تعالي معاي نجهز روحنا حق رمضان & اسراري في ادارة وقتي من غير خدامه

[حرم راشد الماجد]

موضوووعك جمييييييييل بسم الله عليك

سيفته عندي صراحه يجنن لرمضااان مع اني ماشتغل بروحي امي واختي معي بس طبخاتك وافكارك روعه صراحه لان احيننا اذا صرنا نسوي الفطور ننحاس ويصير مليون شغله تقابلينها

مجهود تشكرين عليه حبيبتي

( الله يبلغنا وياكم الشهر لافاقدين ولا مفقودين يارب)

تسلميييييييييييين حياتي عالرد

وعساج من عواده مقدما :eh_s(7):

 

[حرم راشد الماجد]

الطبقة الاولى
باوند كيك بالفانيليا


الطبقه الثانيه
نص علبة فيلادلفيا 300 جرام
علبتين قيمر كي دي دي
نص علبة كريمه
نص قلاص حليب

الطبقه الثالثه
قالب قمر دين منقوع لمدة 12 ساعه بماي حااااااااااااااار
جيلي مشمش
علبة عصير مانجا كي دي دي
نص كوب مشمش مجففه ومقطعه قطع صغيره جدا


اول شي نصف الكيك بقالب متحرك القاعده
بعدين بخلاط الكيك نخلط مقادير الطبقه الثانيه لين تصير ثقيله نصبها فوق الطبقه الاولى ندخلها الثلاجه لمده 12 ساعه في هذه الاثناء نحضر قمر الدين تحطين القالب بطاسه وتصبين عليه ماي حار قلاصين تقريبا
بعدين لما تصك الطبقه الاولى
نخلط القمر دين مع الماي عدل راح يصير عندج مثل العصيرالغليظ خففيه بعصير المانجا وحضري الجلي اغلي قلاص ماي عالنار وحطي ظرف الجلي لما يغلي مره ثانيه رفعي من عالنار على طول صبي عليه قلاص ماي بارد وصبي الجلي عالعصير اللي عندج وحطي معاهم قطع المشمش وصبي فوق الطبقتين اللي عندج

راح تصير جذي
هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 3111x2239.



وبالعافيه على قلوبكم اذا تبون نكهة القمر دين مثل ماهي تسوونه مثل المهلبيه يعني تذوبين شوية نشا مع ماي بارد وتضيفينه عالعصير ( قمر الدين ) وتحطينه عالجوله لين يثقل بس الطريقه الاولى احلى بوايد

 

[حرم راشد الماجد]

الباف بيستري بالكيري والزعتر أو المربى


طبعا الباف بيستري ملك السرعه

تحطينه بصينية الفرن وتدهنينه بزبدة نتفه عشان ياخذ لون مع ان من غيره هم بيصير احمر بس ناشف شوي وتخلينه ينتفخ وتالي تحشينه


نوع 1 : مربى توت العليق الاسود ماركة دالفور >>>>>>>>>> لذييييييييييذ ومو شيره وايد تحبينه شيره اخذي ماركة العلالي
نوع 2 : تحشينه من داخل كيري ومن برا تدهنين زيت زيتون شويه وفوقه زعتر
نوع 3 : بالكاسترد تحطين قفشتين مسحوق الكاسترد مع علبة قيمر وتحشينه
نوع 4 : جبن تشيدر ماركة كرافت او اي ماركه بس كرافت مالحه فتعطي طعم

وتقسمينهم بأجياس وعالفريزر يولج ضيوف
طلعي وحطيه بالمايكرويف يصير شحلاته واذا عندج قلايه اقليهم شويه وهم الطعم روووووووعه

اللي بالكاسترد والمربى ممكن تحطين فوقه سكر بودره والمالح مايبيله هو مزين نفسه



العصافيري يااااااااااحلوه عقب الفطور مع القهوة

انا اسوي الطريقه هذي للامانه للعضوة ام مودي بمنتدى ثاني

بس روووووووووووعه
المقادير المطلوبة

1 كوب سميد ناعم
2 كوب طحين
1 م.ص.خميرة
2 م.ص.ب.ب
نص م.ص.ملح
3 اكواب ماء و ممكن تحتاجي اكتر انا مع نوعية الطحين اللي عندي احتجت اكتر و طبعا الماء دافي

الطريقة:
تخلط المواد الجافة مع بعضها..تذاب الخميرة مع كوب ماء دافي و شوية سكر...تضاف الى المواد الجافة و باقي الماء ايضا يضاف.
العجينة لازم تكون رخوة اي صبها سهل..لما تسكبيها بتنزل بسهولة و لكن انتبهي ما تكون سايلة زيادة عن اللزوم..و تترك تخمر تصف ساعة

و الان الصب.
حمي المقلاي و المستحسن تيفال جيدا...و بعد ذلك خففي النار بين العالي و الوسط

