روايتي : *لإِ يغغرگ آسلوٰوٰبيّ القاسي ترى واللہہ گليّ يبيگ ِ gala q8

[FuFu...]

waiting

 

[جوري ستايل]

اب اب اب نبي بارت طوويل
ووووويعيطج العافب

 

[gala q8]

^^ إن شآآء الله ,, بس سامحوي هالايام جيام و جذي ^.^ ,,

إن شآء الله راح انزل لكم بااااااااااارت طووووووويل ,,

 

[FuFu...]

اووكي حبيبتي معذوره
ناطرينج ^.^

 

[gala q8]

البارت الثامن ..
...
عند روان و أمها ..

أم روان .. : مين أتصل ؟
روان : ذي صديقتي نوره !
أم روان : اها .. كويس قومي شوفي عمتك .. و بناتها خليهم ياكلو أي حاجه لا يموتو جوع عندي و أبوك يحط موتهم فوق راسي ..
روان : يمه .. وش فيكي ! كنتي تحبي عمتي كثير وهالحين ما تشتهي حتى تجلسي معها و تهديها !
أم روان : إسمعي .. عمتك ذي ما عرفت تربي بنتها .. و بنتها كيف تسوي فينا ذي الفضيحه ! و مين بياخذ بناتها ! يكفي إنها ما جابت ولد لأخوي يرفع راسه .. !
روان : يمه .. أخوك يحب بناته .. و عمري ماسمعت من أسيف ان خالي حاب يجيب ولد !
أم روان : بلاااك ماتدرين .. ذا اخوي وانا اعرفه زين مازين .. هو ما يحب يطلب من احد شي .. و بعدين ذي عطايا ربنا لكن لو بيده يجيب ولد وبدال الولد ولدين .. و بدال الزوجه زوجتين ..
روان : شفتي .. إنتي قلتيها .. ذي عطايا من ربنا .. وبعدين إنتي عندك ولد وعندك بنت .. ليه ماجبتي غيرنا ولد ! .. لان هذي كتبت ربنا ..
أم روان : زين .. روحي شوفي عمتك ..
روان : حاظر .. هالحين بروح ..
أم روان خزت روان و مشت ..
روان يابت ورقه وقلم و سجلت رقم أسيف .. خاصه ان تليفونهم فيه كاشف .. !
.
.
.
.
,
الساعه 11:30 .. وصل أبو لينا إلى السعوديه .. بعد مأ أخذ ساعات طويله من لندن لـــــــي السعوديه .. !


...

عند لينـآ .. الســــــــــــــــآعه 1 ..

قاعده بالمكتب و فجأه دخلت عندها سكرتيره مساعد ..
سكرتيره مساعد كانت صابغه شعرها للأشقر .. حاطه الحجاب او الطرحه بس قاطتها قط على راسها و شعرها كله يبين .. والعبايه وسيعه و مفتوحه .. ولابسه بلوزه ضيجه سودا و بنطرون قطن أسود ..


السكرتيره مو عاجبتها " لينا " .. ولينا تطالع السكرتيره اللي ماخذه حريتها بالشركه .. !
السكرتيره : إستاذ مساعد يبغاك .. ( طالعت لينا نظره وراحت و اهي معفوس ويها ) ..
لينا : اوكي .. ( شالت الملفات و قفلت درج مكتبها < مع انه مافيه شي غير أوراق فاضيه و بعض الأقلام وبعض الملفات الفاضيه راح تحتاج انها تمليها بالاوراق المطبوعه بالمستقبل .. ومن بعدها طلعت و ماسكه الملفات اللي عطاها ابو حسن ) ..
و دخلت المكتب وقبلها مرت عند مكتب السكرتيره و طالعتها بنفس النظره و دخلت ..

مساعد فصخ نظارته الطبيه ورفع راسه : ها لينا .. خلصتي من شغلك ؟
لينا : إي .. بس باقي لي ملف واحد .. قلت اعطيه حق ابو حسن و باجر امره و اخذ الملف .. و بجذي اكون خلصت غن شآء الله .
مساعد يعدل مكتبه : يووه .. لالا لازم تشدي حيلك شوي و تستعجلي بشغلك وبعدين .. إنتي المفروض من الساعه 11 و إنتي فالبيت ! ..
لينا : ليش ؟ شصاير ؟
مساعد يطالع لينا : لا والله !! من صدقك ! .. ابوك بيجي بعد شوي و انتي تقولين وش صاير !
لينا مو مستوعبه : لالا .. لحظه ابوي بيي المغرب ! مو الحين
مساعد : و مييييييين قال لك !! .. هو اليوم دز لي مسج وقال بيجي الظهر كيف المغرب ! .. ( عدل مكتبه و خلص .. أخذ تليفونه و قلمه و حطهم بجيبه .. و طالعها ) يا الله .. مشينا ..
لينا منصدمه : اوكي يا الله ( و طلعت قبل مساعد .. )

...


بالطريج .. لينا مستانسه و تتخيل اللقاء مع " أبوها " ..
ومساعد كل ساع يلقى نظره لـ لينا اللي كل ما التفت عليها شافها تبتسم و قام يبتسم فيها و كل تفكيره يقول " وش فيها هذي تضحك مجنونه ! "

...

فبيت أبو مساعد ..

بالصآله ..

أبو مساعد : حي الله أهل الكويت .. حي الله زوج المرحومه أختي ..
أبو لينا ابتسم : الله يحيك يآ خآل بنتي ..
أبو مساعد : ها وش لونك وش أخبارك ؟ عسآك بخير يا جاسم ؟
أبو لينا " جاسم " : انا الحمدالله بألف خير .. خاصه بعد ما أنت شايف حالتي .. الحين ارتحت وايد ..
أبو مساعد يطالع جاسم ( جاسم كان شعره كله طآيح من المرض .. و نحف كثييييييييييييير بشكل ما نتخيل .. كان بالاول جسمه متناسق و معضل شوي .. الحين صار نحيف و أيده بس عضام )
أبو مساعد حاول ما يطالع أبو لينا بنظره أسف ولا بنظره " أن حرام و يكسر الخاطر " .. فحاول أن يطالعه عادي من دون لا يدقق بشي ..

و بعدها بنص سآعه ,,
دخلت لينا البيت و مساعد بالسياره مشغول شوي ,, لينا فكرت انها تبي تزهب الشقه والأغراض لأبوها .. و تنصدم بشكل أبوها اللي افتقدته لمده شهر و زود .. !
لينا ما عرفت ابوها .. أبوها تعب وايد .. و صار انسان غير .. من جميل إلى إنسان نحييف !! ..

