : براحتك ( وبلطف أخذ جاكيته و طلع من الشقه ) ..​

وهند تمنت ترجع السعوديه و تفتك من حالها .. حبيبها و زوجها يوسف يفكر بغيرها !! .. آهـ يآ الندم على لحظات سسسعييييده .. !​

​

...​

​

طلع يوسف و ماسك زقارته و جاكيته ماسكه على كتفه و كل نفخت دخااان أكثر من الثانيه .. نزل و طلع من الفندق بكبره .. ما فكر وين بيروح بهالجو الباارد .. بس فكر إنه يبتعد عن هند أكثر و أكثر ...​

​

يوسف قعد يحدد مستقبله و يحس مشتت وبقلبه يقول " انا ما ظلمتك يا هند .. انا مظلووم زيك .. أغصبوني عليكي يا بنت خالتي .. بس انا ما ابغا أجرحك لاني حااس بمعنى الجرح .. انا ماعدت طفل زي قبل .. و أفكر بالحب زي ما افكر بالمستقبل .. انا كيف تزوجتك إنتي طفله و جاهل .. عمرك لسه 20 .. وانا أكبر منك .. ياربي وش أسوي بحالي .. ! أنا لازم أفكر .. أسسسيف خلااص ماتت .. و هند هي الباقيه .. أسسيف عمرها ما حبتني دوم كانت تستهين فيني .. و دوم كانت تعايرني على مستقبلي .. وهند وافقت فيني بكل عيوبي .. هند حبتني من قلبها .. هند غيرتني بكثير أشياء و كانت تعرف بعيووبي زين .. انا كيف ما فكرت بكذا .. والله إني ما اعرف أختاار والله .. انا لازم أتصل على عمي ابو ريم .. "​

​

واتصل ..​

​

يوسف : السلام عليكم .. كيفك عمي .. إي انا يوسف ..​

ابو ريم : و ذا من رقمه ! خط خارجي ..​

يوسف : لالا ذا رقم من لندن أخذته أمس عشان زوجتي كانت تبغى تكلم امها اليوم .. بكلمك بموضوع مهم ..​

ابو ريم : قول .. وش فيك !​

يوسف : زوجتي عرفت بموضوعي مع أسيف ..​

ابو ريم : وليه تقول لها !!!!!​

يوسف لااا انا نطقت إسمها بالغلط .. وش أسوي الحين !​

ابو ريم : سويت اللي قلت لك عنه .. ! إنت اكيد ما قربت لها ؟ صح ؟​

يوسف : .. بصراااحه يا عمي انا ما صبرت من اول ليله و ما قدرت أمسك نفسي .. واخاف تكون حامل و أتحسف .. ياااربي وش أسوي أجل !​

ابو ريم : وليييه .. وانت ما قلت ما تبغاها !! ليييه ما بقيت على إتفاقنا !!!​

يوسف : عمممي .. ذي زوجتي حلالي !!​

ابو ريم : هه .. حلالك !! حنا مو قلنا إنك تطلقها .. أجل وش تبي من حل ؟​

يوسف : مدري .. أفكر بإني أطلقها و تعيش زي الناس حالها حال باقي البنات !​

ابو ريم : و إنت تفكر عشان تعيش زي الناس ولا عشانك تحب أسيف لسه !​

يوسف : هه .. إنت غلطان يا عمي .. العشره ما تهون إلا على عيال الحراام ..​

أبو ريم مو مصدق كلام يوسف : وشو يعني !​

يوسف غمض عينه وبقهر : أسيف ماتت .. وهند رضت فيني بكل عيوبي .. وانا ما ابغى أبيعها ..​

أبو ريم مو مصدق : كوويس يا ولد أخوووي .. كويس .. أجل حل شوله !​

يوسف : أبي اراضيها .. مدري كيف أراضيها ..​

أبو ريم : ههههههه .. اجل اسمع يا ولد الناااس .. إسمع ..​

​

...​

​

عند هند .. بعد البكي .. غيرت لبسها و غسلت وجها .. و جلست في الصاله حاطه على قناه معينه .. بس بالها مع القهر اللي بقلبها ..​

و فجأه تبطل الباب .. هند ما إلتفتت .. بس يوسف دخل و مستانس ..​

يوسف قعد يمها : يووه .. الزين لحد الحين زعلان !​

هند تطالعه و كارهته : هه .. وليه .. حبيبت قلبك الميته موضوعها ما يضايقك !​

يوسف تضايق من كلامها : هند .. الحب ماهو بعيب ..​

هند تخزه : أجل روح لها .. ( بتقوم بس مسكها يوسف و حاول يتقرب منها ) ..​

يوسف : بس انا احبك يا هند .. والله احبك .. و حب ذيك البنت إنتهى من زمااان .. هند .. إنتي الإنسانه الوفيه .. وربي أحبك .. و ذيك خلااص نسييييتها ..​

هند نزلت راسها و تحاول تبتعد عنه .. بس اهوا يحاول يتقرب منها عشان يحن قلبها ... : إحلف إنك ما تحبها ..​

يوسف غمض عينه و حط إيده على إيدها وهمس بإذنها : والله ما احبها .. انا احبك​

هند تطالعه .. و تطالع ملامح ويهه كأنها أول مره تشوفه كذا ..​

يوسف فتح عينه و صارت عينه بعيونها : يا الله حبيبتي قومي .. أنا عازمك على سينما و عازمك على العشا كمان .. و اليوم بخلي خاطرك يرضا .. وش قلتي​

هند ولي الحين الضيقه بقلبها بس تآكد إن مافي القلب غير وجودها .. وبهدوء قالت : أوكي .. ​

​

...​

​

الساعه 7 .. ​

​

عند راشد , أخذ له غفوه وصحى .. وفتح جهازه .. لقى مكالمه من السعوديه .. بس اهوا ما يدري إنها من السعوديه بس عرف إنها مكالمه خارجيه !!​