و ابدئي بالصب لعمل العصافيري حجم القطايف لازم يكون صغير انا استخدمت المقياس اللي بيجي مع الادوية و كان معيار ملعقة كبيرة و نص اي 15 مل
و اذا كانت للحشي و القلي فالحجم عادي..
بعد ان تضعيها في المقلا ستظهر الفقاقيع على الوجه و عندما تلاحظين ان الوجه بدا ينشف و من الاسفل صار اللون بني ارفعي القطايف و ضعيها على صنية و كملي صب القطايف و هكذا و بما ان القطايف ساخن بعد ان تضعيه على الصنية ارفعيه احسن يلزق بالصنية (صارت معي)بكم حبة


والقشطة

تحطين علبة قيمر مع علبة كريمه وتخلطينهم لين يثقلون واذا ثقلت تحطين 5 ملاعق ماي ورد 5 ملاعق ماي الزهر
وتحشينهم وفوقهم الشيره والفستق سهل وخفيف

 

[حرم راشد الماجد]

طبعا القشطه تحطينها عالنار لين تثقل

 

[أم تروفه]

روعه موضوعك انا الحمدلله على تقريبا سنتين على الفرزنه ومرتاحة مادش المطبخ الا بعد صلاة العصر

 

[الشيف نانا]

ماشاءالله تبارك الرحمن خوش موضوع ويستاهل التثبيت..
اللهم بلغنا رمضان واحنا بأحسن حال..

انا عن نفسي الحمدلله وايد منسقه وقتي وتجهيزاتي للرمضان,,اسوي ملف لشوربات والخفايف والحلويات البارد والقهوه والاطباق..والحمدلله اطباقي متنوعه كل يوم..

 

[حرم راشد الماجد]

روعه موضوعك انا الحمدلله على تقريبا سنتين على الفرزنه ومرتاحة مادش المطبخ الا بعد صلاة العصر

الله يعطيج العافيه حبيبتي وعساج من عواده :eh_s(7):

 

[حرم راشد الماجد]

ماشاءالله تبارك الرحمن خوش موضوع ويستاهل التثبيت..
اللهم بلغنا رمضان واحنا بأحسن حال..

انا عن نفسي الحمدلله وايد منسقه وقتي وتجهيزاتي للرمضان,,اسوي ملف لشوربات والخفايف والحلويات البارد والقهوه والاطباق..والحمدلله اطباقي متنوعه كل يوم..

غنيه عن التعريف طال عمرج انا شخصيا استفدت من وصفاتج واااااااااااااااااااااااااااايد الله يعطيج الصحه والعافيه ويبلغج رمضان وتعودينه كل سنه

 

[أحلى همبه كويتية]

ما شاء الله تبارك الرحمن
قتلتيني بهذا الطبق اللذيذ

عوافي على البك​

 

[أحلى همبه كويتية]

الطبقة الاولى
باوند كيك بالفانيليا


الطبقه الثانيه
نص علبة فيلادلفيا 300 جرام
علبتين قيمر كي دي دي
نص علبة كريمه
نص قلاص حليب

الطبقه الثالثه
قالب قمر دين منقوع لمدة 12 ساعه بماي حااااااااااااااار
جيلي مشمش
علبة عصير مانجا كي دي دي
نص كوب مشمش مجففه ومقطعه قطع صغيره جدا


اول شي نصف الكيك بقالب متحرك القاعده
بعدين بخلاط الكيك نخلط مقادير الطبقه الثانيه لين تصير ثقيله نصبها فوق الطبقه الاولى ندخلها الثلاجه لمده 12 ساعه في هذه الاثناء نحضر قمر الدين تحطين القالب بطاسه وتصبين عليه ماي حار قلاصين تقريبا
بعدين لما تصك الطبقه الاولى
نخلط القمر دين مع الماي عدل راح يصير عندج مثل العصيرالغليظ خففيه بعصير المانجا وحضري الجلي اغلي قلاص ماي عالنار وحطي ظرف الجلي لما يغلي مره ثانيه رفعي من عالنار على طول صبي عليه قلاص ماي بارد وصبي الجلي عالعصير اللي عندج وحطي معاهم قطع المشمش وصبي فوق الطبقتين اللي عندج

راح تصير جذي
هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 3111x2239.



