رواية بس احبك رواية كويتيه حلوه

[miss 3yara]

باك
الحين بنزل لكم بارتات
فديتج انا دبة زمانها

 

[miss 3yara]

الصبح من يوم السبت
غرام ماقدرت تنام وايد لانها تفكر بمشاري فقعدت حوالي الساعه 7.00 الصبح ما كان أحد بالبيت قاعد غير الخدم اللي ينظفون . .قعدت غرام بجامتها البرمودا مع الفنيله الحفر حاظنه نفسه .. قامت وتمشت بالبيت من الملل اللي فيها وهم ما لقت شي تسويه رجعت غرفتها و طلعت لابتوبها و شبكت .. فتحت إيميلها إللي من زمان مو مبطلته بطلته وطلع لها تنبيه

لديك 143 رساله جديده

غرام: اف من وين هالرسايل

دخلت على البريد الوارد .. وإنصدمت أن أغلب الرسايل كانت من مشاري

غرام: ولييه هذا ما يبطل حركاته حتى هني ما أخلص منه

سكرت الابتوب وحاولت ترد تنام مدام تو الناس
****************************************
ردت وقعدت على الساعه 3.00 العصر

قامت وهي راسها مصدع من البجي من التفكر ... قامت خذت لها شاور وهي تاخذ شاور كانت متعوده تخلي لستريو اللي بغرفتها شغال وهي تتسبح إهي ظنت أن الأغاني ممكن تنسيها مشاري وتتذكر أنها ألحين مع محمد

كان كل كلمه بأي إغنية رومنسيه تذكرها بمشاري ...

طلعت وهي لافه الفوطه على جسمها و غيرت ملابسها وشغلت الإستشوار بشكل سريع و طلعت من غرفتها

بالصاله : -

أم بشار و جمانه قاعدين يسولفون

جمانه: هلا بالعروس إللي شكلها أمس مواصله مع الحبيب طول الليل

غرام: حرام عليج وين مواصله وياه أهو أمس سافر

أم بشار: وين بسلامه راح

غرام: رايح دبي يخلص شغل شركة أبوه

أم بشار: هذي من أولها مخليج ومسافر وأنتوا ما صار لكم يومين مالجين

غرام: شفتي شلون

جمانه: بس أنتي تقولين أنه رايح يخلص شغل أبوه . .

جوري وهي نازله وماسكه ولدها نصور: السلام عليكم

الكل: وعيكم السلام

أم بشار: زين نزلت العروس الثانيه

جوري: شفيكم علي

أم بشار: إنتي صار لج مده ما تقعدين معانا إذا بشار موجود

جوري: شسوي خالتي ولدج 24 ساعه يبيني مجابلته و يبي 24 ساعه نتغزل ببعض وين بيكون لي وقت أجابلكم

جمانه بلهجه كلها سخريه: الله يعينج

جوري: شفيج غروم شكلج تعبانه

غرام: سلامتج مافيني شي .. أقول جوري بشار موجود ولا طلع ؟؟

جوري: قاعد يبدل ألحين بيطلع

غرام: بروح أكلمه على أساس إني بهد شركة بو محمد و أشتغل معاه

جوري: روحي له قبل لا يطلع

غرام: إي يلا
صعدت غرام بالأصنصير لي دور بشار وجوري وقفت يم الباب وطقته بهدوء : طق طق طق

بشار قبال المنظره يعدل غترته: جوري بطلي هالحركات ودشي عطيني بوستي قبل لا أروح

غرام بصوت فيه ضحكه: أنا مو جوري أنا غرام

بشار منحرج: هاا شتبين
غرام: بكلمك
بشار: دخلي
غرام: أقول بشار أنا بشتغل عندكم بشركه ما أبي وظيفه كبيره ولا شي المهم وظيفه

بشار: ليش يتطلعين من شركة بو محمد

غرام: ولا شي بس ما يصير أنا ومحمد نشتغل بنفس الشركه

بشار: أوكي خلاص تعالي الصبح معاي و ما يصير خاطرج إلا طيب

غرام: مشكور

وهي توها بتطلع و تسكر الباب قطت عليه نغزه: أقول بشار ماتبي أنادي جوري تعطيك بوستك

بشار: أقول طلعي طلعي

غرام وهي تضحك عليه : طالعه

نزلت غرام وراحت قعدت مع أم بشار و جمانه وجوري
*************************************************
على الساعه 9.00 بليل دق محمد على غرام

محمد:ألوووووووووووو قوه غرامي

غرام: هلا شلونك

محمد: بخير إنتي شلونج وشلون أهلج

غرام: الحمدالله كلنا بخير

محمد: إنزين غرامي بقولج شي بس لا تعصبين ولا تزعلين

غرام : على حسب الشي

محمد: أنا يمكن تطول سفرتي لي لسبوع الياي

غرام: نعم نعم والله من صجك تتكلم

محمد: إي والله مع أن ما ودي أطول وأنا بعيد عنج بس شسوي هالشركه مو راضين يخلصون شغلنا و يرسونا على بر

غرام: إنت مع منو هناك

محمد: أنا مع ناس

غرام: إي منو

محمد كان يبي يطفرها قام وخله سكرتيرة أبوه تسوي روحها تناديه

......: يلا محمد شو بيك راح نتأخر

غرام: حمود إحلف هذي سوالفك أشكره عاد ألحين ترد لكويت مالي شغل

محمد: هههههههه شفيج عصبتي

غرام : منو هذي وعلى شنو راح تتأخرون

محمد: هذي محد

غرام: شلون محد وأنا سامعتها تقولك شو بيك محمد راح نتأخر

محمد يتطنز عليها : والله تعرفين تتكلمين لبناني

غرام: حموووووووود منو هذي خلصني

محمد: يبه هذي سكرتيرة الوالد وأنا قلت لها قولي هالجمله عشان أشوفج تغارين ولا لاء ....وطلعتي تغارين

غرام : ههه مليييييق

محمد: أفاا أنا مليق

غرام: إي وسخيف بعد

محمد: على الكلام اللي قلتيه راح أظل بدبي شهر شرايج

غرام: عادي ما يهمني

محمد: والله
غرام: إي عادي

محمد: خلاص أوكي

....: محمد شو بيك عن جد تأخرنا

غرام بسلوب فيه غيره: روح محمد عم تألك عن جد تأخرنا ما له داعي تكلمني ( تقلد جحي السكرتيره)
محمد : غرامي والله كل بنات العالم مايهموني

غرام: إي قص علي

محمد: والله

غرام: عبالي بعد لان ماراح أخليك تطالع أحد غيري

محمد: راضي

......: يلا محمد ما بيصير هيك بدنا نتأخر من شانك

محمد: غرامي أنا مضطر أخليج ألحين أكلمج باجر

غرام: أوكي عينك مو تفتر على السكرتيره وأنت هناك

محمد: أوكي أي أوامر ثانيه

غرام: لاء سلامتك

محمد:يلا باي

غرام:بايات

سكرت مكالمتها من محمد وقطت نفسها على السريربفرح ماتدري ليش بالضبط مستانسه .. شغلت الــ mp3 وقامت تسمع أغاني ماشيه مع المود اللي أهي حاسه فيها
********************************
في بيت مشاري

مشاري قاعد بغرفته ويفكر بطريقه يبعد محمد عن غرام ، ماكان هامه إذا هالشي ممكن يسبب حق غرام مشاكل ولا يأذيها بس كل اللي يهمه أنها ترد لها قعد يفكر ويفكر

مشاري قام من فراشه و ظل رايح راد <<<<

رايح راد بغرفته>>>>>

رايح راد <<<<

مشاري: بس لقيتها ، ماكو غير إني أبين لها أني خلاص نسيتها و أقرب منها شوي شوي و أفرقها عن زوجها راح أخليه يندم على أنه أخذ غرام مني

