توني ملحت و زوجي مو مرتاحتله ابد

[Galaxyaah]

موطبيعي .. كلمي احد من خواته او من اهله اهما ابخص فيه يمكن يفهمونا
الله يعينج

 

[Bubble]

ماشاء الله تبارك الرحمن .. ياحلو كلامج
يالعطر 2011.. مثل البلسم الشافي ..
عسى الله يكملج بعقلج ويسدد خطااااج..​

شوفي ياحياااتي ..
الزواج مو يوم و ليله ..
لا ياقلبي هاذي عشره عمر .. وعيال ومسؤوليات و واجبات ..
حطي في بالج ان هذا الانسان بكل مافيه من عيوب ومزايا راح تجابلينه طووول العمر ..
تخيلي الموقف .. واسالي نفسي ؟؟ اقدر استحمله شهر ويهي بويهه؟؟؟ ..
بدفاشته ووقاحته واسلوبه الفض الهمجي .. وهو كل تفكيره محصور بالفراش والطباااخ ..
انسان اقصى حدود تفكيره شهواته البدائيه الجنس والاكل ..
هذا اللي بيكون قدوه لعيالج يطالعونه من بعد رب العالمين ويقلدونه بكل شي ..
هذا اللي بيعلم عيالج القيم والاخلاق ويعدهم للمستقبل ..
هذا اللي بتروحين وبتجين معاه وبتوجبين الناس معاه..
هذا اللي راح ترزينه وتشيلين اسمه بين اهلج وناسج​

في شي اسمه دفاااشه وفي شي اسمه قله ادب ..
الدفش ممكن يبطل الباب بقو او يطلع صوت وهو ياكل .. يدز احد وهومايقصد ..
بس اللي يتعدى على حريه الاخرين واحترامهم بكل مكان .. ويتجاوز ابسط انواع الادب ..
اسمحيلي هذا مودفش .. هذا وقح وقليل ادب ..​

هو ممكن يتغير ماتدرين ..
سبحااانه قادر على كل شي . ..
وقلوب العباد بين اصبعين من اصابع الرحمن يقلبهم كيفما يشاااء ..
لكن يمكن هذا في علم الغييب .. انتي وحظج ..​

انتي للحين على البر ياقلبي
.. والاعتراف بالذنب فضيله ..

الصراحه والله لو انتي بنتي ماراح ارضى اقطج هالقطه الكسيفه..

التراجع الحين وايد افضل من انه يصير بعد كمن سنه وبينكم عيال ..​

المستقبل جدامج .. وربي يعطيج على قد نيتج ويعوضج خير ..​

نصيحه ..انا حطيت نفسي بكل المواقف اللي قلتيها .. واشوفها صعبه جدا علي شخصيا ً​

هم ياحياااتي .. استخيري واستشيري امج واللي تعزين عليهم ويحبونج .. وما خاب من استخار ربه ..​

..وعسى الله يهديج للي فيه الخير والصلاح .. بالتوفيق انشالله​

 

[Galaxyaah]

وهم خلصي الموضوع من الحين احسن قبل لايدخل عليج

 

[*ماي الورد*]

حاولي شوي شوي تسحبينه صوبج

 

[kAmMoOnH]

شوفي ياروحي تهم شي نفسك وبس اذا كنتي بنفسك مقتنعه فيه وحاسه انك رح ترتاحين معه كملي واذا لا اسحبي , بكره بتعيشين معه وهالحركات اللي هو يسويها رح يسوي اللي اعظم منه بكره ودام ماهمه الا لنفسه وفراشه فاحلمي بيوم يفكر فيك كانسانه
راجعي نفسك والأهم ادعي رب العالمين وقولي شكوتك وصدقيني مارح تنبسطين
الله يوفقك

 

[وردة الدوحه]

Omg

ريلج فظيع اسمحيلي لا يطاااق واحس من كلامج انه شوي مب صاحي

انا اقول انفصلي بما انج ذربه وما عليج قاصر وتمي مع راعي توتر ابرك

يمكن يتقدملج ويطلع خيره لج باذن الله

سوري بس ووووووووع من قللللب

 

[سندس 90]

الله يسعدج
بس حبيبتي ترا الريايل غيييير عنا احنا ندور الرومانسيه والذرابه اهما اغلبهم دفششييييييين وتفكيرهم صح حق الفراااش ترا اغلبهم جذي
انتي استخيري بينج وبين نفسج تكملين معاه ولا تنفصلين وادعي ربچ يحببج فيه ويحببه فيج والله اسأليني
موفقه ياعمري

 

[!! دلوعته !!]

