تكملة رواية رماني حظي العاثر عليه قلت مابي اتاريني ميته فيه

[ღرحت فيهاღ]

اعتقد انا صاحبة الموضوع مو موسوية!!

حبيبتي سكروا روايتج وانا كملتها يعني لا تزعلين انشالله تكونين راضية انا طلبت من ملامح يوسفية واهي وافقت اني اكمل الرواية من موضوع ثاني عشان جذي :eh_s(7):

 

[ghla-galbi]

حبيبتي سكروا روايتج وانا كملتها يعني لا تزعلين انشالله تكونين راضية انا طلبت من ملامح يوسفية واهي وافقت اني اكمل الرواية من موضوع ثاني عشان جذي :eh_s(7):

ادري سكروها بدون علمي توني شفتها بعد ماشفت موضوعج
لاحبيبتي لو مستأذنه مني بعد ملامح يوسفيه ماراح ازعل
بس ماستأذنتي مني الصراحه زعلت وتضايقت واايد!
حطي نفسج مكاني وتخيلي كل وحده تدخل تحط بارت في روايه انتي منزلتها شنو بتكون ردت فعلج!

 

[ღرحت فيهاღ]

ادري سكروها بدون علمي توني شفتها بعد ماشفت موضوعج
لاحبيبتي لو مستأذنه مني بعد ملامح يوسفيه ماراح ازعل
بس ماستأذنتي مني الصراحه زعلت وتضايقت واايد!
حطي نفسج مكاني وتخيلي كل وحده تدخل تحط بارت في روايه انتي منزلتها شنو بتكون ردت فعلج!

انا اسفة سامحيني :eh_s(2):

 

[ghla-galbi]

انا اسفة سامحيني :eh_s(2):

:|!

 

[ღرحت فيهاღ]

:|!

مافهمت شنو يعني

 

[اميرة al-koon]

ثنكيوو متحححمسة ة ة ة مرةة
يابت ياغلا عماله تصرخي وتعيطي خلي الدنيأ سهآلآت
فديتكم

 

[ღرحت فيهاღ]

ثنكيوو متحححمسة ة ة ة مرةة
يابت ياغلا عماله تصرخي وتعيطي خلي الدنيأ سهآلآت
فديتكم

يسلم بؤك ياختي
اي وغلوي انا اسفة مرة ثانية

 

[عمري فـداك]

????????????????????????????????????????????????????????????????

 

[ღرحت فيهاღ]

بناااااااااات ارد واذكركم الكاتبة قالت البارت بعد ماتخلص امتحاناتها لانه اهيه ثانوية

 

[ღرحت فيهاღ]

قوة بنوتات البنية سكرت الرواية بس راح تفتحها لمن تكتب البارت

 

[ღرحت فيهاღ]

قووة الحيين بنزل لكم البارت

 

[ღرحت فيهاღ]

وهذا هو البارت


قراءة ممتعة للجيمع



~ البارت التاسع والثلاثون ~




.. بعد يومين ..

.. يوم ملجة أحمد&زهرة..
كانوا محتاسين وحالتهم حوسه ولويه .. أم أحمد بإستعجال: يلااا تأخرنا على الصالون
أم وضحى وهي تلبس العباية: هذاني خلصت .. يلاا
طلعوا من البيت متجهين لـ الصالون .. قاعدة في الغرفة مكتئبة من يوم ما عرفت بإلي ببطنها وهي تحس بكئابه وحزن .. خلااص ماعاد فيها تصيح لأن دموعها انشفت .. من يومين هي تفكر بطريقة تسقط فيه وفعلاا حصلت أفكار وايد .. بس كلما تبي تنفذها تتراجع وشي قوي يصرخ فيها "حرااااام هذا ولدج" .. هزت راسها بقوة وكأنها بـ هل حركة قدرت تنفض افكارها .. وضحى: يا رب
رفعت تلفونها واتصلت بـ سلمى .. صديقتها إلي وقفت معاها وساندتها في أصعب المحن


.. في بيت أبو سامي .. من يومين وهي تهتم فيه بكل شي .. بأكله وشربه وحتى في مواعيد الدواء .. هو كان مرتاح من معاملتها له واهتمامها فيه .. تمنى يكون دوم مريض علشان تكون معاه .. مع إن كان يتمنى إن البرود والهدوء إلي تتعامل معاه وخصوصاً رسميتها بالكلاام إلي يقهره يتغير ..