مشاري قلبه كان حاقد على محمد بشكل موطبيعي يعني لو كان يشوفه وياها بمكان يسوي وياه هوشه مو هامه

 

[miss 3yara]

في بيت مشاري
مشاري قاعد بغرفته ويفكر بطريقه يبعد محمد عن غرام ، ماكان هامه إذا هالشي ممكن يسبب حق غرام مشاكل ولا يأذيها بس كل اللي يهمه أنها ترد لها قعد يفكر ويفكر
مشاري قام من فراشه و ظل رايح راد <<<<
رايح راد بغرفته>>>>>

رايح راد <<<<
مشاري: بس لقيتها ، ماكو غير إني أبين لها أني خلاص نسيتها و أقرب منها شوي شوي و أفرقها عن زوجها راح أخليه يندم على أنه أخذ غرام مني

مشاري قلبه كان حاقد على محمد بشكل موطبيعي يعني لو كان يشوفه وياها بمكان يسوي وياه هوشه مو هامه
________________________________
الصبح محمد كان داز مسج حق غرام كاتب فيه أنها تخلي سيارتها وتروح مع جمانه ولا بشار
غرام سمعت الكلام وراحت مع جمانه ..
بالشركه :-

جمانه: اليوم يمكن أتاخر بشغل عشان جذي قولي حق بشار أهو يردج

غرام: أوكي مو مشكله

بشار كان حاط غرام و مشاري بالمحاسبه نفس وظيفتهم السابقه .. دخلت غرام المكتب مع بشار وانصدمت بوجود مشاري معاها بنفس المكان

غرام سحبت الكرسي وقعدت بمكتبها بدون أي كلمة

مشاري قرب منها : قوه غرام

غرام طالعته وهي رافعه حاجبها: يقويك

مشاري : غرام أنا حبيت أقولج خلاص مدام أنتهى اللي بينا أنا بخليج على راحتج و إنشالله نكون زمايل و أتمنى أكون ما ضايقتج بشي

غرام وهي مو مصدقه كلامه: أمممممممممممممممم يصير خير

مسؤول قسم المحاسبه بدا يعطي تعليماته حق مشاري و غرام ... كل واحد فيهم إنشغل بشغله و على الساعه 12.30 محمد دق على غرام

محمد: ألوووووووووووو

غرام كانت تبي تحر مشاري : هلا والله هلا حبيبي

مشاري كان معصب بس كان متمالك نفسه عشان تمشي خطته

محمد:الله راضيه علي اليوم

غرام: وليش كل مره ما أقولك حبيبي

محمد: إمبله بس اليوم غير

غرام:مثل ما تبي

محمد: إنزين طلعي أنا موصي واحد بهديه حقج

غرام: إنت للحين ما رجعت

محمد:لا شسوي غرامي هالشركة مطوله مو راضيه تخلص العقد اللي بينا

غرام : إنزين قولي أول شي شنو الهديه

محمد: مفجأه قومي طلعي و شوفيها

غرام:يلا محمد قول

محمد: نو نو نو طلعي و شوفيها

غرام: يعني لازم أطلع

محمد: يس

غرام : خلاص ألحين أطلع

محمد: أوكي باي

غرام : بايات

طلعت غرام وخذت معاها جنطتها بس نست مفتاح سيارتها على طايح يم المكتب مشاري أول ما شاف مفتاح غرام طايح منها خذاه من الأرض ولحقها بس عشان يعرف المفاجأه

غرام وهي توها واصله عند الباب عشان تطلع مشاري ناداها و وقفها : غرااااام غراااااااام وقفي
غرام: خير شتبي

مشاري : مفاتيحج

غرام مدت إيدها عشان تاخذ المفاتيح مشاري صار قريب منها وبدا يطالعها عدل وهي كانت تطالعه بس عيونها كانت وايد تفضحها فما كانت تقدر تطالعه وتحط عينها بعينه
محمد كان ناطر غرام بره كان مسويلها مفاجأه على طول أول ما رد من المطار راح البيت قط جناطه وأخذ سيارته وعلى طول عندها .. محمد كان قاعد بسيارته ينطرها تطلع لما شافها تاخرت قرر ينزل

نزل من السياره وبخطوات سريعه وقف يم الباب وطالع مشاري يكلم غرام لاحظ النظرات اللي دايما تصير بينهم بس تغاضى عن هالشي رد لسيارته ونطرها

محمد : ألوووو غرامي شفتي المفاجأه

غرام: لاء للحين نسيت مفاتيحي و الموظف اللي معاي يابهم لي وطولت ألحين أطلع أشوفها
محمد:يلا طلعي

غرام: أوكي يلا باي

مشاري لحق غرام لما طلعت وشاف محمد وقعد يقول حق نفسه: هذا اللي خذيته يا غرام هذا هين يا محمد أنا لك إذا ما خليتك تتحسف عشان خذت غرام ما أطلع أنا مشاري

طلعت غرام وشافت محمد واقف بسيارته: أمبييييييييه من متى أنت هني

محمد:من مساع

غرام دخلت السياره ومن غير شعور قامت وباست محمد على خده : حمدالله على السلامه
محمد:الله يسلمج شرايج بالمفاجأه

غرام: وايد حلوه

محمد وهو يسولف مع غرام قعد يطالع مشاري من المنظره الأماميه بسياره شاف مشاري واقف يطالعهم من بعيد محمد حاول يربط الأحداث بس ما يبي يظلم غرام ويتهمها بشي إهي مالها علاقه فيه

محمد: هاا وين تبين تروحين ؟؟

غرام وهي تتطنز :أول شي مافي أحد يقولك شو بيك محمد راح تتأخر

محمد: هههههههه لا مافي قلت حق السكرتير لو منو يبيني لا تدق علي طول اليوم

غرام: زين

محمد: شرايج نتغدا بره

غرام: غدا مابي

محمد : شتبين عيل

غرام : كيفك بس غدا أظن بالبيت وايد أحسن

محمد: خلاص نتمشى بشارع الخليج و أشربج عصير

غرام: أوكي

مشوا بطريجهم و وصلوا أول شي لي ضاحية عبدالله السالم

غرام: شكو ياين الجمعيه

محمد: بروح أشتري عصير

غرام: من الجمعيه جان رحنا بقاله أحسن بعد

محمد: لاء يبه من هذا المحل مال العصاير

غرام: أوكي

محمد ردلها بعد خمس دقايق أو أقل: تفظلي عصير عوار قلب

غرام : شسمه

محمد:عوار قلب

غرام:شنو هالإسم الغريب

محمد:ذوقيه وبعدين تعرفين ليش سموه عوار قلب

غرام: أممممممممم حلو

محمد: أف حدا عوار قلب

غرام: العصير

محمد: لاء حبج حدا عوار قلب

غرام: أهم شي

محمد: والله

وطلعوا من ضاحية عبدالله السالم وراحوا شارع الخليج يتمشون ولما صارت الساعه وحده ضبط غرام قالت حق محمد يردها البيت

غرام: يلا أنزل

محمد:أوكي كاني

محمد طفا السياره ودش مع غرام : السلام عليكم

الكل: وعليكم السلام

بشار: حياك يا النسيب الغد زاهب

محمد: الله يحيك

جوري: هاا وين رحتوا

محمد: والله تمشينا على البحر

أم بشار: يلا بسكم سوالف وسموا بسم الله قبل لا يبرد الأكل

الكل بدا ياكل بهدوء .. غرام أول وحده خلصت من الغدا و بعدها جوري وجمانه ..البنات راحوا قعدوا بصاله الثانيه والشباب قعدوا بغرفة طعام يشربون جاي ويسولفون

بشار: شلون كانت سفرتك

محمد: ماشي حالها بس متعبه والله هالشركه طلعت عيوني على ما خلصنا من العقد

بشار: لا تقولي شركة الميزان ال****

محمد: إي

بشار: الله يعينكم ما طحتوا إلا بالهشركه

محمد:ليش شفيها

بشار: هذي سلمك الله مع كل الشركات تسوي هالحركه لازم تطول بكل شي

محمد وهو يتثاوب: بعد صار اللي صار يلا يا نسيب أنا أستأذن

بشار:وين رايح تو الناس

محمد: والله تعبان وفيني النوم خو أنا من الطياره لي أختك على طول

بشار:خلاص نام هني و أول ما تقعد روح مافيها شي بعد أنت ألحين صرت واحد من الأهل وهذا بيت زوجتك

محمد: بس ...

