توني ملحت و زوجي مو مرتاحتله ابد

[أحلى البشر]

والله العظيم اني اقرا ولاااااايعه جبدي واقول ويييييييع ويييييييع اقوى شي واااي ربي يكون بعونج عيل انتي شتحسين فيه ويييييييع
اتطلقي ياماما هذا ماينقعد ويااه دامج عالبر وبنت افتكي قطيعه من هالنوعيه من البشر
حدي حااااسه فيج لان اللي تطلقت منه نفس هذا واخس يبوووووي لوعة جبد

 

[[[ عيون جابر ]]]

بنات لا تخرعونها توصلونها للطلاق اشدعوه
ترا يمكن من الربكه مايحس بعمره ويدفش بالحجي وبالتعامل عطيه فرصه وتكلمي معاه بهدوء يا فلان مو عاجبني هالتصرفات قاعد ةخوفني منك وانا ماودي اخسرك يمكن الريال قلبه ابيض بس مشكلته مو مكلم ولا مخربط من قبل عشان جذي تلقينه حيل مندفع لج
وجهة نظري يا جماعه لحد يزعل

 

[أميره بلا قصور]

امبيييه لا هذا مافيه رجااا حرام تعيشين مع انسان جذي
فكي عمرج بس

*

 

["وسم"]

مو بكيفه يوديج الفندق وين قاعدين
لا تعطينه مجال بهالسالفة نهائيا و اذا قالج عنها
صارحيه انك ما تهتم الا بالدخله وزعلي عليه شوي يمكن يأثر الزعل عليه
وشكله ريلج وااايد مع ربعه وقاعد يقولج ويطبق سوالفهم
الله يعينج

 

[عشقي اناني]

بصراحة نو كومنت

 

[April 29]

حبيبتي انا قريت ردودج
بقولج كلمه بس
( مااااااكو احد يتغير العوي طول عمره عوي )
وانت لي الحين بنت عدل ؟ شحادج تظلين معاه ؟؟؟
ترى فرصه للزواج مره ثانيه عقب ملجه مضمونه 100% انشالله
انتي تطلقتي منه وانتي لايعه جبدج منه واهوا صج صراحه يلوع الجبد واييب المرض وعووو احد يعيش مره ريال جذي ؟؟؟
واذا انتي متردده من اسم مطلقه وخايفه منه انا اقولج ان مطلقه اشرف من وحده قاعده مره ريلها ولايعه جبدها وتنافق وتعاشره وتبوسه واهيا وع كارهته
واذا بالملجه ماتذرب وصار ريال وسنع متى بالله بيصير ؟؟ وتراج انتي عالبر والله عالبر لا تغلطين
والله حرام يروح عمرج وسنعج وذرابتج وسنينج على واحد هيلقي جذي ؟؟؟
بعدين مع العشره بتاخذين من اطباعه وتصير عندج الهلاقه عادي لانج يوميا تشوفينها منه وتقبلتيها

اوك بقولج شي اذا انتي ماتبين تتطلقين
حاولي تجيسين نبضه
طلعي معاه على يوم
واذا سوا شي يفشل او صار هيلقي او قالج ابي ادخل عليج وانتوا بالملجه
قوليله ردني البيت
بس قوليله هالكلمه
اهوا بيقعد ويفكر ويخاف ويراجع نفسه وبتقعدون قعدة صراحه وقولي كل اللي عندج وبردي جبدج
ان شفتي مافاد معاه يعني مامنه رجا ولا له طب صراحه
واقولج اياها بالفم المليان ( انفصـــــــــــــــــــــــــــلي عنه ) قبل لا يدخل عليج وتتدبسين وتوهقين وتقولين يااااااااااااااااااااااااااااااااليتني تطلقت

وغير جذي ريلج كلمه توديه وكلمه تييبه
يسمع ربعه شيقولون ويسوي ؟؟؟ ليش مو ريال ؟
ترى الريال اللي جذي مايتعاشر احس ماله هيبه ولا كلمه ولا يعرف ياخذ قرارات
اذا قرار شغلج و سواقتج ماخذاهم من نفسه وربعه لفوا راسه
بالله عيل قرار عيالج بعدين وحياتكم وبيت المستقبل شبيسوي ؟؟؟ بيحط اعلان بالجريده منو يقرر عنه ويفكر عنه ؟؟

وترى لمعلوماتج بنت عمي انفصلت بملجه وكاهي تزوجت بأقل من 6 اشهر
وعوضها بزوج ذهبه

واختي انفصلت عقب زواج مو ملجه بس تمت معاه شهر بشقتهم ولي الحين بنت مادخل عليها وتطلقت وتمت تنخطب شكثر بس اهيا ماتبي تتزوج لاعت جبدها من الرياييل
يعني انتي مو اول ولا اخر مره
وشخباري لما كلمه مطلقه تأثر عليج ؟؟؟ ترى في مطلقات عندهم عيال
انتي حمدي ربج مطلقه وبنت وبشرف مجد يتجرأ يتكلم عنج
ومالج شغل بكلام الناس .. لو الناس بناتهم عاشوا مع ريلج جان تطلقوا وارحموا نفسهم
بس اهما يتكلمون على بنات الناس ومايشوفون نفسهم ولا يحطون نفسهم بهالموقف

 

[جنتي زوجي]

شوفى اكثر الرجاجيل من الخليج كذا ويكثرهم اهم شئ الفراش
وش نسوى سنة الحياة

واما الطلعاات لاتطلعين معه