.. في الشقة .. منسدحة على سريرها تلعب بخصلات شعرها الناعمة وسارحه بـ فكرها .. قطع عليها صوت التلفون .. رفعته وجافت المتصل "طلال" .. رمت التلفون بعيد عنها وهي متضايقة .. وزادت ضيقتها لما تذكرت إلي صار .. سمعت صوت طق على باب غرفتها .. سكتت وما ردت لأن مالها نفس تتكلم مع أحد .. كان واقف ينتظر الاذن بس ما سمع حس .. مد يده لمقبض الباب ودخل راسه يطل .. طالعته بـ لاا مبالاة وصدت عنه بنظرها .. ابتسم ودخل وسكر الباب .. جاسم: ممكن أدخل ..!!
طالعته بتعجب .. ما قدرت تمسك نفسها .. ريما: لاا مو من صجك يعني داخل ومسكر الباب وما ناقص غير تقعد وتوك تستأذن ؟؟
اتسعت ابتسامته أكثر .. في هـ اللحظة رجع تلفونها يرن .. جاسم بتسائل: ليش ما تردين ؟؟
ريما بهدوء: هذا أكيد طلال
قعد على الزاوية الثانية من السرير ورفع تلفونها وجاف المتصل فعلاا "طلال" .. جاسم : ليش ما تبين تردين عليه حرام هو شنو ذنبه ..! وبعدين لين متى بتظلين على هالحال .. هو صحيح أنا لحد الآن ما أعرف شنو سالفتكم بس متأكد إن السالفة جايدة
ريما بضيق: مالي نفس أتكلم في هالموضوع لأن بكل صراحة يضايقني .. آآه لو أقدر أنسى الماضي كان أنا بخير
مسك يدها وقام ساحبها .. جاسم: يلاا بسرعة بدلي راح نطلع
سحبت يدها من يده وهي مالها نفس .. ريما: مالي نفس
هز راسه برفض وبصرار .. جاسم: قومي راح آخذج على المطعم إلي وديتج ذيك المرة
طالعته برفعت حاجب .. ريما بإبتسامه: مو من صجك ..!!
جاسم بإبتسامه: يلااا أنتظرج بره
تركها وطلع .. ناظرت الباب وهي مبتسمه ومر عليها إلي صار قبل يومين

)***(****)***(****)***(
سحبت يدها من ييده .. ريما: أترك يدي
جاسم بإصرار: راح أوديج لمكان ينسيج الهم إلي إنتي فيه
مشت وراه بصمت وهي مو عاجبها إلي يصير .. وفجأة جافت نفسها واقفة جدام مطعم .. طالعته بإستغراب .. ناظرها وابتسم .. جاسم: تارارارا وصالنا
رفعت حاجب بإستنكار .. ريما: الحين تبي تقنعني إن هالمكان ينسك الهم
جاسم بفلسفه: طبعاً أنا لما أتضايق أروح لأي مطعم ومن أجوف الأكل أنسى همومي كلها
ريما بإستغراب: من صجك ؟؟
جاسم وهو يغمز لها: جربي وبتجوفين
)***(****)***(****)***(

صحت من هالذكرى وهي مبتسمه .. ريما بهمس: أهبل


.. في بيت أبو أحمد .. رايحه راده بتوتر .. سلمى بملل: بس يا وضحى وترتيني معاج
وضحى بتعب: أبي حل يا سلمى لاازم أحصل حل وله خلااص أنا راح أنتهي
سلمى بتفكير: والله قاعدة افكر فكري معاي إنتي بعد
وضحى بهدوء: يعني شنو تبين أفكر لج فيه كل ما قلت لج فكره ما عجبتج .. مالي إلي أعطيج من أفكار الروايات الخرافية .. أذله وأخليه يحبني
تنهدت بيأس ..سلمى: أوووف .........(وفجأة صرخت).. حصلتها .. تدرين إنج عبقرية .. ضمتها وصارت تبوس فيها
طالعتها بإستغراب .. وضحى: لاا شكل الحمل مأثر علي وعلى سمعي وبقوة
سلمى بإبتسامه: أوافقج لأن إلي أفكر فيه فعلاا شي مقزز وما أعتقد إنج بتحملينه بس ملزومة .. يعني في كل الحالات أنتي راجعه له راجعة بس قبل لاازم تذلينه وتدفعينه ثمن كل شي سواه فيج .. بخليه يموت على الأرض إلي تمشين عليها ..
وضحى: شلووووون ..!!!
سلمى بإبتسامه: أنا بقول لج شلون .. سمعي ...................................


..في بيت أبو جاسم .. وقفت وهي مصدومة .. منى: شنووووو..!!
أبو جاسم بصرامه: إلي سمعتيه .. وجهزي نفسج بكرة الصبح بروح معاج للفحص
.. طلع تاركها بصدمتها .. نزلت دمعه وتبعتها دمعه وتبعها سيل من الدموع .. حست بالقهر والظلم من قرار أبوها إلي حدد مصيرها ومستقبلها بروحه وكأن حياته مو حياتها هي .. كرهت نفسها وكرهت إلي اسمه سالم وكرهت كل شي في هالدنيا .. حست إن أبواب السعادة كلها تسكرت في ويها .. وما عاد في شي ممكن يضحك لها ..