بشار: لا بس ولاشي حياك إذا ما شالك البيت تشيلك عيونا

محمد:تسلم

بشار ومحمد طلعوا من غرفة الطعام ..بشار صعد ومرته لحقته أما محمد فصعد لغرفة غرام من غير ماتدري أن فوق قط غترته وعقاله على الكرسي و قط نفسه على لفراش قام وأخذ الريمونت وبدا يقلب بقنوات التلفزيون وحط Mbc 4 وكانوا حاطين مسلسل شوي ولا تدخل غرام وإنصدمت أن محمد بغرفتها

غرام وهي تسكر الباب بسرعه: شتسوي هني

محمد يعدل المخده: بنام

غرام: مينون أنت شتبي بشار يقول

محمد بكل ثقه: بشار قالي روح نام بغرفة غرام

غرام: ولو إني مو مصدقتك بس بسوي روحي صدقتك

محمد: إنزين شفيج قربي يمي ترى ما أعض

غرام:هههه شكو تعض

محمد شد غرام من إيدها وحظنها حيل بصدره: تعالي زين كيفي زوجج و أسوي فيج اللي أبيه
غرام: وِي أهم شي أسوي فيج اللي أبي

غرام كانت لابسه بجامه خفيفه و وسيعه كانت جتوفها طالعها و شعرها رافعته كله محمد حب يطفرها

قام وباس جتفها
\\
\\ بعدين باس رقبتها
\\ وباس إذنها من ورا
\\ بعدين باس خدها

غرام وهي تطالع المسلسل بنتباه: محمد بس لا تطفرني

محمد يلعب بشعرها :أوكي خلاص

ظل حاظنها و يلعب بشعرها كان يمرر أصابعه بين خصلات شعرها البنيه ويلعب بشعرها كان محمد مستانس على الحركه هذي .. غرام كانت ساكته وهاديه وايد ولما لتفت عليها محمد لقاها نايمة بحظنه وشكلها صاير أشبه بملاك ظل حاظنها ونام صار حق محمد عشر دقايق من غفا و نام رن موبايله قام ورد

محمد بصوت ناعس: ألوووو

......: شنو نايم

محمد: منووو أنت

....: كل هالنعومه و الصوت الحلو تقولي منو أنت

محمد كان ماله خلق استعباط: خلصني منوو

.....: شفيك حمودي تبيني أزعل عليك قولي أنتي أنا وحده مو واحد

محمد: إنزين شتبي

....: أووووووووووووه أنا وحده جم مره أقول بس أنت شكلك نايم معاها وماتبيها تسمعك وأنت تقول منو أنتي

محمد: نايم عند منو

...: بعد من غير غرام

محمد: وانت شعرفك فيها

....: والله أنا وحده وحده ليدي women

محمد: والله شكلك من الناس الفاضيه و أنا مالي خلق هالسوالف

.....: حمودي أنا أبيك ما أبي غرام تاخذك مني

محمد: أقول سكر ولا تخليني أطلع رقمك

.....: أنا وحده مو واحد و لوتبي تطلع رقمي طلعه ماني خايفه

محمد سكر تليفونه وقام من لفراش بشويش من غير إزعاج وغسل ويهه و أخذ أغراضه وطلع من بيت غرام وهو بسياره البنت المجهوله دقت عليه حوالي خمس مرات .. محمد كان محتار منو هذي البنت ومن وين تعرف غرام

 

[miss 3yara]

محمد صعد لغرفة غرام من غير ماتدري أن فوق قط غترته وعقاله على الكرسي و قط نفسه على لفراش قام وأخذ الريمونت وبدا يقلب بقنوات التلفزيون وحط Mbc 4 وكانوا حاطين مسلسل شوي ولا تدخل غرام وإنصدمت أن محمد بغرفتها

غرام وهي تسكر الباب بسرعه: شتسوي هني

محمد يعدل المخده: بنام

غرام: مينون أنت شتبي بشار يقول

محمد بكل ثقه: بشار قالي روح نام بغرفة غرام

غرام: ولو إني مو مصدقتك بس بسوي روحي صدقتك

محمد: إنزين شفيج قربي يمي ترى ما أعض

غرام:هههه شكو تعض

محمد شد غرام من إيدها وحظنها حيل بصدره: تعالي زين كيفي زوجج و أسوي فيج اللي أبيه

غرام: وِي أهم شي أسوي فيج اللي أبي

غرام كانت لابسه بجامه خفيفه و وسيعه كانت جتوفها طالعها و شعرها رافعته كله محمد حب يطفرها
قام وباس جتفها
\\
\\ بعدين باس رقبتها
\\ وباس إذنها من ورا
\\ بعدين باس خدها

غرام وهي تطالع المسلسل بنتباه: محمد بس لا تطفرني

محمد يلعب بشعرها :أوكي خلاص

ظل حاظنها و يلعب بشعرها كان يمرر أصابعه بين خصلات شعرها البنيه ويلعب بشعرها كان محمد مستانس على الحركه هذي .. غرام كانت ساكته وهاديه وايد ولما لتفت عليها محمد لقاها نايمة بحظنه وشكلها صاير أشبه بملاك ظل حاظنها ونام
صار حق محمد عشر دقايق من غفا و نام رن موبايله قام ورد

محمد بصوت ناعس: ألوووو

......: شنو نايم

محمد: منووو أنت

....: كل هالنعومه و الصوت الحلو تقولي منو أنت

محمد كان ماله خلق استعباط: خلصني منوو

.....: شفيك حمودي تبيني أزعل عليك قولي أنتي أنا وحده مو واحد

محمد: إنزين شتبي

....: أووووووووووووه أنا وحده جم مره أقول بس أنت شكلك نايم معاها وماتبيها تسمعك وأنت تقول منو أنتي

محمد: نايم عند منو

...: بعد من غير غرام

محمد: وانت شعرفك فيها

....: والله أنا وحده وحده ليدي women

محمد: والله شكلك من الناس الفاضيه و أنا مالي خلق هالسوالف

.....: حمودي أنا أبيك ما أبي غرام تاخذك مني

محمد: أقول سكر ولا تخليني أطلع رقمك

.....: أنا وحده مو واحد و لوتبي تطلع رقمي طلعه ماني خايفه

محمد سكر تليفونه وقام من لفراش بشويش من غير إزعاج وغسل ويهه و أخذ أغراضه وطلع من بيت غرام وهو بسياره البنت المجهوله دقت عليه حوالي خمس مرات .. محمد كان محتار منو هذي البنت ومن وين تعرف غرام

المره السادسه دقت فيها رد عليها محمد: ألووووووووووو

....: كنت متوقعه بترد علي

محمد: لا صج إنزين منو إنتي خلصيني

.....:ما أقولك بس تأكد أنا وحده تحبك من زمان و نقهرت وايد يوم إنك خطبت غرام

محمد يطلق تنهيده من كل قلبه :إنزين أنا اعرفج

.....: لاء

محمد: والمطلوب مني ألحين

.....: أنا أبيك حقي بروحي ما أبي أحد يشاركني فيك

محمد: حدج واثقه إني أنا مبادلج الشعور

.....: راح أخليك تبادلني الشعور

محمد: يلا بابا روحي لعبي لعبتج مكان ثاني شكلج إنتي متراهنه مع رفيجاتج إنج تبين تطيحيني وأنا ماني فاضي حق سوالف اليهال

