جرحني زوجي وربي محتاجتكم

[&موناليزا&]

اختي مفروض ماتمدين ايدج عليه مهما سوا وحتى لو سبج سكتي مارده يعرف انه غلطان ويعتذر حتى ولو بطريقة غير مباشره

حاولي انج تهدين الوضع حتى ولو هو غلطان

والله يسخره لج ان شالله

 

[يارب سخره لي]

بنات بس حبيت اطمنكم وسوري تاخرت ..
دقيت عليه نفس اليوم بليل ..قلت تعال ودني الطبيب بسوي اشعه
على راسي ..وقال انا زعلان عليج وراسي يعورني ماني جاي ..اكلي بندول ونامي
قلت راسي يعورني حيل تعال جان يجي ويسون اشعه والحمدلله ماكو شي
قال اصلا انا مخفف الطقه وانتي غلطانه قلتله اسفه قال خلاص حصل خير
ومسح راسي قال سامحيني ..والحمدلله ماعلمت اخوي..اشكركم بنات جد ماقصرتو معاي

 

[نونو العصله]

الله يسخره لج و يهديكم لبعض
حاولي تبدين معاه صفحه يديده ولا تستفزينه

 

[Um Turki]

زوج وزوجه وبينكم ولد وتطاققون اذا مافيه احترام ولا حب الانفصال ارحم من الاستمرار
بدون زعل انتي غلطانه لانج مديتي يدج على زوجج

 

[يارب سخره لي]

بنات ادري غلطت بس كنت على غشمره وخلاص مااعيدها لاتزيدوني

 

[يارب سخره لي]

خلاص بليز لاترفعون الموضوع ..بس كنت بطمن هالو كاتي وجم بنت خلاص بليز ..

 

[Laidy n3ooma]

تحبينه تحملي اللي اييج !!

بتشترين كرامتج تطلقي !!

اذا الرسول عليه الصلاه والسلام قبل مايموت قال رفقاً بالقوارير .. فماعتقد ان حد بيلومج اذا تطلقتي

 

[المدينه]

الله يعينج

 

[أم وليد الشمري]

الحمد لله انج طمنتيناااااااااا
والله قلبي عندج وما دخلت هالقسم الا علشان اتطمن عليج
ربي يسخررررررررررره لج وما يعيدهاااا
وحتى لو أنتي ما غلطتي من كثر الالم الوحده ما ترررررد سا عتها ما تدري شتقووول
......بنات لا تحملووونها فوق طاقتهاااا​

 

[يارب سخره لي]

بعد عمري ام وليد الله يسعدج مثل مارفعتي معنوياتي ..

 

[إباء الروح]

على فكرة اسلوبك بالكتاابة يضحك ..كأنه مسلسل كوميدي ..والله جلست اضحك بس شوي ...
لا تزعلين سامحيني..
بس من كلامك احسكم اثنينكم جهال ..يعني صغاار ..
انتي ارتقي بأسلوبك معاه ..ولا تسوين حركه تعرفين مسبقا انها تزعله ....حتى مدة الايد خطأ ان كان مايحبها انا زوجي مره طقيته مزح وحسيت كبرياءه اشتغل ..فما كررتها ..
وانتوا احين توكم متزوجين كم سنة اوتقع ..بعدين بتطقينه لين تشبعين (مزح طبعا )
مهههه مو جد...
صرااحة اثنينكم غلطانين ...
توكم ..مابعد تعرفون الزواج عدل ...
الزواج يعني هالجسمين والروحين يصيرون جسم وروح وحده ...
كتبي له رسالة بورقه ..وكتبي فيها كل مشااعرك ...وبيبني له انها كانت لعب .. وان طقه لج غلط لانك حبيبته وكنتي تمزحين معاه وانك ماترضين انه يعصي ربه بطقك وهو مصلي مسمي ..انسان خلوق ومقتدي بهدي النبي صلى الله عليه وآله وسلم ...وجذي من هالكلام اللي يحسسه بخطأه بدون شد ودفع....وحطيها على المخده او مكان بيشوفه على طول ..صدقيني سويها ولما يقرأه قولي له (وانتي على وجهك معالم حزن وطفوله)...ترضى علي ّ؟؟ عشان تبينين له انك اماانه عنده ...
هو بيحس بالذنب وان شاء الله مايكررها ....



اما اهلك فخليهم ااخر الحلول ..مو ركض عليهم ترى حتى لو زوجك تعدل بتظل نضرة اهلك ونسوان اخوانك ورجال خواتك ..انك مسكينه وبيحتقرون زوجك وانتي ماترضينها عليه ...
طاوعيني .. وردي خبرينا يالغاليه.

