السلاام عليكم
سوري حبايبي بس النت عندي يعلق
قراءة ممتعة
~ البارت الثامن والأربعون ~
.. في شركة الـ... .. تمشي في الممرات وهي تبتسم والسعادة ماليه قلبها بسبب عودتها .. كان يجوف فرحتها ويبتسم و وده ما يصير شي عكر صفو سعادتها .. سامي بحب: تو ما نورت الشركة
نهى بـ فرح: آآه إي والله توه ما نورت بـ وجودي .. أنا ما أدري شلون كنتوا تداومون في الظلاام
سامي بـ ضحكة: هههههه حدج ثقة
ضغطت على زر المصعد إلي انفتح وكان فاضي .. دخلت نهى وهي تعدل شيلتها: أكيد لاازم أوثق لأن هذا الصج
دخل خلفها وتسكر باب المصعد .. حط يده على خدها الأيسر وشد عليه .. سامي: مغرورة
بعدت يده عن خدها وهي مغمضة عيونها .. نهى: آآخ يا الدفش أنت على بالك حنى في البيت
حرك حواجبه بـ غيض.. سامي: إنتي زوجتي في كل مكان
انفتح باب المصعد وطلعت وهي تهمس .. نهى: حبي بليز بلاا حركات تخرب برستيجي
سامي بـ ضحكة: هههه أوك لـ عيونج
.. وصلوا لـ مكتبها .. سامي بـ مزح: دخلي بـ ريلج اليمين
نهى بـ ضحكة: ههههه حسستني عاد
فتحت باب المكتب ودخلت وهي تبتسم .. نهى: آآه كل شي مثل ما تركته مافي شي متغير
سامي وهو يعدل غترته (شماغه): متأكدة مافي شي مغير..؟؟
ناظرت المكان بتدقيق .. نهى وهي تهز راسها: إي .. مافي شي جديد أو غريب
سحبها من يدها للمكتب و وقف حذاله .. سامي: والحين
رفعت حاجبها الأيمن .. نهى: مافي شي ..؟؟
سامي بـ ترقب: متأكدة
نهى وهي تبتسم: إي متأكدة
تنهد وهو يهز راسه بأسى .. سامي: شكلج ما تجوفين عدل تحتاجين نظارة
ضحكت وهي تتخصر .. نهى: ههههههههه ليش؟
أشر لها على الموجود فوق المكتب .. سامي: لأنج ما جفتي هذا
طالعت مكان ما أشر وشهقت .. نهى: إي والله ما جفته
طالعها بـ نص عين .. سامي: أقول لج تحتاجين نظارة
حطت يدها على فمها وهي تضحك .. نهى: ههههههههه
سحب البرواز من على المكتب وتعداها .. سامي: يالله أخليج مع شغلج
مسكت يده وهي رافعة حاجب .. نهى: قول والله أنت
سامي وهو يمثل الغباء: والله ..!!
نهى يقال إنها معصبة: عطني البرواز
هز راسه بنفي .. سامي: لاا صورتي وكيفي
عضت على شفايفها بـ دلع وصارت تسبل بـ عيونها .. نهى: تكسر بـ خاطري يعني
حس نفسه ذاب من دلعها .. سامي بـ همس: شكلج ناوية على نفسج لاا تقعدين تتدلعين علي ترى وربي بـ تهور ولاا يعوقني بشر
توردت خدودها وهي تطق كتفه .. نهى: يلاا برا لاا تفضحنا
نزل البرواز إلي فيه صورته على المكتب وهو يبتسم .. سامي: أوكي
.. طلع من المكتب تاركها وهي عاضة على شفايفها السفليه وخدودها للحين مولعين ..
.. في أنبره ..
.. في القطار .. حاطه يدها على خدها والذكريات تعصف ذاكرتها ..
..:|:|:|:..