.....: حمودي راح تندم على كلامك هذا

محمد: يلا يلا

وصكر التليفون بعد ثواني دق تليفونه مره ثانيه أهو كان متوقع أن البنت المجهوله ردت دقت ما توقع بتكون غرام

محمد بصراخ: ياخي ماتفهمين أنتي

غرام: شدعوه شفيك توك مافيك شي

محمد يرقع السالفه : سوري غرامي بس هذي السكرتيره أذتني تعال حق أبوك تعال حق أبوك

غرام: عادي ماصار شي

محمد: خير شبغيتي؟؟

غرام: إنت نسيت بوكك إهني

محمد :ولييييييه شلون نسيته

غرام: خلاص مدامك بعيد أنا ألحين أقطه بيتكم

محمد: لا حبيبتي ماله داعي تعبين نفسج أنا ألحين أرد

غرام: خلاص أوكي يلا باي

محمد: بايات

بعد ربع ساعه رد مشاري لبيت غرام نزل بسرعه وطق الباب غرام طلعت له

غرام: هاك حبيبي

محمد: يا قلــــبي

غرام تحط إيدها على خده:منو اللي شاغل بالك وخلاك تنسى البوك

محمد: محد شاغل بالي

غرام: متأكد

محمد: إي

غرام قربت منه وطبعت بخده اليمين بوسه خفيف وساسرته: تأكد ما راح أخليك تنشغل بوحده غيري

محمد إبتسم لها: أساساً ما أقدر يلا باي

غرام: بايات

راح محمد الدوانيه عند ربعه وهو طول الوقت اللي قاعد فيه كان باله مع البنت هذي ما كان عارف منو إهي ولا شتبي ولا شلون تعرف غرام

براك رفيج محمد : شدعوه بو جسوم بيعنا بالسوق

محمد:أفا عليك أشتريك بس والله بروك أنا نفسي مو عارف شفيني

براك:خير يبه شصاير مسرع ما تهاوشت مع زوجتك
محمد:لا مو مع زوجتي

براك: عيل مع منوو؟؟

محمد: وحده اليوم دقت علي ولعبت بعقلي

براك: شقصدك مافهمتك

محمد: دقت علي وحده وقالت لي أنها تحبني وأن أنا لها مو حق أحد ثاني

براك: يبه سواف يهال لا تاخذ بكلامها

محمد: أدري سوالف يهال بس المشكله أنها تعرف زوجتي وأنا خايف تضرها بشي

براك: يعني تتوقع أنها من أهلها ولا رفيجاتها

محمد:ما أدري يا برووك ما أدري

براك: إنزين عطني رقمها وخنحاول أتصل فيها وإذا ما ردت أدق على يسوف يطلع بياناتها من الشركه
محمد:هاك الرقم ******66

براك دق على الرقم بس محد رد عليه : ..............

محمد: شكلها ماخذها احتياطاتها عدل

براك: ماكو إلا يسوف

محمد: دزله مسج بالرقم لا تدق عليه يسويلنا فضيحه بعد أنت تعرف يسوف

براك: إي صح

براك دز المسج وفيه الرقم حق يسوف ..بعد خمس دقايق محمد كان على عصابه كان متوقع أن بعرف صاحبة الرقم و ويقفها عند حدها قبل لا تكبر السالفه

وصل المسج حق براك: الرقم هذا مال وحد أسمه راجو أنيل

براك: بو جاسم مالك أمل تلقاها

محمد: شنو طلع الخط بإسم منو

براك: الخط بإسم هندي إسمة راجو أنيل

محمد: ولييييييه هذي حدها عارفه شلون تلعبها

براك: حمود ما تتوقع أنها روان

محمد: أف شلي ياب روان على بالك

براك: مو يمكن إهي

محمد: لا ماظن روان تزوجت مويمكن ألحين عندها عيال وشتبي فيني

براك: بس يمكن تكون إهي ليش نسيت إهي شكثر تعلقت فيك

محمد: لاء مانسيت بس ما أتوقع إنها روان

براك: ألحين شتبي تسوي

محمد: بحط خطي مغلق على ما أشتري رقم يديد

براك: أممممممممم

وهما يسولفون دقت البنت المجهوله ..

محمد:أوووووش بروك دقت

براك :رد عليها

محمد:ألووووووووووووو

.....: وينك شنو هالإزعاج اللي عندك

محمد: وإنتي شكوو أنا وين أخاف زوجتي وأنا ما أدري

....: إنشالله بصير زوجتك

محمد: أنا متزوج أساساً وحتى لو ما كنت متزوج ماني خبل عشان أتزوجج

.....: إذا قصدك غرام فإنشالله تطلقها وأصير مكانها وإذا ما طلقتها عاد آخذك منهاولا نسيت الشرع حلل أربع

محمد:إنتي شتبين مني .. منو إنتي

.....: تبي تعرف أنا منوو

محمد: إي بعرف

.....: أنا

ونقطع الإتصال

محمد: الجلبه صكرت التليفون بويهي

براك: أقول حمود شكلها هذي وحده داشه على شر دير بالك إنت وراك زواج و عايله

محمد: أدري بروك عشان جذي أنا أبي أعرف من إهي عشان أوقفها عند حدها

براك: أممممممممممم

محمد:يلا بروك أنا ماشي

براك:تو الناس

محمد:أي تو الناس الساعه 1 بليل وأنا وراي شغل باجر

براك: خلاص نشوفك ومثل ماقلت لك دير بالك من البنت هذي ولا تعطيها ويه وإكشت فيها حتى لو دقت مليون مره

محمد:أوكي يلا خيوو مع السلامه

براك: مع السلامه

 

[miss 3yara]

يوم ثاني :-


الصبح في بيت أم بشار


غرام قامت من النوم الساعه 8.30 بدلت ملابسها ولبست قميص أبيض بخطوط صغيره لونها رمادي و سكني أسود وحطت شريطه ناعمه على شعرها و لبست نظاره كبيره مثل اللي هابين فيها هاليومين


وهي توها بتطلع من البيت وصلها مسج من محمد كاتب لها : ديري بالج من الطريج وحطي بالج على نفسج


وصلت الشركه على الساعه 9.00


غرام وهي داشه قسمها: صباح الخير


مشاري بلهفه: صباح النور


غرام بدت تشتغل بهدوء و تخلص شغلها ... وهي تشتغل دق فونها وردت كانت اللي داقه أم محمد


أم محمد: ألوووووو السلام عليكم


غرام: عليكم السلام هلا خالتي شلونج


أم محمد: بخير إنتي شلونج


غرام: الحمدالله بخير
أم محمد: شدعوه غرومه ماتين عندنا ما جنه أهل ريلج


غرام: شسوي خالتي أحس فشله ومحمد ما قالي أنج تبين تشوفيني


أم محمد: حمود أنا أوريه كل مره أقوله يبها عندنا من المجله ما شفناها ما كو عمك أصمخ دايما إنشالله إنشالله وما ييبج


غرام: خلاص أنا ألحين بالدوام لما أرد البيت أقوله إيبني عندكم ولا تزعلين جم أم محمد عندي
أم محمد: يا قلبي والله ..ذكريه مو تنسين


غرام: إنشالله


أم محمد:مع السلامه


غرام:مع السلامه


محمد كان داق بنفس الوقت اللي داقه فيه أمه : ألووووووووووو


غرام: هلا والله


محمد: ليش خطج مشغول تكلمين منو من وراي ؟؟


غرام: مشالله تصدق عمرك طويل توني قاعده أكلم أمك


محمد: هاا شنو حشيتوا فيني


غرام: والله ما حشينا بس أمك تقول كل مره تقولك يبني عندها وإنت تكشت


محمد:ما كشت بس ماكو وقت عشان أوديج


غرام: أمك تقول اليوم توديني لها


محمد: أفا عليكم خلاص إذا تبني أيبج لها شايلج على ظهري هم أيبج


غرام: إنزين وينك


محمد: وين بعد بشركة


غرام: متى تقدر تيي تاخذني عشان أعرف إذا أتغدا ولا أنطرك


محمد: بعد ساعه أمرج بيتكم لا تغدين


غرام: خلاص ناطرتك


محمد: أوكي يلا باي


غرام: بايات


طبعا مشاري كان طول الوقت قاط إذنه عند غرام ويسمعها شتقول
**********************************
ردت غرام البيت على الساعه 2.00 الظهر محمد كان ناطرها قبل لا توصل