راشد : منو متصل ! الله ثلاث مرات ,, هه يمكن خالي جاسم ! خل أجرب أتصل ,,​

​

عند جاسم وبنته لينا ..​

جاسم نايم .. ولينا قاعده يمه ..​

​

رن التليفون و ردت لينا .. ​

لينا : الو .. شلونك راشد شخبارك ؟​

راشد : اوووه ليوون .. انا الحمدالله وانتي ؟ ​

لينا إبتسمت : انا الحمدالله .. وينك .. أبوي من اليوم يتصل عليك !​

راشد : هه .. كنت نايم .. و توني قاعد .. إلا إنتي وينج ؟ اول ما يينا من المطار رحنا بيتكم اللي بالعديليه لقيناه مصكر !! وينكم ؟​

لينا : هههههه .. يعني ما تدري إن احنا كنا بلندن ! والحين رحنا السعوديه ​

راشد : شنوو !! شتسوين بالسعوديه !​

لينا : ابد .. بس ابوي كان بلندن و وداني السعوديه عند خوالي .. والحين انا مخطوبه لـ ولد خالي .. وباجر ملجتي ..​

راشد يضحك : اووووه اووووه .. هههههههه لالا مو من صجج ليوون .. يبا إنتي وين و الزواج وين !! تستعبطين صح ؟​

لينا مستحيه : رشوود شفيك ! لالا ما استعبط انا من صجي !! .. أبوي يبيني أملج بسرعه عشان اسافر لندن .. باجر بسافر لندن الفير و ملجتي بعد صلاه المغرب .. وابوي من اليوم يتصل عليك و لا ترد ..​

راشد : ههههه شسوي يا يبا كنت نايم .. زين .. عيل دام جذي لازم أحضر ملجتج ولا إنتي حاسبتني واحد غريب عليج !​

لينا : ههه .. لا تستعبط رشود و بعدسن غنت مثل أخوي واحنا رابين مع بعض .. وابوي أتصل اليوم على اساس يقول لك تعال .. وعلى فكره أهوا كلم عمتي .. وقال لها إنها تيي وقالت خلاص باقرب وقت راح تيي .. واكيد انت معاها ​

راشد : من صجج !! إي أكيد .. زين عيل انا توني قاعد بقوم أغسل ويهي وبدش من النت وبحجز حق باجر ,​

لينا : زين .. ما اطول عليك ابي اصكر الحين .. بخلص شغلي ​

راشد : ههههههه زين يا عروووسه ..​

لينا : هههههه يا الله بااااااي صكررر ( وصكرته ) ..​

راشد مبتسم و صكره .. وقال بقلبه " الله يهنيج يا ليوون يا إخيتي .. وعسى ربي يرزقج الذريه الصالحه " ..​

​

...​

​

عند مساعد .. نزل الصاله و لقى هاجر و امه بروحهم بالصاله ​

​

مساعد : السلاام .. ها أشوفكم لحالكم بالصاله !​

هاجر تاكل حب و تضحك : ههههه .. أجل تبغى لينا تجلس معنا ولا إيش ؟ إصبر يا رجال بكره بتصير زوجتك !​

مساعد : يووه .. من جدك .. اصلا الود ودي نخلص اليوم نملك أحسن​

أم مساعد تخز مساعد : ههههه والله ما عرفتك يا مساعد .. توقعتك ثقيل و ما تقول ذا الكلام .. ​

هاجر و مساعد : ههههههههه ..​

​

...​

​

عند لينا .. متملله من القعده بروحها ..و متوتره باجر ملجتها و كل شي صار بالسريع .. و بدلاتها مو ذاك الزود و صار فيها توتر و خووف ..​

​

و كل ما حبت تتصل على هاجر تذكرت كلام أبوها ,, إن لازم ما تتواصل إلا مع خالتها أم مساعد .. و خايفه من الحياه اليديده .. لانها بتكون إنسانه غير ..​

راح تتزوج و تييب عيال وتشيل مسؤوليه .. و يتغير جسمها و رشاقتها و يكبر فكرها .. و غيره وغيره من الأشيااء ,, ​

​

طلع أبو لينا للصاله .. ​

أبو لينا : ها يبه قاعده .؟​

لينا : إي يبا .. قاعده .. حدي خايفه من باجر ! ​

أبو لينا : هههههه .. ميخالف حبيبتي .. لو أمج يمج أكيد بتقول لج كلام كثير .. بس ام مساعد هيحسبت أمج .. و خالج بو مساعد حسبت ابوج .. ولا تحاتين يا يبه .. و أنا ما وافقت على هالزواج إلا انا عارف إنج بترتاحين معاهم .. ​

لينا نزلت راسها : انا خايفه من سالفه الزواج يبا .. انا ادري انها مسؤوليه .. وانا اخاف من التجارب و أنت تدري يبا انا ما احب أجرب كلش ..​

أبو لينا : كل الحريم جذي يا يبه .. وبعدين خالتج أم مساعد أكيد ما راح تقصر معاج ..​

لينا : إن شاء الله ... إي يبا ما قلت لك عمتي و راشد بيون باجر إن شأء الله ..​

ابو لينا : زين زين الحمدالله .. عشان توقف وياج .. و راشد يوقف معاي .. زين انا نازل عند خالج بو مساعد .. لا تنزلين خلج هنيه ​

لينا إبتسمت : حاظر ..​

​

...​

​

السآعه 9 .. دخل راشد البيت وينادي بأمه .. ما لقى احد .. وقعد بالصاله و حط ظرف اوراق و تذاكر السفر .. ​

​

و فجأه دخلت أمه .. ​

راشد : ووينج الله يهداااج .. قعدت أناديج​

أم راشد حطت أغراض الجمعيه : ماكو كنت بالجمعيه .. البيت فاضي من يينا و ما حطينا لقمه بلحجنا .. قلت أشتري شويه أغراض من الجمعيه .. و هم مره وحده لقيت يمه مطعم قلت أطلب لنا عشا .. ههههه​

راشد : إي يا أم راشد .. شكلج من رحتي مع الوالد الغالي و إنتي ما دخلتي المطبخ .. مع ان والله بخااطري بـ مجبووس دياااي أخييه .. أذكر أخر مره اكلته بعيد ميلاد أبوي السنه اللي طافت ههههه​

أم راشد : هههههه .. إن شاء الله لا رحنا لندن سويت لك بعد شتبي ههههه​

راشد : ههههه .. على طاري لندن .. خالي جاسم إتصل عليج و أكيد كلمج بموضوع لينا .. !​