.. في قاعة الأفراح .. الاغاني ماليه صداها أرجاء المكان .. والكل فرحان منهم إلي يرقص ومنهم من يحش .. ومنهم ومنهم ومنهم .. بس كان أهم من فيهم فرحت أم العروس والمعرس في هاليوم .. كانت واقفة يم العروس في غرفة العرايس تناظر زوجة ولدها .. حست بغصة وهي تطالع فيها مو مرتاحة لها بس شنو بيدها ولدها يبيها وبدى بنت عمته عليها .. وفي نفسها "الله يسعدك يا ولدي .. الله يسعدك ويهديك" .. حست بيد تطبطب عليها .. لفت وناظرتها .. أم وضحى: ابتسمي ولاا تشيلين هم .. خلااص أنا عارفه بإلي تفكرين فيه بس هذا النصيب
هزت راسها موافقتها الراي .. أم أحمد: أدري والله بس إنتي و وضحى غالين علي وأنا إن هالزيجة مضايقتكم
أم وضحى: سبق وقلت لج من قبل هالشي على كثر ما حزني إلي إني ما أتمنى له غير السعادة وبنتي توها صغيره وعيال الحلال وايدين .. وإن شاء الله إيي إلي يسعدها ويهنيها
قطع عليهم صوت أم زهرة: يا أم أحمد قولي حق احمد يدخل يصور
أم أحمد وهي ترفع التلفون: الحين أدق عليه وأقول له




تابع .. لحد يرد لين أكتب نهاية البارت ..!!

 

[ღرحت فيهاღ]

..
تابع البارت ~تسع وثلاثين~

في أحد مطاعم لندن .. قاعدين مجابلين بعض .. جاسم: هااا شنو تبين أطلب لج
حطت يدها على خدها .. ريما بإبتسامه: على ذوقك
طالعها وهو مستغرب .. جاسم: غريبة اليوم راضيه علي ومبتسمه في ويههي .. وين طالعه الشمس
ريما على نفس وضعها: بصراحة صاير هالأيام تضحكني .. يعني للحين أحاول أستوعب إن ممكن شخص متضايق وما تروح ضيقته إلا لما يجوف الأكل ..!! بصراحة واحد مثلك المفروض يكون دبدوووب من قلب بعد
جاسم بضحكه: هههههههههههه
قطع عليهم النادل .. وطلب له ولها على ذوقه .. جاسم بهدوء: أممم بصراحة ما ودي أعكر صوف الجو إلي أحنى فيه بس ممكن اسألج عن أ.....
قاطعته وهي متضايقه .. ريما: بليز مو الحين أنا مو في مزاج اتكلم .. سوري بس أنا حالياً فعلااً أبي أنسى .. تعرف تمنيت واايد إني أفقد الذاكرة ساعتها أكيد بعيش مرتاحة ..
جاسم : ساعتها بتعيشين بحيرة وأكيد راح تنبشين في أوراق الماضي وتحاولين تتذكرين .. وساعتها فعلاا نفسيتج راح تتعب
ريما بإبتسامه: إلي يسمعك يقول عندك خبره ومجرب
جاسم بإبتسامه مشابهه: هذي أختي منوي مأثره علي .. ماعلي شرها ترى
ريما بضحكه: هههه وحليلها .. والله لها وحشه
حس إنها تبي تضيع السالفة وما تبي أي شي يتعلق بـ موضوعها ..



.. واقفه عند الدريشة وتناظر بالميدلية إلي بين يدها .. نهلة: شنو سر هالميدلية ؟؟ .. وربي حاسه إن فيها بلى بس شنوو
قطع عليها سرحانها صوت تلفونها .. رفعته وكان المتصل "فاتي" .. ردت بهدوء: آلووو هلاا فاتي
فاتي بعيله: طلعي بسرررعه في سيارة قاعدة تحوم عند البيت و واضح إنها تترصدج ..
لفت نظرها لبعيد بما إنها واقفة عند الدريشة تناظر .. وفعلاا حصلت سيارة سودة جيب تحوم رايحه راده .. ومن بعيد لمحت اثنين واقفين يراقبون الشارع .. طلعت بسرعة من الغرفة ووخذت شنطتها .. لاازم تلهيهم وتبعدهم عن البيت .. نهلة بهمس: ما لاازم يجوفون الجثة .. لاازم يصدقون إني هنري
.. طلعت من الباب الرئيسي وصارت تمشي بسرعة وتناظر ساعة يدها .. رن تلفونها بـ هاللحظة .. رفعته من دون ما تجوف المتصل .. نهلة :آلووو
فاتي بصراخ: يا المينونه قلت لج تطلعين بس مو جذي كان طلعتي من الباب الخلفي مو جدامهم الحين يمكن يذبحونج ..!!
قاطعتها تهديها .. نهلة: فاتي بليز ظلي مكانج ولاا تقربين مني مهما صار سمعتي لاا تحاتيني أنا اعرف شنو أسوي
فاتي بقهر: تدرين إنج وحده متهورة وغبية و..
قاطعتها.. نهلة :مطره اسكر باي
سكرت الخط في ويها وهي تراقب بعيونها مثل الصقر .. لكل التحراكات إلي تصير من حولها .. وفجأة إلتم حواليها أربعة أشخاص محاصرينها من كل صوب ...........!!!!