محمد: يلا أمشي


غرام: بروح أبدل


محمد: والله شكلج حلو وقمر يلا


غرام: لا والله تبيني أروح بملابس الدوام أي شي


محمد: يلا روحي بدلي بس مو تطولين تراني ميت من اليووووع


غرام: أوكي


دخلت غرام بسرعه وراحت غرفتها على طول وبدلت على السريع ولبست نفنوف وسيع و مرتب لونه أبيض بوردي وحطت شريطه ورديه على شعرها وعدلت مكياجها وطلعت
محمد: لا حبيبتي جان طولتي أكثر


غرام: حرام عليك ماطولت وايد


محمد: لاء مو وايد بس ربع ساعه


غرام: وليييييه آسفه زين بس لا تاكلني بصراخك


محمد بنفسيه : نمشي أحسن


غرام: أحسنين


طول الوقت وهما ساكتين محمد ما كان مطاوعه قلبه أنها تزعل عليه : غرامي زعلانه


غرام رفعت النظاره ولتفتت عليه : شرايك


محمد: والله مو قصدي أصرخ أو أنفس عليج بس مزاجي هاليومين مو شي


غرام: لا ومزاجك بس يصير علي


محمد: أنا آسف زين باباتي


غرام: محمد لو كنت متضايق من شي و لا متكدر من شي قولي لا تخش علي


محمد: والله مافيني شي بس في جم شغله زاعجتني هاليومين


غرام ما حبيت تسأله شنو الشغلات اللي زاعجته لانه مدام ما قالها فما حبت تضغط عليه : أوكي


وصلوا بيت محمد


محمد: يلا


غرام تطالع نفسها بالمنظره


محمد: والله حلوه والله قمر


غرام: إنزين شفيك مستعيل بعدل شكلي أخاف فيني شي غلط


محمد: غرامي والله ميت يوع يلا


غرام وهي ترد حمرتها بالجنطه: يلا يلا بس لا تاكلني


محمد يبطل باب بيتهم : تفظلي هذا البيت بيكون بيتج عقب ما نعرس


غرام وهي تلتفت وتطالع البيت من داخل : حلو الديكور


محمد: أنا مسويه


غرام: طلعت خبير بالديكور وأنا ما أدري


محمد: أفا عليج أعجبج


غرام : وين أمك


محمد وهو يفصخ الغتره و يحطها على جتفه: يمه يمه وينج أم محمد يا أم محمد


أم محمد وهي تطلع من المطبخ: هلا وصلتوا


محمد: يلا يمه حطوا الأكل ميت من اليوع


أم محمد: وين غرام


محمد: كاهي قاعده يلا يمه حطي الغدا


أم محمد: وخر بشوف البنت ولاحقين على الغدا


غرام تقول وتسلم على أم ريلها: قوه خالتي شلونج


أم محمد: هلا بزوجة ولدي هلا بالغاليه مرت الغالي


غرام: هلافيج خالتي


أم محمد: ما بغينا نشوفج


محمد: يمه أنا يوعان من الصبح وأنا مو ماكل شي


أم محمد: حمود إسكت تشوفني أسولف مع مرتك ماتستحي


محمد: يمه لاحقين على السوالف


غرام وهي تضحك على شكل محمد: هههههههههه مسكين خالتي يوعان عذريه


أم محمد: يلا روحوا إنتوا غرفة الطعام على ما أنادي أبوك


محمد سحب إيد غرام : يلا إمشي


داخل غرفة الطعام محمد كان ناطر أمه وأبوه


محمد : غرامي مايصير تعطيني تصبيره على ما إيون الباقي


غرام: شنو تبي؟؟


محمد وهو يأشر على خده : بوسه


غرام: إستح على ويهك ألحين أهلك شيقولون عني


محمد: ولييه مره أهلك مره أهلي


غرام : عيل شتبيني أسوي أبوسك


محمد: إي


غرام: خير إنشالله


محمد:أقول أنا بقعد أحن عليج لين إيون أهلي لا تخليني أقولها جدام أمي وأبوي وأفشلج
غرام قامت من مكانها: خلاص خلاص ألحين أعطيك تصبيره


محمد إستانس وبدا يزهب نفسه


غرام وهي تبي تبوسه على خده لف ويها فجأه وباست طرف شفايفه


محمد: هياااااااااااااااااا هذي اللي أنا ناطرها


غرام ويها قام يقط ألوان : حموووووووووود يا مليق زين شنو هالحركه البايخه
محمد: كيفي


غرام: فرضا أمك داشه ولا أبوك شيقول وين قاعدين


محمد يدندن بغنية يوسف لعماني أحلى ثنين وخصوصاً مقطع: خل يقولون اللي يقولونه أنا بحبك متيم خل الحساد يموتون


غرام : مينون شقول عنك


محمد :مينون بحبج


أبو محمد :أحم أحم السلام عليكم


محمد قام وباس راس أبوه : هلا يبه


غرام سلمت على أبو ريلها: شلونك عمي


أبو محمد: بخير عساج بخير


أم محمد والخدامه وراها شايله الغدا : يلا حطي مني


تغدوا بكل هدوء ما كان في سوالف محمد كان يطفر غرام ويتحرش فيها بريوله من تحت الطاوله غرام كان ودها تبطها ضحكه بس كانت ساكته ومحترمه نفسها بعد الغدا بالصاله اللي محمد مبدع بتصميمها كان لون الصاله عنابي بذهبي كان شكلها وايد فخم وكلاسيكي من الإضاءه و القعده مكان التلفزيون البلازما و الورد المجفف للي بلون العنابي و الفازات الفخمه و الغاليه


قعدت غرام و يمها أم محمد وقبالهم محمد وعلى يسارهم بو محمد


أم محمد: هاا غرام شلون كان الغدا


غرام: مشالله خوش أكل


أم محمد: بالعافيه


غرام: الله يعافيج


أبو محمد: شلون أخوج بشار


غرام: الحمدالله بخير


أبو محمد: سلمي عليه


غرام: يوصل إنشالله


محمد كان يدز حق غرام مسجات : قولي بتروحين الحمام


غرام ترد له مسج: شكووو


محمد يدز لها: بس قولي


غرام: خالتي وين الحمام؟؟


أم محمد: عند الدري الرئيسي على إيدج اليمين


محمد : أنا أوريها


أبو محمد: خلاص إهي تروح


محمد: لا أنا أوريها


غرام ومحمد قاموا ومثلوا أنهم رايحين (كرمكم الله) الحمام ...


غرام قامت معاه ووصلوا لي الصاله الثانيه


غرام : يلا شتبي


محمد: إمشي


غرام: وين


محمد يسحب غرام من إيدها ويمشي فيها: ألحين تعرفين


صعدوا الدري ركض وراحوا لي الدور الثالث ..


