جرحني زوجي وربي محتاجتكم

[يارب سخره لي]

للحين مارجع ...بس قط ماجله عند الباب وراح حتا ماشفته ..

 

[Zahron]

في مره بالكويت تسكت عن ريال يكفخها جذي !!!!!!!!!!!!! حتى لو كنتي غلطانه مايطقج جذي

 

[ام النايف]

الله يسخرة لك يارب ويبعد عنكم الشيطان واعوانه يارب
اختي انتي سوي اللي ترتاحين له زوجك وانتي ادرى فيه لكن حاولي ماعاد تستفزينه وتوصل للضرب بينكم خافي على نفسك بعيد الشر عنك مو كل مرة تجي سلامات ,, اختي اذا تحسين راسك يعورك روحي المستشفى واكشفي على نفسك لايكون سبب لك نزيف ولا شي بعيد الشر عنك .. واذا تمام ارتاحي صلي ركعتين ونامي تريحين نفسك ,, الله يكون بعونك ويشرح صدرك يارب

 

[يارب سخره لي]

والله راسي يعورني اكلت حبوب ..مادري ليش فصل على راسي
عاد اليوم مبطله شعري شكلها عين خدامتي لوول والله من القهر اقول جذي..

 

[الحياة جوهره]

الله يعين حبيتي بس ماتوصل يمد ايده يعورج دقى عليه قوليه تعال ودنى الطبيب تعبانه واسوي اشعه على راسج استغفرلله السالفه ما ينسكت عنها وقوليه ما كلمت اهلى لا طيح من عيونهم

 

[الكويت حياتي]

حبيبتي وقفيه عند حده باجر يتعود بنت خالتي كسر خشمها لا وولد حموله وناس سنعه ليش لان عودته ان تطوف

 

[كتكوته ورديه]

يا عمري الله يعينج بس لازم تعلممين اهلج طقج طق حيل وتقولين ما ابي اروح بيت اهلي

 

[بنات حواء2]

حبيبتي حسستيني انكم قاعدين بحلبة مصارعه مفتوحه
شصاير بدنيا
اولا انتي غلطتي مديتي ايدج وفي وايد رياييل مايحبون مدت الايد
حتى لوغشمره يعتبرونها تطيح من رجولتهم و هيبتهم
وبعدين فوق قوات شينج قوات عينج
طاقته و تسبينه
حبيبتي راجعي نفسج
اغلاطج واااااااااااااايد
واذا دخلتي اهلج بالموضوع بيضحكون عليج و بتزيد اغلاطج
اعتذري حق ريلج و انتهى الموضوع

 

[Lédy LoOlà]

الله يسخره لج ويهديه .. بس اسلوبج خطأ حاولي تغيري من نفسج معاه .. ولاتقولي هالكلام .. عاتبيه بدلع ولاتراددينه .. سكتي عنه اذا صار يسب او يغلط

 

[ام محمد***]

كلام الماسه وااايد حلو


لا تتهورين
والله يكتب لج اللي فيه الخير

 

[يارب سخره لي]

مشكوريين بنات فعلا انا غلطت بالبدايه الله يلعنك يالشيطان ...
الماسه ربي يسخرلج زوجج ..ويوفقج فعلا كلامج درر

 

[شموخ q8]

خلاص دام عاجبج وماتبين احد يسبه ويجرحج شكو حاطه الموضوع ؟؟؟؟؟؟؟؟يعني شنسوي لج واحد طاق زوجته وانتي تبين ها لشيء لو ماتبينه جان قلتي لخوانج يوقفونه عند حده لان الطق هذا طق غباء ولازم يعرف نفسه انتي بنت ناااس ولازم كرامتج اللي هي كرامتج اهلج ماتندااااس وخل يعرف هالشي عدل .............
ياحلوج لما تقولين مابي احد طالعني بعين الشفقه هذيلا اخوانج مو عدوانج يبون عزج وان ماحصل يتوكل على الله......
واللي جابه يجيب غيرررررررررره,,,,,,,,,,,,,

 

[قانون كـيفي]

نفسي امي تجي وتشوف موضوعك

عشان تعرف ليش انا ابي ادخل نادي

 

[ana mo ana]

يطقش وساكته ؟؟؟ اكبررررر غلط

شنو هذا ؟ وين قاعدين يمد ايده ما وراش اهل واخوان ... لا حبيبتي انتي كذا تبينين له انش ضعيفه ومالش سند

لاااا تسكتين قوليله اذا مديت ايدك مرا ثانيه ماراح تشوفني لا انا ولا ولدك... واذا لا سمح الله كررها رووووووحي لاهلش وعلميهم خل يتصرفون معاه

وانتي المفروض ما تمدين ايدش ولا تغلطين

هدديه باهلش كافي


والله يعينش ويسخره لش ويحنن قلبه عليش يااارب

لاحول ولا قوة الا بالله

 

[ام عبدالوهاب555]

انتي كنتي تدافعين عن نفسك مو تطقين


وقفيه عند حده الحين قبل لايتمادى

وتاكدي يمكن ريلك من النوعية الي لازم شكوى بالمخفر عشان يحترمك

الريال الحقيقي لو مرته تشبعه طق بالصج ولا غشمرة
مايرفع ايده عليها
تأديب المرة باشيا ثانية مو بالطق!!

 

[sKntyny]

هاه حبيبتي .. ماصار تطورات ..؟

الله يهديه لج ان شاءلله

 

[Hello_kitty]

مع اني صايره ما ادخل المنتدى وايد بس دخلت عشان اتطمن عليج وايد شغلني موضوعج وعورني قلبي عليج من امس

بس للاسف اكتشفت انج راضيه ومستسلمه وقاعد تحاولين تدافعين عن ريلج وتركبين نفسج الغلط وما استبعد تروحين انتي بعد على

اللي سواه وتعتذرين وتطيحين على راسه

للاسف رخصتي نفسج وكرامتج وايد واذا رخصتي نفسج عمره ماراح يعزج وبيتمادى ويهنيج اكثر واكثر

ترى حياتج وصحتج غالييين شنو وعشان شنو وبشرع ودين وقانون منو تنطقين هالطق

سكتي مثل كل مره لان واضح ان مو اول مره يطقج بس هالمره تمادى لانج قبل كنتي تسكتين له

ولا صار بصحتج شي ولا سببلج عاهه او تشوه لا سمح الله محد راح ينفعج

سكوتج بمثل هالموقف غلط ما ينعد صبر وسنع ينعد مهانه وذل وظيم

لازم تعرفين تفرقين بين الغلط اللي تطوفينه وتسترين عليه وبين الغلط اللي توقفين الدنيا بويهه

انسان وحش طقج طق مجرمين ولا كلف نفسه يسال عنج او يعتذر او ياخذ بخاطرج او يو ديج الطبيب يطمن عليه شنو تنطرين منه

هذي حياتج وانتي حره فيها توقعي وعادي جدا بتصيرين مطقاقه حقه بكل وقت

 

[لانا العتيبي]

حبيبتي انتبهي لا روحك لا ترخصينها لهدرجه ..

 

[طبعي كذه]

نفسي امي تجي وتشوف موضوعك

عشان تعرف ليش انا ابي ادخل نادي

هههههههههههههههههه الله يقطع ابليسك نبراس من الان نويتله ههههههههههه

وبالنسبه لصاحبت الموضوع الله يسخره لك ويسعدكم ويبقيكم

 

[*ريما*]

الله يهدية