أم راشد : إي كلمني و طلب مني نروح لهم .. ولا شتقول ؟​

راشد : افا بس .. شنو شقول !! أخيتي بتتزوج و تقولين شتقول ! إلا أقول إن تذاكر السفر جاهزه و كاااهي .. الساعه 8 احنا بالمطاار .. إن شاء الله ساعه بالكثير ساعه و نص احنا بالسعوديه .. تريحين شوي و تآلي تبدلين و تروحين لـ لينا .. وبعدين حجزت الفندق عشان لا نثقل عليهم .. ​

أم راشد : وإن شاء الله الفندق كشخه و خوش شي ؟​

راشد : ههههههه .. إي فندق الخليج والكل يمدحه .. العاده نروح الفندق الخااص لنا .. بس اليوم قلت نغير ..​

أم راشد : احسن شي سويته بحياتك ( فتحت الجيس ) .. زين تعال تعشا .. ​

راشد : يا الله .. ( عدل قعدته يتعشا مع أمه ) ..​

​

...​

​

​

السآعه 10:30 ..​

​

فيصل أتصل على أسيف اللي كانت تنطره يتصل .. اتصلت عليه أكثر من مره و لا رد عليها !! ..​

​

فيصل : هلا أسيف ..​

أسيف وتعض ظفرها : ياربي.. ووينك ! ليه ما ترد علي من اليوم !!​

فيصل : مافي حاجه .. بس إنشغلت شوي مع زوج عمتي و مع أبوي .. بكره ملكت اخوي من بنت عمتي ..​

أسيف : كويس .. مو ذي البنت اللي أبوك بغاها لك !​

فيصل : لا .. ذي بنت عمتي ذي بنت كويتيه .. اما ذيك سعوديه و هي بنت عمي .. ماهي بنت عمتي ​

أسيف : اها .. زين .. الحين فضيت ؟​

فيصل : هه .. إيوا فضيت .. إلا ما قلتي أمك إيش قلت ؟​

أسيف : ههههه .. ذا الموضوع اللي كنت مستعجله أقوله لك .. بصراحه امي كموافقه .. هي وافقت .. بس تقول إنها تبغا تكلمك .. وبعدين ما قلت لك كمان احنا بنروح الحين الدمام .. و إن شاء الله بنستقر هناك .. ​

فيصل يمسح على شعره : وليييه ! مبكر !​

أسيف بخوف : لأن أبوي إن عرف إني موجوده راح تصير مشاكل .. وقبل يومين أبوي طلق أمي .. و بكذا ماله دخل وين تروح .. وبنروح انا و امي و اختي للدمام و خالي من فتره لي فتره بيجي .. ​

فيصل : أجل خلاص .. انا بقول لابوي إني بعد ما اتخرج بشتغل فالدمام .. و بكون متزوجك و خلاص !!​

أسيف : يوووه .. فيصل .. إنت متى تخلص من لدراسه بجد ! هههههه​

فيصل : كلها سنتين و كذا و اخلص !! و هالحين إذا تبغين نملك انا موافق .. بس الاهم إنك ما تروحين من يدي ..​

أسيف إستحت : بجد تحبني ؟​

فيصل : يالبيييه .. وربي أحبك أسيف .. هالحب ما حسيته بغيرك مدري ليه .. عمري ما فكرت أكلم بنت او أحس بالحب إتجاهاا​

أسيف شاكه بالكلام : وبنت عمك !​

فيصل : هه .. بنت عمي على عيني وعلى راسي .. وانا بصراحه حسيت إني معجب فيها .. ولان الكل يقولوا إن لبعض و من حنا صغار .. بس انا عمري ما حسيت إني احبها .. و عمري ما حسيت إني أبغا أكلمها او إني اعرف عنها أي حاجه زياده !! .. ما اعتقد إنو إسمه حب .. انا حسيت الحب معك والله ..​

أسيف مستانسه : أجل لا تفكر فيها .. :$ .. و ذا ماهو حب .. مثل ما قلت إعجاب بشخصيه وبس .. ​

فيصل : ههههههه .. أجل كذا .. ​

أسيف مستانسه : أيوااا p; .. ​

​

​

...​

​

 

[gala q8]

ما ادري ليش أحسه شويه :eh_s(10): !! مع إنه 16 صفحه بالوورد :\ :rgewrg:

 

[ANGEL ~]

متااابعيييييييييييينج كملللللللللي ..

 

[gala q8]

إنْ شـــــــــــــــــــــــــــآآآء الله :$$$$$$$$$$

 

[ANGEL ~]

ويييييييييينج ؟

 

[جوري ستايل]

روعهه
ونااسه اليوم ملجت ليون امم ليش فيثل يسووي جذي اففف منه
ناطربنجح

 

[FuFu...]

روووعه البارت يعطيج العافيه حبيبتي
واي وناسه متى تملج لينا احس راح تصير احداث تونس ههههه
و اتوقع فيصل راح يتزوج اسيف اكيد.. بس صج تكسر الخاطر مريم
و ناطرين البارت الياي لا اطولين :eh_s(7):

 

[gala q8]

تدرووون ردووودكم و تخيلكممم معااي يزييدني حمااااااس لوووول ,,

كاااني بكممملها و أنزلها إن شاء الله إذا لقيت إن البااارت طووووويل و ويسوى p; بس إن شاء الله ما راح أطول

 

[gala q8]

البارت الرابع عشر​

​

,,,​

​

عند رحيل و أمها و خالـــــــها .. ​

​

رحيل تطالع أمها اللي فيها النوم .. ​

رحيل : ماما .. خلينا نرجع البيت ..​

أم رحيل : الساعه كم ؟​

رحيل تطالع تليفونها : يما الحين 10:37 .. خلينا نرجع المستشفى بيصكر بعد شوي ..و بعدين خالي طااب و صار أحسن .. و الحين اهوا نايم .. وبعدين .. كلها جم يوم ويطلع .. يا الله خلينا نمشي ​

ام رحيل : كويس خلينا نمشي من هون .. بقد أناتعبت كتير .. بدي نوم كتير .. بكره جيبيني هون .. لاني بعرف ما بقدر أسوق ..​

رحيل : حـــاظر من عيــــوني .. بس قوميخلينا نروح نريح شوي و نيي باجر هون .. يا الله ..​

