توني ملحت و زوجي مو مرتاحتله ابد

[((shoOoshoOo))]

يبيله تعديل شوي احسه مو فاهم الحياه عدددل

شوفيلج اخصائيه اجتماعيه وايد احسن

 

[رشيدية وافتخر]

اذاهذا تعاملهم من اولها كذا اجل بكرة لماتتزوجون كيف بيعاملك
ولالمايصير عندكم اطفال ؟ ؟
اعيدي النظر في الزواج اختي احسن لك قبل لاتتورطين

 

[سفييره الكويت]

من ضحايا زواج حظك ونصيبك..!

بعد بانتظار موضوع جديد

يبا الزواج لازم انسجام مو هذا شرق والثاني غرب <

 

[انثى عاشقة]

كل شي الواحد يقدر يجامل فيه الا الزواج
استخيري حيييييييييييل
وتواصلي مع استشارية نفسية تفهمك شنو وضع زوجك بالحياة
هل في اساليب ممكن تغيره ؟؟
اذا قالت ميؤوس منه تركيه واشتري راحتك
والله بدال لاتقعدين تتحلطمين عمر كامل ​

 

[منال $]

الصرااااااااحة مشكلة الدفاشة هذة
لو مع الناس بس بنقول معلش لا ومعاكي كمان
والله انا رايي متل ما حكوا البنااااات استخيري لحد ليلة الفرح وادا فية خير الك ربنا راح يتمملك
حاولي تحكي معة تتواصلو بالمسجات اسالية شو اكتر شي بتحبة وبتكرهة فيا واكيد راح يجاوبك وقتها راح يسالك وانتي شو بتحبي وبتكرهي فية وقليلة بس بطريقة ما تعقد الموضوع زيادة

وبالنسبة لشب الي بتويتر انسي موضوع الزواج بالنت ماوراه الا وجع راس مو الكل بس الاغلبية

الله يسهلك

 

[نور دنياه]

الله يعينج اختي
انا رائي اول شي صارحيه وقوليله انا هالاشياء ماتعجبني فيك ، واذ شفتيه ماتحسن عن قبل، قوليله انا ماقدر اكمل جذيه.
وانتي توج على البر، ومادام اكتشفتي هالاشياء فيه من الاول زين بعد عشان ماتنصدمين بعد العرس.

بس ملاحظه الشباب اول مايملجون يكونون متخرعين كله تفكيرهم بالفراش وبس وييع ،وترى يكون فيهم دفاشه بس شوي شوي يتغيرون.

 

[Mrs Al-Nasser]

أحسن حل انج تصارحين امج وتقولين لها
وشوفي امج شنو رايها
اهيا احسن منا كلنا واهيا اللي بتنصحج عدل وتعرف وضعج عدل

بس لا تسكتين دام انج من البدايه جذي مو بالعته مادري شبيصير بعدين
​

 

[حجيه هيونه]

انتي بعدج على البر


اذا مو متحمله كل هذا وهذي اطباعه حليها الحين احسن من بعدين

استخيري وسألي اهلج واذا حسيتي انه انتي مو قادره تحملينه خلاص اتركيه

هذي عشرة عمر مو يوم واثنين

 

[! Miss.Q8 !]

انتي ما قعدتي معاه قبل الملجه
ما شفتي اسلوبه وتفكيره
من كلامج مبين انكم مو متفاهمين كلش
المفروض هالامور تتفقون عليها قبل الملجه
مو بعد ما طاح الفاس بالراس تتفقوون وتتهاوشون
واهو صح دفش وايد وتفكيره مو حلو كلش
حاولي تصارحينه وتكلمينه ان هالشي مضايقج

 

[شوبارد قطر]

اعتقد اعماركم متقاربه وانتي عقلج كبير ورزينه
وهو عقله اصغر من سنه وطايش ومافي توافق
بس انتي تقدرين تغيرينه مع العشره بس بتتعبين

 

[عالمي المجنون]

بالأول صلي استخارة عشان لا تندمين ع شي

ثاني شي وايد شباب دفشين بالتعامل مع المرأة و حتي بالكلام

أنا ريلي من هالنوع للأسف حتي كلامه لي كلام و فردات شباب

بس مع الوقت ياخذ من طبايعج ريلي قبل حتي راس امه ما يبوسه الحين صار لي زارهم يبوس راس امه و ابوه

و حتي سوالفه صارت مثلي بس ما اجذب عليه تعبت معاه حيل الريال مو سهل تغيرينه

و لو رد فيني الزمن جان ما اخذته قلبتي المواجع

 

[بنت الكويت 25]

احسن حل تصارحين امج واذا انتي على البر انا اقول الانفصال افضل بس اول خطوة لازم تسوينها صارحي الوالدة والله محد يعرف

مصلحتج غير امج مافي مستحي بين الام وبنتها صارحيها واكيد راح توجهك الطريج الصح

 

[مرايم2009]

انصحج اتصارحينه ويمكن يتعدل واذا ماتعدل فليها من البدايه​

 

[فـدوه]

لاحول الله :eh_s(4): شفيه هذا

انا مو معاج انج خاشة عن اهلج على الاقل امج. عشان اذا صار شي على اللقل تكون عارفة سوالفه وواقفة وياج و عاذرتج.