غرام : وين موديني


محمد: صبري شوي


دخلوا غرفه مو مصبوغه مبين أن في عمال يشتغلون عليها و يسون ديكورها .. غرام و هي تطالع الدور هذا بستغراب مو فاهمه شسالفه


محمد: شرايج ؟؟


غرام: بشنوو


محمد: بالدور هذا


غرام: مهجور هذا ولا شنو


محمد: هذا بيكون بيتنا وألحين أنا قاعد أسنعه ويايب عمال كل يوم الصبح يخلصون الشغل اللي موصيهم عليه عشان نبدى نأثث البيت على راحتنا


غرام :أهااااااااااااا


محمد وهو يأشر على غرفه فاضيه ومغطيه بشراشف بيضه و صبغ بالأرض: شفتي هالغرفه إنشالله بتكون غرفة النوم مالتنا


ويطلع من الغرفه وهو يسحب غرام: وهني بيتكون الصاله تخيلي شلون بيكون شكلها أرضيه خشب و صبغ لونه بيج أو أزرق مثل شكل الجزيره و أثاث خشبي وعملي من أيكيا وأبجورات إضائتها خفيفه عشان الوضع يصير رومنسي


ويطلع من الصاله ويدخل المطبخ العملي اللي يطل على الصاله كان توه مو حاط شي غير بارتشين رخام


محمد: هني بيكون المطبخ اللي بتطبخين لي فيه مع إني مو متوقع أنج بتطبخين لي غير توست وجبن


غرام: لا والله


محمد يطلع من المطبخ و يدخلها بممر يعني فيه غرف وحده : وهني عاد بتكون غرفة جسوم و سارونه عيالنا


غرام وهي تضحك عليه: تو الناس على اليهال


محمد: لا عادي








يوم ثاني :-


الصبح في بيت أم بشار


غرام قامت من النوم الساعه 8.30 بدلت ملابسها ولبست قميص أبيض بخطوط صغيره لونها رمادي و سكني أسود وحطت شريطه ناعمه على شعرها و لبست نظاره كبيره مثل اللي هابين فيها هاليومين


وهي توها بتطلع من البيت وصلها مسج من محمد كاتب لها : ديري بالج من الطريج وحطي بالج على نفسج


وصلت الشركه على الساعه 9.00


غرام وهي داشه قسمها: صباح الخير


مشاري بلهفه: صباح النور


غرام بدت تشتغل بهدوء و تخلص شغلها ... وهي تشتغل دق فونها وردت كانت اللي داقه أم محمد


أم محمد: ألوووووو السلام عليكم


غرام: عليكم السلام هلا خالتي شلونج


أم محمد: بخير إنتي شلونج


غرام: الحمدالله بخير
أم محمد: شدعوه غرومه ماتين عندنا ما جنه أهل ريلج


غرام: شسوي خالتي أحس فشله ومحمد ما قالي أنج تبين تشوفيني


أم محمد: حمود أنا أوريه كل مره أقوله يبها عندنا من المجله ما شفناها ما كو عمك أصمخ دايما إنشالله إنشالله وما ييبج


غرام: خلاص أنا ألحين بالدوام لما أرد البيت أقوله إيبني عندكم ولا تزعلين جم أم محمد عندي
أم محمد: يا قلبي والله ..ذكريه مو تنسين


غرام: إنشالله


أم محمد:مع السلامه


غرام:مع السلامه


محمد كان داق بنفس الوقت اللي داقه فيه أمه : ألووووووووووو


غرام: هلا والله


محمد: ليش خطج مشغول تكلمين منو من وراي ؟؟


غرام: مشالله تصدق عمرك طويل توني قاعده أكلم أمك


محمد: هاا شنو حشيتوا فيني


غرام: والله ما حشينا بس أمك تقول كل مره تقولك يبني عندها وإنت تكشت


محمد:ما كشت بس ماكو وقت عشان أوديج


غرام: أمك تقول اليوم توديني لها


محمد: أفا عليكم خلاص إذا تبني أيبج لها شايلج على ظهري هم أيبج


غرام: إنزين وينك


محمد: وين بعد بشركة


غرام: متى تقدر تيي تاخذني عشان أعرف إذا أتغدا ولا أنطرك


محمد: بعد ساعه أمرج بيتكم لا تغدين


غرام: خلاص ناطرتك


محمد: أوكي يلا باي


غرام: بايات


طبعا مشاري كان طول الوقت قاط إذنه عند غرام ويسمعها شتقول
**********************************
ردت غرام البيت على الساعه 2.00 الظهر محمد كان ناطرها قبل لا توصل


محمد: يلا أمشي


غرام: بروح أبدل


محمد: والله شكلج حلو وقمر يلا


غرام: لا والله تبيني أروح بملابس الدوام أي شي


محمد: يلا روحي بدلي بس مو تطولين تراني ميت من اليووووع


غرام: أوكي


دخلت غرام بسرعه وراحت غرفتها على طول وبدلت على السريع ولبست نفنوف وسيع و مرتب لونه أبيض بوردي وحطت شريطه ورديه على شعرها وعدلت مكياجها وطلعت
محمد: لا حبيبتي جان طولتي أكثر


غرام: حرام عليك ماطولت وايد


محمد: لاء مو وايد بس ربع ساعه


غرام: وليييييه آسفه زين بس لا تاكلني بصراخك


محمد بنفسيه : نمشي أحسن


غرام: أحسنين


طول الوقت وهما ساكتين محمد ما كان مطاوعه قلبه أنها تزعل عليه : غرامي زعلانه


غرام رفعت النظاره ولتفتت عليه : شرايك


محمد: والله مو قصدي أصرخ أو أنفس عليج بس مزاجي هاليومين مو شي


غرام: لا ومزاجك بس يصير علي


محمد: أنا آسف زين باباتي


غرام: محمد لو كنت متضايق من شي و لا متكدر من شي قولي لا تخش علي


محمد: والله مافيني شي بس في جم شغله زاعجتني هاليومين


غرام ما حبيت تسأله شنو الشغلات اللي زاعجته لانه مدام ما قالها فما حبت تضغط عليه : أوكي


وصلوا بيت محمد


محمد: يلا


غرام تطالع نفسها بالمنظره


محمد: والله حلوه والله قمر


غرام: إنزين شفيك مستعيل بعدل شكلي أخاف فيني شي غلط


محمد: غرامي والله ميت يوع يلا


غرام وهي ترد حمرتها بالجنطه: يلا يلا بس لا تاكلني


محمد يبطل باب بيتهم : تفظلي هذا البيت بيكون بيتج عقب ما نعرس


غرام وهي تلتفت وتطالع البيت من داخل : حلو الديكور


محمد: أنا مسويه


غرام: طلعت خبير بالديكور وأنا ما أدري


محمد: أفا عليج أعجبج


غرام : وين أمك


محمد وهو يفصخ الغتره و يحطها على جتفه: يمه يمه وينج أم محمد يا أم محمد


أم محمد وهي تطلع من المطبخ: هلا وصلتوا


محمد: يلا يمه حطوا الأكل ميت من اليوع


أم محمد: وين غرام


محمد: كاهي قاعده يلا يمه حطي الغدا


أم محمد: وخر بشوف البنت ولاحقين على الغدا


غرام تقول وتسلم على أم ريلها: قوه خالتي شلونج


أم محمد: هلا بزوجة ولدي هلا بالغاليه مرت الغالي


غرام: هلافيج خالتي


أم محمد: ما بغينا نشوفج


محمد: يمه أنا يوعان من الصبح وأنا مو ماكل شي


أم محمد: حمود إسكت تشوفني أسولف مع مرتك ماتستحي


محمد: يمه لاحقين على السوالف


غرام وهي تضحك على شكل محمد: هههههههههه مسكين خالتي يوعان عذريه


أم محمد: يلا روحوا إنتوا غرفة الطعام على ما أنادي أبوك


محمد سحب إيد غرام : يلا إمشي


داخل غرفة الطعام محمد كان ناطر أمه وأبوه


محمد : غرامي مايصير تعطيني تصبيره على ما إيون الباقي


غرام: شنو تبي؟؟


محمد وهو يأشر على خده : بوسه


غرام: إستح على ويهك ألحين أهلك شيقولون عني


محمد: ولييه مره أهلك مره أهلي


غرام : عيل شتبيني أسوي أبوسك


محمد: إي


غرام: خير إنشالله


محمد:أقول أنا بقعد أحن عليج لين إيون أهلي لا تخليني أقولها جدام أمي وأبوي وأفشلج
غرام قامت من مكانها: خلاص خلاص ألحين أعطيك تصبيره


