جرحني زوجي وربي محتاجتكم

[BomCHekaWawa]

لا لا موطبيعي @@
حتى لو كان عصبي و الاعصاب ذابحته ما يطق هالطق !
لازم تكلمينه ! قوليله لا تمد ايدك و خل يكون في احترام !
ترى والله والله اذا راح الاحترام تنهدم حياتكم اسم الله عليج !
مو حاله هذي يمد ايده شكوووووو @

 

[(دلع الجنوب)]

حتى انا ضربني زوجي وماهي اول مره فدقيت ع اخواني راح يتفاهمون معااااه

 

[ملح و سكر]

انا اتعجب علي شى واحد فقط اهو يطقج كل هالطق وبعدين يروح المسجد ويصلى ..هذا اى صلاة اللى راح تنقبل

وانتى الله يهداج عارفه ريلج انه مايتحمل غشمره لاتتغشمرين معاه واذا اهو تغشمر قوليله انت مو ويهه غشمره ....وخليه لاتحاولين انج تتغشمرين معاه ....

وبالنسبه للموضوعج الحين خلاص شى راح وانتهى بس انتى حاولى انج ماتكلمينه وسوى نفسج مريضه وتعبانه

جود تكسرين خاطره ويقوم يتغذر منج .....
ولازم تعلمينه حدوده عشان مايكرر فعلته هذى وقوليله انا ماقلت لاهلى مو عشان خايفه منك لا

لانى وبنت متربيه مااحب مشاكلى تطلع بره ....واسكتى عنه جم يوم لاتكلمينه ولاتشوفين حتى طلباته خل يحس بوجودج ......
والله يهدى سركم ان شاء الله

 

[عيش و مرق]

لالالالالالالالا اتغشمرين معاه جذى لاتمدين ايدج عشان لا يمد ايده

واى زين مامتى تحته عمه بعينه يدوس راسج بريله وساكته قولى حق اهلج وقولى انا غلطانه بس الحين مو وقته اوقفو معاى وهاوشوه بعدين خلاص اتوب وما اتغشمر معاه

 

[يتيمــــه]

انا منصدمه
مت شغله وحده
طقج بايده
بعدين بوكسات
بعدين داس ع وجهج
بعدين معلاق الملابس
بعدين حزام بنطالوونه

!؟؟؟؟
وللحين عايشه
احس بدش غيبوبه
واللي يذبح فوق هذا كله تحبينه
ماتبين احد يحط عليه؟؟؟.

شوفي ماتطلع من ثنتين
يانتي طاقته طقه محترمه وزافته
شي طبيعي ردت فعله هذي

يا ....

 

[اشراقة المحبة]

استغفر الله شنو هذا ؟؟ وين قاعدين هذه وانتي زوجته وجذي مطقق فيج عيل لو انتي عدوته شنو يسوي ؟؟ والله اللي صج بط جبدي لما قلتي انه راح يتوضى عشان يصلي ... انا اللي اعرفه ان اللي يصلي يكون هادي وقلبه فيه رحمة مو جذي !!! بصراحة لازم توقفينه عند حده والا راح يتمادى وترا فوزية الدريع مرة وحدة في برنامجها اشتكت لها من ريلها انه كله يمد ايده وانه حيل عنيف بالطق يعني ما يغشمر ... تدرين شنو قالت لها الدكتورة ؟؟ قالت ان مع الاسف اغلب الدراسات تؤكد ان نهاية الزوجات مع الازواج اللي بهذا الطبع هي (المووووووت) ... وقالت لها اما انج توقفينه عند حده وادخلين ناس كبار من اهله واهلج في الموضوع ... اوانها تنفصل عنه ... لان تخيلي البنت اللي اتصلت تقول مرة بس كلمته قالتله شي عاااادي جدا جان يقوم ويكسر جم اصبع من اصابع ايدها ... امانة هذا صااااااااااااااااااحي ؟؟ استغفر الله ... فانتي اتخذي موقف جااااااااااااااد وحااااااااااااازم مع ريلج ومن ألحين دخلي اهلج بالموضوع حتى لو قال انج غلطانة بس مو لهذه الدرجة يطقج شنو هالحقد ؟؟؟ لا وبعد داس على ويهج واااااااي شنو هالقلب اللي عنده ؟؟؟ هذا داس على كرامتج وانسانيتج اذا الرسول عليه الصلاة والسلام نهى عن الضرب في الوجه هذا حضرته يدوس على ويهج ... بصراحة اذا سكتي على هالشي اسمحيلي اقولج انج خسرتي شي واااااااااااااااااااايد كبير وهو (الكرااااااااااامة) ... وقفيه عند حده وعلميه ان وراج رياييل يعرفون شلون يتفاهمون معاه ... اسمحيلي على بعض الكلام اللي قلته بس والله احتريت من اللي كتبتيه ... الله يكون بعونج وموفقة ان شاء الله

 

[بنت الاحلام]

الله يعينج انا ما احترم الرجال الي يمد ايده ع الحرمه ابدا

تحت اي ضرف او اي سبب انا افضل الطلاق ع الطق احس الرجال الي يطق الحرمه مو رجال

 

[الرها]

ما اقدر اقول شئ
بس اقوولج قلبي يعورني علليييييج
مع اني ما اعرفج وكسرتي خااااطري
الله يسخره لج ياااااارررب

 