أبو لينا " جاسم " أول ما طالع لينا قأل : يبآ لينا ..
لينا تطالع أبوها والدمعه بعيونها : يبا ..!! ( راحت و لمته و باست راسه و .. و تطالعه و كآنها تقول " شلي صابك ! " حطت إيدها على ويه ابوها تتحسس ملامحه إللي راحت ! .. ملامحه انمسحت .. يآ في بالها " مرت ابوها " أكيد اهي المصيبه اللي سوت فأبوها جذي .. )
لينا : يبا .. شلي صار فيك ! ليش تغيرت .. يبا شفيك تعبان ؟ مريض ؟
أبو لينا حب أن يخلي الكلام بينه وبين بنته وقال : فرأقج صعب يا يبه ..
لينا نزلت راسها و حست الدمعه بطرف عينها .. تغمض .. تنزل الدمعه : يبا .. تكفا أخذني معاك انا ما ابي شي بهالدنيا ب ابي ابق معاك ..
أبو مساعد أبتسم : وليه يا بنتي .. في حد مضايقك هنا ؟
لينا ابتسمت : لاا شدعوه خالي ,, بس أنت تدري أبوي ما شفته فوق الشهر ..
أبو مساعد : شفت بنتك يا جاسم .. ما تبغاني بعد كل هالايام .. ههههه
جاسم ابتسم : هههه .. لا والله يا بو مساعد .. بنتي هي بنتك .. و إن ما لقتني بتلقااك يا اخوي ..
لينا يا فبألها " لا يبا .. بلقاك جدامي على طول .. وربي مو مستحمله انك بتبتعد عني ! .. يبا تكفا ليييييييتك تسمعني .. انا ما ابي اعيش مع غيرك " !!
جاسم التفت على لينا : يا الله يبا .. خلينا نصعد غرفتج لين ما نلقى لنا شقه صغيره ..
لينا استانست : يعني يبا بتقعد مده طويله معاي !! يعني بناخذ شقه و بيصير بيتنا لمده طويله !!

دخل مساعد و ماسك معاه ظرف وابتسم : حي الله العم جاسم .. ( وراح و باس راسه ) ..
ابتسم العم جاسم و عرف أن الإشاره تتضح أن مساعد فكر بالموضوع × < عفواا .. الموضوع زواج مساعد من لينا .. > طلب جاسم من ابو مساعد أن يزوج لينا لـ مساعد لانه ما يبي بنته تكبر بالغربه بعد موته .. خاصه الحلال والرزق والشركات اللي بـ لندن راح تجبر لينا إنها تعيش بـ " لندن " ..
ومساعد شكله فكر بالموضوع بعد ما قرا < الظرف اللي حطه أبو لينا > مو مشكله راح نعرف موضوع الظرف .. !

...
لينا : يا الله يبا .. خلنا نصعب ,, ( تتلفت ) إلا وين جناطك ؟
جاسم أبتسم بأسف : ماعندي غير هاند باق .. فيها شويه أغراض مهمه ..
لينا تطالع أبوها : ليش منت قاعد هنيه مده طويله ؟
جاسم أبتسمت : هههههه .. لالا لاتخافين .. بقعد ليييييييييييييييييييين ما تقولين بس .. و حتى لندن ماني راجعها هههههه ..
لينا استانست : وناااااااااااااسه .. زين يا الله خلنا نروح .. !
جاسم ابتسم وقام : يا الله حبيبتي .. (التفت على ابو مساعد اللي وقف و مساعد ) .. عن أذنكم .. بروح أرتاح شوي
مساعد : كويس عمي .. خلاص أرتاح لين ما يحطوا الغدا ..
ابو مساعد ابتسم : إلا .. سوينا لك ذبيحه يآ بو غآيب ( بو غايب تنقال للـرجل اللي ماعنده ولد و عيب جدام الرياييل ينادون الريال بإسم بنته .. فتنقال هذي ) ..
جاسم : أدري فيكم أهل الأصل والجود .. ما تقصرون ..
لينا و جاسم : عن أذنكم .. ( و صعدوا ) ..
...

ابو مساعد يطالع مساعد .. و نظراته لـ لينا و أبوها جاسم ..
أبو مساعد : اعتقد يا ولدي إنك فكرت زين ما زين .. و هذا قرارك ..
مساعد إبتسم : يا يبه .. ذي بنت عمتي .. ولو ان من البدايه ماكنت حاب إني اخذها مو عيبٍ فيها ! .. بس البنت صغيره علي .. وانا كل إهتماماتي كانت الشركه و خوآاتي وبس ! .. بس يبه .. أحسها طيبه و على نياتها .. و لمن شفت هالظرف و شفت حال عمي .. عرفت إني راح أحمي بنت عمتي .. الله يرحمها
أبو مساعد بنص نظره : وش فيه الظرف ذا ؟
مساعد وبكسره خاطر : هه .. ( يفتح الظرف ويطلع الأوراق ) .. شوف يبه .. ذي تحاليل عمي جاسم .. و ذي تقارير من مستشفى أمريكي .. ان عمي خلاص دمه متلوث .. وأن خلاص أيام محدوده بحياته .. و أمكن هالشي اللي خلا عمي جاسم يجي هنا ( والدمعه بعيونه بس الرجآل ما تنزل دمعته ) .. يمكن جا عشان بنته المسكينه .. إللي فقدت امها و هي صغيره واليوم أبوها .. أمها ماتت بالورم .. و أبوها اليوم بسبه إنسانه يهوديه ما عندها ضمير .. ( قام و مسح شعره ) ..

بغرفته : مساعد : ..

واقف عند الدريشه و يمسح شعره .. ويقول بينه وبين نفسه " وش أسوي بحالي ! .. بنت عمتي يا تعيش عيشه هنيه مع إنسان تحبه .. أو تعيش معي بعيشه ما أدري كيف ممكن تصير ! .. "
قعد بالكرسي يفكر " وش فيها ! البنت حلوه و صغيره .. وهي من دمي بنت عمتي .. "

التفتت وصب له ماي و شرب ثلاث مرات مبتدآ بـ بسم الله " بس هي عايشه بـ لندن و عاداتها هناك تختلف .. ! .. بس وانا وش حادني ! هي كويتيه وعاداتها من عاداتنا "

وقف و قال " انا خلاص عرفت وش هو رايي " ..

...
الساعه 2:15 .. ~
عند لينا و جاسم ..