دخلت البيت وهي مرتبكة وخايفة .. سمعت صوت من الجهه الخلفية للبيت .. ركضت لـ ناحية الصوت وقلبها كل ماله وتزيد دقاته .. وصلت للمكان وعلى طول خبت نفسها خلف شجرة كبيرة .. كانت الدنيا ظلمة والوقت متأخر .. مدت راسها لـ جدام علشا تقدر تجوف شنو قاعد يصير .. كان في إضاءة خفيفة يا دوب تبين وجود أشخاص .. صغرت عيونها وهي تناظر بـ تركيز .. إتنين واقفين و واحد قاعد على كرسي .. واحد من الواقفين(1): Will get your punishment.. henry
(سوف تنال عقابك .. يا هنري)
حاول يقوم بس واحد من الواقفين مسكه وقعده على الكرسي (2): I sit and do not move
(أجلس ولاا تتحرك)
هنري بـ صراخ: Let me
(دعوني)
قرب منه (1) ومسكاه من ياقت قميصه وعطاه بوكس من قوته طاح مع الكرسي إلي كان قاعد عليه .. حط يده خلف جاكيته وطلع مسدس فيه كاتم صوت .. وجهه لـ هنري وأطلق عليه رصاصتين ..
(2) كان يتلفت بـ حذر يجوف المكان .. ولما حس إن المكان أمان قرب من (1) ومسكاه من يده :let go
(دعنا نذهب)
(1) وهو ما زال واقف: What about his body?
(ماذا عن جثته؟)
(2) وهو يهز راسه:
Do not worry you will not feel one of us . Because his body will not discover until after the days when the smell out Because there is no one I come to visit
(لا تقلق لن يشعر بنا أحد .. لأن لن يكتشفوا جثته إلا بعد أيام عند خروج الرائحة لأن وحيد ولاا يأتي أحد لـ زيارته)
هز (1) راسه وكأنه اطمئن .. ومشوا مسرعين خرجين من المكان بدون ما يحسون بـ العيون إلي كانت تناظر بـ دهشة وخوف
لما تأكدت من مغادرتهم المكان قررت تتجهه للجثة .. قربت منها وجميع أطرافها ترتجف .. لأول مرة في حياتها تناظر جثة ولاا مقتولة جدام عيونها .. جحظت عيونها من الهلع والخوف .. وهي تجوف الدم مغرق الجثة .. حست إنها راح تستفرغ (تكرمون) .. قعدت على الأرض وهي محتارة مو عارفة شنو تسوي .. فجأة قامت من مكانها كأنها مقروصة .. وتوجهة بسرعة لـ داخل البيت .. إلي كان يقال عنه أقل من بيت من كبر حجمه كان فلــة كبيــرة ..!!
دخلت وهي شوي تتعثر بـ خطواتها .. للحين مو قادرة تسند طولها من هول إلي جافته .. قعدت على أقرب كنبة جافتها .. أرخت راسها والأفكار قامت تتضارب في مخها .. حاولت تهدي نفسها علشان تقدر تفكر صح .. بعد ما يقارب 10 دقايق .. هدأت نسبياً وفي نفسها "ليش أبوي كاتب العنوان وتحته ثلااث خطوط حمر وكأنه شي مهم .. أممم أكيد هـ البيت فيه شي .. طيب منو هذا الشخص إلي قتلوه وليش قالوا إن وحيد ومحد راح يكتشف الجثة إلا لما تخيس جثته .. هذا معناه شي واحد إن ما عنده أهل ممكن أحتمال .. وإحتمل ثاني بعد إن يكون متغرب وعايش في لندن .. طيب هو شنو شغلته؟ يعني ممكن يكون منظم للمافيا .. أممم لاا لاا ما أعتقد لو منظم ما راح يذبحونه .. وليش لاا هذولاا ما يعرفون صديق من عدو كل شي جايز .. طيب أنا الحين شنو لاازم أسوي أمممم إي أول شي أقوم أفتش البيت شبر شبر .. بس لاازم ما أثرك آثار بـ صمات لي إي .. الحمد الله يايبه غفازاتي احتياط" .. طلعت غفازها من شنطة الكتف إلي عليها .. ولبستها وقامت تفتش في البيت شبر شبر لين تعبت وييأست وما حصلت أي شي غير أوراق شخصية وجواز سفر وكتب جامعة .. قاعده على السرير وحاطة يدها على راسها .. نهلة: أفففف يا ربي ولاا شي فيه .. أممم يمكن أبوي حط عليه خطوط على إن راعي البيت هذا شخص مهم لاا أكثر ممكن أحتمال .. واحـ... (سكتت فجأة وكأنها انتبهت على شغله) .. ممكن يكون في غرفه سرية إي يعني لو أنا رجل مافيا وعندي أوراق أو اسلحة لاازم بيكون في مكان خاص وسري محد يجوفه أو يعرفه .. طيب وين ممكن تكون هـ الغرفة
