جرحني زوجي وربي محتاجتكم

[rymyy]

اذا احترمتي نفسج بالاول هو بيحترمج واذا قدرتي ذاتج هو بقدرها اصلا الريال مايحب المره الضعيفه اللي ماتقدر ذاتها

الحين كم مره يكفخ فيج ونتي ساكته ؟؟؟

 

[ماني من الناس]

أهي قاعده تمزح معاه يعني انثى مو معقول تطق


اهو مو صاحي ,,,,,,,,,,,, شنو يدوس على ويهج

كلمي ابوح واخوانج يكلمونه عشان يعرف انه وراج رجال وان محد له حق يمد ايده عليج

 

[رتو الكيوت]

تدرينه يطق شلون تطقينه

ولاتسكتين له شنو بالعقااال ؟

 

[روح مغليهآ]

مادري شقولج بس يطقج مو شي بسيط انتي حييييييييل مسترخصه نفسج

 

[ورده الكرستال]

والله حبيبتي اهو طقج سيم وعقال وحزام

تستنينه يجيب مسدس وثورفيج

حبوبه تحبينه مافيها شي بس لازم يتأدب شوي على شان يلزم حدوده

 

[الوردة المكنونة]

حبيبتي من غير زعل وبكل صراحه انتي غلطانه الريل ما تمدين ايدج عليه حتى بالغشمره رفيج اخوي طلق مرته لانها مدت ايدها عليه والكل وقف معاه هالمره طوفي الموضوع ولا تقولين حق اهلج لان بحطون الغلط عليج واذا مد ايده مرا ثانيه قولي حق اهلج يوقفونه عند حده ويا معوده علقه تفوت ولاحد يموت على قولت المصريين*

 

[شقرديه كيوت]

الله يعينج--بس نصيحه اذا سكتي راح يتمادى ويتعود ع الطق - روحي لهلج والله مافيها شي - عزي نفسج - خليه يتأدب جم يوم ------ استغفرالله الدين كرم المرأه والناس هذي لالحين مو راضيه اتعلم

 

[نونو العصله]

الريال يجي بلمسايسه مو العناد وطولة اللسان
الله يهديكم لبعض
ابدو من جديد و بسلوب ثاني

 

[نادره في وجودها]

وين قاعدين بمدرسة صبيان

ولا شكلج متأأأأأثره من المصارعه الحره وحطيتي حرتج بالرجال

انزين ليش ما خليتي ولدج الصغير الحكم ون تو ثري هههههههههههههه ويرفع ايد ابوه هو الفايز

لا اخاف شايفه افلاااام جاكي شان عشان
انزين ليش تضاهرين انج مغمي عليج لو انا منه اكت عليج ماى بارد عشان يوعي قلبج ههههههههههههههه

انزين تبين تشتكين وانتي الغلطانه انا اقول ابلعي العافيه وسكتي احسلج هههههههههههههه

 

[فيونكه..~!]

الله يهديـــــــــــه

 

[ليان]

ياحياتي ياقلبي

شدي حيلج وتوكلي على الله

صلي صلاة الاستخاره

كلمي واحد من اخوانج اللي تحسين انه فاهم للدنيا

قوليله كل شئ

وكثري من الاستغفار

 

[مرايم2009]

ماااالت علييج غبيه ماني داعيه على ريلج لانج طلبتي هالشي بس اسمحيلي انتي ماعندج كرامه

 

[miss_7sawiya]

حبيبتي انتي الغلطاانة
المفروووض من اول موقف من تزوجتي مد ايده عليج تقوولين حق اهلج مو بعد مرووور الوقت بقووولين حق اخوانج المفرووض من البداااية علشااان لا يتمادى ويمد ايده عليج حتى لوو في اموور ثاانية يووقف عند حدااا

 

[Fiori]

لا حول ولا قوة الا بالله ..

شلون جذي انتي ... ؟؟؟

شلون يطقج هالطق وانتي ساكته وعادي .. ؟؟؟

وين قاعدين .........؟!!!!!

شلون راضيه على نفسج بالاهانه ... ؟؟
​

 

[wafa82]

الله يسخره لج حبيبتي

 

[*((كـارينـا))*]

اهم شي وراح يتوضا عشان يصلي المغرب


إلي يخااف الله ما يسوي جذي بمرته وانتي سكتي عليه وايد


اذا بتسكتين راح يتمادى عليج اكثر .. لازم احد يحطه عند حده


حتى الرسول صلى الله عليه وسلم قال (( رفقــا بالقواريـــر )) وانتي خايفه علسه حتى من الدعوه


العيب فيج مو فييه

 

[روعه 99k]

دام هالكثر تحبينه
بلعيها وسكتي
وخليه كل مره يادبج
جود تنعدلين
اكو مره تمد ايدها علي ريلها

 

[barbya_q8]

اكره واستحقر الريال الي يمد ايده على مره مو رجولة هذي اسمحيلي وغلط تسكتين له ترى بيتمادى اكثر

الله يهديه انشاء الله

 

[seedo]

اذا انتي ما عزيتي نفسج منو بيعزها؟
واذا ما احترمتي نفسج من البدايه منو بيحترمها؟

قبل لا اتعلمين اخوانج أول شي احترمي نفسج معاه ولا تتغشمرين وياه بالطق واتسوين نفسج صبي .. اذا مد ايده بعدين مني و الطريج وبدون سبب اهني تقولين له ستوووووووووب ودخلي اهلج

 

[Kocheko]

طاقج وبيروح يصلى ؟؟؟
اى صلاه تقبل له ؟؟؟؟ أستغفر الله
ما قول الا الله يعينج ... حبيبتى لا تتغشمرين معاه هالغشمره هو ما يعرف شنهى الغشمره ....
وبعدين شلون تسكتين له ؟؟؟ يطقج هالطق ؟ ماله حق ؟؟
كلمى اهلج يوقفون عند حده ترا الريال لو حس ان المره ضعيفه ما وراها اهل ما بيفتكر فيج ...