جاسم : اممم .. زين شقتج كبيره مو صغيره ..
لينا ابتسمت : إي .. هذي الشقه أصلا مسوينها لمساعد ولا ضاحي ولا فيصل باجر لي تزوجوا .. يعني
جاسم يطالع لينا : زين .. قولي لي شلونج معاهم ؟ ارتحتي لهم ولا ؟
لينا : أممم .. بصراحه امبلا .. اهما خوش ناس .. من اول ما قابلوني و اهما محسسيني اني وحده منهم و فيهم .. اول يوم نمت فبيت عمي بو حمد .. وبعدها يابني عند عمي بو مساعد .. كنت خايفه وايد من موضوع إني بعيش مع عايله تختلف عني بكل شي ! .. ما اقول لك إني ما تضايقت من الوضع أول شي !! .. انا ما تعودت اعيش و محكوره .. أو أطلب الإستأذأن من أحد إني بطلع و بدخل و بآكل ! .. يبا هنيه يختلف عن بيتنا .. حتى فكرت وااااااايد وااااااايد بأني بعيش بشقه ولا بيت بروحي .. بس أستحيت بصراحه إني أطلب أخاف يآخذون عني فكره !! .. كلمت خالي إني أنا أبي اشتغل حتى إني أشيل فكره الحكره من مخي .. و خالي وافق بسرعه .. والحمدالله صرت أشتغل بشركته ..
جاسم حط أيده على إيد بنته : سمعي يا يبه .. كونج إنج كنتي بلندن و ييتي دوله تختلف بعاداتها وبتقاليدها .. إن كأنت السعوديه ولا الكويت ولا حتى دول عربيه فيها حريه .. لازم تكونين محافظه على العادات والتقاليد .. إنتي كويتيه و أصلج من أصل عيال ديرتج .. و من ناحيه الحكره مردت بتتزوجين واحد خليجي و بيتأمر عليج و يحكرج هههههه
لينا : ههههههههه لا إن شآء الله ما إيي اليوم أبدااااااااا ..
جاسم : ههههه .. لالا لاتخافين مردج بتتزوجين وانا ابوج .. ( نزل راسه و طالعها شوي و رفع راسه ) زين بقول لج .. في موضوع لازم نتكلم فيه الحين .. < وقلبه يرقع )
لينا : آمر يبا ..
جاسم : إنتي دريتي إني تزوجت .. و ..
لينا تطالعه و نزلت راسه : يبا تكفا غير الموضوع ..
جاسم : لا .. لازم تعرفين بلي صار كله !
لينا تقول بداخلها " تكفا يبا " ..
جاسم يمسح على إيد بنته : بعد ما رحتي .. انا تزوجت المرأ اللي .. آآ .. اللي كلمتج عنها .. و كانت بالشهر السابع .. وبعدها بيومين دخلت الشهر الثامن .. و فبدايه الشهر ولدت ..
لينا رفعت راسها و قلبها يرقع : شنوووووووووووو !!
جاسم ابتسم : إي ولدت .. و كانت من الشهر السابع و إهي تعبانه و ما تحملت ..
لينا تدمع عيونها : شياااااابت !
جاسم يطالع عيون لينا و بصوت خفيف " متحسف " ..: يابت بنت
لينا تطالع جاسم و نزلت الدمعه من عينها .. و جاسم يقول " ليتني مت ولا شفت دمعتج والسبب آنآ " ..
لينا ابتسمت بخفه : مبروك يبا ..
جاسم حس قلبه يتقطع : ربي ما بارك لي فبنت غيرج ..
لينا نزلت راسها و دفنت راسها بحضن ابوها .. ما تبي تحس بالدنيا تبي الدفا من ابوها وبس !!

...

السآعه 2:30 ~
عند البنات .. [ مريم و هاجر و هند ] ..

مريم : يوووه وربي جعناااااااااااا
هاجر : أسكتي .. عيييييييب .. ليه تصارخي !
مريم : انا ما صرخت .. انا بس قلت إني جوعانه يا نااااااااس .. أبغى أكل !
هند : أسكتي بالاول ياكلو الرجال وتالي حنا .. يا بنت
مريم : رجال ! رجال من ؟
هند تطالع مريم : يوووه .. اليوم ابو لينا جا من السفر .. و ابوي و مساعد منادين رجال كثير للـ ضيف الجديد ..
مريم : اها .. أجل الليله ماني بنايمه عندكم .. برجع بيتنا ..
هند : وليه ؟
مريم : وش اللي ليه ! .. قبل انا و لينا ننام بالشقه و ناخذ راحتنا .. هالحين وين انام ! بغرفتكم يعني ؟ و اخوانك غرفهم جنب غرفكم !
هند : والله ما عندك سالفه .. ماعندك ما عند جدتي
هاجر : الله يرحمها
هند و مريم : هههههه ..
هاجر تطالعهم : وش ذا ! قاطه نكته انا و انا مدري !
هند : ههه .. لا بس وش الله يرحمها ! ذي كلمه تنقال !
هاجر : يوووه .. أروح عند أمي فالمطبخ أقابلها أحسن من وجيهكم .. ( وقفت ) ما اقول إلا وينك يا لينا ! ( وراحت ) ..

...
السآعه 2:43 .. ~

عند مساعد ..
يطالع الظرف .. و حس أن وده يعرف لينا شتسوي الحين ! .. و أبتسمت شوي على تفكيره .. إن قبل شوي ما تهمه .. و فجأه صآرت تهمه ! ..

قطع أفكاره عند دخول ضاحي لغرفه مساعد ..
ضآحي : قوه ..
مساعد : هيييي .. إنت شفيك ما تعرف تطق الباب !
ضآحي : ههههههه .. وش فيك ! أحنا اخوان
مساعد يضحك على سخافه : هـ هـ هـ .. والله معلومه جديده .. ! كيف صارت ذي !
ضآحي : يوووه .. إسمعني هالحين أبغا أعرف .. جد أبو لينا جا السعوديه ؟
مساعد يطالع إهتمام ضآحي: إي ليه ؟
ضآحي : لا بس إنصدمت .. أبوها بعد ذي الفتره يجي ! .. و أنصدمت بعد يوم شفت العزيمه تحت !
مساعد : يوووه .. زين ذكرتني .. ابغا اسبح عشان أنزل للـ رجال
ضآحي : هههه .. زين كويس .. ( قام ) انا ابغى اطلع من خوياي .. للبر
مساعد : إنت أنجنيت !!!! ابوك جايب معه معازيم بدل لا تجابلهم تسوي لي ذي السالفه !
ضآحي : إسمع هالحين الساعه بتصير 3 .. أنا بتغدا برا و أجيكم بعد الغدا كذا كويس
مساعد وقف : إنت وش فيك ! هم بيتغدون عندنا
ضآحي : يوووه .. و كمان بيتعشوا .. لا تعمل لي زي ابوك ينشب لي بكل قراراتي ! ( مشى و طلع برا الغرفه و صكر الباب ) ..

