توني ملحت و زوجي مو مرتاحتله ابد

[Queenleo]

صلي استخاره بموضوع الطلاق

وعادي اذا عليج الدوره انا سأله شيخ وتقدرين بس تقولين دعاء الاستخاره مو شرط صلاة كامله بفتره الدوره

واذا قررتي تطلقين فتوكلي ولاتخافين من كلام الناس

الناس ماراح يعيشون معاكم ويستحملوون معاج

والله وحده اعرفها فجت الملجه ثلاث مرات

الله ماكتب لها تستمر

بس ماشاء الله جنها ماملجت ولا مره

الي يشوفها تضحك وتسولف وكشيخه

وضاربه بالطوفه كلام الناس

بس اذا قررتي تستمرين تعاملي معاه بذكاء و طلبي منه على يوم يمرج البيت

وكلميه وصارحيه

وحده ثانيه اعرفها تزوجت ولد عمها

واهما عاداتهم ماتشوفه الا يوم العرس يعني امسح واربح

طلع ريلها دفش ووجعص ولسانه زفر

وجم مره فلعها بغله على ابونه غشمره بس ماشاء الله قدرت عليه وغيرته

واللحين يموت بالتراب الي تمشي عليه

يعني القرار بايدج

استخيري وفكري عدل وتوكلي على الله

 

[جيهانو]

دام انكم توكم على البر واجههيه وقولي له ان تصرفاته تنفرج منه
واذا بيستمر عليها ماراح تتوافقون لان الحين انتو في بداية حياتكم وهذي تصرفاته شلون اذا صرتوا في بيت مع بعض
حياتكم بتصير اصعب
قعدي معاه وبيني له موقفج واذا ماتفهمج وحاول يفرض رايه وتصرفاته عليج وحسيتي ان مافي امل معاه
تركيه والله يعوضج خير

 

[لولو الكويتيه]

حبيبتي انتي نفس قصتي وبالضبط نفسي وحاسه باحساسج ومبين انج متحسفه ولايعه جبدج منه ونصيحتي سوي خلع دامج على البر والله بيعوضج لان هالتصرفات مو طبيعيه المفروض يدلعج ويونسج بالملجه هذي احلى الايام قبل العرس واليهال والمسئوليات
انا نفسج وماتحملت كلش وكنت ادريان الملجه احلى ايام الزواج والمفروض انام وانا مرتاحه ومستانسه مو انام وانا ابجي واتحسف وكلمته وقتله مو مرتاحه بس طبعا قبلها كنت مكلمه اهلي وماخذه رايهم وموافقتهم وسويت خلع وبعدها كنت اصلي كل ليله قيام الليل وادعي ان الله يعوضني وفعلا الله عوضني باللي احسن منه بمليوون مره انسان يحبني ومريحني ومونسني بالملجه وبعد الزواج وانا الحين صارلي ٣سنين متزوجه وعندي عيال والحمدلله
اشتري راحتج لانج اذا ماارتحتي معاه ماراح تريحينه وبالمقابل ماراح يرتاح معاج والله يرزقج ويعوضج ويسهل دربج
وبالنهايه كل شئ قسمه ونصيب ونصيبج موجوب عند رب العالمين لاتحاتين شئ حبيبتي

 

[درة أهل الطولات]

كلميه

 

[مجنونـة روان]

مووووو صج. انا اقول تلاحقي عمرج هذا وين والرومنسيه وين
مالج الا الانفصال لان هذي اولته جذي باجر شنو ولا بعد من اول يوم يبي يدخل عليج بعد هذا داش بقوه

 

[LoLaTi]

الله يعينج عليه
هذا كله عيوب يعني حتى لو بنقولج حاولي تغيرينه ماراح تقدرين وايد دفش واسلوبه خايس همجي
انا اقول بلغي اهلج بالموضوع وبيني لهم انج منهاره ومومتقبلته كلش وسوي نفسج طايحه مريضه هههههههه صج والله عشان يحسون بمعاناتج وفركشي منه دام انج على البر

 

[//DaLaLy//]

قبل لاتقررين اي قرار استخيري
لانه صج اهو دفش الله يعينج على طبعه ويمكن يتعدل

 

[قطوة@@]

صارحيه و اخلي ابوج يقعد يتفاهم معاه و الله كريم

 

[نونه المنكوشه]

هذا مطيور ماعنده وقت قوليله كل اللي بقلبج واهم شي بلغي امج تري محد بينصحج من قلب مثل امج لاتسكتين باجر اذا رحتي عنده بتعانين مدامج ع البر تلاحقي عمرج والله يعوضج

 

[بنت الكويت 25]

بنات تهقون اتطلق الحين و لا بعد شهر مثلا مع اني اشرط على زوجي ما يدخل علي الا بعد شهر عشان اسكته و افتك من حنته لاني يا جماعه والله اخاف من الحجي اللي بييني و الاشاعات بليز شوروا علي