نهاية البارت

 

[ღرحت فيهاღ]

هذا هوو البارت


قراءة ممتعة للجميع





~~ تكملة البارت التاسع والثلاثون ~~




.. واقفه عند الدريشة وتناظر بالميدلية إلي بين يدها .. نهلة: شنو سر هالميدلية ؟؟ .. وربي حاسه إن فيها بلى بس شنوو
قطع عليها سرحانها صوت تلفونها .. رفعته وكان المتصل "فاتي" .. ردت بهدوء: آلووو هلاا فاتي
فاتي بعيله: طلعي بسرررعه في سيارة قاعدة تحوم عند البيت و واضح إنها تترصدج ..
لفت نظرها لبعيد بما إنها واقفة عند الدريشة تناظر .. وفعلاا حصلت سيارة سودة جيب تحوم رايحه راده .. ومن بعيد لمحت اثنين واقفين يراقبون الشارع .. طلعت بسرعة من الغرفة ووخذت شنطتها .. لاازم تلهيهم وتبعدهم عن البيت .. نهلة بهمس: ما لاازم يجوفون الجثة .. لاازم يصدقون إني هنري
.. طلعت من الباب الرئيسي وصارت تمشي بسرعة وتناظر ساعة يدها .. رن تلفونها بـ هاللحظة .. رفعته من دون ما تجوف المتصل .. نهلة :آلووو
فاتي بصراخ: يا المينونه قلت لج تطلعين بس مو جذي كان طلعتي من الباب الخلفي مو جدامهم الحين يمكن يذبحونج ..!!
قاطعتها تهديها .. نهلة: فاتي بليز ظلي مكانج ولاا تقربين مني مهما صار سمعتي لاا تحاتيني أنا اعرف شنو أسوي
فاتي بقهر: تدرين إنج وحده متهورة وغبية و..
قاطعتها.. نهلة :مطره اسكر باي
سكرت الخط في ويها وهي تراقب بعيونها مثل الصقر .. لكل التحراكات إلي تصير من حولها .. وفجأة إلتم حواليها أربعة أشخاص محاصرينها من كل صوب .. كانوا ضخام البنية ..الأصلع بإبتسامه خبيثة: (We have a letter from Mr. Kevin .. Strongly recommended and delivered to you)
)لدينا رسالة من السيد كافين.. و وصى بشدة على تسليمها لك(
هنري **نهلة** بإستهزاء Really .. I have a message for him too)
(حقاً .. وأنا لدي رسالة له أيضاً)
غمز الاصلع وكأنه يعطي إشارة لـ زميله .. شاحت بنظرها عنه وطالعت الثلااث إلي واقفين يمها جافت منهم واحد مليان ويهه تاتوا يهز راسه وكأنه تلقى الرسالة .. وفي لحظة جافته يقرب منها بسرعه وهو قابض قبضت يده موجه لكمه لوجهها .. بكل رشاقة وإحترافيه مسكت يده صادته وموجه لكمه برجلها على وجهه

http://forums.graaam.com/images/images_thumbs/876f7a99118e0c21ccdd4d4538d3309b.gif

في هاللحظة قرب منها الشخص الثالث من الخلف .. وبحركه سريعة قدرت تلتف عليه .. مسكته من كتوفه وعاقت ارجوله مما أختل في توازنه .. وقدرت ترميه على الأرض ..

http://up.graaam.com/img/5be98b62da695a9e5fc9d7f640c72c98.jpg


http://up.graaam.com/img/1b2979f3e30bf87c8d1a96dd9f3749da.jpg

لفت بنظرها وناظرت الأصلع قابض على يده وصرخ وهو يقرب منها مسرع وقافز علشان تكون اللكمه اقوى بس هي بكل رشاقة أتخذت وضعيتها ورافعة رجولها بضربة قوية على بطنه

http://up.graaam.com/img/294e123b4b4c10db6c6c4866425fd6f9.jpg


سقط على الارض ماسك بطنه من الألم .. مو قادر يسند طوله ويوقف .. التفت للشخص الرابع إلي كان ماسك بيده مضرب

http://up.graaam.com/img/48367bc8c41475d94799fa0b32045c39.jpg

كان مقرب منها بسرعة محاول ضربها بـ المضرب مسكت يده صاده الضربه

http://up.graaam.com/img/155defbd0776fbc99c85934a5136bf60.jpg

بعدها سددت له لكمه على وجهه بكل قوة

http://up.graaam.com/img/7473e03c9af6cba6e9070ed00884669b.jpg

.. كانوا يصعدون الدري وهم يسولفون .. وصلوا لـ باب الشقة .. وقفت تناظر إلي واقف عند الباب يناظرها بلوم .. أشاحت بنظرها بعيد عن عيونه .. ناظر فيهم .. جاسم:هلاا طلال
طلال بهدوء:هلاا فيك .. (ناظرها) شدعوه مافي حتى سلاام أو هلاا بأخوي .. لهدرجه يعني ماخذه بخاطرج علي .. ترى مالي ذنب بإلي صار
ريما بهدوء: أدري إن مالك ذنب .. بس أنا ..
طلال: بس أنتي شنوو؟؟
فتح باب الشقة ودخل .. جاسم: دخلوا داخل وتفاهموا براحتكم
.. دخلت سابقة أخوها للصالة .. دخل وراها وهو محتار منها ومن صدها وزعلها عليه ..!!
أما هو فدخل غرفته تاركهم يقعدون براحتهم .. في نفس الوقت علشان يقدر ينفذ إلي يبيه .. رفع تلفونه واتصل على صديقه "خالد" ..