...
السآعه 3 .. ~
ام مساعد تنادي بناتها وقالت لهم يصعدون غرف اخوانهم و يقعدونهم لان الرياييل على وصول ..

هاجر : رحت لمساعد و هو يبدل لبسه هالحين .. و رحت ل ضاحي وفيصل ولا واحدٍ منهم بغرفته ..
ام مساعد : وشو ! فيصل ماهو بغرفته ! ماهي بعادته .. !! أجل وينه ؟

...

بشقه أسيف ..

فيصل يسرق النظر لها .. ويتعوذ من الشيطان ..
أسيف تاكل معاه الاكل تفكيرها مع الأكل وبس ! ..
فيصل : إلا أقول لك ساره إنتي فين تدرسين ؟
أسيف" ساره " : أنأ ادرس ثانوي .. ب ثآلث ثانوي
فيصل في باله " صغيره سن .. لكنها جميله ما شاء الله " .. وقال : كويس ..
أسيف " ساره " إبتسمت إبتسامه تحسف : وش فايده الشهاده من دون شرف .. ( نزلت راسها ) أنا انظلمت و بالتالي لا شرف ولا شهاده .. مشكله بمجتمعنا .. البنت هي دايما مظلومه .. الولد يغلط و حنا البنات نتحمل غلطتهم ! ( وقفت ) .. عن أذنك أبغا أستحم شوي ..
فيصل وقف : براحتك .. انا بطلع الحين بروح البيت .. إي إلا صدق .. أتصلتي على خالك ؟
أسيف " ساره " ايوا .. و ردت بنت خالي .. بس قالت بتتصل اليوم الفجر .. قلت أنتظرها .. أخاف تتصل و أكون نايمه ولا شي ! ..
فيصل : ميخالف حطيه هزاز !
أسيف " ساره " أبتسمت : .. انا عمري ما مسكت جهاز تليفون .. ما اعرف غير تليفون بيتنا .. عن أذنك ( خذت الفوط و دخلت الغرفه )
فيصل في باله " معقوله بزمنا هذا مافي بنت عندها جهاز تليفون ! " ( أخذ تليفونه و أغراضه و طلع برا الشقه وقبل لا يطلع ) .. قال : ساره .. لا تنسي تقفلي الباب !
أسيف " ساره " كانت واقفه ورا باب غرفتها .. اللي سواه فيصل مو يعني تأمن نفسها عند شخص غريب ! .. وقالت : حاظر ..
طلع فيصل و أسيف على طول راحت تقفل الباب .. ~

...
عند لينا .. و جأسم ..
جاسم يتبخر من البخور إللي شرته لينا له .. ~
لينا : ها يبا .. إن شأء الله عجبك ؟
جاسم : يا يبه .. أي شي منج حلووو ..
لينا استانست : وبعد شريت لك واااااااااااايد أشياء
جاسم : ههههه .. أدري كريمه طالعه على أمج .. بس يا يبه خشي فلوسج لج !
لينا : ووي .. يبه شفيك ! فلوسي اللي بالبنك ما شاء الله ما تخلص .. و بعدين انا اقدر اشتري الغالي والرخيص ! .. وبعدين يبه تخيل فوق هذا كله اخذ معاش حلو .. ! يبه انا مو ناقصتني فلوس ! انا اللي كان ناقصني وجودك يمي .. والحين انا اصلا .. وااااايد مستانسه لانك موجود هنيه ..
جاسم : ههههههه .. زين .. عطيني غترتي
لينا : تفضل ( و عطته .. وقام يلبسها ابوها .. تخيلته معرس بس تمنت العروس من ديرتها .. )

جاسم : ها .. شرايج ؟
لينا ابتسمت : معرس ما شاء الله ..
جاسم : هههههههه .. شدعوه .. يا يبه انا كبرت بس مافيني شده بعد أتزوج !
لينا : ليش يبا انت جم عمرك بالله !
جاسم : أممم .. 20.. أمم 24 .. ههههههه
لينا : لالالالا .. أنت عمرك نص الأربعينات .. شلون بالعشرينات هههههههه
جاسم : هههههههه الصغر شين وانا ابوج هههههه
لينا : ههههه .. يا زينك يا يبه ..
جاسم : يا الله انا بنزل الحين قبل لا إيون الرياييل ..
لينا : اوكي يبه .. حط بالك على نفسك ..

طلع جاسم .. ولينا منصدمه من حاله أبوها ! .. تغير .. و تفكر بشلي غيره ! ابوها وااااااااااايد تغير .. قبل كان يقول لها صرفي مثل ما تبين ! واليوم يقول لها لا تصرفين خليهم لج ! .. أمواله كلها بإسمه و النص بإسمها ! و اييب لها سيره الزواج !! واهيا اول مره تستانس لمن ابوها بطل الموضوع معاها .. يمكن بتنخطب ! ولمنو ! و زياره ابوها مو غريبه !! ترك كل أملاكه بـ لندن والكويت و يآ لها السعوديه ! ..

...

أم مساعد دخلت على البنات بالدار ..
ام مساعد : ها وش تسوون ؟ ( قعدت بالفراش مع البنات )
هند تطالع امها و تخزها : معقوله أمي الحبيبه العزيزه تدخل غرفتنا بعد ما كانت ما تقعد معنا أبدا !
ام مساعد : إيوا وش فيها يمه ! .. ولا أقول لك .. إخذي مريم و إنزلوا تحت ..
هند : نعم ! وليه !!
ام مساعد : أبغا أكلم أختك في موضووع ..
هند : يوووه .. أجل إنتي جايه للموضوع مو جايه لنا !
ام مساعد : يا الله أخذي مريم و طسي برا يا بنت ...
هند : اوووف .. يعني ذي حاله ! حتى غرفتي أنطرد منها ! ( خذت مريم و طلعت )