أم رحيل : يا الله ... ( تلبس حجابها ) .. ​

​

...​

​

​

​

​

وصــــــــــــــآر بـــــــــــآجر ​

.
.​

الســـــــــــــآعه .. 10 صبآحآً .. ​

​

لينا .. و لـ أول مره تفتح الستاره الصبح ..و تطل على الشآرع " الحاره " و الخوف يرتجف بين ضلوعها .. ​

تفكر إن فتره العزوبيه راحت .. و إن فترهالزوجيه يات .. و إن راحت فتره الزوجيه ما راح ترجع العزوبيه بتكون إما أرمله أومطلقه !! ..​

​

.​

.​

.​

​

في فنــــــــدق الخليــــــــــــــج .. ​

​

دخل راشد مع أمه .. و أم راشد لابسه العبايهالشياكه .. والحجاب و شعرها من جدام مبين شوي .. و راشد لابس بنطرون و قميص و لابسساعه ماركه .. و تليفونه الجالكسي بإيد و تليفونه البلاك بيري بإيد ..​

راشد عند الإستقبآل : .. يعطيك العافيه .. بسجم رقم الغرفه ؟ ​

رجل الإستقبآل : 1202 ..​

رأشد : يعطيك العافيه يا الغالي ..( إلتفتعلى أمه ) .. يا الله مشينا .. بنصعد ​

أم راشد مشت : زين .. لا تنسى تتصل على خالك.. تقول له إن أحنا وصلنا .. و هم لا تنسى تدق على لينا تقول لها إني بييها الساعه11 .. فخل تدز العنوان​

راشد : هههه .. حاااظر .. في أوامر ثانيه ؟​

أم راشد : هههههه نو مغسي .. ​

( وصعدوا الأسنصير ) .. ​

​

...​

​

عند أم أسيف و أسيف و جنى و أبو روان"أخو أم أسيف " ​

أم أسيف تصكر الجنطه : و بكذا خلصنا .. ​

ابو روان : يعني خلاص ؟؟ ناوين تبتعدون كذا ​

أم أسيف : وليه البعد ؟ حنا مردنا في بلدنا.. وبعدين الدمام منطقه مره جميله .. وبناتي بيرتاحو هناك .. وبعدين انا لقيت شغليهناك ليه ما اروح و أشتغل ! .. انا من بعد الطلاق ما عدت أبغا حاجه غير راحتيوراحه بناتي .. وبعدين انا محتاجه لدخل لي و لبناتي !..​

أبو روان : افا يا إختي .. انا كل فلوسي ومالي لك و لبناتك ..​

أم أسيف : ادري يا اخوي ما راح تقصر .. بسإلسان زوجتك لو يقصر .. وبعدين انا ببتعد عشان متعب " ابو أسيف " ماابغاه يعرف إن أسيف موجوده !! ​

أبو روان : براحتك يا الغاليه .. زين خلصتواأغراضكم ؟​

أم أسيف : إيوا .. ( تلبس حجابها و عباتها وأسيف كمان .. )​

أبو روان فيه إبتسامه وقال : أنا تزوجت .. ​

أم اسيف و أسيف و جنى منصدمين .. !​

أبو روان إبتسم : هه .. شفيكم .. إيوا تزوجت.. ​

أم اسيف منصدمه : و ميييييييين تكوون ذي !هههههه وليه ما قلت لي يا اخوي لأجل أفرح معك !​

أبو روان : رجااء .. صديقه أم روان .. ​

اسيف : وشوووووووووووو !! ... خاله رجاء ماغيرها !​

أم أسيف : وشوو .. و كيف ! ومتى ؟​

أبو روان : بصراحه .. مره جات عندنا بالشركهعندها معامله و تبغى تخلصها .. ومنها .. تتشكى من أم روان ومن تعاملها معكم و منبعدها .. طلبت يدها يعني و أم روان ما تدري بالموضوع .. بس حبيت أبلغكم .. وتقدروا تتواصلوا معها ​

أم أسيف: انا من جد منصدمه وليه تسوي كذا يااخوي ! هههه .. انا مدري افرح و لا أحزن .. هي من جد إلسانها مره كبير .. و مالهااي معنى بتصرفاتها .. بس تظل زوجتك .. ولو على الأقل تقول لها إن صديقتها هي زوجتك!! ياربي .. وليه تسوي كذا يا اخوي .. بكره تفرق بينهم ! وبين صداقتهم !​

أبو روان : هههههه .. لالا .. اصلا رجاااء ماتحبها .. و كل مره تقول إنها تلزمها بالجيه لهنا .. وتقول إنها تجي عشاني .. يعنيمعنى للحب ههههههههه ​

أسيف : من جد خاله رجاء طلعت ماهي بهينه .. ​

أم اسيف : أسيـــــف خلاص .. ( التفتت علىاخوها ) يا الله خلنا نمشي .. ​

أبو روان : يا الله .. انا اطلع الشنط معالشغاله .. ( وطلع ) ​

​

...​

​

عند رحيل و أمها بالسيآره .. عند بابالمستشفى ..​

أم رحيل : بتركني السياره وبتطلعي لـ فوء ,,,​

رحيل : لا يمه .. بروح الجامعه بسجل مواد حقالجامعه و بستفسر جم سؤال حق القوائم و راجعه .. ما راح أتأخر عليج ​

أم رحيل : ما بعرف ليه ألبي ما بيرتاح من ديالطلعه .. أعوزُ بالله ...​

رحيل : ههههه .. شبيصير فيني يا الغاليه ..ما راح يصير شي إن شاء الله ...​

ام رحيل : سووئي على مهلك اوكي ماما .. و أولما توصلي الجامعه إتصلي علي ​

رحيل : هههههههه .. حاااظر ...​

​

نزلت أم رحيل للمستشفى و رحيل كملت طريجها ..​

​

...​

السآعه 11 .. ​

​

لينا تنطر عمتها بعد ما أتصل عليها راشد وطلب العنوان .. ​

لينا تفكر لو كانت بهالدنيا اللي هي موجودهفيها جولي .. ولا أمها رحمه الله عليها .. كانت هالدنيا كلها بخير .. جان حست إنهاما هي وحيده .. ​