الناس ماراح تعيش وياج باجر لو تصكر عليكم باب الغرفة محد راح يتحسف غيرج اختي الطيبة مشاورة الاهل ضرورية جدا خصوصا الوالدة اذا اهي متفقة معاج بان الانفصال افضل توكلي على الله وانفصلي لان العيشة مع الي مثلة صعبة والله يعوظج باللي احسن منة وما عليج من كلام الناس تنفصلين الحين لو كان هالشي يريحج احسن من يكون بينج وبين عيال

 

[Mjnont '3lay]

توني كاتبه رد وانمسح
استغفرالله عيب هالمنتدى مرات يتنح شوووي
المهم حبيبتي الله يعين قلبج اذا هذا اوله ينعاف تاليه استخييييري
بعدج عالبر واذا انتي مو قادره تتحملينه معناه مرح تقدرين تغيرينه

 

[mi corazon]

لا حول ولا قوه

حبوبه مته عرسكم؟

عطي نفسج وقت .. وحاولي معاه بكل الطرق

اهو يا انه صج دفش وطبيعته جذي ما تتغير

او ان دفاشته بسبب انه ماعاشر غير ربعه فا ما يعرف شلون يعامل الانثى

لو باءت كل محاولاتج بلفشل فا وخري عنه وانتي بنت قبل لا يدخل عليج .. منفصله احسن من مطلقه فعليه

ولا تنسين استخارة الكبار بهالامور

 

[قمر بيت أبوها]

الله يعينك بصراحه يحطم حييييل اجل سوالفه عن الفراش بد ال مايسالك عن اللي تحبين وتكرهين ومواهبك
يسال عن الطباخ يمه منه يخوف الله يعوضك بالرجال الكفو

 

[مـزآج ــــية]

كلمي امج بالموضوع لانها اكثر وحدة تبي مصلحتج

و استخيري عشان رَبّـ❤ـيٌ يساعدج انج تعرفين الطريج اللي فيه خير لج

 

[MISS_PURPL]

لازم اتكلمين واحد من اهلج وتصارحوا مع بعض ،،، يعني اذا الريال هذا عيبه ، يمكن يتغير مع الوقت ويتعلم على أطباعج ،، ولمن يحبج يتغير لا تستعجلين ، الناس الحين ادور الرياييل ادواره

 

[kookiz]

توج ع البر
والله وقعدي مع اهلج وبلغيهم بكل شي من البدااايه
واهوا كلميه قوليله جذي وجذي وهذي التصرفات
موحلوه ولا احد يتقبلها
نفع معاه زين ع زين مانفع معاه
الانفصال اريح لج وتوج صغيره والنصيب يايج

:rerrerek::rerrerek::rerrerek::rerrerek::rerrerek:

 

[حبيبي فهوودي]

ذكرتني زوجي فيه منه من دفاشته مافيه صبر وامحسه ذرب حتى قدامي هاذاني احاول اغير بزوجي بسس يبيلي صبر الله يعينج ويعيني ويسهل علينا هالرجاجيل يجبون الالم..

 

[Om Ghanem 75]

واااي حبيبتي الله يعينج

هذي المشكلة الزواج في مجتمعاتنا مثل الرقية يا تصيب يا تخيب

المهم أنا مابي أشيشج على الريال ،،،بس مثل ما قالت وحدة من الخوات ريلج مو دفش ريلج قليل الادب و وقح،،،، بس انت قبل لا تخطين أي خطوة قعدي معاه قعدة جدية و قوليله كل اللي بخاطرج بأسلوب حلو و واضح ،،، إذا شفتي منه تجاوب و مستعد يتغير كملي معاه بس حاولي تمددين فترة الملجة شوي لين تتأكدين ان فعلا شوي شوي قعد يتغير ،،، اذا رد عليج بوقاحة و قلة أدب أنا أقول الانفصال أفضل دامج ليلحيين على البر ما دخل عليج ،، و الله يعوضج باللي أحسن منه إن شاء الله

و على حجي الناس،، الناس ما راح تعيش حياتج عنج و لا راح تعطيج عمر غير عمرج ،، أهم شي راحتج و سعادتج

و ربي يوفقج

 

[Wild Cat 007]

up up

 

[* Snow White *]

امبييييييه! الله يعينج! انفصلي عنه! دام للحين ماصار عرس الحمدلله! انا بنت اخوي جذي بيوم الملجه!
تدرين شسوت؟ راحت حق ابوها "اخوي" ويدها "ابوي" قالت لهم انا ما اقدر اعيش وياه! هذا كيت كيت كيت كيت
والله العظيم بيومها اخوي وابوي نادوه عندهم الدوانيه وافصخو الملجه عنها
وماشاءالله جم شهر الله عوضها باللي تتمناه واللي احسن منه بالف مره، الله يوفقها
هذا اولها جذي وياج.. عيل باجر شنو امبيه وقح لما قال اخربط احسن استغفرالله مو صاحي! قليل ايمان!
الله يكتب لج الخير يارب