[كويتيه مذهله 87]

من صجج وقاعده
تري هو قاعد يتمادي ويطقج لانج سااكته ويقوول هذي ماوراها رياايييل
لأ حبيبتي كلش ولا الططططق

روحي عند اهلج وزعلي صدقيييني ايييلج يبووس راسج يقولج بس بعد توبه امد ايدي


الي يمد ايده موريااال لا تزعلين مني وشخصيته ضعيفه

لا تقولين بسكت علشان ولدي وما اب ياروح بيت امي لان هالشي ماينسكت عنه شنو يعين ريلي يطقني واسكت وييييع

 

[ommishari]

ردي راح يكون حسب كلامج
أول شي في شي غريب بالكلام ، يعني موواضح - اذا أنتو كنتو قاعد تتغشمرون فهو يكون زودها شويه - واذا من صج طبعا غلط تمدين ايدج عليه ويكون بينكم هذا الكلام والسب ، لأن انتي ما حترمتيه وسبيتيه واهو قاعد يرد عليج لأنه ريال
وشي ثاني : يبين من كلامج إنه مو أول مره ، فالمفروض من أول مره يصير بينكم جذي ما تكررين الطق حتى لو غشمره ، وبعدين لما تحقرينه اذا يحبج ماراح يصبر حتى لو تم شهر ماسك نفيه مرده بييج ( اذا يحبج)
وعذريني على كلامي اذا ما عجبج بس هذا رايي

 

[مضاويـ]

صارت ملاكمه

الفلم هذا اي جزء ؟

انا ما كنت برد على الموضوع لأنه ما عندي شي اقوله ..

لكن شفت ردج حبيت اقولج

" فيعافيه الله و يبتليك "

 

[مضاويـ]

و الله ما هان علي اطلع من الموضوع و انا بقلبي حره عليج

انتي باين عليج تحبيييييييييييينه حييييييييييل ..

و وهو ما يحبج كثرج .. حاولي ما تبينين له هالشي عشان لا يشوف نفسه عليج و يكون واثق من نفسه انج ما تخلينه

لا بيني له ان الله حق

و روحي عند اخوانج ... اذا ما تحبين نظره الشفقه و كرامتج .. ما تسمح لج .. انه اهلج يشوفونج بهالنظره ..

ما فكرتي بنظرته اهو .. !!!!

لا حول ولا قوة الا بالله قهرني طاقج و يروح يصلي

و الله حرررررررررررررررره بقلبي

دخلي احد كبير .. حتى لو تموتين فيه خله يوقف عند حقه اليوم يطقج باجر يطيح فيج فناقر .. و محد داري عن هوى دارج

الله يعينج شكله عسر .. و مو مال غشمره

 

[!الجادل الصعب!]

كل انواع الطق جربها فيج وانتي تقولين مابي ازعل عشان ما يزعل..!
لا تكفين ترا ماتحمل غباء الجريم
وقفيه عند حده لا يصير طراقج عنده بـ بيزه ..
وشنو يدوس عـ الوجه .. ناطره اهانه اكبر من هذي عشآن تزعلين..
وشكو تقولين له دق علا بو فلآن يبيك وانتي ماقلتي لاخوك..
لو دق وطلع اخوج ماعنده خبر شنو موقفج منه .. و زوجج بيدري ان انتي خفتي لا تقولين لهم وبيتمادى..
لاتصيرين غبيه وتخلينه يتمادى
جد قهرتيني..!

 

[Tom ♥ Jerry]

.


آمبيه آمبيه ! وين قاعدين آحنآ
شنو هاذا كل هاذا عشان غشمره :|

حبيبتي حقريه الحين و لا تروحين بيت آهلج ..
لأنه مآ ردج حق زوجج مآله دآعي الناس يدرون بلي صار !
حقريه و بينيله انج زعلانه
و مره ثانيه لاتتغشمرين معآه يامعوده دآم هاذا اسلوبه :|

 

[sKntyny]

ناطرينج حبيبتي .. قلبي كلاني عليج

 

[۩۩ الجـــــود ۩۩]

انتى غلطانه حبيبتى تراددينه ليش
وتقولين واطى بعد اكيد بيمد يده
بما انك غلطانه اسكتى وبيتعدل الوضع واحترمى نفسك
وشوفى شنو بيصير اذا ما تعدل كلمى اخوانك
الله يصلح حالكم

 

[noo7a]

انا مع الماسه
اذا قلتي حق اخوانج اكيد ماراح يسكتون له
و اذا كلموه اكيد بيقولهم اهي ايدها طويله
وبجذي بدال لا يوقفون معاج بيوقفون معاه
انتي لا تراددينه خليه ان قط كلمه حقريه و بس

 

[آنا من دونك أندمر]

الله يهديه لج ويسخره يارب

 

[ليااااان]

هههههههههههاه ايش اخبارش ان شاء الله خير استغفري طول الوقت وبيرجع صدقيني ............ بس غيري نفسش تماما عشان ما ترجعون مرة ثانية لنفس المشاكل

 

[بعدك طيب !]

تبين الصج انتي غلطانة !!

سمحتيله من البداية انه يتمادى ويمد ايده عليج ..

والحين جايه تقوليله انت واطي ومو محترم !!

والله عيب محد يرضاها قولي للي تبينه هالكلمة الا زوجج !

اعذريني بس انتي غلطانه حيل والله ..