​

لينا بقلبها تقول " ليت لي أخوان ولاحتى لو أمي موجوده .. او جولي .. على الأقل ما احس الحين بإني بغربه .. صعبههالدنيا إن الإنسان يعيش بروحه .. يحس إنه يتيم بكل شي .. حتى لو أهل عيال خوال أوعمام .. بس بظل بروحي .. ما ادري ليش أليوم أحس إني يتيمه و أحس الضيقه ماليه قلبي!! .. ودي أقول خلاااص ما أبي اتزوج .. والله خلاص ما أبي شلون أرفض الحين واليومملجتي ! وباجر سفرتي .. ياربي .. شسوي ! وينج يا عمتي أوقفي معاااي أبيج يمي , احسإن الضيقه اللي بقلبي مو طبيعيه " .. !​

دخل الصاله أبو لينا و لابس الدشداشه "الثوب " و يعدل الغتره .. و يطالع لينا .. و إبتسم ... وقآل ..​

أبو لينا : صباح الخير ​

لينا التفتت بسرعه والدمعه بوسط عينها : صباحالنور .. ​

أبو لينا : ششفيج ؟ شكلج متضايقه مو مستانسه..​

لينا : لا أبد سلامتك يبا , بس خايفه شوي (إبتسمت إبتسامه بسيييطه حييل ) ​

ابو لينا إبتسم حييل : إي يبا هذا عادي ..حتى عمتج قبل لا تتزوج كانت تبجي و قبلها بجم يوم بس تصارخ و تعصب .. وبيومملجتها شفتها وقلت لها شفيج .. قالت ليإنها حاسه بضيقه .. عاد شكيت إن ريلها مضايقها .. بس يوم قلت لأمي قالت هالشي عادي.. ميخالف يا يبه .. هذي سنه الحياه .. ​

لينا ارتاحت شوي : يبا ما تبيني أكوي لكغترتك ؟​

أبو لينا : ليش معفوسه ؟​

لينا إبتسمت : لا يبا .. مو معفوسه ..​

أبو لينا : هههههه .. روحي قومي زهبي نفسجيبا يا الله .. وانا بنطر لين ما تيي عمتج .. وراشد .. قلت باخذ راشد عندنا شغيلصغير .. ​

لينا : إن شاء الله .. ( قامت و راحت دارها )..​

أبو لينا طلع الأوراق اللي بإيده .. و طالعهمبكل حسره .. و طالع زول لينا .. ونزل راسه .. ​

​

...​

​

عند راشد و أمه .. ​

راشد يطل على البيت : أعتقد إن هذا هو البيت..​

أم راشد تفصخ نظارتها : زين .. إتصل عليهم خلينزلون ياخذونا .. فشله ندخل على أهل البيت جذي و اهما ما يعرفونا ! ​

راشد : حاظر .. ( إتصل على لينا ) ..​

​

...​

لينا بدارها قاعده و ماسكه اللابتوب .. تسمعأغاني .. وفجأه صوت التليفون رن ..​

​

لينا مستانسه : الوووو .. هلا رشود .. ​

راشد : هلا ليووون شلونج ؟ .. أقول لج ترااحنا وصلنا تحت ..​

لينا تطل من الدريشه بس تشوف ظل السياره لانمظله السيارات مغطيه عليهم : زين .. نزلوا .. انا بطرش لكم أحد ياخذكم .. ابويمانعني أنزل يقول البنت حلاتها تقعد فوق و ما تنزل .. يعني لزوم الإتكيت هههه​

راشد : هههههه إخس بس .. زين .. عيل طرشي لناأي أحد ..​

لينا : اوكي .. باي ( وطلعت لأبوها وقالت له.. وقال لها إن اهوا بينزل لهم .. و بالفعل نزل ) ..​

​

...​

راشد يبوس راس جاسم ..​

راشد : هلا بخاااالي شلونك شخبارك ؟ ( ومنصدم من شكل خاله الهزيل )​

و أم راشد تطالع أخوها و منصدمه : جاسم ! ..يأ اخوي شفيييك ! وين البنيه وين الجسم ! لا حول ولا قوه إلا بالله .. !​

ابو لينا بضيقه داخليه : الحمدالله على كلحال .. وبعدين انا كبرت ما عدت الأولي .. ​

أم راشد : يا أخوي كلها جم شهر ما شفتك فيها.. ! زين خلنا ندخل .. ​

أبو لينا : لالا .. أنا وراشد عندنا مشوارأبيه يوديني .. و إنتي روحي عند هذاك الباب تلقين أسنصير دخلي وضغطي رقم 2 و يوديج..​

أم راشد : حاظر .. ( مسكت جنطتها ) .. بسلازم نتكلم لمن ترجعون ... حالتك مو عاجبتني يا أخوي .. عن أذنك ..​

​

...​

​

راشد : أمر خالي شفيك ؟​

ابو لينا مسك راشد : إمش اركب السياره و أقوللك وين توديني .. ​

راشد : حاظر خالي .. تفضل ( وركب السياره ) ​

​

...​

​

عند لينا .. و رن جرس الباب ..​

لينا فتحت الباب و مستانسه : عمتتتتتتتي .. (لمتهاا )​

أم راشد : ابوووووي و طويف أهلي بنت أخوي ياالغاليه .. ​

لينا مستانسه : شلونج عمتي شخبارج !! (والدمعه بعيونها )​

أم راشد تتكلم بدلع : يا حياااتي ليش تبجييينلالا .. ما ابيج تبجين بيوم ملجتج يا قلبي .. ( ترفع ويه لينا بيدينها ) .. يا قلبي لا تبجيين ..​

لينا تبجي و منهااره : عمممتي .. ما ادريشسوي من دونج والله .. من أمس وانا خايفه ما ادري شلون بطلع جدامهم ولا احد مناهلي يمي .. تمنيتج معاج و تمنيت أمي الله يرحمها و تمنيت جولي بعد .. تمنيتكمكلكم حولي .. كنتوا لي مثل الأم .. والله ما ادري شسوي من دونكم ! ​

أم راشد دمعت عيونها : أمج يا لينا كانت دومتقول لي إنها بتشوف بنتها و هي تتزوج .. و بتصير يده .. و تقول إنها دوم بتطلعطفله بعين أخوي جاسم .. أمج يا لينا تمنت تشوفج تكبرين جدامها .. ( وقامت تتذذكر )..​