هاجر خايفه : وش صاير يمه ؟ وش فيكي ؟
ام مساعد مبتسمه : أبد .. بس ولد خالتك موضاوي إخطبتك لـ ولدها ..
هاجر : لولدها ! .. مين ؟
ام مساعد مبتسمه : لـ ولدها يوسف
هاجر منصدمه : وش تقولين يمه ! .. كيف ذي ! تبغيني اتزوج واحد أصغر مني !
ام مساعد : وش فيها يعني ! .. ذا ولد خالتك و ما بينكم إلا كم سنه بس !
هاجر : لا يمه .. وش تقولين هالكم سنه تصير 5 سنين .. يمه .. انا انسانه متعلمه و ذا ولد اختك واصل ثانوي ! و بعدين انا اكبر منه بـ 5 سنين .. يعني لمن اعجز هو يكون بالنسبه لي طفل ! يمه إفهميني
ام مساعد : و من كثر المعاريس اللي يجونك يا بنتي ! .. وبعدين ذا ولد خالتك .. و باين انه يحبك .. و يبيك ليه تكسري قلبه يا بنتي ؟
هاجر : أكسر قلبه مقابل رفضي لاني ماابغاه .. لاني مو مقتنعه فيه .. يمه أفهميني .. وبعدين هو قال بلسانه إنه يبغاني ؟
ام مساعد لفت ويها : بصراحه لا .. هو قال لي يا خاله أنا أبغى أي وحده من بناتك ..
هاجر تخز امها : لالا .. مو من صدقك !! يمه .. هند كبره .. خطيبها له !
ام مساعد : بس كيف ازوج الصغيره قبل الكبيره ّ!
هاجر : يا ربي .. يمه انا موافقه إنها تتزوج و بعدين ذي سنه الحياه .. و إذا ولد اختك يبغى وحده مننا .. المفروض تخطببي له البنت اللي تناسبه .. وبعدين انا ادري ما يعيب يوسف غير الشهاده .. بس يقدر يلحق و يدخل الجامعه .. هو صار له بس سنه بس جالس فالبيت !
ام مساعد : ياربي.. وكيف افتح الموضوع مع ابوك اخاف يرفض
هاجر : تبغيني اكلمه ؟
ام مساعد : والله مدري .. خلاص .. انا بكلمه و خليها على الله ..

...

عند يوسف ..<~ اللي بالنفس الوقت يصير ( ولد خال هند و ولد عم أسيف ) .. لا تنصدمووووووووون .. !!

يوسف قاعد و معصب : يمه .. ارتحتي كذا ؟
أم يوسف بعصبيه : إسكت ولي يعاااااافيك .. إنت طيحت سمعتنا بالارض .. يلي ما تستحي ذي بنت عمك من لحمك و دمك تسوي فيها كذا
يوسف وقف : يمممممممممممممممه ( صك إضرسه فبعضها ) أنا ريال وأحبها .. و دمي يحترق من أحد يناظر فيهاااااااااااا .. أنا أبغاها لي .. و هي ما تبادلني الحب أبد .. كنت اترجاها .. انا امووووت كل يوم بكي عليها .. كنت أتمناها تحبني و تحسسني إنها تبغاااااااااااني .. بس هي أبد ما كانت تناظر حتى فوجهي ! ( يطق الطوف حيييييييييل 3 مرات و را بعض )
ام يوسف مسكت ولدها : تعوذ من بليس يا يمه .. أنا أبغا لك الخير .. وابغا الناس تنسى سالفه موتها .. وبعدين إسمع البنت ماتت وابوها دفنها بالبر .. و خلاااااااص ما نبغى مشااااااااااااكل ولا أذيه انساها
يوسف الدمعه بعوينه : مسسسسسسسستحيل أسيف تكون ميته .. ( و قام يبجي مثل الياهل ) أنا احبها مقدر اعيش من دونها .. أنا احبها .. هي دنيتي كيييييييييييييييييييف تموت و تخليني ! أجل ابغا أموت من بعدها .. و قولي لعمي أدفنوني جمبهاااااااا .. يمكن جسمي يتحلل و يجتمع من جسدها .. يمكن روحي تشتاق و الشوق لأجلها .. دفنوني بقبرها ..
أم يوسف تلم ولدها : ياربي ( تبجي ) وش أسوي حتى ترجع أسيف .. لو تقدر ترجع كأن زوجتك إياها غصبن عليها حتى .. بس يا يما الموت حق .. و كلنا بنمر فيه محد خالد فهالدنيا ! وبعدين انا خليتك تكلم خالتك تلقى لك بنت الحلال من بناتها .. و يمكن تنسيك أسيف و طوايفها !
يوسف فباله " والله .. مافي غير أسيف ينسيني حنان الكون .. ولا في بنت تدفيني كثر ما كانت يدفين زولها .. حتى إنتي يا يمه ما وصلتي مواصيلها "

...

 

[gala q8]

آآآآآآآآآب ..

 

[برنسس أوراق]

من زمان عن هالقسم اشتقت له بصراحة
ودي اكتب رواية فكرتها جهنميه هههه
بتابعج حبوبة

 

[gala q8]

من زمان عن هالقسم اشتقت له بصراحة
ودي اكتب رواية فكرتها جهنميه هههه
بتابعج حبوبة

هههههههه .. حده :d:d

كتبي .. و بكون آول مشجعاتج :$$$ ..

نورتي ,×~

 

[FuFu...]

وي وي وي يوسف ماغيره طلع ولد خال هند و ولد عم أسيف!!لا مو صج شلون ماعرفه فيصل؟
حرام يتزوج وحده من خوات فيصل و يعذبهم
مسكين ابو لينا
البارت عجيب يعطيج العافيه حبيبتي و ناطرين البارت الياي

 

[FuFu...]

كل عام و انتي بخير و ناطرينج

 

[gala q8]

و إنتي بصحه وسلامه ,,


إن شآء الله p:

 

[Doza karoza]

كملييييييييييييييييييييها عجيييييييييييييبه

 

[FuFu...]

waiting

 

[gala q8]

البارت التاسع ..

...

عند لينا .. تمت فتره قاعده بروحها تفكر .. و ما تبي أحد يزعج أفكارها .. لاول مره لينا تفكر بتصرف غلط .. و هي متأكده إنه غلط .. بس فكرت تفتش من بعد أبوها ..

دخلت داره .. وفتحت الهاند باق اللي كان يايبها .. و شفت ملابسه يمكن حدود بدلتين .. و عزكم الله شويه دلاقات ( جوارب ) .. و تحت الجنطه في سحاب .. وقامت و طلعت الملابس كلها برا .. وفتحت السحاب اللي صاير تحت الجنطه .. ولقت شويه أوراق في منهم داخل ظرف و في منهم خارجه .. اول شي قامت و فتحت الظرف .. وشافت شويه أشياء اللي أنصدمت منها .. مثل ورقه تتكلم عن مرض أبوها .. و عرفت أن هذا السبب الاول إللي خلاه يصير بهالشكل .. بس ماكانت عارفه شنو نوع هالمرض ! .. وفتحت ورقه الثانيه إللي كانت الصدمه الثانيه .. إن أبوها عنده املاك كثيره .. و لينا عارفه أن ابوها مسمي بعض أملاكه لـ لينا اللي تعتبر النص من أملاكه .. لكن الصدمه الأكبر لمن يخلي أملاكه النص الثانيه اللي كانت بإسمه بإسم ...!...