.. في البحرين .. في بيت أبو أحمد .. وضحى بصدمه: شنووووووووو..!! لااا إنتي أكيد مينونه ولاا عقلج صار فيه شي .. مستحيل إلي تطلبين مني أسويه مستحيل .. أنا من بعد ما صار لي إلي صار حرمت أرجع وآخذ بـ هالنصيحة مرة ثانية مستحيل
سلمى بهدوء: إنتي فكري فيها .. وضحى أصحي على نفسج وجوفي وين مصلحتج .. يلاا يا قلبي أنا الحين مطره أمشي .. لأن قايله حق أمي إني ما بتأخر
قامت وهي تبوسها .. وضحى: مشكوورة يا قلبي على وقفتج معاي .. أكلمج بكرة غن شاء الله
سلمى: إن شاء الله .. وفكري بكلاامي بليز
هزت راسها .. وضحى: أوكي



.. في اليوم الثاني ..


.. على الساعة 4 وربع الصبح .. كانت الشقة هدوء ما يعمها أي صوت .. فجـأة شوه صوت السكون بـ صرخة .. صحت ووهي ترتجف .. صارت تناظر ما حولها تحس إن الغرفة كلماها وتضيق عليها .. حست بكتمة .. ريما: أعوذ بالله من الشيطان الرجيم أعوذ بالله من الشيطان الرجيم ..
بدت الدموع تنزل بدون أحساس والكابوس مازال راسخ في مخيلتها .. حطت يدها على راسها وانشجت بـ البكاء .. حست بيد تمسح على شعرها رفعت راسها وتلااقت عيونها الغرقانه بالدموع بـ عيونه المكسوه بالحنان .. صار يقرا عليها يحاول يهدي من روعتها .. وشوي شوي بدت تهدى وتستكين .. نامت بدون ما تحس بنفسها ..


.. في البحرين .. في بيت أبو سامي .. قاعد على السرير وفي حضنه اللآب توب .. دخلت الغرفة جافته مندمج .. وهي متجهه لـ الاستواليت (التسريحة) ..نهى :بس أرحم نفسك أنت تعبان وتحتاج راحة ترى الشغل لااحق عليه
ما زالت عيونه على الجهاز.. سامي: أنا الحمد الله صرت أحسن .. وبعدين لاازم أجوف شغلي واايد تراكم علي .. ما أقدر أخليه يتراكم أكثر من جذي
بعد ما سرحت شعرها .. قربت من السرير وقعدت يمه .. مدت يدها لـ جبهته تتحسس حرارته .. نهى: للحين فيك حرارة ..
أول ما حطت يدها على جبهته ناظر فيها وهو مبتسم .. سامي: تدرين ودي أظل مريض للأبد علشان ما أنحرم من هالإهتمام
ضربت كتفه على خفيف .. نهى بـ عصبية مخالطها الخجل: بلاا سخافة
تكتف وهو مازال مبتسم .. سامي: طيب ليش عصبتي؟
شاحت بنظرها عنه وهي ماده بوزها .. نهى: تدري شلون أنا أقوم أحس لي من مجابله ويهك
مسك يدها قبل لاا تقوم .. سامي: ممكن سؤال ؟
ما تدري ليش أرتبكت من طلبه .. نهى: اسأل
وهو يتمعن بعيونها بس هي صدت عنه . سامي: بالأول حطي عيونج بعيوني
ناظرت عيونها في عيونه تنتظره يكمل .. سامي: للحين تكرهيني مثل قبل؟؟
زادت ربكتها من سؤاله .. حاولت تبعد نظرها عن عيونه بس ما قدرت .. سامي بهدوء: بكل صراحة رجاءاً
نهى لاا إرادياً:..........................


نهاية البارت

توقعاااتكمـ...؟؟؟



تحياتي للجميع

 

[ღرحت فيهاღ]

الحييين يوم حطيت البارت ماكو بس يوم اطنش تلوموني لوووم لا خلاص انا زعلت بس بحط البارت لعيونكم فديييتكم

 

[ღرحت فيهاღ]