​

::: سنه 1992 :::​

​

أم لينا كانت بالعشرينات من عمرها .. تزوجتجاسم و هي صغيره .. أم لينا كان شعرها طويل يوصل لي تحت ظهرها .. و كان لونه بنيغآمج شوي و طبيعي و كان كثيف .. كأنت مأخذه ملامح الأصآله والبداوه .. كانت لمنتقعد ولا توقف كانت ملكااان .. بمكانها .. كانت تتمنى تكون أم حالها حال أي إنسانهبهالدنيا .. كانت تحب البنات أكثر من الصبيان .. كانت تتمنى تعيش اميره بيد جاسم وبس .. عيونها ما مر على عين بدويه .. و خشمها .. مثل السيف .. و شفآيفها مليآنه ..و خدودها بإبتسامتها تشرق .. ويها ماهو طوالي ولا هو دائري ,, كآنت تجذب الرايحواللي راد .. و كآنت أنيقه دآيما تحب تطلع أنثويتها .. و هالشي كان يحر قلب جاسملان أم لينا تحب الأناقه و كآنت تطل جدام الكل بأناقتها .. ​

​

...​

أم لينا ( رهف ) توها داخله البيت .. ومستانسه وقالت : تهاااني ( ام راشد ) باااااركي لي ..​

تهاني تحط المجله من إيدها : مبروووك على شنو!​

رهف مبتسمه : انا حااااااامل .. ​

تهاني : مبروووووووك حبيبتي .. و أخيرا بصيرعمه .. هههه​

رهف : هههههه .. إلا انا واخيرا بصير ام ..اما مره مستانسه .. والله هالشعور أجمل شعور حسيت بووه ..​

تهاني : هههههه .. إي والله هالشعور أحلىشعور .. ذكرتيني يوم يبت راشد الله يحفظه .. كانت احلى أيام بحياتي يوم إني ولدتهو يوم إني شلته .. ​

رهف : يازين راشد .. بكره يبكر و تشوفينهدكتور ولا مهندس إن شاء الله .. ​

تهاني : آمين الله يسمع منج .. عاد أهواالحين صغير توه عمره سنه .. خل يكبر و إن شاء الله بزوجه فلي فبطنج إن شاء اللهإذا صارت بنت هههههه​

رهف : ههههههه .. عاد بجد بخاطري فبنت ..البنت غير .. البنت زي اللعبه أبغى البسها و احط لها مكياااج و أعدلها .. وعلىقولتكم نكشخهااا هههه​

تهاني : هههههه .. إي حبيتي هذي بنت جاسم موبنت أي احد .. إلا صج قلتي لجاسم ؟؟​

رهف : هههههههههه لا إتصلت عليه قلت إلوه يجيالبيت و اول ما يجي راح أقول له .. ​

تهاني : زين اكيد بيستانس .. ما تدرين شكثرجاسم يحبج و خاصه إذا طلع الطفل منج إنتي .. ​

​

::: وعند لينا و تهاني ( أم راشد ) :::​

أم راشد دمعت عينها و تطالع لينا كآنها تطالع أمها .. ​

ام راشد : يا الله يا يمه .. خلينا نروحنجهزج .. ​

لينا : يا الله .. ( وتمسح دموعها ) ​

أم راشد و ظلت شكل أم لينا بالمستشفىبالذآكره .. ​

​

::: بعد ولاده لينا بكم شهر :::​

​

تهاني ماسكه إيد رهف اللي مطروحه بالفراشوبالمستشفى ..​

رهف والتعب باين عليها : تهاني .. بنتي ..بنتي خليها بعيونج .. مالها غيري و غيرج يا الغاليه .. هي أمانه برقبتج .. ​

تهاني و الدمعه بعيونها : رهف عسى ربي يقومجبالسلامه و تربينها و تشوفينها عروس يارب ..​

رهف إبتسمت بتعب : إذا الله كتب لي عمر ..لكن أنا حاسه إن يومي قرب مره .. و وصيت صديقتي جولي تراعيها لين ما أرجع البيتإذا ربي كاتب .. و إذا ما رديت خلي جولي تراعيها ..​

تهاني : افا .. وانا وين رحت ؟ و إنتي إن شاءالله اللي راح تربينها و محد له يحق يربيها غيرج ​

رهف : إنتي يا الغاليه مكانج موجود .. بسريلج من ديره لي ديره .. لكن جولي هذي ديرتها .. و إن سافر جاسم أكيد راح تسافرعشان لينا ..​

تهاني و تبجي : رهف شدي حيلج كثر ما تقدرين.. تكفين من دونج أنا اضيع .. والله أضيع .. ​

​

::: عند أم راشد و الدموع غرقانه فيها .. :::​

أم راشد وبقلبها " ليييييت الزمن يعووود.. و أقول لج شكثر فقدتج يا رهف .. فقدتج أكثر من أمي و أبوي " ..​

​

...​

عند أسيف .. تكلم فيصل بالتليفون ..​

أسيف : إيوا .. انا لااازم أطلع هالحين ..خالي بالسياره منتظرني ​

فيصل : و كيف بتصل عليك بعدين ؟​

أسيف : انا بيكون معي ذا التليفون و فتحتالخدمه فيها أمس بس يبي لي وقت أتعلم عليه .. ​

فيصل : ماشي .. خلي جهازك مفتوح لا أشوفكتصكرينه مني .. و إسمعي أنا بنشغل شوي لان اليوم ملكه أخوي على بنت عمتي .. و اناإن شاء الله كلها مسأله وقت و كم يوم انا عندكم بالدمام .. و أبغا أفاتح أمك فيالموضوع ,, هي تبي تواجهني بس الوقت ما مدى نتكلم ..​

أسيف : أوكي .. حط بالك على نفسك .. انا لازمأصكر الحين خالي برا .. منتظرني الكل بالسياره ​

فيصل : إن شاء الله .. حطي بالك على نفسك ..​

أسيف : حااااظر .. مع السلامه ​

فيصل : حافظك ربي .. مع السلامه ( وصكروه )..​

​

...​

​

السآعه 6 .. ​

​

أم حمد تطالع مريم : وش فيكي ؟​

مريم : ابد .. مافيني إلا العافيه .. ( تسوينفسها مستانسه ) .. بس أبغا أكلمك بموضوع ..​