محمد إستانس وبدا يزهب نفسه


غرام وهي تبي تبوسه على خده لف ويها فجأه وباست طرف شفايفه


محمد: هياااااااااااااااااا هذي اللي أنا ناطرها


غرام ويها قام يقط ألوان : حموووووووووود يا مليق زين شنو هالحركه البايخه
محمد: كيفي


غرام: فرضا أمك داشه ولا أبوك شيقول وين قاعدين


محمد يدندن بغنية يوسف لعماني أحلى ثنين وخصوصاً مقطع: خل يقولون اللي يقولونه أنا بحبك متيم خل الحساد يموتون


غرام : مينون شقول عنك


محمد :مينون بحبج


أبو محمد :أحم أحم السلام عليكم


محمد قام وباس راس أبوه : هلا يبه


غرام سلمت على أبو ريلها: شلونك عمي


أبو محمد: بخير عساج بخير


أم محمد والخدامه وراها شايله الغدا : يلا حطي مني


تغدوا بكل هدوء ما كان في سوالف محمد كان يطفر غرام ويتحرش فيها بريوله من تحت الطاوله غرام كان ودها تبطها ضحكه بس كانت ساكته ومحترمه نفسها بعد الغدا بالصاله اللي محمد مبدع بتصميمها كان لون الصاله عنابي بذهبي كان شكلها وايد فخم وكلاسيكي من الإضاءه و القعده مكان التلفزيون البلازما و الورد المجفف للي بلون العنابي و الفازات الفخمه و الغاليه


قعدت غرام و يمها أم محمد وقبالهم محمد وعلى يسارهم بو محمد


أم محمد: هاا غرام شلون كان الغدا


غرام: مشالله خوش أكل


أم محمد: بالعافيه


غرام: الله يعافيج


أبو محمد: شلون أخوج بشار


غرام: الحمدالله بخير


أبو محمد: سلمي عليه


غرام: يوصل إنشالله


محمد كان يدز حق غرام مسجات : قولي بتروحين الحمام


غرام ترد له مسج: شكووو


محمد يدز لها: بس قولي


غرام: خالتي وين الحمام؟؟


أم محمد: عند الدري الرئيسي على إيدج اليمين


محمد : أنا أوريها


أبو محمد: خلاص إهي تروح


محمد: لا أنا أوريها


غرام ومحمد قاموا ومثلوا أنهم رايحين (كرمكم الله) الحمام ...


غرام قامت معاه ووصلوا لي الصاله الثانيه


غرام : يلا شتبي


محمد: إمشي


غرام: وين


محمد يسحب غرام من إيدها ويمشي فيها: ألحين تعرفين


صعدوا الدري ركض وراحوا لي الدور الثالث ..


غرام : وين موديني


محمد: صبري شوي


دخلوا غرفه مو مصبوغه مبين أن في عمال يشتغلون عليها و يسون ديكورها .. غرام و هي تطالع الدور هذا بستغراب مو فاهمه شسالفه


محمد: شرايج ؟؟


غرام: بشنوو


محمد: بالدور هذا


غرام: مهجور هذا ولا شنو


محمد: هذا بيكون بيتنا وألحين أنا قاعد أسنعه ويايب عمال كل يوم الصبح يخلصون الشغل اللي موصيهم عليه عشان نبدى نأثث البيت على راحتنا


غرام :أهااااااااااااا


محمد وهو يأشر على غرفه فاضيه ومغطيه بشراشف بيضه و صبغ بالأرض: شفتي هالغرفه إنشالله بتكون غرفة النوم مالتنا


ويطلع من الغرفه وهو يسحب غرام: وهني بيتكون الصاله تخيلي شلون بيكون شكلها أرضيه خشب و صبغ لونه بيج أو أزرق مثل شكل الجزيره و أثاث خشبي وعملي من أيكيا وأبجورات إضائتها خفيفه عشان الوضع يصير رومنسي


ويطلع من الصاله ويدخل المطبخ العملي اللي يطل على الصاله كان توه مو حاط شي غير بارتشين رخام


محمد: هني بيكون المطبخ اللي بتطبخين لي فيه مع إني مو متوقع أنج بتطبخين لي غير توست وجبن


غرام: لا والله


محمد يطلع من المطبخ و يدخلها بممر يعني فيه غرف وحده : وهني عاد بتكون غرفة جسوم و سارونه عيالنا


غرام وهي تضحك عليه: تو الناس على اليهال


محمد: لا عادي

 

[miss 3yara]

غرام وقفت تطالع محمد وهو يشرح لها وهو مستانس مكان كل شي بالبيت كان مخطط عدل ..
بعدها طلعوا من الغرفه اللي بتكون حق عيالهم بالمستقبل و راحوا قعدوا بالصاله اللي مافيها حتى غنفه يقعدون عليها , محمد حط جريده بالأرض وقعدوا


محمد: شرايج بتخطيط


غرام مسكت إيد محمد: إنشالله حبيبي يصير كل اللي في بالك واللي خططت عليه


محمد: أف تعبت


غرام وهي تحط إيدها على صدر محمد تتحسس دقات قلبه اللي كانت تدق بسرعه


غرام: من الركضه ركضتنا يمين ويسار أشوه إني مو لابسه كعب جان إنكسرت ريولي


محمد: هههههههههه


وهما يسولفون قاطعهم اتصال


محمد طالع الشاشه وشاف رقم كان رقم البنت المجهوله اللي تدق عليه كل ساعه ، قام وحقرها وخله التليفون صامت


غرام: إنزين وين غرفتك اللي إنت تنام فيها


محمد: تحت أمشي شوفيها


غرام: حاسه أنها بتكون عفسه بكل مكان قاط شي


محمد: إي صح


و نزلوا من الدري وهما ماسكين إيد بعض ..وصلوا لي غرفة محمد


محمد: دشي


غرام بطلت الباب وشافت التنظيم والترتيب اللي بغرفة محمد


كانت غرفته مو كبيره ولا صغيره حيطانها مصبوغين باللونين الأزرق و الأبيض حاط رف فيه كتب و مكتبه فيها نماذج عن السيارات كانت المكتبه متروسه بسيارات اللي محطوطين بشكل مرتب ، و مكتب حاط عليه لابتوبه و أغرضه مالوت الشغل


غرام: ما توقعت غرفتك بتكون جذي


محمد: توقعتيها بتكون عفسه صح


غرام: أكيد لأن أكثر الشباب غرفهم مو مرتبه ودايما عفسه


محمد: قلت لج أنا غير عن كل الشباب


ورد قاطع سوالفهم إتصال من رقم غريب محمد رد عليه: ألوووووو


.....: يعني قاعد ليش عيل ما ترد علي


محمد: اللهم صبرج يا روح على هالناس ياأخي ما تفهم لاتدق على هالرقم


....: أنا وحده وحده وحده لا تكلمني بصيغة مذكر


محمد: ولييه شوف مره ثانيه دق على هالرقم وشوف شلون راح تندم


غرام حست أن محمد معصب : محمد شفيك منو هذا


....: إهي للحين عندكم بالبيت


محمد: وإنت شدراك


....: أنا أدري بكل شي عنك مو أنت حبيبي وإنشالله تصير زوجي


محمد: لو تموت و ما يبقى أحد غيرك بهالعالم ما يصير اللي في بالك


...: حمودي لا تكلم معاي جذي صدقني راح تندم


محمد: أندم على شنو


...: راح تندم


طوووووووووووووووووووووووووووووووووووووووووووو وط ...طووووووووووووووووووووووووووووووط
وإنقطع الإتصال