البارت الاربعين

. في البحرين .. في بيت أبو سامي .. قاعد على السرير وفي حضنه اللآب توب .. دخلت الغرفة جافته مندمج .. وهي متجهه لـ الاستواليت (التسريحة) ..نهى :بس أرحم نفسك أنت تعبان وتحتاج راحة ترى الشغل لااحق عليه
ما زالت عيونه على الجهاز.. سامي: أنا الحمد الله صرت أحسن .. وبعدين لاازم أجوف شغلي واايد تراكم علي .. ما أقدر أخليه يتراكم أكثر من جذي
بعد ما سرحت شعرها .. قربت من السرير وقعدت يمه .. مدت يدها لـ جبهته تتحسس حرارته .. نهى: للحين فيك حرارة ..
أول ما حطت يدها على جبهته ناظر فيها وهو مبتسم .. سامي: تدرين ودي أظل مريض للأبد علشان ما أنحرم من هالإهتمام
ضربت كتفه على خفيف .. نهى بـ عصبية مخالطها الخجل: بلاا سخافة
تكتف وهو مازال مبتسم .. سامي: طيب ليش عصبتي؟
شاحت بنظرها عنه وهي ماده بوزها .. نهى: تدري شلون أنا أقوم أحس لي من مجابله ويهك
مسك يدها قبل لاا تقوم .. سامي: ممكن سؤال ؟
ما تدري ليش أرتبكت من طلبه .. نهى: اسأل
وهو يتمعن بعيونها بس هي صدت عنه . سامي: بالأول حطي عيونج بعيوني
ناظرت عيونها في عيونه تنتظره يكمل .. سامي: للحين تكرهيني مثل قبل؟؟
زادت ربكتها من سؤاله .. حاولت تبعد نظرها عن عيونه بس ما قدرت .. سامي بهدوء: بكل صراحة رجاءاً
نهى لاا إرادياً: ما اكرهك .. (وبتبرير) .. بس هم ما أحبك يعني تقدر تقول متقبله وجودك في حياتي .. يعني لاا تصدق روحك واايد
اتسعت ابتسامته وقرب ويهه منها .. ارتبكت ورجعت لورا بس قبضت يده على يدها منعتها انها ترجع اكثر من مسافه بسيطه .. حط شفايفه عند أذونها .. سامي بهمس: وأنا ما طلبت اكثر من جذي
بعد شوي عنها وناظر بعيونها إلي وضح عليها الربكة والحيرة .. سكر اللآب توب بيده اليسار وبعده عن حضنه وهو مازال ماسك فيها بيده اليمين ..ما تدري ليش بس انفجعت من حركاته .. نهى: شتسوي .. أتركني .. سامي لاا تخليني أصارخ وقعد عمي وعمتي
سامي بضحكه: هههههههه أتحداج
سكتت ما أعرفت شنو تقول له .. هي فعلااً ما تقدر تصرخ وتفضح نفسها .. فجأة سحبها لحضنه ضمها لـ صدره .. سامي بهمس: أوعدج إني ما أخون بالوعد .. صدقيني ما راح أقرب لج من غير رضاج .. بس أتمنى ما تحرميني من أبسط شي وهو قربج صدقيني يكفيني .. وما أبي أكثر حالياً راضي بإلي أنا فيه .. أرحمي قلبي تكفين ..
كانت مستكينه بحضنه مستسلمه على الآخر .. ما قاومت ولاا أصلاا كانت ناوية تقاومه .. هي بعد تعبت من وضعهم .. ودها تقول له خلااص خل نبدأ بداية جديدة .. بس مو قادرة كبرياءها مو سامح لها تتنازل .. كلاامه لها كان مثل الملح لما ينرش على الجرح يوجع .. دمعت عيونها وهي تقاوم صقوطها .. بس ما قدرت في هاللحظة قدرتها على التماسك تلاشت كلياً وكل إلي قدرت عليه هي إنها تطلق سراح دموعها لعل وعسى يخفف عليها ..


.. في بيت أبو جاسم .. طول الليل ما نامت تحس النوم مجافي عيونها .. كانت تحاول تفكر بـ أي شي ممكن يخلي هـ الزيجة ما تتم .. بس ما حصلت .. كانت تبي تتصل على أختها وتطلب مساعدتها بس ماحبت تضايقها .. سمعت طق على الباب عرفت إن هذا أبوها .. منى بصوت مبحوح: تفضل
دخل وهو لاابس ثوب وشماغ .. أبو جاسم: يلاا للحين ما لبستي مو أنا قايل لج إن على الساعة 7 ونص نطلع من البيت علشان التحاليل
تنهدت بيأس .. منى: طيب ثواني بس أغسل وألبس عباتي
أبو جاسم بـ حنان: إي عفيه على بنتي الشاطرة يلاا أنا أنتظرج تحت لاا تبطين علي عاد
منى وهي متجهه للحمام (انتوا والكرامه):إن شاء الله


.. في بيت أبو أحمد .. قاعدة في الصالة تناظر الأكل إلي على الطاولة وهي مالها نفس للأكل .. تذكرت كلاام الدكتورة شلون وصتها على الأكل وإنها لاازم تتغذا عدل علشان صحت إلي في بطنها .. لما تذكرت حست بضيق وتذكرت مصيبتها وفجأة طرا عليها كلاام سلمى وعن خطتها .. هزت راسها وكأنها تحاول نفض هـ الذكريات من بالها .. تبي تنسى لو دقايق بس وترتاح من التفكير .. أم وضحى: شفيج ؟؟ ليش ما تاكلين
ناظرت بأمها ودها لو تطيح بحضنها وتقول لها كل إلي فيها يمكن ترتاح .. بس ما تقدر .. وضحى: ولاا شي بس مو مشتهية
أم وضحى بـ حنان: يا قلبي أنا عارفه إلي فيج وفاهمة حزنج وتعبج وضيقج بس كل شي يمج والنصيب وهو خلااص راح بنصيبه والله يكتب لج بإلي أحسن منه .. لاا تتكدرين ولاا شي
في لحظة تسلل الخوف لـ قلبها لما قالت لها إنها تعرف إلي فيها .. بس سرعان ما قدرت تلقط أنفاسها وهي تسمع باقي كلاامها .. ابتسم بسخرية وضحى: الله يهداج يماا .. إنتي تعتقدين إني حزنانة ومتحسرة على عمري علشان إن هو تزوج .. بطقاق ترى هو ما يهمني ولاا تنسين إني أنا إلي طلبت الطلاق .. من زينه عاد علشان أتحسر عليه وع
وصل لها صوته واضح عليه القهر .. أحمد: مو منج من حرتج إني طلقتج وخذت إلي تسواج .. شكلج ماجفتي نفسج في المنظرة
وقفت وخصرت له .. وضحى: تخسي هـ الوسخه هذي تسواني .. ولو على قولتك عن شكلي نسيت شـ... سكتت وهي تتذكر شي كان غافل عن مخها طول هـ الفترة .. وفجأة تذكرت كلاام سلمى وقامت تربط بين الأثنين .. ناظرت فيه وهي خلااص أتخذت قرارها المصيري .. طالعها بإستغراب من تغلب ملامح ويهها وسكوتها المفاجئ .. مشت بسرعة صاعده لـ غرفتها بدون ما تعطيه أدنى أهتمام .. سكرت الباب عليها وراحت لـ تلفونها وضغطت على رقمها .. صارت تنتظر الرد .. ودقايق وصل لـ مسامعها صوتها .. سلمى:آآلووو
وضحى بدون مقدمات: أنا موافقة .. راح أنفذ خطتج بكل حوافيرها