لينا ودها تشق الورقه .. و دها تروح للشخص هذا لو كان بأخر الدنيا وتقول له/ـأ إنت/ـي ( حقير/ه سافل/ه ................................. إلخ ) ..

ما كملت الأوراق .. حطتهم بمكانهم و عدلت الجنطه بمافيها .. و صكرتها .. وراحت تنام ..

( البنات عيزوا واهما يطقون الباب عليها ما ترد .. طلعت قافله باب غرفتها أما باب الشقه كان مفتوح و حاطه المفتاح برا الباب عشان أبوها يدخل بأي وقت .. و ع العموم بيت خالها أمان ) ..

...


أما عند الرياييل كلوا من الذبيحه .. و ستانسوا الضيوف وكان خوش غدوه (غدا ) و جاسم اولهم استانس إن كل هذا له ..
فيصل معاهم لكن تفكيره مع أسيف ..
و مساعد معاهم بس تفكيره مع لينا ..
وضاحي بعد ما قال الساعه 5 بطلع من البيت .. وكان معاهم لكن تفكيره على فلوس أبو لينا ..
جاسم " أبو لينا " معاهم بس تفكيره بلي بـ لندن ينتظره .. !
أبو مساعد معاهم .. لكن تفكيره مع أبو لينا " جاسم " و حالته .. !

...


الساعه 5 المغرب .. البيت هاااااااااااااادي .. مو على عادته .. الرياييل بالدوانيه يسولفون و يتقهوون ..
و هاجر ومريم بالصاله يتسدحون .. هاجر بالها مع امها اللي قاعده تكلم هند بغرفتها .. ومريم تطالع الساعه بترجع بيت اهلها ..
ولينا كانت بسابع نومه ..~ نوم العوافي ~..

...

نزل ضاحي من الدري ..
ضاحي : ها وش فيكم؟
هاجر تطالع مريم : وش فينا يعني ؟ مافينا شي
ضاحي : إمم كويس .. انا طالع .. بلغي الكل
هاجر : درب السلامه ..
ضاحي .. طلع ..
مريم : وذا ضاحي ما يركد ابد؟
هاجر : ههههه .. وليه تناشبينه ! خليه هو رجال .. والله لو انا رجال ما تشوفيني فالبيت ! ..
( رن الفون عند مريم و طلع أبوها .. وقال لها تطلع برا .. ~ مريم سلمت على هاجر وطلعت ) ..

...

فكرت هند بالموضوع .. والظآهر النتيجه الـ[ موافقه]ـاا .. !
ولينا كل مالها و تتغير حالتها إلى الأفضل بوجود أبوها .. و نست ان لها اخت ! ..
و مساعد كل يوم و كل لقياه بالصدفه مع لينا .. وده يكلمها بالموضوع .. تقريبا صآر .. { مولع .. !
وفيصل كل يومه و يزيد أهتمامه لـ سآره " أسيف " ..
أسيف تتصل على امها كل ليله الساعه 2 .. ومحد يدري بالموضوع غير روان ( بنت خالها ) .. !<~ وبنفس الوقت بنت عمتها لا تنسووون ..!

...

بعد شهر بالضبط .. الساعه 9 ..

بصآله كبيره .. و عده رياييل يركبون الدي جي .. و المصممه تتطمن على الكوشه .. و الخدم يبخرون الصآله .. !
دخلت لينا اللي كانت متمكيجه بآفضل صآلون بالمملكه و الخاصه " بمنطقه الرياض " .. ! ولابسه العبايه و قاطه اللفه على كتفها ..
لينا تجهز الصآله ,, و دخلت مريم اللي كانت لابسه عبايه و متلثمه ..
مريم : ها كيفك ليون ؟
لينا راحت و باستها : هلا والله مريووم
مريم : ها .. إن شاء الله كل شي اوكي ؟
لينا : إي الحمدالله .. بس ناطره البوفيه .. بيتآخرون شوي على ما يجهزونه بعد ! ..
مريم : أبغا أقول لك شي !
لينا : قولي شفيج ؟
مريم : آآ .. أول شي وين هاجر ؟
لينا : هاجر مع هنوود .. قالت بتدخل معاها .. على ما تتجهز و جذي .. بس خالتي أم مساعد بتكون موجوده .. وانا وياج و امج بنوقف معاها ..
مريم : كويس ..
لينا : زين انا بروح اتصل على خالتي ام مساعد بشوفها وين هي في ؟
مريم : لا لحظه أبغا أكلمك بشي ..
لينا : قولي شنو ! ..
مريم : انا قبل شوي كنت فبيت عمي ابو مساعد .. وبالصدفه مريت جنب غرفه فيصل والله ما كنت قاصده !! .. ( و عيونها بتدمع ) وسمعته يكلم وحده اسمها ساره .. و كأنه يتطمن عليها .. ويلزمها تجي العرس ! انا مدري كيف يثق فيها ! والمشكله عازمها هنا !
لينا : شنو ! .. وبعدين شموديج غرفه فيصل ! انا اللي أعرفه غرفه البنات بعيده عن غرفته !
مريم بخيبه : هند طرشتني أخذ من غرفه مساعد شنطه صغيره .. و انا بطريقي سمعته .. ( دمعت عيونها خلااص ) .. والله بالصدفه بس والله مدري وش أسوي !
لينا : خلاص مريوم لا تزعلين نفسج .. و حتى لو فيصل يكلم بنات .. مرده لج وين بيروح !
مريم بحزن و هي تبجي : وحتى لو انا له المفروض انه يحترمني .. هو يدري بكون له زوجه المفروض مايكلم غيري .. ولو حب يكلم بنت المفروض يجي لي انا اولى منهم ! .. كلها سنه ولا سنتين بالكثير و نتزوج خلاص ! هو له شوي و يتخرج ! ياربي وش أسوي فيه ! .. و بخاطري اعرف من ذي البنت ! اكيد هي بتجي الليله .. بس كيف اعرفها !
لينا : هدي هدي مريوووم .. وبعدين هذا يمكن مثل ما يسمونه طيش شباب .. مع اني مو متوقعه من فيصل الهادي يطلع منه هالشي ! ..
مريم : كيف يعني ! انا سمعته غلط ! .. انا سمعته زيين .. انا متآكده لاني سمعته يكلمها و نطق اسمها اكثر من مره !!
لينا كانت بتتكلم بس شافت أم مريم " ام حمد " و ام مساعد يدخلون ..
لينا : خلااص .. صكري الموضوع الحين امج يات..
مريم راحت تحجز لها كرسي لبنت عمها و مرته ولامها وليان ..