غرام: شفيك محمد منو هذا


محمد: واحد تافه صار له جم يوم يأذيني


غرام: محمد دير بالك أخاف ناوي عليك نيه مو زينه


محمد:لا تحاتين ولا تحطين في بالج مصيره بيوقف هالإتصالات


غرام: إنزين أمش تحت حق أمك وأبوك ألحين أكيد أهم ناطرينا


محمد: ألحين أهم ناموا


غرام : إنزين إمش تحت


محمد: يلا


قعدوا تحت مع أم محمد لين الساعه صارت 6.30 المغرب


محمد: أقول غرام أنا بروح أبدل عشان نمشي ألحين


غرام: أوكي


محمد ما أخذ وقت وايد وهو يبدل لبس بنطرون جينز و تيشرت أسود : يلا غرام


غرام وهي تسلم على ام محمد: يلا مع السلامي خالتي


أم محمد: مع السلامه


محمد: يلا باي يا الوالده أشوفج بالليل


أم محمد كان ناغزها اليوم قبها على ولدها: مو تطول بره ودير بالك محمد .. عشاني دير بالك


محمد: إنشالله إنشالله


طلعوا من البيت وركبوا السياره ، محمد كان مايبي يرد غرام على طول البيت فقالها أنهم بيروحون البحر يقعدون


محمد: هاا شرايج نروح البحر


غرام: شلون إحنا مازهبنا شي


محمد: أفا عليج أنا 3 أشياء ما أشيلهم من دبة السياره


غرام: شنو أهم


محمد: جنطة ملابس إحتياطيه و زوليه أو إبساط حق البحر و شحن تليفون


غرام: أهم شي وجنطة الملابس شكوو


محمد: لان مرات ما أنام بالبيت وأروح مع الربع البحر و هالسوالف


غرام: إنشالله هالشي راح يتغير


محمد: مو أكيد


غرام: محمد شكو لي تزوجنا تنام بره البيت


محمد: عادي ما فيها شي


غرام: لا فيها شي ما تنام زين


محمد : خلاص زين ما أنام والجنطه من اليوم بنزلها من السياره أوكي


غرام : أي أحسن
_________________________
وصلوا لي البحر :-

البحر محمد نزل البساط و فرشه على رمال البحر الناعمه الرطبه من البحر القمر كان يومها بدر كامل والجو يسحر يعني لا كان الجو بارد حيل ولا حار و لا رطب حيل

محمد : بروح أيب لي برد شتبين إنتي

غرام: يب لي فراوله ولا كاكاو

محمد: من عيوني

غرام: تسلم لي عيونك

محمد قام وراح حق راعي البرد وشره ماي وعصير وبرد ، وهو اللي راد حق غرام وقفوه أثنين مصاكه تقول جنه كبت واقف ماكان مبين ويهم كان متلثمين بغتره

.......: أنت محمد

محمد لف على الشباب: منو أنتوا

الشباب سحبوا محمد معاهم لي المواقف ..

محمد: هييييي منو أنتوا شتبون

....: مو قالت لك راح تندم وألحين راح تندم

محمد: شقصدك
وطاحوا الشباب طق وتشوت وترفس بمحمد ..محمد ماكان يقدر يدافع على نفسه لأنه واحد من الشباب ماسكه من إيده و الثاني يطقه محمد طاح بالأرض وهذيل كملوا طق فيه .. شوي محمد قام عشان ينحاش منهم بس واحد من الشباب كان معاه عجره وبقى يطق محمد بس لولا ما شافهم راعي البرد وقالهم أنه بيدق على الشرطه خلوه

..........: قلنا لك راح تندم
غرام وهي على الشاطئ قاعده ناطره محمد : طول محمد شفيه كل هذا إيب برد

حاولت غرام تدق على محمد بس ما كان يرد عليها ..زاد خوفها عليه من بعد المكالمات اللي كانت تيله
شوي غرام نغزها قلبها وقامت من مكانها وراحت تشوف محمد عن راعي البرد وهي تمشي شافت جيس البرد مقطوط اعتقدت أن محمد راح يشتري مره ثانيه

قربت من المواقف ولقت محمد طايح والدم ينزف من راسه كان ما يقدر يتحرك ، غرام راحت له ركض وهي ميته من الخوف

غرام شالت راس محمد وحطته على حظنها: محمد ..محمد حبيبي تحجي شفيك

راعي البرد قرب من غرام: في اثنين شباب ضربوه ومشيو

غرام كانت منهاره وتبجي: من هذيل وليش طقوه

راعي البرد: ما عرفش والله بس أنا إتصلت على الشرطه وهما جايين إنشالله هما والأسعاف

غرام ما كانت تعرف شتسوي ولا شتتصرف شوي طلع لها وي مألوف من المواقف ..كان مشاري ياي

وجود مشاري بنفس المكان كان صدفه ولا له شغل باللي صار
هذا اللي راح نعرفه ، ومحمد حالته راح تكون خطره ولا بيكون مافيه شي
ــــــــــــــــــــــــــــ
نوقف لي هني ابي اشوف ردود وتوقعات

 

[دبة زمانها]

وااااااي فديت اللي تفداني انا...
والله عسل عسسسسسسسل..
يلا انتظر التكمله...سي ..التكمله...

 

[دبة زمانها]

والله يخليج بلا كلمة توقعات خليها مفاجأة لنا احسن...
بس اذيتج ادري سوري وايد اتحلطم جني عيوز(بايقين عشاها!)<<<<<اهم شي
سي التكمله ...

 

[miss 3yara]

لووووووووووووووووووووووووول
دبة زمانها باجر بكمل اووووووووووكي ويالله باي وتصبحون على خييييييييييير

 

[روح اهـلـها]

لا مشاري اكييييد قااصد >>>اشوف صرتيله فرعون الحين
اممممممم اتوقع مشاري ماراح يهد غرام بحالها
وراح ينفصلون غرام ومحمد
بلييييييييز كمليييييييي

 

[روح اهـلـها]

لاااااا
انا شكلي عطييييييتج عين
يلاااا شنسوي ناااااطرين حبوبه
تصبحين على خير
احلاااااااااام سعييييييييييييده

 

[دبة زمانها]

امبي فكرتي عن محمد اشوي تغيرت صار اوكي بس الله يستر مادري شنو يبي ايصير توقع واحد او بس ان محمد راح ايصير ارفيج مشاري يمكن ليش ساعده ...مدري يلا انطر التكمله..

 

[دبة زمانها]

اوكي حياتي تصبحين على الف خير...
وعلى قولت روح..احلام سعيده..باي

 

[marshmallow]

plzzzzzzzzz il takmilaaaaaaaaaaaa
na6reenich

 

[~*~الملكة~*~]

كسر خاطري محمد

ماحبيت حركة مشاري الي سواها

في غرام ومحمد ليش يبي يبعد بينهم


الي يحب يضحي مو يعذب الي يحبه


بانتظارج حبيبتي اصايل

 

[good luke]

القصة رووووعه يعطيج العافيه يا قلبوووووو_03ba:_03ba:_03ba:

 

[دبة زمانها]

يلا ماييتي يلا انا قاعده افكر امس طول الليل بالتكمله مادري اشلون نمت....!
يلا انطر التكمله ........سي التكمله......

 

[روح اهـلـها]

وييييينج توقعت تكونين حاطه بارت
يلاااا نااااااطريييييييينج

 

[دبة زمانها]

وينج اصوووووول رحت ورديت من بيت يدتي وما حطيتي بارت وينج ..؟؟؟؟؟!!!!!
!!!!!!! قلت الحين بوصل البيت بقرا لا وبعد ماراح يمديني بس وينج اشصار اشفيج متاخره تره حدي نتشوقه.....
يلا انطر التكمله وبلييييييييز لا تتاخرين...

 

[miss 3yara]

سوري حبايبي على التاخير والحين بعوضكم بارتات واااااايد