أم حمد : وش فيكي ؟ ​

مريم : انا ما أبغا فيصل يكون زوج لي يا يمه..​

أم احمد كأن أحد طرقها طراق تتكلم بهدوء :وشو !! ماني فاهمه يعني كيف !​

مريم قعدت و إهيا ما ودها تقول هالكلام :إيوا .. مثل ما سمعتي .. فيصل يا يمه ما يبغاني وانا ما ابغا أكون عاله على حد ..​

ام احمد : وش ذااا الكلااام أنا أشك إنكإنهبلتي ولا إنجنيتي !! وش فيكي ! العاااالم كلووو يعرف إنك له ! تبغين تطيحيوجيهنا قدام الرجاجيل والناس !!​

مريم منصدمه : وليه أطيح وجيهكم !! .. إسمعييمه .. فيصل قالها بإلسااانه و دااامه قالها انا عفته من قلبي .. ​

أم احمد : متى قال لك و وش قال لك !! ​

مريم بجديه : قال إنه ما يبيني .. مومباااشره لا وربي فوقي .. بس هو .. يعني آآ ... آآ ​

أم احمد : وشوووووو شفيييييييه !!!​

مريم نزلت راسها كأنها هي الغلطانه مو هو !.. وقالت : هو يحب وحده إسمها ساره .. ويبغاها زوجه له .. وانا يا يمه كبرت كلهاأشهر و ادخل الـ 19 .. واللي زيي تزوجوا من عمرهم 17 سنه .. وانا ما ابغا أكون محجوزهلإنسانه بيوم يجي و يتركني !! .. انا هالحين رايحه لحفله و بستانس و بنسااه و لاكأنه بيكون جزء مني يوم من الأيام .. بكره لا جا أحد و خطبني منك .. وافقي و مندون لاتاخذي شور حد .. انا ماني عايشه على أثر إنسان ما يبغاني ​

أم احمد : لحظظظه هدي وش تقولين ! الكل يعرفإنك له و هو بنفسه يوم أمه سألته و كل سنه و كل مره تساله و يقول إنه يبغاكي .. !ويا يمه أكيد إنتي فاهمه الموضوع غلط !!​

مريم م عيونها بتنزل الدموع منها مثل النهربس تحرق قلبها عشان أمها ما تحس فيها : يممه .. يا حبيبتي إسمعيني .. هو بنفسه قاللي ! وانا إحترمت رايه .. و بعدين هو قالها لي بطريقه سلسه .. يعني فعلا أقنعني ​

أم احمد : ويقنعك بوشووو ! .. و الله يا مريمإذا طلع كلامك صدق والله لو تنطبق السما على الأرض ما أخليه تتزوجيييه و إذا طلعتيكذابه لا بكره أخليكم تملكو على بعض ..​

مريم إستانست شوي لان أمها بتوقف في صفها ليوقفوا ضدها الناس : والله يا يمه .. إني انا بنفسي راح أثبت لك .. و إذا منتيمصدقه سألي لينا و سألي هند و هاجر .. كلهم يعرفوا بالموضوع .. هاجر كانت معي يومكلمني .. و هو تعذر لي يا يمه .. و خلاص !! (( بالأصل لا تعذر لها ولا هم يحزنون.. إلا بيوم اللي عصب و ذكر لها إن ساره " أسيف " اشرف منها .. لكن مريمما تحب المشاكل .. خاصه إن أبوها متكل كل أموره على أبو مساعد <- اللي هو أبوفيصل .. و هي ما تحب تكبر السالفه لي الحريم بعد هالسنين كلها .. !! فقالت إنها قاللها بطريقه حلوه .. لكن الله يسامحك يا فيصل ما عرفت قدر مريم زييين .. حتى لو كانالحب صوب أسيف فهذا حقك .. لكن ما تحكم بقدر إنكتب قبل لا يصير و تغير إحساسك وإحساس إنسانه حبتك و صانتك عشان إنسانه " أغرتك بشكلها و بمصيبتها !! )) ​

أم أحمد : زين يمه .. روحي إلبسي فستانك .. وتكشخي و حطي مكياجك و مالك شغل منه .. و إذا طلع الكلام ذا صدق فأنتي يا بنتي ياكثر من خطبك يوم تخرجتي .. و أكبرها و أسمنها .. وقلنا مالنا غير ولدنا اللي هومنا و فينا .. لكن للأسف ما توقعته كذا أبد .. ليته طلع مثل أبوه ولا أمه ولا أخوهمساعد .. روحي يا يمه .. ​

مريم إبتسمت : يمه وش فيكي ! ترا انا اليووومأفضل إنسانه بهالوجود .. اليوم ملكت حبيبتي ليااان .. ولا تتوقعي إني بزعل عشانإنسان باعني يا يمه .. ! على قولتك و قول الناس .. يروح و يجي غيره مليووون .. ياالله عن أذنك ترا من جد تأخرنا هههههه .. ( وراحت و كلها حزن ) ​

أم احمد : أجل يا الله انا خلصت بس باقيمكيااجي .. ( وراحت غرفتها ) .. ​

​

...​

​

السآعه 9 و الكل موجود بالبيت ..​

دخلت هاجر عند لينا ولقتها لابسه اللبسالأخضر ..​

هاجر : واااو .. وش ذااا .. !​

لينا : ههههه .. هذا النفنوف يابته عمتي لي.. قالت لي حق اليلوه ..​

هاجر : اوووه و بتعمل لك يلوه !! مره كويس !​

لينا : إي بس هذي يلوه كويتيه غير هههههه ..​

هاجر : إي مره كويس .. خلينا نشوف أجل ,,​

لينا تاخذ نفس : حدي خايفه .. ​

هاجر : ليه ؟​

لينا تطالع هاجر : اليوم بصير زوجه .. وهالشعور يخوف والله ..​

هاجر إبتسمت : دوم كنت أنتظر هاللحظه اللياكون بمكانك .. هالحين بيصير عمري 24 سنه ولحد الحين ما تزوجت .. و ليتني أقدر بسحس بشعورك ​

لينا : هههههه .. والله شعور يلوع الجبد ..شعور خوف و بوناسه و ما ادري ما ادري شلون أشررحه .. بس حدي خااايفه والله ..​