اب اب

 

[زوجة عزيز]

تطلقي منه

 

[اسبــانيــة]

السلام عليكم بنااات شلونكم شخباركم اول مرة اعرض مشكلتي على النت و اتمنى تواسوووني و تردون على بكلمة طيبة و بليز مابي تجريح

بنات الحمدالله انا مصلية و محافظة على نفسي و سمعتي الحمدالله و قبل فترة ملجت الحمدالله بس يا بنات انصدمت من زوجي وااااااااااااايد

اول شي انا ذربة ما امدح روحي بس بوضحلكم و اهو دفش امبيه دفااااشه مو طبيعيه فيه لما اطلع معاه مكان و لما يدش محل يبي شي تخيلوا يطوف الناس و يدرعم و يطلب و لما نوقف بالدور بالجمعية يطوف الناس تخيلوااا و يوقف يعني ما يحترم احد و الناس الله لا يوريكم ويوههم لا تعليق و انا من كثر الاحراج و الفشلة اذوني تصير حارة و افتشل من هالموقف و اتضايق منه

و نجرررري بشكل مو طبيعي و عصبي ويع ويع تخيلووا كنا بالسينما و طفوا الليتات و ردوا بطلووها جان يصاارخ بصوت عالي شنووو هذا يا جماعه صكروا الليت و الناس كلها تلف علينا و طبعا انا هني وين اودي ويهي كلش مو متعودة على هالمواقف و الدفاشة اللي فيه
و كله بس يبي يتهاوش ويا الناس انا ماحب جذي كنا بمطعم و كان مجابلني واحد ياهل يمكن عمرها 16 سنة و كان قاعد يطالع عاادي يعني مو قاعد يخزني جان ريلي يقعد يلف جسمه عليه يبي يطالع اذا هالولد قاعد يطالعنا و لا لا اففففففففففف خرب علينا الطلعه و المزاج كان متوتر
اهو طبيعته مااااافيه صبر والله لما نروح مطعم كبينة يقولنا الجرسون 10 دقايق نطروا كل شوي يكلم الجرسون يالله يالله يالله ويالله و يلوع جبدي يقوللي امشي خنفتر بالسيارة ليما يخلصون و بعدين يغير رايه الحمدالله و الشكر و كلش ما يضحك و ما يوووونس الطلعه ويا خواتي و لا رفيجاتي اونس بمليون مرة معاه والله من كثر ضيقه الخلق و الهدوء اللي احنا فيه ساعات و انا ويا اتمنى اكون بالبيت .. في وحدة جذي نفسي باول ايام الملجة و البنات خبري فيهم يستانسوون و يطيرون من الفرحة اول الايام و من هالكلام و الرومنسيات بس اهو كلش ما جنه قاعد ويا بنية

و من كثر الدفاشة اللي فيه تخيلوا اول يوم ملجة يقولي تعالي نامي عندي ! ركزووووا اول يوم جان اقوله ما يصير و من هالكلام و انا حدي منصدمة انه فتح معاي الموضوع من اول يوم و يحن يحن يحن بشكل مو طبيعي يبي يدخل علي و ثاني يوم لما طلعت معاه هم حن علي يبيني انام عنده جان ارفض جان يقطها بالوي عيل انا ليش متزوج اروح اخربط احسن !! انا بهاللحظة والله قلبي عورني من كثر الصدمة يعني هذا بشر و لا شنووو ما يراعي احساس اللي جدامه بس يبي يرضي شهوته بأي طريقة

و واااااااااااااااااااااااااااايد وايد يفرض رايه علي بشكل مو طبيعي يقولي لا تسوين عرس خنسافر احسن و لما قتله مابي ابي اسوي عرس جان يقوللي انا ما احب اللي ترادد راح نسافر انشالله و كان ما يبي عرس عشان لا يأخر دخلته علي و قاللي اياها بصراحة يعني الشهر الفلاني عرسنا عيل متى ادخل عليج يعني ؟؟؟ امبيه كل تفكيره فراش فراش فراش :eh_s(1):
يعني يبي كل شي على كيفه و اهو كان رافض اني اسوق او اتوظف بس بعدين ربعه قنعووه جان يوافق علي

و بثالث يوم ملجة قاللي متى تتعلمين الطباخ ؟ قتله انشالله جان يقوللي اي تعلمي عيل شنو مهنتج بس فراش !!!!! :eh_s(11)::eh_s(11)::eh_s(11): دفاااااااااااااااااااااشه