.. وقفت وهي محتارة وصارت تمشي وهي تفكر .. وتناظر كل مكان تطيح عيونها عليه بـ كل تمعن .. زفرت بأسى وهي مستسلمه .. نهلة: شكله مافي لاا غرفة ولاا هم يحزنون
.. قررت تطلع من البيت لأن وجودها مال أمه داعي .. وهي تمشي تعثرت وطاحت .. نهلة وهي ماسكة رجلها: آآخ
نزلت عيونها تناظر كاحلها بس لفت إنتباها عتبه بـ شكل دائرة على زاوية عند ارجولها .. عقدت حواجبها ومدت يدها للعتبه وضغطت عليه بس ما صار شي .. عضت شفيفها وقررت تدورها .. وأول ما دارتها جهة اليسار جافت الجدار إلي عند المكتب ينفتح .. ونقزت واقفه ناسية ألم كاحلها .. ودخلت على طول وهي مو مصدقة عيونها .. .. كان مخزن مليان أوراق وصور ملصوقه على الجدران .. وتحت كل صورة كلاام .. وبعض الصور مرسوم عليها × .. عقدت حواجبها وهي تجوف كارتون أسود على كرسي .. قربت وفتحته توسعت عيونها وهي تناظر مسدس وبندقة مع علي رصاص .. بلعت ريجها وهي تمد يدها للمسدس وتحمله بيد مرتجفه ..
..:|:|:|:..
.. في البحرين ..
.. في شركة الـ.. .. بعد ما خلص الإجتماع وطلع الكل .. قامت وهي تلحقه لـ خارج المكتب .. ظبية بـ رسمة: أستاذ ثامر أنا بطلع الحين للبيت آخذ أغراضي وبعدها مباشرة بـ روح للمطار
وقف في مكانه ولف ناحيتها .. ثامر بـ هدوء: أوكي مو مشكلة بس لاا تتأخرين
هزت راسها بـ موافقة وهي تبتسم .. ظبية: إن شاء الله عن إذنك
تركته ومشت عنه قبل لاا تسمع أي رد منه .. وعلى طول توجهت لـ مكتبها خذت شنطتها وطلعت من الشركة ..
.. في بيت أبو جاسم .. قاعدة تطلع الإكسسوارات إلي شرتهم وتحطهم في العلبة المخصصة .. عقدت حواجبها يوم تذكرت الشخص إلي دعمت فيه .. وفي نفسها "يا ربي شكله مو غريب جايفته في مكان بس وين .. أممم يمكن مشبهه عليه أحد أففف وأنا شـ علي منه" .. هزت راسها وهي مادة بوزها سكرت العلبة .. وقامت طالعه من غرفتها وهي تحس بـ ملل مو طبيعي وهي متحسرة إنها غايبة عن المدرسة اليوم .. جافت أمها لاابسة العباية وبتطلع .. منى بـ طفش: وين بتروحين وتاركتني بروحي ..؟؟
رفعت حاجبها .. أم جاسم: والله محد قال لج غيبي كان رحتي لـ مدرستج أبرك لج وهذا آخر سنة لج وكل يومين غايبة عزت الله نجحتي
لوت بوزها على برد وكأنه مو عاجبها الكلاام .. منى: ما يسوى علي سألتج كلتيني .. يما حبيبتي إنتي خذيني معاج حدي ممللة وزهقااانة
تنهدت بـ قلة حيلة .. أم جاسم: بروح لـ أم أحمد أبارك لها لـ زواج ولدها مع إن ولدها خذ له أسبوعين من ملج بس ما كان عندي وقت
هزت راسها وهي مترددة .. منى: أممم أوك ثواني أبدل وأيي معاج
راحت وقعدت على الكنبة إلي في الصالة .. أم جاسم: بسرعة لاا أتأخر على المره
.. في بيت أبو أحمد .. قاعدة في الصالة تفرفر في التلفزيون بـ ملل .. وفي حضنها بوب كورن بـ الكريما .. جافت أمها طالعه من غرفتها وهي كاشخة بـ جلاابية زيتية .. ابتسمت وهي تناظر فيها .. وضحى: أوب أوب شـ الجمال شـ الكشخة بـ صراحة غطيتي على بنات الخليج كلهم