.. في لندن .. حصت من النوم متكيسله ومالها خلق شي .. قامت من على السرير تتمقط وهي تحك راسها متجهه للحمام (انتوا والكرامة) .. توها بتفتح باب الحمام جافت ورقة ملصوقه عليه .. وقفت تقراها ..
((أنا رحت الجامعة بسلم البروجكت .. رجاءاً لاا تطلعين من الشقة وإذا أي أحد طق الباب أو اتصل على التلفون بليز لاا تردين .. وبلاا تهور سمعتي يا نهلة أعرفج ما تعيشين بدون أكشن))
ابتسمت وهي تهز راسها بالإيجاب .. نهلة بصوت ناعس: مشكلتها تعرفني
دخلت الحمام تاخذ لها شاور ينشطها بعد يوم أمس المجهد لـ كل طاقتها ..


.. في الجامعة .. بعد ما سلمت البروجكت طلعت من مكتب الدكتور وهي متوجهه للكافتيريا تشتري ريوق لها و لـ نهلة .. صادفت بـ الصدفة وليد إلي أول ما جافها شق الحلج وقرب لها: هلااا فتووم شخبارج ؟
ناظرت ساعة يدها مستعيلة .. فاتي: بخير الحمد الله أنت شخبارك؟
زليد بإبتسامه: بخير .. خير شفيج شكلج مستعيله وأنا أخرتج
فاتي بربكة: هاا لاا لااا عاادي
حك راسه وهو مبتسم .. وليد: أوكي ما أعطلج عيل .. بس حبيت أسلم وإي قالوا لج باقي الشلة عن الرحلة ؟؟
عقدت حواجبها بإستغراب: أي رحلة ؟؟ لاا محد قال لي
وليد: إلي أقترح إن نطلع رحلة هو جاسم .. يقول علشان إلي صار وإن منحرج منا ويبي يعوض لنا وفي نفس الوقت علشان نتعرف على ريما
ابتسمت بفرح وخطرت على بالها فكرة .. فاتي: حلووو ليش لاا بس يصير أعزم هنري على الرحلة منه بعد هو يتعرف عليكم وإنتوا تتعرفون عليه أكثر
وليد: أمم والله أنا أجوف إن عاادي وبصراحة حبيب هـ الهنري على إني أحسه بصراحة بناتي هههههه شكله والله
فاتي بضحكه : هههههههههههههههههه لاا حرام عليك .. إلا ما قلت لي متى و وين
وليد: بعد بكرة لأن بعده اجازة الويكيند علشان نستمتع بالرحلة .. بنروح لـ أديمرا
نقزت بفرح .. فاتي: وااو وناااسة .. طيب مو مشكلة وأنا بتصل لـ هنري بعد وبخبره .. يلااا جااو
وليد: باي


.. في البحرين .. بعد ما خلصوا سحب دم .. ركبت السيارة تنتظر أبوها .. سندت راسها على السيت ومرت عليها ذكرى أمس ..

&*&*&*&*&*&
كانت ضايقة الدنيا فيها .. مو عارفة شنو تسوي .. ودها لو تجوف هـ المبارك علشان تهزء فيه ابتسمت على هالفكرة .. في نفسها "إي صح ليش ما اتصل له واشرشحه واهزء فيه لين ما أطلع كل إلي بقلبي وبعدها اسكر التلفون في ويهه .. يمكن ساعتها يهون إن يرتبط فيني" ..
رفعت تلفونها وكلها اصرار بإلي راح تسويه .. كان يرن ويرن .. وفجأة وصل لمسامعها صوت رجولي .. مبارك: آلوو
منى:......................
مبارك: آآلوو .. آآلووو ..
حست إلسانها إنربط مو قادرة تقول كلمة وحده حست كل شجاعتها في لحظة سماعها صوته تلااشت والحروف ما عاد تقدر تنطق فيها .. منى: .....................
مبارك بصوت هامس: أنا عارف إنج منى وأعارف سبب اتصالج .. وتصدقين كنت أتمنى هـ التصال من فترة .. وتوقعت إن هالشي مستحيل لين ما نملج .. بس طلعت غلطان ..
منى:............................
مبارك وهو يتنهد: طيب مو لاازم تتكلمين .. بس سمعيني ..أنا قبل كل شي حاب أعتذر على سوء الفهم إلي صار ما بينا في أول اتصال .. وبعدين تراني شاريج والله ثم والله إني فعلاا شاريج وأبيج .. وأتمنى فكرت إنج أرخيصة تشيلينها من بالج نهائياً .. وصدقيني لما تكونين حلالي وعلى ذمتي راح أبرهن لج هالشي ..
ما قدرت تستحمل وعلى طول سكرت الخط في ويهه .. زفرت بقهر وهي تسب نفسها على لحظة ضعفها وإنها ما رادت عليه .. وإنقرت أكثر من شتامته فيها وإن يعايرها بإلي سواه أبوها ..
&*&*&*&*&*&