امبيه احس غلطة عمري وافقت عليه والله حدي حدي متحسفه :eh_s(16): يعني صمت صمت و فطرت على بصله و انا كنت متوقعه شي ثاااااااني اقل شي يكون ذرب معاي يعني اول ليلة ملجة كانت خايسة بصراحه و لا احب اتذكرها و لما اتذكرها ابجي و انهار والله تحطمت بصراحه شخصيته كلش مو عاجبتني و لا داشة مزاجي و صرت ما احب اطلع وياه و اكرهه

و من سووووووووووووووووء حظي الخايس الزفت تقدملي واحد من تويتر معجب و كان يلحقني من مكان لي مكان و ما يدري اني ملجت جان اقول بقلبي ياريتك يييت مبجر شووي :eh_s(2):

استغفر الله سامحوني بنات والله قاعدة اطلع كل القهر اللي بقلبي يعني بنات بيدخل علي و انا مو لابسة قميص اول ليلة و لا بفندق جنه يالله بسرعه اي شي اهم شي ارضي شهوتي انتي بالطقاق والله حدي مقهورة مادري شلون بعيش معاه و انا هذا انطباعي عنه من اول الايام و اهلي محد يدري كلهم عبالهم انا مستانسة و فرحانة بس محد يدري حيل متضايقه و مهمومة و لحد يقوللي اني قاعدة اكبر الموضوع ترا اللي ايده بالنار مو مثل اللي ايده بالماي تكفون واسوني انا حيل متضايقه و مغموتة

صارحي اهلج وعادي طلاق قبل الدخول جنج بنت

ومالج شغل بكلام الناس انتي ملجة ومو متحملته

وفكري باجر لي نام معاج وخلص شنو بتكون عيشتكم

خاف بس بيتم مجابلج

مادري ليش احسه راعي خرابيط

صارحي امج وخواتج اذا خواتج متزوجين

مو تصارحين رفيجاتج لا ما ينصحون البنات يجاملون

كلمي امج وفهميها الوضع

ترى عيشة عمر مو سنة ولا سنتين وباجر اعيال بعد

كلمي اهلج واستخيري والله يكتبلج اللي فيه الخير

ودامج بعدج بنت وما دخل عليج لا تحاتين اي شي ثاني ترى موضوعج وايد سهل وهين

 

[اسبــانيــة]

وبلييييييييييييييييييييييز سالفه انا اغيره شيليها من راااااااااااااااسج متربي فوق ال 20 سنة بتغيرينه !!!!!!!!!!!!!!!!!!!!

 

[foshia girl]

الله يعينج

 

[نشيج الروح]

صااااااارحيه وتفااااااهمي
الملجة فترة للتفاهم ووضع الشروط والحدود القادمة
ان ما وافق انتي مخيرة بين الصبر عليه او لا
والله يهديييييه

 

[نشيج الروح]

نسيت اقولج في مثل ريلج ناس بس حريمهم متحملينهم ومع العشرة يتغيرون وياخذون من شخصية المرة انتي وشطارتج
والله الهادي
مددي شوي فترة الملجة وتعرفي عليه زيادة
وطبيعي ان المرة تلوع جبدها من الريال اول الايام حتى لو رومانسي ( البعض مو الكل)

 

[Laidy n3ooma]

انا اشوف انج تعيدين النظر بفكره الزواج من هذا الشخص

 

[ام الحلوااات]

اللــــه يـــعـــيـــنــــج

 

[Miss May]

الله يعينج عليه بس نصيحه دامكم على البر تركيه و الله يعوضج باللي احسن منه بس قبلها حاولي تقعدين معاه و قولي له اللي بخاطرج عشان تكونون كلكم على بينه بس اذا مانفع الوجه بالوجه ابيض تطلقي و الله يوفقج و يرزقج باللي احسن منه حبووبه

 

[لمى...]

نصيحة لايدخل عليج الا بيوم الحفلة تكونين فكرتي عدل

واكلي حبوب مانع عشان ماتحملين........

ايه وفكري عدل مدل قبل لايطيح الفاس بالراس وتناقشي مع اهلج بالموضوع وحاولي مايتم اي شي الا انتي مقتنعة 100 بـال100

 

[~ بنت الهدى ~]

همجي الله يعينج

 

[danaa]

حبيبتي اذا مادخل عليج ،،استخري وفلي الملجه احسن لج من تحملين وتتوهقين بياهل منا ترا اللي اوله شرط اخره نور ،،،وان شاء الله ايييج نصيب احسن منه هذا بالمره ماينترقع مبين عليه بس همه مصلحته وكافي انه مو حاس فيج ولا بعد يطيع كلام ربعه يعني ماعنده راي ،،،انا ماقول تطلقي بس شوفي لج حل قبل الدخله والله يوفقج يارب......