وبالعافيه على قلوبكم اذا تبون نكهة القمر دين مثل ماهي تسوونه مثل المهلبيه يعني تذوبين شوية نشا مع ماي بارد وتضيفينه عالعصير ( قمر الدين ) وتحطينه عالجوله لين يثقل بس الطريقه الاولى احلى بوايد

يسلموووووووووووووووووووووووووووووو :eh_s(17):


وين الصورة مو طالعه :eh_s(11):​

 

[نووووونا]

مشكوره عالافكار الحلوه

 

[فيلجاويه كيوت]

يسلموووووووووو

 

[ناتشوو]

تبارك الرحمن
يعطيج الف عافية
جد موضوع
يهبل
الله يتقبل منا صالح اعمالنا ويتجاوز عن سيئاتنا
برجع له لمزيد من التركيز
عجبتني الصينية
اللي من تأليفج واخراجج
هاليومين بسويها
عاد هاليومين
قاعدة افكر
ودي اجمع اطباق تنفع لرمضان

وطرى علي
نقدر نثلج الدجاج المسحب
يعني اسلقه وابهره واحمسه وكل شي
واطلعه عند الاستخدام ؟

انا عندي خادمة بس
احب اطبخ بنفسي

 

[ناتشوو]

من وين كبة العيش( بطاط وعيش)
اذكر قبلللل سنييين
اسويها مع خواتي
بس ابي جاهزة
شنو احسن شركة ؟

 

[حرم راشد الماجد]

يسلموووووووووووووووووووووووووووووو :eh_s(17):


وين الصورة مو طالعه :eh_s(11):​

ان شاء الله انزلها لكم مره ثانيه

 

[حرم راشد الماجد]

مشكوره عالافكار الحلوه

يسلموووووووووو

ان شاء الله انزلها لكم مره ثانيه

تبارك الرحمن
يعطيج الف عافية
جد موضوع
يهبل
الله يتقبل منا صالح اعمالنا ويتجاوز عن سيئاتنا
برجع له لمزيد من التركيز
عجبتني الصينية
اللي من تأليفج واخراجج
هاليومين بسويها
عاد هاليومين
قاعدة افكر
ودي اجمع اطباق تنفع لرمضان

وطرى علي
نقدر نثلج الدجاج المسحب
يعني اسلقه وابهره واحمسه وكل شي
واطلعه عند الاستخدام ؟

انا عندي خادمة بس
احب اطبخ بنفسي

:eh_s(15): :eh_s(15):

صح ذكرتيني المسحب والشاورما بعد راح احطلكم اياها هاليومين بس افضا

 

[حرم راشد الماجد]

من وين كبة العيش( بطاط وعيش)
اذكر قبلللل سنييين
اسويها مع خواتي
بس ابي جاهزة
شنو احسن شركة ؟

في بالجمعيه كبه جاهزه تكون من مطاعم اتاكد من اسمها وابلغج

 

[شادن33]

متابعتج حرمرم بس بعد نبي اشياء سهله >>>>> وااااي كسلانه

ونبي شي فيه تمر عيالي ماياكلونه بروحه لازم ادعسه بشي ههههه

 

[حرم راشد الماجد]

متابعتج حرمرم بس بعد نبي اشياء سهله >>>>> وااااي كسلانه

ونبي شي فيه تمر عيالي ماياكلونه بروحه لازم ادعسه بشي ههههه

ان شاء الله حبيبتي تامرين بس اخلص من اللي عندي احطلج وصصفات سهله

وبالنسبه للتمر

انا احط مع الشيره العاديه مالتي دبس التمر لانها افيد من الشيرره يعني ملعقة شيره عليها 2 دبس تمر حق اللقيمات وربعها

وهم تقدرين تقصصين اي نوع فاكهة صغااااااااااااااااااااااااااار وتخلطينه مع المهلبيه والجيلي انا ابشر التفاح والتمر احط معاه كاكاو وهم عندج ديتلا عندهم تمر بالكاكاو والمكسرات اليهال يحبونها وايد


وبحط لج حلو التمر بالتوفي راح يعجبح ان شاء الله

 

[حرم راشد الماجد]

الحين مثل ما وعدتكم

أكلات المطاعم بالتفصيل الممل

نبلش من اول المنيو

السلطات والمقبلات

نبلش بالسلطات

كوب معكرونه حلزونيه ( مسلوقه )
بقدونس مقطع
فلفل بارد ملون شويه من كل لون حسب كمية اللي عندج

ذرة
صلصة ايطاليه

خلطي هذا على هذا وخليها لين تخلصين شغلج


سلطة 2

فاصوليا حمرا + فاصوليا بيضا
فلفل بارد اخضر
بصل ابيض شرائح

الصلصه : خل& سكر & ليمون & ملح شوية & زيت زيتون


سلطة 3
مكعبات كبيره بطاط مسلوقه بماء وملح
بقدونس

الصلصة ( مايونيز + شوية خل + ثوم +سكرشوية )
ملاحظة : الصلصة تحطينها عالبطاط وهو حار والصلصه تكونين مسويتها من قبل البطاط ومخليتها بالثلاجه فلما تحطين الحار عالبارد يتشرب الصوص


احنا هذي السلطات اللي نحبها




يتبع ...................................