 

[إباء الروح]

جا ردي متأخر
بس اسلووب الرسااله اتبعيه اذا حسيتي انك مو قادره تكلمينه او انك بتبجين لما تكلمينه ..
ترااه اسلوب رهيب ..
لان بيضطر يقرأ كل الكلام اللي مكتوب مو مثل لجيتي بتكلمينه وقاطعك..فهمتيني عمري .
الله يسعدكم .

 

[اشتياق]

لاتلعبين معاه مره ثانيه هالخبل
زعلي عليه ببيتج لاتكلمينه ولا تعطينه ويه
خلاص عرفتي مايبي تتغشمرين معاه تعلمي وحفظي حدوده
والله يهديه لج يارب

 

[دووونجوووانه]

الله يهديكم ويسخركم لبعض مااادري شقول بس هو غلطان حيييييل
وانتي غلطتي انج راضيه انه يطقج
هذي مصيبه لان باجر يطقج اكثر من قبل ويتعود وراح يطقج قدام عيالج
وهو رجال وانتي بنت يعني ممكن من طقه من طقاته تموتين بيده

ماااا اتمنا احد يدخل بينكم سوا ابوج ولا اخوانج
حاااولي تكلمينه بجديه بموضوع انه طقج
واذا ما فاد كلمي احد تثقين فيه و يكون حكييييم
اللهم يا بديع السموات والارض ياحي ياقيوم اسالك انك تسخر زوجها لها
وتصلح بينهم اللهم امين

 

[dectora 7elwa]

خلاص بليز لاترفعون الموضوع ..بس كنت بطمن هالو كاتي وجم بنت خلاص بليز ..

هذا طلب صاحبه الموضوع
ليش رد انرفع

 

[انجبر قلبي]

الله يعينج شلون عايشه جذي طق و اهانات .. شنو هالعيشع شلون راضية على نفسج جذي
والله انا زوجي اذا بس دزني بريوله زعلت و حسيتها قوية شلون كان هاين على نفسه يطقني وانا مرته وفي المستقبل انشالله أم عياله!!!!!!!!!!!!!!!!!!!!!! وانتي طايح فيج طق و راضية بهالوضع شحقه!!!!!!!!!!!!!!!!!!!!!!!!!!
الصراحة ماعندج سالفه ساكته عنه وانتي عودتيه على انج ما تزعلين عليه اذا غلط ومتى ما يالج اتيي له!!! لا حبيبتي لازم اي غلط توقفينه عند حده وتزعلين واذا نوعه يطنش معناته اهو من اللي يحتاج وقت عشان يعرف انه اهوه غلطان واييلج بنفسه!

وبعدين انتي غلطانه شلون تراددينه و تسبينه الريال ما يرضى السب شوفي انا زوجي على كثر مايحبني ويحترمني شوفي اذا سبيته وحدة من السبات اللي قلتيها حق زوجج شيسوي فيني !!!!!!!!!!!!! ما يحبووووووووووووون المره اللي ترادد و تسب ترى اتصيرين قبيحة بعينه و هذا الكلام قاله لي زوجي الريال لو مهما كان حبه حق مرته ماراح يرضى ان اهي تغلط عليه او تطول لسانها حتى لو كان الزوج غلطاااااااان لان يحس باهانه واكيد بياخذ حقه و يأدبج .. واذا اهو غلطان مجرد ما اهي تسكت واهو معصب غصبن عليه بيحس بالذنب ويرد لج بريوله.... انا جذي ريلي لمه نتهاوش يصرخ علي و يسبني و يغلط على اهلي يكون بأقصى حاله من الغضب واسكت ادري انه مو بوعيه ,,, يروح يدخن بس ربع ساعه ويرجع لي يلمني ويتأسف و يبوسني والله غصبن علي ارضى ....... لاني ما راددته لو راده علي جان كبرت السالفه و كرهني وعمره ما حس اني استاهل انه يتنازل عشاني

انتي غلطاااااااااااااااااااانه اول ما يعصب لا تسبين ولا تطولين لسانج وترفعين ضغطه وتوصلينه لي هالدرجة!!!!!!!!!!!!!!!!!!!!!!!!!!!!!!!!!!!!!!

 

[شواخي]

ما ادري احس فلم الي تكتبينه مادش عقلي ،،


مافي وحده تسكت جذيه ،، خلج ساكته لين ماتموتين لوول

 

[بوح القوافي]

الله يعينك ويصلح لك زوجك...

 

[ورد معطر]

دامكم رديتوا لبعض ليش البنات زعلانات ويعاتبون!!!!!!!!!



حبيبتي بين الرجال وزوجته تصير اشياء وايد ودامه رد لك فالحمدلله ودامك عارفه طبيعته فسوي اللي يحبه وتركي اللي ما يحبه نفس اللي اسويه مع زوجي





والله يسخر قلب زوجك لك ويسخر قلب زوجي لي

 

[جنون العشق]

عسي ربي يهديكم ويصخره لك