صحت من هالذكري المؤلمه بـ النسبة لها .. على صوت سكرت باب السيارة .. في مستشفى الـ.. .. خصوصاً في مكتب مبارك .. قاعد ورا مكتبه يقرأ تقرير مريض عنده .. رن تلفونه .. ناظره وجاف المتصل "ثامر" ابتسم وهو يرد .. مبارك: آلوو هلاا والله
ثامر: هلاا فيك .. شخبارك
مبارك براحة: تمااام التماام لله الحمد
ثامر: أووف أووف ما شاء الله ما شاء الله ما أبي أعطيك عين بس اليوم النفسة عال العال
مبارك بإبتسامه: إي الحمد الله .. آآه وراك ما تدري من متصل علي أمس وعدل مزاجي لليوم وشكله لـ اسبوع جدام
ثامر: مو مصجك ..؟؟ .. منوا هذا دلني عليه محتاج أحد يعدل مزاجي لـ سنة جدام بعد مو أسبوع
مبارك بغيره: يلاا مناك هذا إلي قاصر بعد .. هذا بس لي أنا وبس لأنها بتصير حرمي عن قريب العاجل
ثامر بصوت متفاجئ: لاااا تقوول ..!! ما أصدق وين إلي ضارب عن الزواج وما يفكر ولاا هم يحزنون .. بس ما قلت لي من بنته؟؟
مبارك بإستغراب: شنو من بنته .. أمداك نسيتن بنت أبوجاسم إلي قلت لك عليه
ثامر بعدم أستوعاب: منى ..! بتاخذ منى ما غيرها .. والله ياخوك من سمعتك تمدح وطاير .. قلت حب وحده وبيتزوجها .. ما توقعت إنها نفسها منى إلي قلبت الدنيا وما قعدتها إن ما تاخذها .. شلي صار وتغير ..!!
مبارك بمرح: آآه يا ثامر شكلي طحت ومحد سمى علي
ثامر بضحكه: هههههههه والله شكله مو بس طحت إلا تدحربت وتشقلبت وكل شي على ويهك بعد
مبارك برومانسية: آآه والله إنك صادق


.. في لندن .. في الشقة .. ريما بتردد:مو لاازم أروح
جاسم بإصرار: لاا والله إنتي أول وحده بتروح .. ترى الكل موصي على روحتج
رفعت حاجب مو عاجبها الوضع.. ريما: من متى؟؟ يعني هم ما يعرفوني علشان يلزمون علي الروحه
جاسم بإقناع: قبل لاا يعرفون إنج إخت طلال وزوجتي .. يعني الحين كل شي إختلف وصرتي شخص لاابد إنهم يعرفونج ..
هزت راسها برفض .. ريما: لاا مابي .. قول لهم تعبانة مريضة ألف لهم أي عذر
جاسم بحزم: جوفي عاد أنا قلت لج بتروحين بتروحين لو أحملج على جتوفي .. ترى والله أسويها
وقفت وهي منقهره منه .. طقت أرجولها بالأرض معترضه .. ريما بعصبيه: مابي يعني مابي ومو على كيفك تجبرني أروح .. وأقولها لك من الحين لاا تحاول روحه مب رايحه
كتف يدينه وهو يناظر فيها بتحدي .. جاسم: أنا قلت إلي عندي وهذاني أعيد للمرة الأخيرة .. والله إذا ما جهزتي نفسج لاا أحملج على كتوفي للقطار ترى أسويها .. هذاني حلف لج بعد
طلع من غرفتها تاركها منقهره من أسلوبه وتهديده .. وفي نفس الوقت خايفة منه ومن إن فعلااً ينفذ كلامه خصوصاً من بعد حلفه .. ريما بقهر: أوووووووووووووووف

نهاية البارت

توقعاتكم ؟؟؟؟

تحياتي للجميع

 

[عمري فـداك]

للرفـــــــــــع

 

[ღرحت فيهاღ]

للرفـــــــــــع

ثانكس حياتي

 

[ღرحت فيهاღ]

حبايبي الكاتبة ليلحين مانزلت البارت انا بنطرها وانشالله اول ماتنزل البارت انزله لكم

 

[اميرة al-koon]

اووة يلآ قلبوشتي كمملي