حطي بالج لايدخل عليج مو عن شي بس احسن لحد ماتتاكدين من شعورج تجاهه و اذا بتكملين معاه او لأ.

الله يسهل امورج يارب:eh_s(17):

 

[ام محمدين]

السلام عليكم ورحمة الله وبركاتة
انا من الفئة الصامتة يعنى نااااادر ما ارد لان احس ان البنات ما يقصرون ما شاء الله عليهم
بس ما تحملت لما قريت مشكلتج :eh_s(16):
انصحج نصيحة من خبرة طويلة في الحياة والتعامل مع البشر وطبعا بعد الاستخارة ومشاورة الوالدة تلاحقى عمرج وانفصلى وان شاء الله يعوضج بخير منه
:yaaaaaarb::yaaaaaarb:

 

[Wild Cat 007]

السلام عليكم حبيباتي
حبيت اقولكم باجي التطورات
امس لما قريت ردودكم العسل عطيتوني شجاعه و قوة اني اصارح أمي لما صارحتها قعدت ترجف كسرت خاطري بس الراي لي بالاخير بس انا وايد خايفة من كلام الناس و شفقتهم و نظراتهم و احنا عايلتنا كبيرة و مافي مجال اتحاشاهم اﻷه يعين بس
بالنسبة للي يسألوني ليش ما كلمتيه قبل الملجة الله يهداكم بس يعني معقولة بيطلع نفسه بطريقه مو حلوة و حتى لو كنت بعرف عنه كلش مافي طريقة اني كنت اعرف دفاشته بهالشكل و قلة ادبه معاي والله يا بنات انا وايد خايفه انه يوديني فندق على غفلة و يدخل علي و بعدها صعبةاتطلق منه ما استبعد عنه هالشغله كلش كلش
والله صارلي 3 ايام ماعرف طعم النوم و لا الاكل و نزلت كيلو بجم يوم و حالتي كسيفة حيل انظلمت بهالزواج يا بنات تكفون يا بنات الي تقوم الليل لا تنساني بدعوة انه الله يفرجها علي و تتسهل امور الطلاق انا علي الدورة ماقدر اصلي و حيييييل محتاجة اصلي.. عسى اللي مريت فيه ما تمر فيه و لا بنت.. خيبة الامل بالزواج صعبة و تكسر الواحد

يالبنات العزابيه اخذوها مني انا اللي قبل جم يوم كنت عازبة و الحين متزوجة و عقب فترة بينقال عني مطلقة موووحرام ؟؟؟ يالعزابية تزوجوا عن اقتناااع تام مو على اساس كلام فلان و علان اهي يا تصيب يا تخيب انا على كلام رفيجتي اللي اهي اخته خذيته الله يسامحها قالت لي انتوا تتوالمون مع بعض بس وين انا بروسيا و اهو بفلسطين كلش احنا عكس بعض انا نكيتة و ضغيطة و لما اقعد بمكان اسوي جو و اهو والله حتى سؤال واحد ما سألني شأحب ما أحب ما يسألني ولا شي و لا يحاول يبي يعرف عني شي والله غامض جدا

واللي يسلمكم ادعولي من قلبكم لعل في وحدة يستجاب دعائها

 

[Wild Cat 007]

بنات اللي تقول يمكن يتغير لا يا بنات شلون اضيع حياتي و وقتي وجهدي عشان اعدل و اسنع فيه اذا اهو كلش ما يعرف السنع و الذرابه و لا حتى ابسط قواعدها شلون بعيش معاه و انا الحين حتى ما كملت اسبوع ملجة

 

[*سكر*سكاكير*]

الله يعينج ويعوض عليج يارب الحمدلله خيره مطلقه بس ملجه ترى حيل اهون من متزوجه

لاحقه خير ان شاء الله الايام تركض ركض سبحاان الله ولاتنسين دوام الحال من المحال بس دايما قولي الحمدلله على كل حال

وديري باااااااااااااااالج تتحسفين عليه او يضيق خلقج وتتضايقين عليه لانه كللللش كلللللش مايسوى الواحد يفكر فيه حتى

اسغفرالله الله يعينه على نفسه ماله حل كلش

 

[Wild Cat 007]

بنات تهقون اتطلق الحين و لا بعد شهر مثلا مع اني اشرط على زوجي ما يدخل علي الا بعد شهر عشان اسكته و افتك من حنته لاني يا جماعه والله اخاف من الحجي اللي بييني و الاشاعات بليز شوروا علي

 

[عسل مرت قيمر]

الله يعينج الصراحه


حاولي كثر ماتقدرين تمددين فترة الملجه ماعليج منه مستعيل هذا عمر بتعيشينه مو يوم او يومين


قعدي معاه وبسلوب حلو قوليله الي بخاطرج ومضايقج شوفي شيقول


والصراحه في كلام قعد يقطه مو حلو شنو انتي حق فراش وشنو مهنتج وهلحجي

عيب بسم الله هذا وانتي توج عروسه


سوي استخاره بعد

واذا حسيتي خلاص مو قادره تتحملين كلمي اهلج واخذي رايهم


والله يهديه ويسهل عليج يارب