...
عند ام يوسف .. *

أم يوسف تصارخ : يوسف شفيك ! اليوم عرسك و تقول ما تبغاهاا !!
يوسف : اقول لك قلبي فيه اسيف تقولين لي هند !!! ما أبغاهااا
ام يوسف : يا يمه .. لا تظلم البنت معاك .. زين انت تزوجها هالحين وبعدها اكيييييييد بنلقى لك حل !
يوسف : وش حله ! .. مافي غيررر الطلاااااق انا ما ابغاها !!
ام يوسف : يا يمه خلااص راح تطلقها لكن هالحين من الفشيله وش فيك !

مها دخلت الدار : وش فيكم ! صوتكم واصل لي آآخر الدنيا ! .. وابوي و عمامي كلهم تحت منتظرينك يا يوسف !
يوسف : اووووف .. ما ابغى انزل .. وش ذاااا !
ام يوسف : لااا لااازم تنزل يا يمه .. يا الله يا حبيبي البس ثوبك و بشتك و انزل يا يمه ..
مها : عمي يناديك إسمعه .. و ابوي قال إنه يبغاك يبغى يقول لك كلمهٍ قبل لا تروح لزوجتك ! ...


نزل يوسف لقى عمامه كلهم و من بينهم عمه بو أسيف ..

يوسف على يبا ..
أبو يوسف عافس وجهه : إسمعني .. و هذآ هو جدام عمامك كلهم .. أنأ أبغاك تصير رجاال .. يكفي من المصايب إللي جبتها لنا و لعمك أبو أسيف ..
يوسف فصخ بشته : بس انا ماااااااااا ابغاها ..
أبو يوسف قطع كلامه وبصراخ : يا جليل الحياااااا .. شكلي انا ما ربيتك زين .. و الظاهر إنك ناقص عقل و ناقص تربيه ..
العم ابو أسيف جلس ما قدر يوقف .. كل ما شاف يوسف و كل ماله يطيح ..
العم أبو ريم < أخو أبو يوسف : هدي يا بو يوسف .. خلاص هدي .. انا حتكلم معاه و أفهمه .. بكل شي ..
العم أبو يوسف : ذا محتاج تربيه من أول و جديد .. وانا راح أربيه هلي ما يستحي .. فشلني و طيح وجهي جدام الرجاجيل .. حسبنا الله ونعم الوكيل

أبو ريم مسك يوسف و جلسوا بالصاله الثانيه ..
أبو ريم جلس و جمبه يوسف : إنت وش بللاااك متى تعقل ! متى
يوسف والدمعه بعيونه : أنا غلطت على أسيف يا عمي .. و لازم أموت و أندفن جنبها .. انا نفسي ما أقرب من غيرها ! يا عمي أفهم
أبو ريم قبض إيده حييييييل .. كل ما تذكر أن أسيف مظلومه .. أسيف اللي عمرها ما حاولت تغلط على أحد .. كانت دوم تضحك و تمزح مع الكل ! كيف تموت " مظـــــــــــلومــــــــــــــــه " !! كيف ..

أبو ريم : إسمعني .. إنت السبب بفضيحه العايله .. و حنى نبغى نستر عليها .. مالك إلا إنك تتزوج بنت خالتك و نغطي عيون الناس .. واسمعني .. لا تفكر بأسيف ولا غير أسيف فكر فـ بنت خالتك وبس .. و أسمعني نبغى منها ولد يحمل إسمك فاهم ! .. فــــــــــآهم ولا لا ؟!!!!
يوسف نزل راسه : كيف أقرب عند وحده قلبي ما يبغاها !
أبو ريم : إسمعني .. كل القبايل تزوجوا و هم أغلبهم ماشافوا اللي بيتزوجها .. بس كانا كلنا حبينا زوجآتنا و جبنا اولاد ..
يوسف بصوت عآلي شوي لي درجه اللي بالصاله الثانيه سمعووه : بس أنا ما ابغآ آنجبر على شي انا نفسي ما فيها ! .. أنا أبغى الإنسانه اللي يبيها قلبي ولا خلاااااااص ما ابغى غيرها !
أبو ريم يسكت يوسف : أششش بس .. أسيف ماتت .. و لأازم نقنع العالم إن ما بينك وبينها أي شي ! .. وإنت ملكت اليوم واليوم عرسك .. وانا ما ابغاك تبين لحد إنك ما تبي بنت خالتك فاهم ! .. ولا صدقني مصيرك بتنجبر عليها ولا ... ولا مصيرك السجن فاهم !
يوسف كاره الدنيا بكبرها ... فكر زين وتآلي قال : خلاص .. لكن صدقني ما راح يتم هالزواج لو على قص رقبتي ..
أبو ريم يتلفت و تآلي حط إيده على ركب يوسف وبصوت خآفت : صدقني .. انا راح أطلعك من هالسآلفه .. بس مالك إلا حل واحد .. إنت سآيسني وانا حسوي اللي تبغا من دون لا تنسجن و من دون لا ترتبط من بنت خالتك وتظلمها .. بس إنت رجال أمسك نفسك الليله .. و رآح نطلعك منها .. تصبر عليها و يجي الفرج


...


عند هند و هاجر ..
هند : كيفي ؟ ما تحسي مكياجي كثير مره ؟ و مفتحني ؟
هاجر : لا والله مره جنااااااان ..
هند خايفه : زين .. و متى حنزل للصاله ؟
هاجر تبتسم : وليه أنتي مستعجله هههههههه .. إنطري شوي .. هالحين بس يقولوا لنا إنهم جاهزين و حنزلك ! ..
هند خايفه : لا مو مستعيله انا خااااااايفه حدددددددي .. !
...