هاجر : ههههه .. من قدك عروس و ذي ليلتك ​

لينا : هههههه .. زييين تعااالي ملجوا ؟​

هاجر : لا لسه .. ​

لينا : ليش ؟ انا ابوي قال لي قبل الـ 9 !!الحييين 9 وبتبدي الحفله ولي الحين ما ملجت ؟؟؟​

هاجر : إيوا .. هالحين بيجيبون لك الدفترتوقعي و تنتهي السالفه و وقتها بتكوني زوووجه أخوووي ههههههه​

لينا : هههههههه ..​

​

طق طق طق .. <- البـــــــــــــآب ينطق وقلــــــــــب لينــــــــآ ينطق أكثر !​

​

لينا ترجف : يممممه ..​

هاجر : هههههه وش فيكي ! أكيد ذي الخادمهجابت الدفتر ..( وتفتح الباب )​

مريم : لاااا ذي أنا .. و معي الكاميرا ..مساعد وصاني أصورها و هي توقع ههههههه​

لينا منصدمه : لالاااااااا مريووم أمااانهلالاااا ​

مريم تشغل الكاميرا : ههههههه .. يا اللهليوونه قووولي هااااي ​

لينا مستحيه : سسسسخيفه صكريييهااا​

هااجر : يوووه وش يفكك من مريووووم هههههه​

​

طق طق طق .. <- هالمررره جدددد لينابتطيييح من الخوووف ..​

​

الخادمه مستانسه : مدام هاجر .. ( و ماسكهالدفتر )​

هاجر تمسكه : بسم الله .. سمي ليوونه و وقعيهههههه​

ليان ترجف : لالا .. خلاص هووونت ​

مريم تخز لينا : وش اللي هونتي !! ​

لينا تحس فحرووره وفبرووده بنفس الوقت !! موعارفه شهالشعووور ... خوووف و لا وناااااااسه !! ...​

هاجر : إسكتي يا مريم خليني أهديها .. ( تمسحعلى ظهر )) لينا : إسمعي يا لينا وقعي و بعدين بتحسي إنك فرحاانه بس ذي مشكلهبسيطه تصير للكل .. !​

​

و فجأه دخلت عمتها .. ​

أم راشد : ها يمه لينا .. شفيج ؟​

لينا تبجي : ااخاااف .. ما ابي أوقع​

أم راشد : ههههههه يا يمه وقعي .. يا يمهشفتي أمس اللي قلت لج عليه ! هذا اهوا الشعووور يا يمه خوف و ما تدرين شتسوين بسهذا شي عاادي يصير حق كل البنااات .. ليش تخافين يا يمه ..يا الله حبيبتي وقعي وخليها نفرح الكل نااطرج تحت و إنتي تأخرتي بعد يا قلبي يا الله وقعي ..​

لينا مسكت القلم : عمتي بس خلج يمي على طولوالله ما ادي شسوي بعدها ..​

أم راشد إبتسمت : يا الله يا قلبي .. وقعيوانا بعدين كله ويااج وين بروح ! أنا ييت هنيه عشااانج .. و راح أرجع السعوديه بعدما ترجعون من لندن .. فيعني بكوون معااااااج لييين أتطمن عليج يا قلبي ..​

لينا خذت نفس : زين .. وين أوقع ؟​

هاجر إبتسمت و مستانسه : هنااا .. شوفي فينإسم مساعد إنتي قدامه ..​

لينا قرت إسمه و وقعت جدامه .. و يوم وقعتقلبهااا طااااااااااااح من طووله .. و من مكاانه و من كل معاااني الطيييحاااتطااااااااح .. !​

​

هاجر صكرت الدفتر : كلووووووولوووووووووليي.. ​

مريم و هي ماسكه الكاميرا : و هذهالنهااااااااااايه السعيده يا مسااااااعد​

​

...​

​

و سووو لها اليلوه .. و طلعت من مكان الحفلهو بدلت لبسها ​

​

بغرفتها .. لبست نفنوف سمبل لونه لحمي و داخلاللون الأبيض و الفضي معااه .. و مسويه تسريحه بسيطه ..​

​

...​

​

عند مساااعد .. ماسك أعصابه نااطر لينا تنزل.. و قاعد بالغرفه مع أخته هاجر ,, و هاجر تطالعه و تضحك على شكله ..​

هاجر : هههههههههههههه .. وش فيك يا أخوي !يا مجنون لينا ..​

مساعد يسوي روحه مو مهتم : هااا .. لا مافينيشي .. بس فينها كانها طولت ! روحي شوفيييهااا​

هاجر : وش أشوفها ! العروس بذي الوقت مافي حديدخل لها .. و إذا خلصت وين بتروح ! بتجي هنا لا تخاااف​

مساعد مبتسم : و إذا جات بتجلسي كذا دابلهكبدنا ؟​

هاجر ميته ضحك : ههههههه .. أكييد أجل أخليكتتوحد فالبت !!​

مساعد يخزها : وش تجلسي هنا ! حتى أمي ماابغاها تجلس !!​

هاجر : هههههههه وربي أول مره أشوفك كذااخفيف​

مساعد يخزها : وشوووو !!​

هاجر : ههههههههههه وش فيك ! وبعدين عاادي ..ذي صارت زوجتك من ساعه تقريبا .. ​

مساعد : اممم .. زين .. روحي جيبيها ​

هاجر : وش أجييبها ! الحين تجي ما فيك صبر !بتطلع معها هالحين ! أنطر اووف .. ​

مساعد : إنجلعي عن وجهي ما منك فايده !​

هاجر : هههههه ​

​

و فجأه دخلت لينااا و عين مسااعد ما راحت إلاعليها و .. غيرها ما شاااف ​

...​

 

[gala q8]

أأب ...

 

[جوري ستايل]

ونااسههههه ♥♥♥♥ملجوو
امبيههةمريم من صجها قالتةلامها امم احسن ومو احسن
اوك ننطرج حبي
ويسلموو عع البارت الجميلللل ♡★☆

 

[سر اعجاب]

ويتنقق ♡ ∽.. ​

 

[سر اعجاب]

Gala q8
..
أنا تابعت كلل روياتج و من زمان انطررج تنزلين روايه سججلت بالنتدى عشانج والله ولا قبل ادخله اقرى و اطلع مبدعه ماشاء الله استمري