ضحكت وهي تحرك راسها .. أم وضحى: ههههههههه عاد بنات الخليج كلهم لو قايله عجايز الخيلج يمكن أصدق هههههههه
حطت ملت البوب كرون على الطاولة إلي حذالها وقامت متجهه لـ أمها وهي تبتسم .. وضحى: وه فديتج والله إنج حلـوة وإلي يجوفج ما يحط عليج إلاا 30
ضربتها بـ خفه على راسها .. أم وضحى: أقول بـ لاا صواريخ .. وضيح يما روحي غيري ملاابسج وكشخي اليوم راح يزورونا خوات أم أحمد ونسوان نعرفهم
رفعت حاجب بإستغراب .. وضحى: أوه من متى المحبة علشان يزورونا خالاات أحمدو وبعدين غريبة عزمين النسوان بعد شـ صاير لاا يكون حفلة اليوم وأنا ما أدري
طقتها على كتفها وهي معصبه .. أم وضحى: أقول روحي فوق وغيري ملاابسج وكشخي ونزلي وما عليج من شي ثاني .. كل إلي عليج تقعدين وإنتي راسج مرفوع ولاا تبينين لهم إنج منكسره بسبب طلااقج و زواج أحمد
حست بـ غصه وهي تتذكر شـ كثر خالاته يكرهونها ويحقدون عليها هم وبناتهم .. بس ابتسمت وهي مقررة بينها وبين نفسها تكون قوية .. وضحى بـإبتسامه: أفا عليج أساساً ولاا همني
مشت عن أمها صاعدة فوق لـ غرفتها علشان تكشخ وتبط عيونهم ..
.. في أنبره ..
.. وقف القطار يعلن عن وصول الركاب لـ محطة لندن .. حست بـ دقات قلبها تزيد .. ارتعشت أناملها وهي تحس بـ أحد يحضن يدها .. لفت تناظر الشخص وزفرت بـ راحة وهي تجوف "فاتي" ماسكه يدها وتبتسم وكأنها تطمنها .. بالتها الإبتسامه وهي تلف للموجودين تناظرهم
.. طلال بهدوء: يلاا ننفذ الخطة
وقفوا ومشوا متجهين لـ باب القطار علشان يطلعون منه .. لبست الكاب والشنطة بين يدها طلعوا أول شي "خالد" وعلى يمينه "طلال" وخلف "سنا" وخلفها "ريما" وعلى يمينها "جاسم" وعلى يساره "فاتي" وعلى يمينها "وليد" وخلفه مباشرة "نواف" ويمه "عبدالرحمن" .. أما نهلة فـ كانت في وسطهم تمشي .. كانوا مثل الدائرة حوالين "نهلـة" وكانوا قراب من بعض وايد وترتيبهم على الطول علشان تضيع الحسبة وما تتلاحظ بـ وسطهم .. مشوا كلهم بـ إتجاه واحد وهم يسولفون ويضحكون علشان ما يثيرون الشبهه .. توجههوا إلى الحمامات (انتوا والكرامة) .. والكل تفرع يدخل الحمام وطبعاً هي دخلت حمام الرجال .. والحمد الله إرتاحت لما جافت الحمام فاضي ومافي غير هم .. فتحت شنطتها بسرعة وطلعت الشنب ولبسته مع الحواجب وبعدها لبست مال التقويم وبروكة شعر أشقر ولبست نظارة .. ناظرت نفسها في المنظرة وابتسمت بـ راحة .. نهلة وهي تخشن صوتها: يلاا خلصت
ضحك عليها هو يحك خشمه .. نواف: قسم بـ الله شكلك ولد
حركت ياقت القميص إلي لاابسته وهي تبتسم .. نهلة بـ صوت خشن: أحم أحم
ناظروا بعض وما قدروا يمسكون ضحكتهم .. الكل: هههههههههههه
طلال وهو يدزها لـ جدام: يلا يا فتحي
ضربت صدرها وهي لااويه بوزها .. نهلة: وع فتحي عاد قول حمود علوي مو فتحي .. وبعدين أنا شكلي أجنبي يعني ما يطيح علي غير ماكس أو جون أممم مايكل .. والله مايكل حلو
هز راسه موافق .. خالد: خلااص مايكل يلاا خلصنا
شقت الحلج وطلعت وطلعوا وراها وهم يحسون بـ راحة نسبية لـ عدم معرفتها ..
نهــــــــاية البارت
توقعاتكمـ...؟؟؟
تحياتي للجميع