طلع فيصل من الصآله حتى يشوف إذا سآره " أسيف " حابه تنزل للصاله يمرها ويقطها للعرس ,,

فيصل : وليه ما تبغي تجي ؟
سآره تبجي : ما ابغأ .. أحس إني تعبانه شوي ,, و شكلي مصدعه ..
فيصل : وليه ما تجي تونسي نفسك شوي يآ إختي ,, انا ما ابغا منك إلا إنك تجي وتفرحي .. وبعدين إنتي تعرفي إن أمي عرفت بالموضوع .. هي صدق زعلت و تضآيقت في البدايه .. بس عرفت إنك إنتي إنسانه محترمه و إن نيتك كويسه .. وانا مقصدي إني أساعدك
سآره بحزن : عآرفه .. والله حتى اول ما كلمتها .. وقلت لها يا آمي .. كثير فرحت .. واللي حبيته إنها وعدتني إنها بتسآعدني ..
فيصل بإبتسامه : زين ما غيرتي رايك ؟ هههههه
سآره أبتسمت شوي .. : لا ما ابي أتعبك
فيصل : كويس ,, اجل خشي الفستان اللي جبته لك بالكبت .. و إن شآء الله حيجي الوقت اللي راح تلبسيه ..
سآره تطالع الفستان على الغنفه و مبتسمه نص إبتسامه : مالي حد في هالدنيا أفرح فيه يا فيصل ..
فيصل بحزن : ماعليه ي سآره .. مرد كل شي بينحل .. ! مع السلامه لازم أطلع لان بنروح صآله الحريم ..
سآره : خلاص أجل .. أخليك .. مع السلامه ..

..
سآره تتذكر كلام أمها قبل شهر .. !


سآره : إيش يعني ! حتم هنا في هالفندق !
أم سآره : ميخالف يآ أسيف يا يمه .. أبوك و عمامك إذا شافوك عندي حياخذوك و يزوجوك يوسف .. يوسف يا يمه ناوي نيه ليكي .. ما يبغى يتركك .. وانا يا يمه أخاف عليكي .. و غنتي عطيني رقم فيصل حتى أتطمن عليك إذا أحتجت ..
سآره تبكي : انا ما ابغى أجلس هنا ثانيه وحده .. ابغآ اجليك هالحين .. مع السلامه ( سدت و اتصلت على فيصل و طلبت منه إنه يجي لها حتى يوديها بيت خالها .. وبعدها بـ ربع سآعه بالكثير وصلت و جلست تطالع البآب و تطالع البيت .. )
فيصل : وش فيكي ؟ ما تبغي تدخلي ؟
سآره تذكرت كلام امها .. يا إنها تبتعد و تجلس بامان ولا إنها تروح وتلقى " يوسف !! "
سآره تبكي : خلاص رجعني الفندق
فيصل : هههههه .. وامك ؟
سآره : أمي طلبت مني اجلس هناك .. بس كنت محتاجه أكون جنبها شوي و أحس إني في قربها .. ( بكت كثير ) أبغاها يا فيصل .. محتاجه امي كثير .. ليت عندي حل يقربني لها ! ..

بعد ما رجعت سآره بمكانها اللي بعد " شهر " .. تذكرت كلام امها .. و خآصه قبل إسبوع .. بعد ما قالت إن يوسف هالإسبوع حيتزوج .. وان أمها ما تبغى تروح ! ..

...

ونزلت هند مثل الملاك .. و بزفتها بإغنيه رآشد المآجد .. واللي حولها يسمي بإسم الله .. و كل وحده تقول يآ زينهآ الزينهٌّ ..

وبعدها بلحظآت دخل المعرس " يوسف " إللي ما تمنى إنه يكون بهالوجود .. عشآن يقعد مع إنسآنه ما يفكر فيهآ و طول عمره يقول إنها إخته وبس ! " ..

السآعه 2 .. بالشقه ..

هند بالغرفه .. بدلت و مسحت مكياجها .. حطت بس قلوز بسيط و كحله بسيطه .. و عطر ريحته بسيطه و خفيفه ..

و يوسف بالصاله حاط الزقآير جدامه .. و يفكر بأسيف و بس .. ما فكر بلحظه بالإنسانه اللي تنتظره يجي بالغرفه ! ..

هند قالت : أخاف إنه نايم ! .. خل أشوفه .. !

وراحت و إنصدمت إن يوسف جالس على الكنبه و يدخن ..! قالت تروح جنبه و تتحادث معاه شوي .,,,

هند جلست .. ~ ويسوف ما ناظرها ولا نظره و لا حس بلقياها ..
هند بخفه : يوسف ..
يوسف التفت كآنه شايف جني : بإسم الله .. إنتي من متى هنا !
هند إبتسمت بخفه وبحزن بنفس الوقت واضح إنه ما يفكر فيها : من قبل شوي ..
يوسف إبتسم .. و إبتسمت هند ..
يوسف : وليه ما نمتي ؟
هند تضايقت : مدري .. ماجاني نوم .. وبقلبها تقول " وش ذا السؤال السخيف "
يوسف : آهآ .. " حس بسؤاله اللي مال أمه داعي ! " .. زين .. آآ .. جوعانه ؟
هند إبتسمت إبتسامه إن مالها خلق حد : قبل شوي أكلنا .. ولا إنت ناسي !
يوسف ضحك على نفسه : ههه .. إي صدق نسيت .. ( التفت عليها وشافها بعيونه عاديه حيييييييل ) .. زين .. إمشي ندخل جوا ؟
هند خافت : ندخل فين !
يوسف ضحك : هههههههه .. وش علامك ! جوا الغرفه ولا وشو ! ..
هند خافت : آآ .. إ .. إيواا ..
يوسف مسك إيدها و دخلوا ..


...

 

[gala q8]

سآمحوني طولت ,, صآرت لي ظروف , والحين ييت أكملها ,, ~

 

[FuFu...]

يعطيج العافيه على البارت
بس غريبه طول هالوقت فيصل ما درى انه يوسف نفسه الي تزوج اخته؟
ياي متى لينا تتزوج مساعد هههه
و ناطرين البارت الياي

 

[gala q8]

يعطيج العافيه على البارت
بس غريبه طول هالوقت فيصل ما درى انه يوسف نفسه الي تزوج اخته؟
ياي متى لينا تتزوج مساعد هههه
و ناطرين البارت الياي

الله يعآفيج ,,

إي ما يدري إنها تصير له ! .. إهيا حتى إسمها مو معطيته :eh_s(2): ~

و هي قآلت له القصه كلها .. بس ما يدري إن هذا فيصل نفسسسةةةةة :rerrerek:


نورتي حبيبتي ,,

 

[جوري ستايل]

يسلمووو
ننطررج

 

[روز بآريس]

ناطرينج ي الزين ❤

 

[FuFu...]

waiting